वृन्दा पातिव्रत भंग एवं देहत्याग वर्णन

श्लोक 1 (shiva.rudra.161.1)

व्यास उवाच । सनत्कुमार सर्वज्ञ वद त्वं वदतां वर । किमकार्षीद्धरिस्तत्र धर्मं तत्याज सा कथम्

vyāsa uvāca sanatkumāra sarvajña vada tvaṁ vadatāṁ vara kimakārṣīddharistatra dharmaṁ tatyāja sā katham

व्यास ने कहा — हे सर्वज्ञ, वक्ताओं में श्रेष्ठ सनत्कुमार! बताइये कि वहाँ हरि ने क्या किया, और उसने (वृन्दा ने) अपने धर्म को कैसे त्यागा?

श्लोक 2 (shiva.rudra.161.2)

सनत्कुमार उवाच । विष्णुर्जालन्धरं गत्वा दैत्यस्य पुटभेदनम् । पातिव्रत्यस्य भङ्गाय वृन्दायाश्चाकरोन्मतिम्

sanatkumāra uvāca viṣṇurjālandharaṁ gatvā daityasya puṭabhedanam pātivratyasya bhaṅgāya vṛndāyāścākaronmatim

सनत्कुमार ने कहा — विष्णु ने दैत्य की राजधानी जालन्धर नगर में जाकर वृन्दा के पातिव्रत्य को भंग करने का निश्चय किया।

श्लोक 3 (shiva.rudra.161.3)

वृन्दां स दर्शयामास स्वप्नं मायाविनां वरः । स्वयं तन्नगरोद्यानमास्थितोऽद्भुतविग्रहः

vṛndāṁ sa darśayāmāsa svapnaṁ māyāvināṁ varaḥ svayaṁ tannagarodyānamāsthito'dbhutavigrahaḥ

उस मायाविदों में श्रेष्ठ ने वृन्दा को एक स्वप्न दिखाया, और स्वयं अद्भुत रूप धारण करके उस नगर के उद्यान में जा बैठे।

श्लोक 4 (shiva.rudra.161.4)

अथ वृन्दा तदा देवी तत्पत्नी निशि सुव्रता । हरेर्मायाप्रभावात्तु दुस्स्वप्नं सा ददर्श ह

atha vṛndā tadā devī tatpatnī niśi suvratā harermāyāprabhāvāttu dussvapnaṁ sā dadarśa ha

तब वृन्दा देवी, सुव्रता, उस रात्रि हरि की माया के प्रभाव से एक दुःस्वप्न देखने लगीं।

श्लोक 5 (shiva.rudra.161.5)

स्वप्नमध्ये हि सा विष्णुमायया प्रददर्श ह । भर्त्तारं महिषारूढं तैलाभ्यक्तं दिगम्बरम्

svapnamadhye hi sā viṣṇumāyayā pradadarśa ha bharttāraṁ mahiṣārūḍhaṁ tailābhyaktaṁ digambaram

स्वप्न में विष्णु की माया से उन्होंने अपने पति को भैंसे पर सवार, तेल से लिप्त, वस्त्रहीन देखा।

श्लोक 6 (shiva.rudra.161.6)

कृष्णप्रसूनभूषाढ्यं क्रव्यादगणसेवितम् । दक्षिणाशां गतं मुण्डं तमसा च वृतं तदा

kṛṣṇaprasūnabhūṣāḍhyaṁ kravyādagaṇasevitam dakṣiṇāśāṁ gataṁ muṇḍaṁ tamasā ca vṛtaṁ tadā

वे काले पुष्पों से अलंकृत, मांसभक्षी प्रेतगणों से सेवित, मुण्डित सिर वाले, दक्षिण दिशा की ओर जाते हुए और अंधकार से घिरे हुए दिखायी दिये।

श्लोक 7 (shiva.rudra.161.7)

स्वपुरं सागरे मग्नं सहसैवात्मना सह । इत्यादि बहुदुःस्वप्नान्निशान्ते सा ददर्श ह

svapuraṁ sāgare magnaṁ sahasaivātmanā saha ityādi bahuduḥsvapnānniśānte sā dadarśa ha

उन्होंने अपने नगर को स्वयं सहित अकस्मात् समुद्र में डूबते हुए देखा; इस प्रकार रात्रि के अन्त में उन्होंने अनेक दुःस्वप्न देखे।

श्लोक 8 (shiva.rudra.161.8)

ततः प्रबुध्य सा बाला तं स्वप्नं स्वं विचिन्वती । ददर्शोदितमादित्यं सच्छिद्रं निष्प्रभं मुहुः

tataḥ prabudhya sā bālā taṁ svapnaṁ svaṁ vicinvatī dadarśoditamādityaṁ sacchidraṁ niṣprabhaṁ muhuḥ

तब जागकर, अपने स्वप्न पर विचार करती हुई उस बाला ने उगते हुए सूर्य को बार-बार छिद्रयुक्त और निस्तेज देखा।

श्लोक 9 (shiva.rudra.161.9)

तदनिष्टमिदं ज्ञात्वा रुदन्ती भयविह्वला । कुत्रचिन्नाप सा शर्म गोपुराट्टालभूमिषु

tadaniṣṭamidaṁ jñātvā rudantī bhayavihvalā kutracinnāpa sā śarma gopurāṭṭālabhūmiṣu

इसे अशुभ जानकर रोती हुई, भयविह्वल वह न तो नगरद्वारों पर और न अट्टालिकाओं में कहीं भी शान्ति पा सकी।

श्लोक 10 (shiva.rudra.161.10)

ततःसखीद्वययुता नगरोद्यानमागमत् । तत्रापि सा गता बाला न प्राप कुत्रचित्सुखम्

tataḥsakhīdvayayutā nagarodyānamāgamat tatrāpi sā gatā bālā na prāpa kutracitsukham

तब दो सखियों सहित वे नगर के उद्यान में आयीं; किन्तु वहाँ जाकर भी उस बाला को कहीं सुख नहीं मिला।

श्लोक 11 (shiva.rudra.161.11)

ततो जलन्धरस्त्री सा निर्विण्णोद्विग्नमानसा । वनाद्वनान्तरं याता नैव वेदात्मना तदा

tato jalandharastrī sā nirviṇṇodvignamānasā vanādvanāntaraṁ yātā naiva vedātmanā tadā

तब जलन्धर की वह पत्नी विषण्ण और उद्विग्नचित्त होकर, अपने आप को भी न पहचानते हुए, एक वन से दूसरे वन में भटकने लगी।

श्लोक 12 (shiva.rudra.161.12)

भ्रमती सा ततो बाला ददर्शातीव भीषणौ । राक्षसौ सिंहवदनौ दृष्ट्वा दशनभासुरौ

bhramatī sā tato bālā dadarśātīva bhīṣaṇau rākṣasau siṁhavadanau dṛṣṭvā daśanabhāsurau

इस प्रकार भटकती हुई उस बाला ने दो अत्यंत भीषण राक्षसों को देखा, जो सिंहमुख और चमकते दाँतों वाले थे।

श्लोक 13 (shiva.rudra.161.13)

तौ दृष्ट्वा विह्वलातीव पलायनपरा तदा । ददर्श तापसं शान्तं सशिष्यं मौनमास्थितम्

tau dṛṣṭvā vihvalātīva palāyanaparā tadā dadarśa tāpasaṁ śāntaṁ saśiṣyaṁ maunamāsthitam

उन्हें देखकर अत्यंत विह्वल, भागने को उद्यत वह तब अपने शिष्य सहित मौनव्रत में स्थित शान्त तपस्वी को देखने लगी।

श्लोक 14 (shiva.rudra.161.14)

ततस्तत्कण्ठमासाद्य निजां बाहुलतां भयात् । मुने मां रक्ष शरणमागतास्मीत्यभाषत

tatastatkaṇṭhamāsādya nijāṁ bāhulatāṁ bhayāt mune māṁ rakṣa śaraṇamāgatāsmītyabhāṣata

तब भय से उसने अपनी भुजलताओं से उनका गला पकड़कर कहा, 'हे मुने! मेरी रक्षा कीजिये, मैं शरणागत हूँ।'

श्लोक 15 (shiva.rudra.161.15)

मुनिस्तां विह्वलां दृष्ट्वा राक्षसानुगतां तदा । हुङ्कारेणैव तौ घोरौ चकार विमुखौ द्रुतम्

munistāṁ vihvalāṁ dṛṣṭvā rākṣasānugatāṁ tadā huṅkāreṇaiva tau ghorau cakāra vimukhau drutam

उन राक्षसों द्वारा पीछा की जाती हुई विह्वल उस स्त्री को देखकर मुनि ने मात्र हुंकार से ही उन दोनों भीषण राक्षसों को शीघ्र विमुख कर दिया।

श्लोक 16 (shiva.rudra.161.16)

तद् हुङ्कारभयत्रस्तौ दृष्ट्वा तौ विमुखौ गतौ । विस्मितातीव दैत्येन्द्रपत्नी साभून्मुने हृदि

tad huṅkārabhayatrastau dṛṣṭvā tau vimukhau gatau vismitātīva daityendrapatnī sābhūnmune hṛdi

उस हुंकार से भयभीत होकर उन दोनों को विमुख होते देख दैत्येन्द्रपत्नी हृदय में अत्यंत विस्मित हुई।

श्लोक 17 (shiva.rudra.161.17)

ततस्सा मुनिनाथं तं भयान्मुक्ता कृताञ्जलिः । प्रणम्य दण्डवद्भूमौ वृन्दा वचनमब्रवीत्

tatassā munināthaṁ taṁ bhayānmuktā kṛtāñjaliḥ praṇamya daṇḍavadbhūmau vṛndā vacanamabravīt

तब भय से मुक्त होकर वृन्दा ने हाथ जोड़कर, भूमि पर दण्डवत् प्रणाम करके उस मुनिनाथ से यह वचन कहा।

श्लोक 18 (shiva.rudra.161.18)

वृन्दोवाच । मुनिनाथ दयासिन्धो परपीडानिवारक । रक्षिताहं त्वया घोराद्भयादस्मात्खलोद्भवात्

vṛndovāca muninātha dayāsindho parapīḍānivāraka rakṣitāhaṁ tvayā ghorādbhayādasmātkhalodbhavāt

वृन्दा ने कहा — हे मुनिनाथ! हे दयासिन्धो! हे परपीड़ानिवारक! आपने मुझे इस दुष्टजनित घोर भय से बचाया है।

श्लोक 19 (shiva.rudra.161.19)

समर्थः सर्वथा त्वं हि सर्वज्ञोऽपि कृपानिधे । किञ्चिद्विज्ञप्तुमिच्छामि कृपया तन्निशामय

samarthaḥ sarvathā tvaṁ hi sarvajño'pi kṛpānidhe kiñcidvijñaptumicchāmi kṛpayā tanniśāmaya

हे कृपानिधे! आप सर्वथा समर्थ और सर्वज्ञ भी हैं; मैं कुछ निवेदन करना चाहती हूँ, कृपया उसे सुनिये।

श्लोक 20 (shiva.rudra.161.20)

जलन्धरो हि मद्भर्त्ता रुद्रं योद्धुं गतः प्रभो । स तत्रास्ते कथं युद्धे तन्मे कथय सुव्रत

jalandharo hi madbharttā rudraṁ yoddhuṁ gataḥ prabho sa tatrāste kathaṁ yuddhe tanme kathaya suvrata

हे प्रभो! मेरे पति जलन्धर रुद्र से युद्ध करने गये हैं; हे सुव्रत! वे वहाँ युद्ध में कैसे हैं, यह मुझे बताइये।

श्लोक 21 (shiva.rudra.161.21)

सनत्कुमार उवाच । मुनिस्तद्वाक्यमाकर्ण्य मौनं कपटमास्थितः । कर्त्तुं स्वार्थं विधानज्ञः कृपयोर्ध्वमवैक्षत

sanatkumāra uvāca munistadvākyamākarṇya maunaṁ kapaṭamāsthitaḥ karttuṁ svārthaṁ vidhānajñaḥ kṛpayordhvamavaikṣata

सनत्कुमार ने कहा — मुनि ने उसका यह वचन सुनकर छलपूर्वक मौन धारण किया; अपने प्रयोजन को सिद्ध करने के लिए, विधि के ज्ञाता होकर उन्होंने कृपापूर्वक ऊपर की ओर देखा।

श्लोक 22 (shiva.rudra.161.22)

तावत्कपीशावायातौ तं प्रणम्याग्रतः स्थितौ । ततस्तद्भ्रूलतासंज्ञानियुक्तौ गगनं गतौ

tāvatkapīśāvāyātau taṁ praṇamyāgrataḥ sthitau tatastadbhrūlatāsaṁjñāniyuktau gaganaṁ gatau

तभी दो वानरराज वहाँ आये और उन्हें प्रणाम करके उनके सामने खड़े हो गये; तब उनकी भृकुटि के संकेत से आदेश पाकर वे आकाश में चले गये।

श्लोक 23 (shiva.rudra.161.23)

नीत्वा क्षणार्द्धमागत्य पुनस्तस्याग्रतः स्थितौ । तस्यैव कं कबन्धं च हस्तावास्तां मुनीश्वर

nītvā kṣaṇārddhamāgatya punastasyāgrataḥ sthitau tasyaiva kaṁ kabandhaṁ ca hastāvāstāṁ munīśvara

हे मुनीश्वर! क्षणार्ध में वे लौटकर पुनः उनके सामने खड़े हो गये, अपने हाथों में उसी (जलन्धर) का सिर और धड़ लिये हुए।

श्लोक 24 (shiva.rudra.161.24)

शिरः कबन्धं हस्तौ तौ दृष्ट्वाब्धितनयस्य सा । पपात मूर्च्छिता भूमौ भर्तृव्यसनदुःखिता

śiraḥ kabandhaṁ hastau tau dṛṣṭvābdhitanayasya sā papāta mūrcchitā bhūmau bhartṛvyasanaduḥkhitā

सागरतनय (जलन्धर) का वह सिर और धड़ उन हाथों में देखकर वे पति की विपत्ति से दुःखित होकर मूर्च्छित होकर भूमि पर गिर पड़ीं।

श्लोक 25 (shiva.rudra.161.25)

वृन्दोवाच । यः पुरा सुखसंवादैर्विनोदयसि मां प्रभो । स कथं न वदस्यद्य वल्लभां मामनागसम्

vṛndovāca yaḥ purā sukhasaṁvādairvinodayasi māṁ prabho sa kathaṁ na vadasyadya vallabhāṁ māmanāgasam

वृन्दा ने कहा — हे प्रभो! जो आप पहले सुखद वार्तालाप से मुझे प्रसन्न रखते थे, वे आप आज अपनी निरपराध प्रिया मुझसे बात क्यों नहीं करते?

श्लोक 26 (shiva.rudra.161.26)

येन देवाः सगन्धर्वा निर्जिता विष्णुना सह । कथं स तापसेनाद्य त्रैलोक्यविजयी हतः

yena devāḥ sagandharvā nirjitā viṣṇunā saha kathaṁ sa tāpasenādya trailokyavijayī hataḥ

जिसने विष्णु सहित देवताओं और गन्धर्वों को भी जीत लिया था, वह त्रैलोक्यविजयी आज एक तपस्वी के हाथों कैसे मारा गया?

श्लोक 27 (shiva.rudra.161.27)

नाङ्गीकृतं हि मे वाक्यं रुद्रतत्त्वमजानता । परं ब्रह्म शिवश्चेति वदन्त्या दैत्यसत्तम

nāṅgīkṛtaṁ hi me vākyaṁ rudratattvamajānatā paraṁ brahma śivaśceti vadantyā daityasattama

हे दैत्यसत्तम! रुद्र के तत्त्व को न जानते हुए, 'शिव ही परब्रह्म हैं' — यह कहने वाली मेरी बात आपने कभी स्वीकार नहीं की।

श्लोक 28 (shiva.rudra.161.28)

ततस्त्वं हि मया ज्ञातस्तव सेवाप्रभावतः । गर्वितेन त्वया नैव कुसङ्गवशगेन हि

tatastvaṁ hi mayā jñātastava sevāprabhāvataḥ garvitena tvayā naiva kusaṅgavaśagena hi

तत्पश्चात् मैंने अपनी सेवा के प्रभाव से आपको भलीभाँति जान लिया था, परन्तु गर्वित और कुसंगति के वशीभूत आपने कभी मुझे नहीं जाना।

श्लोक 29 (shiva.rudra.161.29)

इत्थं प्रभाष्य बहुधा स्वधर्मस्था च तत्प्रिया । विललाप विचित्रं सा हृदयेन विदूयता

itthaṁ prabhāṣya bahudhā svadharmasthā ca tatpriyā vilalāpa vicitraṁ sā hṛdayena vidūyatā

इस प्रकार अनेक प्रकार से कहकर, स्वधर्म में स्थित वह प्रिया व्यथित हृदय से विचित्र प्रकार से विलाप करने लगी।

श्लोक 30 (shiva.rudra.161.30)

ततःसा धैर्यमालम्ब्य दुःखोच्छ्वासान्विमुञ्चती । उवाच मुनिवर्यं तं सुप्रणम्य कृताञ्जलिः

tataḥsā dhairyamālambya duḥkhocchvāsānvimuñcatī uvāca munivaryaṁ taṁ supraṇamya kṛtāñjaliḥ

तब धैर्य धारण करके, दुःख भरी लम्बी साँसें लेती हुई उसने हाथ जोड़कर उस मुनिवर को भलीभाँति प्रणाम करके कहा।

श्लोक 31 (shiva.rudra.161.31)

कृपानिधे मुनिश्रेष्ठ परोपकरणादर । मयि कृत्वा कृपां साधो जीवयैनं मम प्रभुम्

kṛpānidhe muniśreṣṭha paropakaraṇādara mayi kṛtvā kṛpāṁ sādho jīvayainaṁ mama prabhum

हे कृपानिधे! हे मुनिश्रेष्ठ! हे परोपकारप्रिय साधो! मुझ पर कृपा करके मेरे इन प्रभु (पति) को जीवित कर दीजिये।

श्लोक 32 (shiva.rudra.161.32)

यत्त्वमस्य पुनः शक्तो जीवनाय मतो मम । अतः सञ्जीवयैनं मे प्राणनाथं मुनीश्वर

yattvamasya punaḥ śakto jīvanāya mato mama ataḥ sañjīvayainaṁ me prāṇanāthaṁ munīśvara

मुझे विश्वास है कि आप इन्हें पुनः जीवित करने में समर्थ हैं; अतः हे मुनीश्वर! मेरे इस प्राणनाथ को पुनर्जीवित कीजिये।

श्लोक 33 (shiva.rudra.161.33)

सनत्कुमार उवाच । इत्युक्त्वा दैत्यपत्नी सा पतिव्रत्यपरायणा । पादयोः पतिता तस्य दुःखश्वासान् विमुञ्चती

sanatkumāra uvāca ityuktvā daityapatnī sā pativratyaparāyaṇā pādayoḥ patitā tasya duḥkhaśvāsān vimuñcatī

सनत्कुमार ने कहा — इस प्रकार कहकर पतिव्रत्यपरायणा वह दैत्यपत्नी दुःख भरी साँसें लेती हुई उनके चरणों में गिर पड़ी।

श्लोक 34 (shiva.rudra.161.34)

मुनिरुवाच । नायं जीवयितुं शक्तो रुद्रेण निहतो युधि । रुद्रेण निहता युद्धे न जीवन्ति कदाचन

muniruvāca nāyaṁ jīvayituṁ śakto rudreṇa nihato yudhi rudreṇa nihatā yuddhe na jīvanti kadācana

मुनि ने कहा — रुद्र द्वारा युद्ध में मारा गया यह जीवित नहीं हो सकता; रुद्र द्वारा युद्ध में मारे गये कभी जीवित नहीं होते।

श्लोक 35 (shiva.rudra.161.35)

तथापि कृपयाविष्ट एनं सञ्जीवयाम्यहम् । रक्ष्याः शरणगाश्चेति जानन्धर्मं सनातनम्

tathāpi kṛpayāviṣṭa enaṁ sañjīvayāmyaham rakṣyāḥ śaraṇagāśceti jānandharmaṁ sanātanam

फिर भी कृपा से आविष्ट होकर मैं इसे पुनर्जीवित करूँगा — यह जानते हुए कि शरणागत की रक्षा करना सनातन धर्म है।

श्लोक 36 (shiva.rudra.161.36)

सनत्कुमार उवाच । इत्युक्त्वा स मुनिस्तस्या जीवयित्वा पतिं मुने । अन्तर्दधे ततो विष्णुः सर्वमायाविनां वरः

sanatkumāra uvāca ityuktvā sa munistasyā jīvayitvā patiṁ mune antardadhe tato viṣṇuḥ sarvamāyāvināṁ varaḥ

सनत्कुमार ने कहा — हे मुने! इस प्रकार कहकर उस मुनि ने उसके पति को जीवित करके, फिर वे सर्वमायाविश्रेष्ठ विष्णु अन्तर्धान हो गये।

श्लोक 37 (shiva.rudra.161.37)

द्रुतं स जीवितस्तेनोत्थितः सागरनन्दनः । वृन्दामालिङ्ग्य तद्वक्त्रं चुचुम्ब प्रीतमानसः

drutaṁ sa jīvitastenotthitaḥ sāgaranandanaḥ vṛndāmāliṅgya tadvaktraṁ cucumba prītamānasaḥ

उनके द्वारा तुरंत जीवित होकर सागरनन्दन उठ खड़ा हुआ, और प्रसन्नचित्त होकर वृन्दा का आलिंगन करके उसका मुख चूम लिया।

श्लोक 38 (shiva.rudra.161.38)

अथ वृन्दापि भर्तारं दृष्ट्वा हर्षितमानसा । जहौ शोकं च निखिलं स्वप्नवद् हृद्यमन्यत

atha vṛndāpi bhartāraṁ dṛṣṭvā harṣitamānasā jahau śokaṁ ca nikhilaṁ svapnavad hṛdyamanyata

तब वृन्दा भी अपने पति को देखकर हर्षितचित्त हो गयी और अपने समस्त शोक को हृदय में स्वप्नवत् मानकर त्याग दिया।

श्लोक 39 (shiva.rudra.161.39)

अथ प्रसन्नहृदया सा हि सञ्जातहृच्छया । रेमे तद्वनमध्यस्था तद्युक्ता बहुवासरान्

atha prasannahṛdayā sā hi sañjātahṛcchayā reme tadvanamadhyasthā tadyuktā bahuvāsarān

तत्पश्चात् प्रसन्नहृदया, हृदय में प्रेम-भाव से युक्त वह उस वन के मध्य कई दिनों तक उनके साथ रमण करती रही।

श्लोक 40 (shiva.rudra.161.40)

कदाचित्सुरतस्यान्ते दृष्ट्वा विष्णुं तमेव हि । निर्भर्त्स्य क्रोधसंयुक्ता वृन्दा वचनमब्रवीत्

kadācitsuratasyānte dṛṣṭvā viṣṇuṁ tameva hi nirbhartsya krodhasaṁyuktā vṛndā vacanamabravīt

एक बार समागम के अन्त में उसे साक्षात् विष्णु के रूप में पहचानकर, क्रोध से भरी वृन्दा ने उन्हें धिक्कारते हुए यह वचन कहा।

श्लोक 41 (shiva.rudra.161.41)

वृन्दोवाच । धिक् तदेवं हरे शीलं परदाराभिगामिनः । ज्ञातोऽसि त्वं मया सम्यङ्मायी प्रत्यक्षतापसः

vṛndovāca dhik tadevaṁ hare śīlaṁ paradārābhigāminaḥ jñāto'si tvaṁ mayā samyaṅmāyī pratyakṣatāpasaḥ

वृन्दा ने कहा — हे हरे! परस्त्री-गामी! तुम्हारे इस आचरण को धिक्कार है। मैंने तुम्हें भलीभाँति पहचान लिया है — तुम प्रत्यक्ष तपस्वी के वेश में मायावी हो।

श्लोक 42 (shiva.rudra.161.42)

सनत्कुमार उवाच । इत्युक्त्वा क्रोधमापन्ना दर्शयन्ती स्वतेजसम् । शशाप केशवं व्यास पातिव्रत्यरता च सा

sanatkumāra uvāca ityuktvā krodhamāpannā darśayantī svatejasam śaśāpa keśavaṁ vyāsa pātivratyaratā ca sā

सनत्कुमार ने कहा — हे व्यास! इस प्रकार कहकर क्रोधित होकर, अपना तेज प्रकट करती हुई पातिव्रत्यनिष्ठ वृन्दा ने केशव को शाप दे दिया।

श्लोक 43 (shiva.rudra.161.43)

रे महाधम दैत्यारे परधर्मविदूषक । गृह्णीष्व शठ मद्दत्तं शापं सर्वविषोल्बणम्

re mahādhama daityāre paradharmavidūṣaka gṛhṇīṣva śaṭha maddattaṁ śāpaṁ sarvaviṣolbaṇam

'रे महाधम! दैत्यारे! पर-धर्म के दूषक! रे शठ! मेरे द्वारा दिये गये इस सर्वविषोल्बण शाप को ग्रहण करो।'

श्लोक 44 (shiva.rudra.161.44)

यौ त्वया मायया ख्यातौ स्वकीयौ दर्शितौ मम । तावेव राक्षसौ भूत्वा भार्यां तव हरिष्यतः

yau tvayā māyayā khyātau svakīyau darśitau mama tāveva rākṣasau bhūtvā bhāryāṁ tava hariṣyataḥ

'जिन दोनों को तुमने अपनी माया से मुझे अपने बताकर दिखाया था, वे ही दोनों राक्षस बनकर तुम्हारी पत्नी का हरण करेंगे।'

श्लोक 45 (shiva.rudra.161.45)

त्वं चापि भार्यादुःखार्तो वने कपिसहायवान् । भ्रम सर्पेश्वरेणायं यस्ते शिष्यत्वमागतः

tvaṁ cāpi bhāryāduḥkhārto vane kapisahāyavān bhrama sarpeśvareṇāyaṁ yaste śiṣyatvamāgataḥ

'और तुम भी अपनी पत्नी के दुःख से पीड़ित होकर वानरों की सहायता से वन में भटकोगे — यह जो तुम्हारा शिष्य बना है, वह सर्पेश्वर के साथ।'

श्लोक 46 (shiva.rudra.161.46)

इत्युक्त्वा सा तदा वृन्दा प्रविशद्धव्यवाहनम् । विष्णुना वार्यमाणापि तत्स्थितासक्तचेतसा

ityuktvā sā tadā vṛndā praviśaddhavyavāhanam viṣṇunā vāryamāṇāpi tatsthitāsaktacetasā

इस प्रकार कहकर वृन्दा तब अग्नि में प्रवेश कर गयी, यद्यपि विष्णु ने उसे रोकने का प्रयत्न किया, फिर भी वह अपने संकल्प में अटल रही।

श्लोक 47 (shiva.rudra.161.47)

तस्मिन्नवसरे देवा ब्रह्माद्या निखिला मुने । आगताः खे समं दारैः सद्गतिं वै दिदृक्षवः

tasminnavasare devā brahmādyā nikhilā mune āgatāḥ khe samaṁ dāraiḥ sadgatiṁ vai didṛkṣavaḥ

हे मुने! उस अवसर पर ब्रह्मा आदि समस्त देवगण अपनी-अपनी पत्नियों सहित आकाश में उसकी सद्गति देखने के लिए आ गये।

श्लोक 48 (shiva.rudra.161.48)

अथ दैत्येन्द्रपत्न्यास्तु तज्ज्योतिः परमं महत् । पश्यतां सर्वदेवानामलोकमगमद्द्रुतम्

atha daityendrapatnyāstu tajjyotiḥ paramaṁ mahat paśyatāṁ sarvadevānāmalokamagamaddrutam

तब समस्त देवताओं के देखते-देखते दैत्येन्द्रपत्नी का वह परम महान तेज शीघ्र ही अलोक को चला गया।

श्लोक 49 (shiva.rudra.161.49)

शिवातनौ विलीनं तद्वृन्दातेजो बभूव ह । आसीज्जयजयारावः खस्थितामरपङ्क्तिषु

śivātanau vilīnaṁ tadvṛndātejo babhūva ha āsījjayajayārāvaḥ khasthitāmarapaṅktiṣu

वृन्दा का वह तेज शिवा (पार्वती) के शरीर में विलीन हो गया, और आकाश में स्थित देवताओं की पंक्तियों में 'जय-जय' का घोष होने लगा।

श्लोक 50 (shiva.rudra.161.50)

एवं वृन्दा महाराज्ञी कालनेमिसुतोत्तमा । पातिव्रत्यप्रभावाच्च मुक्तिं प्राप परां मुने

evaṁ vṛndā mahārājñī kālanemisutottamā pātivratyaprabhāvācca muktiṁ prāpa parāṁ mune

हे मुने! इस प्रकार महारानी वृन्दा, कालनेमि की श्रेष्ठ पुत्री, अपने पातिव्रत्य के प्रभाव से परम मुक्ति को प्राप्त हुई।

श्लोक 51 (shiva.rudra.161.51)

ततो हरिस्तामनुसंस्मन्मुहु- र्वृन्दाचिताभस्मरजोऽवगुण्ठितः । तत्रैव तस्थौ सुरसिद्धसङ्घकैः प्रबोध्यमानोऽपि ययौ न शान्तिम्

tato haristāmanusaṁsmanmuhu- rvṛndācitābhasmarajo'vaguṇṭhitaḥ tatraiva tasthau surasiddhasaṅghakaiḥ prabodhyamāno'pi yayau na śāntim

तत्पश्चात् हरि उसका बार-बार स्मरण करते हुए, वृन्दा की चिता की भस्म-धूलि से आच्छादित होकर वहीं बैठे रहे; देवताओं और सिद्धगणों द्वारा समझाये जाने पर भी उन्हें शान्ति नहीं मिली।