प्रयाग तथा गंगासागर-संगम-माहात्म्य

श्लोक 1 (padma.7.4.1)

जैमिनिरुवाच- गङ्गाद्वारस्य माहात्म्यं त्वत्प्रसादाच्छ्रुतं मया । प्रयागस्य च माहात्म्यमिदानीं श्रोतुमिष्यसे

jaiminiruvāca- gaṅgādvārasya māhātmyaṁ tvatprasādācchrutaṁ mayā prayāgasya ca māhātmyamidānīṁ śrotumiṣyase

जैमिनि ने कहा — आपकी कृपा से मैंने गंगाद्वार की महिमा सुनी; अब मैं प्रयाग की महिमा सुनना चाहता हूँ।

श्लोक 2 (padma.7.4.2)

गङ्गाब्धिसङ्गमस्यापि माहात्म्यं कथ्यतां मुने । न सम्यक्कथितुं कोऽपि शक्नोति त्वदृते क्षितौ

gaṅgābdhisaṅgamasyāpi māhātmyaṁ kathyatāṁ mune na samyakkathituṁ ko'pi śaknoti tvadṛte kṣitau

हे मुने! गंगा और समुद्र के संगम की महिमा भी कहिए। आपके सिवा इस पृथ्वी पर कोई भी इसे भलीभाँति कहने में समर्थ नहीं है।

श्लोक 3 (padma.7.4.3)

व्यास उवाच- प्रयागस्य फलं वत्स गङ्गाब्धिसङ्गमस्य च । सम्यग्वक्तुं न शक्नोमि संक्षेपाच्छ्रूयतां द्विज

vyāsa uvāca- prayāgasya phalaṁ vatsa gaṅgābdhisaṅgamasya ca samyagvaktuṁ na śaknomi saṁkṣepācchrūyatāṁ dvija

व्यास जी ने कहा — हे वत्स! प्रयाग तथा गंगा-समुद्र-संगम का फल मैं पूर्णरूप से कहने में समर्थ नहीं हूँ; संक्षेप में सुनो, हे द्विज।

श्लोक 4 (padma.7.4.4)

कोटिब्रह्माण्डमध्येषु यानि तीर्थानि वै मुने । प्रयांति तानि सर्वाणि प्रयागप्रतिमां तु किम्

koṭibrahmāṇḍamadhyeṣu yāni tīrthāni vai mune prayāṁti tāni sarvāṇi prayāgapratimāṁ tu kim

हे मुने! करोड़ों ब्रह्माण्डों के भीतर जितने भी तीर्थ हैं, वे सभी प्रयाग के समान होने के लिए स्वयं प्रयाग की ओर जाते हैं — फिर प्रयाग की तुलना किससे हो?

श्लोक 5 (padma.7.4.5)

गङ्गाया यमुनायाश्च सरस्वत्याश्च सङ्गमे । प्रशंसंति सुराः सर्वे ब्रह्मविष्णुशिवादयः

gaṅgāyā yamunāyāśca sarasvatyāśca saṅgame praśaṁsaṁti surāḥ sarve brahmaviṣṇuśivādayaḥ

गंगा, यमुना और सरस्वती के संगम की ब्रह्मा, विष्णु, शिव आदि समस्त देवगण प्रशंसा करते हैं।

श्लोक 6 (padma.7.4.6)

मकरस्थे रवौ माघे स्नानं ये तत्र कुर्वते । तेषामागमनं नास्ति विष्णुलोकात्कदाचन

makarasthe ravau māghe snānaṁ ye tatra kurvate teṣāmāgamanaṁ nāsti viṣṇulokātkadācana

सूर्य के मकर राशि में और माघ मास में जो वहाँ स्नान करते हैं, वे विष्णुलोक से फिर कभी लौटकर नहीं आते।

श्लोक 7 (padma.7.4.7)

गवां कोटिसहस्राणि वाजिमेधमुखाध्वराः । मेरुतुल्यसुवर्णानि दानान्यन्यानि च द्विज

gavāṁ koṭisahasrāṇi vājimedhamukhādhvarāḥ merutulyasuvarṇāni dānānyanyāni ca dvija

हे द्विज! हजारों करोड़ गौओं का दान, अश्वमेध आदि यज्ञ, और मेरु पर्वत के तुल्य स्वर्ण के अन्य दान —

श्लोक 8 (padma.7.4.8)

कुरुक्षेत्रे पुष्करे च प्रभासे च गयासु च । हुत्वा दत्वा च विप्रेभ्यो यत्फलं प्राप्यते बुधैः

kurukṣetre puṣkare ca prabhāse ca gayāsu ca hutvā datvā ca viprebhyo yatphalaṁ prāpyate budhaiḥ

कुरुक्षेत्र, पुष्कर, प्रभास और गया में हवन करके तथा ब्राह्मणों को दान देकर विद्वान् जन जो फल प्राप्त करते हैं,

श्लोक 9 (padma.7.4.9)

माघे स्नात्वा प्रयागे तु तस्मात्कोटिगुणं भवेत् । तस्मात्समस्ततीर्थानां प्रयागः परमः स्मृतः

māghe snātvā prayāge tu tasmātkoṭiguṇaṁ bhavet tasmātsamastatīrthānāṁ prayāgaḥ paramaḥ smṛtaḥ

उससे करोड़ गुणा फल माघ मास में प्रयाग में स्नान करने से मिलता है। इसीलिए प्रयाग को समस्त तीर्थों में सर्वश्रेष्ठ माना गया है।

श्लोक 10 (padma.7.4.10)

सिंहराशिस्थिते सूर्ये गोदावर्यां द्विजोत्तम । चिरमुग्रतपस्तप्त्वा स्नानदानव्रतादिभिः

siṁharāśisthite sūrye godāvaryāṁ dvijottama ciramugratapastaptvā snānadānavratādibhiḥ

हे द्विजोत्तम! सूर्य के सिंह राशि में स्थित होने पर गोदावरी में स्नान, दान, व्रत आदि से दीर्घकाल तक उग्र तप करने से,

श्लोक 11 (padma.7.4.11)

वेदागमपुराणोक्तं यत्पुण्यमक्षयं भवेत् । माघे स्नात्वा प्रयागे तु तत्पुण्यं नात्र संशयः

vedāgamapurāṇoktaṁ yatpuṇyamakṣayaṁ bhavet māghe snātvā prayāge tu tatpuṇyaṁ nātra saṁśayaḥ

वेद, आगम और पुराणों में कहा गया जो अक्षय पुण्य मिलता है, वही पुण्य माघ मास में प्रयाग में स्नान करने से मिलता है, इसमें कोई सन्देह नहीं।

श्लोक 12 (padma.7.4.12)

फाल्गुने कृष्णपक्षे तु चतुर्दश्यामुपोषितः । काश्यां यत्फलमाप्नोति तन्मे निगदतः शृणु

phālgune kṛṣṇapakṣe tu caturdaśyāmupoṣitaḥ kāśyāṁ yatphalamāpnoti tanme nigadataḥ śṛṇu

फाल्गुन मास के कृष्ण पक्ष की चतुर्दशी को उपवास करके काशी में जो फल प्राप्त होता है, वह मुझसे कहा जाता है, सुनो।

श्लोक 13 (padma.7.4.13)

कोटिजन्मार्जितैः पापैर्विमुक्तः सर्वरूपधृक् । उद्धृत्य कोटिपुरुषाञ्छिवेन सह मोदते

koṭijanmārjitaiḥ pāpairvimuktaḥ sarvarūpadhṛk uddhṛtya koṭipuruṣāñchivena saha modate

करोड़ों जन्मों के अर्जित पापों से मुक्त होकर, सम्पूर्ण रूप धारण करने वाला व्यक्ति, करोड़ों पुरुषों का उद्धार करके शिव के साथ आनन्द मनाता है।

श्लोक 14 (padma.7.4.14)

माघेमासे प्रयागे तु स्नात्वा सकृदपि द्विजः । कल्पकोटिशतं विष्णुं संपूज्यान्यत्र यत्फलम्

māghemāse prayāge tu snātvā sakṛdapi dvijaḥ kalpakoṭiśataṁ viṣṇuṁ saṁpūjyānyatra yatphalam

जो द्विज माघ मास में प्रयाग में एक बार भी स्नान कर लेता है, अन्यत्र सैकड़ों करोड़ कल्पों तक विष्णु की पूजा करने से जो फल मिलता है,

श्लोक 15 (padma.7.4.15)

एकाहमपि संपूज्य मकरस्थे दिवाकरे । सत्यं सत्यमहं वच्मि सर्वमेवाक्षयं भवेत्

ekāhamapi saṁpūjya makarasthe divākare satyaṁ satyamahaṁ vacmi sarvamevākṣayaṁ bhavet

वही फल उसे सूर्य के मकर राशि में रहते हुए एक ही दिन पूजा करने से मिल जाता है। मैं सत्य कहता हूँ, सत्य कहता हूँ — सब कुछ अक्षय हो जाता है।

श्लोक 16 (padma.7.4.16)

यावद्दिनं माघमासे तत्र तिष्ठति मानवः । तावत्कल्पशतं विप्र मोदते विष्णुना सह

yāvaddinaṁ māghamāse tatra tiṣṭhati mānavaḥ tāvatkalpaśataṁ vipra modate viṣṇunā saha

हे विप्र! माघ मास में मनुष्य जितने दिन वहाँ रहता है, उतने सैकड़ों कल्पों तक वह विष्णु के साथ आनन्द मनाता है।

श्लोक 17 (padma.7.4.17)

गङ्गायमुनयोस्तोये स्नानं येन कृतं सकृत् । सद्यस्तद्दर्शनात्पापैर्मुच्यते सर्वपातकैः

gaṅgāyamunayostoye snānaṁ yena kṛtaṁ sakṛt sadyastaddarśanātpāpairmucyate sarvapātakaiḥ

जिसने गंगा और यमुना के जल में एक बार भी स्नान किया है, वह उसके दर्शन-मात्र से तत्काल समस्त पापों से मुक्त हो जाता है।

श्लोक 18 (padma.7.4.18)

तर्तुं यदीच्छंति जनाः संसाराब्धिं सुदुस्तरम् । गङ्गायमुनयोः स्नात्वा भक्त्या पश्यंतु माधवम्

tartuṁ yadīcchaṁti janāḥ saṁsārābdhiṁ sudustaram gaṅgāyamunayoḥ snātvā bhaktyā paśyaṁtu mādhavam

यदि लोग इस अत्यन्त दुस्तर संसार-सागर को पार करना चाहते हैं, तो गंगा-यमुना में स्नान करके भक्तिपूर्वक माधव का दर्शन करें।

श्लोक 19 (padma.7.4.19)

यजंति मानवास्तत्र यद्यदिष्ट्वा कलेवरम् । सद्यो लभंते विप्रर्षे तत्तदेव न संशयः

yajaṁti mānavāstatra yadyadiṣṭvā kalevaram sadyo labhaṁte viprarṣe tattadeva na saṁśayaḥ

वहाँ जो मनुष्य जिस-जिस इच्छा से शरीर त्यागकर यजन करते हैं, वे, हे विप्रर्षे, तत्काल वही-वही प्राप्त करते हैं, इसमें सन्देह नहीं।

श्लोक 20 (padma.7.4.20)

इतिहासमिहैवाहं कथयामि निशामय । यच्छ्रुत्वा सर्वपापेभ्यो मुक्तो भवति मानवः

itihāsamihaivāhaṁ kathayāmi niśāmaya yacchrutvā sarvapāpebhyo mukto bhavati mānavaḥ

यहीं मैं एक इतिहास कहता हूँ, ध्यान से सुनो; जिसे सुनकर मनुष्य समस्त पापों से मुक्त हो जाता है।

श्लोक 21 (padma.7.4.21)

प्रणिधिर्नाम तत्रासीद्वैश्य एको महाधनी । देवतातिथिपूजासु विप्रभक्त्येकतत्परः

praṇidhirnāma tatrāsīdvaiśya eko mahādhanī devatātithipūjāsu viprabhaktyekatatparaḥ

वहाँ प्रणिधि नाम का एक महाधनी वैश्य था, जो देवता और अतिथि की पूजा में तथा ब्राह्मणों की भक्ति में सदा तत्पर रहता था।

श्लोक 22 (padma.7.4.22)

तस्य पद्मावती नाम धर्मपत्नी पतिव्रता । चार्वङ्गी शीलयुक्ता च कुलजा प्रियवादिनी

tasya padmāvatī nāma dharmapatnī pativratā cārvaṅgī śīlayuktā ca kulajā priyavādinī

उसकी धर्मपत्नी पद्मावती नाम की थी, पतिव्रता, सुन्दर अंगों वाली, शीलवती, कुलीन और मधुरभाषिणी।

श्लोक 23 (padma.7.4.23)

स्त्रीणां योग्या गुणा ये ये सृष्टाः श्रीपरमेष्ठिना । तच्छरीरे गुणास्ते ते निवसंति द्विजोत्तम

strīṇāṁ yogyā guṇā ye ye sṛṣṭāḥ śrīparameṣṭhinā taccharīre guṇāste te nivasaṁti dvijottama

स्त्रियों के जो-जो योग्य गुण श्रीब्रह्मा द्वारा रचे गये हैं, हे द्विजोत्तम, वे सभी गुण उसके शरीर में निवास करते थे।

श्लोक 24 (padma.7.4.24)

अथासौप्रणिधिर्वैश्यः समादायधनं बहु । वाणिज्यार्थे गतो विप्र शुभे लग्ने शुभे तिथौ

athāsaupraṇidhirvaiśyaḥ samādāyadhanaṁ bahu vāṇijyārthe gato vipra śubhe lagne śubhe tithau

फिर वह वैश्य प्रणिधि बहुत धन लेकर, हे विप्र, शुभ लग्न और शुभ तिथि में व्यापार के लिए गया।

श्लोक 25 (padma.7.4.25)

धनाद्धर्मः प्रभवति धनाच्च विपुलं यशः । धनात्कुलमवाप्नोति भवेत्किं वा धनादृते

dhanāddharmaḥ prabhavati dhanācca vipulaṁ yaśaḥ dhanātkulamavāpnoti bhavetkiṁ vā dhanādṛte

धन से धर्म उत्पन्न होता है, धन से महान् यश मिलता है, धन से कुल की प्रतिष्ठा प्राप्त होती है — धन के बिना क्या हो सकता है?

श्लोक 26 (padma.7.4.26)

धनहीनं जनं दृष्ट्वा सखापि वा पलायते । मेघःशरद्यंबुहीनः खंडं खंडं नयेन्महत्

dhanahīnaṁ janaṁ dṛṣṭvā sakhāpi vā palāyate meghaḥśaradyaṁbuhīnaḥ khaṁḍaṁ khaṁḍaṁ nayenmahat

धनहीन मनुष्य को देखकर मित्र भी भाग जाता है, जैसे शरद् ऋतु का जल-रहित मेघ खण्ड-खण्ड होकर विलीन हो जाता है।

श्लोक 27 (padma.7.4.27)

खादितुं प्राप्यते यावत्तावदेव हि बांधवाः । धनं यस्य कुलं तस्य बुद्धिस्तस्य स पंडितः

khādituṁ prāpyate yāvattāvadeva hi bāṁdhavāḥ dhanaṁ yasya kulaṁ tasya buddhistasya sa paṁḍitaḥ

जब तक कुछ खाने को मिलता है, तभी तक बन्धु-बान्धव रहते हैं। जिसके पास धन है, उसी का कुल है, उसी की बुद्धि है, वही पण्डित है।

श्लोक 28 (padma.7.4.28)

अर्थैर्विहीनः पुरुषो जीवन्नपि मृतोपमः । धर्मार्थविद्यार्जनतो मतिर्यस्य नि वर्तते

arthairvihīnaḥ puruṣo jīvannapi mṛtopamaḥ dharmārthavidyārjanato matiryasya ni vartate

धन से रहित पुरुष जीवित रहते हुए भी मृतक के समान है। धर्म, अर्थ और विद्या के अर्जन से जिसकी बुद्धि विमुख रहती है,

श्लोक 29 (padma.7.4.29)

ज्ञेयः स मूर्खः सुतरामधिकस्याधिकं फलम् । कर्त्तव्यः सततं धर्मश्चार्जितव्यं सदाधनम्

jñeyaḥ sa mūrkhaḥ sutarāmadhikasyādhikaṁ phalam karttavyaḥ satataṁ dharmaścārjitavyaṁ sadādhanam

उसे मूर्ख जानना चाहिए। अधिक (परिश्रम) से अधिक फल मिलता है। सदा धर्म का आचरण करना चाहिए, सदा धन का अर्जन करना चाहिए,

श्लोक 30 (padma.7.4.30)

शिक्षितव्या सदा विद्या पुंभिरेव विचक्षणैः । दानाद्धनं च विद्या च वर्द्धते प्रतिवासरम्

śikṣitavyā sadā vidyā puṁbhireva vicakṣaṇaiḥ dānāddhanaṁ ca vidyā ca varddhate prativāsaram

बुद्धिमान् पुरुषों द्वारा सदा विद्या सीखनी चाहिए। दान से धन और विद्या दोनों प्रतिदिन बढ़ते हैं।

श्लोक 31 (padma.7.4.31)

धर्मस्तु वर्द्धते नैव रक्षतेन विना नृणाम् । काष्ठं तृणं तुषं वापि संप्राप्य न परित्यजेत्

dharmastu varddhate naiva rakṣatena vinā nṛṇām kāṣṭhaṁ tṛṇaṁ tuṣaṁ vāpi saṁprāpya na parityajet

परन्तु मनुष्यों की रक्षा किये बिना धर्म कभी नहीं बढ़ता। लकड़ी, तृण अथवा भूसी भी पाकर उसे त्यागना नहीं चाहिए,

श्लोक 32 (padma.7.4.32)

पुमान्संचयशीलोऽपि कदाचिन्नावसीदति । ततोऽसौ प्रणिधिर्वैश्यो नियोज्य स्त्रियमालये

pumānsaṁcayaśīlo'pi kadācinnāvasīdati tato'sau praṇidhirvaiśyo niyojya striyamālaye

क्योंकि संचय करने वाला पुरुष कभी दुःखी नहीं होता। तब वह वैश्य प्रणिधि अपनी पत्नी को घर में नियुक्त करके,

श्लोक 33 (padma.7.4.33)

गृहव्यापारनिष्णातो वाणिज्येन जगाम ह । अथैकदा तस्य पत्नी गृहीत्वोद्वर्तनादिकम्

gṛhavyāpāraniṣṇāto vāṇijyena jagāma ha athaikadā tasya patnī gṛhītvodvartanādikam

जो घर के कार्यों में निपुण थी, स्वयं व्यापार के लिए चला गया। एक बार उसकी पत्नी उबटन आदि सामग्री लेकर,

श्लोक 34 (padma.7.4.34)

सखीभिः सह विप्रर्षे जगाम स्नानहेतवे । ततो धनुर्ध्वजो नाम स्वयं च पातकाश्रयः

sakhībhiḥ saha viprarṣe jagāma snānahetave tato dhanurdhvajo nāma svayaṁ ca pātakāśrayaḥ

हे विप्रर्षे, सखियों के साथ स्नान के लिए गई। उस समय स्वयं पापाश्रित धनुर्ध्वज नामक एक चाण्डाल ने,

श्लोक 35 (padma.7.4.35)

निजेच्छया प्रकुर्वंतीं स्नानकर्म ददर्श ताम् । विकसत्स्वर्णपुष्पाढ्यां प्रफुल्लकमलाननाम्

nijecchayā prakurvaṁtīṁ snānakarma dadarśa tām vikasatsvarṇapuṣpāḍhyāṁ praphullakamalānanām

अपनी इच्छा से स्नान करती हुई उसे देखा — खिलते हुए स्वर्ण-पुष्पों से समृद्ध, प्रफुल्ल कमल-सी मुखाकृति वाली,

श्लोक 36 (padma.7.4.36)

मृगशावदृशं चारु पीनोन्नतपयोधराम् । तां वैश्यपत्नीमालोक्य श्वपचोऽसौ स्मरातुरः

mṛgaśāvadṛśaṁ cāru pīnonnatapayodharām tāṁ vaiśyapatnīmālokya śvapaco'sau smarāturaḥ

मृगशावक-सी सुन्दर आँखों वाली, पीन और उन्नत स्तनों वाली — उस वैश्य-पत्नी को देखकर कामातुर वह चाण्डाल,

श्लोक 37 (padma.7.4.37)

उवाच प्रहसन्वाणीं निजमूर्तिमचिंतयन् । धनुर्ध्वज उवाच- कासि कल्याणि सुश्रोणि चारुहासिनि सुन्दरि

uvāca prahasanvāṇīṁ nijamūrtimaciṁtayan dhanurdhvaja uvāca- kāsi kalyāṇi suśroṇi cāruhāsini sundari

अपने असली रूप को भूलकर हँसते हुए यह वचन बोला। धनुर्ध्वज ने कहा — हे कल्याणी! हे सुश्रोणी! हे मधुर हास वाली सुन्दरी! तुम कौन हो?

श्लोक 38 (padma.7.4.38)

मनो हरसि मे कस्मात्सुयौवनरसैः प्रिये । विशालजघने तन्वि मया गुणवता सह

mano harasi me kasmātsuyauvanarasaiḥ priye viśālajaghane tanvi mayā guṇavatā saha

हे प्रिये! तुम अपने सुन्दर यौवन के रस से मेरा मन क्यों हर लेती हो? हे विशाल-नितम्ब वाली सुकुमारी! गुणवान् मेरे साथ,

श्लोक 39 (padma.7.4.39)

गुणवत्या त्वया सर्वं सुखमत्यनुभूयताम् । धनुर्ध्वजवचः श्रुत्वा तस्याः सख्यस्ततो द्विज

guṇavatyā tvayā sarvaṁ sukhamatyanubhūyatām dhanurdhvajavacaḥ śrutvā tasyāḥ sakhyastato dvija

हे गुणवती! तुम भी सम्पूर्ण सुख का अत्यधिक अनुभव करो। धनुर्ध्वज के इस वचन को सुनकर, हे द्विज, तब उसकी सखियाँ,

श्लोक 40 (padma.7.4.40)

ऊचुर्वाक्यं तथा क्रुद्धाः संदष्टदशनच्छदाः । सख्य ऊचुः- अरे मूढ दुराचार दुराचारकुलोद्भव

ūcurvākyaṁ tathā kruddhāḥ saṁdaṣṭadaśanacchadāḥ sakhya ūcuḥ- are mūḍha durācāra durācārakulodbhava

क्रोध से होंठ काटते हुए यह वचन कहने लगीं। सखियों ने कहा — अरे मूर्ख! दुराचारी! दुराचारियों के कुल में उत्पन्न,

श्लोक 41 (padma.7.4.41)

पादनिष्प्रेक्षणमपि नैतस्यास्ते प्रदीयते । इयं पतिव्रता नारी धर्मकर्मपरायणा

pādaniṣprekṣaṇamapi naitasyāste pradīyate iyaṁ pativratā nārī dharmakarmaparāyaṇā

इसके पैरों को भी देखना तुम्हारे लिए उचित नहीं है। यह पतिव्रता स्त्री है, धर्म-कर्म में परायण है।

श्लोक 42 (padma.7.4.42)

आत्मानं सुखमिच्छद्भिः पापदृष्ट्या न दृश्यते । परस्त्रीमुखसौंदर्यं परद्रव्यं च सर्वदा

ātmānaṁ sukhamicchadbhiḥ pāpadṛṣṭyā na dṛśyate parastrīmukhasauṁdaryaṁ paradravyaṁ ca sarvadā

अपनी भलाई चाहने वाले लोग पर-स्त्री के मुख की सुन्दरता और पराया धन को कभी पापी दृष्टि से नहीं देखते।

श्लोक 43 (padma.7.4.43)

दृष्ट्वा कामाग्निसंखिन्ना दह्यंते मूढमानसाः । याहि पापमते दूरं मा वदोक्तिं सुदुःसहाम्

dṛṣṭvā kāmāgnisaṁkhinnā dahyaṁte mūḍhamānasāḥ yāhi pāpamate dūraṁ mā vadoktiṁ suduḥsahām

इन्हें देखकर काम-अग्नि से जले हुए मूढ़-मन ही जल उठते हैं। हे पापी-बुद्धि! दूर हट जा, और यह असह्य वचन मत बोल।

श्लोक 44 (padma.7.4.44)

वयमेव भवंतं न स्पृशामश्चरणैरपि । धनुर्ध्वज उवाच- धिगस्त्वमुं जातिशब्दं संजानन्नखिलं गुणम्

vayameva bhavaṁtaṁ na spṛśāmaścaraṇairapi dhanurdhvaja uvāca- dhigastvamuṁ jātiśabdaṁ saṁjānannakhilaṁ guṇam

हम तो अपने पैरों से भी तुझे स्पर्श नहीं करतीं। धनुर्ध्वज ने कहा — इस जाति-सूचक शब्द को धिक्कार है, तुम सारा गुण जानती हो —

श्लोक 45 (padma.7.4.45)

संभावितो न युष्माभिः श्वपचत्वे यतोऽधुना । कनकं मदिरापूर्णं कलशाभ्यंतरस्थितम्

saṁbhāvito na yuṣmābhiḥ śvapacatve yato'dhunā kanakaṁ madirāpūrṇaṁ kalaśābhyaṁtarasthitam

तुम लोगों द्वारा मुझे अभी चाण्डालत्व के कारण नहीं गिना गया। मदिरा से भरा हुआ स्वर्ण-कलश,

श्लोक 46 (padma.7.4.46)

संप्राप्य को न गृह्णाति तद्गुणग्रामवित्पुमान् । अतोऽहं युवतीमेनां यथा प्राप्नोमि सांप्रतम्

saṁprāpya ko na gṛhṇāti tadguṇagrāmavitpumān ato'haṁ yuvatīmenāṁ yathā prāpnomi sāṁpratam

जो पा जाता है, उसे कौन गुणी पुरुष ग्रहण नहीं करता? इसलिए मैं इस युवती को जिस भी प्रकार अभी प्राप्त कर सकूँ,

श्लोक 47 (padma.7.4.47)

तथा कुरुत हे सख्यः शरणं भो गतोस्मि यत् । इति ब्रुवंतं तं मूढं भूयोभूयो द्विजोत्तम

tathā kuruta he sakhyaḥ śaraṇaṁ bho gatosmi yat iti bruvaṁtaṁ taṁ mūḍhaṁ bhūyobhūyo dvijottama

हे सखियो! तुम वैसा ही करो; मैं तुम्हारी शरण में आया हूँ। इस मूर्ख के बार-बार कहे गये इस वचन को, हे द्विजोत्तम,

श्लोक 48 (padma.7.4.48)

ऊचुर्वाक्यमिदं तास्तु जातात्यंतकुतूहलाः । सख्य ऊचुः- यद्येतां रमणीं नूनमिच्छसि त्वं सुदुर्म्मते

ūcurvākyamidaṁ tāstu jātātyaṁtakutūhalāḥ sakhya ūcuḥ- yadyetāṁ ramaṇīṁ nūnamicchasi tvaṁ sudurmmate

अत्यन्त कौतुक से भरी हुई उन सखियों ने यह वचन कहा। सखियों ने कहा — हे अत्यन्त दुर्बुद्धि! यदि तुम वास्तव में इस सुन्दरी को चाहते हो,

श्लोक 49 (padma.7.4.49)

गङ्गायमुनयोः शीघ्रं शरीरं संगमे त्यज । मिथःकृतमुखालोका हसंत्यस्तास्ततो द्विज

gaṅgāyamunayoḥ śīghraṁ śarīraṁ saṁgame tyaja mithaḥkṛtamukhālokā hasaṁtyastāstato dvija

तो गंगा और यमुना के संगम में तुरन्त अपने शरीर का त्याग करो। तब वे आपस में मुख देखकर हँसने लगीं, हे द्विज,

श्लोक 50 (padma.7.4.50)

तां साधुपत्नीमादाय ययुर्निजगृहांतरम् । ततोऽसौ श्वपचो मोहाद्ब्रह्महत्यासहस्रकृत्

tāṁ sādhupatnīmādāya yayurnijagṛhāṁtaram tato'sau śvapaco mohādbrahmahatyāsahasrakṛt

और उस साध्वी स्त्री को लेकर अपने घर के भीतर चली गईं। तब वह चाण्डाल, मोह से हजारों ब्रह्महत्याओं के समान पाप करके,

श्लोक 51 (padma.7.4.51)

गंगायमुनयोस्तोये तामिष्ट्वा पंचतां गतः । तत्स्वामिसदृशाकारः समस्तगुणवान्बली

gaṁgāyamunayostoye tāmiṣṭvā paṁcatāṁ gataḥ tatsvāmisadṛśākāraḥ samastaguṇavānbalī

गंगा-यमुना के जल में, उसी की कामना करते हुए, मृत्यु को प्राप्त हो गया। और उसके स्वामी (प्रणिधि) के समान ही आकार वाला, सम्पूर्ण गुणों से युक्त, बलवान्,

श्लोक 52 (padma.7.4.52)

स च एव श्वपाकोऽसौ स्ववृत्तांतं स्मरन्नभूत् । ततोऽसौ प्रणिधिर्वैश्यस्तस्मिन्नेव दिने शुभे

sa ca eva śvapāko'sau svavṛttāṁtaṁ smarannabhūt tato'sau praṇidhirvaiśyastasminneva dine śubhe

वही चाण्डाल अपने पूर्व-वृत्तान्त का स्मरण करता हुआ पुनः जन्मा। इसी बीच वह वैश्य प्रणिधि, उसी शुभ दिन,

श्लोक 53 (padma.7.4.53)

कृत्वा वाणिज्यमायातः स्वकीयं निलयं प्रति । श्वपाकोऽपि ततो विप्रस्तस्या वासं विवेश ह

kṛtvā vāṇijyamāyātaḥ svakīyaṁ nilayaṁ prati śvapāko'pi tato viprastasyā vāsaṁ viveśa ha

व्यापार पूरा करके अपने घर की ओर लौट आया। तब वह चाण्डाल भी, हे विप्र, उसकी पत्नी के निवास में प्रवेश कर गया,

श्लोक 54 (padma.7.4.54)

प्रणिधेः सदृशो रूपैर्वयोभिश्च गुणैरपि । एकाकारौ समालोक्य पुरःस्थौ तौ गुणाकरौ

praṇidheḥ sadṛśo rūpairvayobhiśca guṇairapi ekākārau samālokya puraḥsthau tau guṇākarau

जो रूप, आयु और गुणों में प्रणिधि के समान ही था। उन दोनों गुणवान् पुरुषों को, अपने सामने खड़े, एक ही रूप के देखकर,

श्लोक 55 (padma.7.4.55)

कस्याहं दयिता को वा मम भर्त्तेत्यचिंतयत् । ततः सा विस्मिता साध्वी विलोक्य तत्पतिद्वयम्

kasyāhaṁ dayitā ko vā mama bharttetyaciṁtayat tataḥ sā vismitā sādhvī vilokya tatpatidvayam

"मैं किसकी प्रिया हूँ, या कौन मेरा पति है" — ऐसा वह विचार करने लगी। तब वह साध्वी, अपने दोनों पतियों को देखकर विस्मित हो गई,

श्लोक 56 (padma.7.4.56)

तुष्टाव माधवं देवं वचनैः कोमलाक्षरैः

tuṣṭāva mādhavaṁ devaṁ vacanaiḥ komalākṣaraiḥ

और कोमल वाणी में देवता माधव की स्तुति करने लगी।

श्लोक 57 (padma.7.4.57)

पद्मावत्युवाच- नमामि गोविन्दमनन्तमूर्तिं शक्रादिदेवार्चितपादपद्मम् । योगेश्वरं योगविदां निरीहं योगप्रदं योगिभिरर्चनीयम्

padmāvatyuvāca- namāmi govindamanantamūrtiṁ śakrādidevārcitapādapadmam yogeśvaraṁ yogavidāṁ nirīhaṁ yogapradaṁ yogibhirarcanīyam

पद्मावती ने कहा — मैं गोविन्द को नमस्कार करती हूँ, जो अनन्त रूपों वाले हैं, जिनके चरण-कमलों की इन्द्र आदि देवता पूजा करते हैं, जो योगेश्वर हैं, योग जानने वालों के लिए निष्काम हैं, योग-प्रदाता हैं, योगियों द्वारा पूजनीय हैं।

श्लोक 58 (padma.7.4.58)

नमोऽस्तु ते कैटभमर्द्दनाय नमो मधुध्वंसकराय तुभ्यम् । नमोऽस्तु कंसासुरनाशनाय नमोऽस्तु चाणूरनिपातनाय

namo'stu te kaiṭabhamarddanāya namo madhudhvaṁsakarāya tubhyam namo'stu kaṁsāsuranāśanāya namo'stu cāṇūranipātanāya

आपको नमस्कार, कैटभ के मर्दन करने वाले, आपको नमस्कार, मधु के विनाशक। आपको नमस्कार, कंस-असुर के नाशक, आपको नमस्कार, चाणूर के वध करने वाले।

श्लोक 59 (padma.7.4.59)

नमोऽस्तु वेदोद्धरणाग्रनित्यं नमोऽस्तु भूम्युद्धरणाय तुभ्यम् । नमोस्तु पृथ्वीधरणक्षमाय नमोस्तु दैत्यांतकराय तुभ्यम्

namo'stu vedoddharaṇāgranityaṁ namo'stu bhūmyuddharaṇāya tubhyam namostu pṛthvīdharaṇakṣamāya namostu daityāṁtakarāya tubhyam

आपको नमस्कार, वेदों के सदा प्रथम उद्धारक, आपको नमस्कार, पृथ्वी के उद्धारक। आपको नमस्कार, पृथ्वी को धारण करने में समर्थ, आपको नमस्कार, दैत्यों के अन्तकर्ता।

श्लोक 60 (padma.7.4.60)

गङ्गांबुधौ तांघ्रियुगाय तुभ्यं नमोस्तु राजन्यकुलांतकाय । नमोस्तु ते रावणवंशहंत्रे अलं च दैत्यांतकराय तुभ्यम्

gaṅgāṁbudhau tāṁghriyugāya tubhyaṁ namostu rājanyakulāṁtakāya namostu te rāvaṇavaṁśahaṁtre alaṁ ca daityāṁtakarāya tubhyam

गंगा-जल में जिनका चरण-युगल है, आपको नमस्कार, क्षत्रिय-कुलों के अन्तकर्ता। आपको नमस्कार, रावण-वंश के विनाशक, और दैत्यों का अन्त करने में समर्थ आपको नमस्कार।

श्लोक 61 (padma.7.4.61)

नमोस्तु ते चाध्वरनिंदकाय नमोस्तु ते म्लेच्छकुलांतकाय । नमोऽस्तु ते हृत्कमलासनाय नमोऽस्तु ते सर्वरिपुध्वजाय

namostu te cādhvaraniṁdakāya namostu te mlecchakulāṁtakāya namo'stu te hṛtkamalāsanāya namo'stu te sarvaripudhvajāya

आपको नमस्कार, यज्ञ-निंदकों के दण्डदाता, आपको नमस्कार, म्लेच्छ-कुलों के अन्तकर्ता। आपको नमस्कार, हृदय-कमल में विराजमान, आपको नमस्कार, समस्त शत्रुओं के ध्वजस्वरूप।

श्लोक 62 (padma.7.4.62)

प्रसीद गोपीजनवल्लभ प्रभो धृतैकहस्ताचलदेवदेव । प्रसीद लक्ष्मीमुखपद्मभृंग प्रसीद विष्णो सततं नमस्ते

prasīda gopījanavallabha prabho dhṛtaikahastācaladevadeva prasīda lakṣmīmukhapadmabhṛṁga prasīda viṣṇo satataṁ namaste

प्रसन्न होइए, हे गोपीजनवल्लभ प्रभो, जिन्होंने एक हाथ से पर्वत को धारण किया, हे देवाधिदेव। प्रसन्न होइए, हे लक्ष्मी के मुख-कमल के भ्रमर, प्रसन्न होइए, हे विष्णु, आपको सदा नमस्कार है।

श्लोक 63 (padma.7.4.63)

प्रसीद पद्मेक्षणचक्रपाणे कौमोदकीहस्तगदाधर त्वम् । प्रसीद विष्णो धृतपांचजन्य नमोस्तु ते पद्मधराय नित्यम्

prasīda padmekṣaṇacakrapāṇe kaumodakīhastagadādhara tvam prasīda viṣṇo dhṛtapāṁcajanya namostu te padmadharāya nityam

प्रसन्न होइए, हे कमल-नेत्र, चक्रपाणि, कौमोदकी गदा धारण करने वाले। प्रसन्न होइए, हे विष्णु, पांचजन्य शंख धारण करने वाले, आपको सदा नमस्कार, जो नित्य पद्म धारण करते हैं।

श्लोक 64 (padma.7.4.64)

संसारकौतुहलमंदिरे ते मोहांधकारे च विवेकदीपे । संमोहिता केशव मायया हि त्वदीयया नित्यमहं भ्रमामि

saṁsārakautuhalamaṁdire te mohāṁdhakāre ca vivekadīpe saṁmohitā keśava māyayā hi tvadīyayā nityamahaṁ bhramāmi

इस संसार-कौतुक के मन्दिर में, मोह के अन्धकार में भी आप ही विवेक के दीपक हैं। हे केशव! आपकी ही माया से मोहित होकर मैं सदा भ्रमित रहती हूँ।

श्लोक 65 (padma.7.4.65)

विरञ्चि सेन्द्रार्कमुखाः सुरेन्द्रा मायां न जानन्ति तवासुरारे । मानुष्यहं किं तव वेद्मि मायां पुरोभ्रमं मे हरसानुकंपम्

virañci sendrārkamukhāḥ surendrā māyāṁ na jānanti tavāsurāre mānuṣyahaṁ kiṁ tava vedmi māyāṁ purobhramaṁ me harasānukaṁpam

हे असुरों के शत्रु! ब्रह्मा, इन्द्र और सूर्य आदि प्रमुख देवगण भी आपकी माया को नहीं जानते; मैं तो मात्र मनुष्य हूँ, मैं आपकी माया को क्या जानूँ? कृपापूर्वक मेरे सामने का यह भ्रम हर लीजिए।

श्लोक 66 (padma.7.4.66)

व्यास उवाच- तस्याः स्तवं समाकर्ण्य भगवान्माधवः प्रभुः । समालोक्य जगन्नाथश्चतुर्वर्गफलप्रदः

vyāsa uvāca- tasyāḥ stavaṁ samākarṇya bhagavānmādhavaḥ prabhuḥ samālokya jagannāthaścaturvargaphalapradaḥ

व्यास जी ने कहा — उसकी यह स्तुति सुनकर, चतुर्वर्ग-फल के दाता, जगन्नाथ भगवान् माधव प्रभु ने उसे देखकर,

श्लोक 67 (padma.7.4.67)

आविर्बभूव सहसा सूर्यकोटिसमप्रभः । सा मूर्ध्ना भूमिमालोक्य ववंदे तत्पदद्वयम्

āvirbabhūva sahasā sūryakoṭisamaprabhaḥ sā mūrdhnā bhūmimālokya vavaṁde tatpadadvayam

करोड़ों सूर्यों के समान तेज से युक्त होकर सहसा प्रकट हो गये। उसने अपना सिर भूमि पर रखकर उनके दोनों चरणों को नमन किया।

श्लोक 68 (padma.7.4.68)

नमस्ते कमलाकान्त भुक्तिमुक्तिफलप्रद । हर मे ज्ञानहीनायाः स्वकीय मतिविभ्रमम्

namaste kamalākānta bhuktimuktiphalaprada hara me jñānahīnāyāḥ svakīya mativibhramam

हे कमलाकान्त! आपको नमस्कार है, भोग और मोक्ष दोनों फल देने वाले। ज्ञान से रहित मेरे मन के इस भ्रम को दूर कीजिए।

श्लोक 69 (padma.7.4.69)

श्रीभगवानुवाच- भ्रमं जहीहि चार्वंगि द्वावेतौ हि पती तव । एकभावेन सुश्रोणि कुरु सेवां तयोः सदा

śrībhagavānuvāca- bhramaṁ jahīhi cārvaṁgi dvāvetau hi patī tava ekabhāvena suśroṇi kuru sevāṁ tayoḥ sadā

श्रीभगवान् ने कहा — हे सुन्दरांगी! अपना भ्रम त्याग दो; ये दोनों ही तुम्हारे पति हैं। हे सुश्रोणी! एक ही भाव से इन दोनों की सदा सेवा करो।

श्लोक 70 (padma.7.4.70)

यश्च ते प्रणिधिः स्वामी मद्भक्तस्तरुणः सुधीः । भोक्तुं सुखफलं साध्वि सोऽभवद्द्विविधः स्वयम्

yaśca te praṇidhiḥ svāmī madbhaktastaruṇaḥ sudhīḥ bhoktuṁ sukhaphalaṁ sādhvi so'bhavaddvividhaḥ svayam

जो प्रणिधि तुम्हारा स्वामी है, मेरा भक्त, युवा और बुद्धिमान् — हे साध्वी! सुख-फल भोगने के लिए वह स्वयं ही दो रूपों में हो गया है।

श्लोक 71 (padma.7.4.71)

अनन्तरूपिणी लक्ष्मीर्यथा क्रीडे मया सह । तथा त्वमपि सुश्रोणि भुंक्ष्व ताभ्यां सुखं सदा

anantarūpiṇī lakṣmīryathā krīḍe mayā saha tathā tvamapi suśroṇi bhuṁkṣva tābhyāṁ sukhaṁ sadā

जैसे अनन्त-रूपधारिणी लक्ष्मी मेरे साथ क्रीड़ा करती है, उसी प्रकार, हे सुश्रोणी! तुम भी उन दोनों के साथ सदा सुख भोगो।

श्लोक 72 (padma.7.4.72)

पद्मावत्युवाच- एकस्या द्वौ पती देव न प्रशंसन्ति मानवाः । मग्नां लज्जाब्धिकल्लोले मामुद्धर दयामय

padmāvatyuvāca- ekasyā dvau patī deva na praśaṁsanti mānavāḥ magnāṁ lajjābdhikallole māmuddhara dayāmaya

पद्मावती ने कहा — हे देव! एक स्त्री के दो पति होना मनुष्य प्रशंसनीय नहीं मानते। हे दयामय! लज्जा के सागर की लहरों में डूबी हुई मुझे उबार लीजिए।

श्लोक 73 (padma.7.4.73)

श्रीभगवानुवाच- यदापकीर्तितः साध्वि बिभेषि त्वं ध्रुवं भुवि । तदा मत्पुरमागच्छ ताभ्यां सह वरानने

śrībhagavānuvāca- yadāpakīrtitaḥ sādhvi bibheṣi tvaṁ dhruvaṁ bhuvi tadā matpuramāgaccha tābhyāṁ saha varānane

श्रीभगवान् ने कहा — हे साध्वी! यदि तुम पृथ्वी पर निन्दित होने से निश्चय ही भयभीत हो, तो इन दोनों के साथ मेरे धाम में आ जाओ, हे वरानने!

श्लोक 74 (padma.7.4.74)

विमानमागतं सद्यस्ततो भगवदाज्ञया । तौ समादाय वैकुण्ठं सा गंतुमुपचक्रमे

vimānamāgataṁ sadyastato bhagavadājñayā tau samādāya vaikuṇṭhaṁ sā gaṁtumupacakrame

तत्काल भगवान् की आज्ञा से एक विमान वहाँ आया। वह उन दोनों को लेकर वैकुण्ठ की ओर जाने लगी।

श्लोक 75 (padma.7.4.75)

अथ सा पथिगच्छन्ती भर्तृभ्यां सह जैमिने । ददर्शैकं महात्मानं रथस्थं स्त्रीसमन्वितम्

atha sā pathigacchantī bhartṛbhyāṁ saha jaimine dadarśaikaṁ mahātmānaṁ rathasthaṁ strīsamanvitam

हे जैमिनि! तब मार्ग में जाती हुई वह, अपने दोनों पतियों सहित, एक महात्मा को रथ पर बैठे, एक स्त्री के साथ, देखने लगी।

श्लोक 76 (padma.7.4.76)

धृतं कमलपत्राक्षैरतसीकुसुमप्रभैः । चतुर्भुजैर्दूतगणैरासीनैर्गरुडोपरि

dhṛtaṁ kamalapatrākṣairatasīkusumaprabhaiḥ caturbhujairdūtagaṇairāsīnairgaruḍopari

वे कमल-पत्र-सी आँखों वाले, अलसी के फूल के समान कान्ति वाले, चार भुजाओं वाले दूतगण गरुड़ पर बैठे थे।

श्लोक 77 (padma.7.4.77)

विष्णुदूतांस्ततस्तांस्तु विष्णुरूपान्वरांगना । कोऽयं रथस्थः पुरुष इति पप्रच्छ सा सती

viṣṇudūtāṁstatastāṁstu viṣṇurūpānvarāṁganā ko'yaṁ rathasthaḥ puruṣa iti papraccha sā satī

तब वह सती स्त्री, उन विष्णु-रूपधारी विष्णुदूतों से पूछने लगी — रथ पर बैठा हुआ यह पुरुष कौन है?

श्लोक 78 (padma.7.4.78)

के वा यूयं महात्मानः पुण्डरीकनिभेक्षणाः । सर्वेपि विष्णुसदृशाः शङ्खचक्रादिपाणयः

ke vā yūyaṁ mahātmānaḥ puṇḍarīkanibhekṣaṇāḥ sarvepi viṣṇusadṛśāḥ śaṅkhacakrādipāṇayaḥ

और आप कौन महात्मा हैं, कमल के समान नेत्रों वाले? आप सभी शंख-चक्र आदि धारण किये विष्णु के समान प्रतीत होते हैं।

श्लोक 79 (padma.7.4.79)

ततस्ते भगवद्दूता विष्णुतुल्यपराक्रमाः । विहस्योचुर्मुहुः सर्वे परमामोदसंयुताः

tataste bhagavaddūtā viṣṇutulyaparākramāḥ vihasyocurmuhuḥ sarve paramāmodasaṁyutāḥ

तब वे भगवान् के दूत, विष्णु के समान पराक्रमी, हँसकर, अत्यन्त हर्ष से युक्त होकर बार-बार यह कहने लगे।

श्लोक 80 (padma.7.4.80)

विष्णुदूता ऊचुः । विष्णुदूता वयं साध्वि पुण्यात्मानमिमंजनम् । समादाय पदं याम उदारं लोकमुत्तमम्

viṣṇudūtā ūcuḥ viṣṇudūtā vayaṁ sādhvi puṇyātmānamimaṁjanam samādāya padaṁ yāma udāraṁ lokamuttamam

विष्णु के दूतों ने कहा — हे साध्वी! हम विष्णु के दूत हैं। इस पुण्यात्मा जन को लेकर हम उदार, उत्तम लोक और पद की ओर जा रहे हैं।

श्लोक 81 (padma.7.4.81)

पद्मावत्युवाच- केन पुण्यप्रभावेन गतोऽयमीदृशीं गतिम् । विष्णुदूता महात्मानः कथ्यतामित्यहो मम

padmāvatyuvāca- kena puṇyaprabhāvena gato'yamīdṛśīṁ gatim viṣṇudūtā mahātmānaḥ kathyatāmityaho mama

पद्मावती ने कहा — किस पुण्य के प्रभाव से यह इस प्रकार की गति को प्राप्त हुआ है? हे महात्मा विष्णु-दूतो! यह मुझसे कहिए, यह मेरी विनती है।

श्लोक 82 (padma.7.4.82)

विष्णुदूता ऊचुः - अयं बृहद्ध्वजो नाम राक्षसो लोकशोककृत् । अरण्यादिनिवासी च महाबलपराक्रमः

viṣṇudūtā ūcuḥ - ayaṁ bṛhaddhvajo nāma rākṣaso lokaśokakṛt araṇyādinivāsī ca mahābalaparākramaḥ

विष्णु के दूतों ने कहा — यह बृहद्ध्वज नामक एक राक्षस है, लोकों को शोक देने वाला, वन आदि में रहने वाला, महाबली और पराक्रमी।

श्लोक 83 (padma.7.4.83)

परदारपरद्रव्यहारको रिपुकोद्यतः । गोमांसाशी निष्ठुरोक्तिभाषी च देवनिन्दकः

paradāraparadravyahārako ripukodyataḥ gomāṁsāśī niṣṭhuroktibhāṣī ca devanindakaḥ

पर-स्त्री और पराया धन हरण करने वाला, शत्रुता में सदा तत्पर, गोमांस खाने वाला, कठोर वचन बोलने वाला और देवताओं की निंदा करने वाला।

श्लोक 84 (padma.7.4.84)

यद्यत्पापरतं कर्म्म तदनेन कृतं सदा । स्वप्नेऽपि न कृतं कर्म शुभं न च पतिव्रते

yadyatpāparataṁ karmma tadanena kṛtaṁ sadā svapne'pi na kṛtaṁ karma śubhaṁ na ca pativrate

जो-जो पापपूर्ण कर्म हो सकता है, वह इसके द्वारा सदा किया गया है; स्वप्न में भी इसने कभी कोई शुभ कर्म नहीं किया, हे पतिव्रता।

श्लोक 85 (padma.7.4.85)

अयं रथं समारुह्य सततं कामपीडितः । परस्त्रीहरणार्थाय सुश्रोणि नभसि भ्रमन्

ayaṁ rathaṁ samāruhya satataṁ kāmapīḍitaḥ parastrīharaṇārthāya suśroṇi nabhasi bhraman

यह अपने रथ पर चढ़कर, सदा काम से पीड़ित होकर, पर-स्त्रियों का हरण करने के लिए, हे सुश्रोणी, आकाश में विचरण करता था।

श्लोक 86 (padma.7.4.86)

यां यां सुयौवनां नारीं यत्र यत्रायमीक्षते । बलाच्चालिङ्गितस्तां तु तत्र तत्र स्मरातुरः

yāṁ yāṁ suyauvanāṁ nārīṁ yatra yatrāyamīkṣate balāccāliṅgitastāṁ tu tatra tatra smarāturaḥ

जिस-जिस स्थान पर वह किसी भी सुयौवना स्त्री को देखता, कामातुर होकर बलपूर्वक वहीं उसका आलिंगन कर लेता था।

श्लोक 87 (padma.7.4.87)

अथैकदा भीमकेश नाम्नो नरपतेः प्रियाम् । ददर्श क्रीडामध्यस्थां सुंदरीं नवयौवनाम्

athaikadā bhīmakeśa nāmno narapateḥ priyām dadarśa krīḍāmadhyasthāṁ suṁdarīṁ navayauvanām

एक बार उसने भीमकेश नामक राजा की प्रिय पत्नी को उद्यान में क्रीड़ा करती, सुन्दर और नवयुवती देखा।

श्लोक 88 (padma.7.4.88)

अथासौ तां समालोक्य सुवर्णकुसुमप्रभाम् । इत्युवाच वचः प्रेम्णा का त्वमत्र करोषि किम्

athāsau tāṁ samālokya suvarṇakusumaprabhām ityuvāca vacaḥ premṇā kā tvamatra karoṣi kim

तब स्वर्ण-पुष्प के समान कान्ति वाली उसे देखकर, वह प्रेमपूर्वक यह वचन बोला — तुम कौन हो, यहाँ क्या कर रही हो?

श्लोक 89 (padma.7.4.89)

सैवोवाच ततः कांता भीमकेशस्य भूपतेः । अहं सुरतशास्त्रज्ञा केशिनी नाम भूषिता

saivovāca tataḥ kāṁtā bhīmakeśasya bhūpateḥ ahaṁ surataśāstrajñā keśinī nāma bhūṣitā

तब राजा भीमकेश की प्रिया ने कहा — मैं केशिनी नाम की, प्रेम-शास्त्र में निपुण, अलंकृत स्त्री हूँ।

श्लोक 90 (padma.7.4.90)

अयि सर्वगुणज्ञां मां प्रेमहृष्टां न भूपतिः । स्ववंशजां दोषहीनां पश्यति क्षणमप्यसौ

ayi sarvaguṇajñāṁ māṁ premahṛṣṭāṁ na bhūpatiḥ svavaṁśajāṁ doṣahīnāṁ paśyati kṣaṇamapyasau

हे प्रेम से हर्षित! राजा भी मुझ सर्व-गुण-सम्पन्न, दोष-रहित, अपने ही वंश में उत्पन्न स्त्री को क्षणभर भी नहीं देखता।

श्लोक 91 (padma.7.4.91)

स्थीयते नित्यमत्रैव भर्त्राखंडितचर्चया । मया स्वकर्मशोचंत्या विरहानलतप्तया

sthīyate nityamatraiva bhartrākhaṁḍitacarcayā mayā svakarmaśocaṁtyā virahānalataptayā

मैं यहीं नित्य निवास करती हूँ, अपने पति द्वारा उपेक्षित होकर; अपने ही कर्मों का शोक करती हुई, विरह की अग्नि से जलती हुई,

श्लोक 92 (padma.7.4.92)

कस्त्वं कथमिदं प्राप्तमुद्यानं प्रतिसत्तम । समायातोऽसि तत्सर्वं प्रसन्नो वक्तुमर्हसि

kastvaṁ kathamidaṁ prāptamudyānaṁ pratisattama samāyāto'si tatsarvaṁ prasanno vaktumarhasi

तुम कौन हो, हे सत्तम! इस उद्यान में तुम किस प्रकार आये हो? यह सब बताओ, आप सामने आये हैं, कृपया प्रसन्नतापूर्वक कहिए।

श्लोक 93 (padma.7.4.93)

अथायमित्याह वचः पूर्णचन्द्र निभानने । मायावी राक्षसोऽहं त्वामालिङ्गितुमिहागतः

athāyamityāha vacaḥ pūrṇacandra nibhānane māyāvī rākṣaso'haṁ tvāmāliṅgitumihāgataḥ

तब वह, हे पूर्णचन्द्र के समान मुख वाली, यह वचन बोला — मैं एक मायावी राक्षस हूँ, तुम्हारा आलिंगन करने यहाँ आया हूँ।

श्लोक 94 (padma.7.4.94)

जहीहि रुष्टभर्तारं सर्वदा दोषदर्शिनम् । तन्वि मां भज सर्वं ते दास्यामि सुखमुत्तमम्

jahīhi ruṣṭabhartāraṁ sarvadā doṣadarśinam tanvi māṁ bhaja sarvaṁ te dāsyāmi sukhamuttamam

अपने क्रुद्ध, सर्वदा दोष ही देखने वाले पति को त्याग दो। हे सुकुमारी! मुझे भजो, मैं तुम्हें सम्पूर्ण उत्तम सुख दूँगा।

श्लोक 95 (padma.7.4.95)

ततो विहस्य साध्वीयं राक्षसेन्द्रमिमं मुदा । बबंध बाहुलतया विन्यस्य वदने मुखम्

tato vihasya sādhvīyaṁ rākṣasendramimaṁ mudā babaṁdha bāhulatayā vinyasya vadane mukham

तब उस साध्वी ने प्रसन्नतापूर्वक हँसकर उस राक्षसराज को अपनी भुजा-लता से बाँध लिया, और अपना मुख उसके मुख पर रख दिया।

श्लोक 96 (padma.7.4.96)

स तामालिंग्य युवतीं विवेकोद्वेगविह्वलाम् । अनया सह सुश्रोणि दिव्यमारूढवान्रथम्

sa tāmāliṁgya yuvatīṁ vivekodvegavihvalām anayā saha suśroṇi divyamārūḍhavānratham

वह उस विवेक और उद्वेग से व्याकुल युवती का आलिंगन करके, हे सुश्रोणी! उसके साथ उस दिव्य रथ पर सवार हो गया।

श्लोक 97 (padma.7.4.97)

दंपतीभावमाश्रित्य तौ जातावतिकौतुकम् । वायुवेगरथारूढौ यातौ गगनवर्त्मनि

daṁpatībhāvamāśritya tau jātāvatikautukam vāyuvegarathārūḍhau yātau gaganavartmani

दोनों दम्पती के भाव को धारण करते हुए वे दोनों अत्यन्त कौतुक से युक्त हो गये, और वायु के वेग वाले रथ पर चढ़कर आकाश-मार्ग से चले गये।

श्लोक 98 (padma.7.4.98)

अथैनामयमित्याह पश्यतन्विवरानने । त्वद्भर्तृदेशादायातौ गङ्गासागरसङ्गमे

athaināmayamityāha paśyatanvivarānane tvadbhartṛdeśādāyātau gaṅgāsāgarasaṅgame

तब उससे उसने कहा, उसे देखते हुए, हे सुन्दर-मुख वाली — तुम्हारे पति के देश से हम आये हैं, गंगासागर-संगम पर।

श्लोक 99 (padma.7.4.99)

ततो रथस्थनारीयमधिगङ्गाब्धिसङ्गमम् । जगाम पंचतां सद्यः संदृश्यात्यंतसाध्वसैः

tato rathasthanārīyamadhigaṅgābdhisaṅgamam jagāma paṁcatāṁ sadyaḥ saṁdṛśyātyaṁtasādhvasaiḥ

तब रथ पर बैठी वह स्त्री, गंगासागर-संगम पर पहुँचकर, अत्यन्त भय से भरी दृष्टि से देखकर, तत्काल मृत्यु को प्राप्त हो गई।

श्लोक 100 (padma.7.4.100)

विलप्य बहुधा साध्वीं तत्रायमपि राक्षसः । गतप्राणां समालोक्य सद्यो मृत्युं जगाम ह

vilapya bahudhā sādhvīṁ tatrāyamapi rākṣasaḥ gataprāṇāṁ samālokya sadyo mṛtyuṁ jagāma ha

उस साध्वी के लिए बहुत विलाप करके, वह राक्षस भी, उसे प्राणहीन देखकर, तत्काल मृत्यु को प्राप्त हो गया।

श्लोक 101 (padma.7.4.101)

वैनतेयध्वजादेशादिमौ गलितकल्मषौ । नयामः पुण्यकर्माणौ वैकुण्ठं प्रति संप्रति

vainateyadhvajādeśādimau galitakalmaṣau nayāmaḥ puṇyakarmāṇau vaikuṇṭhaṁ prati saṁprati

वैनतेय-ध्वज (गरुड़-ध्वज विष्णु) की आज्ञा से, पाप-रहित हुए इन दोनों को, पुण्यकर्मा जानकर हम अभी वैकुण्ठ की ओर ले जा रहे हैं।

श्लोक 102 (padma.7.4.102)

जलेस्थले चांतरिक्षे गङ्गासागरसङ्गमे । देहं संत्यज्य गच्छन्ति पापिनो हि परां गतिम्

jalesthale cāṁtarikṣe gaṅgāsāgarasaṅgame dehaṁ saṁtyajya gacchanti pāpino hi parāṁ gatim

जल में, स्थल में, अथवा आकाश में, गंगासागर के संगम पर शरीर त्यागने वाले पापी भी परम गति को प्राप्त होते हैं।

श्लोक 103 (padma.7.4.103)

त्रैलोक्यदुर्लभं तीर्थं गङ्गासागरसंगमे । माघे तपसि शुक्लायामेकादश्यामुपोषितः

trailokyadurlabhaṁ tīrthaṁ gaṅgāsāgarasaṁgame māghe tapasi śuklāyāmekādaśyāmupoṣitaḥ

गंगासागर-संगम तीनों लोकों में दुर्लभ तीर्थ है। माघ मास में, शुक्ल पक्ष की एकादशी को उपवास करके,

श्लोक 104 (padma.7.4.104)

तत्र शुद्धिमवाप्नोति ब्रह्महापि न संशयः । गङ्गाब्धिसङ्गमे स्नात्वा हरिं दृष्ट्वा च माधवम्

tatra śuddhimavāpnoti brahmahāpi na saṁśayaḥ gaṅgābdhisaṅgame snātvā hariṁ dṛṣṭvā ca mādhavam

वहाँ ब्रह्महत्यारा भी शुद्धि प्राप्त कर लेता है, इसमें सन्देह नहीं। गंगासागर-संगम में स्नान करके और हरि माधव का दर्शन करके,

श्लोक 105 (padma.7.4.105)

कार्तिकेयमुखं दृष्ट्वा पुनर्जन्म न विद्यते । कार्तिकेयो हरिः साक्षादित्यभेदः कृतः सदा

kārtikeyamukhaṁ dṛṣṭvā punarjanma na vidyate kārtikeyo hariḥ sākṣādityabhedaḥ kṛtaḥ sadā

और कार्तिकेय का मुख देखकर, फिर कभी जन्म नहीं होता। कार्तिकेय साक्षात् हरि हैं — यह सदा अभेद माना गया है।

श्लोक 106 (padma.7.4.106)

ये कार्तिंकेयं पश्यंति ते सर्वे मोक्षगामिनः । सर्वतीर्थाधिकं तीर्थं गङ्गाब्धिसङ्गमं शृणु

ye kārtiṁkeyaṁ paśyaṁti te sarve mokṣagāminaḥ sarvatīrthādhikaṁ tīrthaṁ gaṅgābdhisaṅgamaṁ śṛṇu

जो कार्तिकेय का दर्शन करते हैं, वे सभी मोक्ष को प्राप्त होते हैं। समस्त तीर्थों में श्रेष्ठ तीर्थ गंगासागर-संगम है, सुनो।

श्लोक 107 (padma.7.4.107)

जले स्थले चांतरिक्षे मृतो मोक्षमवाप्नुयात् । व्यास उवाच- इत्युक्त्वा विष्णुदूतास्ते तौ समादाय जैमिने

jale sthale cāṁtarikṣe mṛto mokṣamavāpnuyāt vyāsa uvāca- ityuktvā viṣṇudūtāste tau samādāya jaimine

जल में, स्थल में, अथवा आकाश में मरने वाला भी मोक्ष प्राप्त कर लेता है। व्यास जी ने कहा — यह कहकर वे विष्णु-दूत, हे जैमिनि, उन दोनों को लेकर,

श्लोक 108 (padma.7.4.108)

जग्मुर्विष्णुगृहं सर्वे सह साकाशवर्त्मनि । या च पद्मावती साध्वी भर्तृद्वयसमन्विता

jagmurviṣṇugṛhaṁ sarve saha sākāśavartmani yā ca padmāvatī sādhvī bhartṛdvayasamanvitā

आकाश-मार्ग से सब मिलकर विष्णु के धाम को गये। और वह साध्वी पद्मावती, अपने दोनों पतियों सहित,

श्लोक 109 (padma.7.4.109)

गता सारूप्यतां विष्णोश्चतुर्वर्गप्रदायिनः । तत्र भुक्त्वाखिलान्भोगान्दुर्ल्लभान्द्विजसत्तम

gatā sārūpyatāṁ viṣṇoścaturvargapradāyinaḥ tatra bhuktvākhilānbhogāndurllabhāndvijasattama

विष्णु का सारूप्य प्राप्त कर गई, जो चतुर्वर्ग को देने वाला है। वहाँ, हे द्विजसत्तम, समस्त दुर्लभ भोगों को भोगकर,

श्लोक 110 (padma.7.4.110)

परमं ज्ञानमासाद्य ययुः सारूप्यतां हरेः । सर्वतीर्थमयी गङ्गा सर्वतीर्थमयो हरिः

paramaṁ jñānamāsādya yayuḥ sārūpyatāṁ hareḥ sarvatīrthamayī gaṅgā sarvatīrthamayo hariḥ

परम ज्ञान प्राप्त करके वे हरि के सारूप्य को प्राप्त हुए। गंगा समस्त तीर्थों का स्वरूप है, हरि समस्त तीर्थों का स्वरूप हैं —

श्लोक 111 (padma.7.4.111)

गङ्गायाश्च हरेश्चैव तस्माद्भक्तिर्विधीयते । गङ्गाब्धिसंगमे पूर्वं माधवो नाम भूभुजः

gaṅgāyāśca hareścaiva tasmādbhaktirvidhīyate gaṅgābdhisaṁgame pūrvaṁ mādhavo nāma bhūbhujaḥ

इसलिए गंगा और हरि दोनों में भक्ति का विधान किया गया है। पूर्वकाल में गंगासागर-संगम पर माधव नामक एक राजा ने,

श्लोक 112 (padma.7.4.112)

तप्त्वा तपश्चिरं तत्र सदारो मोक्षमाप्तवान्

taptvā tapaściraṁ tatra sadāro mokṣamāptavān

वहाँ दीर्घकाल तक तपस्या करके, अपनी पत्नी सहित, मोक्ष प्राप्त किया।

श्लोक 113 (padma.7.4.113)

जैमिनिरुवाच- त्वयोक्तो माधवः कोऽसौ किं कर्म स चकार ह । कथं तेपे तपस्तन्मे सर्वं कथय सत्तम

jaiminiruvāca- tvayokto mādhavaḥ ko'sau kiṁ karma sa cakāra ha kathaṁ tepe tapastanme sarvaṁ kathaya sattama

जैमिनि ने कहा — आपके द्वारा कहे गये वह माधव कौन थे? उन्होंने क्या कर्म किया? उन्होंने किस प्रकार तपस्या की — यह सब मुझसे कहिए, हे सत्तम।

श्लोक 114 (padma.7.4.114)

व्यास उवाच- चरितं तस्य विप्रर्षे माधवस्य महात्मनः । आकर्णय प्रवक्ष्यामि समासेन महामते

vyāsa uvāca- caritaṁ tasya viprarṣe mādhavasya mahātmanaḥ ākarṇaya pravakṣyāmi samāsena mahāmate

व्यास जी ने कहा — हे विप्रर्षे! महात्मा माधव का चरित्र सुनिए; मैं संक्षेप में कहूँगा, हे महामते।