तारकार्दित देवों का शंकर के समीप दुःख-निवेदन

श्लोक 1 (shiva.rudra.119.1)

वन्दे वन्दनतुष्टमानसमतिप्रेमप्रियं प्रेमदं पूर्णं पूर्णकरं प्रपूर्णनिखिलैश्वर्यैकवासं शिवम् । सत्यं सत्यमयं त्रिसत्यविभवं सत्यप्रियं सत्यदं विष्णुब्रह्मनुतं स्वकीयकृपयोपात्ताकृतिं शङ्करम्

vande vandanatuṣṭamānasamatipremapriyaṁ premadaṁ pūrṇaṁ pūrṇakaraṁ prapūrṇanikhilaiśvaryaikavāsaṁ śivam satyaṁ satyamayaṁ trisatyavibhavaṁ satyapriyaṁ satyadaṁ viṣṇubrahmanutaṁ svakīyakṛpayopāttākṛtiṁ śaṅkaram

मैं उन शिव को नमन करता हूँ, जिनका मन वन्दना से संतुष्ट होता है, जो अत्यंत प्रेम से प्रिय हैं और प्रेम प्रदान करने वाले हैं; जो पूर्ण हैं, जो औरों को पूर्ण करते हैं, जो समस्त ऐश्वर्य की परिपूर्णता के एकमात्र निवास हैं; जो सत्यस्वरूप, सत्यमय, त्रिकाल-सत्य वैभव वाले, सत्य के प्रिय और सत्य के दाता हैं; जिनकी विष्णु और ब्रह्मा स्तुति करते हैं और जो अपनी ही कृपा से रूप धारण करते हैं — उन शंकर को मैं वन्दन करता हूँ।

श्लोक 2 (shiva.rudra.119.2)

नारद उवाच । विवाहयित्वा गिरिजां शङ्करो लोकशङ्करः । गत्वा स्वपर्वतं ब्रह्मन् किमकार्षीद्धि तद्वद

nārada uvāca vivāhayitvā girijāṁ śaṅkaro lokaśaṅkaraḥ gatvā svaparvataṁ brahman kimakārṣīddhi tadvada

नारद ने कहा — हे ब्रह्मन्! गिरिजा से विवाह करके लोक-कल्याणकारी शंकर अपने पर्वत पर जाकर क्या करने लगे, वह मुझे बताइए।

श्लोक 3 (shiva.rudra.119.3)

कथं हि तनयो जज्ञे शिवस्य परमात्मनः । यदर्थमात्मारामोऽपि समुवाह शिवां प्रभुः

kathaṁ hi tanayo jajñe śivasya paramātmanaḥ yadarthamātmārāmo'pi samuvāha śivāṁ prabhuḥ

परमात्मस्वरूप शिव के पुत्र का जन्म आखिर कैसे हुआ — जिसके लिए आत्माराम प्रभु ने भी शिवा से विवाह किया?

श्लोक 4 (shiva.rudra.119.4)

तारकस्य कथं ब्रह्मन् वधोऽभूद्देवशङ्कर । एतत्सर्वमशेषेण वद कृत्वा दयां मयि

tārakasya kathaṁ brahman vadho'bhūddevaśaṅkara etatsarvamaśeṣeṇa vada kṛtvā dayāṁ mayi

हे ब्रह्मन्! देवों को पीड़ित करने वाले तारक का वध कैसे हुआ — यह सब मुझ पर दया करके पूर्णतः बताइए।

श्लोक 5 (shiva.rudra.119.5)

सूत उवाच । इत्याकर्ण्य वचस्तस्य नारदस्य प्रजापतिः । सुप्रसन्नमनाः स्मृत्वा शङ्करं प्रत्युवाच ह

sūta uvāca ityākarṇya vacastasya nāradasya prajāpatiḥ suprasannamanāḥ smṛtvā śaṅkaraṁ pratyuvāca ha

सूत जी ने कहा — नारद के इन वचनों को सुनकर प्रसन्नचित्त प्रजापति ब्रह्मा शंकर का स्मरण करते हुए इस प्रकार बोले।

श्लोक 6 (shiva.rudra.119.6)

ब्रह्मोवाच । चरितं शृणु वक्ष्यामि शशिमौलेस्तु नारद । गुहजन्मकथां दिव्यां तारकासुरसद्वधम्

brahmovāca caritaṁ śṛṇu vakṣyāmi śaśimaulestu nārada guhajanmakathāṁ divyāṁ tārakāsurasadvadham

ब्रह्मा जी ने कहा — हे नारद! सुनो, मैं शशिमौलि शिव का चरित्र कहूँगा — गुह (कार्तिकेय) के जन्म की दिव्य कथा और तारकासुर के सच्चे वध की कथा।

श्लोक 7 (shiva.rudra.119.7)

श्रूयतां कथयाम्यद्य कथां पापप्रणाशिनीम् । यां श्रुत्वा सर्वपापेभ्यो मुच्यते मानवो ध्रुवम्

śrūyatāṁ kathayāmyadya kathāṁ pāpapraṇāśinīm yāṁ śrutvā sarvapāpebhyo mucyate mānavo dhruvam

सुनो, आज मैं वह पाप-नाशक कथा कहता हूँ, जिसे सुनकर मनुष्य निश्चय ही समस्त पापों से मुक्त हो जाता है।

श्लोक 8 (shiva.rudra.119.8)

इदमाख्यानमनघं रहस्यं परमाद्भुतम् । पापसन्तापहरणं सर्वविघ्नविनाशनम्

idamākhyānamanaghaṁ rahasyaṁ paramādbhutam pāpasantāpaharaṇaṁ sarvavighnavināśanam

यह आख्यान निष्पाप, परम रहस्यमय और अत्यंत अद्भुत है — यह पाप के संताप को हरने वाला और समस्त विघ्नों का नाश करने वाला है।

श्लोक 9 (shiva.rudra.119.9)

सर्वमङ्गलदं सारं सर्वश्रुतिमनोहरम् । सुखदं मोक्षबीजं च कर्ममूलनिकृन्तनम्

sarvamaṅgaladaṁ sāraṁ sarvaśrutimanoharam sukhadaṁ mokṣabījaṁ ca karmamūlanikṛntanam

यह सर्व-मंगलदायक, सारभूत तथा सभी श्रोताओं के मन को हरने वाला है; यह सुखदायक है, मोक्ष का बीज है और कर्मों की जड़ को काट देने वाला है।

श्लोक 10 (shiva.rudra.119.10)

कैलासमागत्य शिवां विवाह्य शोभां प्रपेदे नितरां शिवोऽपि । विचारयामास च देवकृत्यं पीडां जनस्यापि च देवकृत्ये

kailāsamāgatya śivāṁ vivāhya śobhāṁ prapede nitarāṁ śivo'pi vicārayāmāsa ca devakṛtyaṁ pīḍāṁ janasyāpi ca devakṛtye

कैलास आकर शिवा से विवाह करके शिव भी अत्यंत शोभा को प्राप्त हुए; और साथ ही उन्होंने देवकार्य पर तथा उसी देवकार्य में लोगों को होने वाली पीड़ा पर विचार किया।

श्लोक 11 (shiva.rudra.119.11)

शिवःस भगवान् साक्षात्कैलासमगमद्यदा । सौख्यं च विविधं चक्रुर्गणाः सर्वे सुहर्षिताः

śivaḥsa bhagavān sākṣātkailāsamagamadyadā saukhyaṁ ca vividhaṁ cakrurgaṇāḥ sarve suharṣitāḥ

जब साक्षात् भगवान् शिव कैलास पर पधारे, तब सभी अत्यंत हर्षित गणों ने विविध प्रकार का सुखोत्सव मनाया।

श्लोक 12 (shiva.rudra.119.12)

महोत्सवो महानासीच्छिवे कैलासमागते । देवाः स्वविषयं प्राप्ता हर्षनिर्भरमानसाः

mahotsavo mahānāsīcchive kailāsamāgate devāḥ svaviṣayaṁ prāptā harṣanirbharamānasāḥ

शिव के कैलास पर आने पर वहाँ महान उत्सव हुआ, और देवगण हर्ष से परिपूर्ण मन लेकर अपने-अपने लोकों को लौट गए।

श्लोक 13 (shiva.rudra.119.13)

अथ शम्भुर्महादेवो गृहीत्वा गिरिजां शिवाम् । जगाम निर्जनं स्थानं महादिव्यं मनोहरम्

atha śambhurmahādevo gṛhītvā girijāṁ śivām jagāma nirjanaṁ sthānaṁ mahādivyaṁ manoharam

तत्पश्चात् शम्भु महादेव गिरिजा शिवा को साथ लेकर एक निर्जन, अत्यंत दिव्य एवं मनोहर स्थान पर गए।

श्लोक 14 (shiva.rudra.119.14)

शय्यां रतिकरीं कृत्वा पुष्पचन्दनचर्चिताम् । अद्भुतां तत्र परमां भोगवस्त्वन्वितां शुभाम्

śayyāṁ ratikarīṁ kṛtvā puṣpacandanacarcitām adbhutāṁ tatra paramāṁ bhogavastvanvitāṁ śubhām

वहाँ उन्होंने पुष्प और चन्दन से सुसज्जित, अद्भुत, परम, समस्त भोग-सामग्री से युक्त तथा शुभ रतिशय्या तैयार की।

श्लोक 15 (shiva.rudra.119.15)

स रेमे तत्र भगवान् शम्भुर्गिरिजया सह । सहस्रवर्षपर्यन्तं देवमानेन मानदः

sa reme tatra bhagavān śambhurgirijayā saha sahasravarṣaparyantaṁ devamānena mānadaḥ

वहाँ भगवान् शम्भु ने, जो सम्मान देने वाले हैं, गिरिजा के साथ देवताओं के मान से सहस्र वर्ष तक क्रीड़ा की।

श्लोक 16 (shiva.rudra.119.16)

दुर्गाङ्गस्पर्शमात्रेण लीलया मूर्च्छितः शिवः । मूर्च्छिता सा शिवस्पर्शाद्बुबुधे न दिवानिशम्

durgāṅgasparśamātreṇa līlayā mūrcchitaḥ śivaḥ mūrcchitā sā śivasparśādbubudhe na divāniśam

दुर्गा के अंग-स्पर्श मात्र से शिव लीलापूर्वक मुग्ध हो गए, और शिव के स्पर्श से मुग्ध हुई वह पार्वती भी दिन-रात्रि का बोध नहीं रख सकीं।

श्लोक 17 (shiva.rudra.119.17)

हरे भोगप्रवृत्ते तु लोकधर्मप्रवर्तिनि । महान् कालो व्यतीयाय तयोः क्षण इवानघ

hare bhogapravṛtte tu lokadharmapravartini mahān kālo vyatīyāya tayoḥ kṣaṇa ivānagha

हे निष्पाप नारद! लोक-धर्म के प्रवर्तक हर के भोग में प्रवृत्त रहते हुए उन दोनों का दीर्घ काल क्षणमात्र के समान बीत गया।

श्लोक 18 (shiva.rudra.119.18)

अथ सर्वे सुरास्तात एकत्रीभूय चैकदा । मन्त्रयाञ्चक्रुरागत्य मेरौ शक्रपुरोगमाः

atha sarve surāstāta ekatrībhūya caikadā mantrayāñcakrurāgatya merau śakrapurogamāḥ

हे तात! तदनन्तर एक दिन इन्द्र आदि समस्त देवगण एकत्र होकर मेरु पर्वत पर आए और परस्पर मंत्रणा करने लगे।

श्लोक 19 (shiva.rudra.119.19)

सुरा ऊचुः । विवाहं कृतवाञ्छम्भुरस्मत्कार्यार्थमीश्वरः । योगीश्वरो निर्विकारो स्वात्मारामो निरञ्जनः

surā ūcuḥ vivāhaṁ kṛtavāñchambhurasmatkāryārthamīśvaraḥ yogīśvaro nirvikāro svātmārāmo nirañjanaḥ

देवताओं ने कहा — योगीश्वर, निर्विकार, स्वात्माराम, निरंजन ईश्वर शम्भु ने हमारे कार्य की सिद्धि के लिए ही विवाह किया था।

श्लोक 20 (shiva.rudra.119.20)

नोत्पन्नस्तनयस्तस्य न जानीमोऽत्र कारणम् । विलम्बः क्रियते तेन कथं देवेश्वरेण ह

notpannastanayastasya na jānīmo'tra kāraṇam vilambaḥ kriyate tena kathaṁ deveśvareṇa ha

किन्तु अभी तक उनका पुत्र उत्पन्न नहीं हुआ, इसका कारण हम नहीं जानते। आखिर देवेश्वर शिव इतना विलम्ब क्यों कर रहे हैं?

श्लोक 21 (shiva.rudra.119.21)

ब्रह्मोवाच । एतस्मिन्नन्तरे देवा नारदाद्देवदर्शनात् । बुबुधुस्तन्मितं भोगं तयोश्च रममाणयोः

brahmovāca etasminnantare devā nāradāddevadarśanāt bubudhustanmitaṁ bhogaṁ tayośca ramamāṇayoḥ

ब्रह्मा जी ने कहा — इसी बीच नारद के द्वारा, जो शिव के दर्शन कर आए थे, देवताओं को यह ज्ञात हुआ कि वे दोनों कितने दीर्घ काल से रमण में लीन हैं।

श्लोक 22 (shiva.rudra.119.22)

चिरं ज्ञात्वा तयोर्भोगं चिन्तामापुः सुराश्च ते । ब्रह्माणं मां पुरस्कृत्य ययुर्नारायणान्तिकम्

ciraṁ jñātvā tayorbhogaṁ cintāmāpuḥ surāśca te brahmāṇaṁ māṁ puraskṛtya yayurnārāyaṇāntikam

उनके भोग के इतने दीर्घकाल तक चलते रहने की बात जानकर देवगण चिंतित हो उठे और मुझे आगे करके नारायण के समीप गए।

श्लोक 23 (shiva.rudra.119.23)

तं नत्वा कथितं सर्वं मया वृत्तान्तमीप्सितम् । सन्तस्थिरे सर्वदेवाः चित्रे पुत्तलिका यथा

taṁ natvā kathitaṁ sarvaṁ mayā vṛttāntamīpsitam santasthire sarvadevāḥ citre puttalikā yathā

उन्हें प्रणाम करके मैंने सारा वृत्तांत यथावत कह सुनाया, और समस्त देवगण चित्र में अंकित पुतलियों के समान स्तब्ध खड़े रहे।

श्लोक 24 (shiva.rudra.119.24)

सहस्रवर्षपर्यन्तं देवमानेन शङ्करः । रतौ रतश्च निश्चेष्टो योगी विरमते न हि

sahasravarṣaparyantaṁ devamānena śaṅkaraḥ ratau rataśca niśceṣṭo yogī viramate na hi

देवमान से सहस्र वर्षों तक शंकर रति में लीन और निश्चेष्ट बने हुए हैं; योगी होने के कारण वे विरत ही नहीं होते।

श्लोक 25 (shiva.rudra.119.25)

श्रीभगवानुवाच । चिन्ता नास्ति जगद्धातः सर्वं भद्रं भविष्यति । शरणं व्रज देवेश शङ्करस्य महाप्रभोः

śrībhagavānuvāca cintā nāsti jagaddhātaḥ sarvaṁ bhadraṁ bhaviṣyati śaraṇaṁ vraja deveśa śaṅkarasya mahāprabhoḥ

श्रीभगवान् ने कहा — हे जगद्धाता! चिंता मत करो, सब कुछ शुभ होगा। हे देवेश! महाप्रभु शंकर की शरण में जाओ।

श्लोक 26 (shiva.rudra.119.26)

महेशशरणापन्ना ये जना मनसा मुदा । तेषां प्रजेश भक्तानां न कुतश्चिद्भयं क्वचित्

maheśaśaraṇāpannā ye janā manasā mudā teṣāṁ prajeśa bhaktānāṁ na kutaścidbhayaṁ kvacit

हे प्रजेश! जो भक्तजन प्रसन्न मन से महेश की शरण में जाते हैं, उन्हें कहीं से भी, किसी प्रकार का भय नहीं होता।

श्लोक 27 (shiva.rudra.119.27)

शृङ्गारभङ्गः समये भविता नाधुना विधे । कालप्रयुक्तं कार्यं च सिद्धिं प्राप्नोति नान्यथा

śṛṅgārabhaṅgaḥ samaye bhavitā nādhunā vidhe kālaprayuktaṁ kāryaṁ ca siddhiṁ prāpnoti nānyathā

हे विधे! इस श्रृंगार-लीला का भंग उचित समय पर ही होगा, अभी नहीं; काल के अनुरूप किया गया कार्य ही सिद्ध होता है, अन्यथा नहीं।

श्लोक 28 (shiva.rudra.119.28)

शम्भोः सम्भोगमिष्टं को भद्रां कर्तुमिहेश्वरः । पूर्णे वर्षसहस्रे च स्वेच्छया हि विरंस्यति

śambhoḥ sambhogamiṣṭaṁ ko bhadrāṁ kartumiheśvaraḥ pūrṇe varṣasahasre ca svecchayā hi viraṁsyati

शम्भु के इस अभीष्ट भोग को भला कौन रोक सकता है? सहस्र वर्ष पूर्ण होने पर वे स्वयं ही अपनी इच्छा से विरत होंगे।

श्लोक 29 (shiva.rudra.119.29)

स्त्रीपुंसो रतिविच्छेदमुपायेन करोति यः । तस्य स्त्रीपुत्रयोर्भेदो भवेज्जन्मनि जन्मनि

strīpuṁso rativicchedamupāyena karoti yaḥ tasya strīputrayorbhedo bhavejjanmani janmani

जो कोई किसी उपाय से स्त्री-पुरुष के रतिसम्बन्ध में विघ्न डालता है, उसे जन्म-जन्मान्तर तक स्त्री और पुत्र से वियोग सहना पड़ता है।

श्लोक 30 (shiva.rudra.119.30)

भ्रष्टज्ञानो नष्टकीर्त्तिरलक्ष्मीको भवेदिह । प्रयात्यन्ते कालसूत्रं वर्षलक्षं स पातकी

bhraṣṭajñāno naṣṭakīrttiralakṣmīko bhavediha prayātyante kālasūtraṁ varṣalakṣaṁ sa pātakī

वह इस लोक में ज्ञानभ्रष्ट, कीर्तिहीन और लक्ष्मीविहीन हो जाता है; और अंत में वह पापी एक लाख वर्षों तक कालसूत्र नरक में जाता है।

श्लोक 31 (shiva.rudra.119.31)

रम्भायुक्तं शक्रमिमं चकार विरतं रतौ । महामुनीन्द्रो दुर्वासास्तत्स्त्रीभेदो बभूव ह

rambhāyuktaṁ śakramimaṁ cakāra virataṁ ratau mahāmunīndro durvāsāstatstrībhedo babhūva ha

महामुनि दुर्वासा ने रम्भा के साथ रत इन्द्र को रति से विरत करवा दिया था, जिसके फलस्वरूप इन्द्र को अपनी पत्नी से वियोग सहना पड़ा।

श्लोक 32 (shiva.rudra.119.32)

पुनरन्यां स सम्प्राप्य विषेव्य शुभपाणिकाम् । दिव्यं वर्षसहस्रं च विजहौ विरहज्वरम्

punaranyāṁ sa samprāpya viṣevya śubhapāṇikām divyaṁ varṣasahasraṁ ca vijahau virahajvaram

फिर एक अन्य शुभलक्षणा पत्नी को प्राप्त कर और उसका सेवन करते हुए भी उसे एक हजार दिव्य वर्षों तक विरह-ज्वर सहना पड़ा।

श्लोक 33 (shiva.rudra.119.33)

घृताच्या सह संश्लिष्टं कामं वारितवान् गुरुः । षण्मासाभ्यन्तरे चन्द्रस्तस्य पत्नीं जहार ह

ghṛtācyā saha saṁśliṣṭaṁ kāmaṁ vāritavān guruḥ ṣaṇmāsābhyantare candrastasya patnīṁ jahāra ha

गुरु बृहस्पति ने घृताची के साथ आलिंगनबद्ध किसी को काम-भोग से रोक दिया था; इसके फलस्वरूप छह मास के भीतर ही चन्द्रमा उनकी पत्नी को हर ले गया।

श्लोक 34 (shiva.rudra.119.34)

पुनश्शिवं समाराध्य कृत्वा तारामयं रणम् । तारां सगर्भां सम्प्राप्य विजहौ विरहज्वरम्

punaśśivaṁ samārādhya kṛtvā tārāmayaṁ raṇam tārāṁ sagarbhāṁ samprāpya vijahau virahajvaram

फिर शिव की आराधना करके एवं तारा के लिए युद्ध करके उन्होंने गर्भवती तारा को पुनः प्राप्त किया, किन्तु तब तक वे विरह-ज्वर सह चुके थे।

श्लोक 35 (shiva.rudra.119.35)

मोहिनीसहितं चन्द्रं चकार विरतं रतौ । महर्षिर्गौतमस्तस्य स्त्रीविच्छेदो बभूव ह

mohinīsahitaṁ candraṁ cakāra virataṁ ratau maharṣirgautamastasya strīvicchedo babhūva ha

महर्षि गौतम ने मोहिनी के साथ रतिरत चन्द्रमा को रोक दिया, जिससे चन्द्रमा को भी अपनी पत्नी से वियोग सहना पड़ा।

श्लोक 36 (shiva.rudra.119.36)

हरिश्चन्द्रो हालिकं च वृषल्या सह संयुतम् । वारयामास निश्चेष्टं निर्जने तत्फलं शृणु

hariścandro hālikaṁ ca vṛṣalyā saha saṁyutam vārayāmāsa niśceṣṭaṁ nirjane tatphalaṁ śṛṇu

राजा हरिश्चंद्र ने एक हलवाहे को, जो एकांत में एक वृषली (शूद्रा स्त्री) के साथ रत था, रोककर निश्चेष्ट कर दिया था — उसका फल सुनो।

श्लोक 37 (shiva.rudra.119.37)

भ्रष्टः स्त्रीपुत्रराज्येभ्यो विश्वामित्रेण ताडितः । ततः शिवं समाराध्य मुक्तो भूतो हि कश्मलात्

bhraṣṭaḥ strīputrarājyebhyo viśvāmitreṇa tāḍitaḥ tataḥ śivaṁ samārādhya mukto bhūto hi kaśmalāt

फलस्वरूप हरिश्चंद्र स्त्री, पुत्र और राज्य से भ्रष्ट हो गए तथा विश्वामित्र द्वारा सताए गए; तत्पश्चात् शिव की आराधना करके ही वे उस विपत्ति से मुक्त हो सके।

श्लोक 38 (shiva.rudra.119.38)

अजामिलं द्विजश्रेष्ठं वृषल्या सह संयुतम् । न भिया वारयामासुः सुरास्तां चापि केचन

ajāmilaṁ dvijaśreṣṭhaṁ vṛṣalyā saha saṁyutam na bhiyā vārayāmāsuḥ surāstāṁ cāpi kecana

(इसी भय से) देवताओं ने वृषली के साथ रत श्रेष्ठ ब्राह्मण अजामिल को भी नहीं रोका, और न ही किसी अन्य ने रोका।

श्लोक 39 (shiva.rudra.119.39)

सर्वं निषेकसाध्यं च निषेको बलवान् विधे । निषेकफलदो वै स निषेकः केन वार्यते

sarvaṁ niṣekasādhyaṁ ca niṣeko balavān vidhe niṣekaphalado vai sa niṣekaḥ kena vāryate

हे विधे! सब कुछ निषेक (वीर्यसेचन) के अधीन है, निषेक ही बलवान है; वही निषेक का फल देने वाला है — भला उस निषेक को कौन रोक सकता है?

श्लोक 40 (shiva.rudra.119.40)

दिव्यं वर्षसहस्रं च शम्भोः सम्भोगकर्म तत् । पूर्णे वर्षसहस्रे च गत्वा तत्र सुरेश्वराः

divyaṁ varṣasahasraṁ ca śambhoḥ sambhogakarma tat pūrṇe varṣasahasre ca gatvā tatra sureśvarāḥ

शम्भु का यह सम्भोग-कर्म एक हजार दिव्य वर्षों तक चलेगा; उन सहस्र वर्षों के पूर्ण होने पर देवेश्वरगण वहाँ जाएँ।

श्लोक 41 (shiva.rudra.119.41)

येन वीर्यं पतेद्भूमौ तत् करिष्यथ निश्चितम् । तत्र वीर्ये च भविता स्कन्दनामा प्रभोः सुतः

yena vīryaṁ patedbhūmau tat kariṣyatha niścitam tatra vīrye ca bhavitā skandanāmā prabhoḥ sutaḥ

जिस प्रकार वह वीर्य पृथ्वी पर गिर जाए, वैसा उपाय तुम अवश्य करना; उसी वीर्य से प्रभु का पुत्र स्कन्द नाम से उत्पन्न होगा।

श्लोक 42 (shiva.rudra.119.42)

अधुना स्वगृहं गच्छ विधे सुरगणैः सह । करोतु शम्भुः सम्भोगं पार्वत्या सह निर्जने

adhunā svagṛhaṁ gaccha vidhe suragaṇaiḥ saha karotu śambhuḥ sambhogaṁ pārvatyā saha nirjane

अब हे विधे! तुम देवगणों सहित अपने-अपने घर लौट जाओ; शम्भु एकांत में पार्वती के साथ भोग करते रहें।

श्लोक 43 (shiva.rudra.119.43)

ब्रह्मोवाच । इत्युक्त्वा कमलाकान्तः शीघ्रं स्वान्तः पुरं ययौ । स्वालयं प्रययुर्देवा मया सह मुनीश्वर

brahmovāca ityuktvā kamalākāntaḥ śīghraṁ svāntaḥ puraṁ yayau svālayaṁ prayayurdevā mayā saha munīśvara

ब्रह्मा जी ने कहा — यह कहकर कमलाकांत विष्णु शीघ्र ही अपने अंतःपुर को चले गए, और हे मुनीश्वर! देवगण भी मेरे साथ अपने-अपने धाम को लौट गए।

श्लोक 44 (shiva.rudra.119.44)

शक्तिशक्तिमतोश्चाथ विहारेणाति च क्षितिः । भाराक्रान्ता चकम्पे सा सशेषापि सकच्छपा

śaktiśaktimatoścātha vihāreṇāti ca kṣitiḥ bhārākrāntā cakampe sā saśeṣāpi sakacchapā

तदनन्तर शक्ति (पार्वती) और शक्तिमान् (शिव) की अत्यधिक क्रीड़ा के भार से पृथ्वी, जो शेषनाग और कच्छप पर टिकी हुई थी, भार से आक्रांत होकर काँप उठी।

श्लोक 45 (shiva.rudra.119.45)

कच्छपस्य हि भारेण सर्वाधारः समीरणः । स्तम्भितोऽथ त्रिलोकाश्च बभूवुर्भयविह्वलाः

kacchapasya hi bhāreṇa sarvādhāraḥ samīraṇaḥ stambhito'tha trilokāśca babhūvurbhayavihvalāḥ

कच्छप के उस भार से सबका आधार वायु भी स्तंभित हो गया, और तीनों लोक भय से व्याकुल हो उठे।

श्लोक 46 (shiva.rudra.119.46)

अथ सर्वे मया देवा हरेश्च शरणं ययुः । सर्वं निवेदयाञ्चक्रुस्तद्वृत्तं दीनमानसा

atha sarve mayā devā hareśca śaraṇaṁ yayuḥ sarvaṁ nivedayāñcakrustadvṛttaṁ dīnamānasā

तब मेरे सहित समस्त देवगण हरि की शरण में गए और दीन मन से उन्हें सारा वृत्तान्त सुनाया।

श्लोक 47 (shiva.rudra.119.47)

देवा ऊचुः । देवदेव रमानाथ सर्वावनकर प्रभो । रक्ष नः शरणापन्नान् भयव्याकुलमानसान्

devā ūcuḥ devadeva ramānātha sarvāvanakara prabho rakṣa naḥ śaraṇāpannān bhayavyākulamānasān

देवताओं ने कहा — हे देवदेव! हे रमानाथ! हे सबकी रक्षा करने वाले प्रभु! भय से व्याकुल-मन होकर शरण में आए हुए हमारी रक्षा कीजिए।

श्लोक 48 (shiva.rudra.119.48)

स्तम्भितस्त्रिजगत्प्राणो न जाने केन हेतुना । व्याकुलं मुनिभिर्लेखैस्त्रैलोक्यं सचराचरम्

stambhitastrijagatprāṇo na jāne kena hetunā vyākulaṁ munibhirlekhaistrailokyaṁ sacarācaram

त्रिलोक का प्राण-रूप वायु स्तंभित हो गया है, हम नहीं जानते किस कारण से; मुनियों के अनुसार चराचर सहित तीनों लोक व्याकुल हो उठे हैं।

श्लोक 49 (shiva.rudra.119.49)

ब्रह्मोवाच । इत्युक्त्वा सकला देवा मया सह मुनीश्वर । दीनास्तस्थुः पुरो विष्णोर्मौनीभूताः सुदुःखिताः

brahmovāca ityuktvā sakalā devā mayā saha munīśvara dīnāstasthuḥ puro viṣṇormaunībhūtāḥ suduḥkhitāḥ

ब्रह्मा जी ने कहा — हे मुनीश्वर! यह कहकर मेरे सहित समस्त देवगण दीन, मौन और अत्यंत दुःखी होकर विष्णु के सम्मुख खड़े रहे।

श्लोक 50 (shiva.rudra.119.50)

तदाकर्ण्य समादाय सुरान्नः सकलान् हरिः । जगाम पर्वतं शीघ्रं कैलासं शिववल्लभम्

tadākarṇya samādāya surānnaḥ sakalān hariḥ jagāma parvataṁ śīghraṁ kailāsaṁ śivavallabham

यह सुनकर हरि हम सभी देवताओं को साथ लेकर शीघ्र ही शिव के प्रिय कैलास पर्वत पर गए।

श्लोक 51 (shiva.rudra.119.51)

तत्र गत्वा हरिर्देवैर्मया च सुरवल्लभः । ययौ शिववरस्थानं शङ्करं द्रष्टुकाम्यया

tatra gatvā harirdevairmayā ca suravallabhaḥ yayau śivavarasthānaṁ śaṅkaraṁ draṣṭukāmyayā

वहाँ पहुँचकर देवप्रिय हरि देवताओं और मेरे साथ शंकर के दर्शन की इच्छा से उनके श्रेष्ठ धाम की ओर गए।

श्लोक 52 (shiva.rudra.119.52)

तत्र दृष्ट्वा शिवं विष्णुर्न सुरैर्विस्मितोऽभवत् । तत्र स्थितान् शिवगणान् पप्रच्छ विनयान्वितः

tatra dṛṣṭvā śivaṁ viṣṇurna surairvismito'bhavat tatra sthitān śivagaṇān papraccha vinayānvitaḥ

वहाँ पहुँचने पर भी देवताओं सहित विष्णु को शिव के दर्शन नहीं हुए, जिससे वे चकित रह गए; उन्होंने वहाँ खड़े शिवगणों से विनयपूर्वक पूछा।

श्लोक 53 (shiva.rudra.119.53)

विष्णुरुवाच । हे शङ्कराः शिवः कुत्र गतः सर्वप्रभुर्गणाः । निवेदयत नः प्रीत्या दुःखितान्वै कृपालवः

viṣṇuruvāca he śaṅkarāḥ śivaḥ kutra gataḥ sarvaprabhurgaṇāḥ nivedayata naḥ prītyā duḥkhitānvai kṛpālavaḥ

विष्णु ने कहा — हे शंकर-गणों! सर्वप्रभु शिव कहाँ गए हैं? हे कृपालुओ! दुःखी हम लोगों को प्रेमपूर्वक बताइए।

श्लोक 54 (shiva.rudra.119.54)

ब्रह्मोवाच । इत्याकर्ण्य वचस्तस्य सामरस्य हरेर्गणाः । प्रोचुः प्रीत्या गणास्ते हि शङ्करस्य रमापतिम्

brahmovāca ityākarṇya vacastasya sāmarasya harergaṇāḥ procuḥ prītyā gaṇāste hi śaṅkarasya ramāpatim

ब्रह्मा जी ने कहा — देवताओं सहित हरि के इन वचनों को सुनकर शंकर के वे गण प्रेमपूर्वक रमापति विष्णु को उत्तर देने लगे।

श्लोक 55 (shiva.rudra.119.55)

शिवगणा ऊचुः । हरे शृणु शिवप्रीत्या यथार्थं ब्रूमहे वयम् । ब्रह्मणा निर्जरैः सार्द्धं वृत्तान्तमखिलं च यत्

śivagaṇā ūcuḥ hare śṛṇu śivaprītyā yathārthaṁ brūmahe vayam brahmaṇā nirjaraiḥ sārddhaṁ vṛttāntamakhilaṁ ca yat

शिवगणों ने कहा — हे हरि! सुनिए, हम शिव के प्रति प्रेमवश आपको तथा ब्रह्मा एवं देवताओं को यथार्थ वृत्तांत बताते हैं।

श्लोक 56 (shiva.rudra.119.56)

सर्वेश्वरो महादेवो जगाम गिरिजालयम् । संस्थाप्य नोऽत्र सुप्रीत्या नानालीलाविशारदः

sarveśvaro mahādevo jagāma girijālayam saṁsthāpya no'tra suprītyā nānālīlāviśāradaḥ

सर्वेश्वर महादेव, जो नाना लीलाओं में निपुण हैं, हमें यहाँ प्रेमपूर्वक नियुक्त कर गिरिजा के धाम के भीतर चले गए।

श्लोक 57 (shiva.rudra.119.57)

तद्गुहाभ्यन्तरे शम्भुः किं करोति महेश्वरः । न जानीमो रमानाथ व्यतीयुर्बहवः समाः

tadguhābhyantare śambhuḥ kiṁ karoti maheśvaraḥ na jānīmo ramānātha vyatīyurbahavaḥ samāḥ

हे रमानाथ! वे महेश्वर शम्भु उस गुहा के भीतर क्या कर रहे हैं, हम नहीं जानते; इसी प्रकार अनेक वर्ष बीत चुके हैं।

श्लोक 58 (shiva.rudra.119.58)

ब्रह्मोवाच । श्रुत्वेति वचनं तेषां स विष्णुः सामरो मया । विस्मितोऽति मुनिश्रेष्ठ शिवद्वारं जगाम ह

brahmovāca śrutveti vacanaṁ teṣāṁ sa viṣṇuḥ sāmaro mayā vismito'ti muniśreṣṭha śivadvāraṁ jagāma ha

ब्रह्मा जी ने कहा — हे मुनिश्रेष्ठ! उनके ये वचन सुनकर देवताओं और मेरे सहित विष्णु अत्यंत विस्मित होकर शिव के द्वार पर गए।

श्लोक 59 (shiva.rudra.119.59)

तत्र गत्वा मया देवैः स हरिर्देववल्लभः । आर्तवाण्या मुने प्रोचे तारस्वरतया तदा

tatra gatvā mayā devaiḥ sa harirdevavallabhaḥ ārtavāṇyā mune proce tārasvaratayā tadā

वहाँ पहुँचकर देवताओं और मेरे सहित देवप्रिय हरि ने हे मुने! उस समय ऊँचे स्वर में अत्यंत व्याकुल वाणी में कहना आरम्भ किया।

श्लोक 60 (shiva.rudra.119.60)

शम्भुमस्तौन्महाप्रीत्या सामरो हि मया हरिः । तत्र स्थितो मुनिश्रेष्ठ सर्वलोकप्रभुं हरम्

śambhumastaunmahāprītyā sāmaro hi mayā hariḥ tatra sthito muniśreṣṭha sarvalokaprabhuṁ haram

हे मुनिश्रेष्ठ! देवताओं और मेरे सहित वहाँ खड़े हरि ने सर्वलोक के स्वामी हर की अत्यंत प्रेमपूर्वक स्तुति की।

श्लोक 61 (shiva.rudra.119.61)

विष्णुरुवाच । किं करोषि महादेवाभ्यन्तरे परमेश्वर । तारकार्तान्सुरान्सर्वान् पाहि नः शरणागतान्

viṣṇuruvāca kiṁ karoṣi mahādevābhyantare parameśvara tārakārtānsurānsarvān pāhi naḥ śaraṇāgatān

विष्णु ने कहा — हे महादेव! हे परमेश्वर! आप भीतर क्या कर रहे हैं? तारकासुर से पीड़ित शरणागत हम समस्त देवताओं की रक्षा कीजिए।

श्लोक 62 (shiva.rudra.119.62)

इत्यादि संस्तुवन् शम्भुं बहुधा सोऽमरैर्मया । रुरोदाति हरिस्तत्र तारकार्तैर्मुनीश्वर

ityādi saṁstuvan śambhuṁ bahudhā so'marairmayā rurodāti haristatra tārakārtairmunīśvara

हे मुनीश्वर! इस प्रकार देवताओं और मेरे सहित शम्भु की बहुविध स्तुति करते हुए हरि तारकासुर से पीड़ित देवताओं के साथ वहाँ अत्यंत रुदन करने लगे।

श्लोक 63 (shiva.rudra.119.63)

दुःखकोलाहलस्तत्र बभूव त्रिदिवौकसाम् । मिश्रितश्शिव संस्तुत्यासुरार्त्तानां मुनीश्वर

duḥkhakolāhalastatra babhūva tridivaukasām miśritaśśiva saṁstutyāsurārttānāṁ munīśvara

हे मुनीश्वर! वहाँ स्वर्गवासी देवताओं का दुःखपूर्ण कोलाहल उठ खड़ा हुआ, जिसमें शिव-स्तुति और असुर-पीड़ितों का विलाप दोनों मिश्रित थे।