दमनकोत्सव विधि

श्लोक 1 (padma.6.84.1)

महादेव उवाच । अस्मिन्वै चैत्रमासे तु कार्यो दमनकोत्सवः । द्वादश्यां तु तथा सम्यग्विधिः कार्यो विशेषतः

mahādeva uvāca asminvai caitramāse tu kāryo damanakotsavaḥ dvādaśyāṁ tu tathā samyagvidhiḥ kāryo viśeṣataḥ

महादेव ने कहा - इसी चैत्र मास में दमनकोत्सव करना चाहिए। द्वादशी को ही विशेष रूप से इसकी विधि भलीभाँति करनी चाहिए।

श्लोक 2 (padma.6.84.2)

वैष्णवैः श्रद्धया पुण्यो जनतानंदवर्द्धनः । देवानंदसमुद्भूता दिव्या दमनमंजरी

vaiṣṇavaiḥ śraddhayā puṇyo janatānaṁdavarddhanaḥ devānaṁdasamudbhūtā divyā damanamaṁjarī

वैष्णवों द्वारा श्रद्धापूर्वक किया गया यह पुण्यमय उत्सव जनता के आनंद को बढ़ाने वाला है। देवताओं के आनंद से उत्पन्न वह दिव्य दमन-मंजरी -

श्लोक 3 (padma.6.84.3)

निवेद्या वैष्णवैर्भक्तैः सर्वपूजाफलेप्सुभिः । चैत्रे तु शुक्लपक्षे तु द्वादश्यां नगनंदिनि

nivedyā vaiṣṇavairbhaktaiḥ sarvapūjāphalepsubhiḥ caitre tu śuklapakṣe tu dvādaśyāṁ naganaṁdini

- समस्त पूजा-फल की इच्छा रखने वाले वैष्णव भक्तों द्वारा अर्पित की जानी चाहिए। हे पर्वतपुत्री! चैत्र के शुक्लपक्ष में द्वादशी को -

श्लोक 4 (padma.6.84.4)

कारयेत्परया भक्त्या महोत्सवमनास्तथा । तत्रादौ च स्वयं गत्वा आरामं प्रति चानघे

kārayetparayā bhaktyā mahotsavamanāstathā tatrādau ca svayaṁ gatvā ārāmaṁ prati cānaghe

- परम भक्ति से मनपूर्वक यह महोत्सव करना चाहिए। हे निष्पाप! सबसे पहले स्वयं बगीचे में जाकर -

श्लोक 5 (padma.6.84.5)

गुर्वाज्ञया प्रकर्त्तव्यं पूजनं रतिना सह । कामदेव नमस्तेऽस्तु विश्वमोहनकारक

gurvājñayā prakarttavyaṁ pūjanaṁ ratinā saha kāmadeva namaste'stu viśvamohanakāraka

- गुरु की आज्ञा से रति सहित कामदेव की पूजा करनी चाहिए। हे कामदेव! हे विश्व को मोहित करने वाले! आपको नमस्कार है।

श्लोक 6 (padma.6.84.6)

विष्णोरर्थे विचेष्यामि कृपां कुरु ममोपरि । गीतवादित्रनिर्घोषैरानेतव्यो गृहं प्रति

viṣṇorarthe viceṣyāmi kṛpāṁ kuru mamopari gītavāditranirghoṣairānetavyo gṛhaṁ prati

मैं यह दमन-पत्र विष्णु के निमित्त लेने की चेष्टा करूँगा; मुझ पर कृपा करो। फिर गीत-वाद्य के घोष के साथ उसे घर की ओर लाना चाहिए।

श्लोक 7 (padma.6.84.7)

एकादश्यां सुरश्रेष्ठि ह्यधिवासनपूर्वकम् । कर्त्तव्यं पूजनं तत्र रात्रौ भक्त्या तु वैष्णवैः

ekādaśyāṁ suraśreṣṭhi hyadhivāsanapūrvakam karttavyaṁ pūjanaṁ tatra rātrau bhaktyā tu vaiṣṇavaiḥ

हे सुरश्रेष्ठि! एकादशी को अधिवासन के साथ वहाँ रात्रि में वैष्णवों द्वारा भक्तिपूर्वक पूजा करनी चाहिए।

श्लोक 8 (padma.6.84.8)

कर्त्तव्यमग्रतस्तस्य सर्वतोभद्र मंडलम् । स्थापयित्वा तु देवेशं रतिना सह तत्र वै

karttavyamagratastasya sarvatobhadra maṁḍalam sthāpayitvā tu deveśaṁ ratinā saha tatra vai

उसके सामने सर्वतोभद्र मंडल बनाना चाहिए। वहाँ देवेश्वर को रति के साथ स्थापित करना चाहिए।

श्लोक 9 (padma.6.84.9)

आच्छाद्य श्वेतवस्त्रेण दमनं स्थापयेद्बुधः । तत्र वै पूजनं कार्यं वैष्णवैर्द्विजसत्तमैः

ācchādya śvetavastreṇa damanaṁ sthāpayedbudhaḥ tatra vai pūjanaṁ kāryaṁ vaiṣṇavairdvijasattamaiḥ

बुद्धिमान पुरुष को श्वेत वस्त्र से ढककर दमनक-पत्र को स्थापित करना चाहिए। वहाँ श्रेष्ठ वैष्णव द्विजों द्वारा पूजन करना चाहिए।

श्लोक 10 (padma.6.84.10)

क्लीं कामदेवाय नमो ह्रीं रत्यै च तथा नमः । एंद्र्यादि दिशि संस्थाप्य कंदर्प्पं पूजयेद्बुधः

klīṁ kāmadevāya namo hrīṁ ratyai ca tathā namaḥ eṁdryādi diśi saṁsthāpya kaṁdarppaṁ pūjayedbudhaḥ

'क्लीं कामदेवाय नमः, ह्रीं रत्यै नमः' - इस मंत्र से इंद्र आदि दिशाओं में स्थापित कर बुद्धिमान पुरुष कामदेव की पूजा करे।

श्लोक 11 (padma.6.84.11)

गंधं पुष्पं तथा धूपं दीपमारार्तिकं तथा । रात्रौ भक्त्या प्रकर्त्तव्यं विधिनात्र सुरेश्वरि

gaṁdhaṁ puṣpaṁ tathā dhūpaṁ dīpamārārtikaṁ tathā rātrau bhaktyā prakarttavyaṁ vidhinātra sureśvari

हे सुरेश्वरि! रात्रि में भक्तिपूर्वक विधिवत् चंदन, पुष्प, धूप, दीप तथा आरती यहाँ करनी चाहिए।

श्लोक 12 (padma.6.84.12)

मदनाय नम इति प्राच्याम् । मन्मथाय नम इति आग्न्येय्याम् । कंदर्पाय नम इति याम्ये । अनंगाय नम इति रक्षोदिशि । भस्मशरीराय नमः इति वारुण्याम् । स्मराय नम इति वायव्याम् । ईश्वराय नमः इति कौबेर्याम् । पुष्पबाणाय नमः इति ईशान्याम् । चतुर्दिक्षु च सर्वासु पूजनं तत्र कारयेत् । पूजिते केशवे चात्र सर्वे देवाः सुपूजिताः

madanāya nama iti prācyām manmathāya nama iti āgnyeyyām kaṁdarpāya nama iti yāmye anaṁgāya nama iti rakṣodiśi bhasmaśarīrāya namaḥ iti vāruṇyām smarāya nama iti vāyavyām īśvarāya namaḥ iti kauberyām puṣpabāṇāya namaḥ iti īśānyām caturdikṣu ca sarvāsu pūjanaṁ tatra kārayet pūjite keśave cātra sarve devāḥ supūjitāḥ

पूर्व दिशा में 'मदनाय नमः', अग्निकोण में 'मन्मथाय नमः', दक्षिण में 'कंदर्पाय नमः', नैऋत्य में 'अनंगाय नमः', पश्चिम में 'भस्मशरीराय नमः', वायव्य में 'स्मराय नमः', उत्तर में 'ईश्वराय नमः', और ईशान में 'पुष्पबाणाय नमः' - इस प्रकार सभी दिशाओं में पूजन करवाना चाहिए। केशव की पूजा किए जाने पर सभी देवता भलीभाँति पूजित हो जाते हैं।

श्लोक 13 (padma.6.84.13)

अक्षतगंध धूपदीपैर्नैवेद्यैस्तांबूलैश्च दमनकं पूजयित्वा तु । तत्पुरुषाय विद्महे कामदेवाय धीमहि । तन्नोऽनंगः प्रचोदयात् । इति वै कामगायत्र्या अष्टोत्तरशतवारं तं दमनकं अभिमंत्र्य नमस्कुर्यात् । नमोस्तु पुष्पबाणाय जगदाह्लादकारिणे । मन्मथाय जगन्नेत्रे रतिप्रीतिकराय च

akṣatagaṁdha dhūpadīpairnaivedyaistāṁbūlaiśca damanakaṁ pūjayitvā tu tatpuruṣāya vidmahe kāmadevāya dhīmahi tanno'naṁgaḥ pracodayāt iti vai kāmagāyatryā aṣṭottaraśatavāraṁ taṁ damanakaṁ abhimaṁtrya namaskuryāt namostu puṣpabāṇāya jagadāhlādakāriṇe manmathāya jagannetre ratiprītikarāya ca

अक्षत, चंदन, धूप, दीप, नैवेद्य और पान से दमनक की पूजा कर, कामगायत्री मंत्र से एक सौ आठ बार दमनक को अभिमंत्रित कर नमस्कार करे। जगत को आनंदित करने वाले पुष्पबाण को नमस्कार हो, जगत के नेत्रस्वरूप, रति को प्रिय लगाने वाले मन्मथ को नमस्कार हो।

श्लोक 14 (padma.6.84.14)

देवदेव नमस्तेऽस्तु श्रीविश्वेश नमोस्तु ते । रतिपते नमस्तेस्तु नमस्ते विश्वमंडन

devadeva namaste'stu śrīviśveśa namostu te ratipate namastestu namaste viśvamaṁḍana

हे देवाधिदेव! आपको नमस्कार हो। हे श्रीविश्वेश! आपको नमस्कार हो। हे रति के स्वामी! आपको नमस्कार हो। हे विश्व के भूषण! आपको नमस्कार हो।

श्लोक 15 (padma.6.84.15)

नमस्तेस्तु जगन्नाथ सर्वबीज नमोस्तु ते । एतैर्नानाविधैर्मंत्रैरागमोक्तैर्विशेषतः

namastestu jagannātha sarvabīja namostu te etairnānāvidhairmaṁtrairāgamoktairviśeṣataḥ

हे जगन्नाथ! आपको नमस्कार हो। हे सर्वबीजस्वरूप! आपको नमस्कार हो। इन आगमोक्त विविध मंत्रों से विशेष रूप से -

श्लोक 16 (padma.6.84.16)

पूजनीयः प्रयत्नेन लक्ष्म्या सह जनार्दनः । ततो निवेद्य तत्कर्म जागरं कारयेद्बुधः

pūjanīyaḥ prayatnena lakṣmyā saha janārdanaḥ tato nivedya tatkarma jāgaraṁ kārayedbudhaḥ

- जनार्दन को लक्ष्मी सहित यत्नपूर्वक पूजना चाहिए। फिर उस कर्म को समर्पित कर, बुद्धिमान पुरुष को जागरण करना चाहिए।

श्लोक 17 (padma.6.84.17)

देवदेव जगन्नाथ वांच्छितार्थप्रदायक । हृत्स्थान्पूरय मे विष्णो कामान्कामेश्वरीप्रिय

devadeva jagannātha vāṁcchitārthapradāyaka hṛtsthānpūraya me viṣṇo kāmānkāmeśvarīpriya

हे देवाधिदेव! हे जगन्नाथ! इच्छित अर्थ को प्रदान करने वाले! हे विष्णु! हे कामेश्वरी के प्रिय! मेरे हृदय में स्थित कामनाओं को पूर्ण कीजिए।

श्लोक 18 (padma.6.84.18)

इत्येतैर्बहुभिर्मंत्रैः पूजनीयः प्रयत्नतः । श्रीनिवासो जगन्नाथो भक्तानां शमभीप्सकः

ityetairbahubhirmaṁtraiḥ pūjanīyaḥ prayatnataḥ śrīnivāso jagannātho bhaktānāṁ śamabhīpsakaḥ

इस प्रकार इन अनेक मंत्रों से यत्नपूर्वक श्रीनिवास जगन्नाथ की पूजा करनी चाहिए, जो भक्तों की शांति की कामना करते हैं।

श्लोक 19 (padma.6.84.19)

ततो दमनकमुष्टिं गृहीत्वा तत्र मूलमंत्रेण । श्रीश्रीविष्ण्वादिदेवेभ्यो दमनकं निवेदयेत् । ततो गंधादिभिर्महतीपूजागीतवाद्यनृत्यैश्च महोत्सवः कार्यः । देवाग्रेस्थापितः कलशोदकं देवस्य पादयोर्निक्षिप्य जलक्रीडा तस्मिन्दिने कर्त्तव्या । ततः स्वगुरुं वस्त्रालंकारद्रविणैः श्रद्धया प्रपूजयेत् । ततः स्वयं वैष्णवैर्बंधुभिः सह अश्नीयात्

tato damanakamuṣṭiṁ gṛhītvā tatra mūlamaṁtreṇa śrīśrīviṣṇvādidevebhyo damanakaṁ nivedayet tato gaṁdhādibhirmahatīpūjāgītavādyanṛtyaiśca mahotsavaḥ kāryaḥ devāgresthāpitaḥ kalaśodakaṁ devasya pādayornikṣipya jalakrīḍā tasmindine karttavyā tataḥ svaguruṁ vastrālaṁkāradraviṇaiḥ śraddhayā prapūjayet tataḥ svayaṁ vaiṣṇavairbaṁdhubhiḥ saha aśnīyāt

फिर मूल मंत्र के साथ दमनक की एक मुट्ठी लेकर, उसे श्री विष्णु आदि देवताओं को अर्पित करे। फिर चंदन आदि से बड़ी पूजा, गीत, वाद्य और नृत्य के साथ महोत्सव करना चाहिए। देव के सामने स्थापित कलश के जल को देव के चरणों पर छिड़ककर उस दिन जल-क्रीड़ा करनी चाहिए। फिर श्रद्धापूर्वक अपने गुरु को वस्त्र, आभूषण और धन से पूजना चाहिए। फिर स्वयं वैष्णव बांधवों के साथ भोजन करे।

श्लोक 20 (padma.6.84.20)

महादेव उवाच । ततो दमनकमंजर्या यो वै विष्णुं प्रपूजयेत् । पूजिते वै जगन्नाथे ह्यहं वै पूजितः सदा

mahādeva uvāca tato damanakamaṁjaryā yo vai viṣṇuṁ prapūjayet pūjite vai jagannāthe hyahaṁ vai pūjitaḥ sadā

महादेव ने कहा - इस प्रकार जो दमनक की मंजरी से विष्णु की पूजा करता है, उससे जगन्नाथ के पूजित होने पर मैं भी सदा पूजित हो जाता हूँ।

श्लोक 21 (padma.6.84.21)

ब्रह्महा हेमहारी च मद्यपो मांसभक्षकः । मुच्यते पातकाद्देवि दृष्ट्वा दमनकोत्सवम्

brahmahā hemahārī ca madyapo māṁsabhakṣakaḥ mucyate pātakāddevi dṛṣṭvā damanakotsavam

ब्राह्मण की हत्या करने वाला, सोना चुराने वाला, मद्यपान करने वाला अथवा मांस-भक्षण करने वाला भी, हे देवि! दमनकोत्सव को देखकर पाप से मुक्त हो जाता है।

श्लोक 22 (padma.6.84.22)

एवं दमनको देवि पूजितो यैः सुवैष्णवैः । सर्वं तीर्थं कृतं तैस्तु मंजर्या पूजनं कृतम्

evaṁ damanako devi pūjito yaiḥ suvaiṣṇavaiḥ sarvaṁ tīrthaṁ kṛtaṁ taistu maṁjaryā pūjanaṁ kṛtam

हे देवि! इस प्रकार जिन उत्तम वैष्णवों ने दमनक की पूजा की है, उन्होंने ही मंजरी से पूजा करके मानो सभी तीर्थों का सेवन कर लिया।

श्लोक 23 (padma.6.84.23)

वेदाध्ययनं कृतं तेन शास्त्राध्ययनमेव च । अग्निहोत्रं कृतं तेन मंजर्या पूजितो हरिः

vedādhyayanaṁ kṛtaṁ tena śāstrādhyayanameva ca agnihotraṁ kṛtaṁ tena maṁjaryā pūjito hariḥ

उसने वेद का अध्ययन कर लिया और शास्त्र का अध्ययन भी; उसने अग्निहोत्र भी कर लिया - जिसने मंजरी से हरि की पूजा की।

श्लोक 24 (padma.6.84.24)

तत्कुलं तु महज्ज्ञेयं ब्राह्मं वा चाथ क्षात्रियम् । शौद्रं वैश्यं च यच्चान्यद्धन्यं धन्यतरं स्मृतम्

tatkulaṁ tu mahajjñeyaṁ brāhmaṁ vā cātha kṣātriyam śaudraṁ vaiśyaṁ ca yaccānyaddhanyaṁ dhanyataraṁ smṛtam

उसका कुल महान् जानना चाहिए - चाहे वह ब्राह्मण हो, क्षत्रिय हो, शूद्र हो, वैश्य हो अथवा अन्य कोई भी - वह धन्य और अत्यंत धन्य कहा गया है।

श्लोक 25 (padma.6.84.25)

यस्मिन्कुलेऽवतीर्याथोत्सवो दमनकः कृतः । स च धन्यस्तु धन्यो वै येन विष्णुः प्रपूजितः

yasminkule'vatīryāthotsavo damanakaḥ kṛtaḥ sa ca dhanyastu dhanyo vai yena viṣṇuḥ prapūjitaḥ

जिस कुल में जन्म लेकर दमनक-उत्सव किया जाता है, वह धन्य है, और वह पुरुष भी धन्य है जिसने विष्णु की पूजा की।

श्लोक 26 (padma.6.84.26)

दमनकेन तु तथा संप्राप्ते मधुमाधवे । संपूज्य गोसहस्रस्य देवि संलभते फलम्

damanakena tu tathā saṁprāpte madhumādhave saṁpūjya gosahasrasya devi saṁlabhate phalam

हे देवि! मधु-माधव मास आने पर दमनक से पूजा कर मनुष्य सहस्र गौओं के दान का फल प्राप्त करता है।

श्लोक 27 (padma.6.84.27)

मल्लिकाकुसुमैर्देवं वसंते गरुडध्वजम् । योऽर्चयेत्परया भक्त्या मुक्तिभागी भवेत्तु सः

mallikākusumairdevaṁ vasaṁte garuḍadhvajam yo'rcayetparayā bhaktyā muktibhāgī bhavettu saḥ

वसंत ऋतु में जो मल्लिका के फूलों से गरुड़ध्वज देव की परम भक्ति के साथ पूजा करता है, वह मुक्ति का भागी होता है।

श्लोक 28 (padma.6.84.28)

मरुकोदमनकश्चैव सद्यस्तुष्टिकरो हरेः । अतः पूजा प्रकर्त्तव्या वैष्णवैर्नरसत्तमैः

marukodamanakaścaiva sadyastuṣṭikaro hareḥ ataḥ pūjā prakarttavyā vaiṣṇavairnarasattamaiḥ

मरुआ और दमनक हरि को तत्काल संतुष्ट करने वाले हैं; इसलिए श्रेष्ठ वैष्णव पुरुषों को यह पूजा करनी चाहिए।

श्लोक 29 (padma.6.84.29)

गोसहस्रं कृतं तेन कन्यादानं तथैव च । पृथ्वीदानं कृतं तेन विष्णोर्वै पूजने कृते

gosahasraṁ kṛtaṁ tena kanyādānaṁ tathaiva ca pṛthvīdānaṁ kṛtaṁ tena viṣṇorvai pūjane kṛte

विष्णु की इस पूजा को करने से मानो उसने सहस्र गौओं का दान कर दिया, कन्यादान भी कर दिया, और पृथ्वी-दान भी कर दिया।

श्लोक 30 (padma.6.84.30)

एकामेकां गृहीत्वा तु मंजरीं दमनस्य तु । यः पूजयति देवेशं संप्राप्ते मधुमाधवे

ekāmekāṁ gṛhītvā tu maṁjarīṁ damanasya tu yaḥ pūjayati deveśaṁ saṁprāpte madhumādhave

जो मधु-माधव मास आने पर एक-एक करके दमनक की मंजरियाँ लेकर देवेश्वर की पूजा करता है -

श्लोक 31 (padma.6.84.31)

पुण्यसंख्यां न जाने वै तस्याहं नगनंदिनि । स वै चतुर्भुजो भूत्वा इह लोके परत्र च । धर्मानर्थांश्च कामांश्च प्रभुंक्ते वैष्णवं पदम्

puṇyasaṁkhyāṁ na jāne vai tasyāhaṁ naganaṁdini sa vai caturbhujo bhūtvā iha loke paratra ca dharmānarthāṁśca kāmāṁśca prabhuṁkte vaiṣṇavaṁ padam

- हे पर्वतपुत्री! मैं भी उसके पुण्य की संख्या नहीं जानता। वह इस लोक में और परलोक में चतुर्भुज होकर धर्म, अर्थ और काम को भोगते हुए वैष्णव पद को प्राप्त करता है।