दोलोत्सव विधि

श्लोक 1 (padma.6.83.1)

पार्वत्युवाच । सर्वेषां चैव मासानां विधिं ब्रूहि महेश्वर । महोत्सवः प्रकर्त्तव्यः को विधिस्तत्र संमतः

pārvatyuvāca sarveṣāṁ caiva māsānāṁ vidhiṁ brūhi maheśvara mahotsavaḥ prakarttavyaḥ ko vidhistatra saṁmataḥ

पार्वती ने कहा - हे महेश्वर! सभी महीनों की विधि बताइए। कौन-सा महोत्सव करना चाहिए, और उसकी क्या विधि मानी गई है?

श्लोक 2 (padma.6.83.2)

को देवः पूजनं कस्य महिमा कीदृशो भवेत् । कस्यां तिथौ प्रकर्त्तव्यं तन्मे वद सुरेश्वर

ko devaḥ pūjanaṁ kasya mahimā kīdṛśo bhavet kasyāṁ tithau prakarttavyaṁ tanme vada sureśvara

कौन-से देव की पूजा किसकी होनी चाहिए, उसकी क्या महिमा है, और किस तिथि पर वह करनी चाहिए - हे सुरेश्वर! यह मुझे बताइए।

श्लोक 3 (padma.6.83.3)

मासं प्रति किमुक्तं च वैष्णवान्पुण्यकर्मणः । धन्याहं कृतकृत्याहं सुभगाहं धरातले । विष्णोः कथां शृणोमीति दर्शनात्स्पर्शनात्तव

māsaṁ prati kimuktaṁ ca vaiṣṇavānpuṇyakarmaṇaḥ dhanyāhaṁ kṛtakṛtyāhaṁ subhagāhaṁ dharātale viṣṇoḥ kathāṁ śṛṇomīti darśanātsparśanāttava

प्रत्येक महीने के बारे में पुण्यकर्मा वैष्णवों के लिए क्या कहा गया है? मैं धन्य हूँ, कृतकृत्य हूँ, इस पृथ्वी पर सौभाग्यशाली हूँ, कि आपके दर्शन और स्पर्श से मैं विष्णु की कथा सुन रही हूँ।

श्लोक 4 (padma.6.83.4)

शिव उवाच । उत्सवानां विधिं ब्रूमो मासं प्रति तवानघे । यानाकर्ण्य पुनर्देवि गीतवादित्र हर्षिता

śiva uvāca utsavānāṁ vidhiṁ brūmo māsaṁ prati tavānaghe yānākarṇya punardevi gītavāditra harṣitā

शिव ने कहा - हे निष्पाप! मैं तुम्हें महीने-दर-महीने उत्सवों की विधि बताता हूँ, जिसे सुनकर, हे देवि! तुम पुनः गीत-वाद्य से हर्षित होगी।

श्लोक 5 (padma.6.83.5)

तत्रादौ च सिते पक्षे चैत्रमासे सुशोभने । एकादश्यां विशेषेण दोलारूढं प्रपूजयेत्

tatrādau ca site pakṣe caitramāse suśobhane ekādaśyāṁ viśeṣeṇa dolārūḍhaṁ prapūjayet

वहाँ सबसे पहले, सुंदर चैत्र मास के शुक्लपक्ष में, विशेष रूप से एकादशी को, दोलारूढ़ (झूले पर विराजमान) देव की पूजा करनी चाहिए।

श्लोक 6 (padma.6.83.6)

कुर्याद्भक्त्या सदा देवि उत्सवं विधिपूर्वकम् । दोलारूढं प्रपश्यंति कृष्णं कलिमलापहम्

kuryādbhaktyā sadā devi utsavaṁ vidhipūrvakam dolārūḍhaṁ prapaśyaṁti kṛṣṇaṁ kalimalāpaham

हे देवि! सदा भक्तिपूर्वक विधिवत् उत्सव करना चाहिए। जो लोग कलि के मल को हरने वाले कृष्ण को झूले पर विराजमान देखते हैं -

श्लोक 7 (padma.6.83.7)

अपराधसहस्रैस्तु मुक्तास्ते नगनंदिनि । तावत्तिष्ठंति पापानि कोटिजन्मकृतान्यपि

aparādhasahasraistu muktāste naganaṁdini tāvattiṣṭhaṁti pāpāni koṭijanmakṛtānyapi

- वे, हे पर्वतपुत्री! सहस्रों अपराधों से मुक्त हो जाते हैं। करोड़ों जन्मों में किए गए पाप भी तब तक बने रहते हैं -

श्लोक 8 (padma.6.83.8)

यावन्नांदोलयेद्देवं विश्वेशं विश्वनायकम् । कलौ वै ये प्रपश्यंति दोलारूढं जनार्दनम्

yāvannāṁdolayeddevaṁ viśveśaṁ viśvanāyakam kalau vai ye prapaśyaṁti dolārūḍhaṁ janārdanam

- जब तक कोई विश्व के स्वामी विश्वेश्वर को झुला न दे। कलियुग में जो लोग जनार्दन को झूले पर विराजमान देखते हैं -

श्लोक 9 (padma.6.83.9)

गोघ्नादिकाः प्रमुच्यंते का कथा इतरेष्वपि । दोलोत्सवे प्रहृष्टास्तु रुद्रेण सहिताः सुराः

goghnādikāḥ pramucyaṁte kā kathā itareṣvapi dolotsave prahṛṣṭāstu rudreṇa sahitāḥ surāḥ

- वे गौ-हत्या आदि पापों से भी मुक्त हो जाते हैं, फिर अन्य [छोटे पापों] की तो बात ही क्या! दोलोत्सव में हर्षित देवगण रुद्र सहित -

श्लोक 10 (padma.6.83.10)

कुर्वंति प्रांगणे नृत्यं गीतवाद्यं च हर्षिताः । ऋषयो गणगंधर्वा रंभाद्यप्सरसां गणाः

kurvaṁti prāṁgaṇe nṛtyaṁ gītavādyaṁ ca harṣitāḥ ṛṣayo gaṇagaṁdharvā raṁbhādyapsarasāṁ gaṇāḥ

- आँगन में नृत्य करते हैं, हर्षित होकर गीत-वाद्य बजाते हैं। ऋषिगण, गण, गंधर्व तथा रंभा आदि अप्सराओं के समूह -

श्लोक 11 (padma.6.83.11)

वासुकिप्रमुखा नागास्तथा देवाः सुरेश्वराः । दोलायां च समायांति विष्णुदर्शनलालसाः

vāsukipramukhā nāgāstathā devāḥ sureśvarāḥ dolāyāṁ ca samāyāṁti viṣṇudarśanalālasāḥ

- वासुकि आदि नाग तथा देवेश्वरगण, सभी विष्णु-दर्शन की लालसा से झूले पर आते हैं।

श्लोक 12 (padma.6.83.12)

दोलायात्रानिमित्तं तु दोलाह्ने मधुमाधवे । भूतानि संति भूपृष्ठे ये केचिद्देवयोनयः

dolāyātrānimittaṁ tu dolāhne madhumādhave bhūtāni saṁti bhūpṛṣṭhe ye keciddevayonayaḥ

झूला-यात्रा के निमित्त, चैत्र-वैशाख के झूला-दिवस पर, पृथ्वीतल पर जो भी दिव्य योनि के प्राणी हैं -

श्लोक 13 (padma.6.83.13)

समायांति महादेवि कृष्णे दोलास्थिते ध्रुवम् । विष्णुं दोलास्थितं दृष्ट्वा त्रैलोक्यस्योत्सवो भवेत्

samāyāṁti mahādevi kṛṣṇe dolāsthite dhruvam viṣṇuṁ dolāsthitaṁ dṛṣṭvā trailokyasyotsavo bhavet

- वे सब, हे महादेवि! निश्चय ही आते हैं जब कृष्ण झूले पर विराजमान होते हैं। विष्णु को झूले पर देखकर तीनों लोकों में उत्सव होता है।

श्लोक 14 (padma.6.83.14)

तस्मात्कार्यशतं त्यक्त्वा दोलाह्ने उत्सवं कुरु । प्रह्लादस्तु समायाति विष्णुर्दोलाधिरोहणम्

tasmātkāryaśataṁ tyaktvā dolāhne utsavaṁ kuru prahlādastu samāyāti viṣṇurdolādhirohaṇam

इसलिए सैकड़ों कार्यों को त्यागकर झूला-दिवस पर उत्सव करो। प्रह्लाद भी वर देने वाले विष्णु के झूले पर चढ़ने का स्मरण करते हुए वहाँ आता है।

श्लोक 15 (padma.6.83.15)

कुरुते च महादेवि वरदं तमनुस्मरन् । दोलास्थितस्य कृष्णस्य ये कुर्वंति प्रजागरम्

kurute ca mahādevi varadaṁ tamanusmaran dolāsthitasya kṛṣṇasya ye kurvaṁti prajāgaram

हे महादेवि! जो झूले पर विराजमान कृष्ण के लिए जागरण करते हैं -

श्लोक 16 (padma.6.83.16)

सर्वपुण्यफलप्राप्तिर्निमेषैकेन जायते । दोलायां संस्थितं विष्णुं पश्यंति मधुमाधवे

sarvapuṇyaphalaprāptirnimeṣaikena jāyate dolāyāṁ saṁsthitaṁ viṣṇuṁ paśyaṁti madhumādhave

- उन्हें पलक झपकते ही सभी पुण्यों का फल प्राप्त हो जाता है। वे मधु-माधव मास में झूले पर विराजमान विष्णु का दर्शन करते हैं,

श्लोक 17 (padma.6.83.17)

क्रीडंति विष्णुना सार्द्धं देवदेवेन वंदिताः । दक्षिणाभिमुखं देवं दोलारूढं सुरेश्वरि

krīḍaṁti viṣṇunā sārddhaṁ devadevena vaṁditāḥ dakṣiṇābhimukhaṁ devaṁ dolārūḍhaṁ sureśvari

- देवों के देव, सर्वपूजित विष्णु के साथ क्रीड़ा करते हैं। हे सुरेश्वरि! झूले पर दक्षिणाभिमुख विराजमान उस देव को -

श्लोक 18 (padma.6.83.18)

सकृद्दृष्ट्वा तु गोविंदं मुच्यते ब्रह्महत्यया । ॐ दोलारूढाय विद्महे माधवाय च धीमहि । तन्नो देवः प्रचोदयात्

sakṛddṛṣṭvā tu goviṁdaṁ mucyate brahmahatyayā oṁ dolārūḍhāya vidmahe mādhavāya ca dhīmahi tanno devaḥ pracodayāt

- एक बार भी देखकर मनुष्य गोविंद के दर्शन से ब्रह्महत्या से मुक्त हो जाता है। ॐ - हम दोलारूढ़ का ध्यान करते हैं, माधव का चिंतन करते हैं,

श्लोक 19 (padma.6.83.19)

इदं गायत्र्या पूजनम् । माधवाय गोविंदाय श्रीकंठाय नमोनमः । पूजनं मंत्रपूर्वं च कर्तव्यं विधिपूर्वकम्

idaṁ gāyatryā pūjanam mādhavāya goviṁdāya śrīkaṁṭhāya namonamaḥ pūjanaṁ maṁtrapūrvaṁ ca kartavyaṁ vidhipūrvakam

तन्नो देवः प्रचोदयात् - यह गायत्री द्वारा पूजन है। 'माधव को, गोविंद को, श्रीकंठ को बारंबार नमस्कार' - इस मंत्र से विधिपूर्वक पूजन करना चाहिए।

श्लोक 20 (padma.6.83.20)

गुरवे दक्षिणां दद्याद्यथाशक्त्या समाहितः । गायन्विष्णोः सदा भक्त्या परिपूर्णं ततो भवेत्

gurave dakṣiṇāṁ dadyādyathāśaktyā samāhitaḥ gāyanviṣṇoḥ sadā bhaktyā paripūrṇaṁ tato bhavet

एकाग्रचित्त होकर यथाशक्ति गुरु को दक्षिणा देनी चाहिए। सदा भक्तिपूर्वक विष्णु का गान करते हुए मनुष्य पूर्ण हो जाता है।

श्लोक 21 (padma.6.83.21)

किमन्यद्बहुनोक्तेन भूयो भूयो वरानने । दोलायां संस्थितो विष्णुः सर्वपापापहारकः

kimanyadbahunoktena bhūyo bhūyo varānane dolāyāṁ saṁsthito viṣṇuḥ sarvapāpāpahārakaḥ

हे वरानने! अधिक कहने से क्या लाभ? बार-बार कहता हूँ - झूले पर विराजमान विष्णु सभी पापों को हरने वाले हैं।

श्लोक 22 (padma.6.83.22)

पूजितो यैर्नरैः सम्यक्सदा सर्वं ददाति च । यत्र देवाः सगंधर्वाः किन्नरा ऋषयस्तथा

pūjito yairnaraiḥ samyaksadā sarvaṁ dadāti ca yatra devāḥ sagaṁdharvāḥ kinnarā ṛṣayastathā

जिन मनुष्यों ने उनकी भलीभाँति पूजा की है, वे सदा उन्हें सब कुछ प्रदान करते हैं। जहाँ गंधर्वों सहित देवगण, किन्नर तथा ऋषिगण -

श्लोक 23 (padma.6.83.23)

आयांति बहुधा तत्र दोलारूढे न संशयः

āyāṁti bahudhā tatra dolārūḍhe na saṁśayaḥ

- अनेक रूपों में वहाँ आते हैं, जब वे झूले पर विराजमान होते हैं, इसमें कोई संदेह नहीं।

श्लोक 24 (padma.6.83.24)

ॐ नमो भगवते वासुदेवायेति मंत्रेण पूजनं तत्र कारयेत् । षोडशोपचारैः पूजा च कर्तव्या विधिपूर्वकम् । धर्मार्थमुख्या ये कामास्ते सर्वे प्राप्नुयुर्ध्रुवम्

oṁ namo bhagavate vāsudevāyeti maṁtreṇa pūjanaṁ tatra kārayet ṣoḍaśopacāraiḥ pūjā ca kartavyā vidhipūrvakam dharmārthamukhyā ye kāmāste sarve prāpnuyurdhruvam

'ॐ नमो भगवते वासुदेवाय' इस मंत्र से वहाँ पूजन करवाना चाहिए। सोलह उपचारों से विधिपूर्वक पूजा करनी चाहिए। धर्म-अर्थ आदि प्रमुख जो भी कामनाएँ हों, वे सब निश्चय ही प्राप्त होती हैं।

श्लोक 25 (padma.6.83.25)

अंगन्यासं करन्यासं न्यासं शारीरकं च यत् । तत्सर्वं तु प्रकर्त्तव्यं मंत्रेणानेन सुव्रत

aṁganyāsaṁ karanyāsaṁ nyāsaṁ śārīrakaṁ ca yat tatsarvaṁ tu prakarttavyaṁ maṁtreṇānena suvrata

हे उत्तम व्रतधारी! अंग-न्यास, कर-न्यास तथा जो भी शारीरिक न्यास हो, वह सब इसी मंत्र से करना चाहिए।

श्लोक 26 (padma.6.83.26)

आगमोक्तेन मंत्रेण कर्त्तव्यो हि महोत्सवः । श्रीलक्ष्म्यासहितं देवं दोलायां च प्रकल्पयेत्

āgamoktena maṁtreṇa karttavyo hi mahotsavaḥ śrīlakṣmyāsahitaṁ devaṁ dolāyāṁ ca prakalpayet

आगम में कहे गए मंत्र से यह महोत्सव करना चाहिए। श्री लक्ष्मी सहित देव को झूले पर विराजमान करना चाहिए।

श्लोक 27 (padma.6.83.27)

देवाग्रे वैष्णवाः स्थाप्या नारदाद्याः सुरर्षयः । विष्वक्सेनादिका भक्ता स्थाप्यास्ते ह्यग्रतः सदा

devāgre vaiṣṇavāḥ sthāpyā nāradādyāḥ surarṣayaḥ viṣvaksenādikā bhaktā sthāpyāste hyagrataḥ sadā

देव के आगे नारद आदि देव-ऋषि वैष्णवों को स्थापित करना चाहिए; विष्वक्सेन आदि भक्तों को सदा उनके आगे स्थापित करना चाहिए।

श्लोक 28 (padma.6.83.28)

पंचवादित्रनिर्घोषैः कुर्यादारार्तिकं बुधः । यामे यामे तथा देवि पूजनीयः प्रयत्नतः

paṁcavāditranirghoṣaiḥ kuryādārārtikaṁ budhaḥ yāme yāme tathā devi pūjanīyaḥ prayatnataḥ

बुद्धिमान पुरुष को पाँच वाद्यों के घोष के साथ आरती करनी चाहिए। हे देवि! प्रत्येक प्रहर में यत्नपूर्वक पूजन करना चाहिए।

श्लोक 29 (padma.6.83.29)

नालिकेरैस्तथा शुभ्रैः कदलैर्वा तथा पुनः । अर्घं दद्यात्ततो देवि पूजनीयः प्रयत्नतः

nālikeraistathā śubhraiḥ kadalairvā tathā punaḥ arghaṁ dadyāttato devi pūjanīyaḥ prayatnataḥ

श्वेत नारियलों से अथवा केलों से, हे देवि! फिर अर्घ्य देना चाहिए; यत्नपूर्वक पूजन करना चाहिए।

श्लोक 30 (padma.6.83.30)

देवदेव जगन्नाथ शंखचक्रगदाधर । अर्घं गृहाण मे देव कृपां कुरु ममोपरि

devadeva jagannātha śaṁkhacakragadādhara arghaṁ gṛhāṇa me deva kṛpāṁ kuru mamopari

'हे देवाधिदेव! हे जगन्नाथ! हे शंख-चक्र-गदाधर! हे देव! मेरा यह अर्घ्य ग्रहण करें, मुझ पर कृपा करें।'

श्लोक 31 (padma.6.83.31)

तच्छेषं वैष्णवानां तु दद्यात्प्राच्छादिकं पुनः । वादनं नर्त्तनं तत्र कर्त्तव्यं वैष्णवैर्नरैः

taccheṣaṁ vaiṣṇavānāṁ tu dadyātprācchādikaṁ punaḥ vādanaṁ narttanaṁ tatra karttavyaṁ vaiṣṇavairnaraiḥ

उसका शेष भाग वैष्णवों को वस्त्र आदि सहित देना चाहिए। वहाँ भक्त पुरुषों द्वारा वाद्य और नृत्य करना चाहिए।

श्लोक 32 (padma.6.83.32)

आंदोलनं ततः सर्वैः कर्त्तव्यं च विशेषतः । पृथिव्यां यानि तीर्थानि क्षेत्राणि च सुरेश्वरि

āṁdolanaṁ tataḥ sarvaiḥ karttavyaṁ ca viśeṣataḥ pṛthivyāṁ yāni tīrthāni kṣetrāṇi ca sureśvari

फिर सभी को विशेष रूप से झूला झुलाना चाहिए। हे सुरेश्वरि! पृथ्वी पर जो भी तीर्थ और क्षेत्र हैं -

श्लोक 33 (padma.6.83.33)

सर्वान्येतानि वै तत्र द्रष्टुमायांति तद्दिने । एवं ज्ञात्वा सदा देवि कर्त्तव्यः सोत्सवो महान्

sarvānyetāni vai tatra draṣṭumāyāṁti taddine evaṁ jñātvā sadā devi karttavyaḥ sotsavo mahān

- वे सब उस दिन वहाँ [इस उत्सव को] देखने आते हैं। हे देवि! यह जानकर सदा यह महान उत्सव करना चाहिए।

श्लोक 34 (padma.6.83.34)

ब्राह्मणाः क्षत्रिया वैश्याः शूद्रा याश्चान्यजातयः । शंखचक्रगदाधारा ज्ञातव्या नगनंदिनि

brāhmaṇāḥ kṣatriyā vaiśyāḥ śūdrā yāścānyajātayaḥ śaṁkhacakragadādhārā jñātavyā naganaṁdini

ब्राह्मण, क्षत्रिय, वैश्य, शूद्र तथा अन्य सभी जातियाँ - हे पर्वतपुत्री! सभी को शंख-चक्र-गदा धारण करने वाले [भक्तों के रूप में] जानना चाहिए।