देवस्तुति

श्लोक 1 (shiva.rudra.140.1)

व्यास उवाच । ब्रह्मपुत्र महाप्राज्ञ वद मे वदतां वर । ततः किमभवद्देवाः कथं च सुखिनोऽभवन्

vyāsa uvāca brahmaputra mahāprājña vada me vadatāṁ vara tataḥ kimabhavaddevāḥ kathaṁ ca sukhino'bhavan

व्यास ने कहा — हे ब्रह्मपुत्र, हे महाप्राज्ञ, हे वक्ताओं में श्रेष्ठ! मुझे बताइए — तब देवताओं का क्या हुआ, और वे किस प्रकार सुखी हुए?

श्लोक 2 (shiva.rudra.140.2)

ब्रह्मोवाच । इत्याकर्ण्य वचस्तस्य व्यासस्यामितधीमतः । सनत्कुमारः प्रोवाच स्मृत्वा शिवपदाम्बुजम्

brahmovāca ityākarṇya vacastasya vyāsasyāmitadhīmataḥ sanatkumāraḥ provāca smṛtvā śivapadāmbujam

ब्रह्मा जी ने कहा — अपार बुद्धिमान् व्यास के इस वचन को सुनकर, शिव के चरणकमल का स्मरण करते हुए सनत्कुमार ने कहा।

श्लोक 3 (shiva.rudra.140.3)

सनत्कुमार उवाच । अथ तत्प्रभया दग्धा देवा हीन्द्रादयस्तथा । सम्मन्त्र्य दुःखिताः सर्वे ब्रह्माणं शरणं ययुः

sanatkumāra uvāca atha tatprabhayā dagdhā devā hīndrādayastathā sammantrya duḥkhitāḥ sarve brahmāṇaṁ śaraṇaṁ yayuḥ

सनत्कुमार ने कहा — तब उस (त्रिपुर के) तेज से जले हुए इन्द्र आदि देवता, दुःखी होकर परस्पर मन्त्रणा कर सब ब्रह्मा की शरण में गए।

श्लोक 4 (shiva.rudra.140.4)

नत्वा पितामहं प्रीत्या परिक्षिप्याखिलाः सुराः । दुःखं विज्ञापयामासुर्विलोक्यावसरं ततः

natvā pitāmahaṁ prītyā parikṣipyākhilāḥ surāḥ duḥkhaṁ vijñāpayāmāsurvilokyāvasaraṁ tataḥ

प्रेमपूर्वक पितामह को प्रणाम कर सभी देवताओं ने उन्हें घेर लिया और उचित अवसर देखकर अपना दुःख निवेदित किया।

श्लोक 5 (shiva.rudra.140.5)

देवा ऊचुः । धातस्त्रिपुरनाथेन सतारकसुतेन हि । सर्वे प्रतापिता नूनं मयेन त्रिदिवौकसः

devā ūcuḥ dhātastripuranāthena satārakasutena hi sarve pratāpitā nūnaṁ mayena tridivaukasaḥ

देवताओं ने कहा — हे धाता! तारकपुत्रों सहित त्रिपुरनाथ और मय के द्वारा हम सब स्वर्गवासी निश्चय ही अत्यन्त संतप्त कर दिए गए हैं।

श्लोक 6 (shiva.rudra.140.6)

अतस्ते शरणं याता दुःखिता हि विधे वयम् । कुरु त्वं तद्वधोपायं सुखिनः स्याम तद्यथा

ataste śaraṇaṁ yātā duḥkhitā hi vidhe vayam kuru tvaṁ tadvadhopāyaṁ sukhinaḥ syāma tadyathā

अतः हे विधे! हम दुःखी होकर आपकी शरण में आए हैं। आप उनके वध का उपाय कीजिए, जिससे हम सुखी हो सकें।

श्लोक 7 (shiva.rudra.140.7)

सनत्कुमार उवाच । इति विज्ञापितो देवैर्विहस्य भवकृद्विधिः । प्रत्युवाचाथ तान्सर्वान्मयतो भीतमानसान्

sanatkumāra uvāca iti vijñāpito devairvihasya bhavakṛdvidhiḥ pratyuvācātha tānsarvānmayato bhītamānasān

सनत्कुमार ने कहा — देवताओं द्वारा इस प्रकार निवेदन किए जाने पर, सृष्टिकर्ता ब्रह्मा मुस्कराते हुए, मय के भय से भयभीत उन सभी देवताओं को उत्तर देने लगे।

श्लोक 8 (shiva.rudra.140.8)

ब्रह्मोवाच । न भेतव्यं सुरास्तेभ्यो दानवेभ्यो विशेषतः । आचक्षे तद्वधोपायं शिवं शर्वः करिष्यति

brahmovāca na bhetavyaṁ surāstebhyo dānavebhyo viśeṣataḥ ācakṣe tadvadhopāyaṁ śivaṁ śarvaḥ kariṣyati

ब्रह्मा जी ने कहा — हे देवताओ! उन दानवों से विशेष रूप से भयभीत होने की आवश्यकता नहीं है। मैं उनके वध का उपाय बताता हूँ — शिव, अर्थात् शर्व, उसे करेंगे।

श्लोक 9 (shiva.rudra.140.9)

मत्तो विवर्धितो दैत्यो वधं मत्तो न चार्हति । तथापि पुण्यं वर्द्धेत नगरे त्रिपुरे पुनः

matto vivardhito daityo vadhaṁ matto na cārhati tathāpi puṇyaṁ varddheta nagare tripure punaḥ

वह दैत्य मेरे ही वरदान से बढ़ा है, अतः वह मेरे हाथों वध के योग्य नहीं है; तथापि त्रिपुर नगर में पुण्य पुनः बढ़ता रहेगा।

श्लोक 10 (shiva.rudra.140.10)

शिवं च प्रार्थयध्वं वै सर्वे देवाः सवासवाः । सर्वाधीशः प्रसन्नश्चेत्स वः कार्यं करिष्यति

śivaṁ ca prārthayadhvaṁ vai sarve devāḥ savāsavāḥ sarvādhīśaḥ prasannaścetsa vaḥ kāryaṁ kariṣyati

अतः हे इन्द्र सहित सभी देवताओ! तुम सब शिव की प्रार्थना करो। यदि सर्वाधीश प्रसन्न हो जाएँ, तो वे तुम्हारा कार्य अवश्य पूर्ण करेंगे।

श्लोक 11 (shiva.rudra.140.11)

सनत्कुमार उवाच । इत्याकर्ण्य विधेर्वाणीं सर्वे देवाः सवासवाः । दुःखितास्ते ययुस्तत्र यत्रास्ते वृषभध्वजः

sanatkumāra uvāca ityākarṇya vidhervāṇīṁ sarve devāḥ savāsavāḥ duḥkhitāste yayustatra yatrāste vṛṣabhadhvajaḥ

सनत्कुमार ने कहा — ब्रह्मा की यह वाणी सुनकर इन्द्र सहित सभी देवता, अभी भी दुःखी होकर, वहाँ गए जहाँ वृषभध्वज शिव विराजमान थे।

श्लोक 12 (shiva.rudra.140.12)

प्रणम्य भक्त्या देवेशं सर्वे प्राञ्जलयस्तदा । तुष्टुवुर्विनतस्कन्धाः शङ्करं लोकशङ्करम्

praṇamya bhaktyā deveśaṁ sarve prāñjalayastadā tuṣṭuvurvinataskandhāḥ śaṅkaraṁ lokaśaṅkaram

भक्तिपूर्वक देवेश को प्रणाम कर सभी ने हाथ जोड़े, और झुके हुए कंधों से लोककल्याणकारी शंकर की स्तुति करने लगे।

श्लोक 13 (shiva.rudra.140.13)

देवा ऊचुः । नमो हिरण्यगर्भाय सर्वसृष्टिविधायिने । नमः स्थितिकृते तुभ्यं विष्णवे प्रभविष्णवे

devā ūcuḥ namo hiraṇyagarbhāya sarvasṛṣṭividhāyine namaḥ sthitikṛte tubhyaṁ viṣṇave prabhaviṣṇave

देवताओं ने कहा — समस्त सृष्टि के विधाता हिरण्यगर्भ रूप को नमस्कार; सबका पालन करने वाले, सर्वव्यापी विष्णु रूप को नमस्कार।

श्लोक 14 (shiva.rudra.140.14)

नमो हरस्वरूपाय भूतसंहारकारिणे । निर्गुणाय नमस्तुभ्यं शिवायामिततेजसे

namo harasvarūpāya bhūtasaṁhārakāriṇe nirguṇāya namastubhyaṁ śivāyāmitatejase

समस्त प्राणियों का संहार करने वाले हर-स्वरूप को नमस्कार; निर्गुण, अमित तेजस्वी शिव-स्वरूप को नमस्कार।

श्लोक 15 (shiva.rudra.140.15)

अवस्थारहितायाथ निर्विकाराय वर्चसे । महाभूतात्मभूताय निर्लिप्ताय महात्मने

avasthārahitāyātha nirvikārāya varcase mahābhūtātmabhūtāya nirliptāya mahātmane

समस्त अवस्थाओं से रहित, निर्विकार तेजस्वरूप, महाभूतों के आत्मस्वरूप, निर्लिप्त महात्मा को नमस्कार।

श्लोक 16 (shiva.rudra.140.16)

नमस्ते भूतपतये महाभारसहिष्णवे । तृष्णाहराय निर्वैराकृतये भूरितेजसे

namaste bhūtapataye mahābhārasahiṣṇave tṛṣṇāharāya nirvairākṛtaye bhūritejase

महाभार को सहन करने वाले भूतपति को नमस्कार; तृष्णा हरने वाले, वैरभाव से रहित, अत्यन्त तेजस्वी स्वरूप को नमस्कार।

श्लोक 17 (shiva.rudra.140.17)

महादैत्यमहारण्यनाशिने दाववह्नये । दैत्यद्रुमकुठाराय नमस्ते शूलपाणये

mahādaityamahāraṇyanāśine dāvavahnaye daityadrumakuṭhārāya namaste śūlapāṇaye

महादैत्यरूपी महावन को भस्म करने वाली दावाग्नि, दैत्यरूपी वृक्षों के लिए कुल्हाड़ी, हे शूलपाणि, आपको नमस्कार।

श्लोक 18 (shiva.rudra.140.18)

महादनुजनाशाय नमस्ते परमेश्वर । अम्बिकापतये तुभ्यं नमः सर्वास्त्रधारक

mahādanujanāśāya namaste parameśvara ambikāpataye tubhyaṁ namaḥ sarvāstradhāraka

हे परमेश्वर, महादानवों के नाशक को नमस्कार; हे अम्बिकापति, सर्वास्त्रधारी आपको नमस्कार।

श्लोक 19 (shiva.rudra.140.19)

नमस्ते पार्वतीनाथ परमात्मन्महेश्वर । नीलकण्ठाय रुद्राय नमस्ते रुद्ररूपिणे

namaste pārvatīnātha paramātmanmaheśvara nīlakaṇṭhāya rudrāya namaste rudrarūpiṇe

हे पार्वतीनाथ, परमात्मा महेश्वर, आपको नमस्कार; नीलकण्ठ रुद्र, रुद्ररूप को नमस्कार।

श्लोक 20 (shiva.rudra.140.20)

नमो वेदान्तवेद्याय मार्गातीताय ते नमः । नमो गुणस्वरूपाय गुणिने गुणवर्जिते

namo vedāntavedyāya mārgātītāya te namaḥ namo guṇasvarūpāya guṇine guṇavarjite

वेदान्त द्वारा जानने योग्य, समस्त मार्गों से परे आपको नमस्कार; गुणस्वरूप, गुणवान् होकर भी गुणों से रहित को नमस्कार।

श्लोक 21 (shiva.rudra.140.21)

महादेव नमस्तुभ्यं त्रिलोकीनन्दनाय च । प्रद्युम्नायानिरुद्धाय वासुदेवाय ते नमः

mahādeva namastubhyaṁ trilokīnandanāya ca pradyumnāyāniruddhāya vāsudevāya te namaḥ

हे महादेव, तीनों लोकों को आनन्दित करने वाले को नमस्कार; प्रद्युम्न, अनिरुद्ध और वासुदेव रूप आपको नमस्कार।

श्लोक 22 (shiva.rudra.140.22)

सङ्कर्षणाय देवाय नमस्ते कंसनाशिने । चाणूरमर्दिने तुभ्यं दामोदर विषादिने

saṅkarṣaṇāya devāya namaste kaṁsanāśine cāṇūramardine tubhyaṁ dāmodara viṣādine

संकर्षण देव, कंस के नाशक को नमस्कार; चाणूर को मर्दित करने वाले, हे दामोदर, विष पीने वाले आपको नमस्कार।

श्लोक 23 (shiva.rudra.140.23)

हृषीकेशाच्युत विभो मृड शङ्कर ते नमः । अधोक्षज गजाराते कामारे विषभक्षण

hṛṣīkeśācyuta vibho mṛḍa śaṅkara te namaḥ adhokṣaja gajārāte kāmāre viṣabhakṣaṇa

हे हृषीकेश, अच्युत, सर्वव्यापक, मृड, शंकर, आपको नमस्कार; हे अधोक्षज, गजासुर के शत्रु, कामदेव के शत्रु, विषभक्षी।

श्लोक 24 (shiva.rudra.140.24)

नारायणाय देवाय नारायणपराय च । नारायणस्वरूपाय नाराणयतनूद्भव

nārāyaṇāya devāya nārāyaṇaparāya ca nārāyaṇasvarūpāya nārāṇayatanūdbhava

नारायण देव को, नारायण से भी परे को, नारायण-स्वरूप को, और नारायण के शरीर से उत्पन्न होने वाले को नमस्कार।

श्लोक 25 (shiva.rudra.140.25)

नमस्ते सर्वरूपाय महानरकहारिणे । पापापहारिणे तुभ्यं नमो वृषभवाहन

namaste sarvarūpāya mahānarakahāriṇe pāpāpahāriṇe tubhyaṁ namo vṛṣabhavāhana

सर्वरूप, महानरक का हरण करने वाले को नमस्कार; पाप का नाश करने वाले, हे वृषभवाहन, आपको नमस्कार।

श्लोक 26 (shiva.rudra.140.26)

क्षणादिकालरूपाय स्वभक्तबलदायिने । नानारूपाय रूपाय दैत्यचक्रविमर्दिने

kṣaṇādikālarūpāya svabhaktabaladāyine nānārūpāya rūpāya daityacakravimardine

क्षण आदि कालरूप, अपने भक्तों को बल देने वाले, अनेक रूपधारी, दैत्यसमूह को कुचलने वाले को नमस्कार।

श्लोक 27 (shiva.rudra.140.27)

नमो ब्रह्मण्यदेवाय गोब्राह्मणहिताय च । सहस्रमूर्त्तये तुभ्यं सहस्रावयवाय च

namo brahmaṇyadevāya gobrāhmaṇahitāya ca sahasramūrttaye tubhyaṁ sahasrāvayavāya ca

गो-ब्राह्मणों के हितकारी, ब्रह्मण्यदेव को नमस्कार; सहस्र मूर्तियों और सहस्र अवयवों वाले आपको नमस्कार।

श्लोक 28 (shiva.rudra.140.28)

धर्मरूपाय सत्त्वाय नमः सत्त्वात्मने हर । वेदवेद्यस्वरूपाय नमो वेदप्रियाय च

dharmarūpāya sattvāya namaḥ sattvātmane hara vedavedyasvarūpāya namo vedapriyāya ca

हे हर! धर्मस्वरूप, सत्त्वस्वरूप, सत्त्वात्मा को नमस्कार; वेदों द्वारा जानने योग्य, वेदप्रिय स्वरूप को नमस्कार।

श्लोक 29 (shiva.rudra.140.29)

नमो वेदस्वरूपाय वेदवक्त्रे नमो नमः । सदाचाराध्वगम्याय सदाचाराध्वगामिने

namo vedasvarūpāya vedavaktre namo namaḥ sadācārādhvagamyāya sadācārādhvagāmine

वेदस्वरूप, वेद के मुखस्वरूप को बार-बार नमस्कार; सदाचार के मार्ग से ही प्राप्य, सदाचार के मार्ग पर चलने वाले को नमस्कार।

श्लोक 30 (shiva.rudra.140.30)

विष्टरश्रवसे तुभ्यं नमः सत्यमयाय च । सत्यप्रियाय सत्याय सत्यगम्याय ते नमः

viṣṭaraśravase tubhyaṁ namaḥ satyamayāya ca satyapriyāya satyāya satyagamyāya te namaḥ

विशाल कीर्ति वाले, सत्यमय आपको नमस्कार; सत्यप्रिय, सत्यस्वरूप, सत्य के द्वारा ही प्राप्य आपको नमस्कार।

श्लोक 31 (shiva.rudra.140.31)

नमस्ते मायिने तुभ्यं मायाधीशाय वै नमः । ब्रह्मगाय नमस्तुभ्यं ब्रह्मणे ब्रह्मजाय च

namaste māyine tubhyaṁ māyādhīśāya vai namaḥ brahmagāya namastubhyaṁ brahmaṇe brahmajāya ca

मायाधारी आपको नमस्कार, माया के अधीश्वर को नमस्कार; ब्रह्म में विचरण करने वाले, ब्रह्मस्वरूप, ब्रह्म से उत्पन्न होने वाले को नमस्कार।

श्लोक 32 (shiva.rudra.140.32)

तपसे ते नमस्त्वीश तपसा फलदायिने । स्तुत्याय स्तुतये नित्यं स्तुतिसम्प्रीतचेतसे

tapase te namastvīśa tapasā phaladāyine stutyāya stutaye nityaṁ stutisamprītacetase

हे ईश! तपस्वरूप, तप का फल देने वाले को नमस्कार; स्तुति के योग्य, स्तुति-स्वरूप, स्तुति से सदा प्रसन्न-चित्त को नमस्कार।

श्लोक 33 (shiva.rudra.140.33)

श्रुत्याचारप्रसन्नाय स्तुत्याचारप्रियाय च । चतुर्विधस्वरूपाय जलस्थलजरूपिणे

śrutyācāraprasannāya stutyācārapriyāya ca caturvidhasvarūpāya jalasthalajarūpiṇe

श्रुति के आचरण से प्रसन्न होने वाले, स्तुति के आचरण को प्रिय मानने वाले, चतुर्विध स्वरूप, जल और स्थल से उत्पन्न रूपों वाले को नमस्कार।

श्लोक 34 (shiva.rudra.140.34)

सर्वे देवादयो नाथ श्रेष्ठत्वेन विभूतयः । देवानामिन्द्ररूपोऽसि ग्रहाणां त्वं रविर्मतः

sarve devādayo nātha śreṣṭhatvena vibhūtayaḥ devānāmindrarūpo'si grahāṇāṁ tvaṁ ravirmataḥ

हे नाथ! सभी देवता आदि आपकी ही श्रेष्ठतम विभूतियाँ हैं; देवताओं में आप इन्द्ररूप हैं, ग्रहों में सूर्य माने गए हैं।

श्लोक 35 (shiva.rudra.140.35)

सत्यलोकोऽसि लोकानां सरितां द्युसरिद्भवान् । श्वेतवर्णोऽसि वर्णानां सरसां मानसं सरः

satyaloko'si lokānāṁ saritāṁ dyusaridbhavān śvetavarṇo'si varṇānāṁ sarasāṁ mānasaṁ saraḥ

लोकों में आप सत्यलोक हैं, नदियों में आकाशगंगा (गंगा) हैं; रंगों में श्वेत हैं, सरोवरों में मानसरोवर हैं।

श्लोक 36 (shiva.rudra.140.36)

शैलानां गिरिजातातः कामधुक्त्वं च गोषु ह । क्षीरोदधिस्तु सिन्धूनां धातूनां हाटको भवान्

śailānāṁ girijātātaḥ kāmadhuktvaṁ ca goṣu ha kṣīrodadhistu sindhūnāṁ dhātūnāṁ hāṭako bhavān

पर्वतों में गिरिजा के पिता हिमालय हैं, गायों में आप कामधेनु हैं; समुद्रों में क्षीरसागर हैं, धातुओं में स्वर्ण हैं।

श्लोक 37 (shiva.rudra.140.37)

वर्णानां ब्राह्मणोऽसि त्वं नृणां राजासि शङ्कर । मुक्तिक्षेत्रेषु काशी त्वं तीर्थानां तीर्थराड् भवान्

varṇānāṁ brāhmaṇo'si tvaṁ nṛṇāṁ rājāsi śaṅkara muktikṣetreṣu kāśī tvaṁ tīrthānāṁ tīrtharāḍ bhavān

वर्णों में ब्राह्मण हैं, हे शंकर! मनुष्यों में राजा हैं; मुक्तिक्षेत्रों में काशी हैं, तीर्थों में तीर्थराज हैं।

श्लोक 38 (shiva.rudra.140.38)

उपलेषु समस्तेषु स्फटिकस्त्वं महेश्वर । कमलस्त्वं प्रसूनेषु शैलेषु हिमवांस्तथा

upaleṣu samasteṣu sphaṭikastvaṁ maheśvara kamalastvaṁ prasūneṣu śaileṣu himavāṁstathā

हे महेश्वर! समस्त पत्थरों में स्फटिक हैं, फूलों में कमल हैं, पर्वतों में हिमालय हैं।

श्लोक 39 (shiva.rudra.140.39)

भवान्वाग्व्यवहारेषु भार्गवस्त्वं कविष्वपि । पक्षिष्वेवासि शरभः सिंहो हिंस्रेषु सम्मतः

bhavānvāgvyavahāreṣu bhārgavastvaṁ kaviṣvapi pakṣiṣvevāsi śarabhaḥ siṁho hiṁsreṣu sammataḥ

वाणी के व्यवहार में आप ही (शुक्राचार्य के समान बुद्धिमान), कवियों में भार्गव हैं; पक्षियों में शरभ हैं, हिंसक पशुओं में सिंह माने गए हैं।

श्लोक 40 (shiva.rudra.140.40)

शालग्रामशिला च त्वं शिलासु वृषभध्वज । पूज्यरूपेषु सर्वेषु नर्मदालिङ्गमेव हि

śālagrāmaśilā ca tvaṁ śilāsu vṛṣabhadhvaja pūjyarūpeṣu sarveṣu narmadāliṅgameva hi

हे वृषभध्वज! पत्थरों में शालग्राम शिला हैं; समस्त पूज्य रूपों में नर्मदा का लिंग ही हैं।

श्लोक 41 (shiva.rudra.140.41)

नन्दीश्वरोऽसि पशुषु वृषभः परमेश्वर । वेदेषूपनिषद्रूपी यज्वनां शीतभानुमान्

nandīśvaro'si paśuṣu vṛṣabhaḥ parameśvara vedeṣūpaniṣadrūpī yajvanāṁ śītabhānumān

हे परमेश्वर! पशुओं में नन्दीश्वर बैल हैं; वेदों में उपनिषद्-रूप हैं, यज्ञकर्ताओं में शीतल किरणों वाले चन्द्रमा हैं।

श्लोक 42 (shiva.rudra.140.42)

प्रतापिनां पावकस्त्वं शैवानामच्युतो भवान् । भारतं त्वं पुराणानां मकारोऽस्यक्षरेषु च

pratāpināṁ pāvakastvaṁ śaivānāmacyuto bhavān bhārataṁ tvaṁ purāṇānāṁ makāro'syakṣareṣu ca

प्रतापियों में अग्नि हैं, शैवों में अच्युत (विष्णु) हैं; पुराणों में महाभारत हैं, अक्षरों में 'म' कार हैं।

श्लोक 43 (shiva.rudra.140.43)

प्रणवो बीजमन्त्राणां दारुणानां विषं भवान् । व्योमव्याप्तिमतां त्वं वै परमात्मासि चात्मनाम्

praṇavo bījamantrāṇāṁ dāruṇānāṁ viṣaṁ bhavān vyomavyāptimatāṁ tvaṁ vai paramātmāsi cātmanām

बीजमन्त्रों में प्रणव (ॐ) हैं, भयंकर वस्तुओं में विष हैं; आकाश में व्याप्त रहने वालों में आकाश हैं, और आत्माओं में परमात्मा हैं।

श्लोक 44 (shiva.rudra.140.44)

इन्द्रियाणां मनश्च त्वं दानानामभयं भवान् । पावनानां जलं चासि जीवनानां तथामृतम्

indriyāṇāṁ manaśca tvaṁ dānānāmabhayaṁ bhavān pāvanānāṁ jalaṁ cāsi jīvanānāṁ tathāmṛtam

इन्द्रियों में मन हैं, दानों में अभयदान हैं; पवित्र करने वालों में जल हैं, जीवनदायी वस्तुओं में अमृत हैं।

श्लोक 45 (shiva.rudra.140.45)

लाभानां पुत्रलाभोऽसि वायुर्वेगवतामसि । नित्यकर्मसु सर्वेषु सन्ध्योपास्तिर्भवान्मतः

lābhānāṁ putralābho'si vāyurvegavatāmasi nityakarmasu sarveṣu sandhyopāstirbhavānmataḥ

लाभों में पुत्र-लाभ हैं, वेगवानों में वायु हैं; समस्त नित्यकर्मों में सन्ध्योपासना माने गए हैं।

श्लोक 46 (shiva.rudra.140.46)

क्रतूनामश्वमेधोऽसि युगानां प्रथमो युगः । पुष्यस्त्वं सर्वधिष्ण्यानाममावास्या तिथिष्वसि

kratūnāmaśvamedho'si yugānāṁ prathamo yugaḥ puṣyastvaṁ sarvadhiṣṇyānāmamāvāsyā tithiṣvasi

यज्ञों में अश्वमेध हैं, युगों में प्रथम (सत्य) युग हैं; नक्षत्रों में पुष्य हैं, तिथियों में अमावस्या हैं।

श्लोक 47 (shiva.rudra.140.47)

सर्वर्तुषु वसन्तस्त्वं सर्वपर्वसु सङ्क्रमः । कुशोऽसि तृणजातीनां स्थूलवृक्षेषु वै वटः

sarvartuṣu vasantastvaṁ sarvaparvasu saṅkramaḥ kuśo'si tṛṇajātīnāṁ sthūlavṛkṣeṣu vai vaṭaḥ

सभी ऋतुओं में वसन्त हैं, सभी पर्वों में संक्रान्ति हैं; तृणजातियों में कुश हैं, विशाल वृक्षों में वटवृक्ष हैं।

श्लोक 48 (shiva.rudra.140.48)

योगेषु च व्यतीपातःसोमवल्ली लतासु च । बुद्धीनां धर्मबुद्धिस्त्वं कलत्रं सुहृदां भवान्

yogeṣu ca vyatīpātaḥsomavallī latāsu ca buddhīnāṁ dharmabuddhistvaṁ kalatraṁ suhṛdāṁ bhavān

योगों में व्यतीपात हैं, लताओं में सोमलता हैं; बुद्धियों में धर्मबुद्धि हैं, मित्रों में अपनी पत्नी माने गए हैं।

श्लोक 49 (shiva.rudra.140.49)

साधकानां शुचीनां त्वं प्राणायामो महेश्वर । ज्योतिर्लिङ्गेषु सर्वेषु भवान् विश्वेश्वरो मतः

sādhakānāṁ śucīnāṁ tvaṁ prāṇāyāmo maheśvara jyotirliṅgeṣu sarveṣu bhavān viśveśvaro mataḥ

हे महेश्वर! पवित्र साधकों में प्राणायाम हैं; समस्त ज्योतिर्लिंगों में विश्वेश्वर माने गए हैं।

श्लोक 50 (shiva.rudra.140.50)

धर्मस्त्वं सर्वबन्धूनामाश्रमाणां परो भवान् । मोक्षस्त्वं सर्ववर्गेषु रुद्राणां नीललोहितः

dharmastvaṁ sarvabandhūnāmāśramāṇāṁ paro bhavān mokṣastvaṁ sarvavargeṣu rudrāṇāṁ nīlalohitaḥ

समस्त बन्धुओं में धर्म हैं, आश्रमों में सर्वश्रेष्ठ (संन्यास) हैं; पुरुषार्थों में मोक्ष हैं, रुद्रों में नीललोहित हैं।

श्लोक 51 (shiva.rudra.140.51)

आदित्यानां वासुदेवो हनूमान्वानरेषु च । यज्ञानां जपयज्ञोऽसि रामः शस्त्रभृतां भवान्

ādityānāṁ vāsudevo hanūmānvānareṣu ca yajñānāṁ japayajño'si rāmaḥ śastrabhṛtāṁ bhavān

आदित्यों में वासुदेव हैं, वानरों में हनुमान् हैं; यज्ञों में जपयज्ञ हैं, शस्त्रधारियों में राम हैं।

श्लोक 52 (shiva.rudra.140.52)

गन्धर्वाणां चित्ररथो वसूनां पावको ध्रुवम् । मासानामधिमासस्त्वं व्रतानां त्वं चतुर्दशी

gandharvāṇāṁ citraratho vasūnāṁ pāvako dhruvam māsānāmadhimāsastvaṁ vratānāṁ tvaṁ caturdaśī

गन्धर्वों में चित्ररथ हैं, वसुओं में निश्चय ही पावक (अग्नि) हैं; महीनों में अधिमास हैं, व्रतों में चतुर्दशी हैं।

श्लोक 53 (shiva.rudra.140.53)

ऐरावतो गजेन्द्राणां सिद्धानां कपिलो मतः । अनन्तस्त्वं हि नागानां पितॄणामर्यमा भवान्

airāvato gajendrāṇāṁ siddhānāṁ kapilo mataḥ anantastvaṁ hi nāgānāṁ pitṝṇāmaryamā bhavān

श्रेष्ठ हाथियों में ऐरावत हैं, सिद्धों में कपिल माने गए हैं; सर्पों में अनन्त हैं, पितरों में अर्यमा हैं।

श्लोक 54 (shiva.rudra.140.54)

कालः कलयतां च त्वं दैत्यानां बलिरेव च । किं बहूक्तेन देवेश सर्वं विष्टभ्य वै जगत्

kālaḥ kalayatāṁ ca tvaṁ daityānāṁ balireva ca kiṁ bahūktena deveśa sarvaṁ viṣṭabhya vai jagat

गणना करने वालों में काल हैं, दैत्यों में बलि ही हैं। हे देवेश! अधिक कहने से क्या — आप ही सम्पूर्ण जगत् को थामे हुए हैं।

श्लोक 55 (shiva.rudra.140.55)

एकांशेन स्थितस्त्वं हि बहिःस्थोऽन्वित एव च

ekāṁśena sthitastvaṁ hi bahiḥstho'nvita eva ca

आप एक अंश से ही सर्वत्र व्याप्त होकर स्थित हैं — बाहर भी स्थित हैं और भीतर भी अनुगत हैं।

श्लोक 56 (shiva.rudra.140.56)

सनत्कुमार उवाच । इति स्तुत्वा सुराः सर्वे महादेवं वृषध्वजम् । स्तोत्रैर्नानाविधैर्दिव्यैः शूलिनं परमेश्वरम्

sanatkumāra uvāca iti stutvā surāḥ sarve mahādevaṁ vṛṣadhvajam stotrairnānāvidhairdivyaiḥ śūlinaṁ parameśvaram

सनत्कुमार ने कहा — वृषभध्वज, शूलधारी परमेश्वर महादेव की इस प्रकार अनेक प्रकार की दिव्य स्तुतियों से स्तुति करके सभी देवता —

श्लोक 57 (shiva.rudra.140.57)

प्रत्यूचुः प्रस्तुतं दीनाः स्वार्थं स्वार्थविचक्षणाः । वासवाद्या नतस्कन्धाः कृताञ्जलिपुटा मुने

pratyūcuḥ prastutaṁ dīnāḥ svārthaṁ svārthavicakṣaṇāḥ vāsavādyā nataskandhāḥ kṛtāñjalipuṭā mune

— हे मुने! अपने प्रयोजन में कुशल किन्तु दीन बने हुए इन्द्र आदि देवता, झुके हुए कंधों और जुड़े हाथों के साथ अपनी बात कहने लगे।

श्लोक 58 (shiva.rudra.140.58)

देवा ऊचुः । पराजिता महादेव भ्रातृभ्यां सहितेन तु । भगवंस्तारकोत्पन्नैः सर्वे देवाः सवासवाः

devā ūcuḥ parājitā mahādeva bhrātṛbhyāṁ sahitena tu bhagavaṁstārakotpannaiḥ sarve devāḥ savāsavāḥ

देवताओं ने कहा — हे महादेव! हम इन्द्र सहित समस्त देवता, तारका से उत्पन्न, अपने भाइयों सहित उन दैत्यों द्वारा पराजित कर दिए गए हैं।

श्लोक 59 (shiva.rudra.140.59)

त्रैलोक्यं स्ववशं नीतं तथा च मुनिसत्तमाः । विध्वस्ताः सर्वसंसिद्धाः सर्वमुत्सादितं जगत्

trailokyaṁ svavaśaṁ nītaṁ tathā ca munisattamāḥ vidhvastāḥ sarvasaṁsiddhāḥ sarvamutsāditaṁ jagat

हे मुनिश्रेष्ठ! तीनों लोक उनके अधीन हो गए हैं, समस्त सिद्ध विनष्ट कर दिए गए हैं, और सारा जगत् उजाड़ दिया गया है।

श्लोक 60 (shiva.rudra.140.60)

यज्ञभागान्समग्राँस्तु स्वयं गृह्णाति दारुणः । प्रवर्तितो ह्यधर्मस्तैरृषीणां च निवारितः

yajñabhāgānsamagrā~stu svayaṁ gṛhṇāti dāruṇaḥ pravartito hyadharmastairṛṣīṇāṁ ca nivāritaḥ

वह भयंकर दैत्य स्वयं ही सम्पूर्ण यज्ञभाग ग्रहण करता है; उसने अधर्म फैला दिया है और ऋषियों को उनके कर्मों से रोक दिया है।

श्लोक 61 (shiva.rudra.140.61)

अवध्याः सर्वभूतानां नियतं तारकात्मजाः । तदिच्छया प्रकुर्वन्ति सर्वे कर्माणि शङ्कर

avadhyāḥ sarvabhūtānāṁ niyataṁ tārakātmajāḥ tadicchayā prakurvanti sarve karmāṇi śaṅkara

हे शंकर! तारकपुत्र निश्चय ही सभी प्राणियों के लिए अवध्य हैं, इसलिए वे अपनी इच्छानुसार जो चाहते हैं वही करते हैं।

श्लोक 62 (shiva.rudra.140.62)

यावन्न क्षीयते दैत्यैर्घोरैस्त्रिपुरवासिभिः । तावद्विधीयतां नीतिर्यया संरक्ष्यते जगत्

yāvanna kṣīyate daityairghoraistripuravāsibhiḥ tāvadvidhīyatāṁ nītiryayā saṁrakṣyate jagat

जब तक त्रिपुरवासी उन भयंकर दैत्यों का क्षय नहीं होता, तब तक ऐसी नीति बनाई जाए जिससे जगत् की रक्षा हो सके।

श्लोक 63 (shiva.rudra.140.63)

सनत्कुमार उवाच । इत्याकर्ण्य वचस्तेषामिन्द्रादीनां दिवौकसाम् । शिवः सम्भाषमाणानां प्रतिवाक्यमुवाच सः

sanatkumāra uvāca ityākarṇya vacasteṣāmindrādīnāṁ divaukasām śivaḥ sambhāṣamāṇānāṁ prativākyamuvāca saḥ

सनत्कुमार ने कहा — इन्द्र आदि स्वर्गवासियों के इन वचनों को सुनकर, शिव ने उनसे बातचीत करते हुए यह उत्तर दिया।