कल्पवृक्ष और सत्यभामा

श्लोक 1 (padma.6.88.1)

सूतउवाच । अतःपरं कार्तिकमाहात्म्यं प्रस्तूयते । सूत उवाच । एकदा द्वारकामागादृषिः कृष्णदिदृक्षया । पुष्पाण्यादाय दिव्यानि कल्पवृक्षोत्थितानि च

sūtauvāca ataḥparaṁ kārtikamāhātmyaṁ prastūyate sūta uvāca ekadā dvārakāmāgādṛṣiḥ kṛṣṇadidṛkṣayā puṣpāṇyādāya divyāni kalpavṛkṣotthitāni ca

सूत ने कहा - अब इसके आगे कार्तिक मास की महिमा वर्णित की जाती है। एक बार ऋषि नारद, कृष्ण के दर्शन की इच्छा से, कल्पवृक्ष से उत्पन्न दिव्य पुष्पों को लेकर द्वारका आए।

श्लोक 2 (padma.6.88.2)

नारदं स्वागतेनासौ कृष्णः सत्कारमाचरत् । इदमर्घ्यमिदं पाद्यमित्युवाचासनंददत्

nāradaṁ svāgatenāsau kṛṣṇaḥ satkāramācarat idamarghyamidaṁ pādyamityuvācāsanaṁdadat

कृष्ण ने स्वागत से नारद का सत्कार किया। 'यह अर्घ्य है, यह पाद्य है' - ऐसा कहते हुए उन्होंने आसन प्रदान किया।

श्लोक 3 (padma.6.88.3)

नारदस्तानि पुष्पाणि कृष्णायोपाजहार च । कृष्णः षोडशसाहस्रस्त्रीभ्यस्तानि व्यभज्यत

nāradastāni puṣpāṇi kṛṣṇāyopājahāra ca kṛṣṇaḥ ṣoḍaśasāhasrastrībhyastāni vyabhajyata

नारद ने उन पुष्पों को कृष्ण को भेंट किया। कृष्ण ने उन्हें अपनी सोलह हजार पत्नियों में बाँट दिया।

श्लोक 4 (padma.6.88.4)

विस्मृत्य सत्यभामां तु सर्वाभ्यस्तान्यदात्प्रभुः । सत्यभामा ततः क्रुद्धा क्रोधागारं समाविशत्

vismṛtya satyabhāmāṁ tu sarvābhyastānyadātprabhuḥ satyabhāmā tataḥ kruddhā krodhāgāraṁ samāviśat

सत्यभामा को भूलकर प्रभु ने वे पुष्प सबको दे दिए। इससे सत्यभामा क्रुद्ध होकर क्रोध-गृह में जा बैठी।

श्लोक 5 (padma.6.88.5)

समाज्ञाय ततः कृष्णस्तत्र गत्वा समाहितः । सत्यभामां मानयित्वा गरुडं मनसा स्मरन्

samājñāya tataḥ kṛṣṇastatra gatvā samāhitaḥ satyabhāmāṁ mānayitvā garuḍaṁ manasā smaran

यह जानकर कृष्ण एकाग्रचित्त होकर वहाँ गए, सत्यभामा को मनाते हुए और मन में गरुड़ का स्मरण करते हुए।

श्लोक 6 (padma.6.88.6)

स्मृतमात्रस्तु गरुडस्तदागत्याग्रतः स्थितः । आरुह्य वेगात्पत्रं तमित्युवाच प्रियां प्रभुः

smṛtamātrastu garuḍastadāgatyāgrataḥ sthitaḥ āruhya vegātpatraṁ tamityuvāca priyāṁ prabhuḥ

स्मरण करते ही गरुड़ वहाँ आकर सामने खड़े हो गए। वेगपूर्वक उस पंख वाले पर आरूढ़ होकर प्रभु ने अपनी प्रिया से कहा -

श्लोक 7 (padma.6.88.7)

सत्ये त्वं माकृथाः क्रोधं त्वत्कृते देवतैः सह । विरुध्य देवराजानं रोपयिष्ये तवांगणे

satye tvaṁ mākṛthāḥ krodhaṁ tvatkṛte devataiḥ saha virudhya devarājānaṁ ropayiṣye tavāṁgaṇe

हे सत्या! तुम क्रोध मत करो। तुम्हारे लिए मैं देवताओं से, यहाँ तक कि देवराज से भी विरोध करके कल्पवृक्ष तुम्हारे आँगन में लगा दूँगा।

श्लोक 8 (padma.6.88.8)

कल्पद्रुमं महाभागेऽपराधं मे क्षमां कुरु । इति कृत्वा प्रतिज्ञां तु कृष्णः स सत्यभामया

kalpadrumaṁ mahābhāge'parādhaṁ me kṣamāṁ kuru iti kṛtvā pratijñāṁ tu kṛṣṇaḥ sa satyabhāmayā

हे महाभागे! मेरे अपराध को क्षमा करो। इस प्रकार प्रतिज्ञा करके कृष्ण सत्यभामा के साथ -

श्लोक 9 (padma.6.88.9)

देवलोकमगात्तूर्णं यत्र देवः स वृत्रहा । याचितः कल्पवृक्षार्थमुत्तरं दत्तवान्प्रभुम्

devalokamagāttūrṇaṁ yatra devaḥ sa vṛtrahā yācitaḥ kalpavṛkṣārthamuttaraṁ dattavānprabhum

- शीघ्र देवलोक गए, जहाँ वृत्रासुर के हंता देव इंद्र थे। कल्पवृक्ष के लिए याचना किए जाने पर इंद्र ने प्रभु को यह उत्तर दिया -

श्लोक 10 (padma.6.88.10)

नायं देवद्रुमो भूम्यां प्राप्तुं योग्यस्त्वया प्रभो । तदा क्रुद्धो महाबाहुर्वृक्षमुत्पाट्य मूलतः

nāyaṁ devadrumo bhūmyāṁ prāptuṁ yogyastvayā prabho tadā kruddho mahābāhurvṛkṣamutpāṭya mūlataḥ

हे प्रभो! यह देवतरु पृथ्वी पर ले जाने के योग्य आपको नहीं है। तब क्रुद्ध हुए महाबाहु ने उस वृक्ष को जड़ से उखाड़कर -

श्लोक 11 (padma.6.88.11)

वाहमारोपयामास वेगेन बलवत्तरः । तदा वज्रधरो वेगाद्वज्रमुद्यम्य वीर्यवान्

vāhamāropayāmāsa vegena balavattaraḥ tadā vajradharo vegādvajramudyamya vīryavān

- अत्यंत बलशाली कृष्ण ने वेग से उसे अपने वाहन पर चढ़ा लिया। तब वज्रधर वीर्यवान इंद्र ने वेग से वज्र उठाकर -

श्लोक 12 (padma.6.88.12)

गरुडं ताडयामास कल्पवृक्षं त्यजेरिति । तदा पत्ररथः पत्रं कुलिशस्यापि गौरवात्

garuḍaṁ tāḍayāmāsa kalpavṛkṣaṁ tyajeriti tadā patrarathaḥ patraṁ kuliśasyāpi gauravāt

- 'कल्पवृक्ष को छोड़ दो' यह कहते हुए गरुड़ पर प्रहार किया। तब पंखधारी गरुड़ ने वज्र के भार से -

श्लोक 13 (padma.6.88.13)

एकं विसर्जयामास त्वरया प्रजगाम च । तेन वज्रप्रहारेण त्रयोभूव पतत्रिणः

ekaṁ visarjayāmāsa tvarayā prajagāma ca tena vajraprahāreṇa trayobhūva patatriṇaḥ

- एक पंख छोड़ दिया और शीघ्रता से आगे बढ़ गए। उस वज्र-प्रहार से वह एक पक्षी तीन में बदल गया -

श्लोक 14 (padma.6.88.14)

मयूरो नकुलश्चाषः कृष्णो द्वारावतीमगात् । आगत्य सत्यभामाया गृहे चैनमरोपयत् । तदैव नारदोऽभ्यागात्सत्यया मानितो बहु

mayūro nakulaścāṣaḥ kṛṣṇo dvārāvatīmagāt āgatya satyabhāmāyā gṛhe cainamaropayat tadaiva nārado'bhyāgātsatyayā mānito bahu

- मोर, नेवला और नीलकंठ पक्षी उस गिरे पंख से उत्पन्न हुए। कृष्ण द्वारका पहुँचे और वहाँ आकर उस वृक्ष को सत्यभामा के घर में लगा दिया। उसी समय नारद भी वहाँ आए और सत्यभामा ने उनका बहुत सत्कार किया।

श्लोक 15 (padma.6.88.15)

सत्यभामोवाच । ईदृशः कल्पवृक्षोऽयं पतिरेतादृशः प्रभुः । भवेभवे कथं प्राप्यस्तदाख्यातु भवान्मम

satyabhāmovāca īdṛśaḥ kalpavṛkṣo'yaṁ patiretādṛśaḥ prabhuḥ bhavebhave kathaṁ prāpyastadākhyātu bhavānmama

सत्यभामा ने कहा - ऐसा यह कल्पवृक्ष और ऐसे ये पति-प्रभु - इन्हें जन्म-जन्म में कैसे प्राप्त किया जा सकता है? यह आप मुझे बताइए।

श्लोक 16 (padma.6.88.16)

इति पृष्टस्तदा प्राह नारदो मुनिसत्तमः । प्राप्यते सत्यभामेऽयं तुलापुरुष दानतः

iti pṛṣṭastadā prāha nārado munisattamaḥ prāpyate satyabhāme'yaṁ tulāpuruṣa dānataḥ

ऐसा पूछे जाने पर मुनिश्रेष्ठ नारद ने कहा - हे सत्यभामा! यह ऐसा फल तुला-पुरुष दान से प्राप्त होता है।

श्लोक 17 (padma.6.88.17)

सत्यभामा तदा कृष्णं कल्पवृक्षसमन्वितम् । नारदायैव सा प्रादात्तोलयित्वा विधानतः । सर्वोपस्करमाकृष्य नारदस्त्रिदिवं ययौ

satyabhāmā tadā kṛṣṇaṁ kalpavṛkṣasamanvitam nāradāyaiva sā prādāttolayitvā vidhānataḥ sarvopaskaramākṛṣya nāradastridivaṁ yayau

तब सत्यभामा ने कल्पवृक्ष सहित कृष्ण को विधिपूर्वक तौलकर वह तुलादान नारद को ही दे दिया। सारी सामग्री लेकर नारद स्वर्गलोक चले गए।

श्लोक 18 (padma.6.88.18)

सूत उवाच । श्रियःपतिमथामंत्र्य गते देवर्षिसत्तमे । हर्षोत्फुल्लानना सत्या वासुदेवमथाब्रवीत्

sūta uvāca śriyaḥpatimathāmaṁtrya gate devarṣisattame harṣotphullānanā satyā vāsudevamathābravīt

सूत ने कहा - लक्ष्मीपति की अनुमति लेकर देवर्षिश्रेष्ठ नारद के चले जाने पर, हर्ष से खिले हुए मुखवाली सत्या ने वासुदेव से यह कहा -

श्लोक 19 (padma.6.88.19)

सत्यभामोवाच । धन्यास्मि कृतकृत्यास्मि सफलं जीवितं च मे । मज्जन्मनि निदाने च धन्यौ तौ पितरौ मम

satyabhāmovāca dhanyāsmi kṛtakṛtyāsmi saphalaṁ jīvitaṁ ca me majjanmani nidāne ca dhanyau tau pitarau mama

सत्यभामा ने कहा - मैं धन्य हूँ, मैं कृतकृत्य हूँ, मेरा जीवन सफल हुआ। मेरे जन्म के मूल कारण मेरे वे माता-पिता भी धन्य हैं।

श्लोक 20 (padma.6.88.20)

यौ मां त्रैलोकसुभगां जनयामासतुर्ध्रुवम् । षोडशस्त्रीसहस्राणां वल्लभाहं यतस्तव

yau māṁ trailokasubhagāṁ janayāmāsaturdhruvam ṣoḍaśastrīsahasrāṇāṁ vallabhāhaṁ yatastava

- जिन्होंने मुझे निश्चय ही तीनों लोकों में सुंदरी बनाकर जन्म दिया। जिससे मैं आपकी सोलह हजार पत्नियों में प्रिय हुई।

श्लोक 21 (padma.6.88.21)

यस्मान्मयादिपुरुषः कल्पवृक्षसमन्वितः । यथोक्तविधिना सम्यङ्नारदाय समर्पितः

yasmānmayādipuruṣaḥ kalpavṛkṣasamanvitaḥ yathoktavidhinā samyaṅnāradāya samarpitaḥ

जिसके कारण मैंने कल्पवृक्ष सहित आदिपुरुष को यथोक्त विधि से भलीभाँति नारद को समर्पित किया।

श्लोक 22 (padma.6.88.22)

यद्वार्तामपि जानंति भूमिसंस्थान जंतवः । सोऽयं कल्पद्रुमो गेहे मम तिष्ठति सांप्रतम्

yadvārtāmapi jānaṁti bhūmisaṁsthāna jaṁtavaḥ so'yaṁ kalpadrumo gehe mama tiṣṭhati sāṁpratam

जिसकी बात भी पृथ्वी पर रहने वाले जीव नहीं जानते, वही यह कल्पवृक्ष अब मेरे घर में स्थित है।

श्लोक 23 (padma.6.88.23)

त्रैलोक्याधिपतेश्चाहं श्रीपतेरतिवल्लभा । अतोऽहं प्रष्टुमिच्छामि किंचित्त्वां मधुसूदन

trailokyādhipateścāhaṁ śrīpaterativallabhā ato'haṁ praṣṭumicchāmi kiṁcittvāṁ madhusūdana

मैं तीनों लोकों के स्वामी, श्रीपति की अत्यंत प्रिय पत्नी हूँ। इसलिए, हे मधुसूदन! मैं आपसे कुछ पूछना चाहती हूँ।

श्लोक 24 (padma.6.88.24)

यदि त्वं मत्प्रियकरः कथयस्वात्र विस्तरात् । श्रुत्वा तच्च पुनश्चाहं करोमि हितमात्मनः

yadi tvaṁ matpriyakaraḥ kathayasvātra vistarāt śrutvā tacca punaścāhaṁ karomi hitamātmanaḥ

यदि आप मेरा प्रिय करने वाले हैं, तो इस विषय में विस्तार से बताइए। उसे सुनकर मैं फिर अपना हित करूँगी -

श्लोक 25 (padma.6.88.25)

यथाकल्पं त्वया देव वियुक्ता स्यां न कर्हिचित् । सूत उवाच । इति प्रियावचः श्रुत्वा स्मेरास्योऽयं गदाग्रजः

yathākalpaṁ tvayā deva viyuktā syāṁ na karhicit sūta uvāca iti priyāvacaḥ śrutvā smerāsyo'yaṁ gadāgrajaḥ

- जिससे हे देव! कल्प के अंत तक भी मैं आपसे कभी अलग न होऊँ। सूत ने कहा - प्रिया के इस वचन को सुनकर, मुस्कुराते हुए मुख वाले गदाग्रज ने -

श्लोक 26 (padma.6.88.26)

सत्या करे करं कृत्वागमत्कल्पतरोस्तलम् । निषिद्ध्यानुचरं लोकं सविलासं प्रियान्वितः

satyā kare karaṁ kṛtvāgamatkalpatarostalam niṣiddhyānucaraṁ lokaṁ savilāsaṁ priyānvitaḥ

- सत्या के हाथ में अपना हाथ रखकर कल्पवृक्ष के नीचे गए। सेवकों को दूर कर, विलासपूर्वक प्रिया के साथ -

श्लोक 27 (padma.6.88.27)

प्रहस्य सत्यामामंत्र्य प्रोवाच जगतांपतिः । तत्प्रीति परितोषार्थं लसत्पुलकितांगजः

prahasya satyāmāmaṁtrya provāca jagatāṁpatiḥ tatprīti paritoṣārthaṁ lasatpulakitāṁgajaḥ

- जगत के स्वामी ने हँसकर सत्या को संबोधित करते हुए, उसकी प्रीति और संतोष के लिए, अपने रोमांचित अंगों के साथ यह कहा -

श्लोक 28 (padma.6.88.28)

कृष्ण उवाच। न मे त्वत्तः प्रियतमा काचिदन्या नितंबिनी । षोडशस्त्रीसहस्राणां प्रिये प्राणसमा ह्यसि

kṛṣṇa uvāca na me tvattaḥ priyatamā kācidanyā nitaṁbinī ṣoḍaśastrīsahasrāṇāṁ priye prāṇasamā hyasi

कृष्ण ने कहा - हे प्रिये! तुमसे बढ़कर कोई अन्य स्त्री मुझे प्रिय नहीं है। सोलह हजार पत्नियों में तुम ही मेरे प्राणों के समान हो।

श्लोक 29 (padma.6.88.29)

त्वदर्थं देवराजेन विरोधो दैवतैः सह । त्वया यत्प्रार्थितं कांते शृणु यच्च महद्भवेत्

tvadarthaṁ devarājena virodho daivataiḥ saha tvayā yatprārthitaṁ kāṁte śṛṇu yacca mahadbhavet

तुम्हारे लिए ही मैंने देवताओं सहित देवराज इंद्र से भी विरोध किया। हे कांते! तुमने जो कुछ भी माँगा है, और जो भी महान हो, उसे सुनो -

श्लोक 30 (padma.6.88.30)

अदेयमथवाकार्यमकथ्यमपि यत्पुनः । त्वत्कृतं तु कथं प्रश्नं कथयामि न तु प्रिये । पृच्छस्व सर्वं कथये यत्ते मनसि वर्तते

adeyamathavākāryamakathyamapi yatpunaḥ tvatkṛtaṁ tu kathaṁ praśnaṁ kathayāmi na tu priye pṛcchasva sarvaṁ kathaye yatte manasi vartate

- चाहे वह अदेय हो, अकरणीय हो, या अकथनीय हो भी - तुम्हारे द्वारा किए गए प्रश्न को मैं कैसे न बताऊँ, हे प्रिये? पूछो, जो कुछ तुम्हारे मन में है, वह सब मैं बताऊँगा।

श्लोक 31 (padma.6.88.31)

सत्योवाच । दानं व्रतं तपो वापि किं तु पूर्वं मयाकृतम् । येनाहं मर्त्यजा मर्त्ये भवानीवाऽभवं किल

satyovāca dānaṁ vrataṁ tapo vāpi kiṁ tu pūrvaṁ mayākṛtam yenāhaṁ martyajā martye bhavānīvā'bhavaṁ kila

सत्या ने कहा - मैंने पूर्वजन्म में क्या दान, व्रत अथवा तप किया था, जिससे मैं मर्त्यलोक में जन्मी होकर भी भवानी के समान हो गई?

श्लोक 32 (padma.6.88.32)

तवांगार्द्धहरा नित्यं गरुडोपरिगामिनी । इंद्रादिदेवतावासमगमं च त्वया सह

tavāṁgārddhaharā nityaṁ garuḍoparigāminī iṁdrādidevatāvāsamagamaṁ ca tvayā saha

मैं सदा आपके शरीर का आधा भाग हरने वाली हूँ, गरुड़ पर आपके साथ चलने वाली हूँ, और आपके साथ इंद्र आदि देवताओं के निवास में भी गई।

श्लोक 33 (padma.6.88.33)

अतस्त्वां प्रष्टुमिच्छामि किं कृतं तु मया शुभम् । जन्मांतरे च किं शीला का चाहं कस्य कन्यका

atastvāṁ praṣṭumicchāmi kiṁ kṛtaṁ tu mayā śubham janmāṁtare ca kiṁ śīlā kā cāhaṁ kasya kanyakā

इसलिए मैं आपसे पूछना चाहती हूँ - मैंने ऐसा क्या शुभ कर्म किया, पूर्वजन्म में मेरा क्या स्वभाव था, और मैं कौन थी, किसकी कन्या थी?

श्लोक 34 (padma.6.88.34)

श्रीकृष्ण उवाच । शृणुष्वैकमनाः कांते यत्त्वं वै पूर्वजन्मनि । पुण्यं व्रतं कृतवती तत्सर्वं कथयामि ते

śrīkṛṣṇa uvāca śṛṇuṣvaikamanāḥ kāṁte yattvaṁ vai pūrvajanmani puṇyaṁ vrataṁ kṛtavatī tatsarvaṁ kathayāmi te

श्रीकृष्ण ने कहा - हे कांते! एकाग्रचित्त होकर सुनो - तुमने पूर्वजन्म में जो पुण्यमय व्रत किया था, वह सब मैं तुम्हें बताता हूँ।

श्लोक 35 (padma.6.88.35)

आसीत्कृतयुगस्यांते मायापुर्यां द्विजोत्तमः । आत्रेयो देवशर्मेति वेदवेदांगपारगः

āsītkṛtayugasyāṁte māyāpuryāṁ dvijottamaḥ ātreyo devaśarmeti vedavedāṁgapāragaḥ

कृतयुग के अंत में मायापुरी में देवशर्मा नामक एक श्रेष्ठ द्विज था, जो आत्रि-गोत्रीय और वेद-वेदांग में पारंगत था।

श्लोक 36 (padma.6.88.36)

आतिथेयोऽग्निशुश्रूषुः सौरव्रत परायणः । सूर्यमाराधयन्नित्यं साक्षात्सूर्य्य इवापरः

ātitheyo'gniśuśrūṣuḥ sauravrata parāyaṇaḥ sūryamārādhayannityaṁ sākṣātsūryya ivāparaḥ

वह अतिथि-सत्कारी, अग्नि की सेवा करने वाला और सूर्य-व्रत में परायण था। वह सदा सूर्य की आराधना करता था, मानो साक्षात् दूसरा सूर्य ही हो।

श्लोक 37 (padma.6.88.37)

तस्यातिवयसश्चासीन्नाम्ना गुणवती सुता । अपुत्रः स स्वशिष्याय चंद्र नाम्ने ददौ सुताम्

tasyātivayasaścāsīnnāmnā guṇavatī sutā aputraḥ sa svaśiṣyāya caṁdra nāmne dadau sutām

उस वृद्धावस्था प्राप्त व्यक्ति की गुणवती नामक एक पुत्री थी। पुत्रहीन होने के कारण उसने अपनी पुत्री चंद्र नामक अपने शिष्य को दे दी।

श्लोक 38 (padma.6.88.38)

तमेव पुत्रवन्मेने स च तं पितृवद्वशी । तौ कदाचिद्वनं यातौ कुशेध्महरणार्थिनौ

tameva putravanmene sa ca taṁ pitṛvadvaśī tau kadācidvanaṁ yātau kuśedhmaharaṇārthinau

उसने उसे पुत्र के समान माना, और वह शिष्य संयमी होकर उसे पिता के समान मानता था। एक बार वे दोनों कुश और इंधन लेने के लिए वन में गए।

श्लोक 39 (padma.6.88.39)

हिमाद्रिपादजवने चेरतुस्तौ यतस्ततः । तौ ततो राक्षसं घोरमायांतं समपश्यताम्

himādripādajavane ceratustau yatastataḥ tau tato rākṣasaṁ ghoramāyāṁtaṁ samapaśyatām

वे दोनों हिमालय की तलहटी के वन में इधर-उधर विचरण करने लगे। तभी उन्होंने एक घोर राक्षस को आते हुए देखा।

श्लोक 40 (padma.6.88.40)

भयविह्वलसर्वांगावसमर्थौ पलायितुम् । निहतौ रक्षसा तेन कृतांतसमरूपिणा

bhayavihvalasarvāṁgāvasamarthau palāyitum nihatau rakṣasā tena kṛtāṁtasamarūpiṇā

भय से उनके सारे अंग शिथिल हो गए और वे भाग पाने में असमर्थ हो गए। यमराज के समान भयंकर रूप वाले उस राक्षस ने उन दोनों को मार डाला।

श्लोक 41 (padma.6.88.41)

तौ तु क्षेत्रप्रभावेण धर्मशीलतया पुनः । वैकुंठभवनं नीतौ मद्गणैर्मत्समीपगैः

tau tu kṣetraprabhāveṇa dharmaśīlatayā punaḥ vaikuṁṭhabhavanaṁ nītau madgaṇairmatsamīpagaiḥ

वे दोनों उस क्षेत्र के प्रभाव से और अपने धर्मशील स्वभाव के कारण मेरे ही गणों द्वारा, जो मेरे समीप रहने वाले थे, वैकुंठ-भवन ले जाए गए।

श्लोक 42 (padma.6.88.42)

यावज्जीवंतु यत्ताभ्यां सूर्यपूजादिकं कृतम् । तेन वै कर्मणा ताभ्यां सुप्रीतोऽहं किलाभवम्

yāvajjīvaṁtu yattābhyāṁ sūryapūjādikaṁ kṛtam tena vai karmaṇā tābhyāṁ suprīto'haṁ kilābhavam

जीवनभर उन दोनों ने जो सूर्य-पूजा आदि की थी, उसी कर्म से मैं उन पर अत्यंत प्रसन्न हुआ था।

श्लोक 43 (padma.6.88.43)

शैवाः सौराश्च गाणेशा वैष्णवाः शक्तिपूजकाः । मामेव प्राप्नुवंतीह वर्षांभः सागरं यथा

śaivāḥ saurāśca gāṇeśā vaiṣṇavāḥ śaktipūjakāḥ māmeva prāpnuvaṁtīha varṣāṁbhaḥ sāgaraṁ yathā

शैव, सौर, गाणपत्य, वैष्णव और शक्ति के उपासक - ये सब यहाँ मुझे ही प्राप्त होते हैं, जैसे वर्षा का जल समुद्र में ही जा मिलता है।

श्लोक 44 (padma.6.88.44)

एकोऽहं पंचधा जातः क्रीडयन्नामभिः किल । देवदत्तो यथा कश्चित्पुत्राद्याह्वाननामभिः

eko'haṁ paṁcadhā jātaḥ krīḍayannāmabhiḥ kila devadatto yathā kaścitputrādyāhvānanāmabhiḥ

मैं एक होते हुए भी लीलावश पाँच रूपों में प्रकट हुआ हूँ, विभिन्न नामों से, जैसे कोई देवदत्त नामक व्यक्ति पुत्र आदि द्वारा भिन्न-भिन्न नामों से पुकारा जाता है।

श्लोक 45 (padma.6.88.45)

ततश्च तौ मद्भवनाधिवासिनौ विमानयानौ रविवर्चसावुभौ । मत्तुल्यरूपौ मम सन्निधानगौ दिव्यांगना चंदनभोगभोगिनौ

tataśca tau madbhavanādhivāsinau vimānayānau ravivarcasāvubhau mattulyarūpau mama sannidhānagau divyāṁganā caṁdanabhogabhoginau

तत्पश्चात् वे दोनों मेरे भवन में निवास करने वाले, विमान पर यात्रा करने वाले, सूर्य के समान तेजस्वी, मेरे ही समान रूप वाले, मेरे समीप रहने वाले तथा दिव्य अंगनाओं और चंदन-सुख का भोग करने वाले बन गए।