विष्णु-जलंधर द्वंद्व एवं संधि

श्लोक 1 (padma.6.98.1)

नारद उवाच । पुनर्दैत्यं समायांतं दृष्ट्वा देवाः सवासवाः । भयप्रकंपिताः सर्वे विष्णुं स्तोतुं प्रचक्रमुः

nārada uvāca punardaityaṁ samāyāṁtaṁ dṛṣṭvā devāḥ savāsavāḥ bhayaprakaṁpitāḥ sarve viṣṇuṁ stotuṁ pracakramuḥ

नारद ने कहा - उस दैत्य को पुनः आते देखकर इंद्र सहित सभी देवता भय से काँप उठे और विष्णु की स्तुति करने लगे।

श्लोक 2 (padma.6.98.2)

देवा ऊचुः। नमो मत्स्यकूर्मादि नानास्वरूपैः सदाभक्तकार्योद्यतायार्तिहंत्रे । विधात्रादिसर्गस्थितिध्वंसकर्त्रे गदाशंखपद्मारिहस्तायतेऽस्तु

devā ūcuḥ namo matsyakūrmādi nānāsvarūpaiḥ sadābhaktakāryodyatāyārtihaṁtre vidhātrādisargasthitidhvaṁsakartre gadāśaṁkhapadmārihastāyate'stu

देवताओं ने कहा - मत्स्य, कूर्म आदि विविध रूपों से सदा भक्तों के कार्य में तत्पर, पीड़ा को हरने वाले को नमस्कार। ब्रह्मा आदि की सृष्टि, स्थिति और संहार करने वाले, गदा-शंख-पद्म-चक्र हाथ में धारण करने वाले को नमस्कार हो।

श्लोक 3 (padma.6.98.3)

रमावल्लभायासुराणां निहंत्रे भुजंगादिनाथाय पीतांबराय । मखादिक्रियापाककर्त्रे विकर्त्रे शरण्याय तस्मै नताः स्मो नताः स्मः

ramāvallabhāyāsurāṇāṁ nihaṁtre bhujaṁgādināthāya pītāṁbarāya makhādikriyāpākakartre vikartre śaraṇyāya tasmai natāḥ smo natāḥ smaḥ

लक्ष्मी के प्रिय, असुरों के संहारक, शेषनाग के स्वामी, पीतांबरधारी को नमस्कार। यज्ञ आदि क्रियाओं के फलदाता, सृष्टिकर्ता, शरणदाता उन्हें हम बारंबार नमस्कार करते हैं।

श्लोक 4 (padma.6.98.4)

नमो दैत्यसंतापिता मर्त्यदुःखाचलध्वंस दंभोलये विष्णवेते । भुजंगेशतल्पेशयायार्कचंद्र द्विनेत्राय तस्मै नतास्मो नताः स्मः

namo daityasaṁtāpitā martyaduḥkhācaladhvaṁsa daṁbholaye viṣṇavete bhujaṁgeśatalpeśayāyārkacaṁdra dvinetrāya tasmai natāsmo natāḥ smaḥ

दैत्यों को संताप देने वाले, मरणशीलों के दुःख-रूपी पर्वत के नाशक, वज्र-समान, इस विष्णु को नमस्कार। शेषनाग की शय्या पर शयन करने वाले, सूर्य और चंद्र जिनके दो नेत्र हैं, उन्हें हम बारंबार नमस्कार करते हैं।

श्लोक 5 (padma.6.98.5)

नारद उवाच । संकष्टनाशनं स्तोत्रं नित्यं यस्तु पठेन्नरः । स कदाचिन्नसंकष्टै पीड्यते कृपया हरेः

nārada uvāca saṁkaṣṭanāśanaṁ stotraṁ nityaṁ yastu paṭhennaraḥ sa kadācinnasaṁkaṣṭai pīḍyate kṛpayā hareḥ

नारद ने कहा - जो मनुष्य इस संकट-नाशक स्तोत्र को सदा पढ़ता है, वह हरि की कृपा से कभी भी संकटों से पीड़ित नहीं होता।

श्लोक 6 (padma.6.98.6)

इति देवाः स्तुतिं यावत्कुर्वंति दनुजद्विषः । तावत्सुराणामापत्तिर्विज्ञाता विष्णुना तदा

iti devāḥ stutiṁ yāvatkurvaṁti danujadviṣaḥ tāvatsurāṇāmāpattirvijñātā viṣṇunā tadā

जब तक देवगण दानवों के शत्रु विष्णु की यह स्तुति करते रहे, तब तक विष्णु को देवताओं की विपत्ति ज्ञात हो चुकी थी।

श्लोक 7 (padma.6.98.7)

सहसोत्थाय दैत्यारिः कृपया खिन्नमानसः । आरुह्य गरुडं वेगाल्लक्ष्मीं वचनमब्रवीत्

sahasotthāya daityāriḥ kṛpayā khinnamānasaḥ āruhya garuḍaṁ vegāllakṣmīṁ vacanamabravīt

दैत्यों के शत्रु विष्णु ने करुणा से खिन्नचित्त होकर तुरंत उठकर, गरुड़ पर वेगपूर्वक आरूढ़ होकर लक्ष्मी से यह वचन कहा।

श्लोक 8 (padma.6.98.8)

विष्णुरुवाच । जलंधरेण ते भ्रात्रा देवानां कदनं कृतम् । तैराहूतो गमिष्यामि युद्धायाद्य त्वरान्वितः

viṣṇuruvāca jalaṁdhareṇa te bhrātrā devānāṁ kadanaṁ kṛtam tairāhūto gamiṣyāmi yuddhāyādya tvarānvitaḥ

विष्णु ने कहा - तुम्हारे भाई जलंधर ने देवताओं का संहार किया है। उनके द्वारा बुलाए जाने पर मैं आज शीघ्रता से युद्ध के लिए जाऊँगा।

श्लोक 9 (padma.6.98.9)

लक्ष्मीरुवाच । अहं ते वल्लभा नाथ भक्ता च यदि सर्वदा । तत्कथं ते मम भ्राता युद्धे वध्यः कृपानिधे

lakṣmīruvāca ahaṁ te vallabhā nātha bhaktā ca yadi sarvadā tatkathaṁ te mama bhrātā yuddhe vadhyaḥ kṛpānidhe

लक्ष्मी ने कहा - हे नाथ! यदि मैं सदा आपकी प्रिया और भक्त हूँ, तो हे कृपानिधे! मेरा भाई युद्ध में आपके द्वारा वध्य कैसे हो सकता है?

श्लोक 10 (padma.6.98.10)

श्रीभगवानुवाच । रुद्रांशसंभवत्वाच्च ब्रह्मणो वचनादपि । प्रीत्या च तव नैवायं मम वध्यो जलंधरः

śrībhagavānuvāca rudrāṁśasaṁbhavatvācca brahmaṇo vacanādapi prītyā ca tava naivāyaṁ mama vadhyo jalaṁdharaḥ

श्रीभगवान ने कहा - रुद्र के अंश से उत्पन्न होने के कारण, ब्रह्मा के वचन के कारण, और तुम्हारे प्रेम के कारण भी - यह जलंधर मेरे द्वारा वध्य नहीं है।

श्लोक 11 (padma.6.98.11)

नारद उवाच । इत्युक्त्वा गरुडारूढः शंखचक्रगदासिभृत् । विष्णुर्वेगाद्ययौ योद्धुं यत्र देवाः स्तुवंति ते

nārada uvāca ityuktvā garuḍārūḍhaḥ śaṁkhacakragadāsibhṛt viṣṇurvegādyayau yoddhuṁ yatra devāḥ stuvaṁti te

नारद ने कहा - ऐसा कहकर, गरुड़ पर आरूढ़, शंख-चक्र-गदा-खड्ग धारण करने वाले विष्णु वेगपूर्वक युद्ध के लिए वहाँ गए, जहाँ वे देवगण स्तुति कर रहे थे।

श्लोक 12 (padma.6.98.12)

अथारुणानुजात्युग्रपक्षवातप्रपीडिताः । वात्याविवर्तिता दैत्या बभ्रमुः खे यथा घनाः

athāruṇānujātyugrapakṣavātaprapīḍitāḥ vātyāvivartitā daityā babhramuḥ khe yathā ghanāḥ

फिर अरुण के छोटे भाई गरुड़ के अत्यंत तीव्र पंखों की वायु से पीड़ित होकर, बवंडर से घुमाए गए दैत्य आकाश में बादलों की तरह घूमने लगे।

श्लोक 13 (padma.6.98.13)

ततो जलंधरो दृष्ट्वा दैत्यान्वात्या प्रपीडितान् । नोवाच वचनं क्रोधात्ततो विष्णुं समभ्ययात्

tato jalaṁdharo dṛṣṭvā daityānvātyā prapīḍitān novāca vacanaṁ krodhāttato viṣṇuṁ samabhyayāt

तब अपने दैत्यों को बवंडर से पीड़ित देखकर जलंधर ने क्रोध से एक शब्द भी नहीं कहा, बल्कि विष्णु की ओर बढ़ चला।

श्लोक 14 (padma.6.98.14)

ततः समभवद्युद्धं विष्णुदैत्येंद्रयोर्महत् । आकाशं कुर्वतोर्बाणैरंते निरवकाशवत्

tataḥ samabhavadyuddhaṁ viṣṇudaityeṁdrayormahat ākāśaṁ kurvatorbāṇairaṁte niravakāśavat

तब विष्णु और उस दैत्येंद्र के बीच एक महान युद्ध हुआ। दोनों ने बाणों से आकाश को अंततः स्थानरहित-सा बना दिया।

श्लोक 15 (padma.6.98.15)

विष्णुर्दैत्यस्य बाणौघैर्ध्वजं च्छत्रं धनुर्हयान् । चिच्छेद तं च हृदये बाणेनैकेनताडयन्

viṣṇurdaityasya bāṇaughairdhvajaṁ cchatraṁ dhanurhayān ciccheda taṁ ca hṛdaye bāṇenaikenatāḍayan

विष्णु ने बाणों की धारा से दैत्य के ध्वज, छत्र, धनुष और घोड़ों को काट डाला, और एक ही बाण से उसके हृदय पर प्रहार किया।

श्लोक 16 (padma.6.98.16)

ततो दैत्यं समुत्पत्य गदापाणिस्त्वरान्वितः । आगत्य गरुडं मूर्ध्नि पातयामास भूतले

tato daityaṁ samutpatya gadāpāṇistvarānvitaḥ āgatya garuḍaṁ mūrdhni pātayāmāsa bhūtale

तब उस दैत्य ने ऊपर उछलकर, गदा हाथ में लिए हुए, शीघ्रता से आकर गरुड़ के सिर पर प्रहार कर उसे भूमि पर गिरा दिया।

श्लोक 17 (padma.6.98.17)

विष्णुर्गदां च खड्गेन चिच्छेद प्रहसन्निव । तावत्स सुहृदे विष्णुं जघान दृढमुष्टिना

viṣṇurgadāṁ ca khaḍgena ciccheda prahasanniva tāvatsa suhṛde viṣṇuṁ jaghāna dṛḍhamuṣṭinā

विष्णु ने मानो हँसते हुए उसकी गदा को तलवार से काट डाला। तभी उस दैत्य ने विष्णु के हृदय पर एक दृढ़ मुष्टि-प्रहार किया।

श्लोक 18 (padma.6.98.18)

ततस्तौ बाहुयुद्धेन युयुधाते महाबलौ । बाहुभिर्मुष्टिभिश्चैव जानुभिर्नादयन्महीम्

tatastau bāhuyuddhena yuyudhāte mahābalau bāhubhirmuṣṭibhiścaiva jānubhirnādayanmahīm

फिर वे दोनों महाबली भुजाओं और मुट्ठियों से तथा घुटनों से पृथ्वी को गुँजाते हुए बाहु-युद्ध करने लगे।

श्लोक 19 (padma.6.98.19)

एवं सुरुचिरं युद्धं कृत्वा विष्णुः प्रतापवान् । उवाच दैत्यराजानं मेघगंभीरया गिरा

evaṁ suruciraṁ yuddhaṁ kṛtvā viṣṇuḥ pratāpavān uvāca daityarājānaṁ meghagaṁbhīrayā girā

इस प्रकार अत्यंत मनोहर युद्ध कर, प्रतापी विष्णु ने मेघ के समान गंभीर वाणी में उस दैत्यराज से कहा -

श्लोक 20 (padma.6.98.20)

विष्णुरुवाच । वरं वरय दैत्येंद्र प्रीतोऽस्मि तव विक्रमात् । अदेयमपि ते दद्मि यत्ते मनसि वर्तते

viṣṇuruvāca varaṁ varaya daityeṁdra prīto'smi tava vikramāt adeyamapi te dadmi yatte manasi vartate

विष्णु ने कहा - हे दैत्येंद्र! वर माँगो, तुम्हारे पराक्रम से मैं प्रसन्न हूँ। जो तुम्हारे मन में है, वह मैं तुम्हें दूँगा, चाहे वह अदेय ही क्यों न हो।

श्लोक 21 (padma.6.98.21)

जलंधर उवाच । यदि भावुकतुष्टोऽसि वरमेतं ददस्व मे । मद्भगिन्या सह तया मद्गृहे सगणो वस

jalaṁdhara uvāca yadi bhāvukatuṣṭo'si varametaṁ dadasva me madbhaginyā saha tayā madgṛhe sagaṇo vasa

जलंधर ने कहा - यदि आप सचमुच प्रसन्न हैं, तो यह वर मुझे दीजिए - अपनी बहन के साथ, अपने गणों सहित मेरे घर में निवास कीजिए।

श्लोक 22 (padma.6.98.22)

नारद उवाच । तथेत्युक्त्वा स भगवान्सर्वदेवगणैः सह । जलंधरं नाम पुरमगमद्रमया सह

nārada uvāca tathetyuktvā sa bhagavānsarvadevagaṇaiḥ saha jalaṁdharaṁ nāma puramagamadramayā saha

नारद ने कहा - ऐसा ही हो कहकर भगवान सभी देवगणों सहित तथा रमा सहित जलंधर नामक नगर में चले गए।

श्लोक 23 (padma.6.98.23)

जलंधरश्च देवानामधिकारेषु दानवान् । स्थापयित्वा सहर्षः सन्पुनरागान्महीतले

jalaṁdharaśca devānāmadhikāreṣu dānavān sthāpayitvā saharṣaḥ sanpunarāgānmahītale

और जलंधर, देवताओं के अधिकार-स्थानों में दानवों को स्थापित कर, हर्षित होकर पुनः पृथ्वी पर लौट आया।

श्लोक 24 (padma.6.98.24)

देवगंधर्वसिद्धेषु यत्किंचिद्रत्नसंज्ञितम् । तदात्मवशगं कृत्वा तिष्ठत्सागरनंदनः

devagaṁdharvasiddheṣu yatkiṁcidratnasaṁjñitam tadātmavaśagaṁ kṛtvā tiṣṭhatsāgaranaṁdanaḥ

देवों, गंधर्वों और सिद्धों में जो भी रत्न कहलाने योग्य वस्तु थी, उसे अपने वश में कर वह सागर-नंदन रहने लगा।

श्लोक 25 (padma.6.98.25)

पातालभवने दैत्यं निशुंभं च महाबलम् । स्थापयित्वा स शेषादीननयद्भूतलं बली

pātālabhavane daityaṁ niśuṁbhaṁ ca mahābalam sthāpayitvā sa śeṣādīnanayadbhūtalaṁ balī

पाताल-भवन में महाबली दैत्य निशुंभ को स्थापित कर, उस बलवान ने शेष आदि को पृथ्वीतल पर ले आया।

श्लोक 26 (padma.6.98.26)

देवगंधर्वसिद्धौघान्यक्षरासमानुषान् । स्वपुरे नागरान्कृत्वा शशास भुवनत्रयम्

devagaṁdharvasiddhaughānyakṣarāsamānuṣān svapure nāgarānkṛtvā śaśāsa bhuvanatrayam

देव, गंधर्व, सिद्ध, यक्ष, राक्षस और मनुष्यों के समूहों को अपने नगर का निवासी बनाकर उसने तीनों लोकों पर शासन किया।

श्लोक 27 (padma.6.98.27)

एवं जलंधरः कृत्वा देवांश्च वशवर्त्तिनः । धर्मेण पालयामास प्रजाः पुत्रानिवौरसान्

evaṁ jalaṁdharaḥ kṛtvā devāṁśca vaśavarttinaḥ dharmeṇa pālayāmāsa prajāḥ putrānivaurasān

इस प्रकार जलंधर ने देवताओं को अपने वश में कर, प्रजाओं का धर्मपूर्वक पालन किया, मानो वे अपने ही औरस पुत्र हों।

श्लोक 28 (padma.6.98.28)

न कश्चित्व्याधितो नैव दुःखितो न कृशस्तथा । न दीनो दृश्यते तस्मिन्धर्माद्राज्यं प्रशासति

na kaścitvyādhito naiva duḥkhito na kṛśastathā na dīno dṛśyate tasmindharmādrājyaṁ praśāsati

उसके धर्मपूर्वक राज्य करने पर कोई भी रोगी, दुःखी, दुर्बल अथवा दीन दिखाई नहीं देता था।

श्लोक 29 (padma.6.98.29)

एवं महीं शासति दानवेंद्रे धर्मेण सम्यक्च यदृच्छयाहम् । कदाचिदागामथ तस्य लक्ष्मीं विलोकितुं श्रीरमणं च सेवितुम्

evaṁ mahīṁ śāsati dānaveṁdre dharmeṇa samyakca yadṛcchayāham kadācidāgāmatha tasya lakṣmīṁ vilokituṁ śrīramaṇaṁ ca sevitum

इस प्रकार दानवेंद्र के भलीभाँति धर्मपूर्वक पृथ्वी पर शासन करते हुए, एक बार मैं स्वेच्छा से उसकी समृद्धि देखने और श्रीरमण की सेवा करने के लिए वहाँ गया।