विष्णु-जलन्धर युद्ध वर्णन

श्लोक 1 (shiva.rudra.155.1)

सनत्कुमार उवाच । अथ दैत्या महावीर्याः शूलैः परशुपट्टिशैः । निजघ्नुःसर्वदेवांश्च भयव्याकुलमानसान्

sanatkumāra uvāca atha daityā mahāvīryāḥ śūlaiḥ paraśupaṭṭiśaiḥ nijaghnuḥsarvadevāṁśca bhayavyākulamānasān

सनत्कुमार ने कहा — तब महापराक्रमी दैत्यों ने त्रिशूल, परशु और पट्टिशों से भयाकुल मन वाले समस्त देवताओं का संहार करना आरम्भ किया।

श्लोक 2 (shiva.rudra.155.2)

दैत्यायुधैः समाविद्धदेहा देवाः सवासवाः । रणाद्विदुद्रुवुः सर्वे भयव्याकुलमानसाः

daityāyudhaiḥ samāviddhadehā devāḥ savāsavāḥ raṇādvidudruvuḥ sarve bhayavyākulamānasāḥ

दैत्यों के शस्त्रों से घायल शरीर वाले वासव-सहित समस्त देवगण भयाकुल चित्त होकर रणभूमि से भाग खड़े हुए।

श्लोक 3 (shiva.rudra.155.3)

पलायनपरान् दृष्ट्वा हृषीकेशः सुरानथ । विष्णुर्वै गरुडारूढो योद्धुमभ्याययौ द्रुतम्

palāyanaparān dṛṣṭvā hṛṣīkeśaḥ surānatha viṣṇurvai garuḍārūḍho yoddhumabhyāyayau drutam

देवताओं को भागते देखकर हृषीकेश गरुड़ पर आरूढ़ विष्णु युद्ध करने के लिए तुरंत वहाँ आ पहुँचे।

श्लोक 4 (shiva.rudra.155.4)

सुदर्शनेन चक्रेण सर्वतः प्रस्फुरन् रुचा । सुशोभितकराब्जश्च रेजे भक्ताभयङ्करः

sudarśanena cakreṇa sarvataḥ prasphuran rucā suśobhitakarābjaśca reje bhaktābhayaṅkaraḥ

सुदर्शन चक्र से सब ओर कान्तिमय दीप्ति बिखेरते, सुशोभित कमल-सम हाथों वाले, भक्तों को अभय देने वाले वे शोभायमान हुए।

श्लोक 5 (shiva.rudra.155.5)

शङ्खखड्गगदाशार्ङ्गधारी क्रोधसमन्वितः । कठोरास्त्रो महावीरः सर्वयुद्धविशारदः

śaṅkhakhaḍgagadāśārṅgadhārī krodhasamanvitaḥ kaṭhorāstro mahāvīraḥ sarvayuddhaviśāradaḥ

शंख, खड्ग, गदा और शार्ङ्ग धनुष धारण किये हुए, क्रोध से युक्त, कठोर अस्त्रों वाले वे महावीर सर्वयुद्धविशारद थे।

श्लोक 6 (shiva.rudra.155.6)

धनुषं शार्ङ्गनामानं विस्फूर्य्य विननाद ह । तस्य नादेन त्रैलोक्यं पूरितं महता मुने

dhanuṣaṁ śārṅganāmānaṁ visphūryya vinanāda ha tasya nādena trailokyaṁ pūritaṁ mahatā mune

शार्ङ्ग नामक धनुष की टंकार करते हुए उन्होंने ऐसा नाद किया कि हे मुने! उस महान नाद से तीनों लोक भर गये।

श्लोक 7 (shiva.rudra.155.7)

शार्ङ्गनिस्सृतबाणैश्च दितिजानां शिरांसि वै । चकर्त्त भगवान् विष्णुः कोटिशो रुट्समाकुलः

śārṅganissṛtabāṇaiśca ditijānāṁ śirāṁsi vai cakartta bhagavān viṣṇuḥ koṭiśo ruṭsamākulaḥ

शार्ङ्ग से छूटे बाणों से क्रोधाकुल भगवान् विष्णु ने दैत्यों के करोड़ों सिर काट डाले।

श्लोक 8 (shiva.rudra.155.8)

अथारुणानुजजवपक्षवातप्रपीडिताः । वात्याविवर्त्तिता दैत्या बभ्रमुः खे यथा घनाः

athāruṇānujajavapakṣavātaprapīḍitāḥ vātyāvivarttitā daityā babhramuḥ khe yathā ghanāḥ

तब अरुण के अनुज (गरुड़) के वेगशाली पंखों की वायु से पीड़ित दैत्य आँधी में उलझे बादलों के समान आकाश में इधर-उधर भटकने लगे।

श्लोक 9 (shiva.rudra.155.9)

ततो जलन्धरो दृष्ट्वा दैत्यान्वात्याप्रपीडितान् । चुक्रोधाति महादैत्यो देववृन्दभयङ्करः

tato jalandharo dṛṣṭvā daityānvātyāprapīḍitān cukrodhāti mahādaityo devavṛndabhayaṅkaraḥ

तब देववृन्द को भयभीत करने वाले महादैत्य जलन्धर ने अपने आँधी से पीड़ित दैत्यों को देखकर अत्यंत क्रोध किया।

श्लोक 10 (shiva.rudra.155.10)

मर्द्दयन्तं च तं दृष्ट्वा दैत्यान् प्रस्फुरिताधरः । योद्धुमभ्याययौ वीरो वेगेन हरिणा सह

marddayantaṁ ca taṁ dṛṣṭvā daityān prasphuritādharaḥ yoddhumabhyāyayau vīro vegena hariṇā saha

दैत्यों का मर्दन करते हुए उसे देखकर, होठ फड़काते हुए वह वीर वेगपूर्वक हरि से युद्ध करने आया।

श्लोक 11 (shiva.rudra.155.11)

स चकार महानादं देवासुरभयङ्करम् । दैत्यानामधिपः कर्णा विदीर्णाः श्रवणात्ततः

sa cakāra mahānādaṁ devāsurabhayaṅkaram daityānāmadhipaḥ karṇā vidīrṇāḥ śravaṇāttataḥ

उसने देव और असुरों को भयभीत करने वाला महानाद किया, जिसे सुनकर दैत्यों के स्वामी के कान भी विदीर्ण हो गये।

श्लोक 12 (shiva.rudra.155.12)

भयंङ्करेण दैत्यस्य नादेनापूरितं तदा । जलन्धरस्य महता चकम्पे सकलं जगत्

bhayaṁṅkareṇa daityasya nādenāpūritaṁ tadā jalandharasya mahatā cakampe sakalaṁ jagat

जलन्धर के उस भयंकर महानाद से उस समय समस्त जगत् काँप उठा।

श्लोक 13 (shiva.rudra.155.13)

ततः समभवद्युद्धं विष्णुदैत्येन्द्रयोर्महत् । आकाशं कुर्वतोर्बाणैस्तदा निरवकाशवत्

tataḥ samabhavadyuddhaṁ viṣṇudaityendrayormahat ākāśaṁ kurvatorbāṇaistadā niravakāśavat

तब विष्णु और दैत्येन्द्र के बीच ऐसा महान युद्ध हुआ कि उनके बाणों से आकाश मानो निरवकाश हो गया।

श्लोक 14 (shiva.rudra.155.14)

तयोश्च तेन युद्धेन परस्परमभून्मुने । देवासुरर्षिसिद्धानां भीकरेणातिविस्मयः

tayośca tena yuddhena parasparamabhūnmune devāsurarṣisiddhānāṁ bhīkareṇātivismayaḥ

उन दोनों के उस भीषण युद्ध से, हे मुने! देव, असुर, ऋषि और सिद्धगण अत्यंत विस्मित हो गये।

श्लोक 15 (shiva.rudra.155.15)

विष्णुर्दैत्यस्य बाणौघैर्ध्वजं छत्रं धनुः शरान् । चिच्छेद तं च हृदये बाणेनैकेन ताडयन्

viṣṇurdaityasya bāṇaughairdhvajaṁ chatraṁ dhanuḥ śarān ciccheda taṁ ca hṛdaye bāṇenaikena tāḍayan

विष्णु ने बाणों की वर्षा से दैत्य की ध्वजा, छत्र, धनुष और बाणों को काट डाला, तथा एक ही बाण से उसे हृदय में प्रहार किया।

श्लोक 16 (shiva.rudra.155.16)

ततो दैत्यः समुत्पत्य गदापाणिस्त्वरान्वितः । आहत्य गरुडं मूर्ध्नि पातयामास भूतले

tato daityaḥ samutpatya gadāpāṇistvarānvitaḥ āhatya garuḍaṁ mūrdhni pātayāmāsa bhūtale

तब दैत्य ने वेगपूर्वक उछलकर गदा हाथ में लेकर गरुड़ के सिर पर प्रहार किया और उसे भूमि पर गिरा दिया।

श्लोक 17 (shiva.rudra.155.17)

विष्णुं जघान शूलेन तीक्ष्णेन प्रस्फुरद्रुचा । हृदये क्रोधसंयुक्तो दैत्यः प्रस्फुरिताधरः

viṣṇuṁ jaghāna śūlena tīkṣṇena prasphuradrucā hṛdaye krodhasaṁyukto daityaḥ prasphuritādharaḥ

क्रोध से युक्त, होठ फड़काते हुए उस दैत्य ने तीक्ष्ण, चमकीले त्रिशूल से विष्णु को हृदय में मारा।

श्लोक 18 (shiva.rudra.155.18)

विष्णुर्गदां च खड्गेन चिच्छेद प्रहसन्निव । तं विव्याध शरैस्तीक्ष्णैः शार्ङ्गं विस्फूर्य दैत्यहा

viṣṇurgadāṁ ca khaḍgena ciccheda prahasanniva taṁ vivyādha śaraistīkṣṇaiḥ śārṅgaṁ visphūrya daityahā

विष्णु ने हँसते हुए-से खड्ग से उसकी गदा को काट डाला, और शार्ङ्ग धनुष की टंकार करते हुए उस दैत्यहंता ने तीक्ष्ण बाणों से उसे बींध डाला।

श्लोक 19 (shiva.rudra.155.19)

विष्णुर्जलन्धरं दैत्यं भयदेन शरेण ह । क्रोधाविष्टोऽतितीक्ष्णेन जघानाशु सुरारिहा

viṣṇurjalandharaṁ daityaṁ bhayadena śareṇa ha krodhāviṣṭo'titīkṣṇena jaghānāśu surārihā

क्रोध से आविष्ट, अत्यंत तीक्ष्ण, भयदायक बाण से देवारिहंता विष्णु ने तुरंत दैत्य जलन्धर पर प्रहार किया।

श्लोक 20 (shiva.rudra.155.20)

आगतं तस्य तं बाणं दृष्ट्वा दैत्यो महाबलः । छित्त्वा बाणेन विष्णुं च जघान हृदये द्रुतम्

āgataṁ tasya taṁ bāṇaṁ dṛṣṭvā daityo mahābalaḥ chittvā bāṇena viṣṇuṁ ca jaghāna hṛdaye drutam

उस आते हुए बाण को देखकर महाबली दैत्य ने उसे अपने बाण से काट डाला और तुरंत विष्णु के हृदय पर प्रहार किया।

श्लोक 21 (shiva.rudra.155.21)

केशवोऽपि महाबाहुं विक्षिप्तमसुरेण तम् । शरं तिलप्रमाणेन च्छित्त्वा वीरो ननाद ह

keśavo'pi mahābāhuṁ vikṣiptamasureṇa tam śaraṁ tilapramāṇena cchittvā vīro nanāda ha

महाबाहु केशव ने असुर द्वारा छोड़े गये उस बाण को तिल के बराबर टुकड़ों में काट डाला और वह वीर गरज उठा।

श्लोक 22 (shiva.rudra.155.22)

पुनर्बाणं समाधत्त धनुषि क्रोधवेपितः । महाबलोऽथ बाणेन चिच्छेद स शिलीमुखम्

punarbāṇaṁ samādhatta dhanuṣi krodhavepitaḥ mahābalo'tha bāṇena ciccheda sa śilīmukham

क्रोध से काँपते हुए उन्होंने पुनः धनुष पर बाण चढ़ाया, किन्तु उस महाबली दैत्य ने अपने बाण से उस शिलीमुख को भी काट डाला।

श्लोक 23 (shiva.rudra.155.23)

वासुदेवः पुनर्बाणं नाशाय विबुधद्विषः । क्रोधेनाधत्त धनुषि सिंहवद्विननाद ह

vāsudevaḥ punarbāṇaṁ nāśāya vibudhadviṣaḥ krodhenādhatta dhanuṣi siṁhavadvinanāda ha

वासुदेव ने देवद्वेषी के विनाश के लिए क्रोधपूर्वक पुनः धनुष पर बाण चढ़ाया और सिंह के समान गर्जना की।

श्लोक 24 (shiva.rudra.155.24)

जलन्धरोऽथ दैत्येन्द्रः कोपाच्छिन्नाधरो बली । शरेण स्वेन शार्ङ्गाख्यं धनुश्चिच्छेद वैष्णवम्

jalandharo'tha daityendraḥ kopācchinnādharo balī śareṇa svena śārṅgākhyaṁ dhanuściccheda vaiṣṇavam

तब क्रोध से होठ फड़काते हुए बलवान् दैत्येन्द्र जलन्धर ने अपने बाण से वैष्णव शार्ङ्ग धनुष को काट डाला।

श्लोक 25 (shiva.rudra.155.25)

पुनर्बाणैः सुतीक्ष्णैश्च जघान मधुसूदनम् । उग्रवीर्यो महावीरो देवानां भयकारकः

punarbāṇaiḥ sutīkṣṇaiśca jaghāna madhusūdanam ugravīryo mahāvīro devānāṁ bhayakārakaḥ

उग्रवीर्य, देवताओं को भयभीत करने वाले उस महावीर ने पुनः अत्यंत तीक्ष्ण बाणों से मधुसूदन पर प्रहार किया।

श्लोक 26 (shiva.rudra.155.26)

स च्छिन्नधन्वा भगवान् केशवो लोकरक्षकः । जलन्धरस्य नाशाय चिक्षेप स्वगदां पराम्

sa cchinnadhanvā bhagavān keśavo lokarakṣakaḥ jalandharasya nāśāya cikṣepa svagadāṁ parām

धनुष कट जाने पर लोकरक्षक भगवान् केशव ने जलन्धर के विनाश हेतु अपनी श्रेष्ठ गदा फेंकी।

श्लोक 27 (shiva.rudra.155.27)

सा गदा हरिणा क्षिप्ता ज्वलज्ज्वलनसन्निभा । अमोघगतिका शीघ्रं तस्य देहे ललाग ह

sā gadā hariṇā kṣiptā jvalajjvalanasannibhā amoghagatikā śīghraṁ tasya dehe lalāga ha

हरि द्वारा फेंकी गयी वह प्रज्वलित अग्नि के समान, अमोघ गति वाली गदा शीघ्र ही उसके शरीर पर जा लगी।

श्लोक 28 (shiva.rudra.155.28)

तया हतो महादैत्यो न चचालापि किञ्चन । जलन्धरो मदोन्मत्तः पुष्पमालाहतो यथा

tayā hato mahādaityo na cacālāpi kiñcana jalandharo madonmattaḥ puṣpamālāhato yathā

उससे आहत होकर भी वह महादैत्य जलन्धर मदोन्मत्त होने के कारण तनिक भी विचलित नहीं हुआ, मानो पुष्पमाला से आहत हुआ हो।

श्लोक 29 (shiva.rudra.155.29)

ततो जलन्धरः क्रोधी देवत्रासकरोऽक्षिपत् । त्रिशूलमनलाकारं हरये रणदुर्म्मदः

tato jalandharaḥ krodhī devatrāsakaro'kṣipat triśūlamanalākāraṁ haraye raṇadurmmadaḥ

तब क्रोधी, देवत्रासकर, रणदुर्मद जलन्धर ने हरि पर अग्नि-सदृश त्रिशूल फेंका।

श्लोक 30 (shiva.rudra.155.30)

अथ विष्णुस्तत्त्रिशूलं चिच्छेद तरसा द्रुतम् । नन्दकाख्येन खड्गेन स्मृत्वा शिवपदाम्बुजम्

atha viṣṇustattriśūlaṁ ciccheda tarasā drutam nandakākhyena khaḍgena smṛtvā śivapadāmbujam

तब विष्णु ने शिव के चरणकमलों का स्मरण करते हुए नन्दक नामक खड्ग से उस त्रिशूल को शीघ्र ही काट डाला।

श्लोक 31 (shiva.rudra.155.31)

छिन्ने त्रिशूले दैत्येन्द्र उत्प्लुत्य सहसा द्रुतम् । आगत्य हृदये विष्णुं जघान दृढमुष्टिना

chinne triśūle daityendra utplutya sahasā drutam āgatya hṛdaye viṣṇuṁ jaghāna dṛḍhamuṣṭinā

त्रिशूल के कट जाने पर दैत्येन्द्र ने तुरंत उछलकर विष्णु के हृदय पर दृढ़ मुष्टि से प्रहार किया।

श्लोक 32 (shiva.rudra.155.32)

सोऽपि विष्णुर्महावीरोऽविगणय्य च तद्व्यथाम । जलन्धरं च हृदये जघान दृढमुष्टिना

so'pi viṣṇurmahāvīro'vigaṇayya ca tadvyathāma jalandharaṁ ca hṛdaye jaghāna dṛḍhamuṣṭinā

महावीर विष्णु ने भी उस वेदना की परवाह न करते हुए जलन्धर के हृदय पर दृढ़ मुष्टि से प्रहार किया।

श्लोक 33 (shiva.rudra.155.33)

ततस्तौ बाहुयुद्धेन युयुधाते महाबलौ । बाहुभिर्मुष्टिभिश्चैव जानुभिर्नादयन्महीम्

tatastau bāhuyuddhena yuyudhāte mahābalau bāhubhirmuṣṭibhiścaiva jānubhirnādayanmahīm

तब वे दोनों महाबली भुजाओं, मुट्ठियों और घुटनों से पृथ्वी को गुँजाते हुए बाहुयुद्ध करने लगे।

श्लोक 34 (shiva.rudra.155.34)

एवं हि सुचिरं युद्धं कृत्वा तेनासुरेण वै । विस्मितोऽभून्मुनिश्रेष्ठ हृदि ग्लानिमवाप ह

evaṁ hi suciraṁ yuddhaṁ kṛtvā tenāsureṇa vai vismito'bhūnmuniśreṣṭha hṛdi glānimavāpa ha

हे मुनिश्रेष्ठ! उस असुर के साथ इस प्रकार दीर्घकाल तक युद्ध करके विष्णु विस्मित हुए और हृदय में क्लांति का अनुभव करने लगे।

श्लोक 35 (shiva.rudra.155.35)

अथ प्रसन्नो भगवान्मायी मायाविदां वरः । उवाच दैत्यराजानं मेघगम्भीरया गिरा

atha prasanno bhagavānmāyī māyāvidāṁ varaḥ uvāca daityarājānaṁ meghagambhīrayā girā

तब मायाविदों में श्रेष्ठ, मायावी भगवान् प्रसन्न होकर मेघ-गम्भीर वाणी में दैत्यराज से बोले।

श्लोक 36 (shiva.rudra.155.36)

विष्णुरुवाच । भो भो दैत्यवरश्रेष्ठ धन्यस्त्वं रणदुर्मदः । महायुधवरैर्यत्त्वं न भीतो हि महाप्रभुः

viṣṇuruvāca bho bho daityavaraśreṣṭha dhanyastvaṁ raṇadurmadaḥ mahāyudhavarairyattvaṁ na bhīto hi mahāprabhuḥ

विष्णु ने कहा — हे दैत्यवरश्रेष्ठ! तुम रणदुर्मद हो, धन्य हो; महाप्रभु होते हुए भी तुम इन महान अस्त्रों से भयभीत नहीं हुए।

श्लोक 37 (shiva.rudra.155.37)

एभिरेवायुधैरुग्रैर्दैत्या हि बहवो हताः । महाजौ दुर्मदा वीराश्छिन्नदेहा मृतिं गताः

ebhirevāyudhairugrairdaityā hi bahavo hatāḥ mahājau durmadā vīrāśchinnadehā mṛtiṁ gatāḥ

इन्हीं उग्र आयुधों से बहुत से महाबली, दुर्मद, वीर दैत्य छिन्न-भिन्न होकर मृत्यु को प्राप्त हुए हैं।

श्लोक 38 (shiva.rudra.155.38)

युद्धेन ते महादैत्य प्रसन्नोऽस्मि महान्भवान् । न दृष्टस्त्वत्समो वीरस्त्रैलोक्ये सचराचरे

yuddhena te mahādaitya prasanno'smi mahānbhavān na dṛṣṭastvatsamo vīrastrailokye sacarācare

हे महादैत्य! तुम्हारे इस युद्ध से मैं प्रसन्न हूँ, तुम महान हो; चराचर सहित तीनों लोकों में तुम्हारे समान वीर मैंने कभी नहीं देखा।

श्लोक 39 (shiva.rudra.155.39)

वरं वरय दैत्येन्द्र प्रीतोऽस्मि तव विक्रमात् । अदेयमपि ते दद्मि यत्ते मनसि वर्तते

varaṁ varaya daityendra prīto'smi tava vikramāt adeyamapi te dadmi yatte manasi vartate

हे दैत्येन्द्र! वर माँगो, मैं तुम्हारे पराक्रम से प्रसन्न हूँ; जो भी तुम्हारे मन में हो, वह अदेय होते हुए भी मैं तुम्हें दूँगा।

श्लोक 40 (shiva.rudra.155.40)

सनत्कुमार उवाच । इत्याकर्ण्य वचस्तस्य विष्णोर्मायाविनो हरेः । प्रत्युवाच महाबुद्धिर्दैत्यराजो जलन्धरः

sanatkumāra uvāca ityākarṇya vacastasya viṣṇormāyāvino hareḥ pratyuvāca mahābuddhirdaityarājo jalandharaḥ

सनत्कुमार ने कहा — मायावी हरि विष्णु के इन वचनों को सुनकर महाबुद्धिमान दैत्यराज जलन्धर ने उत्तर दिया।

श्लोक 41 (shiva.rudra.155.41)

जलन्धर उवाच । यदि भावुक तुष्टोऽसि वरमेतं ददस्व मे । मद्भगिन्या मया सार्द्धं मद्गेहे सगणो वस

jalandhara uvāca yadi bhāvuka tuṣṭo'si varametaṁ dadasva me madbhaginyā mayā sārddhaṁ madgehe sagaṇo vasa

जलन्धर ने कहा — हे भावुक! यदि आप संतुष्ट हैं तो मुझे यह वर दीजिए कि आप अपने गणों सहित मेरी बहन और मेरे साथ मेरे घर में निवास करें।

श्लोक 42 (shiva.rudra.155.42)

सनत्कुमार उवाच । तदाकर्ण्य वचस्तस्य महादैत्यस्य खिन्नधीः । तथास्त्विति च देवेशो जगाद भगवान् हरिः

sanatkumāra uvāca tadākarṇya vacastasya mahādaityasya khinnadhīḥ tathāstviti ca deveśo jagāda bhagavān hariḥ

सनत्कुमार ने कहा — उस महादैत्य के इन वचनों को सुनकर खिन्नचित्त देवेश भगवान् हरि ने 'तथास्तु' कहा।

श्लोक 43 (shiva.rudra.155.43)

उवास स ततो विष्णुः सर्वदेवगणैस्सह । जलन्धरं नाम पुरमागत्य रमया सह

uvāsa sa tato viṣṇuḥ sarvadevagaṇaissaha jalandharaṁ nāma puramāgatya ramayā saha

तब विष्णु समस्त देवगणों और रमा (लक्ष्मी) सहित जलन्धर नामक नगर में जाकर वहीं निवास करने लगे।

श्लोक 44 (shiva.rudra.155.44)

अथो जलन्धरो दैत्यः स्वभगिन्या च विष्णुना । उवास स्वालयं प्राप्तो हर्षाकुलितमानसः

atho jalandharo daityaḥ svabhaginyā ca viṣṇunā uvāsa svālayaṁ prāpto harṣākulitamānasaḥ

तब दैत्य जलन्धर भी अपनी बहन और विष्णु सहित अपने घर पहुँचकर हर्षित मन से वहीं रहने लगा।

श्लोक 45 (shiva.rudra.155.45)

जलन्धरोऽथ देवानामधिकारेषु दानवान् । स्थापयित्वा सहर्षः सन् पुनरागान्महीतलम्

jalandharo'tha devānāmadhikāreṣu dānavān sthāpayitvā saharṣaḥ san punarāgānmahītalam

तत्पश्चात् जलन्धर देवताओं के अधिकार-पदों पर दानवों को स्थापित करके प्रसन्नतापूर्वक पुनः भूतल पर लौट आया।

श्लोक 46 (shiva.rudra.155.46)

देवगन्धर्वसिद्धेषु यत्किञ्चिद्रत्नसञ्चितम् । तदात्मवशगं कृत्वाऽतिष्ठत्सागरनन्दनः

devagandharvasiddheṣu yatkiñcidratnasañcitam tadātmavaśagaṁ kṛtvā'tiṣṭhatsāgaranandanaḥ

देव, गन्धर्व और सिद्धों के पास जो भी रत्न-संचय था, सागरनन्दन जलन्धर ने उसे अपने वश में करके अपने अधीन रख लिया।

श्लोक 47 (shiva.rudra.155.47)

पातालभवने दैत्यं निशुम्भं सुमहाबलम् । स्थापयित्वा स शेषादीनानयद्भूतलं बली

pātālabhavane daityaṁ niśumbhaṁ sumahābalam sthāpayitvā sa śeṣādīnānayadbhūtalaṁ balī

पाताल-भवन में महाबली दैत्य निशुम्भ को स्थापित करके उस बलवान ने शेष आदि को भूतल पर ला दिया।

श्लोक 48 (shiva.rudra.155.48)

देवगन्धर्वसिद्धौघान् सर्पराक्षसमानुषान् । स्वपुरे नागरान्कृत्वा शशास भुवनत्रयम्

devagandharvasiddhaughān sarparākṣasamānuṣān svapure nāgarānkṛtvā śaśāsa bhuvanatrayam

देव, गन्धर्व, सिद्ध, सर्प, राक्षस और मनुष्यों के समूहों को अपने नगर में नागरिक बनाकर उसने तीनों लोकों पर शासन किया।

श्लोक 49 (shiva.rudra.155.49)

एवं जलन्धरः कृत्वा देवान्स्ववशवर्तिनः । धर्मेण पालयामास प्रजाः पुत्रानिवौरसान्

evaṁ jalandharaḥ kṛtvā devānsvavaśavartinaḥ dharmeṇa pālayāmāsa prajāḥ putrānivaurasān

इस प्रकार जलन्धर ने देवताओं को अपने वश में करके धर्मपूर्वक प्रजा का पालन अपने ही औरस पुत्रों के समान किया।

श्लोक 50 (shiva.rudra.155.50)

न कश्चिद्व्याधितो नैव दुःखितो न कृशस्तथा । न दीनो दृश्यते तस्मिन्धर्माद्राज्यं प्रशासति

na kaścidvyādhito naiva duḥkhito na kṛśastathā na dīno dṛśyate tasmindharmādrājyaṁ praśāsati

जब तक वह धर्मपूर्वक राज्य का शासन करता रहा, तब तक उस राज्य में न कोई रोगी दिखायी दिया, न दुःखी, न कृश, और न ही कोई दीन।