तुलसी-महिमा

श्लोक 1 (padma.7.24.1)

सूत उवाच- एकादश्याः फलं श्रुत्वा सुप्रीतो जैमिनिस्ततः । कृताञ्जलिरुवाचेदं कृष्णद्वैपायनं प्रभुम्

sūta uvāca- ekādaśyāḥ phalaṁ śrutvā suprīto jaiministataḥ kṛtāñjaliruvācedaṁ kṛṣṇadvaipāyanaṁ prabhum

सूत जी ने कहा — एकादशी का फल सुनकर अत्यंत प्रसन्न हुए जैमिनि ने हाथ जोड़कर प्रभु कृष्णद्वैपायन से यह कहा।

श्लोक 2 (padma.7.24.2)

जैमिनिरुवाच- विष्णोर्देवस्य माहात्म्यं त्वत्प्रसादाच्छ्रुतं मया । तुलस्या ब्रूहि माहात्म्यं शृण्वतां पापनाशनम्

jaiminiruvāca- viṣṇordevasya māhātmyaṁ tvatprasādācchrutaṁ mayā tulasyā brūhi māhātmyaṁ śṛṇvatāṁ pāpanāśanam

जैमिनि ने कहा — आपकी कृपा से मैंने देव विष्णु की महिमा सुनी; अब तुलसी की वह महिमा कहिए, जो सुनने वालों के पापों का नाश करती है।

श्लोक 3 (padma.7.24.3)

व्यास उवाच- इन्द्राद्यैर्दैवतैः सर्वैस्तुलसी भगवत्यसौ । संसेव्या सर्वदा विप्र चतुर्वर्गफलप्रदा

vyāsa uvāca- indrādyairdaivataiḥ sarvaistulasī bhagavatyasau saṁsevyā sarvadā vipra caturvargaphalapradā

व्यास जी ने कहा — हे विप्र! इन्द्र आदि समस्त देवताओं द्वारा सेवित यह भगवती तुलसी सदा सेवा करने योग्य है, और चारों पुरुषार्थों का फल देने वाली है।

श्लोक 4 (padma.7.24.4)

स्वर्गे मर्त्ये च पाताले तुलसी दुर्ल्लभा सताम् । चतुर्वर्गफलप्राप्तिस्तस्यां भक्तिः करोति वै

svarge martye ca pātāle tulasī durllabhā satām caturvargaphalaprāptistasyāṁ bhaktiḥ karoti vai

स्वर्ग, मर्त्यलोक और पाताल में भी तुलसी सज्जनों को दुर्लभ है; उसके प्रति भक्ति ही चारों पुरुषार्थों की प्राप्ति कराती है।

श्लोक 5 (padma.7.24.5)

यत्रैकस्तुलसीवृक्षस्तिष्ठत्यपि च सत्तम । तत्रैव त्रिदशाः सर्वे ब्रह्मविष्णुशिवादयः

yatraikastulasīvṛkṣastiṣṭhatyapi ca sattama tatraiva tridaśāḥ sarve brahmaviṣṇuśivādayaḥ

हे सत्पुरुष! जहाँ एक भी तुलसी का पौधा होता है, वहीं ब्रह्मा, विष्णु, शिव आदि समस्त देवगण विद्यमान रहते हैं।

श्लोक 6 (padma.7.24.6)

केशवः पत्रमध्ये च पत्राग्रे च प्रजापतिः । पत्रवृंते शिवस्तिष्ठेत्तुलस्याः सर्वदैव हि

keśavaḥ patramadhye ca patrāgre ca prajāpatiḥ patravṛṁte śivastiṣṭhettulasyāḥ sarvadaiva hi

तुलसी के पत्ते के मध्य में केशव, पत्ते के अग्रभाग में प्रजापति और डंठल में शिव सदा ही विराजमान रहते हैं।

श्लोक 7 (padma.7.24.7)

लक्ष्मी सरस्वती चैव गायत्री चंडिका तथा । सर्वाश्चान्या देवपत्न्यस्तत्पत्रेषु वंसति च

lakṣmī sarasvatī caiva gāyatrī caṁḍikā tathā sarvāścānyā devapatnyastatpatreṣu vaṁsati ca

लक्ष्मी, सरस्वती, गायत्री, चंडिका तथा अन्य समस्त देव-पत्नियाँ भी उसके पत्तों में निवास करती हैं।

श्लोक 8 (padma.7.24.8)

इन्द्रो ऽग्नि शमनश्चैव नैरृतिर्वरुणस्तथा । पवनश्च कुबरेश्च तच्छाखायां वसंत्यमी

indro 'gni śamanaścaiva nairṛtirvaruṇastathā pavanaśca kubareśca tacchākhāyāṁ vasaṁtyamī

इन्द्र, अग्नि, यम, नैऋत, वरुण, पवन और कुबेर — ये आठों दिक्पाल उसकी शाखा में निवास करते हैं।

श्लोक 9 (padma.7.24.9)

आदित्यादि ग्रहाः सर्वे विश्वेदेवाश्च सर्वदा । वसवो मुनयश्चैव तथा देवर्षयोऽखिलाः

ādityādi grahāḥ sarve viśvedevāśca sarvadā vasavo munayaścaiva tathā devarṣayo'khilāḥ

सूर्य आदि समस्त ग्रह, विश्वेदेव, वसु, मुनि तथा समस्त देवर्षि भी सदा उसमें निवास करते हैं।

श्लोक 10 (padma.7.24.10)

कोटिब्रह्माण्डमध्येषु यानि तीर्थानि भूतले । तुलसीदलमाश्रित्य तान्येव निवसंति वै

koṭibrahmāṇḍamadhyeṣu yāni tīrthāni bhūtale tulasīdalamāśritya tānyeva nivasaṁti vai

करोड़ों ब्रह्मांडों के भीतर पृथ्वी पर जितने भी तीर्थ हैं, वे सभी तुलसी के पत्ते का आश्रय लेकर वहीं निवास करते हैं।

श्लोक 11 (padma.7.24.11)

तुलसीं सेवते यस्तु भक्तिभावसमन्वितः । सेवितास्तेन तीर्थाश्च देवा ब्रह्मादयस्तथा

tulasīṁ sevate yastu bhaktibhāvasamanvitaḥ sevitāstena tīrthāśca devā brahmādayastathā

जो कोई भक्तिभाव से युक्त होकर तुलसी की सेवा करता है, उसके द्वारा समस्त तीर्थ और ब्रह्मा आदि देवता भी सेवित हो जाते हैं।

श्लोक 12 (padma.7.24.12)

छिन्दंति तृणजालानि तुलसीमूलजानि ये । तद्देहस्थां ब्रह्महत्यां क्षिणत्ति तत्क्षणाद्धरिः

chindaṁti tṛṇajālāni tulasīmūlajāni ye taddehasthāṁ brahmahatyāṁ kṣiṇatti tatkṣaṇāddhariḥ

जो तुलसी की जड़ में उगे हुए तिनकों के जाल को काटते हैं, हरि उनके शरीर में स्थित ब्रह्महत्या के पाप को तत्काल नष्ट कर देते हैं।

श्लोक 13 (padma.7.24.13)

ग्रीष्मकाले द्विजश्रेष्ठ सुगंधैः शीतलैर्जलैः । तुलसीसेचनं कृत्वा नरो निर्वाणमाप्नुयात्

grīṣmakāle dvijaśreṣṭha sugaṁdhaiḥ śītalairjalaiḥ tulasīsecanaṁ kṛtvā naro nirvāṇamāpnuyāt

हे द्विजश्रेष्ठ! ग्रीष्मकाल में सुगंधित शीतल जल से तुलसी को सींचकर मनुष्य निर्वाण को प्राप्त होता है।

श्लोक 14 (padma.7.24.14)

चन्द्रातपं वा छत्रं वा तस्यै यस्तु प्रयच्छति । विशेषतो निदाघेषु स मुक्तः सर्वपातकैः

candrātapaṁ vā chatraṁ vā tasyai yastu prayacchati viśeṣato nidāgheṣu sa muktaḥ sarvapātakaiḥ

जो कोई उसे शीतल छाया अथवा छत्र प्रदान करता है, विशेषकर ग्रीष्म ऋतु में, वह समस्त पापों से मुक्त हो जाता है।

श्लोक 15 (padma.7.24.15)

वैशाखेऽक्षतधाराभिरद्भिर्यस्तुलसीं जनः । सिंचयेत्सोऽश्वमेधस्य फलं प्राप्नोति नित्यशः

vaiśākhe'kṣatadhārābhiradbhiryastulasīṁ janaḥ siṁcayetso'śvamedhasya phalaṁ prāpnoti nityaśaḥ

वैशाख मास में जो व्यक्ति अखंडित चावल के साथ जल की धारा से तुलसी को सींचता है, वह नित्य अश्वमेध यज्ञ का फल पाता है।

श्लोक 16 (padma.7.24.16)

प्रसृतोदकमात्रेण तुलसीं यस्य सेचयेत् । सोऽपि स्वर्गमवाप्नोति सर्वपापविवर्जितः

prasṛtodakamātreṇa tulasīṁ yasya secayet so'pi svargamavāpnoti sarvapāpavivarjitaḥ

जो कोई एक अंजलि मात्र जल से भी तुलसी को सींचता है, वह भी समस्त पापों से रहित होकर स्वर्ग को प्राप्त करता है।

श्लोक 17 (padma.7.24.17)

कदाचित्तुलसीं दुग्धैः सेचयेद्यो नरोत्तमः । तस्य वेश्मनि विप्रर्षे लक्ष्मीर्भवति निश्चला

kadācittulasīṁ dugdhaiḥ secayedyo narottamaḥ tasya veśmani viprarṣe lakṣmīrbhavati niścalā

जो श्रेष्ठ मनुष्य कभी दूध से तुलसी को सींचता है, हे विप्रर्षे! उसके घर में लक्ष्मी सदा स्थिर रहती हैं।

श्लोक 18 (padma.7.24.18)

गोमयैस्तुलसीमूलं यः कुर्यादुपलेपनम् । संमार्जनं च विप्रर्षे तस्य पुण्यफलं शृणु

gomayaistulasīmūlaṁ yaḥ kuryādupalepanam saṁmārjanaṁ ca viprarṣe tasya puṇyaphalaṁ śṛṇu

जो गाय के गोबर से तुलसी की जड़ का लेपन और झाड़ू-पोंछा करता है, हे विप्रर्षे! उसके पुण्य-फल को सुनो।

श्लोक 19 (padma.7.24.19)

रजांसि तत्र यावंति दूरीभूतानि जैमिने । तावत्कल्पसहस्राणि मोदते विष्णुना सह

rajāṁsi tatra yāvaṁti dūrībhūtāni jaimine tāvatkalpasahasrāṇi modate viṣṇunā saha

हे जैमिनि! वहाँ जितनी धूल हटाई जाती है, उतने ही हज़ारों कल्पों तक वह विष्णु के साथ आनंद करता है।

श्लोक 20 (padma.7.24.20)

प्रदीपं यस्तु संध्यायां स्थापयेत्तुलसीतले । स याति मंदिरं विष्णोः कुलकोटिसमन्वितः

pradīpaṁ yastu saṁdhyāyāṁ sthāpayettulasītale sa yāti maṁdiraṁ viṣṇoḥ kulakoṭisamanvitaḥ

जो कोई संध्या के समय तुलसी के नीचे दीपक जलाता है, वह अपने करोड़ों कुल-सदस्यों सहित विष्णु के धाम को जाता है।

श्लोक 21 (padma.7.24.21)

गोभ्यः श्वभ्यः खरेभ्यश्च मनुष्येभ्यश्च रक्षति । शिशुभ्यस्तुलसीं यस्तु तं रक्षेत्केशवः सदा

gobhyaḥ śvabhyaḥ kharebhyaśca manuṣyebhyaśca rakṣati śiśubhyastulasīṁ yastu taṁ rakṣetkeśavaḥ sadā

जो कोई तुलसी को गायों, कुत्तों, गधों, मनुष्यों और बालकों से आघात होने से रक्षा करता है, केशव सदा उसकी रक्षा करते हैं।

श्लोक 22 (padma.7.24.22)

तुलस्यारोपणं यस्तु भक्तितः कुरुते नरः । स मृतः परमं मोक्षं प्राप्नोत्येव न संशयः

tulasyāropaṇaṁ yastu bhaktitaḥ kurute naraḥ sa mṛtaḥ paramaṁ mokṣaṁ prāpnotyeva na saṁśayaḥ

जो मनुष्य भक्तिपूर्वक तुलसी का आरोपण करता है, वह मरकर परम मोक्ष अवश्य ही प्राप्त करता है, इसमें संशय नहीं।

श्लोक 23 (padma.7.24.23)

प्रभाते तुलसीं पश्येद्भक्तिमान्यो नरोत्तमः । स विष्णुदर्शनस्यैव फलं प्राप्नोति चाक्षयम्

prabhāte tulasīṁ paśyedbhaktimānyo narottamaḥ sa viṣṇudarśanasyaiva phalaṁ prāpnoti cākṣayam

जो श्रेष्ठ, भक्तिमान मनुष्य प्रभात में तुलसी का दर्शन करता है, वह विष्णु-दर्शन का ही अक्षय फल पाता है।

श्लोक 24 (padma.7.24.24)

तुलसीं प्रणमेद्यस्तु नरो भक्तिसमन्वितः । आयुर्बलं यशोवित्तं संततिस्तस्य वर्द्धते

tulasīṁ praṇamedyastu naro bhaktisamanvitaḥ āyurbalaṁ yaśovittaṁ saṁtatistasya varddhate

जो भक्तियुक्त मनुष्य तुलसी को प्रणाम करता है, उसकी आयु, बल, यश, धन और संतान बढ़ते हैं।

श्लोक 25 (padma.7.24.25)

तुलसीस्मरणेनैव सर्वपापं विनश्यति । तुलसीस्पर्शनेनैव नश्यंति व्याधयो नृणाम्

tulasīsmaraṇenaiva sarvapāpaṁ vinaśyati tulasīsparśanenaiva naśyaṁti vyādhayo nṛṇām

तुलसी के स्मरण मात्र से समस्त पाप नष्ट हो जाता है, तुलसी के स्पर्श मात्र से मनुष्यों के रोग नष्ट हो जाते हैं।

श्लोक 26 (padma.7.24.26)

योऽश्नाति तुलसीपत्रं सर्वपापहरं शुभम् । तच्छरीरांतरस्थायि पापं नश्यति तत्क्षणात्

yo'śnāti tulasīpatraṁ sarvapāpaharaṁ śubham taccharīrāṁtarasthāyi pāpaṁ naśyati tatkṣaṇāt

जो कोई समस्त पापों को हरने वाले, शुभ तुलसी-पत्र को खाता है, उसके शरीर में स्थित पाप तत्काल नष्ट हो जाता है।

श्लोक 27 (padma.7.24.27)

तुलसीकाष्ठसंभूतां मालां वहति यो नरः । तद्देहे पातकं नास्ति सत्यमेतन्मयोच्यते

tulasīkāṣṭhasaṁbhūtāṁ mālāṁ vahati yo naraḥ taddehe pātakaṁ nāsti satyametanmayocyate

जो मनुष्य तुलसी की लकड़ी से बनी माला धारण करता है, उसके शरीर में कोई पाप नहीं रहता — यह मैं सत्य कहता हूँ।

श्लोक 28 (padma.7.24.28)

तुलसीपत्रगलितं यस्तोयं शिरसा वहेत् । गंगायाः स्नानजं पुण्यं लभते नात्र संशयः

tulasīpatragalitaṁ yastoyaṁ śirasā vahet gaṁgāyāḥ snānajaṁ puṇyaṁ labhate nātra saṁśayaḥ

जो कोई तुलसी के पत्ते से टपके हुए जल को अपने सिर पर धारण करता है, वह गंगा-स्नान का पुण्य पाता है, इसमें संशय नहीं।

श्लोक 29 (padma.7.24.29)

दूर्वाभिरक्षतैः पुष्पैर्नैवेद्यैस्तुलसीं शुभाम् । समाराध्य नरो भक्त्या विष्णुपूजा फलं लभेत्

dūrvābhirakṣataiḥ puṣpairnaivedyaistulasīṁ śubhām samārādhya naro bhaktyā viṣṇupūjā phalaṁ labhet

दूर्वा, अखंडित चावल, फूल और नैवेद्य से शुभ तुलसी की भक्तिपूर्वक आराधना कर मनुष्य विष्णु-पूजा का फल पाता है।

श्लोक 30 (padma.7.24.30)

येनार्चिता भगवती तुलसी कदाचिन्नैवेद्य पुष्पवरधूपघृतप्रदीपैः । धर्मार्थकामपरमामृतदायि विप्राः किं तस्य विष्णुचरणापचितिप्रयोगैः

yenārcitā bhagavatī tulasī kadācinnaivedya puṣpavaradhūpaghṛtapradīpaiḥ dharmārthakāmaparamāmṛtadāyi viprāḥ kiṁ tasya viṣṇucaraṇāpacitiprayogaiḥ

हे ब्राह्मणो! जिसने कभी भी नैवेद्य, उत्तम पुष्प, धूप, घी और दीपक से धर्म-अर्थ-काम तथा परम अमृत देने वाली भगवती तुलसी की पूजा की है, उसे विष्णु के चरणों की अलग से पूजा करने की क्या आवश्यकता है?

श्लोक 31 (padma.7.24.31)

स्थानेषु दोषरहितेषु सुरौघसेव्यामारोपयंति तुलसीं हरितुष्टिकर्त्रीम् । तुष्टो हरिस्त्रिजगतामधिपोऽमुरारिस्तेभ्यो ददाति परमं पदमाशु विप्र

sthāneṣu doṣarahiteṣu suraughasevyāmāropayaṁti tulasīṁ harituṣṭikartrīm tuṣṭo haristrijagatāmadhipo'murāristebhyo dadāti paramaṁ padamāśu vipra

जो लोग दोषरहित स्थानों में, देवताओं के समूह द्वारा सेवित, हरि को प्रसन्न करने वाली तुलसी को रोपते हैं, हे विप्र! उनसे प्रसन्न होकर, तीनों लोकों के स्वामी असुरों के शत्रु हरि उन्हें शीघ्र ही परम पद प्रदान करते हैं।

श्लोक 32 (padma.7.24.32)

यज्ञं व्रतं च पितृपूजनमच्युतार्च्चां दानं यदन्यदपि कर्मशुभं मनुष्याः । कुर्वंति दोषरहिते तुलसीतले च तान्यक्षयाणि सकलानि भवंति नूनम्

yajñaṁ vrataṁ ca pitṛpūjanamacyutārccāṁ dānaṁ yadanyadapi karmaśubhaṁ manuṣyāḥ kurvaṁti doṣarahite tulasītale ca tānyakṣayāṇi sakalāni bhavaṁti nūnam

यज्ञ, व्रत, पितृ-पूजन, अच्युत की अर्चना, दान और अन्य जो भी शुभ कर्म मनुष्य दोषरहित तुलसी के नीचे करते हैं, वे सभी निश्चय ही अक्षय हो जाते हैं।

श्लोक 33 (padma.7.24.33)

यद्धर्मकर्मकुरुते मनुजः पृथिव्यां नारायणप्रियतमां तुलसीं विना च । तत्सर्वमेव विफलं भवति द्विजेन्द्र पद्मेक्षणोऽपि न हि तुष्यति देवदेवः

yaddharmakarmakurute manujaḥ pṛthivyāṁ nārāyaṇapriyatamāṁ tulasīṁ vinā ca tatsarvameva viphalaṁ bhavati dvijendra padmekṣaṇo'pi na hi tuṣyati devadevaḥ

पृथ्वी पर मनुष्य नारायण को अत्यंत प्रिय तुलसी के बिना जो भी धर्म-कर्म करता है, वह सब निष्फल हो जाता है, हे द्विजेन्द्र! कमल-नयन देवाधिदेव भी उससे प्रसन्न नहीं होते।

श्लोक 34 (padma.7.24.34)

यात्रासु पश्यति शुभां तुलसीं पवित्रां यो भक्तिभावसहितो मनुजो हि नूनम् । यात्राफलं सकलमेव हरिप्रसादात्तस्याशु सिद्ध्यति वचः सुदृढं ममैतत्

yātrāsu paśyati śubhāṁ tulasīṁ pavitrāṁ yo bhaktibhāvasahito manujo hi nūnam yātrāphalaṁ sakalameva hariprasādāttasyāśu siddhyati vacaḥ sudṛḍhaṁ mamaitat

जो भक्तिभाव से युक्त मनुष्य तीर्थयात्राओं में शुभ, पवित्र तुलसी का दर्शन करता है, हरि की कृपा से उसे समस्त यात्रा का फल शीघ्र ही सिद्ध हो जाता है — यह मेरा दृढ़ वचन है।

श्लोक 35 (padma.7.24.35)

त्यक्त्वा सुगन्धिकुसुमं भुवनैकनाथो मंदारकुन्दनलिनादिकमप्यनंतः । गृह्णाति सद्गुणमयीं तुलसीं प्रमोदैः शुष्कामपि प्रचुरपापविनाशरक्षाम्

tyaktvā sugandhikusumaṁ bhuvanaikanātho maṁdārakundanalinādikamapyanaṁtaḥ gṛhṇāti sadguṇamayīṁ tulasīṁ pramodaiḥ śuṣkāmapi pracurapāpavināśarakṣām

भुवन के एकमात्र स्वामी, अनंत भगवान, मंदार, कुंद, कमल आदि सुगंधित फूलों को त्यागकर भी, सद्गुणों से युक्त तुलसी को हर्षपूर्वक ग्रहण करते हैं, चाहे वह सूखी ही क्यों न हो, क्योंकि वह प्रचुर पापों का नाश करने वाली और रक्षा करने वाली है।

श्लोक 36 (padma.7.24.36)

उत्पाट्य चैव तुलसीं भुवि निक्षिपंति पापाशयाऽमृतलताभ निदानभूताम् । अज्ञानतो नरहरिस्तुलसीप्रियोऽसौ तेषां श्रियं हरति संततमेव सत्यम्

utpāṭya caiva tulasīṁ bhuvi nikṣipaṁti pāpāśayā'mṛtalatābha nidānabhūtām ajñānato naraharistulasīpriyo'sau teṣāṁ śriyaṁ harati saṁtatameva satyam

जो पापी-आशय वाले लोग अमृत-लता के समान, कल्याण के मूल स्रोत तुलसी को उखाड़कर पृथ्वी पर फेंक देते हैं, तुलसी-प्रिय नृहरि उनकी सम्पत्ति को अज्ञानवश ही निरंतर हर लेते हैं — यह सत्य है।

श्लोक 37 (padma.7.24.37)

मूत्रं पुरीषं तुलसीतलेषु कुर्वंति येऽपि च मलं सततं मनुष्याः । देवाश्रये संचित पातकानां तेषां हरत्याशु हरिर्धनानि

mūtraṁ purīṣaṁ tulasītaleṣu kurvaṁti ye'pi ca malaṁ satataṁ manuṣyāḥ devāśraye saṁcita pātakānāṁ teṣāṁ haratyāśu harirdhanāni

जो मनुष्य तुलसी के नीचे सदा मूत्र, मल और अशुद्धता करते हैं, देवताओं के इस आश्रय में संचित पाप करने वाले उनके धन को हरि शीघ्र ही हर लेते हैं।

श्लोक 38 (padma.7.24.38)

नारायणस्यपूजार्थं चिनोमि त्वां नमोस्तुते । कुसुमैः पारिजाताद्यैर्गंधाद्यैरपि केशवः

nārāyaṇasyapūjārthaṁ cinomi tvāṁ namostute kusumaiḥ pārijātādyairgaṁdhādyairapi keśavaḥ

पत्ते तोड़ते समय यह मंत्र बोलना चाहिए — "नारायण की पूजा के लिए मैं तुम्हें तोड़ता हूँ, तुम्हें नमस्कार है।" पारिजात आदि फूलों और गंध आदि से केशव —

श्लोक 39 (padma.7.24.39)

त्वया विना नैति तृप्तिं चिनोमि त्वामतः शुभे । त्वया विना महाभागे समस्तं कर्म निष्फलम्

tvayā vinā naiti tṛptiṁ cinomi tvāmataḥ śubhe tvayā vinā mahābhāge samastaṁ karma niṣphalam

"— तुम्हारे बिना केशव को तृप्ति नहीं मिलती; इसलिए हे शुभे! मैं तुम्हें तोड़ता हूँ। हे महाभागे! तुम्हारे बिना समस्त कर्म निष्फल है।"

श्लोक 40 (padma.7.24.40)

अतस्तु तुलसी देवि चिनोमि वरदा भव । चयनोद्भव दुःखं ते यद्देवि हृदि जायते

atastu tulasī devi cinomi varadā bhava cayanodbhava duḥkhaṁ te yaddevi hṛdi jāyate

"इसलिए, हे देवी तुलसी! मैं तुम्हें तोड़ता हूँ, तुम वरदायिनी बनो। हे देवी! तोड़े जाने से जो दुःख तुम्हारे हृदय में उत्पन्न होता हो —"

श्लोक 41 (padma.7.24.41)

तत्क्षमस्व जगन्नाथे तुलसि त्वां नमाम्यहम् । कृताञ्जलिरिमान्मन्त्रान्पठित्वा वैष्णवो जनः

tatkṣamasva jagannāthe tulasi tvāṁ namāmyaham kṛtāñjalirimānmantrānpaṭhitvā vaiṣṇavo janaḥ

"— उसे क्षमा करो, हे जगन्नाथ की तुलसी! तुम्हें मैं नमस्कार करता हूँ।" इन मंत्रों को हाथ जोड़कर पढ़कर वैष्णव जन —

श्लोक 42 (padma.7.24.42)

करतालद्वयं दत्वा चिनोति तुलसीदलम् । यथा न कंपते शाखा तुलस्या द्विजसत्तम

karatāladvayaṁ datvā cinoti tulasīdalam yathā na kaṁpate śākhā tulasyā dvijasattama

— दोनों हथेलियों को जोड़कर तुलसी के पत्ते को तोड़ता है, इस प्रकार कि हे द्विजसत्तम! तुलसी की शाखा हिले नहीं।

श्लोक 43 (padma.7.24.43)

पत्रस्य चयने देवी भग्नशाखा यदा भवेत् । तदा हृदि व्यथा विष्णोर्ज्जायते तुलसीपतेः

patrasya cayane devī bhagnaśākhā yadā bhavet tadā hṛdi vyathā viṣṇorjjāyate tulasīpateḥ

पत्ते तोड़ते समय जब देवी की शाखा टूट जाती है, तब तुलसी के स्वामी विष्णु के हृदय में व्यथा उत्पन्न होती है।

श्लोक 44 (padma.7.24.44)

शाखाग्रात्पतितं भूमौ पत्रं पत्रं पुरातनम् । तेनापि पूज्यो गोविन्दो मधुकैटभमर्द्दनः

śākhāgrātpatitaṁ bhūmau patraṁ patraṁ purātanam tenāpi pūjyo govindo madhukaiṭabhamarddanaḥ

शाखा के अग्रभाग से भूमि पर गिरा हुआ, पुराना पत्ता — उससे भी मधु-कैटभ के संहारक गोविंद की पूजा की जा सकती है।

श्लोक 45 (padma.7.24.45)

कोमलैस्तुलसीपत्रैर्योऽर्चयेदच्युतं प्रभुम् । सर्वं स लभते शीघ्रं यद्यदिच्छति चेतसा

komalaistulasīpatrairyo'rcayedacyutaṁ prabhum sarvaṁ sa labhate śīghraṁ yadyadicchati cetasā

जो कोमल तुलसी-पत्रों से अच्युत प्रभु की पूजा करता है, वह जो कुछ भी अपने मन में चाहता है, वह सब शीघ्र ही प्राप्त करता है।

श्लोक 46 (padma.7.24.46)

जैमिनिरुवाच- तुलसीवृक्षसदृशः कोवृक्षोऽस्ति द्विजर्षभ । तमहं ज्ञातुमिच्छामि ब्रूहि सत्यवतीसुत

jaiminiruvāca- tulasīvṛkṣasadṛśaḥ kovṛkṣo'sti dvijarṣabha tamahaṁ jñātumicchāmi brūhi satyavatīsuta

जैमिनि ने कहा — हे द्विजर्षभ! तुलसी के वृक्ष के समान और कौन-सा वृक्ष है? मैं उसे जानना चाहता हूँ, हे सत्यवती-पुत्र! बताइए।

श्लोक 47 (padma.7.24.47)

व्यास उवाच- यथा प्रियतमा विष्णोस्तुलसी सततं द्विज । तथा प्रियतमा धात्री सर्वपापप्रणाशिनी

vyāsa uvāca- yathā priyatamā viṣṇostulasī satataṁ dvija tathā priyatamā dhātrī sarvapāpapraṇāśinī

व्यास जी ने कहा — हे द्विज! जैसे तुलसी सदा विष्णु को अत्यंत प्रिय है, वैसे ही धात्री भी अत्यंत प्रिय और समस्त पापों का नाश करने वाली है।

श्लोक 48 (padma.7.24.48)

तुलसीवृक्षमासाद्य या यास्तिष्ठंति देवताः । आमलक्यास्तले तास्ता निवसंति द्विजोत्तम

tulasīvṛkṣamāsādya yā yāstiṣṭhaṁti devatāḥ āmalakyāstale tāstā nivasaṁti dvijottama

तुलसी के वृक्ष में जो-जो देवता निवास करते हैं, हे द्विजोत्तम! वे सभी आँवले के वृक्ष के नीचे भी निवास करते हैं।

श्लोक 49 (padma.7.24.49)

गंगादीनि च तीर्थानि तत्रैव द्विजसत्तम । विष्णुप्रियतमा धात्री पवित्रा यत्र तिष्ठति

gaṁgādīni ca tīrthāni tatraiva dvijasattama viṣṇupriyatamā dhātrī pavitrā yatra tiṣṭhati

हे द्विजसत्तम! जहाँ विष्णु की अत्यंत प्रिय, पवित्र धात्री स्थित है, वहीं गंगा आदि समस्त तीर्थ भी विद्यमान हैं।

श्लोक 50 (padma.7.24.50)

अशुभं वाशुभं वापि यत्कर्मामलकीतले । क्रियते मानवैर्विंप्र भवेत्तत्सत्यमक्षयम्

aśubhaṁ vāśubhaṁ vāpi yatkarmāmalakītale kriyate mānavairviṁpra bhavettatsatyamakṣayam

हे विप्र! आँवले के वृक्ष के नीचे मनुष्यों द्वारा किया गया शुभ अथवा अशुभ जो भी कर्म हो, वह निश्चय ही अक्षय हो जाता है।

श्लोक 51 (padma.7.24.51)

पवित्रैर्नूतनेः पत्रैर्धात्र्या यः पूजयेद्धरिम् । स मुक्तः पापजालेन सायुज्यं लभते हरेः

pavitrairnūtaneḥ patrairdhātryā yaḥ pūjayeddharim sa muktaḥ pāpajālena sāyujyaṁ labhate hareḥ

जो धात्री के पवित्र, नए पत्तों से हरि की पूजा करता है, वह पाप-जाल से मुक्त होकर हरि के साथ सायुज्य प्राप्त करता है।

श्लोक 52 (padma.7.24.52)

धात्री च तुलसीदेवी न तिष्ठेद्यत्र जैमिने । स्थानं तदपवित्रं स्यान्न च क्रियाफलं लभेत्

dhātrī ca tulasīdevī na tiṣṭhedyatra jaimine sthānaṁ tadapavitraṁ syānna ca kriyāphalaṁ labhet

हे जैमिनि! जहाँ धात्री और देवी तुलसी दोनों न हों, वह स्थान अपवित्र होता है, और वहाँ किए गए कर्म का फल भी नहीं मिलता।

श्लोक 53 (padma.7.24.53)

न तिष्ठत्याश्रमे यस्य धात्री च तुलसी शुभा । तेन कर्म कृतं सर्वं नूनं गच्छति निष्फलम्

na tiṣṭhatyāśrame yasya dhātrī ca tulasī śubhā tena karma kṛtaṁ sarvaṁ nūnaṁ gacchati niṣphalam

जिसके आश्रम में धात्री और शुभ तुलसी विद्यमान नहीं हैं, उसके द्वारा किया गया समस्त कर्म निश्चय ही निष्फल हो जाता है।

श्लोक 54 (padma.7.24.54)

धात्र्या तुलस्या हीनं च निलयं यस्य भूसुर । अलक्ष्मीः पातकं सर्वं कलिश्च तेन तोषितः

dhātryā tulasyā hīnaṁ ca nilayaṁ yasya bhūsura alakṣmīḥ pātakaṁ sarvaṁ kaliśca tena toṣitaḥ

हे भूसुर! जिसका घर धात्री और तुलसी से रहित है, उसके द्वारा अलक्ष्मी, समस्त पाप और कलियुग ही संतुष्ट किए जाते हैं।

श्लोक 55 (padma.7.24.55)

स्थाने तस्मिन्द्विजश्रेष्ठ न धात्री तुलसी न च । श्मशानतुल्यं स्थानं तद्विज्ञेयं तत्वदर्शिभिः

sthāne tasmindvijaśreṣṭha na dhātrī tulasī na ca śmaśānatulyaṁ sthānaṁ tadvijñeyaṁ tatvadarśibhiḥ

हे द्विजश्रेष्ठ! जिस स्थान में न धात्री हो और न तुलसी, तत्वदर्शियों को उस स्थान को श्मशान के समान जानना चाहिए।

श्लोक 56 (padma.7.24.56)

धात्री च तुलसी यत्र तिष्ठेत्तत्राखिलाः सुराः । न धात्री तुलसी पत्रं तत्रैवाखिलपातकम्

dhātrī ca tulasī yatra tiṣṭhettatrākhilāḥ surāḥ na dhātrī tulasī patraṁ tatraivākhilapātakam

जहाँ धात्री और तुलसी दोनों हों, वहाँ समस्त देवगण रहते हैं; जहाँ न धात्री हो, न तुलसी का पत्ता, वहाँ समस्त पाप ही रहते हैं।

श्लोक 57 (padma.7.24.57)

धात्रीफलस्रजं यस्तु पापहर्त्रीं वहेद्बुधः । तस्याश्रित्य तनुं विष्णुः सदा तिष्ठेच्छ्रिया सह

dhātrīphalasrajaṁ yastu pāpahartrīṁ vahedbudhaḥ tasyāśritya tanuṁ viṣṇuḥ sadā tiṣṭhecchriyā saha

जो बुद्धिमान पाप को हरने वाली धात्री-फल की माला धारण करता है, विष्णु उसके शरीर का आश्रय लेकर लक्ष्मी सहित सदा वहाँ विराजते हैं।

श्लोक 58 (padma.7.24.58)

धात्रीकाष्ठस्य मालां च यो वहेन्मतिमान्नरः । तस्य देहं समाश्रित्य तिष्ठंति सर्वदेवताः

dhātrīkāṣṭhasya mālāṁ ca yo vahenmatimānnaraḥ tasya dehaṁ samāśritya tiṣṭhaṁti sarvadevatāḥ

जो बुद्धिमान मनुष्य धात्री की लकड़ी की माला धारण करता है, समस्त देवता उसके शरीर का आश्रय लेकर वहीं विराजते हैं।

श्लोक 59 (padma.7.24.59)

धात्रीफलस्रजं गृह्णन्यत्कर्म कुरुते नरः । तत्सर्वमक्षयं प्रोक्तं शुभं वा यदि वाशुभम्

dhātrīphalasrajaṁ gṛhṇanyatkarma kurute naraḥ tatsarvamakṣayaṁ proktaṁ śubhaṁ vā yadi vāśubham

धात्री-फल की माला धारण करते हुए मनुष्य जो भी कर्म करता है, चाहे वह शुभ हो या अशुभ, वह सब अक्षय कहा गया है।

श्लोक 60 (padma.7.24.60)

यस्तु धात्रीफलं भुंक्ते मानवोऽखिलतत्ववित् । तद्देहाभ्यंतरस्थायि सर्वं पापं विनश्यति

yastu dhātrīphalaṁ bhuṁkte mānavo'khilatatvavit taddehābhyaṁtarasthāyi sarvaṁ pāpaṁ vinaśyati

जो मनुष्य समस्त तत्वों को जानते हुए धात्री-फल खाता है, उसके शरीर के भीतर स्थित समस्त पाप नष्ट हो जाते हैं।

श्लोक 61 (padma.7.24.61)

धात्रीफलमयीं मालां यो वहेद्दिवजसत्तम । ब्रवीमि शृणु माहात्म्यं सर्वपापहरं परम्

dhātrīphalamayīṁ mālāṁ yo vaheddivajasattama bravīmi śṛṇu māhātmyaṁ sarvapāpaharaṁ param

हे द्विजसत्तम! जो धात्री-फलों से बनी माला धारण करता है, उसकी समस्त पापों को हरने वाली परम महिमा मैं कहता हूँ, सुनो।

श्लोक 62 (padma.7.24.62)

श्मशानेऽपि यदा मृत्युस्तस्य स्याद्दैवयोगतः । गङ्गामरणजं पुण्यं संप्राप्नोति न संशयः

śmaśāne'pi yadā mṛtyustasya syāddaivayogataḥ gaṅgāmaraṇajaṁ puṇyaṁ saṁprāpnoti na saṁśayaḥ

भाग्यवश यदि उसकी मृत्यु श्मशान में भी हो जाए, तो भी वह गंगा में मृत्यु से प्राप्त होने वाला पुण्य पाता है, इसमें संशय नहीं।

श्लोक 63 (padma.7.24.63)

तं दृष्ट्वा पापिनः सर्वे पापजालैः सुदारुणैः । सद्य एव प्रमुच्यंते जन्मकोटिशतैरपि

taṁ dṛṣṭvā pāpinaḥ sarve pāpajālaiḥ sudāruṇaiḥ sadya eva pramucyaṁte janmakoṭiśatairapi

उसे देखकर समस्त पापी, चाहे उन्होंने अनेक करोड़ों जन्मों के अत्यंत भयंकर पाप-जाल भी अर्जित किए हों, तत्काल ही उनसे मुक्त हो जाते हैं।

श्लोक 64 (padma.7.24.64)

नित्यं गृह्णाति विप्रेंद्र यो धात्रीफलकर्द्दमम् । दिने दिने लभेत्पुण्यं संप्राप्नोति न संशयः

nityaṁ gṛhṇāti vipreṁdra yo dhātrīphalakarddamam dine dine labhetpuṇyaṁ saṁprāpnoti na saṁśayaḥ

हे विप्रेन्द्र! जो नित्य धात्री-फल के लेप का प्रयोग करता है, वह प्रतिदिन पुण्य प्राप्त करता है, इसमें संशय नहीं।

श्लोक 65 (padma.7.24.65)

धात्रीतरुं च यो हंति सर्वदेवगणाश्रयम् । स ददाति हरेरंगे घातं नास्त्यत्र संशयः

dhātrītaruṁ ca yo haṁti sarvadevagaṇāśrayam sa dadāti hareraṁge ghātaṁ nāstyatra saṁśayaḥ

जो समस्त देवगणों के आश्रयभूत धात्री-वृक्ष को काटता है, वह हरि के ही शरीर पर प्रहार करता है, इसमें संशय नहीं।

श्लोक 66 (padma.7.24.66)

सर्वदेवमयी धात्री विशेषात्केशवप्रिया । सम्यग्वक्तुं गुणं तस्या ब्रह्मणापि न शक्यते

sarvadevamayī dhātrī viśeṣātkeśavapriyā samyagvaktuṁ guṇaṁ tasyā brahmaṇāpi na śakyate

धात्री समस्त देवमयी है, विशेष रूप से केशव को प्रिय है; उसके गुणों को पूर्णतः कहने में ब्रह्मा भी समर्थ नहीं हैं।

श्लोक 67 (padma.7.24.67)

धात्र्यास्तुलस्या विदधाति भक्तिं यो मानवो ज्ञातसमस्ततत्वः । भुक्त्वा च भोगान्सकलां स्ततोंऽते स मुक्तिमाप्नोति हरेः प्रसादात्

dhātryāstulasyā vidadhāti bhaktiṁ yo mānavo jñātasamastatatvaḥ bhuktvā ca bhogānsakalāṁ statoṁ'te sa muktimāpnoti hareḥ prasādāt

जो मनुष्य समस्त तत्वों को जानते हुए धात्री और तुलसी में भक्ति रखता है, वह समस्त भोगों को भोगकर, अंत में हरि की कृपा से मुक्ति को प्राप्त होता है।