देवर्षि-जलन्धर संवाद

श्लोक 1 (shiva.rudra.156.1)

सनत्कुमार उवाच । एवं शासति धर्मेण महीं तस्मिन्महासुरे । बभूवुर्दुःखिनो देवा भर्त्र्यभावान्मुनीश्वर

sanatkumāra uvāca evaṁ śāsati dharmeṇa mahīṁ tasminmahāsure babhūvurduḥkhino devā bhartryabhāvānmunīśvara

सनत्कुमार ने कहा — हे मुनीश्वर! जब वह महासुर इस प्रकार धर्मपूर्वक पृथ्वी का शासन कर रहा था, तब स्वामी के अभाव से देवगण दुःखी हो गये।

श्लोक 2 (shiva.rudra.156.2)

दुःखितास्ते सुराः सर्वे शिवं शरणमाययुः । मनसा शङ्करं देवदेवं सर्वप्रभुं प्रभुम्

duḥkhitāste surāḥ sarve śivaṁ śaraṇamāyayuḥ manasā śaṅkaraṁ devadevaṁ sarvaprabhuṁ prabhum

वे समस्त दुःखी देवगण शिव की शरण में गये, मन ही मन देवाधिदेव, सर्वप्रभु शंकर का स्मरण करते हुए।

श्लोक 3 (shiva.rudra.156.3)

तुष्टुवुर्वाग्भिरिष्टाभिर्भगवन्तं महेश्वरम् । निवृत्तये स्वदुःखस्य सर्वदं भक्तवत्सलम्

tuṣṭuvurvāgbhiriṣṭābhirbhagavantaṁ maheśvaram nivṛttaye svaduḥkhasya sarvadaṁ bhaktavatsalam

उन्होंने अपने दुःख की निवृत्ति के लिए सर्वदाता, भक्तवत्सल भगवान् महेश्वर की प्रिय वचनों से स्तुति की।

श्लोक 4 (shiva.rudra.156.4)

आहूय स महादेवो भक्तानां सर्वकामदः । नारदं प्रेरयामास देवकार्यचिकीर्षया

āhūya sa mahādevo bhaktānāṁ sarvakāmadaḥ nāradaṁ prerayāmāsa devakāryacikīrṣayā

तब महादेव ने, जो भक्तों की सभी कामनाएँ पूर्ण करने वाले हैं, नारद को बुलाकर देवकार्य सिद्ध करने की इच्छा से भेजा।

श्लोक 5 (shiva.rudra.156.5)

अथ देवमुनिर्ज्ञानी शम्भुभक्तः सतां गतिः । शिवाज्ञया ययौ दैत्यपुरे देवान्स नारदः

atha devamunirjñānī śambhubhaktaḥ satāṁ gatiḥ śivājñayā yayau daityapure devānsa nāradaḥ

तब वह ज्ञानी देवमुनि, शम्भुभक्त, सज्जनों की गति नारद, शिव की आज्ञा से देवताओं के पास दैत्यपुर में गये।

श्लोक 6 (shiva.rudra.156.6)

व्याकुलास्ते सुराः सर्वे वासवाद्या द्रुतं मुनिम् । आगच्छन्तं समालोक्य समुत्तस्थुर्हि नारदम्

vyākulāste surāḥ sarve vāsavādyā drutaṁ munim āgacchantaṁ samālokya samuttasthurhi nāradam

व्याकुल इन्द्रादि समस्त देवगण, नारद मुनि को शीघ्रता से आते देखकर, तुरंत उठ खड़े हुए।

श्लोक 7 (shiva.rudra.156.7)

ददुस्त आसनं नत्त्वा मुनये प्रीतिपूर्वकम् । नारदाय सुराः शक्रमुखा उत्कण्ठिताननाः

dadusta āsanaṁ nattvā munaye prītipūrvakam nāradāya surāḥ śakramukhā utkaṇṭhitānanāḥ

शक्र आदि उत्कण्ठित मुख वाले देवताओं ने मुनि को नमस्कार करके प्रेमपूर्वक नारद को आसन दिया।

श्लोक 8 (shiva.rudra.156.8)

सुखासीनं मुनिवरमासने सुप्रणम्य तम् । पुनः प्रोचुः सुरा दीना वासवाद्या मुनीश्वरम्

sukhāsīnaṁ munivaramāsane supraṇamya tam punaḥ procuḥ surā dīnā vāsavādyā munīśvaram

आसन पर सुखपूर्वक बैठे उन मुनिवर को भलीभाँति प्रणाम करके, दीन इन्द्रादि देवताओं ने पुनः मुनीश्वर से कहा।

श्लोक 9 (shiva.rudra.156.9)

देवा ऊचुः । भो भो मुनिवरश्रेष्ठ दुःखं शृणु कृपाकर । श्रुत्वा तन्नाशय क्षिप्रं प्रभुस्त्वं शङ्करप्रियः

devā ūcuḥ bho bho munivaraśreṣṭha duḥkhaṁ śṛṇu kṛpākara śrutvā tannāśaya kṣipraṁ prabhustvaṁ śaṅkarapriyaḥ

देवताओं ने कहा — हे मुनिवरश्रेष्ठ! हे कृपाकर! हमारा दुःख सुनिये; सुनकर उसे शीघ्र नष्ट कीजिये, आप शंकरप्रिय समर्थ हैं।

श्लोक 10 (shiva.rudra.156.10)

जलन्धरेण दैत्येन सुरा विद्राविता भृशम् । स्वस्थानाद्भर्तृभावाच्च दुःखिता वयमाकुलाः

jalandhareṇa daityena surā vidrāvitā bhṛśam svasthānādbhartṛbhāvācca duḥkhitā vayamākulāḥ

दैत्य जलन्धर द्वारा हम देवता अत्यंत तिरस्कृत होकर, अपने स्थान और स्वामित्व से वंचित होकर दुःखी और व्याकुल हो गये हैं।

श्लोक 11 (shiva.rudra.156.11)

स्वस्थानादुष्णरश्मिश्च चन्द्रो निस्सारितस्तथा । वह्निश्च धर्मराजश्च लोकपालास्तथेतरे

svasthānāduṣṇaraśmiśca candro nissāritastathā vahniśca dharmarājaśca lokapālāstathetare

सूर्य और चन्द्रमा को उनके स्थान से निकाल दिया गया है, तथा अग्नि, यमराज और अन्य लोकपाल भी।

श्लोक 12 (shiva.rudra.156.12)

सुबलिष्ठेन वै तेन सर्वे देवाः प्रपीडिताः । दुःखं प्राप्ता वयं चाति शरणं त्वां समागताः

subaliṣṭhena vai tena sarve devāḥ prapīḍitāḥ duḥkhaṁ prāptā vayaṁ cāti śaraṇaṁ tvāṁ samāgatāḥ

उस अत्यंत बलिष्ठ दैत्य से समस्त देवगण पीड़ित हुए हैं; हम अत्यंत दुःख को प्राप्त होकर आपकी शरण में आये हैं।

श्लोक 13 (shiva.rudra.156.13)

सङ्ग्रामे स हृषीकेशं स्ववशं कृतवान् बली । जलन्धरो महादैत्यः सर्वामरविमर्दकः

saṅgrāme sa hṛṣīkeśaṁ svavaśaṁ kṛtavān balī jalandharo mahādaityaḥ sarvāmaravimardakaḥ

उस बलवान् महादैत्य जलन्धर ने, जो समस्त देवताओं को कुचलने वाला है, युद्ध में हृषीकेश (विष्णु) को भी अपने वश में कर लिया है।

श्लोक 14 (shiva.rudra.156.14)

तस्य वश्यो वराधीनोऽवात्सीत्तत्सदने हरिः । स लक्ष्म्या सहितो विष्णुर्यो नः सर्वार्थसाधकः

tasya vaśyo varādhīno'vātsīttatsadane hariḥ sa lakṣmyā sahito viṣṇuryo naḥ sarvārthasādhakaḥ

उसके वश में होकर, वर के अधीन, हरि उसके घर में निवास कर रहे हैं — वही विष्णु, जो लक्ष्मी सहित हमारे समस्त कार्यों को सिद्ध करने वाले हैं।

श्लोक 15 (shiva.rudra.156.15)

जलन्धरविनाशाय यत्नं कुरु महामते । त्वं नो दैववशात्प्राप्तः सदा सर्वार्थसाधकः

jalandharavināśāya yatnaṁ kuru mahāmate tvaṁ no daivavaśātprāptaḥ sadā sarvārthasādhakaḥ

हे महामते! जलन्धर के विनाश के लिए प्रयत्न कीजिये; दैव के वश से हमें सदा सर्वार्थसाधक आप ही प्राप्त हुए हैं।

श्लोक 16 (shiva.rudra.156.16)

सनत्कुमार उवाच । इत्याकर्ण्य वचस्तेषाममराणां स नारदः । आश्वास्य मुनिशार्दूलस्तानुवाच कृपाकरः

sanatkumāra uvāca ityākarṇya vacasteṣāmamarāṇāṁ sa nāradaḥ āśvāsya muniśārdūlastānuvāca kṛpākaraḥ

सनत्कुमार ने कहा — देवताओं के इन वचनों को सुनकर, मुनिश्रेष्ठ कृपाकर नारद ने उन्हें आश्वस्त करते हुए कहा।

श्लोक 17 (shiva.rudra.156.17)

नारद उवाच । जानेऽहं वै सुरा यूयं दैत्यराजपराजिताः । दुःख प्राप्ताः पीडिताश्च स्थानान्निस्सारिताः खलु

nārada uvāca jāne'haṁ vai surā yūyaṁ daityarājaparājitāḥ duḥkha prāptāḥ pīḍitāśca sthānānnissāritāḥ khalu

नारद ने कहा — हे देवगण! मैं जानता हूँ कि तुम दैत्यराज से पराजित हुए हो, दुःख को प्राप्त और पीड़ित होकर अपने स्थानों से निकाल दिये गये हो।

श्लोक 18 (shiva.rudra.156.18)

स्वशक्त्या भवतां स्वार्थं करिष्ये नात्र संशयः । अनुकूलोऽहमिह वो दुःखं प्राप्ता यतोऽमराः

svaśaktyā bhavatāṁ svārthaṁ kariṣye nātra saṁśayaḥ anukūlo'hamiha vo duḥkhaṁ prāptā yato'marāḥ

मैं अपनी शक्ति से तुम्हारा कार्य अवश्य सिद्ध करूँगा, इसमें कोई संशय नहीं; हे देवगण, तुम दुःख को प्राप्त हुए हो, अतः मैं तुम्हारे अनुकूल हूँ।

श्लोक 19 (shiva.rudra.156.19)

सनत्कुमार उवाच । एवमुक्त्वा मुनिश्रेष्ठो द्रष्टुं दानववल्लभम् । आश्वास्य सकलान्देवाञ्जलन्धरसभां ययौ

sanatkumāra uvāca evamuktvā muniśreṣṭho draṣṭuṁ dānavavallabham āśvāsya sakalāndevāñjalandharasabhāṁ yayau

सनत्कुमार ने कहा — इस प्रकार कहकर मुनिश्रेष्ठ नारद ने समस्त देवताओं को आश्वस्त करके, दानवप्रिय जलन्धर को देखने के लिए उसकी सभा में गमन किया।

श्लोक 20 (shiva.rudra.156.20)

अथागतं मुनिश्रेष्ठं दृष्ट्वा दैत्यो जलन्धरः । उत्थाय परया भक्त्या ददौ श्रेष्ठासनं वरम्

athāgataṁ muniśreṣṭhaṁ dṛṣṭvā daityo jalandharaḥ utthāya parayā bhaktyā dadau śreṣṭhāsanaṁ varam

तब मुनिश्रेष्ठ को आया हुआ देखकर दैत्य जलन्धर उठ खड़ा हुआ और परम भक्तिपूर्वक उन्हें श्रेष्ठ आसन प्रदान किया।

श्लोक 21 (shiva.rudra.156.21)

स तं सम्पूज्य विधिवद्दानवेन्द्रोऽतिविस्मितः । सुप्रहस्य तदा वाक्यं जगाद मुनिसत्तमम्

sa taṁ sampūjya vidhivaddānavendro'tivismitaḥ suprahasya tadā vākyaṁ jagāda munisattamam

विधिपूर्वक उनकी पूजा करके अत्यंत विस्मित दानवेन्द्र ने हँसते हुए उस श्रेष्ठ मुनि से कहा।

श्लोक 22 (shiva.rudra.156.22)

जलन्धर उवाच । कुत आगम्यते ब्रह्मन् किं च दृष्टं त्वया क्वचित् । यदर्थमिह आयातस्तदाज्ञापय मां मुने

jalandhara uvāca kuta āgamyate brahman kiṁ ca dṛṣṭaṁ tvayā kvacit yadarthamiha āyātastadājñāpaya māṁ mune

जलन्धर ने कहा — हे ब्रह्मन्! आप कहाँ से आये हैं, और आपने कहाँ क्या देखा है? हे मुने! जिस प्रयोजन से आप यहाँ आये हैं, वह मुझे बतायें।

श्लोक 23 (shiva.rudra.156.23)

सनत्कुमार उवाच । इत्याकर्ण्य वचस्तस्य दैत्येन्द्रस्य महामुनिः । प्रत्युवाच प्रसन्नात्मा नारदो हि जलन्धरम्

sanatkumāra uvāca ityākarṇya vacastasya daityendrasya mahāmuniḥ pratyuvāca prasannātmā nārado hi jalandharam

सनत्कुमार ने कहा — दैत्येन्द्र के इन वचनों को सुनकर प्रसन्नचित्त महामुनि नारद ने जलन्धर को उत्तर दिया।

श्लोक 24 (shiva.rudra.156.24)

नारद उवाच । सर्वदानवदैत्येन्द्र जलन्धर महामते । धन्यस्त्वं सर्वलोकेश रत्नभोक्ता त्वमेव हि

nārada uvāca sarvadānavadaityendra jalandhara mahāmate dhanyastvaṁ sarvalokeśa ratnabhoktā tvameva hi

नारद ने कहा — हे समस्त दानव-दैत्यों के स्वामी, महामते जलन्धर! तुम धन्य हो, हे सर्वलोकेश! सभी रत्नों के भोक्ता तुम ही हो।

श्लोक 25 (shiva.rudra.156.25)

मदागमनहेतुं वै शृणु दैत्येन्द्रसत्तम । यदर्थमिह चायातस्त्वहं वक्ष्येऽखिलं हि तत्

madāgamanahetuṁ vai śṛṇu daityendrasattama yadarthamiha cāyātastvahaṁ vakṣye'khilaṁ hi tat

हे दैत्येन्द्रश्रेष्ठ! मेरे आगमन का कारण सुनो; जिस प्रयोजन से मैं यहाँ आया हूँ, वह सब मैं तुमसे कहूँगा।

श्लोक 26 (shiva.rudra.156.26)

गतः कैलासशिखरं दैत्येन्द्राहं यदृच्छया । योजनायुतविस्तीर्णं कल्पद्रुममहावनम्

gataḥ kailāsaśikharaṁ daityendrāhaṁ yadṛcchayā yojanāyutavistīrṇaṁ kalpadrumamahāvanam

हे दैत्येन्द्र! मैं यदृच्छा से कैलास शिखर पर गया, जहाँ दस हजार योजन विस्तृत कल्पवृक्षों का महावन है।

श्लोक 27 (shiva.rudra.156.27)

कामधेनुशताकीर्णं चिन्तामणिसुदीपितम् । सर्वरुक्ममयं दिव्यं सर्वत्राद्भुतशोभितम्

kāmadhenuśatākīrṇaṁ cintāmaṇisudīpitam sarvarukmamayaṁ divyaṁ sarvatrādbhutaśobhitam

जहाँ सैकड़ों कामधेनुएँ भरी हुई थीं, जो चिन्तामणियों से देदीप्यमान, सर्वथा स्वर्णमय, दिव्य और सर्वत्र अद्भुत शोभा से युक्त था।

श्लोक 28 (shiva.rudra.156.28)

तत्रोमया सहासीनं दृष्टवानस्मि शङ्करम् । सर्वाङ्गसुन्दरं गौरं त्रिनेत्रं चन्द्रशेखरम्

tatromayā sahāsīnaṁ dṛṣṭavānasmi śaṅkaram sarvāṅgasundaraṁ gauraṁ trinetraṁ candraśekharam

वहाँ मैंने उमा सहित विराजमान शंकर को देखा — सर्वांगसुन्दर, गौरवर्ण, त्रिनेत्र, चन्द्रशेखर।

श्लोक 29 (shiva.rudra.156.29)

तं दृष्ट्वा महदाश्चर्यं वितर्को मेऽभवत्तदा । क्वापीदृशी भवेद् वृद्धिस्त्रैलोक्ये वा न वेति च

taṁ dṛṣṭvā mahadāścaryaṁ vitarko me'bhavattadā kvāpīdṛśī bhaved vṛddhistrailokye vā na veti ca

उन्हें देखकर मुझे महान आश्चर्य हुआ और मन में यह विचार उठा कि क्या त्रिलोक में कहीं ऐसी समृद्धि हो भी सकती है या नहीं।

श्लोक 30 (shiva.rudra.156.30)

तावत्तवापि दैत्येन्द्र समृद्धिः संस्मृता मया । तद्विलोकनकामोऽहं त्वत्सान्निध्यमिहागतः

tāvattavāpi daityendra samṛddhiḥ saṁsmṛtā mayā tadvilokanakāmo'haṁ tvatsānnidhyamihāgataḥ

तभी हे दैत्येन्द्र! मुझे तुम्हारी समृद्धि का भी स्मरण हो आया; उसे देखने की इच्छा से मैं तुम्हारे समीप यहाँ आया हूँ।

श्लोक 31 (shiva.rudra.156.31)

सनत्कुमार उवाच । इति नारदतः श्रुत्वा स दैत्येन्द्रो जलन्धरः । स्वसमृद्धिं समग्रां वै दर्शयामास सादरम्

sanatkumāra uvāca iti nāradataḥ śrutvā sa daityendro jalandharaḥ svasamṛddhiṁ samagrāṁ vai darśayāmāsa sādaram

सनत्कुमार ने कहा — नारद से यह सुनकर दैत्येन्द्र जलन्धर ने आदरपूर्वक अपनी सम्पूर्ण समृद्धि उन्हें दिखायी।

श्लोक 32 (shiva.rudra.156.32)

दृष्ट्वा स नारदो ज्ञानी देवकार्यसुसाधकः । प्रभुप्रेरणया प्राह दैत्येन्द्रं तं जलन्धरम्

dṛṣṭvā sa nārado jñānī devakāryasusādhakaḥ prabhupreraṇayā prāha daityendraṁ taṁ jalandharam

उसे देखकर देवकार्यसाधक ज्ञानी नारद ने प्रभु की प्रेरणा से उस दैत्येन्द्र जलन्धर से कहा।

श्लोक 33 (shiva.rudra.156.33)

नारद् उवाच । तवास्ति सुसमृद्धिर्हि वरवीराखिलाधुना । त्रैलोक्यस्य पतिस्त्वं हि चित्रं किं चात्र सम्भवम्

nārad uvāca tavāsti susamṛddhirhi varavīrākhilādhunā trailokyasya patistvaṁ hi citraṁ kiṁ cātra sambhavam

नारद ने कहा — हे वरवीर! अब तुम्हारे पास ही सबसे बड़ी समृद्धि है; तुम त्रैलोक्य के स्वामी हो, इसमें आश्चर्य ही क्या है।

श्लोक 34 (shiva.rudra.156.34)

मणयो रत्नपुञ्जाश्च गजाद्याश्च समृद्धयः । ते गृहेऽद्य विभान्तीह यानि रत्नानि तान्यपि

maṇayo ratnapuñjāśca gajādyāśca samṛddhayaḥ te gṛhe'dya vibhāntīha yāni ratnāni tānyapi

मणियाँ, रत्नों के समूह, हाथी आदि समृद्धियाँ — जो भी रत्न हैं, वे सब आज तुम्हारे घर में सुशोभित हो रहे हैं।

श्लोक 35 (shiva.rudra.156.35)

गजरत्नं त्वयानीतं शक्रस्यैरावतस्तथा । अश्वरत्नं महावीर सूर्यस्योच्चैःश्रवा हयः

gajaratnaṁ tvayānītaṁ śakrasyairāvatastathā aśvaratnaṁ mahāvīra sūryasyoccaiḥśravā hayaḥ

हे महावीर! तुमने इन्द्र के ऐरावत नामक गजरत्न को, और सूर्य के उच्चैःश्रवा नामक अश्वरत्न को यहाँ ला रखा है।

श्लोक 36 (shiva.rudra.156.36)

कल्पवृक्षस्त्वयानीतो निधयो धनदस्य च । हंसयुक्तविमानं च त्वयानीतं हि वेधसः

kalpavṛkṣastvayānīto nidhayo dhanadasya ca haṁsayuktavimānaṁ ca tvayānītaṁ hi vedhasaḥ

तुमने कल्पवृक्ष को और कुबेर की निधियों को यहाँ ला रखा है, तथा ब्रह्मा के हंसयुक्त विमान को भी तुमने ही यहाँ लाया है।

श्लोक 37 (shiva.rudra.156.37)

इत्येवं वररत्नानि दिवि पृथ्व्यां रसातले । यानि दैत्येन्द्र ते भान्ति गृहे तानि समन्ततः

ityevaṁ vararatnāni divi pṛthvyāṁ rasātale yāni daityendra te bhānti gṛhe tāni samantataḥ

हे दैत्येन्द्र! इस प्रकार स्वर्ग, पृथ्वी और पाताल के जो भी श्रेष्ठ रत्न हैं, वे सब चारों ओर तुम्हारे घर में सुशोभित हो रहे हैं।

श्लोक 38 (shiva.rudra.156.38)

त्वत्समृद्धिमिमां पश्यन्सम्पूर्णां विविधामहम् । प्रसन्नोऽस्मि महावीर गजाश्वादिसुशोभिताम्

tvatsamṛddhimimāṁ paśyansampūrṇāṁ vividhāmaham prasanno'smi mahāvīra gajāśvādisuśobhitām

हे महावीर! तुम्हारी इस सम्पूर्ण, विविध, गज-अश्व आदि से सुशोभित समृद्धि को देखकर मैं प्रसन्न हूँ।

श्लोक 39 (shiva.rudra.156.39)

जायारत्नं महाश्रेष्ठं जलन्धर न ते गृहे । तदानेतुं विशेषेण स्त्रीरत्नं वै त्वमर्हसि

jāyāratnaṁ mahāśreṣṭhaṁ jalandhara na te gṛhe tadānetuṁ viśeṣeṇa strīratnaṁ vai tvamarhasi

किन्तु हे जलन्धर! तुम्हारे घर में सबसे बड़ा रत्न — जायारत्न — नहीं है; उस स्त्रीरत्न को विशेष रूप से लाने के तुम अधिकारी हो।

श्लोक 40 (shiva.rudra.156.40)

यस्य गेहे सुरत्नानि सर्वाणि हि जलन्धर । जायारत्नं न चेत्तानि न शोभन्ते वृथा ध्रुवम्

yasya gehe suratnāni sarvāṇi hi jalandhara jāyāratnaṁ na cettāni na śobhante vṛthā dhruvam

हे जलन्धर! जिसके घर में सभी उत्तम रत्न हों, किन्तु जायारत्न न हो, तो निश्चय ही वे सब व्यर्थ ही शोभा नहीं पाते।

श्लोक 41 (shiva.rudra.156.41)

सनत्कुमार उवाच । इत्येवं वचनं श्रुत्वा नारदस्य महात्मनः । उवाच दैत्यराजो हि मदनाकुलमानसः

sanatkumāra uvāca ityevaṁ vacanaṁ śrutvā nāradasya mahātmanaḥ uvāca daityarājo hi madanākulamānasaḥ

सनत्कुमार ने कहा — महात्मा नारद के इन वचनों को सुनकर काम से आकुलित मन वाले दैत्यराज ने कहा।

श्लोक 42 (shiva.rudra.156.42)

जलन्धर उवाच । भो भो नारद देवर्षे नमस्तेऽस्तु महाप्रभो । जायारत्नवरं कुत्र वर्तते तद्वदाधुना

jalandhara uvāca bho bho nārada devarṣe namaste'stu mahāprabho jāyāratnavaraṁ kutra vartate tadvadādhunā

जलन्धर ने कहा — हे देवर्षे नारद! हे महाप्रभु! आपको नमस्कार है। वह श्रेष्ठ जायारत्न कहाँ है, अब मुझे बताइये।

श्लोक 43 (shiva.rudra.156.43)

ब्रह्माण्डे यत्र कुत्रापि तद्रत्नं यदि वर्त्तते । तदानेष्ये ततो ब्रह्मन्सत्यं सत्यं न संशयः

brahmāṇḍe yatra kutrāpi tadratnaṁ yadi varttate tadāneṣye tato brahmansatyaṁ satyaṁ na saṁśayaḥ

हे ब्रह्मन्! ब्रह्माण्ड में वह रत्न जहाँ कहीं भी हो, मैं वहाँ से उसे अवश्य ले आऊँगा — यह सत्य है, इसमें कोई संशय नहीं।

श्लोक 44 (shiva.rudra.156.44)

नारद उवाच । कैलासे ह्यतिरम्ये च सर्वर्द्धिसुसमाकुले । योगिरूपधरः शम्भुरस्ति तत्र दिगम्बरः

nārada uvāca kailāse hyatiramye ca sarvarddhisusamākule yogirūpadharaḥ śambhurasti tatra digambaraḥ

नारद ने कहा — अत्यंत रमणीय, सभी ऋद्धियों से परिपूर्ण कैलास पर योगिरूपधारी दिगम्बर शम्भु निवास करते हैं।

श्लोक 45 (shiva.rudra.156.45)

तस्य भार्या सुरम्या हि सर्वलक्षणलक्षिता । सर्वाङ्गसुन्दरीनाम्ना पार्वतीति मनोहरा

tasya bhāryā suramyā hi sarvalakṣaṇalakṣitā sarvāṅgasundarīnāmnā pārvatīti manoharā

उनकी पत्नी, अत्यंत रमणीय, सर्वलक्षणों से युक्त, सर्वांगसुन्दरी, मनोहर हैं, जिनका नाम पार्वती है।

श्लोक 46 (shiva.rudra.156.46)

तदीदृशं रूपमनन्यसङ्गतं दृष्टं न कुत्रापि कुतूहलाढ्यम् । अत्यद्भुतं मोहनकृत्सुयोगिनां सुदर्शनीयं परमर्द्धिकारि

tadīdṛśaṁ rūpamananyasaṅgataṁ dṛṣṭaṁ na kutrāpi kutūhalāḍhyam atyadbhutaṁ mohanakṛtsuyogināṁ sudarśanīyaṁ paramarddhikāri

ऐसा अनुपम, कुतूहल से भरा रूप कहीं और नहीं देखा गया; वह अत्यंत अद्भुत, बड़े-बड़े योगियों को भी मोहित करने वाला, परम सुदर्शनीय और परम ऐश्वर्यकारी है।

श्लोक 47 (shiva.rudra.156.47)

स्वचित्ते कल्पयाम्यद्य शिवादन्यः समृद्धिमान् । जायारत्नान्विताद्वीर त्रिलोक्यां न जलन्धर

svacitte kalpayāmyadya śivādanyaḥ samṛddhimān jāyāratnānvitādvīra trilokyāṁ na jalandhara

हे वीर जलन्धर! मैं मन में यह मानता हूँ कि आज त्रिलोक में जायारत्न से युक्त शिव के समान समृद्धिमान् कोई अन्य नहीं है।

श्लोक 48 (shiva.rudra.156.48)

यस्या लावण्यजलधौ निमग्नश्चतुराननः । स्वधैर्य्यं मुमुचे पूर्वं तया कान्योपमीयते

yasyā lāvaṇyajaladhau nimagnaścaturānanaḥ svadhairyyaṁ mumuce pūrvaṁ tayā kānyopamīyate

जिसके सौन्दर्य के समुद्र में डूबकर स्वयं चतुरानन ब्रह्मा ने पूर्वकाल में अपना धैर्य खो दिया था, उसकी तुलना और किससे की जाये?

श्लोक 49 (shiva.rudra.156.49)

गतरागोऽपि हि यया मदनारिः स्वलीलया । निजतन्त्रोऽपि यतः स स्वात्मवशगः कृतः

gatarāgo'pi hi yayā madanāriḥ svalīlayā nijatantro'pi yataḥ sa svātmavaśagaḥ kṛtaḥ

जिसने अपनी लीलामात्र से कामारि (शिव) को, जो वीतराग और स्वतंत्र थे, फिर भी अपने ही वश में कर लिया।

श्लोक 50 (shiva.rudra.156.50)

यथा स्त्रीरत्नसम्भोक्तुः समृद्धिस्तस्य साभवत् । तथा न तव दैत्येन्द्र सर्वरत्नाधिपस्य च

yathā strīratnasambhoktuḥ samṛddhistasya sābhavat tathā na tava daityendra sarvaratnādhipasya ca

उस स्त्रीरत्न के भोक्ता की जैसी समृद्धि है, वैसी हे दैत्येन्द्र! सभी रत्नों के स्वामी होते हुए भी तुम्हारी नहीं है।

श्लोक 51 (shiva.rudra.156.51)

सनत्कुमार उवाच । इत्युक्त्वा स तु देवर्षिर्नारदो लोकविश्रुतः । ययौ विहायसा देवोपकारकरणोद्यतः

sanatkumāra uvāca ityuktvā sa tu devarṣirnārado lokaviśrutaḥ yayau vihāyasā devopakārakaraṇodyataḥ

सनत्कुमार ने कहा — इस प्रकार कहकर लोकविख्यात देवर्षि नारद, देवताओं का उपकार करने में तत्पर होकर आकाश-मार्ग से चले गये।