मासानुसार पुष्प-पूजा

श्लोक 1 (padma.6.87.1)

महेश्वर उवाच । चैत्रे तु चंपकेनैव जातीपुष्पेण वा पुनः । पूजनीयः प्रयत्नेन केशवः क्लेशनाशनः

maheśvara uvāca caitre tu caṁpakenaiva jātīpuṣpeṇa vā punaḥ pūjanīyaḥ prayatnena keśavaḥ kleśanāśanaḥ

महेश्वर ने कहा - चैत्र मास में चंपा के फूलों से अथवा चमेली के फूलों से, यत्नपूर्वक क्लेश-नाशक केशव की पूजा करनी चाहिए।

श्लोक 2 (padma.6.87.2)

दमनकैर्मरुकैश्चैव बिल्वपुष्पैरथापि वा । पूजयेज्जगतामीशं विष्णुं सर्वेश्वरेश्वरम्

damanakairmarukaiścaiva bilvapuṣpairathāpi vā pūjayejjagatāmīśaṁ viṣṇuṁ sarveśvareśvaram

दमनक और मरुआ से, अथवा बिल्वपुष्पों से भी, जगत के स्वामी, सर्वेश्वरों के भी ईश्वर विष्णु की पूजा करनी चाहिए।

श्लोक 3 (padma.6.87.3)

शतपत्रैस्तथादिव्यै रक्तैर्वा सुसमाहितः । पूजयंति नरा विष्णुं चैत्रमासे सुरेश्वरि

śatapatraistathādivyai raktairvā susamāhitaḥ pūjayaṁti narā viṣṇuṁ caitramāse sureśvari

हे सुरेश्वरि! दिव्य शतपत्र कमल से अथवा लाल पुष्पों से, एकाग्रचित्त होकर मनुष्य चैत्र मास में विष्णु की पूजा करते हैं।

श्लोक 4 (padma.6.87.4)

वैशाखे तु सदा देवि ह्यर्चनीयो महत्प्रभुः । केतकीपत्रमादाय वृषस्थे च दिवाकरे

vaiśākhe tu sadā devi hyarcanīyo mahatprabhuḥ ketakīpatramādāya vṛṣasthe ca divākare

हे देवि! वैशाख में जब सूर्य वृष राशि में हो, तब केतकी के पत्र लेकर सदा महाप्रभु की पूजा करनी चाहिए।

श्लोक 5 (padma.6.87.5)

येनार्चितो हरिर्भक्त्या प्रीतो मन्वंतरं शतम् । ज्येष्ठे मासे तु संप्राप्ते नानापुष्पैः प्रपूजयेत्

yenārcito harirbhaktyā prīto manvaṁtaraṁ śatam jyeṣṭhe māse tu saṁprāpte nānāpuṣpaiḥ prapūjayet

जिसने भक्तिपूर्वक हरि की इस प्रकार पूजा की, वे सौ मन्वंतरों तक प्रसन्न रहते हैं। ज्येष्ठ मास आने पर विविध पुष्पों से पूजा करनी चाहिए।

श्लोक 6 (padma.6.87.6)

पूजिते देवदेवेशे सर्वे देवाः सुपूजिताः । कृत्वा पापसहस्राणि महापापशतानि च

pūjite devadeveśe sarve devāḥ supūjitāḥ kṛtvā pāpasahasrāṇi mahāpāpaśatāni ca

देवाधिदेव के पूजित होने पर सभी देवता भलीभाँति पूजित हो जाते हैं। सहस्रों पाप और सैकड़ों महापाप करने वाले लोग भी -

श्लोक 7 (padma.6.87.7)

तेपि यास्यंति भो देवि यत्र विष्णुः श्रिया सह । आषाढे मासि संप्राप्ते पूजां कुर्याद्विशेषतः

tepi yāsyaṁti bho devi yatra viṣṇuḥ śriyā saha āṣāḍhe māsi saṁprāpte pūjāṁ kuryādviśeṣataḥ

- वे भी, हे देवि! वहीं जाते हैं जहाँ विष्णु लक्ष्मी सहित हैं। आषाढ़ मास आने पर विशेष रूप से पूजा करनी चाहिए।

श्लोक 8 (padma.6.87.8)

करवीरैरक्तपुष्पैस्तथाब्जैर्वा सदा नराः । पूजां कुर्वंति ये विष्णोस्ते ज्ञेयाः पुण्यभागिनः

karavīrairaktapuṣpaistathābjairvā sadā narāḥ pūjāṁ kurvaṁti ye viṣṇoste jñeyāḥ puṇyabhāginaḥ

करवीर के लाल पुष्पों से अथवा कमलों से जो मनुष्य सदा विष्णु की पूजा करते हैं, उन्हें पुण्य के भागी जानना चाहिए।

श्लोक 9 (padma.6.87.9)

जातरूपनिभैर्विष्णुं कदंबकुसुमैस्तथा । येऽर्चयिष्यंति गोविंदं न तेषां सौरिजं भयम्

jātarūpanibhairviṣṇuṁ kadaṁbakusumaistathā ye'rcayiṣyaṁti goviṁdaṁ na teṣāṁ saurijaṁ bhayam

स्वर्ण के समान वर्ण वाले कदंब-पुष्पों से जो लोग विष्णु गोविंद की पूजा करते हैं, उन्हें शनि से उत्पन्न भय नहीं होता।

श्लोक 10 (padma.6.87.10)

घनागमे घनश्यामः कदंबकुसुमार्चितः । ददाति वांछितान्कामान्यावदिंद्राश्चतुर्दश

ghanāgame ghanaśyāmaḥ kadaṁbakusumārcitaḥ dadāti vāṁchitānkāmānyāvadiṁdrāścaturdaśa

वर्षा-ऋतु के आगमन पर मेघ के समान श्याम वर्ण वाले विष्णु, कदंब-पुष्पों से पूजित होकर, चौदह इंद्रों के काल तक इच्छित कामनाओं को प्रदान करते हैं।

श्लोक 11 (padma.6.87.11)

यथा पद्मालयां प्राप्य प्रीतो भवति माधवः । कदंबकुसुमं लब्ध्वा प्रीतो भवति लोककृत्

yathā padmālayāṁ prāpya prīto bhavati mādhavaḥ kadaṁbakusumaṁ labdhvā prīto bhavati lokakṛt

जैसे पद्मालया को पाकर माधव प्रसन्न होते हैं, वैसे ही कदंब-पुष्प पाकर लोक-स्रष्टा प्रसन्न होते हैं।

श्लोक 12 (padma.6.87.12)

तुलसी कृष्णतुलसी वंजुलैर्वा सुरेश्वरि । सर्वदा पूजितो विष्णुः कष्टं हरति नित्यशः

tulasī kṛṣṇatulasī vaṁjulairvā sureśvari sarvadā pūjito viṣṇuḥ kaṣṭaṁ harati nityaśaḥ

हे सुरेश्वरि! तुलसी, कृष्णतुलसी अथवा अशोक के फूलों से सदा पूजित विष्णु सदा कष्ट को हरते हैं।

श्लोक 13 (padma.6.87.13)

श्रावणे मासि संप्राप्ते येऽर्चयंति जनार्दनम् । अतसीपुष्पमादाय तथा दूर्वादलेन तु

śrāvaṇe māsi saṁprāpte ye'rcayaṁti janārdanam atasīpuṣpamādāya tathā dūrvādalena tu

श्रावण मास आने पर जो लोग अलसी के पुष्प तथा दूर्वा के पत्तों से जनार्दन की पूजा करते हैं -

श्लोक 14 (padma.6.87.14)

नानापुष्पैर्विशेषेण पूजनीयः प्रयत्नतः । ददाति विपुलान्कामान्यावदाभूतसंप्लवम्

nānāpuṣpairviśeṣeṇa pūjanīyaḥ prayatnataḥ dadāti vipulānkāmānyāvadābhūtasaṁplavam

- विविध पुष्पों से विशेष रूप से यत्नपूर्वक पूजा करनी चाहिए। वे प्रलय-काल तक विपुल कामनाओं को प्रदान करते हैं।

श्लोक 15 (padma.6.87.15)

भाद्र मासे तु संप्राप्ते शृणु त्वं नगनंदिनि । चंपकैर्वा श्वेतपुष्पैरक्तसिंदूरकैस्तथा

bhādra māse tu saṁprāpte śṛṇu tvaṁ naganaṁdini caṁpakairvā śvetapuṣpairaktasiṁdūrakaistathā

भाद्रपद मास आने पर, हे पर्वतपुत्री! सुनो - चंपा से अथवा श्वेत पुष्पों से तथा लाल सिंदूरी फूलों से -

श्लोक 16 (padma.6.87.16)

कह्लारैर्वा महादेवि सर्वकामफलं लभेत् । आश्विने वै शुभेमासे कर्त्तव्यं विष्णुपूजनम्

kahlārairvā mahādevi sarvakāmaphalaṁ labhet āśvine vai śubhemāse karttavyaṁ viṣṇupūjanam

- अथवा कह्लार के फूलों से, हे महादेवि! पूजा करके मनुष्य सभी कामनाओं का फल प्राप्त करता है। शुभ आश्विन मास में विष्णु-पूजन करना चाहिए।

श्लोक 17 (padma.6.87.17)

यूथिकानवजातीभिस्तथा नानाविधैः शुभैः । पूजनीयः प्रयत्नेन भक्तिपूर्वं सदा जनैः

yūthikānavajātībhistathā nānāvidhaiḥ śubhaiḥ pūjanīyaḥ prayatnena bhaktipūrvaṁ sadā janaiḥ

यूथिका, नवजाति तथा अन्य विविध शुभ पुष्पों से लोगों को यत्नपूर्वक और सदा भक्तिपूर्वक पूजा करनी चाहिए।

श्लोक 18 (padma.6.87.18)

पद्मान्येव समानीय येऽर्चयंति जनार्दनम् । धर्मार्थकाममोक्षांस्ते लभंते मानवा भुवि

padmānyeva samānīya ye'rcayaṁti janārdanam dharmārthakāmamokṣāṁste labhaṁte mānavā bhuvi

जो लोग कमल लाकर जनार्दन की पूजा करते हैं, वे मनुष्य इस पृथ्वी पर धर्म, अर्थ, काम और मोक्ष प्राप्त करते हैं।

श्लोक 19 (padma.6.87.19)

कार्तिकेमासि संप्राप्ते पूजनीयो महेश्वरः । यावंति ऋतुपुष्पाणि देयानि माधवस्य च

kārtikemāsi saṁprāpte pūjanīyo maheśvaraḥ yāvaṁti ṛtupuṣpāṇi deyāni mādhavasya ca

कार्तिक मास आने पर महेश्वर की पूजा करनी चाहिए। जितने भी ऋतु-पुष्प हों, वे सभी माधव को अर्पित करने चाहिए।

श्लोक 20 (padma.6.87.20)

तिलानि तिलपुष्पाणि तैर्वा ह्यर्चनकं चरेत् । पूजिते सति देवेशि अनंतफलमश्नुते

tilāni tilapuṣpāṇi tairvā hyarcanakaṁ caret pūjite sati deveśi anaṁtaphalamaśnute

तिल और तिल के पुष्पों से भी अर्चना करनी चाहिए। हे देवेशि! पूजा किए जाने पर मनुष्य अनंत फल पाता है।

श्लोक 21 (padma.6.87.21)

बकुलपुष्पैः पुन्नागैश्चंपकैर्वा जनार्दनम् । कार्तिके पूजयिष्यंति ते देवा न हि मानवाः

bakulapuṣpaiḥ punnāgaiścaṁpakairvā janārdanam kārtike pūjayiṣyaṁti te devā na hi mānavāḥ

बकुल-पुष्पों से, पुन्नाग से अथवा चंपा से कार्तिक में जो जनार्दन की पूजा करते हैं, वे देवता ही हैं, मनुष्य नहीं।

श्लोक 22 (padma.6.87.22)

मार्गशीर्षे प्रयत्नेन पूजनीयः सदा प्रभुः । नानापुष्पैः सनैवेद्यैर्धूपैर्नीराजनैस्तथा

mārgaśīrṣe prayatnena pūjanīyaḥ sadā prabhuḥ nānāpuṣpaiḥ sanaivedyairdhūpairnīrājanaistathā

मार्गशीर्ष मास में सदा यत्नपूर्वक विविध पुष्पों, नैवेद्य, धूप तथा आरती से प्रभु की पूजा करनी चाहिए।

श्लोक 23 (padma.6.87.23)

मार्गशीर्षे विशेषेण दिव्यैः पुष्पैः प्रपूजयेत् । पौषमासे महादेवि स्वर्चनं शुभदं स्मृतम्

mārgaśīrṣe viśeṣeṇa divyaiḥ puṣpaiḥ prapūjayet pauṣamāse mahādevi svarcanaṁ śubhadaṁ smṛtam

मार्गशीर्ष में विशेष रूप से दिव्य पुष्पों से पूजा करनी चाहिए। हे महादेवि! पौष मास में उत्तम अर्चन शुभदायक स्मरण किया गया है।

श्लोक 24 (padma.6.87.24)

नानातुलसिपत्रैश्च मृगनाभिजलैस्तथा । माघमासे तु संप्राप्ते नानापुष्पैः प्रपूजयेत्

nānātulasipatraiśca mṛganābhijalaistathā māghamāse tu saṁprāpte nānāpuṣpaiḥ prapūjayet

विविध तुलसी-पत्रों से तथा कस्तूरी-मिश्रित जल से पूजा करनी चाहिए। माघ मास आने पर विविध पुष्पों से पूजा करनी चाहिए।

श्लोक 25 (padma.6.87.25)

पूजिते देवदेवेशे वांछितं लभते ध्रुवम् । कर्पूरजा तथा पूजा नानानैवेद्यमोदकैः

pūjite devadeveśe vāṁchitaṁ labhate dhruvam karpūrajā tathā pūjā nānānaivedyamodakaiḥ

देवाधिदेव के पूजित होने पर मनुष्य निश्चय ही इच्छित वस्तु प्राप्त करता है। कर्पूर-मिश्रित पूजा तथा विविध नैवेद्य और मोदकों से भी पूजा करनी चाहिए।

श्लोक 26 (padma.6.87.26)

फाल्गुने चैव संप्राप्ते ह्यर्चनं माधवस्य च । कृत्वा वासंतिकीं पूजां पुष्पाण्यादाय सर्वशः

phālgune caiva saṁprāpte hyarcanaṁ mādhavasya ca kṛtvā vāsaṁtikīṁ pūjāṁ puṣpāṇyādāya sarvaśaḥ

फाल्गुन मास आने पर माधव का अर्चन करना चाहिए। वासंती पूजा करके, सब प्रकार के पुष्प लाकर -

श्लोक 27 (padma.6.87.27)

नवीनैर्वाथ देवेशि सर्वैर्वा पूजयेत्ततः । पूजिते तु जगन्नाथे वैकुंठपदमव्ययम् । प्राप्नोति पुरुषो नित्यं श्रीविष्णोश्च प्रसादतः

navīnairvātha deveśi sarvairvā pūjayettataḥ pūjite tu jagannāthe vaikuṁṭhapadamavyayam prāpnoti puruṣo nityaṁ śrīviṣṇośca prasādataḥ

- हे देवेशि! नए पुष्पों से अथवा सभी प्रकार के पुष्पों से पूजा करनी चाहिए। जगन्नाथ के पूजित होने पर मनुष्य श्रीविष्णु की कृपा से सदा अव्यय वैकुंठपद को प्राप्त करता है।