देवस्तुति

श्लोक 1 (shiva.rudra.145.1)

सनत्कुमार उवाच । एतच्छुत्वा तु सर्वेषां देवादीनां वचो हरः । अङ्गीचकार सुप्रीत्या शरण्यो भक्तवत्सलः

sanatkumāra uvāca etacchutvā tu sarveṣāṁ devādīnāṁ vaco haraḥ aṅgīcakāra suprītyā śaraṇyo bhaktavatsalaḥ

सनत्कुमार ने कहा — देवताओं आदि सबकी यह बात सुनकर, शरणागतवत्सल, भक्तवत्सल हर ने अत्यन्त प्रसन्नता से उसे स्वीकार कर लिया।

श्लोक 2 (shiva.rudra.145.2)

एतस्मिन्नन्तरे देवी पुत्राभ्यां संयुता शिवा । आजगाम मुने तत्र यत्र देवान्वितो हरः

etasminnantare devī putrābhyāṁ saṁyutā śivā ājagāma mune tatra yatra devānvito haraḥ

हे मुने! इसी बीच देवी शिवा (पार्वती) अपने दोनों पुत्रों सहित वहाँ आईं, जहाँ देवताओं से घिरे हर विराजमान थे।

श्लोक 3 (shiva.rudra.145.3)

अथागतां शिवां दृष्ट्वा सर्वे विष्ण्वादयो द्रुतम् । प्रणेमुरतिनम्रास्ते विस्मिता गतसम्भ्रमाः

athāgatāṁ śivāṁ dṛṣṭvā sarve viṣṇvādayo drutam praṇemuratinamrāste vismitā gatasambhramāḥ

देवी को आया देखकर विष्णु आदि सभी देवता शीघ्र अत्यन्त विनम्रता से प्रणाम करने लगे, आश्चर्यचकित होकर उनकी घबराहट भी शान्त हो गई।

श्लोक 4 (shiva.rudra.145.4)

प्रोचुर्जयेति सद्वाक्यं मुने सर्वे सुलक्षणम् । तूष्णीमासन्नजानन्तस्तदागमनकारणम्

procurjayeti sadvākyaṁ mune sarve sulakṣaṇam tūṣṇīmāsannajānantastadāgamanakāraṇam

हे मुने! सबने शुभ 'जय' का सुन्दर उद्घोष किया, फिर उसके आगमन का कारण न जानते हुए मौन हो गए।

श्लोक 5 (shiva.rudra.145.5)

अथ सर्वैः स्तुता देवैर्देव्यद्भुतकुतूहला । उवाच स्वामिनं प्रीत्या नानालीलाविशारदम्

atha sarvaiḥ stutā devairdevyadbhutakutūhalā uvāca svāminaṁ prītyā nānālīlāviśāradam

तब सभी देवताओं द्वारा स्तुत, अद्भुत कौतूहल से भरी देवी ने प्रेमपूर्वक नाना लीलाओं में निपुण अपने स्वामी से कहा।

श्लोक 6 (shiva.rudra.145.6)

देव्युवाच । क्रीडमानं विभो पश्य षण्मुखं रविसन्निभम् । पुत्रं पुत्रवतां श्रेष्ठ भूषितं भूषणैर्वरैः

devyuvāca krīḍamānaṁ vibho paśya ṣaṇmukhaṁ ravisannibham putraṁ putravatāṁ śreṣṭha bhūṣitaṁ bhūṣaṇairvaraiḥ

देवी ने कहा — हे विभो! देखिए, सूर्य के समान तेजस्वी, श्रेष्ठ आभूषणों से सुसज्जित यह षण्मुख पुत्र कैसे क्रीड़ा कर रहा है, हे पुत्रवानों में श्रेष्ठ!

श्लोक 7 (shiva.rudra.145.7)

सनत्कुमार उवाच इत्येवं लोकमात्रा च वाग्भिःसम्बोधितश्शिवः । न ययौ तृप्तिमीशानः पिबन् स्कन्दाननामृतम्

sanatkumāra uvāca ityevaṁ lokamātrā ca vāgbhiḥsambodhitaśśivaḥ na yayau tṛptimīśānaḥ piban skandānanāmṛtam

सनत्कुमार ने कहा — जगन्माता के इन वचनों से सम्बोधित होकर भी शिव तृप्त न हुए, मानो स्कन्द के मुख का अमृत पी रहे हों।

श्लोक 8 (shiva.rudra.145.8)

न सस्मारागतान् देवान् निजतेजोनिपीडितान् । स्कन्दमालिङ्ग्य चाघ्राय मुमोदाति महेश्वरः

na sasmārāgatān devān nijatejonipīḍitān skandamāliṅgya cāghrāya mumodāti maheśvaraḥ

उन्होंने अपने ही तेज से पीड़ित आए हुए देवताओं का स्मरण तक नहीं किया; स्कन्द का आलिंगन कर और उसे चूमकर महेश्वर अत्यन्त प्रसन्न हुए।

श्लोक 9 (shiva.rudra.145.9)

जगदम्बाथ तत्रैव सम्मन्त्र्य प्रभुणा च सा । स्थित्वा किञ्चित्समुत्तस्थौ नानालीलाविशारदा

jagadambātha tatraiva sammantrya prabhuṇā ca sā sthitvā kiñcitsamuttasthau nānālīlāviśāradā

फिर नाना लीलाओं में निपुण जगदम्बा वहीं अपने स्वामी से कुछ मन्त्रणा कर, कुछ देर ठहरकर उठ खड़ी हुईं।

श्लोक 10 (shiva.rudra.145.10)

ततः स नन्दी सह षण्मुखेन तया च सार्द्धं गिरिराजपुत्र्या । विवेश शम्भुर्भवनं सुलीलः सुरैः समस्तैरभिवन्द्यमानः

tataḥ sa nandī saha ṣaṇmukhena tayā ca sārddhaṁ girirājaputryā viveśa śambhurbhavanaṁ sulīlaḥ suraiḥ samastairabhivandyamānaḥ

तब लीलाशील शम्भु नन्दी, षण्मुख और गिरिराजपुत्री सहित, समस्त देवताओं द्वारा वन्दित होते हुए अपने भवन में प्रविष्ट हुए।

श्लोक 11 (shiva.rudra.145.11)

द्वारस्य पार्श्वतः तस्थुर्देवदेवस्य धीमतः । तेऽथ देवा महाव्यग्रा विमनस्का मुनेऽखिलाः

dvārasya pārśvataḥ tasthurdevadevasya dhīmataḥ te'tha devā mahāvyagrā vimanaskā mune'khilāḥ

वे सब बुद्धिमान् देवाधिदेव के द्वार के पास खड़े रहे; हे मुने! तब सभी देवता अत्यन्त व्याकुल और उदास हो गए।

श्लोक 12 (shiva.rudra.145.12)

किं कर्तव्यं क्व गन्तव्यं कः स्यादस्मत्सुखप्रदः । किं तु किन्त्विति सञ्जातं हा हताः स्मेति वादिनः

kiṁ kartavyaṁ kva gantavyaṁ kaḥ syādasmatsukhapradaḥ kiṁ tu kintviti sañjātaṁ hā hatāḥ smeti vādinaḥ

'क्या करना चाहिए, कहाँ जाना चाहिए, हमें सुख कौन देगा?' — 'किन्तु... किन्तु क्या' — इस प्रकार वे बड़बड़ाते हुए कहने लगे, 'हाय, हम नष्ट हो गए!'

श्लोक 13 (shiva.rudra.145.13)

अन्योन्यं प्रेक्ष्य शक्राद्या बभूवुश्चातिविह्वलाः । प्रोचुर्विकलवाक्यं ते धिक्कुर्वन्तो निजं विधिम्

anyonyaṁ prekṣya śakrādyā babhūvuścātivihvalāḥ procurvikalavākyaṁ te dhikkurvanto nijaṁ vidhim

एक-दूसरे को देखकर इन्द्र आदि अत्यन्त विह्वल हो उठे; वे अपने ही भाग्य को धिक्कारते हुए टूटी-फूटी बातें कहने लगे।

श्लोक 14 (shiva.rudra.145.14)

पापा वयमिहेत्यन्ये ह्यभाग्याश्चेति चापरे । ते भाग्यवन्तो दैत्येन्द्रा इति चान्येऽब्रुवन् सुराः

pāpā vayamihetyanye hyabhāgyāśceti cāpare te bhāgyavanto daityendrā iti cānye'bruvan surāḥ

'हम पापी हैं' — कुछ ने कहा; 'हम अभागे हैं' — दूसरों ने कहा; 'वे दैत्येन्द्र ही भाग्यशाली हैं' — कुछ और देवता कहने लगे।

श्लोक 15 (shiva.rudra.145.15)

तस्मिन्नेवान्तरे तेषां श्रुत्वा शब्दाननेकशः । कुम्भोदरो महातेजा दण्डेनाताडयत्सुरान्

tasminnevāntare teṣāṁ śrutvā śabdānanekaśaḥ kumbhodaro mahātejā daṇḍenātāḍayatsurān

उसी समय उनकी अनेक पुकारें सुनकर, महातेजस्वी कुम्भोदर ने देवताओं को अपने दण्ड से पीट डाला।

श्लोक 16 (shiva.rudra.145.16)

दुद्रुवुस्ते भयाविष्टा देवा हाहेति वादिनः । अपतन्मुनयश्चान्ये विह्वलत्वं बभूव ह

dudruvuste bhayāviṣṭā devā hāheti vādinaḥ apatanmunayaścānye vihvalatvaṁ babhūva ha

भय से आविष्ट देवता 'हाय-हाय' चिल्लाते हुए भागने लगे; अन्य मुनि भी गिर पड़े, चारों ओर घबराहट फैल गई।

श्लोक 17 (shiva.rudra.145.17)

इन्द्रस्तु विकलोऽतीव जानुभ्यामवनीं गतः । अन्ये देवर्षयोऽतीव विकलाः पतिता भुवि

indrastu vikalo'tīva jānubhyāmavanīṁ gataḥ anye devarṣayo'tīva vikalāḥ patitā bhuvi

इन्द्र अत्यन्त विकल होकर घुटनों के बल भूमि पर गिर पड़े; अन्य देवर्षि भी अत्यन्त विकल होकर पृथ्वी पर गिर पड़े।

श्लोक 18 (shiva.rudra.145.18)

सर्वे मिलित्वा मुनयः सुराश्च सममाकुलाः । सङ्गता विधिहर्योस्तु समीपं मित्रचेतसोः

sarve militvā munayaḥ surāśca samamākulāḥ saṅgatā vidhiharyostu samīpaṁ mitracetasoḥ

सभी मुनि और देवता समान रूप से आकुल होकर मिलकर, मित्रभाव रखने वाले विधाता और हरि के समीप एकत्र हुए।

श्लोक 19 (shiva.rudra.145.19)

अहो विधिबलं चैतन्मुनयः कश्यपादयः । वदन्ति स्म तदा सर्वे हरिं लोकभयापहम्

aho vidhibalaṁ caitanmunayaḥ kaśyapādayaḥ vadanti sma tadā sarve hariṁ lokabhayāpaham

'अहो! यह विधाता का ही बल है' — कश्यप आदि मुनि तब सब मिलकर लोक-भय-हारी हरि से यह कहने लगे।

श्लोक 20 (shiva.rudra.145.20)

अभाग्यान्न समाप्तं तु कार्यमित्यपरे द्विजाः । कस्माद्विघ्नमिदं जातमित्यन्ये ह्यतिविस्मिताः

abhāgyānna samāptaṁ tu kāryamityapare dvijāḥ kasmādvighnamidaṁ jātamityanye hyativismitāḥ

'हमारे दुर्भाग्य से ही यह कार्य पूर्ण नहीं हुआ' — कुछ द्विज कहने लगे; 'यह विघ्न किस कारण उत्पन्न हुआ' — अन्य अत्यन्त विस्मित होकर कहने लगे।

श्लोक 21 (shiva.rudra.145.21)

इत्येवं वचनं श्रुत्वा कश्यपाद्युदितं मुने । आश्वासयन्मुनीन्देवान् हरिर्वाक्यमुपाददे

ityevaṁ vacanaṁ śrutvā kaśyapādyuditaṁ mune āśvāsayanmunīndevān harirvākyamupādade

हे मुने! कश्यप आदि द्वारा कहे गए इन वचनों को सुनकर, मुनियों और देवताओं को आश्वस्त करते हुए हरि ने वाणी कही।

श्लोक 22 (shiva.rudra.145.22)

विष्णुरुवाच । हे देवा मुनयः सर्वे मद्वचः शृणुतादरात् । किमर्थं दुःखमापन्ना दुखं तु त्यजताखिलम्

viṣṇuruvāca he devā munayaḥ sarve madvacaḥ śṛṇutādarāt kimarthaṁ duḥkhamāpannā dukhaṁ tu tyajatākhilam

विष्णु ने कहा — हे देवताओ, हे मुनियो! तुम सब मेरी बात आदरपूर्वक सुनो — किसलिए दुःखी हुए हो? इस सम्पूर्ण दुःख को त्याग दो।

श्लोक 23 (shiva.rudra.145.23)

महदाराधनं देवा न सुसाध्यं विचार्यताम् । महदाराधने पूर्वं भवेद्दुःखमिति श्रुतम्

mahadārādhanaṁ devā na susādhyaṁ vicāryatām mahadārādhane pūrvaṁ bhavedduḥkhamiti śrutam

हे देवताओ! विचार करो कि महान् की आराधना सहज सिद्ध नहीं होती; ऐसा सुना गया है कि महान् की आराधना में पहले दुःख ही आता है।

श्लोक 24 (shiva.rudra.145.24)

विज्ञाय दृढतां देवाः प्रसन्नो भवति ध्रुवम्

vijñāya dṛḍhatāṁ devāḥ prasanno bhavati dhruvam

हे देवताओ! तुम्हारी दृढ़ता जानकर वे निश्चय ही प्रसन्न होंगे।

श्लोक 25 (shiva.rudra.145.25)

शिवः सर्वगणाध्यक्षः सहसा परमेश्वरः । विचार्यतां हृदा सर्वैः कथं वश्यो भवेदिति

śivaḥ sarvagaṇādhyakṣaḥ sahasā parameśvaraḥ vicāryatāṁ hṛdā sarvaiḥ kathaṁ vaśyo bhavediti

सभी गणों के अधिपति, सहसा प्रसन्न होने वाले परमेश्वर शिव को किस प्रकार वश में किया जाए — यह सबको हृदय से विचारना चाहिए।

श्लोक 26 (shiva.rudra.145.26)

प्रणवं पूर्वमुच्चार्य नमः पश्चादुदाहरेत् । शिवायेति ततः पश्चाच्छुभद्वयमतः परम्

praṇavaṁ pūrvamuccārya namaḥ paścādudāharet śivāyeti tataḥ paścācchubhadvayamataḥ param

पहले प्रणव (ॐ) का उच्चारण कर फिर 'नमः' कहना चाहिए; फिर उसके बाद 'शिवाय' — और उसके बाद फिर वही दो शुभ अक्षर।

श्लोक 27 (shiva.rudra.145.27)

कुरुद्वयं ततः प्रोक्तं शिवाय च ततः पुनः । नमश्च प्रणवश्चैव मन्त्रमेवं सदा बुधाः

kurudvayaṁ tataḥ proktaṁ śivāya ca tataḥ punaḥ namaśca praṇavaścaiva mantramevaṁ sadā budhāḥ

फिर 'कुरु' दो बार कहा जाए, जैसा बताया गया है, फिर पुनः 'शिवाय', फिर 'नमः' और फिर प्रणव — हे बुद्धिमानो! यह मन्त्र सदा इसी क्रम से जपा जाता है।

श्लोक 28 (shiva.rudra.145.28)

आवर्तध्वं पुनर्यूयं यदि शम्भुकृते तदा । कोटिमेकं तथा जप्त्वा शिवः कार्यं करिष्यति

āvartadhvaṁ punaryūyaṁ yadi śambhukṛte tadā koṭimekaṁ tathā japtvā śivaḥ kāryaṁ kariṣyati

इसे बार-बार आवर्तित करो; यदि शम्भु के लिए इस प्रकार एक करोड़ बार जप करोगे, तो शिव उस कार्य को सम्पन्न करेंगे।

श्लोक 29 (shiva.rudra.145.29)

इत्युक्ते च तदा तेन हरिणा प्रभविष्णुना । तथा देवाः पुनश्चक्रुर्हरस्याराधनं मुने

ityukte ca tadā tena hariṇā prabhaviṣṇunā tathā devāḥ punaścakrurharasyārādhanaṁ mune

हे मुने! प्रभावशाली हरि द्वारा यह कहे जाने पर, देवताओं ने फिर उसी प्रकार हर की आराधना की।

श्लोक 30 (shiva.rudra.145.30)

सञ्जजाप हरिश्चापि सविधिश्शिवमानसः । देवानां कार्यसिद्ध्यर्थं मुनीनां च विशेषतः

sañjajāpa hariścāpi savidhiśśivamānasaḥ devānāṁ kāryasiddhyarthaṁ munīnāṁ ca viśeṣataḥ

हरि और विधाता ने भी शिव में मन लगाकर उस मन्त्र का जप किया, देवताओं और विशेषतः मुनियों के कार्य की सिद्धि के लिए।

श्लोक 31 (shiva.rudra.145.31)

मुहुः शिवेति भाषन्तो देवा धैर्यसमन्विताः । कोटिसङ्ख्यं तदा कृत्वा स्थितास्ते मुनिसत्तम

muhuḥ śiveti bhāṣanto devā dhairyasamanvitāḥ koṭisaṅkhyaṁ tadā kṛtvā sthitāste munisattama

हे मुनिसत्तम! बार-बार 'शिव-शिव' कहते हुए, धैर्य से युक्त देवता एक करोड़ जप पूरा कर वहीं स्थित रहे।

श्लोक 32 (shiva.rudra.145.32)

एतस्मिन्नन्तरे साक्षाच्छिवः प्रादुरभूत्स्वयम् । यथोक्तेन स्वरूपेण वचनं चेदमब्रवीत्

etasminnantare sākṣācchivaḥ prādurabhūtsvayam yathoktena svarūpeṇa vacanaṁ cedamabravīt

इसी बीच स्वयं शिव साक्षात्, उसी वर्णित स्वरूप में प्रकट हुए और यह वचन बोले।

श्लोक 33 (shiva.rudra.145.33)

श्रीशिव उवाच । हे हरे हे विधे देवा मुनयश्च शुभव्रताः । प्रसन्नोऽस्मि वरं ब्रूत जपेनानेन चेप्सितम्

śrīśiva uvāca he hare he vidhe devā munayaśca śubhavratāḥ prasanno'smi varaṁ brūta japenānena cepsitam

श्रीशिव ने कहा — हे हरि, हे विधे, हे शुभव्रत देवताओ और मुनियो! मैं इस जप से प्रसन्न हूँ; जो चाहते हो वह वर माँगो।

श्लोक 34 (shiva.rudra.145.34)

देवा ऊचुः । यदि प्रसन्नो देवेश जगदीश्वर शङ्कर । सुरान् विज्ञाय विकलान् हन्यन्तां त्रिपुराणि च

devā ūcuḥ yadi prasanno deveśa jagadīśvara śaṅkara surān vijñāya vikalān hanyantāṁ tripurāṇi ca

देवताओं ने कहा — हे देवेश! हे जगदीश्वर! हे शंकर! यदि आप प्रसन्न हैं, तो देवताओं को विकल जानकर त्रिपुर के तीनों नगरों का वध कीजिए।

श्लोक 35 (shiva.rudra.145.35)

रक्षास्मान्परमेशान दीनबन्धो कृपाकर । त्वयैव रक्षिता देवाः सदापद्भ्यो मुहुर्मुहुः

rakṣāsmānparameśāna dīnabandho kṛpākara tvayaiva rakṣitā devāḥ sadāpadbhyo muhurmuhuḥ

हे परमेश! हे दीनबन्धु! हे कृपाकर! हमारी रक्षा कीजिए; देवता सदा आपके द्वारा ही बार-बार आपत्तियों से बचाए गए हैं।

श्लोक 36 (shiva.rudra.145.36)

सनत्कुमार उवाच । इत्युक्तं वचनं तेषां श्रुत्वा सहरिवेधसाम् । विहस्यान्तस्तदा ब्रह्मन्महेशः पुनरब्रवीत्

sanatkumāra uvāca ityuktaṁ vacanaṁ teṣāṁ śrutvā saharivedhasām vihasyāntastadā brahmanmaheśaḥ punarabravīt

सनत्कुमार ने कहा — हे ब्रह्मन्! हरि और विधाता सहित उनके इन वचनों को सुनकर, मन-ही-मन मुस्कराते हुए महेश ने पुनः कहा।

श्लोक 37 (shiva.rudra.145.37)

महेश उवाच । हे हरे हे विधे देवा मुनयश्चाखिला वचः । मदीयं शृणुतादृत्य नष्टं मत्वा पुरत्रयम्

maheśa uvāca he hare he vidhe devā munayaścākhilā vacaḥ madīyaṁ śṛṇutādṛtya naṣṭaṁ matvā puratrayam

महेश ने कहा — हे हरि, हे विधे, हे सम्पूर्ण देवताओ और मुनियो! मेरी बात आदरपूर्वक सुनो — तीनों नगरों को नष्ट हुआ ही समझो।

श्लोक 38 (shiva.rudra.145.38)

रथं च सारथिं दिव्यं कार्मुकं शरमुत्तमम् । पूर्वमङ्गीकृतं सर्वमुपपादयताचिरम्

rathaṁ ca sārathiṁ divyaṁ kārmukaṁ śaramuttamam pūrvamaṅgīkṛtaṁ sarvamupapādayatāciram

रथ, दिव्य सारथि, धनुष और उत्तम बाण — जो पहले स्वीकार किया गया था, वह सब शीघ्र प्रस्तुत करो।

श्लोक 39 (shiva.rudra.145.39)

हे विष्णो हे विधे त्वं हि त्रिलोकाधिपतिर्ध्रुवम् । सर्वसंराट्प्रकारं मे कर्तुमर्हसि यत्नतः

he viṣṇo he vidhe tvaṁ hi trilokādhipatirdhruvam sarvasaṁrāṭprakāraṁ me kartumarhasi yatnataḥ

हे विष्णु, हे विधे! तुम निश्चय ही त्रिलोक के अधिपति हो; तुम्हें प्रयत्नपूर्वक मेरे लिए सर्वसम्राट् के अनुरूप सब कुछ करना चाहिए।

श्लोक 40 (shiva.rudra.145.40)

नष्टं पुरत्रयं मत्वा देवसाहाय्यमित्युत । करिष्यथः प्रयत्नेनाधिकृतौ सर्गपालने

naṣṭaṁ puratrayaṁ matvā devasāhāyyamityuta kariṣyathaḥ prayatnenādhikṛtau sargapālane

तीनों नगरों को नष्ट हुआ मानकर, सृष्टि-पालन के अधिकारी तुम दोनों देवताओं की यह सहायता प्रयत्नपूर्वक करोगे।

श्लोक 41 (shiva.rudra.145.41)

अयं मन्त्रो महापुण्यो मत्प्रीतिजनकः शुभः । भुक्तिमुक्तिप्रदःसर्वकामदः शैवकावहः

ayaṁ mantro mahāpuṇyo matprītijanakaḥ śubhaḥ bhuktimuktipradaḥsarvakāmadaḥ śaivakāvahaḥ

यह मन्त्र अत्यन्त पुण्यकारी, मुझे प्रसन्न करने वाला और शुभ है; यह भोग और मोक्ष दोनों देने वाला, सभी कामनाएँ पूर्ण करने वाला तथा शिव-भक्ति लाने वाला है।

श्लोक 42 (shiva.rudra.145.42)

धन्यो यशस्य आयुष्यः स्वर्गकामार्थिनां नृणाम् । अपवर्गो ह्यकामानां मुक्तानां भुक्तिमुक्तिदः

dhanyo yaśasya āyuṣyaḥ svargakāmārthināṁ nṛṇām apavargo hyakāmānāṁ muktānāṁ bhuktimuktidaḥ

यह स्वर्गकामी मनुष्यों को धन, यश और आयु देने वाला है; निष्काम जनों को अपवर्ग (मोक्ष) और मुक्त पुरुषों को भोग-मोक्ष दोनों देने वाला है।

श्लोक 43 (shiva.rudra.145.43)

य इमं कीर्तयेन्मन्त्रं शुचिर्भूत्वा सदा नरः । शृणुयाच्छ्रावयेद्वापि सर्वान्कामानवाप्नुयात्

ya imaṁ kīrtayenmantraṁ śucirbhūtvā sadā naraḥ śṛṇuyācchrāvayedvāpi sarvānkāmānavāpnuyāt

जो मनुष्य पवित्र होकर सदा इस मन्त्र का कीर्तन करे, अथवा इसे सुने या सुनाए, वह सभी कामनाओं को प्राप्त करेगा।

श्लोक 44 (shiva.rudra.145.44)

सनत्कुमार उवाच । इति श्रुत्वा वचस्तस्य शिवस्य परमात्मनः । सर्वे देवा मुदं प्रापुर्हरिर्ब्रह्माधिकं तथा

sanatkumāra uvāca iti śrutvā vacastasya śivasya paramātmanaḥ sarve devā mudaṁ prāpurharirbrahmādhikaṁ tathā

सनत्कुमार ने कहा — परमात्मा शिव के इन वचनों को सुनकर सभी देवता आनन्दित हुए, और हरि तथा ब्रह्मा तो उससे भी अधिक।

श्लोक 45 (shiva.rudra.145.45)

सर्वदेवमयं दिव्यं रथं परमशोभनम् । रचयामास विश्वार्थे विश्वकर्मा तदाज्ञया

sarvadevamayaṁ divyaṁ rathaṁ paramaśobhanam racayāmāsa viśvārthe viśvakarmā tadājñayā

उसी आज्ञा से विश्वकर्मा ने विश्व के हित के लिए समस्त देवताओं के स्वरूप से युक्त एक दिव्य, परम शोभायमान रथ का निर्माण किया।