परम शिवतत्त्व-वर्णन

श्लोक 1 (shiva.rudra.10.1)

परमेश्वर उवाच । अन्यच्छृणु हरे विष्णो शासनं मम सुव्रत । सदा सर्वेषु लोकेषु मान्यः पूज्यो भविष्यसि

parameśvara uvāca | anyacchṛṇu hare viṣṇo śāsanaṁ mama suvrata | sadā sarveṣu lokeṣu mānyaḥ pūjyo bhaviṣyasi

परमेश्वर ने कहा — हे हरि विष्णो! हे सुव्रत! मेरी एक और आज्ञा सुनो। तुम सदा समस्त लोकों में मान्य और पूज्य बनोगे।

श्लोक 2 (shiva.rudra.10.2)

ब्रह्मणा निर्मिते लोके यदा दुःखं प्रजायते । तदा त्वं सर्वदुःखानां नाशाय तत्परो भव

brahmaṇā nirmite loke yadā duḥkhaṁ prajāyate | tadā tvaṁ sarvaduḥkhānāṁ nāśāya tatparo bhava

जब ब्रह्मा द्वारा रचित इस लोक में दुःख उत्पन्न हो, तब तुम समस्त दुःखों के नाश के लिए तत्पर रहना।

श्लोक 3 (shiva.rudra.10.3)

सहायं ते करिष्यामि सर्वकार्ये च दुःसहे । तव शत्रून्हनिष्यामि दुःसाध्यान्परमोत्कटान्

sahāyaṁ te kariṣyāmi sarvakārye ca duḥsahe | tava śatrūnhaniṣyāmi duḥsādhyānparamotkaṭān

मैं प्रत्येक असह्य कार्य में तुम्हारी सहायता करूँगा; तुम्हारे दुःसाध्य और अत्यंत उग्र शत्रुओं का मैं वध करूँगा।

श्लोक 4 (shiva.rudra.10.4)

विविधानवतारांश्च गृहीत्वा कीर्तिमुत्तमाम् । विस्तारय हरे लोके तारणाय परो भव

vividhānavatārāṁśca gṛhītvā kīrtimuttamām | vistāraya hare loke tāraṇāya paro bhava

हे हरे! विविध अवतार धारण करके अपनी उत्तम कीर्ति संसार में फैलाओ, और जीवों के उद्धार के लिए सर्वश्रेष्ठ बनो।

श्लोक 5 (shiva.rudra.10.5)

गुणरूपो ह्यहं रुद्रो ह्यनेन वपुषा सदा । कार्यं करिष्ये लोकानां तवाशक्यं न संशयः

guṇarūpo hyahaṁ rudro hyanena vapuṣā sadā | kāryaṁ kariṣye lokānāṁ tavāśakyaṁ na saṁśayaḥ

मैं ही गुण-रूप रुद्र होकर इसी शरीर से सदा लोकों का वह कार्य करूँगा, जो तुम्हारे लिए असंभव होगा — इसमें कोई संदेह नहीं।

श्लोक 6 (shiva.rudra.10.6)

रुद्रध्येयो भवांश्चैव भवद्ध्येयो हरस्तथा । युवयोरन्तरं नैव तव रुद्रस्य किञ्चन

rudradhyeyo bhavāṁścaiva bhavaddhyeyo harastathā | yuvayorantaraṁ naiva tava rudrasya kiñcana

तुम्हें रुद्र का ध्यान करना चाहिए, और उसी प्रकार हर को तुम्हारा ध्यान करना चाहिए। तुम दोनों में, तुम्हारे और रुद्र के बीच कोई भी भेद नहीं है।

श्लोक 7 (shiva.rudra.10.7)

वस्तुतश्चापि चैकत्वं वरतोऽपि तथैव च । लीलयापि महाविष्णो सत्यं सत्यं न संशयः

vastutaścāpi caikatvaṁ varato'pi tathaiva ca | līlayāpi mahāviṣṇo satyaṁ satyaṁ na saṁśayaḥ

हे महाविष्णो! वास्तव में भी एकत्व है, वर के कारण भी वैसे ही है, और लीला से भी — सत्य है, सत्य है, इसमें संदेह नहीं।

श्लोक 8 (shiva.rudra.10.8)

रुद्रभक्तो नरो यस्तु तव निन्दां करिष्यति । तस्य पुण्यं च निखिलं द्रुतं भस्म भविष्यति

rudrabhakto naro yastu tava nindāṁ kariṣyati | tasya puṇyaṁ ca nikhilaṁ drutaṁ bhasma bhaviṣyati

जो मनुष्य रुद्र का भक्त होते हुए भी तुम्हारी निन्दा करेगा, उसका सम्पूर्ण पुण्य शीघ्र ही भस्म हो जाएगा।

श्लोक 9 (shiva.rudra.10.9)

नरके पतनं तस्य त्वद्द्वेषात्पुरुषोत्तम । मदाज्ञया भवेद्विष्णो सत्यं सत्यं न संशयः

narake patanaṁ tasya tvaddveṣātpuruṣottama | madājñayā bhavedviṣṇo satyaṁ satyaṁ na saṁśayaḥ

हे पुरुषोत्तम! तुमसे द्वेष करने के कारण मेरी आज्ञा से उसका नरक में पतन होगा, हे विष्णो — सत्य है, सत्य है, संदेह नहीं।

श्लोक 10 (shiva.rudra.10.10)

लोकेऽस्मिन्मुक्तिदो नृणां भुक्तिदश्च विशेषतः । ध्येयः पूज्यश्च भक्तानां निग्रहानुग्रहौ कुरु

loke'sminmuktido nṛṇāṁ bhuktidaśca viśeṣataḥ | dhyeyaḥ pūjyaśca bhaktānāṁ nigrahānugrahau kuru

इस लोक में मनुष्यों को मुक्ति देने वाले और विशेष रूप से भोग देने वाले बनो; भक्तों के लिए ध्येय और पूज्य बनो, तथा निग्रह और अनुग्रह दोनों करो।

श्लोक 11 (shiva.rudra.10.11)

इत्युक्त्वा मां च धातारं हस्ते धृत्वा स्वयं हरिम् । कथयामास दुःखेषु सहायो भव सर्वदा

ityuktvā māṁ ca dhātāraṁ haste dhṛtvā svayaṁ harim | kathayāmāsa duḥkheṣu sahāyo bhava sarvadā

यह कहकर तथा स्वयं मुझ ब्रह्मा और हरि का हाथ पकड़कर उन्होंने कहा — दुःखों में सदा सहायक बनो।

श्लोक 12 (shiva.rudra.10.12)

सर्वाध्यक्षश्च सर्वेषु भक्तिमुक्तिप्रदायकः । भव त्वं सर्वदा श्रेष्ठः सर्वकामप्रसाधकः

sarvādhyakṣaśca sarveṣu bhaktimuktipradāyakaḥ | bhava tvaṁ sarvadā śreṣṭhaḥ sarvakāmaprasādhakaḥ

तुम सबके अध्यक्ष बनो, सबको भक्ति और मुक्ति देने वाले बनो; सदा श्रेष्ठ रहो और समस्त कामनाओं को सिद्ध करने वाले बनो।

श्लोक 13 (shiva.rudra.10.13)

सर्वेषां प्राणरूपश्च भव त्वं च ममाज्ञया । सङ्कटे भजनीयो हि स रुद्रो मत्तनुर्हरे

sarveṣāṁ prāṇarūpaśca bhava tvaṁ ca mamājñayā | saṅkaṭe bhajanīyo hi sa rudro mattanurhare

मेरी आज्ञा से तुम सबके प्राण-स्वरूप बनो। हे हरे! संकट के समय वह रुद्र, जो मेरा ही शरीर है, भजनीय है।

श्लोक 14 (shiva.rudra.10.14)

त्वां यः समाश्रितो नूनं मामेव स समाश्रितः । अन्तरं यश्च जानाति निरये पतति ध्रुवम्

tvāṁ yaḥ samāśrito nūnaṁ māmeva sa samāśritaḥ | antaraṁ yaśca jānāti niraye patati dhruvam

जो तुम्हारा आश्रय लेता है, वह निश्चय ही मेरा आश्रय लेता है; और जो हम दोनों में भेद समझता है, वह निश्चय ही नरक में गिरता है।

श्लोक 15 (shiva.rudra.10.15)

आयुर्बलं शृणुष्वाद्य त्रिदेवानां विशेषतः । सन्देहोऽत्र न कर्तव्यो ब्रह्मविष्णुहरात्मनाम्

āyurbalaṁ śṛṇuṣvādya tridevānāṁ viśeṣataḥ | sandeho'tra na kartavyo brahmaviṣṇuharātmanām

अब तीनों देवों की आयु और बल के विषय में विशेष रूप से सुनो; ब्रह्मा, विष्णु और हर के स्वरूप में कोई संदेह नहीं करना चाहिए।

श्लोक 16 (shiva.rudra.10.16)

चतुर्युगसहस्राणि ब्रह्मणो दिनमुच्यते । रात्रिश्च तावती तस्य मानमेतत्क्रमेण ह

caturyugasahasrāṇi brahmaṇo dinamucyate | rātriśca tāvatī tasya mānametatkrameṇa ha

चार युगों के हज़ार चक्र ब्रह्मा का एक दिन कहा जाता है; और उतनी ही उनकी रात्रि होती है — यह क्रमशः इसका मान है।

श्लोक 17 (shiva.rudra.10.17)

तेषां त्रिंशद्दिनैर्मासो द्वादशैस्तैश्च वत्सरः । शतवर्षप्रमाणेन ब्रह्मायुः परिकीर्तितम्

teṣāṁ triṁśaddinairmāso dvādaśaistaiśca vatsaraḥ | śatavarṣapramāṇena brahmāyuḥ parikīrtitam

उनके तीस दिनों का एक मास होता है, और उन बारह मासों का एक वर्ष; सौ वर्षों के इस प्रमाण से ब्रह्मा की आयु कही गई है।

श्लोक 18 (shiva.rudra.10.18)

ब्रह्मणो वर्षमात्रेण दिनं वैष्णवमुच्यते । सोऽपि वर्षशतं यावदात्ममानेन जीवति

brahmaṇo varṣamātreṇa dinaṁ vaiṣṇavamucyate | so'pi varṣaśataṁ yāvadātmamānena jīvati

ब्रह्मा के एक वर्ष के बराबर विष्णु का एक दिन कहा जाता है; और वे भी अपने मान से सौ वर्ष तक जीवित रहते हैं।

श्लोक 19 (shiva.rudra.10.19)

वैष्णवेन तु वर्षेण दिनं रौद्रं भवेद् ध्रुवम् । हरो वर्षशते याते नररूपेण संस्थितः

vaiṣṇavena tu varṣeṇa dinaṁ raudraṁ bhaved dhruvam | haro varṣaśate yāte nararūpeṇa saṁsthitaḥ

विष्णु के एक वर्ष से रुद्र का एक दिन निश्चय ही होता है; सौ वर्ष बीत जाने पर हर मनुष्य-रूप में स्थित रहते हैं।

श्लोक 20 (shiva.rudra.10.20)

यावदुच्छ्वसितं वक्त्रे सदाशिवसमुद्भवम् । पश्चाच्छक्तिं समभ्येति यावन्निःश्वसितं भवेत्

yāvaducchvasitaṁ vaktre sadāśivasamudbhavam | paścācchaktiṁ samabhyeti yāvanniḥśvasitaṁ bhavet

जब तक सदाशिव से उत्पन्न वह श्वास मुख में उच्छ्वासित रहता है, तत्पश्चात् जब तक निःश्वास होता है, तब तक वे शक्ति को प्राप्त होते हैं।

श्लोक 21 (shiva.rudra.10.21)

निःश्वासोच्छ्वसितानां च सर्वेषामेव देहिनाम् । ब्रह्मविष्णुहराणां च गन्धर्वोरगरक्षसाम्

niḥśvāsocchvasitānāṁ ca sarveṣāmeva dehinām | brahmaviṣṇuharāṇāṁ ca gandharvoragarakṣasām

ब्रह्मा, विष्णु और हर के, तथा गन्धर्वों, नागों और राक्षसों सहित समस्त देहधारियों के निःश्वास और उच्छ्वास —

श्लोक 22 (shiva.rudra.10.22)

एकविंशसहस्राणि शतैः षड्भिः शतानि च । अहोरात्राणि चोक्तानि प्रमाणं सुरसत्तमौ

ekaviṁśasahasrāṇi śataiḥ ṣaḍbhiḥ śatāni ca | ahorātrāṇi coktāni pramāṇaṁ surasattamau

हे श्रेष्ठ देवगण! इक्कीस हज़ार छह सौ श्वास-प्रश्वास एक अहोरात्र का प्रमाण कहे गए हैं।

श्लोक 23 (shiva.rudra.10.23)

षड्भिरुच्छ्वासनिःश्वासैः पलमेकं प्रवर्तितम् । घटी षष्टिपला प्रोक्ता सा षष्ट्या च दिनं निशा

ṣaḍbhirucchvāsaniḥśvāsaiḥ palamekaṁ pravartitam | ghaṭī ṣaṣṭipalā proktā sā ṣaṣṭyā ca dinaṁ niśā

छह श्वास-प्रश्वासों से एक पल माना गया है; साठ पलों की एक घटी कही गई है, और साठ घटियों का एक दिन-रात होता है।

श्लोक 24 (shiva.rudra.10.24)

निःश्वासोच्छ्वासितानां च परिसङ्ख्या न विद्यते । सदाशिवसमुत्थानमेतस्मात्सोऽक्षयः स्मृतः

niḥśvāsocchvāsitānāṁ ca parisaṅkhyā na vidyate | sadāśivasamutthānametasmātso'kṣayaḥ smṛtaḥ

परन्तु सदाशिव के निःश्वास-उच्छ्वास की कोई गणना नहीं है; क्योंकि यह सदाशिव से उत्पन्न है, इसी कारण वे अक्षय कहे गए हैं।

श्लोक 25 (shiva.rudra.10.25)

इत्थं रूपं त्वया तावद्रक्षणीयं ममाज्ञया । तावत्सृष्टेश्च कार्यं वै कर्तव्यं विविधैर्गुणैः

itthaṁ rūpaṁ tvayā tāvadrakṣaṇīyaṁ mamājñayā | tāvatsṛṣṭeśca kāryaṁ vai kartavyaṁ vividhairguṇaiḥ

इस प्रकार यह स्वरूप तुम्हें मेरी आज्ञा से तब तक रक्षणीय है; और तब तक विविध गुणों के साथ सृष्टि का कार्य करना चाहिए।

श्लोक 26 (shiva.rudra.10.26)

ब्रह्मोवाच । इत्याकर्ण्य वचः शम्भोर्मया च भगवान्हरिः । प्रणिपत्य च विश्वेशं प्राह मन्दतरं वशी

brahmovāca | ityākarṇya vacaḥ śambhormayā ca bhagavānhariḥ | praṇipatya ca viśveśaṁ prāha mandataraṁ vaśī

ब्रह्मा जी ने कहा — शम्भु के इस वचन को सुनकर मेरे साथ भगवान् हरि ने विश्वेश को प्रणाम करते हुए, जितेन्द्रिय होकर धीरे से कहा।

श्लोक 27 (shiva.rudra.10.27)

विष्णुरुवाच । शङ्कर श्रूयतामेतत्कृपासिन्धो जगत्पते । सर्वमेतत्करिष्यामि भवदाज्ञावशानुगः

viṣṇuruvāca | śaṅkara śrūyatāmetatkṛpāsindho jagatpate | sarvametatkariṣyāmi bhavadājñāvaśānugaḥ

विष्णु ने कहा — हे शङ्कर! हे कृपासिन्धो! हे जगत्पते! यह सुनिए — मैं आपकी आज्ञा के अधीन रहकर यह सब करूँगा।

श्लोक 28 (shiva.rudra.10.28)

मम ध्येयः सदा त्वं च भविष्यसि न चान्यथा । भवतः सर्वसामर्थ्यं लब्धं चैव पुरा मया

mama dhyeyaḥ sadā tvaṁ ca bhaviṣyasi na cānyathā | bhavataḥ sarvasāmarthyaṁ labdhaṁ caiva purā mayā

आप सदा मेरे ध्येय बने रहेंगे, अन्यथा नहीं; और मैंने पहले ही आपका सम्पूर्ण सामर्थ्य प्राप्त कर लिया है।

श्लोक 29 (shiva.rudra.10.29)

क्षणमात्रमपि स्वामिंस्तव ध्यानं परं मम । चेतसो दूरतो नैव सङ्गच्छतु कदाचन

kṣaṇamātramapi svāmiṁstava dhyānaṁ paraṁ mama | cetaso dūrato naiva saṅgacchatu kadācana

हे स्वामिन्! एक क्षण के लिए भी आपका सर्वोत्तम ध्यान मेरे चित्त से कभी दूर न हो।

श्लोक 30 (shiva.rudra.10.30)

मम भक्तश्च यः स्वामिँस्तव निन्दां करिष्यति । तस्य वै निरये वासं प्रयच्छ नियतं ध्रुवम्

mama bhaktaśca yaḥ svāmi~stava nindāṁ kariṣyati | tasya vai niraye vāsaṁ prayaccha niyataṁ dhruvam

हे स्वामिन्! जो मेरा भक्त होते हुए भी आपकी निन्दा करेगा, उसे निश्चित रूप से नरक में निवास दीजिए।

श्लोक 31 (shiva.rudra.10.31)

त्वद्भक्तो यो भवेत् स्वामिन्मम प्रियतरो हि सः । एवं वै यो विजानाति तस्य मुक्तिर्न दुर्लभा

tvadbhakto yo bhavet svāminmama priyataro hi saḥ | evaṁ vai yo vijānāti tasya muktirna durlabhā

हे स्वामिन्! जो आपका भक्त है, वह मुझे और भी अधिक प्रिय है; जो इस बात को भलीभाँति जानता है, उसके लिए मुक्ति दुर्लभ नहीं है।

श्लोक 32 (shiva.rudra.10.32)

महिमा च मदीयोऽद्य वर्धितो भवता ध्रुवम् । कदाचिदगुणश्चैव जायते क्षम्यतामिति

mahimā ca madīyo'dya vardhito bhavatā dhruvam | kadācidaguṇaścaiva jāyate kṣamyatāmiti

आज मेरी महिमा आपके द्वारा निश्चय ही बढ़ाई गई है; यदि कभी कोई दोष मुझसे हो जाए, तो उसे क्षमा कीजिए।

श्लोक 33 (shiva.rudra.10.33)

ब्रह्मोवाच । तदा शम्भुस्तदीयं हि श्रुत्वा वचनमुत्तमम् । उवाच विष्णुं सुप्रीत्या क्षम्या तेऽगुणता मया

brahmovāca | tadā śambhustadīyaṁ hi śrutvā vacanamuttamam | uvāca viṣṇuṁ suprītyā kṣamyā te'guṇatā mayā

ब्रह्मा जी ने कहा — तब शम्भु ने विष्णु के उस उत्तम वचन को सुनकर अत्यंत प्रसन्नतापूर्वक कहा — मेरे द्वारा तुम्हारा दोष क्षम्य है।

श्लोक 34 (shiva.rudra.10.34)

एवमुक्त्वा हरिं नौ स कराभ्यां परमेश्वरः । पस्पर्श सकलाङ्गेषु कृपया तु कृपानिधिः

evamuktvā hariṁ nau sa karābhyāṁ parameśvaraḥ | pasparśa sakalāṅgeṣu kṛpayā tu kṛpānidhiḥ

ऐसा कहकर करुणा के निधान परमेश्वर ने अपने दोनों हाथों से हरि और हम दोनों के समस्त अंगों का कृपापूर्वक स्पर्श किया।

श्लोक 35 (shiva.rudra.10.35)

आदिश्य विविधान्धर्मान्सर्वदुःखहरो हरः । ददौ वराननेकांश्चावयोर्हितचिकीर्षया

ādiśya vividhāndharmānsarvaduḥkhaharo haraḥ | dadau varānanekāṁścāvayorhitacikīrṣayā

सम्पूर्ण दुःखों को हरने वाले हर ने विविध धर्मों का उपदेश देकर हम दोनों के हित की कामना से अनेक वर दिए।

श्लोक 36 (shiva.rudra.10.36)

ततः स भगवान् शम्भुः कृपया भक्तवत्सलः । दृष्ट्या सम्पश्यतोः शीघ्रं तत्रैवान्तरधीयत

tataḥ sa bhagavān śambhuḥ kṛpayā bhaktavatsalaḥ | dṛṣṭyā sampaśyatoḥ śīghraṁ tatraivāntaradhīyata

तत्पश्चात् कृपालु और भक्तवत्सल भगवान् शम्भु हम दोनों के देखते-देखते ही शीघ्र वहीं अन्तर्धान हो गए।

श्लोक 37 (shiva.rudra.10.37)

तदाप्रभृति लोकेऽस्मिँल्लिङ्गपूजाविधिः स्मृतः । लिङ्गे प्रतिष्ठितः शम्भुर्भुक्तिमुक्तिप्रदायकः

tadāprabhṛti loke'smi~lliṅgapūjāvidhiḥ smṛtaḥ | liṅge pratiṣṭhitaḥ śambhurbhuktimuktipradāyakaḥ

तभी से इस लोक में लिङ्ग-पूजा की विधि प्रचलित हुई; लिङ्ग में प्रतिष्ठित शम्भु भोग और मोक्ष दोनों के दाता हैं।

श्लोक 38 (shiva.rudra.10.38)

लिङ्गवेदिर्महादेवी लिङ्गं साक्षान्महेश्वरः । लयनाल्लिङ्गमित्युक्तं तत्रैव निखिलं जगत्

liṅgavedirmahādevī liṅgaṁ sākṣānmaheśvaraḥ | layanālliṅgamityuktaṁ tatraiva nikhilaṁ jagat

लिङ्ग की पीठिका साक्षात् महादेवी है, और लिङ्ग साक्षात् महेश्वर है। लय होने के कारण ही इसे लिङ्ग कहा गया है, और सम्पूर्ण जगत् उसी में स्थित है।

श्लोक 39 (shiva.rudra.10.39)

यस्तु लैङ्गं पठेन्नित्यमाख्यानं लिङ्गसन्निधौ । षण्मासाच्छिवरूपो वै नात्र कार्या विचारणा

yastu laiṅgaṁ paṭhennityamākhyānaṁ liṅgasannidhau | ṣaṇmāsācchivarūpo vai nātra kāryā vicāraṇā

जो कोई लिङ्ग के समीप इस लैङ्ग आख्यान को नित्य पढ़ता है, वह छह मास में ही शिव-स्वरूप हो जाता है — इसमें कोई विचार नहीं करना चाहिए।

श्लोक 40 (shiva.rudra.10.40)

यस्तु लिङ्गसमीपे तु कार्यं किञ्चित्करोति च । तस्य पुण्यफलं वक्तुं न शक्नोमि महामुने

yastu liṅgasamīpe tu kāryaṁ kiñcitkaroti ca | tasya puṇyaphalaṁ vaktuṁ na śaknomi mahāmune

और जो लिङ्ग के समीप कोई भी कार्य करता है — हे महामुने! मैं उसके पुण्य-फल का वर्णन करने में असमर्थ हूँ।