वीरभद्र-विष्णु का तारक से घोर युद्ध

श्लोक 1 (shiva.rudra.127.1)

ब्रह्मोवाच देवदेव गुह स्वामिन् शाङ्करे पार्वतीसुत । न शोभते रणो विष्णुतारकासुरयोर्वृथा

brahmovāca devadeva guha svāmin śāṅkare pārvatīsuta na śobhate raṇo viṣṇutārakāsurayorvṛthā

ब्रह्मा जी ने कहा — हे देवाधिदेव, हे गुह, हे स्वामिन्, हे शंकर के पार्वती-पुत्र! विष्णु और तारकासुर के बीच यह युद्ध व्यर्थ ही चल रहा है, यह शोभा नहीं देता।

श्लोक 2 (shiva.rudra.127.2)

विष्णुना न हि वध्योऽसौ तारको बलवानति । मया दत्तवरस्तस्मात्सत्यं सत्यं वदाम्यहम्

viṣṇunā na hi vadhyo'sau tārako balavānati mayā dattavarastasmātsatyaṁ satyaṁ vadāmyaham

वह अत्यंत बलवान तारक विष्णु के हाथों वध्य नहीं है, क्योंकि मैंने ही उसे यह वर दिया है। इसलिए मैं सत्य ही, सत्य ही कहता हूँ।

श्लोक 3 (shiva.rudra.127.3)

नान्यो हन्तास्य पापस्य त्वां विना पार्वतीसुत । तस्मात्त्वया हि कर्तव्यं वचनं मे महाप्रभो

nānyo hantāsya pāpasya tvāṁ vinā pārvatīsuta tasmāttvayā hi kartavyaṁ vacanaṁ me mahāprabho

हे पार्वतीपुत्र, तुम्हारे अतिरिक्त इस पापी का कोई अन्य वधकर्ता नहीं है। इसलिए हे महाप्रभो, मेरा यह वचन तुम्हें ही पूर्ण करना होगा।

श्लोक 4 (shiva.rudra.127.4)

सन्नद्धो भव दैत्यस्य वधायाशु परन्तप । तद्वधार्थं समुत्पन्नः शङ्करात्त्वं शिवासुत

sannaddho bhava daityasya vadhāyāśu parantapa tadvadhārthaṁ samutpannaḥ śaṅkarāttvaṁ śivāsuta

हे परंतप, इस दैत्य के शीघ्र वध हेतु सन्नद्ध हो जाओ। हे शिवासुत, तुम शंकर से उसी के वध के लिए उत्पन्न हुए हो।

श्लोक 5 (shiva.rudra.127.5)

रक्ष रक्ष महावीर त्रिदशान् व्यथितान् रणे । न बालस्त्वं युवा नैव किं तु सर्वेश्वरः प्रभुः

rakṣa rakṣa mahāvīra tridaśān vyathitān raṇe na bālastvaṁ yuvā naiva kiṁ tu sarveśvaraḥ prabhuḥ

हे महावीर, रण में व्यथित देवों की रक्षा करो, रक्षा करो। तुम न बालक हो, न ही केवल युवा -- तुम तो सबके स्वामी, सर्वेश्वर हो।

श्लोक 6 (shiva.rudra.127.6)

शक्रं पश्य तथा विष्णुं व्याकुलं च सुरान् गणान् । एनं जहि महादैत्यं त्रैलोक्यं सुखितं कुरु

śakraṁ paśya tathā viṣṇuṁ vyākulaṁ ca surān gaṇān enaṁ jahi mahādaityaṁ trailokyaṁ sukhitaṁ kuru

इंद्र को देखो, विष्णु को देखो, और व्याकुल देवगणों को देखो। इस महादैत्य का वध करो और तीनों लोकों को सुखी करो।

श्लोक 7 (shiva.rudra.127.7)

अनेन विजितश्चेन्द्रो लोकपालैः पुरा सह । विष्णुश्चापि महावीरो तर्जितस्तपसो बलात्

anena vijitaścendro lokapālaiḥ purā saha viṣṇuścāpi mahāvīro tarjitastapaso balāt

इसी दैत्य ने पूर्वकाल में लोकपालों सहित इंद्र को जीत लिया था, और महावीर विष्णु को भी अपने तप के बल से पराजित कर दिखाया था।

श्लोक 8 (shiva.rudra.127.8)

त्रैलोक्यं निर्जितं सर्वमसुरेण दुरात्मना । इदानीं तव सान्निध्यात्पुनर्युद्धं कृतं च तैः

trailokyaṁ nirjitaṁ sarvamasureṇa durātmanā idānīṁ tava sānnidhyātpunaryuddhaṁ kṛtaṁ ca taiḥ

उस दुरात्मा असुर द्वारा सम्पूर्ण त्रिलोक जीत लिया गया था। अब केवल तुम्हारी समीपता के कारण ही उन्होंने पुनः युद्ध करने का साहस किया है।

श्लोक 9 (shiva.rudra.127.9)

तस्मात्त्वया निहन्तव्यस्तारकः पापपूरुषः । अन्यवध्यो न चैवायं मद्वराच्छङ्करात्मज

tasmāttvayā nihantavyastārakaḥ pāpapūruṣaḥ anyavadhyo na caivāyaṁ madvarācchaṅkarātmaja

इसलिए हे शंकरात्मज, उस पापी तारक का वध तुम्हारे ही द्वारा होना है। मेरे वरदान के कारण वह किसी अन्य के हाथों वध्य नहीं है।

श्लोक 10 (shiva.rudra.127.10)

इति श्रुत्वा मम वचः कुमारः शङ्करात्मजः । विजहास प्रसन्नात्मा तथास्त्विति वचोऽब्रवीत्

iti śrutvā mama vacaḥ kumāraḥ śaṅkarātmajaḥ vijahāsa prasannātmā tathāstviti vaco'bravīt

मेरे इन वचनों को सुनकर शंकरात्मज कुमार प्रसन्नचित्त होकर हँसे और बोले -- 'ऐसा ही होगा।'

श्लोक 11 (shiva.rudra.127.11)

विनिश्चित्यासुरवधं शाङ्करिःस महाप्रभुः । विमानादवतीर्याथ पदातिरभवत्तदा

viniścityāsuravadhaṁ śāṅkariḥsa mahāprabhuḥ vimānādavatīryātha padātirabhavattadā

असुर-वध का निश्चय करके वे महाप्रभु शांकरि (शंकर-पुत्र) अपने विमान से उतरकर उसी क्षण पैदल योद्धा बन गए।

श्लोक 12 (shiva.rudra.127.12)

पद्भ्यां तदासौ परिधावमानो रेजेऽतिवीरः शिवजः कुमारः । करे समादाय महाप्रभां तां शक्तिं महोल्कामिव दीप्तिदीप्ताम्

padbhyāṁ tadāsau paridhāvamāno reje'tivīraḥ śivajaḥ kumāraḥ kare samādāya mahāprabhāṁ tāṁ śaktiṁ maholkāmiva dīptidīptām

अपने ही पैरों से दौड़ते हुए, शिवपुत्र अतिवीर कुमार अत्यंत शोभायमान हो रहे थे, हाथ में उस महाप्रभावशाली, महाउल्का के समान देदीप्यमान शक्ति को धारण किए हुए।

श्लोक 13 (shiva.rudra.127.13)

दृष्ट्वा तमायान्तमतिप्रचण्ड- मव्याकुलं षण्मुखमप्रमेयम् । दैत्यो बभाषे सुरसत्तमान्स कुमार एष द्विषतां प्रहन्ता

dṛṣṭvā tamāyāntamatipracaṇḍa- mavyākulaṁ ṣaṇmukhamaprameyam daityo babhāṣe surasattamānsa kumāra eṣa dviṣatāṁ prahantā

उस अत्यंत प्रचण्ड, अव्याकुल, छहमुख वाले, अप्रमेय कुमार को आते देखकर दैत्य ने श्रेष्ठ देवताओं से कहा -- 'यही वह कुमार है, शत्रुओं का संहारक।'

श्लोक 14 (shiva.rudra.127.14)

अनेन साकं ह्यहमेकवीरो योत्स्ये च सर्वानहमेव वीरान् । गणांश्च सर्वानपि घातयामि सलोकपालान् हरिनायकांश्च

anena sākaṁ hyahamekavīro yotsye ca sarvānahameva vīrān gaṇāṁśca sarvānapi ghātayāmi salokapālān harināyakāṁśca

इसी के साथ मैं अकेला ही, एक वीर होकर युद्ध करूँगा, और मैं ही सब वीरों को, लोकपालों और विष्णु-नायक सहित सम्पूर्ण गणों को भी मार डालूँगा।

श्लोक 15 (shiva.rudra.127.15)

इत्येवमुक्त्वा स तदा महाबलः कुमारमुद्दिश्य ययौ च योद्धुम् । जग्राह शक्तिं परमाद्भुतां च स तारको देववरान् बभाषे

ityevamuktvā sa tadā mahābalaḥ kumāramuddiśya yayau ca yoddhum jagrāha śaktiṁ paramādbhutāṁ ca sa tārako devavarān babhāṣe

ऐसा कहकर वह महाबली कुमार की ओर उन्मुख होकर युद्ध हेतु चला, और उस परम अद्भुत शक्ति को उठाकर तारक ने श्रेष्ठ देवताओं से कहा।

श्लोक 16 (shiva.rudra.127.16)

तारक उवाच कुमारो मेऽग्रतश्चाद्य भवद्भिश्च कथं कृतः । यूयं गतत्रपा देवा विशेषाच्छक्रकेशवौ

tāraka uvāca kumāro me'grataścādya bhavadbhiśca kathaṁ kṛtaḥ yūyaṁ gatatrapā devā viśeṣācchakrakeśavau

तारक ने कहा -- तुमने आज मेरे सामने इस कुमार को क्यों खड़ा किया है? हे देवगण, तुम सब निर्लज्ज हो, विशेषतः इंद्र और केशव (विष्णु)।

श्लोक 17 (shiva.rudra.127.17)

पुरैताभ्यां कृतं कर्म विरुद्धं वेदमार्गतः । तच्छृणुध्वं मया प्रोक्तं वर्णयामि विशेषतः

puraitābhyāṁ kṛtaṁ karma viruddhaṁ vedamārgataḥ tacchṛṇudhvaṁ mayā proktaṁ varṇayāmi viśeṣataḥ

इन दोनों ने पूर्वकाल में वेदमार्ग के विरुद्ध कर्म किए हैं। मेरे कहे हुए उसे सुनो, मैं विशेष रूप से वर्णन करता हूँ।

श्लोक 18 (shiva.rudra.127.18)

तत्र विष्णुश्छली दोषी ह्यविवेकी विशेषतः । बलिर्येन पुरा बद्धश्छलमाश्रित्य पापतः

tatra viṣṇuśchalī doṣī hyavivekī viśeṣataḥ baliryena purā baddhaśchalamāśritya pāpataḥ

उनमें विष्णु छली और दोषी है, विशेषतः अविवेकी भी। उसी ने पूर्वकाल में छल का सहारा लेकर पापपूर्वक बलि को बाँधा था।

श्लोक 19 (shiva.rudra.127.19)

तेनैव यत्नतः पूर्वमसुरौ मधुकैटभौ । शिरोहीनौ कृतौ धौर्त्याद्वेदमार्गो विवर्जितः

tenaiva yatnataḥ pūrvamasurau madhukaiṭabhau śirohīnau kṛtau dhaurtyādvedamārgo vivarjitaḥ

उसी ने पूर्वकाल में जान-बूझकर, धूर्ततापूर्वक मधु और कैटभ दोनों असुरों को शिरहीन कर दिया, और वेदमार्ग का त्याग कर दिया।

श्लोक 20 (shiva.rudra.127.20)

मोहिनीरूपतोऽनेन पङ्क्तिभेदः कृतो हि वै । देवासुरसुधापाने वेदमार्गो विगर्हितः

mohinīrūpato'nena paṅktibhedaḥ kṛto hi vai devāsurasudhāpāne vedamārgo vigarhitaḥ

मोहिनी का रूप धारण कर उसी ने देव-असुरों के अमृतपान में पंक्तिभेद (कतार तोड़ने का छल) किया, जिससे वेदमार्ग निंदित हुआ।

श्लोक 21 (shiva.rudra.127.21)

रामो भूत्वा हता नारी वाली विध्वंसितो हि सः । पुनर्वैश्रवणो विप्रो हतो नीतिर्हता श्रुतेः

rāmo bhūtvā hatā nārī vālī vidhvaṁsito hi saḥ punarvaiśravaṇo vipro hato nītirhatā śruteḥ

राम बनकर उसने एक स्त्री का वध किया और वाली का विध्वंस किया। फिर विप्र वैश्रवण (रावण) को मारकर श्रुति की नीति को भी नष्ट किया।

श्लोक 22 (shiva.rudra.127.22)

पापं विना स्वकीया स्त्री त्यक्ता पापरतेन यत् । तत्रापि श्रुतिमार्गश्च ध्वंसितः स्वार्थहेतवे

pāpaṁ vinā svakīyā strī tyaktā pāparatena yat tatrāpi śrutimārgaśca dhvaṁsitaḥ svārthahetave

बिना किसी पाप के, पापरत उस विष्णु ने अपनी ही पत्नी का त्याग कर दिया -- वहाँ भी अपने स्वार्थ के लिए श्रुतिमार्ग को नष्ट किया गया।

श्लोक 23 (shiva.rudra.127.23)

स्वजनन्याः शिरश्छिन्नमवतारे रसाख्यके । गुरुपुत्रापमानश्च कृतोऽनेन दुरात्मना

svajananyāḥ śiraśchinnamavatāre rasākhyake guruputrāpamānaśca kṛto'nena durātmanā

रसाख्य (परशुराम) अवतार में उस दुरात्मा ने अपनी ही माता का सिर काट दिया, और गुरुपुत्र का भी अपमान किया।

श्लोक 24 (shiva.rudra.127.24)

कृष्णो भूत्वान्यनार्यश्च दूषिताः कुलधर्मतः । श्रुतिमार्गं परित्यज्य स्वविवाहाः कृतास्तथा

kṛṣṇo bhūtvānyanāryaśca dūṣitāḥ kuladharmataḥ śrutimārgaṁ parityajya svavivāhāḥ kṛtāstathā

कृष्ण बनकर उसने कुलधर्म के विरुद्ध अन्य अनेक अनार्य स्त्रियों को दूषित किया, और श्रुतिमार्ग को त्यागकर अपनी इच्छानुसार विवाह किए।

श्लोक 25 (shiva.rudra.127.25)

पुनश्च वेदमार्गो हि निन्दितो नवमे भवे । स्थापितं नास्तिकमतं वेदमार्गविरोधकृत्

punaśca vedamārgo hi nindito navame bhave sthāpitaṁ nāstikamataṁ vedamārgavirodhakṛt

और फिर उसके नवें अवतार में वेदमार्ग की निंदा की गई, तथा वेदमार्ग का विरोध करने वाला एक नास्तिक मत स्थापित किया गया।

श्लोक 26 (shiva.rudra.127.26)

एवं येन कृतं पापं वेदमार्गं विसृज्य वै । स कथं विजयेद्युद्धे भवेद्धर्मवतां वरः

evaṁ yena kṛtaṁ pāpaṁ vedamārgaṁ visṛjya vai sa kathaṁ vijayedyuddhe bhaveddharmavatāṁ varaḥ

इस प्रकार जिसने वेदमार्ग को त्यागकर इतने पाप किए हैं, वह युद्ध में विजयी कैसे हो सकता है, धर्मात्माओं में श्रेष्ठ कैसे कहलाएगा?

श्लोक 27 (shiva.rudra.127.27)

भ्राता ज्येष्ठश्च यस्तस्य शक्रः पापी महान्मतः । तेन पापान्यनेकानि कृतानि निजहेतुतः

bhrātā jyeṣṭhaśca yastasya śakraḥ pāpī mahānmataḥ tena pāpānyanekāni kṛtāni nijahetutaḥ

और जो इसका ज्येष्ठ भ्राता माना जाता है, वह इंद्र भी महापापी है -- उसने भी अपने स्वार्थ के कारण अनेक पाप किए हैं।

श्लोक 28 (shiva.rudra.127.28)

निकृत्तो हि दितेर्गर्भः स्वार्थ हेतोर्विशेषतः । धर्षिता गौतमस्त्री वै हतो वृत्रश्च विप्रजः

nikṛtto hi ditergarbhaḥ svārtha hetorviśeṣataḥ dharṣitā gautamastrī vai hato vṛtraśca viprajaḥ

उसी ने अपने स्वार्थ के लिए दिति के गर्भ को विशेष रूप से काट डाला, गौतम की पत्नी का धर्षण किया, और विप्रवंशी वृत्र का वध किया।

श्लोक 29 (shiva.rudra.127.29)

विश्वरूपद्विजातेर्वै भागिनेयस्य यद्गुरोः । निकृत्तानि च शीर्षाणि तदध्वाध्वंसितः श्रुतेः

viśvarūpadvijātervai bhāgineyasya yadguroḥ nikṛttāni ca śīrṣāṇi tadadhvādhvaṁsitaḥ śruteḥ

अपने ही भानजे और गुरु, द्विज विश्वरूप के शिरों को भी उसी ने काट डाला -- उसी मार्ग से श्रुति का ध्वंस हुआ।

श्लोक 30 (shiva.rudra.127.30)

कृत्वा बहूनि पापानि हरिः शक्रः पुनःपुनः । तेजोभिर्विहतावेव नष्टवीर्यौ विशेषतः

kṛtvā bahūni pāpāni hariḥ śakraḥ punaḥpunaḥ tejobhirvihatāveva naṣṭavīryau viśeṣataḥ

इस प्रकार बार-बार अनेक पाप करके हरि और इंद्र दोनों ही अब मेरे तेज से पराभूत हो चुके हैं, उनका पराक्रम विशेष रूप से नष्ट हो चुका है।

श्लोक 31 (shiva.rudra.127.31)

तयोर्बलेन नो यूयं सङ्ग्रामे जयमाप्स्यथ । किमर्थं मूढतां प्राप्य प्राणांस्त्यक्तुमिहागताः

tayorbalena no yūyaṁ saṅgrāme jayamāpsyatha kimarthaṁ mūḍhatāṁ prāpya prāṇāṁstyaktumihāgatāḥ

उन दोनों के बल से तुम लोग इस संग्राम में विजय नहीं पाओगे। मूढ़ता को प्राप्त होकर तुम किसलिए यहाँ प्राण त्यागने आए हो?

श्लोक 32 (shiva.rudra.127.32)

जानन्तौ धर्ममेतौ न स्वार्थलम्पटमानसौ । धर्मं विनाऽमराः कृत्यं निष्फलं सकलं भवेत्

jānantau dharmametau na svārthalampaṭamānasau dharmaṁ vinā'marāḥ kṛtyaṁ niṣphalaṁ sakalaṁ bhavet

ये दोनों धर्म को नहीं जानते, इनके मन स्वार्थ में लिप्त हैं। हे देवगण, धर्म के बिना किया गया सम्पूर्ण कर्म निष्फल ही होता है।

श्लोक 33 (shiva.rudra.127.33)

महाधृष्टाविमौ मेऽद्य कृतवन्तौ पुरश्शिशुम् । अहं बालं वधिष्यामि तयोः सोऽपि भविष्यति

mahādhṛṣṭāvimau me'dya kṛtavantau puraśśiśum ahaṁ bālaṁ vadhiṣyāmi tayoḥ so'pi bhaviṣyati

इन महाधृष्टों ने आज मेरे सामने एक बालक को खड़ा कर दिया है। मैं इस बालक का वध करूँगा, और यही गति इन दोनों की भी होगी।

श्लोक 34 (shiva.rudra.127.34)

किं तु बाल इतो यायाद् दूरं प्राणपरीप्सया । इत्युक्त्वोद्दिश्य च हरी वीरभद्रमुवाच सः

kiṁ tu bāla ito yāyād dūraṁ prāṇaparīpsayā ityuktvoddiśya ca harī vīrabhadramuvāca saḥ

किंतु यदि यह बालक प्राणों की रक्षा चाहता है तो यहाँ से दूर चला जाए -- ऐसा कहकर, हरि की ओर इंगित करते हुए, वह वीरभद्र से बोला।

श्लोक 35 (shiva.rudra.127.35)

पुरा हतास्त्वया विप्रा दक्षयज्ञे ह्यनेकशः । तत्कर्मणः फलं चाद्य दर्शयिष्यामि तेऽनघ

purā hatāstvayā viprā dakṣayajñe hyanekaśaḥ tatkarmaṇaḥ phalaṁ cādya darśayiṣyāmi te'nagha

हे निष्पाप, पूर्वकाल में दक्ष के यज्ञ में तुमने अनेक ब्राह्मणों का वध किया था -- उसी कर्म का फल आज मैं तुम्हें दिखाऊँगा।

श्लोक 36 (shiva.rudra.127.36)

ब्रह्मोवाच इत्येवमुक्त्वा तु विधूय पुण्यं निजं स तन्निन्दनकर्मणा वै । जग्राह शक्तिं परमाद्भुतां च स तारको युद्धवतां वरिष्ठः

brahmovāca ityevamuktvā tu vidhūya puṇyaṁ nijaṁ sa tannindanakarmaṇā vai jagrāha śaktiṁ paramādbhutāṁ ca sa tārako yuddhavatāṁ variṣṭhaḥ

ब्रह्मा जी ने कहा -- इस प्रकार निंदा के कर्म से अपने ही पुण्य को झाड़कर, युद्धवीरों में श्रेष्ठ तारक ने उस परम अद्भुत शक्ति को उठा लिया।

श्लोक 37 (shiva.rudra.127.37)

तं बालान्तिकमायान्तं तारकासुरमोजसा । आजघान च वज्रेण शक्रो गुहपुरस्सरः

taṁ bālāntikamāyāntaṁ tārakāsuramojasā ājaghāna ca vajreṇa śakro guhapurassaraḥ

बालक की ओर पूरे बल से बढ़ते हुए उस तारकासुर को, गुह को आगे किए हुए इंद्र ने अपने वज्र से प्रहार किया।

श्लोक 38 (shiva.rudra.127.38)

तेन वज्रप्रहारेण तारको जर्जरीकृतः । भूमौ पपात सहसा निन्दाहतबलः क्षणम्

tena vajraprahāreṇa tārako jarjarīkṛtaḥ bhūmau papāta sahasā nindāhatabalaḥ kṣaṇam

उस वज्र-प्रहार से तारक चूर-चूर हो गया और क्षणभर के लिए उसका बल कुंठित होकर सहसा भूमि पर गिर पड़ा।

श्लोक 39 (shiva.rudra.127.39)

पतितोऽपि समुत्थाय शक्त्या तं प्राहरद्रुषा । पुरन्दरं गजस्थं हि पातयामास भूतले

patito'pi samutthāya śaktyā taṁ prāharadruṣā purandaraṁ gajasthaṁ hi pātayāmāsa bhūtale

गिरकर भी वह उठ खड़ा हुआ और क्रोधपूर्वक अपनी शक्ति से गजारूढ़ पुरंदर (इंद्र) पर प्रहार कर उसे धरती पर गिरा दिया।

श्लोक 40 (shiva.rudra.127.40)

हाहाकारो महानासीत्पतिते च पुरन्दरे । सेनायां निर्जराणां हि तद् दृष्ट्वा क्लेश आविशत्

hāhākāro mahānāsītpatite ca purandare senāyāṁ nirjarāṇāṁ hi tad dṛṣṭvā kleśa āviśat

पुरंदर के गिरने पर बड़ा हाहाकार मच गया, और यह देखकर अमरगणों की सेना में क्लेश छा गया।

श्लोक 41 (shiva.rudra.127.41)

तारकेणाऽपि तत्रैव यत्कृतं कर्म दुःखदम् । स्वनाशकारणं धर्मविरुद्धं तन्निबोध मे

tārakeṇā'pi tatraiva yatkṛtaṁ karma duḥkhadam svanāśakāraṇaṁ dharmaviruddhaṁ tannibodha me

अब तारक ने वहीं जो दुःखदायक कर्म किया, जो उसके अपने ही विनाश का कारण बना और धर्म के विरुद्ध था, वह मुझसे सुनो।

श्लोक 42 (shiva.rudra.127.42)

पतितं च पदाक्रम्य हस्ताद्वज्रं प्रगृह्य वै । पुनरुद्वज्रघातेन शक्रमाताडयद्भृशम्

patitaṁ ca padākramya hastādvajraṁ pragṛhya vai punarudvajraghātena śakramātāḍayadbhṛśam

गिरे हुए इंद्र को पैर से रौंदते हुए, उसके हाथ से वज्र छीनकर, उसी वज्र से उठाकर उसने इंद्र को पुनः बुरी तरह प्रहार किया।

श्लोक 43 (shiva.rudra.127.43)

एवं तिरस्कृतं दृष्ट्वा शक्रं विष्णुः प्रतापवान् । चक्रमुद्यस्य भगवांस्तारकं स जघान ह

evaṁ tiraskṛtaṁ dṛṣṭvā śakraṁ viṣṇuḥ pratāpavān cakramudyasya bhagavāṁstārakaṁ sa jaghāna ha

इंद्र को इस प्रकार तिरस्कृत देखकर प्रतापी विष्णु ने अपना चक्र उठाकर तारक पर प्रहार किया।

श्लोक 44 (shiva.rudra.127.44)

चक्रप्रहाराभिहतो निपपात क्षितौ हि सः । पुनरुत्थाय दैत्येन्द्रः शक्त्या विष्णुं जघान तम्

cakraprahārābhihato nipapāta kṣitau hi saḥ punarutthāya daityendraḥ śaktyā viṣṇuṁ jaghāna tam

चक्र के प्रहार से आहत होकर वह धरती पर गिर पड़ा, परंतु दैत्येंद्र पुनः उठकर अपनी शक्ति से विष्णु पर प्रहार कर बैठा।

श्लोक 45 (shiva.rudra.127.45)

तेन शक्तिप्रहारेण पतितो भुवि चाच्युतः । हाहाकरो महानासीच्चुक्रुशुश्चाऽतिनिर्जराः

tena śaktiprahāreṇa patito bhuvi cācyutaḥ hāhākaro mahānāsīccukruśuścā'tinirjarāḥ

उस शक्ति-प्रहार से अच्युत (विष्णु) भूमि पर गिर पड़े। बड़ा हाहाकार मच गया, और देवगण अत्यंत विलाप करने लगे।

श्लोक 46 (shiva.rudra.127.46)

निमेषेण पुनर्विष्णुर्यावदुत्तिष्ठते स्वयम् । तावत्स वीरभद्रो हि तत्क्षणादागतोऽसुरम्

nimeṣeṇa punarviṣṇuryāvaduttiṣṭhate svayam tāvatsa vīrabhadro hi tatkṣaṇādāgato'suram

क्षणभर में ही, जब विष्णु स्वयं पुनः उठ रहे थे, ठीक उसी समय वीरभद्र उस असुर के समीप आ पहुँचे।

श्लोक 47 (shiva.rudra.127.47)

त्रिशूलं च समुद्यम्य वीरभद्रः प्रतापवान् । तारकं दितिजाधीशं जघान प्रसभं बली

triśūlaṁ ca samudyamya vīrabhadraḥ pratāpavān tārakaṁ ditijādhīśaṁ jaghāna prasabhaṁ balī

त्रिशूल उठाकर प्रतापी और बलवान वीरभद्र ने दितिपुत्रों के स्वामी तारक पर बड़े वेग से प्रहार किया।

श्लोक 48 (shiva.rudra.127.48)

तत्त्रिशूलप्रहारेण स पपात क्षितौ तदा । पतितोऽपि महातेजास्तारकः पुनरुत्थितः

tattriśūlaprahāreṇa sa papāta kṣitau tadā patito'pi mahātejāstārakaḥ punarutthitaḥ

उस त्रिशूल-प्रहार से वह उसी क्षण धरती पर गिर पड़ा, परंतु महातेजस्वी तारक गिरकर भी पुनः उठ खड़ा हुआ।

श्लोक 49 (shiva.rudra.127.49)

कृत्वा क्रोधं महावीरःसकलासुरनायकः । जघान परया शक्त्या वीरभद्रं तदोरसि

kṛtvā krodhaṁ mahāvīraḥsakalāsuranāyakaḥ jaghāna parayā śaktyā vīrabhadraṁ tadorasi

क्रोधित होकर उस समस्त असुरों के नायक महावीर ने अपनी प्रबल शक्ति से वीरभद्र की छाती पर प्रहार किया।

श्लोक 50 (shiva.rudra.127.50)

वीरभद्रोऽपि पतितो भूतले मूर्छितः क्षणम् । तच्छक्त्या परया क्रोधान्निहतो वक्षसि ध्रुवम्

vīrabhadro'pi patito bhūtale mūrchitaḥ kṣaṇam tacchaktyā parayā krodhānnihato vakṣasi dhruvam

वीरभद्र भी उस प्रबल क्रोधपूर्ण शक्ति-प्रहार से छाती पर आहत होकर क्षणभर के लिए मूर्च्छित हो धरती पर गिर पड़े।

श्लोक 51 (shiva.rudra.127.51)

सगणाश्चैव देवास्ते गन्धर्वोरगराक्षसाः । हाहाकारेण महता चुक्रुशुश्च मुहुर्मुहुः

sagaṇāścaiva devāste gandharvoragarākṣasāḥ hāhākāreṇa mahatā cukruśuśca muhurmuhuḥ

गणों सहित देवगण, गंधर्व, नाग और राक्षस -- सभी बार-बार बड़े हाहाकार के साथ चीत्कार करने लगे।

श्लोक 52 (shiva.rudra.127.52)

निमेषमात्रात्सहसा महौजाः स्स वीरभद्रो द्विषतां निहन्ता । त्रिशूलमुद्यम्य तडित्प्रकाशं जाज्वल्यमानं प्रभया विरेजे

nimeṣamātrātsahasā mahaujāḥ ssa vīrabhadro dviṣatāṁ nihantā triśūlamudyamya taḍitprakāśaṁ jājvalyamānaṁ prabhayā vireje

पलक झपकते ही वह महातेजस्वी शत्रुसंहारक वीरभद्र पुनः उठ खड़े हुए, और त्रिशूल उठाकर बिजली के समान चमकते हुए अपने तेज से देदीप्यमान हो उठे।

श्लोक 53 (shiva.rudra.127.53)

स्वरोचिषा भासितदिग्वितानं सूर्येन्दुबिम्बाग्निसमानमण्डलम् । महाप्रभं वीरभयावहं परं कालाख्यमत्यन्तकरं महोज्ज्वलम्

svarociṣā bhāsitadigvitānaṁ sūryendubimbāgnisamānamaṇḍalam mahāprabhaṁ vīrabhayāvahaṁ paraṁ kālākhyamatyantakaraṁ mahojjvalam

अपने ही तेज से दिशाओं के आवरण को प्रकाशित करता हुआ, सूर्य-चंद्र और अग्नि के मंडल के समान वह त्रिशूल -- महाप्रभावशाली, वीरों के लिए भी भयावह, परम, कालरूप, सर्वसंहारक और महाउज्ज्वल था।

श्लोक 54 (shiva.rudra.127.54)

यावत्त्रिशूलेन तदा हन्तुकामो महाबलः । वीरभद्रोऽसुरं तावत्कुमारेण निवारितः

yāvattriśūlena tadā hantukāmo mahābalaḥ vīrabhadro'suraṁ tāvatkumāreṇa nivāritaḥ

परंतु जब वह महाबली वीरभद्र उसी त्रिशूल से उस असुर का वध करने को उद्यत हुए, तभी कुमार ने उन्हें रोक दिया।