एकादशी-महिमा

श्लोक 1 (padma.7.22.1)

जैमिनिरुवाच- गङ्गायाः शुभ माहात्म्यं विष्णुपूजाफलं तथा । अन्नदानस्य माहात्म्यं जलदानस्य चोत्तमम्

jaiminiruvāca- gaṅgāyāḥ śubha māhātmyaṁ viṣṇupūjāphalaṁ tathā annadānasya māhātmyaṁ jaladānasya cottamam

जैमिनि ने कहा — गंगा की शुभ महिमा, विष्णु-पूजा का फल, अन्नदान की महिमा और उत्तम जलदान —

श्लोक 2 (padma.7.22.2)

विप्रपादोदकस्यापि माहात्म्यं पापनाशनम् । त्वत्प्रसादाच्छ्रुतं सर्वं सेतिहासं गुरो मया

viprapādodakasyāpi māhātmyaṁ pāpanāśanam tvatprasādācchrutaṁ sarvaṁ setihāsaṁ guro mayā

— तथा ब्राह्मण के चरण-जल की पापनाशक महिमा भी — हे गुरो! आपकी कृपा से यह सब मैंने इतिहास सहित सुन लिया।

श्लोक 3 (padma.7.22.3)

इदानीं मुनिशार्दूल श्रोतुमिच्छामि सादरम् । एकादश्याः फलं सर्वं सर्वपातकनाशनम्

idānīṁ muniśārdūla śrotumicchāmi sādaram ekādaśyāḥ phalaṁ sarvaṁ sarvapātakanāśanam

हे मुनिशार्दूल! अब मैं आदरपूर्वक एकादशी का समस्त फल सुनना चाहता हूँ, जो समस्त पापों का नाश करने वाला है।

श्लोक 4 (padma.7.22.4)

कस्मादेकादशी श्रेष्ठा तस्याः को वा विधिः स्मृतः । कदाचित् क्रियते किं वा फलं तस्या वदस्व मे

kasmādekādaśī śreṣṭhā tasyāḥ ko vā vidhiḥ smṛtaḥ kadācit kriyate kiṁ vā phalaṁ tasyā vadasva me

एकादशी क्यों श्रेष्ठ है, उसकी विधि क्या कही गई है, वह कब की जाती है, और उसका फल क्या है — यह मुझे बताइए।

श्लोक 5 (padma.7.22.5)

का वा पूज्यतमा तत्र देवता सद्गुणार्णव । अकुर्वतः स्यात्को दोषस्तन्मे वक्तुमिहार्हसि

kā vā pūjyatamā tatra devatā sadguṇārṇava akurvataḥ syātko doṣastanme vaktumihārhasi

हे सद्गुणों के सागर! उसमें सबसे अधिक पूज्य देवता कौन है? और जो इसे नहीं करता, उसे क्या दोष लगता है — यह भी मुझे बताइए।

श्लोक 6 (padma.7.22.6)

व्यास उवाच- एकादश्याः फलं सर्वं वक्तुं नारायणादृते । शक्नोति नान्यो विप्रर्षे तस्माद्वच्मि समासतः

vyāsa uvāca- ekādaśyāḥ phalaṁ sarvaṁ vaktuṁ nārāyaṇādṛte śaknoti nānyo viprarṣe tasmādvacmi samāsataḥ

व्यास जी ने कहा — हे विप्रर्षे! नारायण के अतिरिक्त एकादशी का समस्त फल कहने में और कोई समर्थ नहीं है; इसलिए मैं इसे संक्षेप में ही कहता हूँ।

श्लोक 7 (padma.7.22.7)

सृष्ट्वादौ पुरुषश्रेष्ठः संसारं सचराचरम् । सर्वेषां दमनार्थाय सृष्टवान्पापपूरुषम्

sṛṣṭvādau puruṣaśreṣṭhaḥ saṁsāraṁ sacarācaram sarveṣāṁ damanārthāya sṛṣṭavānpāpapūruṣam

सृष्टि के आरंभ में पुरुषश्रेष्ठ ने चराचर सहित संसार की रचना करके, सबके नियंत्रण के लिए पाप-पुरुष की रचना की।

श्लोक 8 (padma.7.22.8)

द्विजातिहत्यामूर्द्धानं मदिरापानलोचनम् । स्वर्णस्तेयं च वदनं गुरुतल्पगतिः श्रुतिः

dvijātihatyāmūrddhānaṁ madirāpānalocanam svarṇasteyaṁ ca vadanaṁ gurutalpagatiḥ śrutiḥ

ब्राह्मण-हत्या के पाप को उसका सिर बनाया, मदिरापान के पाप को नेत्र, सुवर्ण-चोरी को मुख, गुरुपत्नी-गमन को श्रवण-इन्द्रिय —

श्लोक 9 (padma.7.22.9)

स्त्रीहत्या नासिकं चैव गोहत्यादोष बाहुकम् । न्यासापहारण ग्रीवं भ्रूणहत्या गलं तथा

strīhatyā nāsikaṁ caiva gohatyādoṣa bāhukam nyāsāpahāraṇa grīvaṁ bhrūṇahatyā galaṁ tathā

— स्त्री-हत्या को नासिका, गो-हत्या के दोष को बाहु, धरोहर हड़पने को ग्रीवा, और भ्रूण-हत्या को कंठ —

श्लोक 10 (padma.7.22.10)

परस्त्रीगतबुक्काग्रं सुहृल्लोकवधोदरम् । शरणापन्नहत्यादि नाभिगर्तावधिं कटिम्

parastrīgatabukkāgraṁ suhṛllokavadhodaram śaraṇāpannahatyādi nābhigartāvadhiṁ kaṭim

— परस्त्री-गमन को स्तन के अग्रभाग, मित्रों के वध को उदर, शरणागत की हत्या आदि को नाभि और कमर —

श्लोक 11 (padma.7.22.11)

गुरुनिंदा सक्थिभागं कन्याविक्रय शेफसम् । विश्वासवाक्यकथनं पायुं प्रीतिवधांघ्रिकम्

guruniṁdā sakthibhāgaṁ kanyāvikraya śephasam viśvāsavākyakathanaṁ pāyuṁ prītivadhāṁghrikam

— गुरु-निंदा को जंघा-भाग, कन्या-विक्रय को जननेंद्रिय, विश्वासघाती वचन कहने को गुदा, और प्रेमी की हत्या को चरण —

श्लोक 12 (padma.7.22.12)

उपपातकरोमाणं महाकायं भयंकरम् । कृष्णवर्णं पिंगनेत्रं स्वाश्रयात्यंतदुःखदम्

upapātakaromāṇaṁ mahākāyaṁ bhayaṁkaram kṛṣṇavarṇaṁ piṁganetraṁ svāśrayātyaṁtaduḥkhadam

— उपपातकों को उसके रोम बनाए; वह विशालकाय, भयंकर, कृष्णवर्ण, पीले नेत्रों वाला और अपने आश्रय को अत्यंत दुःख देने वाला था।

श्लोक 13 (padma.7.22.13)

तं दृष्ट्वा पापपुरुषमत्युग्रं पुरुषोत्तमम् । सदयश्चिंतयामास प्रजाक्लेशहरः प्रभुः

taṁ dṛṣṭvā pāpapuruṣamatyugraṁ puruṣottamam sadayaściṁtayāmāsa prajākleśaharaḥ prabhuḥ

उस अत्यंत उग्र पाप-पुरुष को देखकर, प्रजा के क्लेश को हरने वाले, दयालु प्रभु पुरुषोत्तम ने विचार किया।

श्लोक 14 (padma.7.22.14)

सृष्टोऽयं दुर्जनः क्रूरः स्वाश्रयक्लेशदायकः । प्रजानां दमनार्थाय सृजाम्येतस्य कारणम्

sṛṣṭo'yaṁ durjanaḥ krūraḥ svāśrayakleśadāyakaḥ prajānāṁ damanārthāya sṛjāmyetasya kāraṇam

"यह दुर्जन, क्रूर, अपने आश्रय को क्लेश देने वाला, प्रजा के नियंत्रण के लिए बनाया गया है; अब मैं इसका कारण रचता हूँ।"

श्लोक 15 (padma.7.22.15)

अथासौ भगवान्विष्णुर्बभूव स्वयमंतकः । ससर्ज रौरवादींश्च निरयान्पापिदुःखदान्

athāsau bhagavānviṣṇurbabhūva svayamaṁtakaḥ sasarja rauravādīṁśca nirayānpāpiduḥkhadān

तब भगवान विष्णु स्वयं यमराज बने, और उन्होंने पापियों को दुःख देने वाले रौरव आदि नरकों की भी रचना की।

श्लोक 16 (padma.7.22.16)

पापं यः सेवते मूढो न याति परमं पदम् । यमाज्ञया व्रजेत्तत्र नरकं रौरवादिकम्

pāpaṁ yaḥ sevate mūḍho na yāti paramaṁ padam yamājñayā vrajettatra narakaṁ rauravādikam

जो मूर्ख पाप करता है, वह परम पद को नहीं पाता; यमराज की आज्ञा से वह रौरव आदि नरक में जाता है।

श्लोक 17 (padma.7.22.17)

एकदा भगवान्विष्णुः प्रजानां दुःखनाशनः । वैनतेयं समारुह्य जगाम यममंदिरम्

ekadā bhagavānviṣṇuḥ prajānāṁ duḥkhanāśanaḥ vainateyaṁ samāruhya jagāma yamamaṁdiram

एक बार भगवान विष्णु, प्रजा के दुःख का नाश करने वाले, गरुड़ पर सवार होकर यम के धाम को गए।

श्लोक 18 (padma.7.22.18)

तं दृष्ट्वा जगतामीशं नारायणमनामयम् । धूपाद्यैः पूजयामास भास्करिस्तुष्टमानसः

taṁ dṛṣṭvā jagatāmīśaṁ nārāyaṇamanāmayam dhūpādyaiḥ pūjayāmāsa bhāskaristuṣṭamānasaḥ

जगत् के ईश्वर, निरामय नारायण को देखकर, सूर्यपुत्र ने प्रसन्नचित्त होकर धूप आदि से उनकी पूजा की।

श्लोक 19 (padma.7.22.19)

यमेनाभ्यर्चितो विष्णुः सर्वलोकैकनायकः । उवास द्विजशार्दूल पीठे कनकनिर्मिते

yamenābhyarcito viṣṇuḥ sarvalokaikanāyakaḥ uvāsa dvijaśārdūla pīṭhe kanakanirmite

हे द्विजशार्दूल! यम द्वारा पूजित, समस्त लोकों के एकमात्र स्वामी विष्णु सुवर्ण-निर्मित आसन पर विराजमान हुए।

श्लोक 20 (padma.7.22.20)

तत्रोपविष्टो भगवान्यमेन सह दैत्यहा । शुश्राव क्रंदनं ध्यानं दक्षिणस्यां दिशि प्रभो

tatropaviṣṭo bhagavānyamena saha daityahā śuśrāva kraṁdanaṁ dhyānaṁ dakṣiṇasyāṁ diśi prabho

दैत्यों के संहारक प्रभु वहाँ यम के साथ बैठे हुए, दक्षिण दिशा से एक क्रंदन की ध्वनि सुनकर ध्यान में गए।

श्लोक 21 (padma.7.22.21)

अथासौ कमलाकांतो विस्मयाविष्टमानसः । उवाचेति यमं तेषां कुतोऽयं क्रंदनध्वनिः

athāsau kamalākāṁto vismayāviṣṭamānasaḥ uvāceti yamaṁ teṣāṁ kuto'yaṁ kraṁdanadhvaniḥ

तब वे कमलाकांत विस्मित मन से यम से यह पूछने लगे कि यह क्रंदन-ध्वनि कहाँ से आ रही है।

श्लोक 22 (padma.7.22.22)

यम उवाच- देवपातकिनो मर्त्या निरयेऽत्यंतदुःखदे । स्वहस्तार्जितदोषेण सीदंति च ममालये

yama uvāca- devapātakino martyā niraye'tyaṁtaduḥkhade svahastārjitadoṣeṇa sīdaṁti ca mamālaye

यम ने कहा — हे देव! अपने ही हाथों अर्जित दोष के कारण, पापी मनुष्य मेरे धाम के अत्यंत दुःखदायी नरक में दुःखी हो रहे हैं।

श्लोक 23 (padma.7.22.23)

पापवृक्षफलं विष्णो भोक्तुमत्यंतदुःखदम् । रुदंति पापिनस्तस्मात्तेषां ध्वनिरसौ महान्

pāpavṛkṣaphalaṁ viṣṇo bhoktumatyaṁtaduḥkhadam rudaṁti pāpinastasmātteṣāṁ dhvanirasau mahān

हे विष्णु! पाप-वृक्ष के अत्यंत दुःखदायी फल को भोगने से पापी लोग रोते हैं; इसीलिए उनकी वह महान ध्वनि है।

श्लोक 24 (padma.7.22.24)

इत्युक्तः सूर्यपुत्रेण कृष्णः कमललोचनः । जगाम सहसा तत्र पापवंतो रुदंति ते

ityuktaḥ sūryaputreṇa kṛṣṇaḥ kamalalocanaḥ jagāma sahasā tatra pāpavaṁto rudaṁti te

सूर्यपुत्र द्वारा ऐसा कहे जाने पर, कमल के समान नेत्रों वाले कृष्ण तत्काल वहाँ गए, जहाँ वे पापी लोग रो रहे थे।

श्लोक 25 (padma.7.22.25)

तान्दृष्ट्वा पापिनो मर्त्यान्रौरवादिषु संस्थितान् । भगवांश्चिंतयामास हृदिजातदयः प्रभुः

tāndṛṣṭvā pāpino martyānrauravādiṣu saṁsthitān bhagavāṁściṁtayāmāsa hṛdijātadayaḥ prabhuḥ

रौरव आदि नरकों में स्थित उन पापी मनुष्यों को देखकर, हृदय में करुणा उत्पन्न होने से भगवान प्रभु ने विचार किया।

श्लोक 26 (padma.7.22.26)

मया सृष्टाः प्रजाः सर्वा दोषेण निजकर्मणाम् । मयि स्थितेऽपि नरके सीदंत्येकांतदुःखदे

mayā sṛṣṭāḥ prajāḥ sarvā doṣeṇa nijakarmaṇām mayi sthite'pi narake sīdaṁtyekāṁtaduḥkhade

"मेरे द्वारा रची गई ये समस्त प्रजाएँ अपने ही कर्मों के दोष से, मेरे विद्यमान रहते हुए भी, इस एकांत-दुःखदायी नरक में दुःखी हो रही हैं।"

श्लोक 27 (padma.7.22.27)

एतच्चान्यच्च विप्रेन्द्र विचिंत्य करुणामयः । बभूव सहसा तत्र स्वयमेकादशी तिथिः

etaccānyacca viprendra viciṁtya karuṇāmayaḥ babhūva sahasā tatra svayamekādaśī tithiḥ

हे विप्रेन्द्र! इसका और अन्य बातों का विचार कर, करुणामय प्रभु से वहाँ सहसा स्वयं एकादशी तिथि प्रकट हो गई।

श्लोक 28 (padma.7.22.28)

ततस्तान्पापिनः सर्वान्कारयामास तच्छ्रुतम् । ते च सर्वे परं धाम ययुर्गलितकल्मषाः

tatastānpāpinaḥ sarvānkārayāmāsa tacchrutam te ca sarve paraṁ dhāma yayurgalitakalmaṣāḥ

तब उसने उन समस्त पापियों से वह एकादशी-व्रत सुना-सुनाकर करवाया, और वे सभी पापरहित होकर परम धाम को गए।

श्लोक 29 (padma.7.22.29)

तस्मादेकादशीं विष्णोमूर्तिं विद्धि परात्मनः । समस्तदुष्कृतिश्रेष्ठं व्रतानां व्रतमुत्तमम्

tasmādekādaśīṁ viṣṇomūrtiṁ viddhi parātmanaḥ samastaduṣkṛtiśreṣṭhaṁ vratānāṁ vratamuttamam

इसलिए एकादशी को परमात्मा विष्णु का ही स्वरूप जानो; यह समस्त दुष्कर्मों को नष्ट करने में श्रेष्ठ है, व्रतों में उत्तम व्रत है।

श्लोक 30 (padma.7.22.30)

एकादशीं तिथिं कृत्वा पावयंतीं जगत्त्रयम् । शंकितः पापपुरुषो विष्णुं स्तोतुमुपाययौ

ekādaśīṁ tithiṁ kṛtvā pāvayaṁtīṁ jagattrayam śaṁkitaḥ pāpapuruṣo viṣṇuṁ stotumupāyayau

तीनों लोकों को पवित्र करने वाली एकादशी तिथि को उत्पन्न होते देख, शंकित हुआ पाप-पुरुष विष्णु की स्तुति करने आया।

श्लोक 31 (padma.7.22.31)

ततो बद्धाञ्जलिर्भक्त्या स पापपुरुषो द्विज । तुष्टाव कमलाकांतं भगवंतं जनार्दनम्

tato baddhāñjalirbhaktyā sa pāpapuruṣo dvija tuṣṭāva kamalākāṁtaṁ bhagavaṁtaṁ janārdanam

हे द्विज! तब वह पाप-पुरुष हाथ जोड़कर भक्तिपूर्वक कमलाकांत भगवान जनार्दन की स्तुति करने लगा।

श्लोक 32 (padma.7.22.32)

तस्यस्तवं समाकर्ण्य प्रसन्नः परमेश्वरः । उवाचाहं प्रसन्नोऽस्मि किंतेऽभिमतमुच्यताम्

tasyastavaṁ samākarṇya prasannaḥ parameśvaraḥ uvācāhaṁ prasanno'smi kiṁte'bhimatamucyatām

उसकी स्तुति सुनकर प्रसन्न परमेश्वर ने कहा, "मैं प्रसन्न हूँ, तुम्हारा जो अभीष्ट हो, कहो।"

श्लोक 33 (padma.7.22.33)

पापपुरुष उवाच- सृष्टो भगवता विष्णो निजानुग्रहदुःखदः । एकदश्याः प्रभावेण क्षयं प्राप्नोमि सांप्रतम्

pāpapuruṣa uvāca- sṛṣṭo bhagavatā viṣṇo nijānugrahaduḥkhadaḥ ekadaśyāḥ prabhāveṇa kṣayaṁ prāpnomi sāṁpratam

पाप-पुरुष ने कहा — हे विष्णु! भगवान द्वारा अपने ही अनुग्रह के लिए दुःखदायी बनाकर रचा गया मैं, अब एकादशी के प्रभाव से नष्ट हुआ जा रहा हूँ।

श्लोक 34 (padma.7.22.34)

मृते मयि जगत्यस्मिन्सर्वे ते च शरीरिणः । भविष्यंति विनिर्मुक्ता भवबंधैः शरीरिणः

mṛte mayi jagatyasminsarve te ca śarīriṇaḥ bhaviṣyaṁti vinirmuktā bhavabaṁdhaiḥ śarīriṇaḥ

मेरे मरने पर इस जगत् में समस्त प्राणी संसार-बंधनों से मुक्त हो जाएँगे।

श्लोक 35 (padma.7.22.35)

सर्वेषु च विमुक्तेषु देहिश्रेष्ठेषु पूरुषम् । संसारकौतुकागारे कैस्त्वं क्रीडिष्यसे प्रभो

sarveṣu ca vimukteṣu dehiśreṣṭheṣu pūruṣam saṁsārakautukāgāre kaistvaṁ krīḍiṣyase prabho

और यदि समस्त श्रेष्ठ प्राणी मुक्त हो गए, तो हे प्रभो! इस संसार-रूपी कौतुक-गृह में आप किनके साथ क्रीड़ा करेंगे?

श्लोक 36 (padma.7.22.36)

क्रीडितुं यदि ते वांछा जगत्कौतुकमंदिरे । एकादशी तिथि भयात्तदा मां त्राहि केशव

krīḍituṁ yadi te vāṁchā jagatkautukamaṁdire ekādaśī tithi bhayāttadā māṁ trāhi keśava

यदि इस जगत्-रूपी कौतुक-मंदिर में क्रीड़ा करने की आपकी इच्छा है, तो हे केशव! एकादशी तिथि के भय से मेरी रक्षा कीजिए।

श्लोक 37 (padma.7.22.37)

अन्यैः पुण्यसहस्रैस्तु मां हंतुं न हि शक्यते । शक्नोत्येकादशी पुण्या मां हंतुं वरदो भव

anyaiḥ puṇyasahasraistu māṁ haṁtuṁ na hi śakyate śaknotyekādaśī puṇyā māṁ haṁtuṁ varado bhava

हजारों अन्य पुण्यों से मुझे नष्ट नहीं किया जा सकता; केवल पुण्यमयी एकादशी ही मुझे नष्ट करने में समर्थ है — कृपया वरदाता बनिए।

श्लोक 38 (padma.7.22.38)

मनुष्यपशुकीटेषु तथाऽन्येषु च जंतुषु । पर्वतेषु च वृक्षेषु स्थानेषु च जलेषु च

manuṣyapaśukīṭeṣu tathā'nyeṣu ca jaṁtuṣu parvateṣu ca vṛkṣeṣu sthāneṣu ca jaleṣu ca

मनुष्यों, पशुओं, कीड़ों और अन्य प्राणियों में, पर्वतों और वृक्षों में, स्थानों और जल में —

श्लोक 39 (padma.7.22.39)

नदीषु च समुद्रेषु वनेषु प्रांतरेषु च । स्वर्गे मर्त्ये च पाताले देवगंधर्वपक्षिषु

nadīṣu ca samudreṣu vaneṣu prāṁtareṣu ca svarge martye ca pātāle devagaṁdharvapakṣiṣu

— नदियों और समुद्रों में, वनों और मैदानों में, स्वर्ग, मर्त्य और पाताल में, देवताओं, गंधर्वों और पक्षियों में —

श्लोक 40 (padma.7.22.40)

एकादशीतिथि भयाद्भूयान्विष्णो पलायितः । कुत्रापि निर्भयस्थानं न च तेन च कुत्रचित्

ekādaśītithi bhayādbhūyānviṣṇo palāyitaḥ kutrāpi nirbhayasthānaṁ na ca tena ca kutracit

— हे विष्णु! एकादशी तिथि के भय से मैं कहीं भी भाग गया, फिर भी मुझे कहीं भी कोई निर्भय स्थान नहीं मिला।

श्लोक 41 (padma.7.22.41)

कोटिब्रह्माण्डमध्येषु देवदेव सनातन । एकादश्यां तिथौ स्थातुं मया स्थानं न लभ्यते

koṭibrahmāṇḍamadhyeṣu devadeva sanātana ekādaśyāṁ tithau sthātuṁ mayā sthānaṁ na labhyate

हे देवदेव, हे सनातन! करोड़ों ब्रह्मांडों के भीतर भी मुझे एकादशी तिथि में रहने के लिए कोई स्थान नहीं मिलता।

श्लोक 42 (padma.7.22.42)

एकादश्यामहं कुत्र वत्स्यामि निर्भयः प्रभो । तन्मे कथय देवेश त्वयासृष्टोऽस्म्यहेतुकः

ekādaśyāmahaṁ kutra vatsyāmi nirbhayaḥ prabho tanme kathaya deveśa tvayāsṛṣṭo'smyahetukaḥ

हे प्रभो! एकादशी के दिन मैं निर्भय होकर कहाँ रहूँ? यह मुझे बताइए, हे देवेश! मैं आपके ही द्वारा बिना किसी हेतु के रचा गया हूँ।

श्लोक 43 (padma.7.22.43)

व्यास उवाच- इत्युक्त्वा पापपुरुषः क्लेशनाशनमच्युतम् । भूमौ निपत्य चक्रंद स्रवद्वाष्पविलोचनः

vyāsa uvāca- ityuktvā pāpapuruṣaḥ kleśanāśanamacyutam bhūmau nipatya cakraṁda sravadvāṣpavilocanaḥ

व्यास जी ने कहा — क्लेशनाशक अच्युत से ऐसा कहकर, पाप-पुरुष धरती पर गिरकर, आँखों से आँसू बहाते हुए रोने लगा।

श्लोक 44 (padma.7.22.44)

ततः प्रहस्य भगवान्मधुकैटभमर्दनः । एकादशी भयात्त्रस्तमुवाच पापपूरुषम्

tataḥ prahasya bhagavānmadhukaiṭabhamardanaḥ ekādaśī bhayāttrastamuvāca pāpapūruṣam

तब मधु और कैटभ के संहारक भगवान मुस्कुराए, और एकादशी के भय से त्रस्त उस पाप-पुरुष से यह कहा।

श्लोक 45 (padma.7.22.45)

श्रीभगवानुवाच- उत्तिष्ठ पापपुरुष त्यज शोकं मुदं कुरु । एकादश्यां तिथौ यत्र तव स्थानं वदामि ते

śrībhagavānuvāca- uttiṣṭha pāpapuruṣa tyaja śokaṁ mudaṁ kuru ekādaśyāṁ tithau yatra tava sthānaṁ vadāmi te

श्री भगवान ने कहा — हे पाप-पुरुष! उठो, शोक त्यागो, प्रसन्न हो जाओ। एकादशी तिथि में तुम्हारा स्थान कहाँ होगा, वह मैं तुम्हें बताता हूँ।

श्लोक 46 (padma.7.22.46)

एकादश्यां समायांत्यां प्रपुनन्त्यां जगत्त्रयम् । स्थातव्यमन्नमाश्रित्य भवता पापपूरुषः

ekādaśyāṁ samāyāṁtyāṁ prapunantyāṁ jagattrayam sthātavyamannamāśritya bhavatā pāpapūruṣaḥ

जब तीनों लोकों को पवित्र करने वाली एकादशी आ जाए, तब हे पाप-पुरुष! तुम्हें अन्न का आश्रय लेकर रहना चाहिए।

श्लोक 47 (padma.7.22.47)

अन्नमाश्रित्य तिष्ठंतं भवंतं पापपूरुषम् । न हनिष्यति मन्मूर्तिरियमेकादशी तिथिः

annamāśritya tiṣṭhaṁtaṁ bhavaṁtaṁ pāpapūruṣam na haniṣyati manmūrtiriyamekādaśī tithiḥ

अन्न का आश्रय लेकर स्थित तुम पाप-पुरुष को, मेरी यह मूर्तिस्वरूप एकादशी तिथि नष्ट नहीं करेगी।

श्लोक 48 (padma.7.22.48)

ततो देवोऽपि विप्रर्षे तत्रैवांतर्हितोऽभवत् । कृतार्थः पापपुरुषो ययौ च स यथागतः

tato devo'pi viprarṣe tatraivāṁtarhito'bhavat kṛtārthaḥ pāpapuruṣo yayau ca sa yathāgataḥ

हे विप्रर्षे! तब देव भी वहीं अंतर्धान हो गए, और कृतार्थ हुआ वह पाप-पुरुष जैसे आया था, वैसे ही चला गया।

श्लोक 49 (padma.7.22.49)

तस्मादन्नं न भोक्तव्यं कदाचिदपि सत्तमैः । आत्मनो हितमिच्छद्भिः संप्राप्ते हरिवासरे

tasmādannaṁ na bhoktavyaṁ kadācidapi sattamaiḥ ātmano hitamicchadbhiḥ saṁprāpte harivāsare

इसलिए अपने हित की इच्छा रखने वाले सज्जनों को हरि के दिन आने पर कभी भी अन्न नहीं खाना चाहिए।

श्लोक 50 (padma.7.22.50)

संसारे यानि पापानि तान्येवैकादशीदिने । अन्नमाश्रित्य तिष्ठंति श्रीमन्नारायणाज्ञया

saṁsāre yāni pāpāni tānyevaikādaśīdine annamāśritya tiṣṭhaṁti śrīmannārāyaṇājñayā

संसार में जितने भी पाप हैं, वे सभी श्रीमन्नारायण की आज्ञा से एकादशी के दिन अन्न का आश्रय लेकर स्थित रहते हैं।

श्लोक 51 (padma.7.22.51)

कुर्वतां सर्वपापानि नरकान्निष्कृतिर्भवेत् । येचान्नं भुञ्जतेऽत्रापि ते ज्ञेयाः पापिनां वराः

kurvatāṁ sarvapāpāni narakānniṣkṛtirbhavet yecānnaṁ bhuñjate'trāpi te jñeyāḥ pāpināṁ varāḥ

समस्त पाप करने वालों को भी नरक से मुक्ति मिल सकती है; परन्तु जो इस दिन भी अन्न खाते हैं, उन्हें पापियों में श्रेष्ठ जानना चाहिए।

श्लोक 52 (padma.7.22.52)

भूयोभूयो दृढं वच्मि श्रूयतां श्रूयतां जनाः । न भोक्तव्यं न भोक्तव्यं न भोक्तव्यं कदाचन

bhūyobhūyo dṛḍhaṁ vacmi śrūyatāṁ śrūyatāṁ janāḥ na bhoktavyaṁ na bhoktavyaṁ na bhoktavyaṁ kadācana

मैं बार-बार दृढ़तापूर्वक कहता हूँ, हे लोगो! सुनो, सुनो — इस दिन कभी भी भोजन नहीं करना चाहिए, नहीं करना चाहिए, नहीं करना चाहिए।

श्लोक 53 (padma.7.22.53)

ब्रह्मक्षत्रियविट्शूद्रैरन्यैश्च द्विजसत्तम । सर्वैरेकादशी कार्या चतुर्वर्गफलप्रदा

brahmakṣatriyaviṭśūdrairanyaiśca dvijasattama sarvairekādaśī kāryā caturvargaphalapradā

हे द्विजसत्तम! ब्राह्मण, क्षत्रिय, वैश्य, शूद्र तथा अन्य सभी को चारों पुरुषार्थ देने वाली एकादशी अवश्य करनी चाहिए।

श्लोक 54 (padma.7.22.54)

अष्टादशनिमेषास्तु काष्ठा प्रोक्ता मनीषिभिः । क्षणं त्रिंशत्कलाभिः स्यान्मुहूर्तो द्वादशक्षणैः । त्रिंशन्मुहूर्ता लोकानामहोरात्रः प्रकीर्तितः

aṣṭādaśanimeṣāstu kāṣṭhā proktā manīṣibhiḥ kṣaṇaṁ triṁśatkalābhiḥ syānmuhūrto dvādaśakṣaṇaiḥ triṁśanmuhūrtā lokānāmahorātraḥ prakīrtitaḥ

अठारह निमेषों को बुद्धिमानों ने एक काष्ठा कहा है; तीस कलाओं का एक क्षण होता है, बारह क्षणों का एक मुहूर्त होता है; तीस मुहूर्तों को लोगों का एक अहोरात्र कहा गया है।

श्लोक 55 (padma.7.22.55)

तैः पंञ्चदशभिः पक्षो विज्ञेयो द्विजसत्तम । पक्षाभ्यां शुक्लकृष्णाभ्यां मासस्तु परिकल्पितः

taiḥ paṁñcadaśabhiḥ pakṣo vijñeyo dvijasattama pakṣābhyāṁ śuklakṛṣṇābhyāṁ māsastu parikalpitaḥ

हे द्विजसत्तम! उन पंद्रह दिन-रातों को एक पक्ष जानना चाहिए; शुक्ल और कृष्ण — इन दोनों पक्षों से एक मास बनता है।

श्लोक 56 (padma.7.22.56)

तस्मिन्मासे द्विजश्रेष्ठ पक्षयोः शुक्ल कृष्णयोः । महापातकयुक्तोऽपि करोत्येकादशीं यदि

tasminmāse dvijaśreṣṭha pakṣayoḥ śukla kṛṣṇayoḥ mahāpātakayukto'pi karotyekādaśīṁ yadi

हे द्विजश्रेष्ठ! उस मास में, शुक्ल और कृष्ण दोनों पक्षों में, महापातकों से युक्त व्यक्ति भी यदि एकादशी करता है —

श्लोक 57 (padma.7.22.57)

सर्वपापविनिर्मुक्तो विष्णुलोकमवाप्नुयात् । माता न प्रोच्यते माता माता ह्येकादशी तिथिः

sarvapāpavinirmukto viṣṇulokamavāpnuyāt mātā na procyate mātā mātā hyekādaśī tithiḥ

— तो वह समस्त पापों से मुक्त होकर विष्णुलोक को प्राप्त करता है। सामान्य माता को भी सच्ची माता नहीं कहा जा सकता; वास्तव में सच्ची माता तो एकादशी तिथि ही है।

श्लोक 58 (padma.7.22.58)

इहैव पालयेन्माता सर्वत्रैकादशी तिथिः । एकादशीव्रतं त्यक्त्वा व्रतमन्यत्करोति यः

ihaiva pālayenmātā sarvatraikādaśī tithiḥ ekādaśīvrataṁ tyaktvā vratamanyatkaroti yaḥ

एक साधारण माता केवल इस लोक में ही पालन करती है, परन्तु एकादशी तिथि सर्वत्र पालन करती है। जो एकादशी-व्रत को त्यागकर अन्य व्रत करता है —

श्लोक 59 (padma.7.22.59)

स्वकरस्थं मणिं त्यक्त्वा लोष्ठं गृह्णाति मूढधीः । एकादशीव्रतं यैस्तु कृतं भक्तिसमन्वितैः

svakarasthaṁ maṇiṁ tyaktvā loṣṭhaṁ gṛhṇāti mūḍhadhīḥ ekādaśīvrataṁ yaistu kṛtaṁ bhaktisamanvitaiḥ

— वह मूर्खबुद्धि व्यक्ति अपने हाथ में स्थित मणि को त्यागकर मिट्टी का ढेला ग्रहण करता है। जिन्होंने भक्तिपूर्वक एकादशी-व्रत किया है —

श्लोक 60 (padma.7.22.60)

तैस्तु यज्ञा कृताः सर्वे व्रतानि सकलानि च । एकादश्यां च भुञ्जन्ति ये मोहात्पापिनो नराः

taistu yajñā kṛtāḥ sarve vratāni sakalāni ca ekādaśyāṁ ca bhuñjanti ye mohātpāpino narāḥ

— उनके द्वारा समस्त यज्ञ और समस्त व्रत भी कर लिए गए समझे जाते हैं। जो पापी मनुष्य मोहवश एकादशी को भोजन करते हैं —

श्लोक 61 (padma.7.22.61)

शुक्लायां वापि कृष्णायां तेषां रुष्टः सदा हरिः । तेन धर्माः कृताः सर्वे लङ्घिता येन सा तिथिः

śuklāyāṁ vāpi kṛṣṇāyāṁ teṣāṁ ruṣṭaḥ sadā hariḥ tena dharmāḥ kṛtāḥ sarve laṅghitā yena sā tithiḥ

— चाहे शुक्ल पक्ष में हो या कृष्ण पक्ष में, उन पर हरि सदा रुष्ट रहते हैं। जिसने वह तिथि उल्लंघन कर दी, उसने समस्त धर्मों का भी उल्लंघन कर दिया समझना चाहिए।

श्लोक 62 (padma.7.22.62)

यथा समस्तदेवानां श्रेष्ठो विष्णुः प्रकीर्तितः । तथा सर्वव्रतानां च श्रेष्ठमेकादशी व्रतम्

yathā samastadevānāṁ śreṣṭho viṣṇuḥ prakīrtitaḥ tathā sarvavratānāṁ ca śreṣṭhamekādaśī vratam

जैसे समस्त देवताओं में विष्णु श्रेष्ठ कहे गए हैं, वैसे ही समस्त व्रतों में एकादशी-व्रत श्रेष्ठ है।

श्लोक 63 (padma.7.22.63)

आदित्यानां यथा सूर्यो नक्षत्राणां यथा शशी । तथा सर्वव्रतश्रेष्ठं प्रोक्तमेकादशीव्रतम्

ādityānāṁ yathā sūryo nakṣatrāṇāṁ yathā śaśī tathā sarvavrataśreṣṭhaṁ proktamekādaśīvratam

जैसे आदित्यों में सूर्य और नक्षत्रों में चंद्रमा श्रेष्ठ है, वैसे ही एकादशी-व्रत समस्त व्रतों में श्रेष्ठ कहा गया है।

श्लोक 64 (padma.7.22.64)

वृक्षाणां च यथाश्वत्थो वेदानां साम कीर्तितम् । तथा सर्वव्रतश्रेष्ठं प्रोक्तमेकादशीव्रतम्

vṛkṣāṇāṁ ca yathāśvattho vedānāṁ sāma kīrtitam tathā sarvavrataśreṣṭhaṁ proktamekādaśīvratam

जैसे वृक्षों में पीपल और वेदों में सामवेद श्रेष्ठ कहा गया है, वैसे ही एकादशी-व्रत समस्त व्रतों में श्रेष्ठ कहा गया है।

श्लोक 65 (padma.7.22.65)

कवीनामुशना श्रेष्ठो वर्णानां ब्राह्मणो यथा । तथा सर्वव्रतश्रेष्ठं प्रोक्तमेकादशीव्रतम्

kavīnāmuśanā śreṣṭho varṇānāṁ brāhmaṇo yathā tathā sarvavrataśreṣṭhaṁ proktamekādaśīvratam

जैसे कवियों में उशना और वर्णों में ब्राह्मण श्रेष्ठ है, वैसे ही एकादशी-व्रत समस्त व्रतों में श्रेष्ठ कहा गया है।

श्लोक 66 (padma.7.22.66)

व्यासः श्रेष्ठो मुनीनां च देवर्षीणां च नारदः । तथा व्रतानां सर्वेषां श्रेष्ठमेकादशीव्रतम्

vyāsaḥ śreṣṭho munīnāṁ ca devarṣīṇāṁ ca nāradaḥ tathā vratānāṁ sarveṣāṁ śreṣṭhamekādaśīvratam

जैसे मुनियों में व्यास और देवर्षियों में नारद श्रेष्ठ हैं, वैसे ही समस्त व्रतों में एकादशी-व्रत श्रेष्ठ है।

श्लोक 67 (padma.7.22.67)

यथा समस्तदानानामन्नदानं वरं स्मृतम् । तथा सर्वव्रतश्रेष्ठं प्रोक्तमेकादशीव्रतम्

yathā samastadānānāmannadānaṁ varaṁ smṛtam tathā sarvavrataśreṣṭhaṁ proktamekādaśīvratam

जैसे समस्त दानों में अन्नदान श्रेष्ठ माना गया है, वैसे ही एकादशी-व्रत समस्त व्रतों में श्रेष्ठ कहा गया है।

श्लोक 68 (padma.7.22.68)

यथा पुण्यसमं मित्रं नास्ति शास्त्रसमो गुरुः । तथैवैकादशी तुल्यं व्रतं नास्ति जगत्त्रये

yathā puṇyasamaṁ mitraṁ nāsti śāstrasamo guruḥ tathaivaikādaśī tulyaṁ vrataṁ nāsti jagattraye

जैसे पुण्य के समान कोई मित्र नहीं है, शास्त्र के समान कोई गुरु नहीं है, वैसे ही तीनों लोकों में एकादशी के समान कोई व्रत नहीं है।

श्लोक 69 (padma.7.22.69)

इन्द्रियाणां यथा श्रेष्ठं मनः प्रोक्तं मनीषिभिः । मासानां कार्तिकः श्रेष्ठः पाण्डवानां यथार्जुनः

indriyāṇāṁ yathā śreṣṭhaṁ manaḥ proktaṁ manīṣibhiḥ māsānāṁ kārtikaḥ śreṣṭhaḥ pāṇḍavānāṁ yathārjunaḥ

जैसे इन्द्रियों में मन को बुद्धिमानों ने श्रेष्ठ कहा है, जैसे मासों में कार्तिक श्रेष्ठ है, जैसे पांडवों में अर्जुन श्रेष्ठ है —

श्लोक 70 (padma.7.22.70)

यथा समस्तशास्त्राणां श्रेष्ठा वेदाः प्रकीर्तिताः । तथा व्रतानां प्रवरं स्मृतमेकादशीव्रतम्

yathā samastaśāstrāṇāṁ śreṣṭhā vedāḥ prakīrtitāḥ tathā vratānāṁ pravaraṁ smṛtamekādaśīvratam

— जैसे समस्त शास्त्रों में वेद श्रेष्ठ कहे गए हैं, वैसे ही व्रतों में एकादशी-व्रत श्रेष्ठतम माना गया है।

श्लोक 71 (padma.7.22.71)

वेदागमपुराणेषु शास्त्रेष्वन्येषु च द्विज । कुत्राप्येकादशीतुल्यं व्रतं प्रोक्तं न कोविदैः

vedāgamapurāṇeṣu śāstreṣvanyeṣu ca dvija kutrāpyekādaśītulyaṁ vrataṁ proktaṁ na kovidaiḥ

हे द्विज! वेद, आगम, पुराण और अन्य शास्त्रों में कहीं भी विद्वानों ने एकादशी के समान कोई व्रत नहीं कहा है।

श्लोक 72 (padma.7.22.72)

निर्भया मानवाः सर्वे तिष्ठंति क्षितिमण्डले । एकादशीव्रतं कृत्वा किं करिष्यति भास्करिः

nirbhayā mānavāḥ sarve tiṣṭhaṁti kṣitimaṇḍale ekādaśīvrataṁ kṛtvā kiṁ kariṣyati bhāskariḥ

एकादशी-व्रत करके पृथ्वीमंडल पर समस्त मनुष्य निर्भय होकर रहते हैं; भला यमराज उनका क्या कर सकते हैं?

श्लोक 73 (padma.7.22.73)

एकामेकादशीं सम्यक्कुर्वतां किंकरो यमः । एकादशीव्रतं तस्मात्कर्तव्यं हि शुभप्रदम्

ekāmekādaśīṁ samyakkurvatāṁ kiṁkaro yamaḥ ekādaśīvrataṁ tasmātkartavyaṁ hi śubhapradam

जो लोग एक भी एकादशी को भलीभाँति करते हैं, उनके लिए यम भी सेवक के समान हो जाते हैं; इसलिए शुभप्रद एकादशी-व्रत अवश्य करना चाहिए।

श्लोक 74 (padma.7.22.74)

एकादशीव्रतविधिं संक्षेपात्कथयाम्यहम् । समाहितमना भूत्वा शृणु सत्तम जैमिने

ekādaśīvratavidhiṁ saṁkṣepātkathayāmyaham samāhitamanā bhūtvā śṛṇu sattama jaimine

अब मैं एकादशी-व्रत की विधि संक्षेप में कहता हूँ; हे उत्तम जैमिने! एकाग्रचित्त होकर सुनो।

श्लोक 75 (padma.7.22.75)

दशम्यां प्रातरुत्थाय कर्तव्यं दंतधावनम् । ततस्तैलादृते स्नानं कर्तव्यमन्नवर्जनैः

daśamyāṁ prātarutthāya kartavyaṁ daṁtadhāvanam tatastailādṛte snānaṁ kartavyamannavarjanaiḥ

दशमी के दिन प्रातःकाल उठकर दांत साफ करने चाहिए; फिर तेल के बिना स्नान करना चाहिए, और अन्न-त्याग करते हुए —

श्लोक 76 (padma.7.22.76)

ततो विष्णुं समभ्यर्च्य पाद्याद्यैर्जगदीश्वरम् । हरिध्यानपरो भूत्वा एकभोजनमाचरेत्

tato viṣṇuṁ samabhyarcya pādyādyairjagadīśvaram haridhyānaparo bhūtvā ekabhojanamācaret

— फिर पाद्य आदि से जगदीश्वर विष्णु की पूजा कर, हरि-ध्यान में लीन होकर, केवल एक बार भोजन करना चाहिए।

श्लोक 77 (padma.7.22.77)

आमिषं लवणं चैव तथा मांसं मसूरकम् । बृहन्माषं तथा शाकं दशम्यां परिवर्जयेत्

āmiṣaṁ lavaṇaṁ caiva tathā māṁsaṁ masūrakam bṛhanmāṣaṁ tathā śākaṁ daśamyāṁ parivarjayet

दशमी के दिन मांस, नमक, मसूर की दाल, उड़द की दाल और साग का त्याग करना चाहिए।

श्लोक 78 (padma.7.22.78)

द्विर्भोजनं परान्नं च मधूनि मैथुनं तथा । भोजनं कांस्यपात्रेषु दशम्यां परिवर्जयेत्

dvirbhojanaṁ parānnaṁ ca madhūni maithunaṁ tathā bhojanaṁ kāṁsyapātreṣu daśamyāṁ parivarjayet

दो बार भोजन, दूसरे का अन्न, मधु, मैथुन और कांसे के पात्र में भोजन — इन सबका दशमी को त्याग करना चाहिए।

श्लोक 79 (padma.7.22.79)

निम्बपत्रं च वृंताकं दग्धं जंबीरमेव च । घृतहीनं तथा गव्यं दशम्यां परिवर्जयेत्

nimbapatraṁ ca vṛṁtākaṁ dagdhaṁ jaṁbīrameva ca ghṛtahīnaṁ tathā gavyaṁ daśamyāṁ parivarjayet

नीम के पत्ते, बैंगन, जला हुआ भोजन, नीबू, तथा घी-रहित दूध आदि का दशमी को त्याग करना चाहिए।

श्लोक 80 (padma.7.22.80)

अत्यन्तभोजनं चैव अत्यन्ताशनभोजनम् । तांबूलभक्षणं चैव दशम्यां परिवर्जयेत्

atyantabhojanaṁ caiva atyantāśanabhojanam tāṁbūlabhakṣaṇaṁ caiva daśamyāṁ parivarjayet

अत्यधिक भोजन, बहुत बार भोजन और ताम्बूल-भक्षण — इन सबका दशमी को त्याग करना चाहिए।

श्लोक 81 (padma.7.22.81)

दशम्यां यानि वस्तूनि निषिद्धानि द्विजोत्तम । द्वादश्यामपि तान्येव निषिद्धानि न संशयः

daśamyāṁ yāni vastūni niṣiddhāni dvijottama dvādaśyāmapi tānyeva niṣiddhāni na saṁśayaḥ

हे द्विजोत्तम! जो वस्तुएँ दशमी को निषिद्ध हैं, वे ही द्वादशी को भी निषिद्ध हैं, इसमें संशय नहीं।

श्लोक 82 (padma.7.22.82)

दशम्यां विप्रशार्दूल द्वादश्यामपि वैष्णवः । सम्यग्व्रतफलप्रेप्सुर्न कुर्यान्निशि भोजनम्

daśamyāṁ vipraśārdūla dvādaśyāmapi vaiṣṇavaḥ samyagvrataphalaprepsurna kuryānniśi bhojanam

हे विप्रशार्दूल! दशमी और द्वादशी को भी, व्रत का पूर्ण फल चाहने वाले वैष्णव को रात्रि में भोजन नहीं करना चाहिए।

श्लोक 83 (padma.7.22.83)

अतो हविष्यं कृत्वा तु दशम्यां सत्वरो व्रती । अपराह्णे पुनः कुर्याद्विधिना दंतधावनम्

ato haviṣyaṁ kṛtvā tu daśamyāṁ satvaro vratī aparāhṇe punaḥ kuryādvidhinā daṁtadhāvanam

इसलिए दशमी को हविष्यान्न ग्रहण करके, व्रती को शीघ्रतापूर्वक अपराह्न में पुनः विधिवत दांत साफ करने चाहिए।

श्लोक 84 (padma.7.22.84)

सायं देवालयं गत्वा गृहीत्वा कुसुमाञ्जलिम् । केशवं मनसा ध्मायन्मंत्रमेतमुदीरयेत्

sāyaṁ devālayaṁ gatvā gṛhītvā kusumāñjalim keśavaṁ manasā dhmāyanmaṁtrametamudīrayet

संध्या को देव-मंदिर जाकर, फूलों की अंजलि लेकर, मन में केशव का ध्यान करते हुए यह मंत्र उच्चारण करना चाहिए।

श्लोक 85 (padma.7.22.85)

एतद्गृहीतं गोविंद मया त्वत्पुरतो व्रतम् । सिद्धिं गच्छतु निर्विघ्नं तव पादानुकंपया

etadgṛhītaṁ goviṁda mayā tvatpurato vratam siddhiṁ gacchatu nirvighnaṁ tava pādānukaṁpayā

"हे गोविन्द! मैंने आपके समक्ष यह व्रत ग्रहण किया है; आपके चरणों की कृपा से यह निर्विघ्न सिद्धि को प्राप्त हो।"

श्लोक 86 (padma.7.22.86)

अतिचंचलचित्तोऽहं लोभमोहमयो नरः । शक्नोम्येतद्व्रतं कर्तुं किं तवानुग्रहादृते

aticaṁcalacitto'haṁ lobhamohamayo naraḥ śaknomyetadvrataṁ kartuṁ kiṁ tavānugrahādṛte

"मैं अत्यंत चंचल-चित्त, लोभ-मोह से भरा हुआ मनुष्य हूँ; क्या मैं आपकी कृपा के बिना इस व्रत को पूरा कर सकता हूँ?"

श्लोक 87 (padma.7.22.87)

इमौ मंत्रौ पठित्वा तु तमेव कुसुमांजलिम् । दत्वा नारायणायाथ दंडवत्प्रणमेद्भुवि

imau maṁtrau paṭhitvā tu tameva kusumāṁjalim datvā nārāyaṇāyātha daṁḍavatpraṇamedbhuvi

इन दोनों मंत्रों को पढ़कर, वही पुष्पांजलि नारायण को अर्पित कर, भूमि पर दंडवत् प्रणाम करना चाहिए।

श्लोक 88 (padma.7.22.88)

तस्मिन्नेव गृहे विष्णोर्विष्णुस्मरणतत्परः । कुशेन शय्यामास्तीर्य भूमौ शयनमाचरेत्

tasminneva gṛhe viṣṇorviṣṇusmaraṇatatparaḥ kuśena śayyāmāstīrya bhūmau śayanamācaret

विष्णु के उसी मंदिर में, विष्णु-स्मरण में तत्पर होकर, कुशा की शय्या बिछाकर भूमि पर शयन करना चाहिए।

श्लोक 89 (padma.7.22.89)

ततः प्रभाते विमले न कुर्याद्दंतधावनम् । कल्लोलैर्मुखशुद्धिं तु कुर्याद्द्वादशभिर्बुधः

tataḥ prabhāte vimale na kuryāddaṁtadhāvanam kallolairmukhaśuddhiṁ tu kuryāddvādaśabhirbudhaḥ

फिर स्वच्छ प्रभात में दांत साफ नहीं करने चाहिए; बुद्धिमान को बारह कुल्लों से मुख की शुद्धि करनी चाहिए।

श्लोक 90 (padma.7.22.90)

नित्यक्रियां प्रकुर्वीत विष्णुपूजादिकक्रियाम् । ततो निशायां विप्रेन्द्र सकलैर्व्रतिभिर्जनैः

nityakriyāṁ prakurvīta viṣṇupūjādikakriyām tato niśāyāṁ viprendra sakalairvratibhirjanaiḥ

नित्य-क्रिया और विष्णु-पूजा आदि क्रियाएँ करनी चाहिए। फिर हे विप्रेन्द्र! रात्रि में समस्त व्रती जनों के साथ —

श्लोक 91 (padma.7.22.91)

एकत्र जागरं कुर्यात्पुरतो जगतांपतेः । समातृकः सभार्यश्च सभ्राता सपिता तथा

ekatra jāgaraṁ kuryātpurato jagatāṁpateḥ samātṛkaḥ sabhāryaśca sabhrātā sapitā tathā

— जगत्पति के समक्ष एकत्र जागरण करना चाहिए। माता, पत्नी, भाई और पिता सहित —

श्लोक 92 (padma.7.22.92)

तथा सपुत्रमित्रश्च कुरुते जागरं हरेः । स तिष्ठेद्विष्णुभवने चिरं व्रतकरो द्विज

tathā saputramitraśca kurute jāgaraṁ hareḥ sa tiṣṭhedviṣṇubhavane ciraṁ vratakaro dvija

— तथा पुत्र और मित्र सहित जो हरि का जागरण करता है, हे द्विज! वह व्रत करने वाला दीर्घकाल तक विष्णु के धाम में रहता है।

श्लोक 93 (padma.7.22.93)

शङ्खचक्रादिकं चित्रं यो लिखेद्विष्णुमंदिरे । बहुजन्मकृतं पापं हरेत्तस्य जनार्दनः

śaṅkhacakrādikaṁ citraṁ yo likhedviṣṇumaṁdire bahujanmakṛtaṁ pāpaṁ harettasya janārdanaḥ

जो विष्णु-मंदिर में शंख, चक्र आदि का चित्र बनाता है, जनार्दन उसके अनेक जन्मों में किए हुए पाप को हर लेते हैं।

श्लोक 94 (padma.7.22.94)

तंडूलचूर्णपंकेन विष्णोरायतनेषु च । अन्यैर्वन्यैश्च वा चित्रं लिखेत्तस्य फलं शृणु

taṁḍūlacūrṇapaṁkena viṣṇorāyataneṣu ca anyairvanyaiśca vā citraṁ likhettasya phalaṁ śṛṇu

चावल के आटे के लेप से, अथवा अन्य वन्य पदार्थों से, विष्णु के मंदिरों में जो चित्र बनाता है, उसका फल सुनो।

श्लोक 95 (padma.7.22.95)

पुत्रपौत्रप्रपौत्रैश्च भुङ्क्ते च सकलं शुभम् । शेषे विष्णुपुरं गत्वा तत्र मोक्षमवाप्नुयात्

putrapautraprapautraiśca bhuṅkte ca sakalaṁ śubham śeṣe viṣṇupuraṁ gatvā tatra mokṣamavāpnuyāt

वह अपने पुत्र, पौत्र और प्रपौत्रों सहित समस्त शुभ भोगता है; अंत में विष्णु के धाम को जाकर वहाँ मोक्ष प्राप्त करता है।

श्लोक 96 (padma.7.22.96)

वासरे कमलाभर्तुर्ध्वजारोपणकृन्नरः । उद्धृत्य कोटिपुरुषान्नारायणपुरं व्रजेत्

vāsare kamalābharturdhvajāropaṇakṛnnaraḥ uddhṛtya koṭipuruṣānnārāyaṇapuraṁ vrajet

कमलापति के दिन ध्वजारोहण करने वाला मनुष्य, अपने करोड़ों पूर्वजों का उद्धार कर नारायण के धाम को जाता है।

श्लोक 97 (padma.7.22.97)

पताकावल्लिभिर्युक्तं विष्णोरायतनं जनः । मण्डयत्यवनीपालः स लभेत्प्रतिजन्मनि

patākāvallibhiryuktaṁ viṣṇorāyatanaṁ janaḥ maṇḍayatyavanīpālaḥ sa labhetpratijanmani

जो मनुष्य पताकाओं की लड़ियों से विष्णु-मंदिर को सजाता है, वह जन्म-जन्म में राजा बनता है।

श्लोक 98 (padma.7.22.98)

पताकाप्रचलंती च यावद्भवति वायुना । तत्कर्तुः पातकं सर्वं तावदेव विनश्यति

patākāpracalaṁtī ca yāvadbhavati vāyunā tatkartuḥ pātakaṁ sarvaṁ tāvadeva vinaśyati

वह पताका जब तक वायु से फहरती रहती है, तब तक उसे बनाने वाले के समस्त पाप नष्ट होते रहते हैं।

श्लोक 99 (padma.7.22.99)

पताकावलयाः प्राज्ञैर्नानावर्णा हरेर्गृहे । स्थापितव्याः परं स्थानमिच्छद्भिर्हरिवासरे

patākāvalayāḥ prājñairnānāvarṇā harergṛhe sthāpitavyāḥ paraṁ sthānamicchadbhirharivāsare

परम स्थान की इच्छा रखने वाले बुद्धिमानों को हरि के दिन, हरि के मंदिर में नाना रंगों की पताका-मालाएँ स्थापित करनी चाहिए।

श्लोक 100 (padma.7.22.100)

विष्णोः शिरसि यच्छत्रं धत्ते चारुतरं जनः । प्रतिजन्मनि विप्रर्षे क्षत्त्री भवति स क्षितौ

viṣṇoḥ śirasi yacchatraṁ dhatte cārutaraṁ janaḥ pratijanmani viprarṣe kṣattrī bhavati sa kṣitau

जो मनुष्य विष्णु के सिर पर सुंदर छत्र धारण कराता है, हे विप्रर्षे! वह जन्म-जन्म में पृथ्वी पर क्षत्रिय होता है।

श्लोक 101 (padma.7.22.101)

वासरे वासुदेवस्य पुष्पमंडपकृन्नरः । प्रतिपुष्पं लभेत्पुण्यं वाजिमेधशतोत्तरम्

vāsare vāsudevasya puṣpamaṁḍapakṛnnaraḥ pratipuṣpaṁ labhetpuṇyaṁ vājimedhaśatottaram

वासुदेव के दिन पुष्प-मंडप बनाने वाला मनुष्य, प्रत्येक फूल के लिए सौ अश्वमेध यज्ञों के बराबर पुण्य पाता है।

श्लोक 102 (padma.7.22.102)

वासुदेवदिने पुष्पैः सुंगधैर्मंडयन्बुधः । यत्नादपि च कर्तव्यं चतुर्वर्गफलाप्तये

vāsudevadine puṣpaiḥ suṁgadhairmaṁḍayanbudhaḥ yatnādapi ca kartavyaṁ caturvargaphalāptaye

वासुदेव के दिन बुद्धिमान को सुगंधित पुष्पों से मंदिर को सजाना चाहिए; चारों पुरुषार्थों की प्राप्ति के लिए यह प्रयत्नपूर्वक करना चाहिए।

श्लोक 103 (padma.7.22.103)

यो वस्त्रगृहनिर्माणं कुरुते हरिवासरे । स सौधवासी विप्रर्षे भवति त्रिदशालये

yo vastragṛhanirmāṇaṁ kurute harivāsare sa saudhavāsī viprarṣe bhavati tridaśālaye

जो हरि के दिन वस्त्र से एक घर बनाता है, हे विप्रर्षे! वह देवलोक में महल में निवास करने वाला बनता है।

श्लोक 104 (padma.7.22.104)

निर्माय वस्त्रभवनं तत्र बध्नाति मानवः । श्वेतं वा लोहितं वापि कृष्णं वासोऽच्युतप्रियः

nirmāya vastrabhavanaṁ tatra badhnāti mānavaḥ śvetaṁ vā lohitaṁ vāpi kṛṣṇaṁ vāso'cyutapriyaḥ

वस्त्र से भवन बनाकर, जो मनुष्य वहाँ श्वेत, रक्त अथवा कृष्ण वस्त्र बाँधता है, वह अच्युत का प्रिय बनता है।

श्लोक 105 (padma.7.22.105)

शालिग्रामशिलां तत्र प्रतिमां वा श्रियःपतेः । पञ्चामृतेन संस्नाप्य स्थापयेद्भक्तितो व्रती

śāligrāmaśilāṁ tatra pratimāṁ vā śriyaḥpateḥ pañcāmṛtena saṁsnāpya sthāpayedbhaktito vratī

वहाँ व्रती को श्रीपति की शालग्राम-शिला अथवा प्रतिमा को पंचामृत से भलीभाँति स्नान कराकर भक्तिपूर्वक स्थापित करना चाहिए।

श्लोक 106 (padma.7.22.106)

आदौ स्वस्त्ययनं कुर्यात्संकल्पं च तथा बुधः । यत्नादपि च कर्तव्यं चतुर्वर्गफलाप्तये

ādau svastyayanaṁ kuryātsaṁkalpaṁ ca tathā budhaḥ yatnādapi ca kartavyaṁ caturvargaphalāptaye

पहले बुद्धिमान को स्वस्तिवाचन और संकल्प करना चाहिए; चारों पुरुषार्थों की प्राप्ति के लिए यह प्रयत्नपूर्वक करना चाहिए।

श्लोक 107 (padma.7.22.107)

भूतशुद्धिं निजां विप्र विधानं शास्त्रभाषितैः । ततश्चैकमना भूत्वा गृहीत्वा पुष्पमुत्तमम्

bhūtaśuddhiṁ nijāṁ vipra vidhānaṁ śāstrabhāṣitaiḥ tataścaikamanā bhūtvā gṛhītvā puṣpamuttamam

हे विप्र! शास्त्रों में कहे गए विधान से अपनी भूत-शुद्धि करके, फिर एकाग्रचित्त होकर उत्तम पुष्प ग्रहण कर —

श्लोक 108 (padma.7.22.108)

ध्यायन्नारायणं देवं हृदयांभोजवासिनम् । आसीनं हेमपीठे च तथा मणिमयेऽपि च

dhyāyannārāyaṇaṁ devaṁ hṛdayāṁbhojavāsinam āsīnaṁ hemapīṭhe ca tathā maṇimaye'pi ca

— हृदय-कमल में निवास करने वाले, सुवर्ण-आसन तथा मणि-निर्मित आसन पर विराजमान देव नारायण का ध्यान करते हुए —

श्लोक 109 (padma.7.22.109)

आसीनं हेमपीठे मणिमयज्वलनालंकृतं क्रीडवेशं बिभ्रल्ले। खोज्ज्वलाभ्रद्युतिरुचिरतनुं दीर्घदोर्भिश्चतुर्भिः । नित्यं विभ्राजमानं सकलकरलयैः सायुधैः पद्मनेत्रैः । पश्यंतं श्रीमुखं तच्छ्रमनुदमनिशं तं भजेऽपाङ्गदृष्ट्या

āsīnaṁ hemapīṭhe maṇimayajvalanālaṁkṛtaṁ krīḍaveśaṁ bibhralle khojjvalābhradyutiruciratanuṁ dīrghadorbhiścaturbhiḥ nityaṁ vibhrājamānaṁ sakalakaralayaiḥ sāyudhaiḥ padmanetraiḥ paśyaṁtaṁ śrīmukhaṁ tacchramanudamaniśaṁ taṁ bhaje'pāṅgadṛṣṭyā

सुवर्ण के आसन पर विराजमान, मणियों की ज्वाला से अलंकृत, क्रीड़ा-वेश धारण किए, आकाश-सी उज्ज्वल कांति वाले सुंदर शरीर के, चार लंबी भुजाओं से युक्त, अपने प्रत्येक हाथ में शस्त्र धारण किए सदा देदीप्यमान, कमल के समान नेत्रों वाले, अपने कटाक्ष से भक्तों की थकान सदा दूर करने वाले उस देव का मैं भजन करता हूँ।

श्लोक 110 (padma.7.22.110)

आगच्छ भगवन्देवसहितः श्रीपतेः प्रिय । कर्तव्या हि मया भक्त्या सपर्यास्मिन्व्रते तव

āgaccha bhagavandevasahitaḥ śrīpateḥ priya kartavyā hi mayā bhaktyā saparyāsminvrate tava

हे भगवन्! हे श्रीपति के प्रिय! देवगणों सहित आइए। इस व्रत में मुझे आपकी भक्तिपूर्वक पूजा करनी है।

श्लोक 111 (padma.7.22.111)

सर्वलक्षणसंपन्न लक्ष्म्या सह जगद्गुरो । अस्मिन्वरासने तिष्ठ यावत्पूजां करोमि ते

sarvalakṣaṇasaṁpanna lakṣmyā saha jagadguro asminvarāsane tiṣṭha yāvatpūjāṁ karomi te

हे समस्त शुभ लक्षणों से युक्त, जगद्गुरो! लक्ष्मी सहित इस उत्तम आसन पर विराजिए, जब तक मैं आपकी पूजा करता हूँ।

श्लोक 112 (padma.7.22.112)

समस्तलोकविख्यात कीर्ते नारायणप्रभो । कच्चित्ते कुशलं सर्वं सर्वं वद सुरार्चित

samastalokavikhyāta kīrte nārāyaṇaprabho kaccitte kuśalaṁ sarvaṁ sarvaṁ vada surārcita

हे समस्त लोकों में विख्यात कीर्ति वाले, नारायण-प्रभु! क्या आपका सब कुशल है? हे देवताओं द्वारा पूजित! सब कहिए।

श्लोक 113 (padma.7.22.113)

पाद्यं गृहाण देवेश नारायणसुवासितम् । पादद्वयरजोहारि पवित्रमतिशीतलम्

pādyaṁ gṛhāṇa deveśa nārāyaṇasuvāsitam pādadvayarajohāri pavitramatiśītalam

हे देवेश! नारायण-सुगंधित, चरण-द्वय की धूल को हरने वाला, पवित्र और अत्यंत शीतल यह पाद्य ग्रहण कीजिए।

श्लोक 114 (padma.7.22.114)

अर्घ्यं ददामि ते विष्णो दूर्वापल्लवसंयुतम् । अखंडतंडुलोपेतं पुंडरीकनिभेक्षण

arghyaṁ dadāmi te viṣṇo dūrvāpallavasaṁyutam akhaṁḍataṁḍulopetaṁ puṁḍarīkanibhekṣaṇa

हे कमल-नयन विष्णु! दूर्वा-पत्तों और अखंडित चावल से युक्त यह अर्घ्य मैं आपको अर्पित करता हूँ।

श्लोक 115 (padma.7.22.115)

इदमाचमनीयं ते सुपवित्रं ददाम्यहम् । गृहाण परमानंद परमानंदवर्द्धनम्

idamācamanīyaṁ te supavitraṁ dadāmyaham gṛhāṇa paramānaṁda paramānaṁdavarddhanam

यह अत्यंत पवित्र आचमनीय-जल मैं आपको देता हूँ; हे परमानंद! इसे ग्रहण कीजिए, जो परम आनंद बढ़ाने वाला है।

श्लोक 116 (padma.7.22.116)

मया दत्तेन गंधेन जरासंधविनाशन । तवास्तु भूषितं गात्रं लक्ष्मीनाथ सुगंधिना

mayā dattena gaṁdhena jarāsaṁdhavināśana tavāstu bhūṣitaṁ gātraṁ lakṣmīnātha sugaṁdhinā

हे जरासंध के संहारक, हे लक्ष्मीनाथ! मेरे द्वारा दिए गए इस सुगंधित लेप से आपका शरीर सुशोभित हो।

श्लोक 117 (padma.7.22.117)

ददाम्यहं पवित्रार्थं जगतामादिकारकम् । इदमाचमनं देव तद्गृहाण सुरेश्वर

dadāmyahaṁ pavitrārthaṁ jagatāmādikārakam idamācamanaṁ deva tadgṛhāṇa sureśvara

हे देव, हे सुरेश्वर! पवित्रता के लिए मैं आपको यह आचमन देता हूँ, जो जगत् की आदि-रचना करने वाला है; इसे ग्रहण कीजिए।

श्लोक 118 (padma.7.22.118)

सृष्टोऽयं विधिना पूर्वं देवानां तुष्टिवृद्धये । अतस्तुभ्यं सुरश्रेष्ठ धूपोऽयं दीयते मया

sṛṣṭo'yaṁ vidhinā pūrvaṁ devānāṁ tuṣṭivṛddhaye atastubhyaṁ suraśreṣṭha dhūpo'yaṁ dīyate mayā

यह धूप पूर्वकाल में ब्रह्मा के द्वारा देवताओं की प्रसन्नता बढ़ाने के लिए रचा गया था; इसलिए हे देवश्रेष्ठ! यह धूप मैं आपको अर्पित करता हूँ।

श्लोक 119 (padma.7.22.119)

तमसः स्तोमसंहर्ता घृतपूर्णो जनार्दन । तवास्तु प्रीतये देव एष दीपो जनार्दन

tamasaḥ stomasaṁhartā ghṛtapūrṇo janārdana tavāstu prītaye deva eṣa dīpo janārdana

हे जनार्दन! अंधकार के समूह को नष्ट करने वाला, घी से भरा यह दीपक आपकी प्रसन्नता के लिए हो, हे देव जनार्दन!

श्लोक 120 (padma.7.22.120)

सोत्तरीयमिदं वस्त्रं बस्तिश्रोणिसुशोभनम् । ददाम्यहं ते देवेश सोपवीतं जगद्गुरो

sottarīyamidaṁ vastraṁ bastiśroṇisuśobhanam dadāmyahaṁ te deveśa sopavītaṁ jagadguro

हे देवेश, हे जगद्गुरो! उत्तरीय-सहित यह वस्त्र, कमर को सुशोभित करने वाला, तथा यज्ञोपवीत — यह सब मैं आपको अर्पित करता हूँ।

श्लोक 121 (padma.7.22.121)

अन्नं चतुर्विधं स्वादुरसैः षड्भिः समन्वितम् । मया निवेदितं भक्त्या गृहाण परमेश्वर

annaṁ caturvidhaṁ svādurasaiḥ ṣaḍbhiḥ samanvitam mayā niveditaṁ bhaktyā gṛhāṇa parameśvara

हे परमेश्वर! छहों स्वादिष्ट रसों से युक्त चार प्रकार के अन्न को मैंने भक्तिपूर्वक अर्पित किया है, इसे ग्रहण कीजिए।

श्लोक 122 (padma.7.22.122)

मुखदुर्गन्धहरणं कर्पूरखदिरान्वितम् । गृहाण विष्णो तांबूलं कैवल्यद महामते

mukhadurgandhaharaṇaṁ karpūrakhadirānvitam gṛhāṇa viṣṇo tāṁbūlaṁ kaivalyada mahāmate

हे विष्णु, हे मोक्ष देने वाले महामते! मुख की दुर्गंध को हरने वाला, कपूर और खैर से युक्त यह ताम्बूल ग्रहण कीजिए।

श्लोक 123 (padma.7.22.123)

विधिनानेन गोविन्दमुपहारैरनुत्तमैः । पूजयेत्संवृतो भक्त्या प्रहरेषु चतुर्ष्वपि

vidhinānena govindamupahārairanuttamaiḥ pūjayetsaṁvṛto bhaktyā prahareṣu caturṣvapi

इस विधि से, इन उत्तम उपहारों से, चारों प्रहरों में भक्तिपूर्वक एकाग्र होकर गोविंद की पूजा करनी चाहिए।

श्लोक 124 (padma.7.22.124)

नानोपहारान्हरये यो यच्छेद्धरिवासरे । वित्तशाठ्यं न कर्तव्यं कर्मणां फलमिच्छता

nānopahārānharaye yo yaccheddharivāsare vittaśāṭhyaṁ na kartavyaṁ karmaṇāṁ phalamicchatā

हरि के दिन जो हरि को नाना प्रकार के उपहार अर्पित करता है, उसे कर्मों का फल चाहने वाले को धन के विषय में कंजूसी नहीं करनी चाहिए।

श्लोक 125 (padma.7.22.125)

ततस्तु व्रतिभिः सर्वैर्नारायणपरायणैः । निशि जागरणं कार्य्यं नृत्यगीतस्तवादिभिः

tatastu vratibhiḥ sarvairnārāyaṇaparāyaṇaiḥ niśi jāgaraṇaṁ kāryyaṁ nṛtyagītastavādibhiḥ

फिर नारायण में परायण समस्त व्रतियों को नृत्य, गीत, स्तोत्र आदि के साथ रात्रि में जागरण करना चाहिए।

श्लोक 126 (padma.7.22.126)

प्रदक्षिणं द्विजश्रेष्ठ नामानि कमलापतेः । सर्वपापविनाशीनि स्मर्तव्यानि व्रते रतैः

pradakṣiṇaṁ dvijaśreṣṭha nāmāni kamalāpateḥ sarvapāpavināśīni smartavyāni vrate rataiḥ

हे द्विजश्रेष्ठ! प्रदक्षिणा करते हुए, व्रत में लीन लोगों को कमलापति के समस्त पापों का नाश करने वाले नामों का स्मरण करना चाहिए।

श्लोक 127 (padma.7.22.127)

स्फुरंतं प्रतिवक्त्रेभ्यो हरिनामध्वनिं जनाः । शृण्वंति ते विमुक्ताः स्युर्महद्भिः पापसंचयैः

sphuraṁtaṁ prativaktrebhyo harināmadhvaniṁ janāḥ śṛṇvaṁti te vimuktāḥ syurmahadbhiḥ pāpasaṁcayaiḥ

जो लोग हर मुख से गूँजती हुई हरि-नाम की ध्वनि सुनते हैं, वे महान संचित पापों से भी मुक्त हो जाते हैं।

श्लोक 128 (padma.7.22.128)

न पाखंण्डजनालापः कर्तव्यो हरिवासरे । पाखंडालापमात्रेण सर्वधर्मो विनश्यति

na pākhaṁṇḍajanālāpaḥ kartavyo harivāsare pākhaṁḍālāpamātreṇa sarvadharmo vinaśyati

हरि के दिन पाखंडी लोगों से वार्तालाप नहीं करना चाहिए; पाखंडी से बातचीत करने मात्र से समस्त धर्म नष्ट हो जाता है।

श्लोक 129 (padma.7.22.129)

नारायणयशोगीतं प्रतिकंठं विनिःसृतम् । श्रुत्वा मूढा न तृप्यंति श्वानो वीणाक्वणं यथा

nārāyaṇayaśogītaṁ pratikaṁṭhaṁ viniḥsṛtam śrutvā mūḍhā na tṛpyaṁti śvāno vīṇākvaṇaṁ yathā

नारायण के यश का गीत, हर कंठ से निकलता हुआ, सुनकर भी मूर्ख लोग तृप्त नहीं होते, जैसे कुत्ते वीणा की ध्वनि से तृप्त नहीं होते।

श्लोक 130 (padma.7.22.130)

संतो हर्षं समायांति श्रुत्वा गीतं जगत्पतेः । समस्तपापविध्वंसि वीणाक्वाणं यथा मृगाः

saṁto harṣaṁ samāyāṁti śrutvā gītaṁ jagatpateḥ samastapāpavidhvaṁsi vīṇākvāṇaṁ yathā mṛgāḥ

परन्तु सज्जन लोग जगत्पति के, समस्त पापों को नष्ट करने वाले गीत को सुनकर हर्षित हो जाते हैं, जैसे हिरण वीणा की ध्वनि सुनकर।

श्लोक 131 (padma.7.22.131)

गायंतं हरिगीतानि नृत्यंति नृत्यमुत्तमम् । तृप्यंति व्रतिनो दृष्ट्वा तृप्यंति कमलापतेः

gāyaṁtaṁ harigītāni nṛtyaṁti nṛtyamuttamam tṛpyaṁti vratino dṛṣṭvā tṛpyaṁti kamalāpateḥ

हरि के गीतों को गाते हुए लोग उत्तम नृत्य करते हैं; उन्हें देखकर व्रती जन तृप्त होते हैं, कमलापति भी तृप्त होते हैं।

श्लोक 132 (padma.7.22.132)

व्रतिनो येन तृप्यंति विष्णोरायतने द्विज । प्रतिजन्मनि वै तेषां पशुता शाश्वती भवेत्

vratino yena tṛpyaṁti viṣṇorāyatane dvija pratijanmani vai teṣāṁ paśutā śāśvatī bhavet

हे द्विज! जो लोग विष्णु-मंदिर में इस प्रकार व्रतियों को तृप्त करते हैं, उनकी जन्म-जन्म में शाश्वत रूप से पशु-योनि कभी नहीं होती।

श्लोक 133 (padma.7.22.133)

न ये गीतानि गायंति व्रतिनो हरिवासरे । विहीना वचनैस्ते च भ्रमंति प्रतिजन्मनि

na ye gītāni gāyaṁti vratino harivāsare vihīnā vacanaiste ca bhramaṁti pratijanmani

जो व्रती हरि के दिन गीत नहीं गाते, वे वाणी से रहित होकर जन्म-जन्म में भटकते हैं।

श्लोक 134 (padma.7.22.134)

मृदंगादीनि वाद्यानि कर्तव्यानि हरेः पुरः । यतो वाद्यैर्भवेत्तुष्टो भगवान्मधुसूदनः

mṛdaṁgādīni vādyāni kartavyāni hareḥ puraḥ yato vādyairbhavettuṣṭo bhagavānmadhusūdanaḥ

हरि के समक्ष मृदंग आदि वाद्य बजाने चाहिए, क्योंकि वाद्यों से भगवान मधुसूदन प्रसन्न होते हैं।

श्लोक 135 (padma.7.22.135)

कुर्वंति जागरं विष्णोर्वेदाध्ययनमुत्तमम् । पुराणपठनं वापि कर्तव्यं वैष्णवैर्जनैः

kurvaṁti jāgaraṁ viṣṇorvedādhyayanamuttamam purāṇapaṭhanaṁ vāpi kartavyaṁ vaiṣṇavairjanaiḥ

विष्णु के जागरण में वैष्णव जनों को वेदाध्ययन अथवा पुराण-पाठ भी करना चाहिए।

श्लोक 136 (padma.7.22.136)

रामायणं भागवतं भारतं व्यासभाषितम् । अन्यानि च पुराणानि पाठ्यानि हरिवासरे

rāmāyaṇaṁ bhāgavataṁ bhārataṁ vyāsabhāṣitam anyāni ca purāṇāni pāṭhyāni harivāsare

रामायण, भागवत, व्यास द्वारा कहा गया महाभारत तथा अन्य पुराण — इन्हें हरि के दिन पढ़ना चाहिए।

श्लोक 137 (padma.7.22.137)

ये पठंति पुरो विष्णोर्ये शृण्वन्ति हरेर्दिने । प्रत्यक्षरे लभंते ते कपिलादानजं फलम्

ye paṭhaṁti puro viṣṇorye śṛṇvanti harerdine pratyakṣare labhaṁte te kapilādānajaṁ phalam

जो हरि के दिन विष्णु के समक्ष इन्हें पढ़ते हैं अथवा सुनते हैं, वे प्रत्येक अक्षर पर कपिला-गौ-दान के बराबर फल पाते हैं।

श्लोक 138 (padma.7.22.138)

निशि जागरणं कुर्यात्सानंदो वैष्णवो जनः । जितनिद्रो भवेत्सम्यग्ध्यायते केशवं हृदा

niśi jāgaraṇaṁ kuryātsānaṁdo vaiṣṇavo janaḥ jitanidro bhavetsamyagdhyāyate keśavaṁ hṛdā

वैष्णव जनों को आनंदपूर्वक रात्रि में जागरण करना चाहिए; निद्रा को पूर्णतः जीतकर हृदय से केशव का ध्यान करना चाहिए।

श्लोक 139 (padma.7.22.139)

प्रदक्षिणाकारतया भूयोभूयो हरेर्द्दिने । निपत्य दण्डवद्भूमौ प्रणमेच्च जनार्द्दनम्

pradakṣiṇākāratayā bhūyobhūyo harerddine nipatya daṇḍavadbhūmau praṇamecca janārddanam

हरि के दिन बार-बार प्रदक्षिणा करते हुए, भूमि पर दंडवत् गिरकर जनार्दन को प्रणाम करना चाहिए।

श्लोक 140 (padma.7.22.140)

ततः प्रभाते विमले कृतपंचमहाध्वरः । हरिं संस्नाप्य दुग्धेन पूजयेद्भक्तिमान्व्रती

tataḥ prabhāte vimale kṛtapaṁcamahādhvaraḥ hariṁ saṁsnāpya dugdhena pūjayedbhaktimānvratī

फिर स्वच्छ प्रभात में पंचमहायज्ञ करके, भक्तिमान व्रती को दूध से हरि को स्नान कराकर पूजा करनी चाहिए।

श्लोक 141 (padma.7.22.141)

व्रतस्य दक्षिणां दद्यान्निजशक्त्या द्विजन्मने । ततस्तु द्वादशीमध्ये व्रती पारणमाचरेत्

vratasya dakṣiṇāṁ dadyānnijaśaktyā dvijanmane tatastu dvādaśīmadhye vratī pāraṇamācaret

फिर अपनी शक्ति के अनुसार व्रत की दक्षिणा ब्राह्मण को देनी चाहिए; फिर द्वादशी के भीतर ही व्रती को पारण करना चाहिए।

श्लोक 142 (padma.7.22.142)

पारणं कुरुते यस्तु विलंघ्य द्वादशीतिथिम् । जन्मकोट्यर्जितं पुण्यं तस्य चैव विनश्यति

pāraṇaṁ kurute yastu vilaṁghya dvādaśītithim janmakoṭyarjitaṁ puṇyaṁ tasya caiva vinaśyati

जो द्वादशी तिथि को लांघकर पारण करता है, उसका करोड़ों जन्मों में अर्जित पुण्य भी नष्ट हो जाता है।

श्लोक 143 (padma.7.22.143)

द्वादशीतिथिमध्ये तु कर्तव्यं पारणं बुधैः । न कदाचित्त्रयोदश्यां व्रतस्य फलमिच्छुभिः

dvādaśītithimadhye tu kartavyaṁ pāraṇaṁ budhaiḥ na kadācittrayodaśyāṁ vratasya phalamicchubhiḥ

व्रत का फल चाहने वाले बुद्धिमानों को द्वादशी तिथि के भीतर ही पारण करना चाहिए, त्रयोदशी को कभी नहीं।

श्लोक 144 (padma.7.22.144)

उपवासदिने विप्र निशायामपि वैष्णवः । उपवासफलप्रेप्सुर्यत्नात्स्वापं विवर्जयेत्

upavāsadine vipra niśāyāmapi vaiṣṇavaḥ upavāsaphalaprepsuryatnātsvāpaṁ vivarjayet

हे विप्र! उपवास के दिन रात्रि में भी, उपवास का फल चाहने वाले वैष्णव को प्रयत्नपूर्वक निद्रा का त्याग करना चाहिए।

श्लोक 145 (padma.7.22.145)

विना जागरणं नूनमुपवासो निरर्थकः । अतो जागरणं कार्य्यमुभयोरपि पक्षयोः

vinā jāgaraṇaṁ nūnamupavāso nirarthakaḥ ato jāgaraṇaṁ kāryyamubhayorapi pakṣayoḥ

जागरण के बिना उपवास निश्चय ही निरर्थक है; इसलिए दोनों ही पक्षों में जागरण अवश्य करना चाहिए।

श्लोक 146 (padma.7.22.146)

एकादशीव्रतं येन विधिनानेन कुर्वते । सत्यं सत्यं द्विजश्रेष्ठ सर्वे ते मोक्षगामिनः

ekādaśīvrataṁ yena vidhinānena kurvate satyaṁ satyaṁ dvijaśreṣṭha sarve te mokṣagāminaḥ

जो लोग इसी विधि से एकादशी-व्रत करते हैं, हे द्विजश्रेष्ठ! सत्य-सत्य, वे सभी मोक्ष को प्राप्त होने वाले हैं।

श्लोक 147 (padma.7.22.147)

जन्ममृत्युहरणैकनिदानं सेंद्र देवनिकरैरपि कार्यम् । वासुदेवदिवसव्रतसारं जैमिने त्वमनिशं कुरु यत्नात्

janmamṛtyuharaṇaikanidānaṁ seṁdra devanikarairapi kāryam vāsudevadivasavratasāraṁ jaimine tvamaniśaṁ kuru yatnāt

जन्म-मृत्यु को हरने का एकमात्र उपाय, इन्द्र सहित देवताओं के समूहों द्वारा भी करने योग्य — वासुदेव-दिवस-व्रत के इस सार को, हे जैमिनि! तुम प्रयत्नपूर्वक निरंतर करते रहो।