दूत संवाद

श्लोक 1 (shiva.rudra.157.1)

व्यास उवाच । सनत्कुमार सर्वज्ञ नारदे हि गते दिवि । दैत्यराट् किमकार्षीत्स तन्मे वद सुविस्तरात्

vyāsa uvāca sanatkumāra sarvajña nārade hi gate divi daityarāṭ kimakārṣītsa tanme vada suvistarāt

व्यास ने कहा — हे सर्वज्ञ सनत्कुमार! नारद के स्वर्ग चले जाने पर दैत्यराज ने क्या किया? वह मुझे विस्तारपूर्वक बताइये।

श्लोक 2 (shiva.rudra.157.2)

सनत्कुमार उवाच । तमामन्त्र्य गते दैत्यं नारदे दिवि दैत्यराट् । तद्रूपश्रवणादासीदनङ्गज्वरपीडितः

sanatkumāra uvāca tamāmantrya gate daityaṁ nārade divi daityarāṭ tadrūpaśravaṇādāsīdanaṅgajvarapīḍitaḥ

सनत्कुमार ने कहा — नारद के दैत्य से विदा लेकर स्वर्ग चले जाने पर, दैत्यराज उस रूप के वर्णन को सुनकर कामज्वर से पीड़ित हो गया।

श्लोक 3 (shiva.rudra.157.3)

अथो जलन्धरो दैत्यः कालाधीनः प्रनष्टधीः । दूतमाह्वाययामास सैंहिकेयं विमोहितः

atho jalandharo daityaḥ kālādhīnaḥ pranaṣṭadhīḥ dūtamāhvāyayāmāsa saiṁhikeyaṁ vimohitaḥ

तब काल के अधीन, नष्ट-बुद्धि, मोहग्रस्त दैत्य जलन्धर ने सैंहिकेय (राहु) नामक दूत को बुलवाया।

श्लोक 4 (shiva.rudra.157.4)

आगतं तं समालोक्य कामाक्रान्तमनाः स हि । सुसम्बोध्य समाचष्ट सिन्धुपुत्रो जलन्धरः

āgataṁ taṁ samālokya kāmākrāntamanāḥ sa hi susambodhya samācaṣṭa sindhuputro jalandharaḥ

उसे आया देखकर, कामाक्रान्त मन वाले सिन्धुपुत्र जलन्धर ने भलीभाँति सम्बोधित करके कहा।

श्लोक 5 (shiva.rudra.157.5)

जलन्धर उवाच । भो भो दूतवरश्रेष्ठ सर्वकार्यप्रसाधक । सैंहिकेय महाप्राज्ञ कैलासं गच्छ पर्वतम्

jalandhara uvāca bho bho dūtavaraśreṣṭha sarvakāryaprasādhaka saiṁhikeya mahāprājña kailāsaṁ gaccha parvatam

जलन्धर ने कहा — हे दूतवरश्रेष्ठ! हे सर्वकार्यसाधक! हे महाप्राज्ञ सैंहिकेय! तुम कैलास पर्वत पर जाओ।

श्लोक 6 (shiva.rudra.157.6)

तत्रास्ति योगी शम्भ्वाख्यस्तपस्वी च जटाधरः । भस्मभूषितसर्वाङ्गो विरक्तो विजितेन्द्रियः

tatrāsti yogī śambhvākhyastapasvī ca jaṭādharaḥ bhasmabhūṣitasarvāṅgo virakto vijitendriyaḥ

वहाँ शम्भु नामक एक योगी, तपस्वी, जटाधारी, सर्वांग भस्म से विभूषित, विरक्त और जितेन्द्रिय निवास करता है।

श्लोक 7 (shiva.rudra.157.7)

तत्र गत्वेति वक्तव्यं योगिनं दूत शङ्करम् । जटाधरं विरक्तं तं निर्भयेन हृदा त्वया

tatra gatveti vaktavyaṁ yoginaṁ dūta śaṅkaram jaṭādharaṁ viraktaṁ taṁ nirbhayena hṛdā tvayā

हे दूत! वहाँ जाकर तुम निर्भय हृदय से उस जटाधारी, विरक्त योगी शंकर से यह कहना।

श्लोक 8 (shiva.rudra.157.8)

हे योगिंस्ते दयासिन्धो जायारत्नेन किं भवेत् । भूतप्रेतपिशाचादिसेवितेन वनौकसा

he yogiṁste dayāsindho jāyāratnena kiṁ bhavet bhūtapretapiśācādisevitena vanaukasā

'हे योगिन्! हे दयासिन्धो! भूत-प्रेत-पिशाचों से सेवित, वनवासी तुम्हें जायारत्न से क्या प्रयोजन?'

श्लोक 9 (shiva.rudra.157.9)

मन्नाथे भुवने योगिन्नोचिता गतिरीदृशी । जायारत्नमतस्त्वं मे देहि रत्नभुजे निजम्

mannāthe bhuvane yoginnocitā gatirīdṛśī jāyāratnamatastvaṁ me dehi ratnabhuje nijam

'हे योगिन्! जिस भुवन का मैं स्वामी हूँ, वहाँ ऐसी दशा उचित नहीं। अतः रत्नभोक्ता मुझे अपना यह जायारत्न दे दो।'

श्लोक 10 (shiva.rudra.157.10)

यानि यानि सुरत्नानि त्रैलोक्ये तानि सन्ति मे । मदधीनं जगत्सर्वं विद्धि त्वं सचराचरम्

yāni yāni suratnāni trailokye tāni santi me madadhīnaṁ jagatsarvaṁ viddhi tvaṁ sacarācaram

'त्रैलोक्य में जितने भी उत्तम रत्न हैं, वे सब मेरे पास हैं। जानो कि यह सम्पूर्ण चराचर जगत् मेरे अधीन है।'

श्लोक 11 (shiva.rudra.157.11)

इन्द्रस्य गजरत्नं चोच्चैःश्रवोरत्नमुत्तमम् । बलाद्गृहीतं सहसा पारिजातस्तरुस्तथा

indrasya gajaratnaṁ coccaiḥśravoratnamuttamam balādgṛhītaṁ sahasā pārijātastarustathā

'इन्द्र के गजरत्न को, उत्तम अश्वरत्न उच्चैःश्रवा को, तथा पारिजात वृक्ष को भी मैंने बलपूर्वक सहसा छीन लिया है।'

श्लोक 12 (shiva.rudra.157.12)

विमानं हंससंयुक्तमङ्गणे मम तिष्ठति । रत्नभूतं महादिव्यमुत्तमं वेधसोद्भुतम्

vimānaṁ haṁsasaṁyuktamaṅgaṇe mama tiṣṭhati ratnabhūtaṁ mahādivyamuttamaṁ vedhasodbhutam

'हंसों से युक्त वह रत्नस्वरूप, महादिव्य, उत्तम, ब्रह्मा से उत्पन्न विमान मेरे आँगन में खड़ा है।'

श्लोक 13 (shiva.rudra.157.13)

महापद्मादिकं दिव्यं निधिरत्नं स्वदस्य च । छत्रं मे वारुणं गेहे काञ्चनस्रावि तिष्ठति

mahāpadmādikaṁ divyaṁ nidhiratnaṁ svadasya ca chatraṁ me vāruṇaṁ gehe kāñcanasrāvi tiṣṭhati

'महापद्म आदि दिव्य निधि-रत्न और कुबेर के, तथा वरुण का स्वर्ण-वर्षा करने वाला छत्र मेरे घर में विद्यमान है।'

श्लोक 14 (shiva.rudra.157.14)

किञ्जल्किनी महामाला सर्वदाऽम्लानपङ्कजा । मत्पितुः सा ममैवास्ति पाशश्च कपतेस्तथा

kiñjalkinī mahāmālā sarvadā'mlānapaṅkajā matpituḥ sā mamaivāsti pāśaśca kapatestathā

'सदा अम्लान कमलों वाली किंजल्किनी महामाला, जो मेरे पिता की थी, अब मेरी ही है, और वरुण का पाश भी।'

श्लोक 15 (shiva.rudra.157.15)

मृत्योरुत्क्रान्तिदा शक्तिर्मया नीता बलाद्वरा । ददौ मह्यं शुचिर्दिव्ये शुचिशौचे च वाससी

mṛtyorutkrāntidā śaktirmayā nītā balādvarā dadau mahyaṁ śucirdivye śuciśauce ca vāsasī

'मृत्यु की उत्क्रान्तिदायिनी उत्तम शक्ति को मैंने बलपूर्वक छीन लिया है, तथा शुचि ने मुझे दो दिव्य, अत्यंत पवित्र वस्त्र प्रदान किये हैं।'

श्लोक 16 (shiva.rudra.157.16)

एवं योगीन्द्र रत्नानि सर्वाणि विलसन्ति मे । अतस्त्वमपि मे देहि स्वस्त्रीरत्नं जटाधर

evaṁ yogīndra ratnāni sarvāṇi vilasanti me atastvamapi me dehi svastrīratnaṁ jaṭādhara

'हे योगीन्द्र! इस प्रकार सभी रत्न मेरे यहाँ शोभायमान हैं। अतः हे जटाधर! तुम भी मुझे अपना स्त्रीरत्न दे दो।'

श्लोक 17 (shiva.rudra.157.17)

सनत्कुमार उवाच । इति श्रुत्वा वचस्तस्य नन्दिना स प्रवेशितः । जगामोग्रसभां राहुर्विस्मयोद्भुतलोचनः

sanatkumāra uvāca iti śrutvā vacastasya nandinā sa praveśitaḥ jagāmograsabhāṁ rāhurvismayodbhutalocanaḥ

सनत्कुमार ने कहा — इन वचनों को सुनकर, नन्दी द्वारा प्रवेश कराये गये राहु, आश्चर्य से विस्फारित नेत्रों वाले होकर उस उग्र सभा में गया।

श्लोक 18 (shiva.rudra.157.18)

तत्र गत्वा शिवं साक्षाद्देवदेवं महाप्रभुम् । स्वतेजोध्वस्ततमसं भस्मलेपविराजितम्

tatra gatvā śivaṁ sākṣāddevadevaṁ mahāprabhum svatejodhvastatamasaṁ bhasmalepavirājitam

वहाँ जाकर उसने साक्षात् देवाधिदेव महाप्रभु शिव को देखा, जिनके अपने तेज से अंधकार नष्ट हो गया था, जो भस्म-लेप से सुशोभित थे।

श्लोक 19 (shiva.rudra.157.19)

महाराजोपचारेण विलसन्तं महाद्भुतम् । सर्वाङ्गसुन्दरं दिव्यभूषणैर्भूषितं हरम्

mahārājopacāreṇa vilasantaṁ mahādbhutam sarvāṅgasundaraṁ divyabhūṣaṇairbhūṣitaṁ haram

राजोचित सम्मान से सुशोभित, अत्यंत अद्भुत, सर्वांगसुन्दर, दिव्य आभूषणों से विभूषित हर को देखा।

श्लोक 20 (shiva.rudra.157.20)

प्रणनाम च तं गर्वात्तत्तेजः क्रान्तविग्रहः । निकटं गतवान् शम्भोः स दूतो राहुसंज्ञकः

praṇanāma ca taṁ garvāttattejaḥ krāntavigrahaḥ nikaṭaṁ gatavān śambhoḥ sa dūto rāhusaṁjñakaḥ

उस दूत राहु ने, गर्व से आक्रान्त शरीर वाले होते हुए भी, शम्भु के निकट जाकर उन्हें प्रणाम किया।

श्लोक 21 (shiva.rudra.157.21)

अथो तदग्र आसीनो वक्तुकामो हि सैंहिकः । त्र्यम्बकं स तदा संज्ञाप्रेरितो वाक्यमब्रवीत्

atho tadagra āsīno vaktukāmo hi saiṁhikaḥ tryambakaṁ sa tadā saṁjñāprerito vākyamabravīt

तत्पश्चात् उनके सामने बैठा हुआ, बोलने का इच्छुक सैंहिक (राहु) अपने आदेश से प्रेरित होकर त्र्यम्बक से यह वचन बोला।

श्लोक 22 (shiva.rudra.157.22)

राहुरुवाच । दैत्यपन्नगसेव्यस्य त्रैलोक्याधिपतेः सदा । दूतोऽहं प्रेषितस्तेन त्वत्सकाशमिहागतः

rāhuruvāca daityapannagasevyasya trailokyādhipateḥ sadā dūto'haṁ preṣitastena tvatsakāśamihāgataḥ

राहु ने कहा — दैत्यों और नागों द्वारा सेवित, त्रैलोक्य के सदा-स्वामी उस (जलन्धर) द्वारा मैं दूत बनाकर भेजा गया हूँ और तुम्हारे समीप आया हूँ।

श्लोक 23 (shiva.rudra.157.23)

जलन्धरोऽब्धितनयः सर्वदैत्यजनेश्वरः । त्रैलोक्यस्येश्वरस्सोऽथाभवत्सर्वाधिनायकः

jalandharo'bdhitanayaḥ sarvadaityajaneśvaraḥ trailokyasyeśvarasso'thābhavatsarvādhināyakaḥ

जलन्धर, समुद्र-पुत्र, समस्त दैत्यजनों का स्वामी — वह अब त्रैलोक्य का ईश्वर, सबका अधिनायक बन गया है।

श्लोक 24 (shiva.rudra.157.24)

स दैत्यराजो बलवान्देवानामन्तकोपमः । योगिनं त्वां समुद्दिश्य स यदाह शृणुष्व तत्

sa daityarājo balavāndevānāmantakopamaḥ yoginaṁ tvāṁ samuddiśya sa yadāha śṛṇuṣva tat

वह बलवान् दैत्यराज देवताओं के लिए मृत्यु के समान है; हे योगिन्! उसने तुम्हें उद्देश्य करके जो कहा है, उसे सुनो।

श्लोक 25 (shiva.rudra.157.25)

महादिव्यप्रभावस्य तस्य दैत्यपतेः प्रभोः । सर्वरत्नेश्वरस्य त्वमाज्ञां शृणु वृषध्वज

mahādivyaprabhāvasya tasya daityapateḥ prabhoḥ sarvaratneśvarasya tvamājñāṁ śṛṇu vṛṣadhvaja

हे वृषध्वज! उस महादिव्य प्रभाव वाले, सर्वरत्नों के स्वामी दैत्यपति की आज्ञा सुनो।

श्लोक 26 (shiva.rudra.157.26)

श्मशानवासिनो नित्यमस्थिमालाधरस्य च । दिगम्बरस्य ते भार्या कथं हैमवती शुभा

śmaśānavāsino nityamasthimālādharasya ca digambarasya te bhāryā kathaṁ haimavatī śubhā

श्मशान में निवास करने वाले, सदा अस्थिमाला धारण करने वाले, दिगम्बर तुम्हारी पत्नी वह शुभ हैमवती (पार्वती) कैसे हो सकती है?

श्लोक 27 (shiva.rudra.157.27)

अहं रत्नाधिनाथोऽस्मि सा च स्त्रीरत्नसंज्ञिता । तस्मान्ममैव सा योग्या नैव भिक्षाशिनस्तव

ahaṁ ratnādhinātho'smi sā ca strīratnasaṁjñitā tasmānmamaiva sā yogyā naiva bhikṣāśinastava

'मैं रत्नों का अधिनायक हूँ और वह स्त्रीरत्न कहलाती है; अतः वह मुझ ही योग्य है, भिक्षाजीवी तुम्हारे योग्य नहीं।'

श्लोक 28 (shiva.rudra.157.28)

मम वश्यास्त्रयो लोका भुञ्जेऽहं मखभागकान् । यानि सन्ति त्रिलोकेऽस्मिन् रत्नानि मम सद्मनि

mama vaśyāstrayo lokā bhuñje'haṁ makhabhāgakān yāni santi triloke'smin ratnāni mama sadmani

'तीनों लोक मेरे अधीन हैं, मैं यज्ञ के भागों का भोग करता हूँ; इस त्रिलोक में जो भी रत्न हैं, वे मेरे भवन में हैं।'

श्लोक 29 (shiva.rudra.157.29)

वयं रत्नभुजस्त्वं तु योगी खलु दिगम्बरः । स्वस्त्रीरत्नं देहि मह्यं राज्ञः सुखकराः प्रजाः

vayaṁ ratnabhujastvaṁ tu yogī khalu digambaraḥ svastrīratnaṁ dehi mahyaṁ rājñaḥ sukhakarāḥ prajāḥ

'हम रत्नभोगी हैं, और तुम तो मात्र दिगम्बर योगी हो। अपना स्त्रीरत्न मुझे दे दो — राजा से ही प्रजा सुखी होती है।'

श्लोक 30 (shiva.rudra.157.30)

सनत्कुमार उवाच । वदत्येवं तथा राहौ भ्रूमध्याच्छूलपाणिनः । अभवत्पुरुषो रौद्रस्तीव्राशनिसमस्वनः

sanatkumāra uvāca vadatyevaṁ tathā rāhau bhrūmadhyācchūlapāṇinaḥ abhavatpuruṣo raudrastīvrāśanisamasvanaḥ

सनत्कुमार ने कहा — राहु के इस प्रकार कहने पर, शूलपाणि के भृकुटि के मध्य से एक रौद्र पुरुष उत्पन्न हुआ, जिसकी गर्जना तीव्र वज्र के समान थी।

श्लोक 31 (shiva.rudra.157.31)

सिंहास्यप्रचलज्जिह्वः सज्ज्वालनयनो महान् । ऊर्ध्वकेशः शुष्कतनुर्नृसिंह इव चापरः

siṁhāsyapracalajjihvaḥ sajjvālanayano mahān ūrdhvakeśaḥ śuṣkatanurnṛsiṁha iva cāparaḥ

सिंह के मुख और लपलपाती जिह्वा वाला, ज्वालामय नेत्रों वाला, विशालकाय, ऊर्ध्व केशों वाला, शुष्क शरीर वाला — मानो दूसरा नृसिंह हो।

श्लोक 32 (shiva.rudra.157.32)

महातनुर्महाबाहुस्तालजङ्घो भयङ्करः । अभिदुद्राव वेगेन राहुं स पुरुषो द्रुतम्

mahātanurmahābāhustālajaṅgho bhayaṅkaraḥ abhidudrāva vegena rāhuṁ sa puruṣo drutam

विशाल शरीर, महाबाहु, ताड़ के समान जंघाओं वाला वह भयंकर पुरुष वेगपूर्वक राहु की ओर दौड़ पड़ा।

श्लोक 33 (shiva.rudra.157.33)

स तं खादितुमायान्तं दृष्ट्वा राहुर्भयातुरः । अधावदातिवेगेन बहिः स च दधार तम्

sa taṁ khāditumāyāntaṁ dṛṣṭvā rāhurbhayāturaḥ adhāvadātivegena bahiḥ sa ca dadhāra tam

उसे खाने के लिए आता देखकर भयभीत राहु अत्यंत वेग से बाहर भागा, और वह पुरुष उसका पीछा करता रहा।

श्लोक 34 (shiva.rudra.157.34)

राहुरुवाच । देवदेव महेशान पाहि मां शरणागतम् । सुराऽसुरैस्सदा वन्द्यः परमैश्वर्यवान् प्रभुः

rāhuruvāca devadeva maheśāna pāhi māṁ śaraṇāgatam surā'suraissadā vandyaḥ paramaiśvaryavān prabhuḥ

राहु ने कहा — हे देवदेव महेशान! मुझ शरणागत की रक्षा कीजिये; आप सुर-असुरों द्वारा सदा वन्दनीय, परम ऐश्वर्यवान् प्रभु हैं।

श्लोक 35 (shiva.rudra.157.35)

ब्राह्मणं मां महादेव खादितुं समुपागतः । पुरुषोऽयं तवेशान सेवकोऽतिभयङ्करः

brāhmaṇaṁ māṁ mahādeva khādituṁ samupāgataḥ puruṣo'yaṁ taveśāna sevako'tibhayaṅkaraḥ

हे महादेव! हे ईशान! आपका यह अत्यंत भयंकर सेवक मुझ ब्राह्मण को खाने के लिए आया है।

श्लोक 36 (shiva.rudra.157.36)

एतस्माद्रक्ष देवेश शरणागतवत्सलः । न खादेत यथायं मां नमस्तेऽस्तु मुहुर्मुहुः

etasmādrakṣa deveśa śaraṇāgatavatsalaḥ na khādeta yathāyaṁ māṁ namaste'stu muhurmuhuḥ

हे देवेश! हे शरणागतवत्सल! इससे मेरी रक्षा कीजिये, ताकि यह मुझे न खाये — आपको बारम्बार नमस्कार है।

श्लोक 37 (shiva.rudra.157.37)

सनत्कुमार उवाच । महादेवो वचः श्रुत्वा ब्राह्मणस्य तदा मुने । अब्रवीत्स्वगणं तं वै दीनानाथप्रियः प्रभुः

sanatkumāra uvāca mahādevo vacaḥ śrutvā brāhmaṇasya tadā mune abravītsvagaṇaṁ taṁ vai dīnānāthapriyaḥ prabhuḥ

सनत्कुमार ने कहा — हे मुने! ब्राह्मण के वचन सुनकर, दीन-अनाथों के प्रिय प्रभु महादेव ने अपने उस गण से कहा।

श्लोक 38 (shiva.rudra.157.38)

महादेव उवाच । प्रभुं च ब्राह्मणं दूतं राह्वाख्यं शरणागतम् । शरण्या रक्षणीया हि न दण्ड्या गणसत्तम

mahādeva uvāca prabhuṁ ca brāhmaṇaṁ dūtaṁ rāhvākhyaṁ śaraṇāgatam śaraṇyā rakṣaṇīyā hi na daṇḍyā gaṇasattama

महादेव ने कहा — हे गणसत्तम! यह राहु नामक ब्राह्मण दूत, स्वयं प्रभु होते हुए भी, शरणागत है; शरणागत की तो रक्षा करनी चाहिए, दण्ड नहीं देना चाहिए।

श्लोक 39 (shiva.rudra.157.39)

सनत्कुमार उवाच । इत्युक्तौ गिरिजेशेन सगणः करुणात्मना । राहुं तत्याज सहसा ब्राह्मणेति श्रुताक्षरः

sanatkumāra uvāca ityuktau girijeśena sagaṇaḥ karuṇātmanā rāhuṁ tatyāja sahasā brāhmaṇeti śrutākṣaraḥ

सनत्कुमार ने कहा — करुणामय गिरिजेश (शिव) द्वारा इस प्रकार कहे जाने पर उस गण ने 'ब्राह्मण' शब्द सुनते ही तुरंत राहु को छोड़ दिया।

श्लोक 40 (shiva.rudra.157.40)

राहुं त्यक्त्वाम्बरे सोऽथ पुरुषो दीनया गिरा । शिवोपकण्ठमागत्य महादेवं व्यजिज्ञपत्

rāhuṁ tyaktvāmbare so'tha puruṣo dīnayā girā śivopakaṇṭhamāgatya mahādevaṁ vyajijñapat

राहु को आकाश में छोड़कर वह पुरुष शिव के समीप आकर दीन वाणी में महादेव से निवेदन करने लगा।

श्लोक 41 (shiva.rudra.157.41)

पुरुष उवाच । देवदेव महादेव करुणाकर शङ्कर । त्याजितं मम भक्ष्यं ते शरणागतवत्सल

puruṣa uvāca devadeva mahādeva karuṇākara śaṅkara tyājitaṁ mama bhakṣyaṁ te śaraṇāgatavatsala

उस पुरुष ने कहा — हे देवदेव महादेव! हे करुणाकर शंकर! हे शरणागतवत्सल! आपने मुझसे मेरा भक्ष्य छुड़वा दिया।

श्लोक 42 (shiva.rudra.157.42)

क्षुधा मां बाधते स्वामिन्क्षुत्क्षामश्चास्मि सर्वथा । किं भक्ष्यं मम देवेश तदाज्ञापय मां प्रभो

kṣudhā māṁ bādhate svāminkṣutkṣāmaścāsmi sarvathā kiṁ bhakṣyaṁ mama deveśa tadājñāpaya māṁ prabho

हे स्वामिन्! क्षुधा मुझे पीड़ित कर रही है, मैं सर्वथा क्षुत्क्षीण हूँ; हे देवेश! मेरा भक्ष्य क्या है, यह मुझे आज्ञा दीजिये।

श्लोक 43 (shiva.rudra.157.43)

सनत्कुमार उवाच । इत्याकर्ण्य वचस्तस्य पुरुषस्य महाप्रभुः । प्रत्युवाचाद्भुतोतिः स कौतुकी स्वहितङ्करः

sanatkumāra uvāca ityākarṇya vacastasya puruṣasya mahāprabhuḥ pratyuvācādbhutotiḥ sa kautukī svahitaṅkaraḥ

सनत्कुमार ने कहा — उस पुरुष के इन वचनों को सुनकर अद्भुत लीला वाले, कौतुकी, स्वहितकारी महाप्रभु ने उत्तर दिया।

श्लोक 44 (shiva.rudra.157.44)

महेश्वर उवाच । बुभुक्षा यदि तेऽतीव क्षुधा त्वां बाधते यदि । सम्भक्षयात्मनश्शीघ्रं मांसं त्वं हस्तपादयोः

maheśvara uvāca bubhukṣā yadi te'tīva kṣudhā tvāṁ bādhate yadi sambhakṣayātmanaśśīghraṁ māṁsaṁ tvaṁ hastapādayoḥ

महेश्वर ने कहा — यदि तुम्हें इतनी अधिक बुभुक्षा है, यदि क्षुधा तुम्हें इतना पीड़ित कर रही है, तो तुम शीघ्र ही अपने हाथों और पैरों का मांस स्वयं खा लो।

श्लोक 45 (shiva.rudra.157.45)

सनत्कुमार उवाच । स शिवेनैवमाज्ञप्तश्चखाद पुरुषः स्वकम् । हस्तपादोद्भवं मांसं शिरः शेषोऽभवद्यथा

sanatkumāra uvāca sa śivenaivamājñaptaścakhāda puruṣaḥ svakam hastapādodbhavaṁ māṁsaṁ śiraḥ śeṣo'bhavadyathā

सनत्कुमार ने कहा — शिव द्वारा इस प्रकार आज्ञप्त होकर उस पुरुष ने अपने हाथ-पैरों का मांस खा लिया, यहाँ तक कि केवल सिर ही शेष रह गया।

श्लोक 46 (shiva.rudra.157.46)

दृष्ट्वा शिरोऽवशेषं तु सुप्रसन्नःसदाशिवः । पुरुषं भीमकर्माणं तमुवाच सविस्मयः

dṛṣṭvā śiro'vaśeṣaṁ tu suprasannaḥsadāśivaḥ puruṣaṁ bhīmakarmāṇaṁ tamuvāca savismayaḥ

केवल सिर शेष रह जाने पर, अत्यंत प्रसन्न सदाशिव ने विस्मयपूर्वक उस भीमकर्मा पुरुष से कहा।

श्लोक 47 (shiva.rudra.157.47)

शिव उवाच । हे महागण धन्यस्त्वं मदाज्ञाप्रतिपालकः । सन्तुष्टश्चास्मि तेऽतीव कर्मणानेन सत्तम

śiva uvāca he mahāgaṇa dhanyastvaṁ madājñāpratipālakaḥ santuṣṭaścāsmi te'tīva karmaṇānena sattama

शिव ने कहा — हे महागण! तुम धन्य हो, तुम मेरी आज्ञा का पालन करने वाले हो; हे सत्तम! मैं तुम्हारे इस कर्म से अत्यंत सन्तुष्ट हूँ।

श्लोक 48 (shiva.rudra.157.48)

त्वं कीर्तिमुखसंज्ञो हि भव मद्द्वारकः सदा । महागणो महावीरः सर्वदुष्टभयङ्करः

tvaṁ kīrtimukhasaṁjño hi bhava maddvārakaḥ sadā mahāgaṇo mahāvīraḥ sarvaduṣṭabhayaṅkaraḥ

तुम कीर्तिमुख नाम से जाने जाओगे और सदा मेरे द्वार के रक्षक बनोगे — महागण, महावीर, समस्त दुष्टों के लिए भयंकर।

श्लोक 49 (shiva.rudra.157.49)

मत्प्रियस्त्वं मदर्चायां सदा पूज्यो हि मज्जनैः । त्वदर्चां ये न कुर्वन्ति नैव ते मत्प्रियङ्कराः

matpriyastvaṁ madarcāyāṁ sadā pūjyo hi majjanaiḥ tvadarcāṁ ye na kurvanti naiva te matpriyaṅkarāḥ

तुम मुझे प्रिय हो और मेरी पूजा में मेरे भक्तों द्वारा सदा पूजनीय रहोगे; जो तुम्हारी पूजा नहीं करते, वे मुझे प्रिय करने वाले नहीं हैं।

श्लोक 50 (shiva.rudra.157.50)

सनत्कुमार उवाच । इति शम्भोर्वरं प्राप्य पुरुषः प्रजहर्ष सः । तदाप्रभृति देवेशद्वारे कीर्तिमुखः स्थितः

sanatkumāra uvāca iti śambhorvaraṁ prāpya puruṣaḥ prajaharṣa saḥ tadāprabhṛti deveśadvāre kīrtimukhaḥ sthitaḥ

सनत्कुमार ने कहा — शम्भु से यह वर पाकर वह पुरुष अत्यंत हर्षित हुआ; तभी से कीर्तिमुख देवेश के द्वार पर स्थित है।

श्लोक 51 (shiva.rudra.157.51)

पूजनीयो विशेषेण स गणश्शिवपूजने । नार्चयन्तीह ये पूर्वं तेषामर्चा वृथा भवेत्

pūjanīyo viśeṣeṇa sa gaṇaśśivapūjane nārcayantīha ye pūrvaṁ teṣāmarcā vṛthā bhavet

शिव-पूजन में उस गण की विशेष रूप से पूजा करनी चाहिए; जो पहले उसकी अर्चना नहीं करते, उनकी पूजा व्यर्थ हो जाती है।