चम्पक-पुष्प-माहात्म्य

श्लोक 1 (padma.7.10.1)

जैमिनिरुवाच- माहात्म्यमेतद्गङ्गायास्त्वत्प्रसादाच्छ्रुतं मया । इदानीं श्रोतुमिच्छामि विष्णुपूजाफलं गुरो

jaiminiruvāca- māhātmyametadgaṅgāyāstvatprasādācchrutaṁ mayā idānīṁ śrotumicchāmi viṣṇupūjāphalaṁ guro

जैमिनि ने कहा — गंगा की यह महिमा मैंने आपकी कृपा से सुनी। अब, हे गुरो! मैं विष्णु-पूजा का फल सुनना चाहता हूँ।

श्लोक 2 (padma.7.10.2)

व्यास उवाच- शृणु लक्ष्मीपतेर्वत्स सपर्या फलमुत्तमम् । यच्छ्रुत्वा मानवाः सर्वे लभंते ज्ञानमुत्तमम्

vyāsa uvāca- śṛṇu lakṣmīpatervatsa saparyā phalamuttamam yacchrutvā mānavāḥ sarve labhaṁte jñānamuttamam

व्यास जी ने कहा — हे वत्स! लक्ष्मीपति की पूजा का उत्तम फल सुनो, जिसे सुनकर सभी मनुष्य उत्तम ज्ञान प्राप्त करते हैं।

श्लोक 3 (padma.7.10.3)

विप्र द्वादशमासेषु माघादिषु सनातनः । पूजितव्यो विधानैर्यैः शृणु तानि वदाम्यहम्

vipra dvādaśamāseṣu māghādiṣu sanātanaḥ pūjitavyo vidhānairyaiḥ śṛṇu tāni vadāmyaham

हे विप्र! बारह महीनों में, माघ आदि में, जिन विधानों से सनातन विष्णु की पूजा करनी चाहिए, वे सुनो, मैं कहता हूँ।

श्लोक 4 (padma.7.10.4)

माघेमासि समायाते सर्वमासोत्तमे शुभे । आमिषं मैथुनं चैव त्याजयेद्वैष्णवोत्तमः

māghemāsi samāyāte sarvamāsottame śubhe āmiṣaṁ maithunaṁ caiva tyājayedvaiṣṇavottamaḥ

समस्त महीनों में उत्तम और शुभ माघ मास के आने पर, उत्तम वैष्णव को मांस और मैथुन दोनों का त्याग करना चाहिए।

श्लोक 5 (padma.7.10.5)

प्रातःस्नायी भवेन्नित्यं तैलान्यपि च वर्जयेत् । द्विर्भोजनं परान्नं च माघेमासि परित्यजेत्

prātaḥsnāyī bhavennityaṁ tailānyapi ca varjayet dvirbhojanaṁ parānnaṁ ca māghemāsi parityajet

उसे नित्य प्रातः स्नान करना चाहिए और तेल का भी त्याग करना चाहिए; माघ मास में दो बार भोजन करना और दूसरों का दिया अन्न खाना, दोनों का त्याग करना चाहिए।

श्लोक 6 (padma.7.10.6)

प्रातः शुक्लांबरधरः कृतपंच महाध्वरः । सपर्यामारभेद्विष्णोः स्थिरचित्तो हि मानवः

prātaḥ śuklāṁbaradharaḥ kṛtapaṁca mahādhvaraḥ saparyāmārabhedviṣṇoḥ sthiracitto hi mānavaḥ

प्रातः श्वेत वस्त्र धारण करके, पाँच महायज्ञ पूरे करके, स्थिर-चित्त मनुष्य को विष्णु की पूजा आरम्भ करनी चाहिए।

श्लोक 7 (padma.7.10.7)

ईषदुष्णजलैः शुद्धैः स्नापयेद्विष्णुमव्ययम् । अतिश्लथैश्चंदनैश्च विष्णोरङ्गानि लेपयेत्

īṣaduṣṇajalaiḥ śuddhaiḥ snāpayedviṣṇumavyayam atiślathaiścaṁdanaiśca viṣṇoraṅgāni lepayet

हलके गुनगुने, शुद्ध जल से अविनाशी विष्णु को स्नान कराना चाहिए, और अत्यन्त पतले चन्दन से विष्णु के अंगों का लेप करना चाहिए।

श्लोक 8 (padma.7.10.8)

पूजयेज्जगदीशस्य देवदेवस्य चक्रिणः । प्रक्षालितानि पात्राणि जलहीनानि कारयेत्

pūjayejjagadīśasya devadevasya cakriṇaḥ prakṣālitāni pātrāṇi jalahīnāni kārayet

देवताओं के देव, चक्रधारी जगदीश्वर की पूजा करनी चाहिए; उनके पात्रों को धोकर, जल-रहित करके रखना चाहिए।

श्लोक 9 (padma.7.10.9)

स्नापयित्वा जगन्नाथमीषदुष्णेन वारिणा । प्रोक्षितव्यं तच्छरीरं दिव्यवस्त्रेण यत्नतः

snāpayitvā jagannāthamīṣaduṣṇena vāriṇā prokṣitavyaṁ taccharīraṁ divyavastreṇa yatnataḥ

जगन्नाथ को हलके गुनगुने जल से स्नान कराकर, उनके शरीर को यत्नपूर्वक दिव्य वस्त्र से पोंछना चाहिए।

श्लोक 10 (padma.7.10.10)

सलिलैरीषदुष्णैश्च प्रस्नापयति केशवम् । माघेमासि द्विजश्रेष्ठ फलं तस्य मयोच्यते

salilairīṣaduṣṇaiśca prasnāpayati keśavam māghemāsi dvijaśreṣṭha phalaṁ tasya mayocyate

हलके गुनगुने जल से जो केशव को स्नान कराता है, हे द्विजश्रेष्ठ, माघ मास में उसका फल मुझसे सुनो।

श्लोक 11 (padma.7.10.11)

विमुक्तः पातकैः सर्वैर्जन्मजन्मांतरार्जितैः । इह भुंक्ते सुखं सर्वं शेषे याति हरेर्गृहम्

vimuktaḥ pātakaiḥ sarvairjanmajanmāṁtarārjitaiḥ iha bhuṁkte sukhaṁ sarvaṁ śeṣe yāti harergṛham

जन्म-जन्मान्तर में अर्जित समस्त पापों से मुक्त होकर, वह यहाँ समस्त सुख भोगता है, और अन्त में हरि के धाम को जाता है।

श्लोक 12 (padma.7.10.12)

यत्नात्प्रक्षाल्य पात्राणि कृत्वाशुद्धानिवारिभिः । यः पूजयेज्जगन्नाथं तस्य पुण्यं निशामय

yatnātprakṣālya pātrāṇi kṛtvāśuddhānivāribhiḥ yaḥ pūjayejjagannāthaṁ tasya puṇyaṁ niśāmaya

यत्नपूर्वक पात्रों को धोकर, शुद्ध जल से युक्त करके, जो जगन्नाथ की पूजा करता है, उसका पुण्य सुनो।

श्लोक 13 (padma.7.10.13)

इह भुक्त्वाखिलान्कामान्सर्वव्याधिविवर्जितः । अंते युगसहस्राणि तिष्ठेत्केशवमंदिरम्

iha bhuktvākhilānkāmānsarvavyādhivivarjitaḥ aṁte yugasahasrāṇi tiṣṭhetkeśavamaṁdiram

यहाँ समस्त कामनाओं को भोगकर, सम्पूर्ण रोगों से रहित होकर, अन्त में वह हजार युगों तक केशव के मन्दिर में रहता है।

श्लोक 14 (padma.7.10.14)

प्रभाते विश्वसंध्यायां पुरतश्चक्रपाणिनः । ज्वलंतं स्थापयेद्वह्निं निर्द्धूमं वैष्णवो जनः

prabhāte viśvasaṁdhyāyāṁ purataścakrapāṇinaḥ jvalaṁtaṁ sthāpayedvahniṁ nirddhūmaṁ vaiṣṇavo janaḥ

प्रभात में, विश्व-सन्ध्या के समय, चक्रपाणि के सामने, वैष्णव जन को धुँआ-रहित जलती हुई अग्नि रखनी चाहिए।

श्लोक 15 (padma.7.10.15)

शीतस्य वारणार्थाय सायंप्रातश्च वैष्णवः । माघे विष्ण्वग्रतो वह्निं ज्वालयेत्तत्फलंशृणु

śītasya vāraṇārthāya sāyaṁprātaśca vaiṣṇavaḥ māghe viṣṇvagrato vahniṁ jvālayettatphalaṁśṛṇu

शीत को दूर करने के लिए, वैष्णव को सन्ध्या और प्रातः दोनों समय, माघ में विष्णु के सामने अग्नि जलानी चाहिए — उसका फल सुनो।

श्लोक 16 (padma.7.10.16)

इह भुक्त्वाखिलान्कामान्पुत्रपौत्रसमन्वितः । अंते विष्णुपुरं याति दैवतैरपि दुर्ल्लभम्

iha bhuktvākhilānkāmānputrapautrasamanvitaḥ aṁte viṣṇupuraṁ yāti daivatairapi durllabham

यहाँ पुत्र-पौत्रों सहित समस्त कामनाओं को भोगकर, अन्त में वह विष्णु के धाम को जाता है, जो देवताओं के लिए भी दुर्लभ है।

श्लोक 17 (padma.7.10.17)

यथैवात्मा तथा विष्णुः संदेहोनात्र विद्यते । स्वपंतं देवदेवेशं पर्यंकोपरि केशवम्

yathaivātmā tathā viṣṇuḥ saṁdehonātra vidyate svapaṁtaṁ devadeveśaṁ paryaṁkopari keśavam

जैसी अपनी आत्मा है, वैसे ही विष्णु हैं, इसमें कोई सन्देह नहीं। शय्या पर लेटे हुए देवाधिदेव केशव के लिए,

श्लोक 18 (padma.7.10.18)

आत्मनः कुरुते मर्त्यो यथा शीतनिवारणम् । क्षीरेण स्नापयेद्यस्तु माघे मासि जनार्दनम् । तस्मै देवोत्तमो विष्णुः संतुष्टो न ददाति किम्

ātmanaḥ kurute martyo yathā śītanivāraṇam kṣīreṇa snāpayedyastu māghe māsi janārdanam tasmai devottamo viṣṇuḥ saṁtuṣṭo na dadāti kim

जिस प्रकार मनुष्य अपने लिए शीत का निवारण करता है, उसी प्रकार करना चाहिए। जो माघ मास में जनार्दन को दूध से स्नान कराता है — उससे प्रसन्न होकर देवोत्तम विष्णु क्या नहीं देते?

श्लोक 19 (padma.7.10.19)

तथा शीतक्षयं कुर्याद्दिव्यवस्त्रेण चक्रिणः

tathā śītakṣayaṁ kuryāddivyavastreṇa cakriṇaḥ

इसी प्रकार चक्रधारी के लिए दिव्य वस्त्र से शीत का नाश करना चाहिए।

श्लोक 20 (padma.7.10.20)

यः पूजयेत्सकृन्माघे स्नापयित्वा चतुर्भुजम् । नालिकेरोदकैर्दुग्धैः फलं तस्य वदाम्यहम्

yaḥ pūjayetsakṛnmāghe snāpayitvā caturbhujam nālikerodakairdugdhaiḥ phalaṁ tasya vadāmyaham

जो माघ में एक बार भी नारियल-जल और दूध से चतुर्भुज विष्णु को स्नान कराकर पूजा करता है, उसका फल मैं कहता हूँ।

श्लोक 21 (padma.7.10.21)

नरकाब्धौ मज्जमानान्दुस्तरे स्वेन कर्मणा । उद्धृत्य कोटिपुरुषान्स याति चक्रिणः पदम्

narakābdhau majjamānāndustare svena karmaṇā uddhṛtya koṭipuruṣānsa yāti cakriṇaḥ padam

अपने ही कर्मों से दुस्तर नरक-सागर में डूबते हुए करोड़ों पुरुषों का उद्धार करके, वह चक्रधारी के धाम को जाता है।

श्लोक 22 (padma.7.10.22)

माघे मासे च शुक्लायां पंचम्यां द्विजसत्तम । एकादश्यां च पंचम्यां हरिपूजा विशेषतः

māghe māse ca śuklāyāṁ paṁcamyāṁ dvijasattama ekādaśyāṁ ca paṁcamyāṁ haripūjā viśeṣataḥ

हे द्विजसत्तम! माघ मास की शुक्ल पंचमी, एकादशी और पंचमी को, हरि-पूजा विशेष रूप से करनी चाहिए।

श्लोक 23 (padma.7.10.23)

दातव्यो देवदेवाय सपद्माय मुरारये । पायसो धूपसहितो माघेमासि दिने दिने

dātavyo devadevāya sapadmāya murāraye pāyaso dhūpasahito māghemāsi dine dine

प्रतिदिन, माघ मास में, धूप-सहित खीर देवाधिदेव कमल-धारी मुरारि को अर्पित करनी चाहिए।

श्लोक 24 (padma.7.10.24)

सधूपपायसं यस्तु माघे यच्छति चक्रिणे । तस्य पुण्यफलं वच्मि शृणु वैष्णव जैमिने

sadhūpapāyasaṁ yastu māghe yacchati cakriṇe tasya puṇyaphalaṁ vacmi śṛṇu vaiṣṇava jaimine

जो माघ में धूप-सहित खीर चक्रधारी को अर्पित करता है, उसके पुण्य का फल मैं कहता हूँ, हे वैष्णव जैमिनि, सुनो।

श्लोक 25 (padma.7.10.25)

अंते विष्णुपुरं गत्वा मन्वंतरचतुष्टयम् । भुंक्ते मनोरमान्भोगान्प्रसादाच्चक्रपाणिनः

aṁte viṣṇupuraṁ gatvā manvaṁtaracatuṣṭayam bhuṁkte manoramānbhogānprasādāccakrapāṇinaḥ

अन्त में विष्णु के धाम को जाकर, चार मन्वन्तरों तक, चक्रधारी की कृपा से, मनोहर भोगों को भोगता है।

श्लोक 26 (padma.7.10.26)

पुनरागत्य धरणीं चक्रवर्ती नृपो भवेत् । भुंक्ते च भोगं सुचिरं मृतो याति हरेर्गृहम्

punarāgatya dharaṇīṁ cakravartī nṛpo bhavet bhuṁkte ca bhogaṁ suciraṁ mṛto yāti harergṛham

फिर पृथ्वी पर लौटकर वह चक्रवर्ती राजा बनता है, और दीर्घकाल तक भोग भोगकर, मरने पर हरि के धाम को जाता है।

श्लोक 27 (padma.7.10.27)

पंचम्यां वापि सप्तम्यामेकादश्यां च जैमिने । अशक्तो वैष्णवो दद्यात्परमान्नं मुरारये

paṁcamyāṁ vāpi saptamyāmekādaśyāṁ ca jaimine aśakto vaiṣṇavo dadyātparamānnaṁ murāraye

हे जैमिनि! पंचमी को, अथवा सप्तमी को, अथवा एकादशी को, असमर्थ वैष्णव को भी मुरारि के लिए उत्तम खीर अवश्य देनी चाहिए।

श्लोक 28 (padma.7.10.28)

कृष्णपक्षाद्दिवजश्रेष्ठ शुक्लपक्षे विशेषतः । शुक्लपक्षे तिथिष्वेषु दद्यादन्नं मुरारये

kṛṣṇapakṣāddivajaśreṣṭha śuklapakṣe viśeṣataḥ śuklapakṣe tithiṣveṣu dadyādannaṁ murāraye

हे द्विजश्रेष्ठ! कृष्ण पक्ष में भी, विशेषतः शुक्ल पक्ष में, इन तिथियों में मुरारि को अन्न अर्पित करना चाहिए।

श्लोक 29 (padma.7.10.29)

एकाहमपि यो माघे विष्णवे दैत्यजिष्णवे । सपूपंपायसं दद्यान्न तस्य दुर्ल्लभो हरिः

ekāhamapi yo māghe viṣṇave daityajiṣṇave sapūpaṁpāyasaṁ dadyānna tasya durllabho hariḥ

जो मनुष्य माघ में दैत्यों के विजेता विष्णु को एक दिन भी पूए और खीर सहित अर्पित करता है, उसके लिए हरि दुर्लभ नहीं रहते।

श्लोक 30 (padma.7.10.30)

यत्किच्चिद्दिवजतुष्ट्यर्थं माघेमासि प्रदीयते । तदक्षयं भवेत्पुंसः कोऽपि नास्त्यत्र संशयः

yatkicciddivajatuṣṭyarthaṁ māghemāsi pradīyate tadakṣayaṁ bhavetpuṁsaḥ ko'pi nāstyatra saṁśayaḥ

माघ मास में द्विज (हरि) की तुष्टि के लिए जो कुछ भी अर्पित किया जाता है, वह मनुष्य के लिए अक्षय हो जाता है — इसमें कोई सन्देह नहीं है।

श्लोक 31 (padma.7.10.31)

माघे मासि कृतं कर्म शुभं वाशुभमेव वा । तस्य नास्ति क्षयं विप्र मन्वंतरशतैरपि

māghe māsi kṛtaṁ karma śubhaṁ vāśubhameva vā tasya nāsti kṣayaṁ vipra manvaṁtaraśatairapi

हे विप्र! माघ मास में किया गया कर्म, चाहे शुभ हो या अशुभ, सैकड़ों मन्वन्तरों में भी क्षीण नहीं होता।

श्लोक 32 (padma.7.10.32)

माघे चंपकपुष्पेण योऽर्चयेत्कमलापतिम् । स गच्छेत्परमं धाम विमुक्तः सर्वपातकैः

māghe caṁpakapuṣpeṇa yo'rcayetkamalāpatim sa gacchetparamaṁ dhāma vimuktaḥ sarvapātakaiḥ

जो माघ में चम्पक के फूल से लक्ष्मीपति की पूजा करता है, वह समस्त पापों से मुक्त होकर परम धाम को जाता है।

श्लोक 33 (padma.7.10.33)

यावंति स्वर्णपुष्पाणि दीयंते चक्रपाणये । तावद्युगसहस्राणि स्थीयते विष्णुमंदिरम्

yāvaṁti svarṇapuṣpāṇi dīyaṁte cakrapāṇaye tāvadyugasahasrāṇi sthīyate viṣṇumaṁdiram

चक्रधारी को जितने स्वर्ण-पुष्प अर्पित किये जाते हैं, उतने ही हजार युगों तक वह विष्णु के मन्दिर में रहता है।

श्लोक 34 (padma.7.10.34)

मेरुतुल्यसुवर्णानि दत्वा भवति यत्फलम् । एकेन स्वर्णपुष्पेण हरिं संपूज्य तत्फलम्

merutulyasuvarṇāni datvā bhavati yatphalam ekena svarṇapuṣpeṇa hariṁ saṁpūjya tatphalam

मेरु के तुल्य स्वर्ण दान करने से जो फल मिलता है, वही फल एक स्वर्ण-पुष्प से हरि की पूजा करने से मिलता है।

श्लोक 35 (padma.7.10.35)

सुवर्णपुष्पं विप्रेन्द्र सर्वदा केशवप्रियम् । माघेमासि विशेषेण पवित्रं केशवप्रियम्

suvarṇapuṣpaṁ viprendra sarvadā keśavapriyam māghemāsi viśeṣeṇa pavitraṁ keśavapriyam

हे विप्रेन्द्र! स्वर्ण-पुष्प सदा केशव को प्रिय है; माघ मास में विशेष रूप से यह पवित्र और केशव-प्रिय है।

श्लोक 36 (padma.7.10.36)

सुवर्णकुसुमैर्दिव्यैर्येन नाराधितो हरिः । रत्नैर्हीनः सुवर्णाद्यैः स भवेज्जन्मजन्मनि

suvarṇakusumairdivyairyena nārādhito hariḥ ratnairhīnaḥ suvarṇādyaiḥ sa bhavejjanmajanmani

जो दिव्य स्वर्ण-पुष्पों से हरि की आराधना नहीं करता, वह जन्म-जन्मान्तर में स्वर्ण आदि रत्नों से रहित रहता है।

श्लोक 37 (padma.7.10.37)

फलं चंपकपुष्पस्य ब्रवीम्यहं विशेषतः । आकर्णय द्विजश्रेष्ठ सेतिहासमनुत्तमम्

phalaṁ caṁpakapuṣpasya bravīmyahaṁ viśeṣataḥ ākarṇaya dvijaśreṣṭha setihāsamanuttamam

अब मैं चम्पक-पुष्प का फल विशेष रूप से कहता हूँ। हे द्विजश्रेष्ठ! इस उत्तम इतिहास को ध्यान से सुनो।

श्लोक 38 (padma.7.10.38)

सुवर्णो नाम भूपालो बलवान्सर्वशास्त्रवित् । आर्यावर्तेषु सर्वेषु बभूव विप्रवर्चसा

suvarṇo nāma bhūpālo balavānsarvaśāstravit āryāvarteṣu sarveṣu babhūva vipravarcasā

सुवर्ण नाम का एक राजा था, बलवान् और समस्त शास्त्रों का ज्ञाता, जो समस्त आर्यावर्त में ब्राह्मणों के तेज से (राज्य पाकर) विख्यात हुआ।

श्लोक 39 (padma.7.10.39)

राजश्रिया विद्यया च वयसा च स भूपतिः । अतिप्रमत्तो विप्रर्षे सदा पापरतोऽभवत्

rājaśriyā vidyayā ca vayasā ca sa bhūpatiḥ atipramatto viprarṣe sadā pāparato'bhavat

राजलक्ष्मी, विद्या और युवावस्था से उन्मत्त होकर, हे विप्रर्षे, वह भूपति अत्यन्त उन्मत्त होकर सदा पाप में लीन रहता था।

श्लोक 40 (padma.7.10.40)

पाखंडमंत्रिणां वाक्यैर्विनादोषैरपि द्विज । धनलोभात्तेन राज्ञा दंड्यंते साधवो जनाः

pākhaṁḍamaṁtriṇāṁ vākyairvinādoṣairapi dvija dhanalobhāttena rājñā daṁḍyaṁte sādhavo janāḥ

हे द्विज! पाखण्डी मन्त्रियों के वचनों से, बिना किसी दोष के भी, धन के लोभ से, उस राजा द्वारा साधु-जनों को दण्ड दिया जाता था।

श्लोक 41 (padma.7.10.41)

अन्यायोपार्जितं वित्तं गीतवाद्यादिभिर्वृतः । समस्तं नाशयामास यज्ञदानविवर्जितः

anyāyopārjitaṁ vittaṁ gītavādyādibhirvṛtaḥ samastaṁ nāśayāmāsa yajñadānavivarjitaḥ

अन्याय से अर्जित धन को, गीत-वाद्य आदि से घिरा हुआ, यज्ञ और दान से रहित होकर, वह सम्पूर्ण नष्ट कर देता था।

श्लोक 42 (padma.7.10.42)

न ज्ञातिपोषणं चक्रे न देवद्विजभोजनम् । न च याचकसंतुष्टिं सर्वदा पापमोहितः

na jñātipoṣaṇaṁ cakre na devadvijabhojanam na ca yācakasaṁtuṣṭiṁ sarvadā pāpamohitaḥ

उसने अपने ही बन्धुओं का पालन नहीं किया, देवताओं और ब्राह्मणों को भोजन नहीं कराया, याचकों को कभी सन्तुष्ट नहीं किया — सदा पाप से मोहित रहता था।

श्लोक 43 (padma.7.10.43)

न चकारातिथेः पूजां सदा पापपरायणः । ययौ च मंदिरान्नित्यं स भूपः पापमंदिरः

na cakārātitheḥ pūjāṁ sadā pāpaparāyaṇaḥ yayau ca maṁdirānnityaṁ sa bhūpaḥ pāpamaṁdiraḥ

अतिथि का सत्कार नहीं करता था, सदा पाप-परायण रहता था; वह राजा, पाप का घर बना हुआ, सदा घर में ही रहता था।

श्लोक 44 (padma.7.10.44)

कृतानि तेन पापानि यान्यन्यान्यविवेकिनाम् । अपि वर्षशतैः शक्तः संख्यातुं जनितानि किम्

kṛtāni tena pāpāni yānyanyānyavivekinām api varṣaśataiḥ śaktaḥ saṁkhyātuṁ janitāni kim

उसने जो पाप किये, वे अन्य समस्त अविवेकियों के पापों से भी बढ़कर थे — सैकड़ों वर्षों में भी उन्हें कौन गिन सकता है?

श्लोक 45 (padma.7.10.45)

एकदा स महीपालः कामेन परिमोहितः । जगाम वेश्यानिलयं निशीथे दुरिताशयः

ekadā sa mahīpālaḥ kāmena parimohitaḥ jagāma veśyānilayaṁ niśīthe duritāśayaḥ

एक बार वह राजा, काम से अत्यन्त मोहित होकर, पाप में लीन-चित्त होकर, रात्रि में वेश्या के घर गया।

श्लोक 46 (padma.7.10.46)

तमायांतं ततो दृष्ट्वा भूपालमुज्ज्वलाह्वया । सहसोत्थाय पर्यंके चक्रे तत्पादवंदनम्

tamāyāṁtaṁ tato dṛṣṭvā bhūpālamujjvalāhvayā sahasotthāya paryaṁke cakre tatpādavaṁdanam

उसे आते देखकर, उज्ज्वला नाम की वह वेश्या, तत्काल पलंग से उठकर, राजा के पैरों में प्रणाम करने लगी।

श्लोक 47 (padma.7.10.47)

प्रक्षाल्य तत्पादयुगं भृंगारसलिलैश्च सा । मंचे निवेशयामास दोर्भ्यामालिङ्ग्य तं नृपम्

prakṣālya tatpādayugaṁ bhṛṁgārasalilaiśca sā maṁce niveśayāmāsa dorbhyāmāliṅgya taṁ nṛpam

कलश के जल से उसके दोनों पैर धोकर, वह उसे पलंग पर बिठाकर, अपनी दोनों भुजाओं से उस राजा का आलिंगन करने लगी।

श्लोक 48 (padma.7.10.48)

तत्प्रेमामृतधाराभिः सिक्तोऽसौ पृथिवीपतिः । तस्मिन्नुवास पर्यंके तया सह कुतूहली

tatpremāmṛtadhārābhiḥ sikto'sau pṛthivīpatiḥ tasminnuvāsa paryaṁke tayā saha kutūhalī

उसके प्रेम-रूपी अमृत की धाराओं से सिंचित होकर, वह राजा, उत्सुक होकर, उसी पलंग पर उसके साथ बैठा।

श्लोक 49 (padma.7.10.49)

ततः सा गणिका प्रीत्या हसंती नवयौवना । ददौ चंपकपुष्पाणां तस्मै भूमिभुजे स्वयम्

tataḥ sā gaṇikā prītyā hasaṁtī navayauvanā dadau caṁpakapuṣpāṇāṁ tasmai bhūmibhuje svayam

तब वह वेश्या, नवयौवना, प्रसन्नतापूर्वक हँसती हुई, स्वयं उस राजा के लिए चम्पक-पुष्पों की माला ले आई।

श्लोक 50 (padma.7.10.50)

पुष्पमाला पुष्पमेकं तस्माद्भूपति हस्ततः । पपात धरणीपृष्ठे गन्धव्याप्तदिगंतरम्

puṣpamālā puṣpamekaṁ tasmādbhūpati hastataḥ papāta dharaṇīpṛṣṭhe gandhavyāptadigaṁtaram

उस पुष्प-माला में से एक फूल, राजा के हाथ से, चारों दिशाओं में सुगन्ध फैलाता हुआ, पृथ्वी पर गिर पड़ा।

श्लोक 51 (padma.7.10.51)

तच्च्युतं कुसुमं दृष्ट्वा स राजाऽत्यतसंभ्रमात् । नमोनारायणायेति जगादोङ्कारपूर्वकम्

taccyutaṁ kusumaṁ dṛṣṭvā sa rājā'tyatasaṁbhramāt namonārāyaṇāyeti jagādoṅkārapūrvakam

उस गिरे हुए फूल को देखकर, वह राजा, अत्यन्त घबराहट में, "ॐ नमो नारायणाय" ऐसा कहने लगा।

श्लोक 52 (padma.7.10.52)

नारायणायेति वाक्यात्सर्वाणि पातकानि च । स्वर्णपुष्पप्रदानेन तस्य नष्टानि भूभुजः

nārāyaṇāyeti vākyātsarvāṇi pātakāni ca svarṇapuṣpapradānena tasya naṣṭāni bhūbhujaḥ

उस "नारायणाय" शब्द से, और उस स्वर्ण-सम फूल के अर्पण से, उस राजा के समस्त पाप नष्ट हो गये।

श्लोक 53 (padma.7.10.53)

ग्रामीणा अथ सर्वेऽपि समागत्यातिदुर्जये । तस्यामेव निशायां तं जघ्नुर्वेश्यागृहे स्थितम्

grāmīṇā atha sarve'pi samāgatyātidurjaye tasyāmeva niśāyāṁ taṁ jaghnurveśyāgṛhe sthitam

तभी, गाँव के सभी लोग, आ पहुँचकर, उसी रात्रि में, अत्यन्त क्रूरता से, वेश्या के घर में स्थित उसे मार डाला।

श्लोक 54 (padma.7.10.54)

नेतुं तमथ भूपालं सर्वपातकिनां वरम् । किंकरान्प्रेषयामास क्रुद्धो वैवस्वतो भृशम्

netuṁ tamatha bhūpālaṁ sarvapātakināṁ varam kiṁkarānpreṣayāmāsa kruddho vaivasvato bhṛśam

उस राजा को, जो पापियों में श्रेष्ठ था, ले जाने के लिए, अत्यन्त क्रुद्ध हुए यमराज ने अपने सेवकों को भेजा।

श्लोक 55 (padma.7.10.55)

तेनाज्ञप्तास्ततो दूताः पाशमुद्गरपाणयः । अतिवेगात्समायाताः क्रोधसंरक्तलोचनाः

tenājñaptāstato dūtāḥ pāśamudgarapāṇayaḥ ativegātsamāyātāḥ krodhasaṁraktalocanāḥ

उनकी आज्ञा से, हाथों में पाश और मुद्गर लिये, अत्यन्त वेग से, क्रोध से लाल नेत्रों वाले दूत वहाँ आये।

श्लोक 56 (padma.7.10.56)

उद्यमं चक्रिरे नेतुं यमदूताः स्वमालयम् । ततो नारायणप्रेष्याः शङ्खचक्रगदाधराः

udyamaṁ cakrire netuṁ yamadūtāḥ svamālayam tato nārāyaṇapreṣyāḥ śaṅkhacakragadādharāḥ

यमदूतों ने उसे अपने ही धाम की ओर ले जाने का प्रयत्न किया। तब शंख, चक्र और गदा धारण किये,

श्लोक 57 (padma.7.10.57)

आयाता गरुडारूढास्तं नेतुं पृथिवीपतिम् । पाशे नियंत्रितं दृष्ट्वा तं भूपं विष्णुकिंकराः

āyātā garuḍārūḍhāstaṁ netuṁ pṛthivīpatim pāśe niyaṁtritaṁ dṛṣṭvā taṁ bhūpaṁ viṣṇukiṁkarāḥ

नारायण के सेवक, गरुड़ पर सवार होकर, उस राजा को ले जाने आये। उसे पाश में बँधा देखकर, विष्णु के दूतों ने,

श्लोक 58 (padma.7.10.58)

जघ्नुश्चक्रैर्गदाभिश्च यमदूतान्महाबलाः । समारोप्य रथे दिव्ये शंखान्दध्मुरनुत्तमान्

jaghnuścakrairgadābhiśca yamadūtānmahābalāḥ samāropya rathe divye śaṁkhāndadhmuranuttamān

महाबली होकर, चक्रों और गदाओं से यमदूतों को मार डाला, और उसे दिव्य रथ पर बिठाकर, उत्तम शंख फूँके।

श्लोक 59 (padma.7.10.59)

तथा राजा रथारूढस्तुलसीमाल्यभूषितः । पीतकौशेयवासाश्च स्वर्णालंकारभूषितः

tathā rājā rathārūḍhastulasīmālyabhūṣitaḥ pītakauśeyavāsāśca svarṇālaṁkārabhūṣitaḥ

फिर वह राजा, रथ पर सवार, तुलसी-माला से सुशोभित, पीत-वस्त्र धारण किये, स्वर्ण-आभूषणों से भूषित,

श्लोक 60 (padma.7.10.60)

स्तूयमानो मुनिगर्णैर्वेदवेदाङ्गपारगैः । विष्णुदूतैः परिवृतो हरेः सालोक्यमाययौ

stūyamāno munigarṇairvedavedāṅgapāragaiḥ viṣṇudūtaiḥ parivṛto hareḥ sālokyamāyayau

वेद-वेदांग में पारंगत मुनि-समूहों द्वारा स्तुत होते हुए, विष्णु-दूतों से घिरा हुआ, हरि की सालोक्यता को प्राप्त हुआ।

श्लोक 61 (padma.7.10.61)

अथोत्थाय स्वयं विष्णुश्चतुर्भिर्दीर्घबाहुभिः । तमालिंगितवान्भूपं प्रोक्तवांश्च द्विजोत्तम

athotthāya svayaṁ viṣṇuścaturbhirdīrghabāhubhiḥ tamāliṁgitavānbhūpaṁ proktavāṁśca dvijottama

फिर स्वयं विष्णु उठकर, अपनी चार दीर्घ भुजाओं से उस राजा का आलिंगन करके, हे द्विजोत्तम, यह कहने लगे।

श्लोक 62 (padma.7.10.62)

श्रीभगवानुवाच- नृपते कुशलं ब्रूहि सर्वपुण्यात्मनां वर । किमस्ति साध्यं भवतस्तदाज्ञापय संप्रति

śrībhagavānuvāca- nṛpate kuśalaṁ brūhi sarvapuṇyātmanāṁ vara kimasti sādhyaṁ bhavatastadājñāpaya saṁprati

श्रीभगवान् ने कहा — हे राजन्! तुम्हारा कुशल कहो, हे समस्त पुण्यात्माओं में श्रेष्ठ! जो तुम्हारे लिए सिद्ध करने योग्य हो, वह अभी आज्ञा करो।

श्लोक 63 (padma.7.10.63)

नमोनारायणायेति वारैकमपि यो वदेत् । नित्यं तस्यानुपाल्योऽहं स मे भ्राता स मे पिता

namonārāyaṇāyeti vāraikamapi yo vadet nityaṁ tasyānupālyo'haṁ sa me bhrātā sa me pitā

जो कोई भी एक बार भी "ॐ नमो नारायणाय" कहता है, मैं सदा उसका पालक बनता हूँ, वह मेरा भाई है, वह मेरा पिता है।

श्लोक 64 (padma.7.10.64)

नारायणेति मन्नाम कदाचिद्यः स्मेरन्नरः । साधयाम्यखिलं तस्य पितुः पुत्र इवेप्सितम्

nārāyaṇeti mannāma kadācidyaḥ smerannaraḥ sādhayāmyakhilaṁ tasya pituḥ putra ivepsitam

जो मनुष्य कभी भी मेरे "नारायण" नाम का स्मरण करता है, मैं उसकी समस्त अभीष्ट कामनाओं को वैसे ही सिद्ध करता हूँ जैसे पिता पुत्र की।

श्लोक 65 (padma.7.10.65)

भक्तोऽसि नृपतिश्रेष्ठ तस्मान्निजमनोरथम् । प्रकाशयाद्भुतं तात किं ते दास्यामि चाधुना

bhakto'si nṛpatiśreṣṭha tasmānnijamanoratham prakāśayādbhutaṁ tāta kiṁ te dāsyāmi cādhunā

हे नृपतिश्रेष्ठ! तुम मेरे भक्त हो, इसलिए अपना मनोरथ प्रकट करो, हे तात! मैं तुम्हें अभी क्या दूँ?

श्लोक 66 (padma.7.10.66)

राजोवाच- सर्वमेव दयासिन्धो त्वया दत्तं न संशयः । पापिनापि मया प्राप्तं तव स्थानं सुदुर्ल्लभम्

rājovāca- sarvameva dayāsindho tvayā dattaṁ na saṁśayaḥ pāpināpi mayā prāptaṁ tava sthānaṁ sudurllabham

राजा ने कहा — हे दयासिन्धो! आपने मुझे सब कुछ दे दिया है, इसमें कोई सन्देह नहीं; पापी होते हुए भी मैंने आपका यह अत्यन्त दुर्लभ धाम प्राप्त किया है।

श्लोक 67 (padma.7.10.67)

तस्यानेन तु वाक्येन प्रसन्नः कमलापतिः । स्नेहान्निवेशयामास भूपालं तन्निशामय

tasyānena tu vākyena prasannaḥ kamalāpatiḥ snehānniveśayāmāsa bhūpālaṁ tanniśāmaya

उसकी इस बात से, लक्ष्मीपति प्रसन्न होकर, स्नेह से उस राजा को अपने पास बिठाया — यह सुनो।

श्लोक 68 (padma.7.10.68)

ततः सुवर्णालंकारैर्विश्वकर्मविनिर्मितैः । चकार मण्डलं तस्य स्वयमेव दयामया

tataḥ suvarṇālaṁkārairviśvakarmavinirmitaiḥ cakāra maṇḍalaṁ tasya svayameva dayāmayā

फिर विश्वकर्मा द्वारा बनाये गये स्वर्ण-आभूषणों से, स्वयं ही, दया-भाव से, उन्होंने उसे विभूषित किया।

श्लोक 69 (padma.7.10.69)

अथ नानाविधैर्भक्ष्यैर्दिव्यैरपि सुदुर्ल्लभैः । तोषितः स महीपालो विष्णुनाति सहिष्णुना

atha nānāvidhairbhakṣyairdivyairapi sudurllabhaiḥ toṣitaḥ sa mahīpālo viṣṇunāti sahiṣṇunā

फिर नाना प्रकार के दिव्य, अत्यन्त दुर्लभ खाद्य पदार्थों से, अत्यन्त सहनशील विष्णु ने उस राजा को सन्तुष्ट किया।

श्लोक 70 (padma.7.10.70)

एवं प्रतिदिनं तस्थौ स राजा विष्णुमंदिरम् । मन्वन्तरसहस्राणि नव वर्ष शतानि च

evaṁ pratidinaṁ tasthau sa rājā viṣṇumaṁdiram manvantarasahasrāṇi nava varṣa śatāni ca

इस प्रकार वह राजा प्रतिदिन विष्णु के मन्दिर में रहा, नौ सौ हजार मन्वन्तरों तक।

श्लोक 71 (padma.7.10.71)

प्रजानां पालनं चक्रे स राजा धर्मतत्परः । पूजयामास सततं भक्त्या परमया हरिः

prajānāṁ pālanaṁ cakre sa rājā dharmatatparaḥ pūjayāmāsa satataṁ bhaktyā paramayā hariḥ

वह धर्मपरायण राजा, प्रजाओं का पालन करता हुआ, हरि की परम भक्ति से सदा उनकी पूजा करता रहा,

श्लोक 72 (padma.7.10.72)

चारु चंपकपुष्पैश्च नैवेद्यैर्विविधैश्च सः । आयुःशेषे स भूपालो मरणं जाह्नवी जले

cāru caṁpakapuṣpaiśca naivedyairvividhaiśca saḥ āyuḥśeṣe sa bhūpālo maraṇaṁ jāhnavī jale

सुन्दर चम्पक-पुष्पों से और नाना प्रकार के नैवेद्यों से। अपनी आयु के अन्त में, वह राजा जाह्नवी के जल में मृत्यु प्राप्त कर,

श्लोक 73 (padma.7.10.73)

समासाद्य ययौ मोक्षं प्रसादाच्चक्रपाणिनः । व्यास उवाच- विप्र चंपकपुष्पस्य प्रभावोऽयं प्रकीर्तितः

samāsādya yayau mokṣaṁ prasādāccakrapāṇinaḥ vyāsa uvāca- vipra caṁpakapuṣpasya prabhāvo'yaṁ prakīrtitaḥ

चक्रधारी की कृपा से मोक्ष प्राप्त कर गया। व्यास जी ने कहा — हे विप्र! यह चम्पक-पुष्प की महिमा प्रकीर्तित की गई।

श्लोक 74 (padma.7.10.74)

चपंकैर्हरिमभ्यर्च्य मुक्ताः स्युः पापिनो जनाः । स्फुटचंपकपुष्पेण पूजितो भगवान्हरिः

capaṁkairharimabhyarcya muktāḥ syuḥ pāpino janāḥ sphuṭacaṁpakapuṣpeṇa pūjito bhagavānhariḥ

चम्पक के फूलों से हरि की पूजा करके पापी जन भी मुक्त हो जाते हैं। खिले हुए चम्पक-पुष्प से पूजित भगवान् हरि,

श्लोक 75 (padma.7.10.75)

अचिरेणैव विप्रर्षे ददाति परमं पदम् । ये यजंति परात्मानमिच्छया वाप्यनिच्छया

acireṇaiva viprarṣe dadāti paramaṁ padam ye yajaṁti parātmānamicchayā vāpyanicchayā

हे विप्रर्षे! शीघ्र ही परम पद प्रदान करते हैं। जो लोग परमात्मा को इच्छा से अथवा अनिच्छा से भी पूजते हैं,

श्लोक 76 (padma.7.10.76)

तेऽपि यांति परं धाम विमुक्ताः सर्वपातकैः

te'pi yāṁti paraṁ dhāma vimuktāḥ sarvapātakaiḥ

वे भी समस्त पापों से मुक्त होकर परम धाम को जाते हैं।

श्लोक 77 (padma.7.10.77)

हरौ प्रसन्ने दुरितानिकोऽपि यतः स राजा कृतपातकोऽपि । जगाम मोक्षं कृपयामुरारेर्विश्वार्णवं निम्नमिमं वितीर्य

harau prasanne duritāniko'pi yataḥ sa rājā kṛtapātako'pi jagāma mokṣaṁ kṛpayāmurārerviśvārṇavaṁ nimnamimaṁ vitīrya

हरि के प्रसन्न होने पर, समस्त पाप नष्ट हो जाते हैं — जैसे वह राजा, पाप किये होने पर भी, मुरारि की कृपा से मोक्ष को प्राप्त हुआ, इस भयंकर, गहन विश्व-सागर को पार करके।

श्लोक 78 (padma.7.10.78)

दिव्यैः सुगन्धैः कनकप्रसूनैर्नारायणं पद्मदलायताक्षम् । भक्त्या यजेद्यः परमादरेण मर्त्यो व्रजेत्तत्तु विहाय पापम्

divyaiḥ sugandhaiḥ kanakaprasūnairnārāyaṇaṁ padmadalāyatākṣam bhaktyā yajedyaḥ paramādareṇa martyo vrajettattu vihāya pāpam

जो मनुष्य, दिव्य, सुगन्धित स्वर्ण-पुष्पों से, कमल-दल के समान विशाल नेत्रों वाले नारायण की भक्तिपूर्वक और परम आदर से पूजा करता है, वह उस पाप को छोड़कर, अवश्य ही उन्हीं के धाम को जाता है।