जलन्धर वध वर्णन

श्लोक 1 (shiva.rudra.162.1)

व्यास उवाच । विधेः श्रेष्ठसुत प्राज्ञः कथेयं श्राविताद्भुता । ततश्च किमभूदाजौ कथं दैत्यो हतो वद

vyāsa uvāca vidheḥ śreṣṭhasuta prājñaḥ katheyaṁ śrāvitādbhutā tataśca kimabhūdājau kathaṁ daityo hato vada

व्यास ने कहा — हे विधि के श्रेष्ठ पुत्र! हे प्राज्ञ! आपने यह अद्भुत कथा सुनायी; अब बताइये कि युद्ध में आगे क्या हुआ और वह दैत्य कैसे मारा गया।

श्लोक 2 (shiva.rudra.162.2)

सनत्कुमार उवाच । अदृश्य गिरिजां तत्र दैत्येन्द्रे रणमागते । गान्धर्वे च विलीने हि चैतन्योऽभूद्वृषध्वजः

sanatkumāra uvāca adṛśya girijāṁ tatra daityendre raṇamāgate gāndharve ca vilīne hi caitanyo'bhūdvṛṣadhvajaḥ

सनत्कुमार ने कहा — जब गिरिजा अदृश्य हो गयीं, दैत्येन्द्र युद्ध के लिए आया, और गान्धर्व माया विलीन हो गयी, तब वृषभध्वज पुनः सचेत हुए।

श्लोक 3 (shiva.rudra.162.3)

अन्तर्धानगतां मायां दृष्ट्वा बुद्धो हि शङ्करः । चुक्रोधातीव संहारी लौकिकीं गतिमाश्रितः

antardhānagatāṁ māyāṁ dṛṣṭvā buddho hi śaṅkaraḥ cukrodhātīva saṁhārī laukikīṁ gatimāśritaḥ

उस माया को अन्तर्हित हुआ देखकर सचेत शंकर, लौकिक भाव धारण करके, संहारकर्ता होने के कारण अत्यंत क्रोधित हो उठे।

श्लोक 4 (shiva.rudra.162.4)

ततः शिवो विस्मितमानसः पुन- र्जगाम युद्धाय जलन्धरं रुषा । स चापि दैत्यः पुनरागतं शिवं दृष्ट्वा शरोघैःसमवाकिरद्रणे

tataḥ śivo vismitamānasaḥ puna- rjagāma yuddhāya jalandharaṁ ruṣā sa cāpi daityaḥ punarāgataṁ śivaṁ dṛṣṭvā śaroghaiḥsamavākiradraṇe

तब शिव विस्मितचित्त होकर क्रोधपूर्वक पुनः जलन्धर से युद्ध करने गये; और उस दैत्य ने भी शिव को पुनः आया देखकर युद्ध में बाणों की झड़ी से उन्हें आच्छादित कर दिया।

श्लोक 5 (shiva.rudra.162.5)

क्षिप्तं प्रभुस्तं शरजालमुग्रं जलन्धरेणातिबलीयसा हरः । द्रुतं प्रचिच्छेदशरैर्वरैर्निजै- र्न चित्रमत्र त्रिभवप्रहन्तुः

kṣiptaṁ prabhustaṁ śarajālamugraṁ jalandhareṇātibalīyasā haraḥ drutaṁ pracicchedaśarairvarairnijai- rna citramatra tribhavaprahantuḥ

उस अत्यंत बलशाली जलन्धर द्वारा फेंके गये भयंकर बाणजाल को प्रभु हर ने अपने श्रेष्ठ बाणों से शीघ्र ही काट डाला — त्रिभवनाशक के लिए यह कोई आश्चर्य नहीं था।

श्लोक 6 (shiva.rudra.162.6)

ततो जलन्धरो दृष्ट्वा रुद्रमद्भुतविक्रमम् । चकार मायया गौरीं त्र्यम्बकं मोहयन्निव

tato jalandharo dṛṣṭvā rudramadbhutavikramam cakāra māyayā gaurīṁ tryambakaṁ mohayanniva

तब जलन्धर ने रुद्र के अद्भुत पराक्रम को देखकर, मानो त्र्यम्बक को मोहित करने के लिए माया से गौरी का दृश्य रच दिया।

श्लोक 7 (shiva.rudra.162.7)

रथोपरि गतां बद्धां रुदन्तीं पार्वतीं शिवः । निशुम्भशुम्भदैत्यैश्च वध्यमानां ददर्श सः

rathopari gatāṁ baddhāṁ rudantīṁ pārvatīṁ śivaḥ niśumbhaśumbhadaityaiśca vadhyamānāṁ dadarśa saḥ

शिव ने देखा कि पार्वती रथ पर बँधी हुई, रोती हुई हैं और निशुम्भ-शुम्भ दैत्यों द्वारा प्रताड़ित की जा रही हैं।

श्लोक 8 (shiva.rudra.162.8)

गौरीं तथाविधां दृष्ट्वा लौकिकीं दर्शयन् गतिम् । बभूव प्राकृत इव शिवोऽप्युद्विग्नमानसः

gaurīṁ tathāvidhāṁ dṛṣṭvā laukikīṁ darśayan gatim babhūva prākṛta iva śivo'pyudvignamānasaḥ

गौरी को इस दशा में देखकर, लौकिक भाव प्रकट करते हुए शिव भी मानो सामान्य प्राणी के समान उद्विग्नचित्त हो गये।

श्लोक 9 (shiva.rudra.162.9)

अवाङ्मुखस्थितस्तूष्णीं नानालीलाविशारदः । शिथिलाङ्गो विषण्णात्मा विस्मृत्य स्वपराक्रमम्

avāṅmukhasthitastūṣṇīṁ nānālīlāviśāradaḥ śithilāṅgo viṣaṇṇātmā vismṛtya svaparākramam

नानालीलाविशारद शिव मौन होकर मुख नीचे किये, शिथिल अंगों वाले, विषण्णचित्त होकर अपने पराक्रम को भूल बैठे।

श्लोक 10 (shiva.rudra.162.10)

ततो जलन्धरो वेगात् त्रिभिर्विव्याध सायकैः । आपुङ्खमग्नैस्तं रुद्रं शिरस्युरसि चोदरे

tato jalandharo vegāt tribhirvivyādha sāyakaiḥ āpuṅkhamagnaistaṁ rudraṁ śirasyurasi codare

तब जलन्धर ने वेगपूर्वक तीन बाणों से, जो पंख तक धँस गये, रुद्र को सिर, वक्ष और उदर में बींध दिया।

श्लोक 11 (shiva.rudra.162.11)

ततो रुद्रो महालीलो ज्ञाततत्त्वः क्षणात्प्रभुः । रौद्ररूपधरो जातो ज्वालामालातिभीषणः

tato rudro mahālīlo jñātatattvaḥ kṣaṇātprabhuḥ raudrarūpadharo jāto jvālāmālātibhīṣaṇaḥ

तब वह छल पहचानते ही महालीलाधारी प्रभु रुद्र क्षणभर में ज्वालामालाओं से अत्यंत भीषण रौद्ररूप धारण कर बैठे।

श्लोक 12 (shiva.rudra.162.12)

तस्यातीव महारौद्ररूपं दृष्ट्वा महासुराः । न शेकुः प्रमुखे स्थातुं भेजिरे ते दिशो दश

tasyātīva mahāraudrarūpaṁ dṛṣṭvā mahāsurāḥ na śekuḥ pramukhe sthātuṁ bhejire te diśo daśa

उनके अत्यंत महाभीषण रौद्ररूप को देखकर महासुर उनके सम्मुख खड़े न रह सके और दसों दिशाओं में भाग गये।

श्लोक 13 (shiva.rudra.162.13)

निशुम्भशुम्भावपि यौ विख्यातौ वीरसत्तमौ । अपि तौ शेकतुर्नैव रणे स्थातुं मुनीश्वर

niśumbhaśumbhāvapi yau vikhyātau vīrasattamau api tau śekaturnaiva raṇe sthātuṁ munīśvara

हे मुनीश्वर! विख्यात वीरसत्तम निशुम्भ और शुम्भ भी उस युद्ध में खड़े नहीं रह सके।

श्लोक 14 (shiva.rudra.162.14)

जलन्धरकृता मायान्तर्हिताभूच्च तत्क्षणम् । हाहाकारो महानासीत्सङ्ग्रामे सर्वतोमुखे

jalandharakṛtā māyāntarhitābhūcca tatkṣaṇam hāhākāro mahānāsītsaṅgrāme sarvatomukhe

जलन्धर द्वारा रची हुई माया उसी क्षण अन्तर्हित हो गयी, और युद्धभूमि में चारों ओर महान हाहाकार मच गया।

श्लोक 15 (shiva.rudra.162.15)

ततः शापं ददौ रुद्रस्तयोः शुम्भनिशुम्भयोः । पलायमानौ तौ दृष्ट्वा धिक्कृत्य क्रोधसंयुतः

tataḥ śāpaṁ dadau rudrastayoḥ śumbhaniśumbhayoḥ palāyamānau tau dṛṣṭvā dhikkṛtya krodhasaṁyutaḥ

तब रुद्र ने उन शुम्भ और निशुम्भ को भागते देखकर धिक्कारते हुए क्रोधपूर्वक उन्हें शाप दे दिया।

श्लोक 16 (shiva.rudra.162.16)

रुद्र उवाच । युवां दुष्टावतिखलावपराधकरौ मम । पार्वतीदण्डदातारौ रणादस्मात्पराङ्मुखौ

rudra uvāca yuvāṁ duṣṭāvatikhalāvaparādhakarau mama pārvatīdaṇḍadātārau raṇādasmātparāṅmukhau

रुद्र ने कहा — तुम दोनों दुष्ट, अत्यंत खल, मेरे अपराधी, पार्वती को दण्ड देने वाले, इस युद्ध से पीठ दिखाकर भाग रहे हो।

श्लोक 17 (shiva.rudra.162.17)

पराङ्मुखो न हन्तव्य इति वध्यौ न मे युवाम् । मम युद्धादतिक्रान्तौ गौर्य्या वध्यौ भविष्यतः

parāṅmukho na hantavya iti vadhyau na me yuvām mama yuddhādatikrāntau gauryyā vadhyau bhaviṣyataḥ

पीठ दिखाने वाले का वध नहीं करना चाहिए, इसीलिए मैं तुम्हारा वध नहीं करूँगा। किन्तु मेरे युद्ध से भाग जाने के कारण तुम गौरी द्वारा वध्य होगे।

श्लोक 18 (shiva.rudra.162.18)

एवं वदति गौरीशे सिन्धुपुत्रो जलन्धरः । चुक्रोधातीव रुद्राय ज्वलज्ज्वलनसन्निभः

evaṁ vadati gaurīśe sindhuputro jalandharaḥ cukrodhātīva rudrāya jvalajjvalanasannibhaḥ

गौरीश के इस प्रकार कहने पर प्रज्वलित अग्नि के समान सिन्धुपुत्र जलन्धर रुद्र के प्रति अत्यंत क्रोधित हो उठा।

श्लोक 19 (shiva.rudra.162.19)

रुद्रे रणे महावेगाद्ववर्ष निशितान् शरान् । बाणान्धकारसञ्छन्नं तथा भूमितलं ह्यभूत्

rudre raṇe mahāvegādvavarṣa niśitān śarān bāṇāndhakārasañchannaṁ tathā bhūmitalaṁ hyabhūt

उसने अत्यंत वेग से रुद्र पर तीक्ष्ण बाणों की वर्षा की, जिससे पृथ्वीतल बाणों के अंधकार से आच्छादित हो गया।

श्लोक 20 (shiva.rudra.162.20)

यावद् रुद्रः प्रचिच्छेद तस्य बाणगणान् द्रुतम् । तावत्स परिघेणाशु जघान वृषभं बली

yāvad rudraḥ praciccheda tasya bāṇagaṇān drutam tāvatsa parigheṇāśu jaghāna vṛṣabhaṁ balī

ज्यों ही रुद्र ने उसके बाण-समूहों को शीघ्र काटा, त्यों ही उस बलवान् ने परिघ से रुद्र के वृषभ पर प्रहार किया।

श्लोक 21 (shiva.rudra.162.21)

वृषस्तेन प्रहारेण परवृत्तो रणाङ्गणात् । रुद्रेण कृश्यमाणोऽपि न तस्थौ रणभूमिषु

vṛṣastena prahāreṇa paravṛtto raṇāṅgaṇāt rudreṇa kṛśyamāṇo'pi na tasthau raṇabhūmiṣu

उस प्रहार से वृषभ रणभूमि से पीछे हट गया; रुद्र द्वारा रोके जाने पर भी वह युद्धभूमि में नहीं ठहरा।

श्लोक 22 (shiva.rudra.162.22)

अथ लोके महारुद्रः स्वीयं तेजोऽतिदुःसहम् । दर्शयामास सर्वस्मै सत्यमेतन्मुनीश्वर

atha loke mahārudraḥ svīyaṁ tejo'tiduḥsaham darśayāmāsa sarvasmai satyametanmunīśvara

हे मुनीश्वर! तब महारुद्र ने संसार के समक्ष अपना अत्यंत असहनीय तेज प्रकट किया — यह सत्य है।

श्लोक 23 (shiva.rudra.162.23)

ततः परमसङ्क्रुद्धो रुद्रो रौद्रवपुर्धरः । प्रलयानलवद् घोरो बभूव सहसा प्रभुः

tataḥ paramasaṅkruddho rudro raudravapurdharaḥ pralayānalavad ghoro babhūva sahasā prabhuḥ

तब अत्यंत क्रुद्ध रुद्र रौद्र शरीर धारण करके प्रलयाग्नि के समान भयंकर हो गये।

श्लोक 24 (shiva.rudra.162.24)

दृष्ट्वा पुरःस्थितं दैत्यं मेरुकूटमिव स्थितम् । अवध्यत्वमपि श्रुत्वाप्यन्यैरभ्युद्यतोऽभवत्

dṛṣṭvā puraḥsthitaṁ daityaṁ merukūṭamiva sthitam avadhyatvamapi śrutvāpyanyairabhyudyato'bhavat

सामने खड़े उस दैत्य को मेरु-शिखर के समान देखकर, तथा उसके अन्यों द्वारा अवध्य होने की बात सुनकर भी वे उसका वध करने के लिए उद्यत हो गये।

श्लोक 25 (shiva.rudra.162.25)

ब्रह्मणो वचनं रक्षन् रक्षको जगतां प्रभुः । हृदानुग्रहमातन्वंस्तद्वधाय मनो दधत्

brahmaṇo vacanaṁ rakṣan rakṣako jagatāṁ prabhuḥ hṛdānugrahamātanvaṁstadvadhāya mano dadhat

ब्रह्मा के वचन की रक्षा करते हुए, जगत् के रक्षक प्रभु ने हृदय में अनुग्रह भाव रखते हुए भी उसके वध का मन बना लिया।

श्लोक 26 (shiva.rudra.162.26)

कोपं कृत्वा परं शूली पादाङ्गुष्ठेन लीलया । महाम्भसि चकाराशु रथाङ्गं रौद्रमद्भुतम्

kopaṁ kṛtvā paraṁ śūlī pādāṅguṣṭhena līlayā mahāmbhasi cakārāśu rathāṅgaṁ raudramadbhutam

अत्यंत क्रोध करके शूलधारी ने अपने पैर के अंगूठे की लीला मात्र से समुद्र के जल में एक अद्भुत, भयंकर चक्र का निर्माण कर दिया।

श्लोक 27 (shiva.rudra.162.27)

कृत्वार्णवाम्भसि शितं भगवान् रथाङ्गं स्मृत्वा जगत्त्रयमनेन हतं पुरारिः । दक्षान्धकान्तकपुरत्रययज्ञहन्ता लोकत्रयान्तककरः प्रहसन्नुवाच

kṛtvārṇavāmbhasi śitaṁ bhagavān rathāṅgaṁ smṛtvā jagattrayamanena hataṁ purāriḥ dakṣāndhakāntakapuratrayayajñahantā lokatrayāntakakaraḥ prahasannuvāca

समुद्र के जल में उस तीक्ष्ण चक्र का निर्माण करके, त्रिपुरारि, दक्ष और अन्धक के अंतक, त्रिपुर-दाहक तथा यज्ञनाशक भगवान् ने यह स्मरण करते हुए कि इसने तीनों लोकों को पीड़ित किया है, मुस्कुराते हुए कहा।

श्लोक 28 (shiva.rudra.162.28)

महारुद्र उवाच । पादेन निर्मितं चक्रं जलन्धर महाम्भसि । बलवान्यदि चोद्धर्त्तुं तिष्ठ योद्धुं न चान्यथा

mahārudra uvāca pādena nirmitaṁ cakraṁ jalandhara mahāmbhasi balavānyadi coddharttuṁ tiṣṭha yoddhuṁ na cānyathā

महारुद्र ने कहा — हे जलन्धर! यह चक्र मेरे पैर से महासागर में निर्मित हुआ है; यदि तुम बलवान् हो तो इसे उठाकर युद्ध के लिए खड़े रहो, अन्यथा नहीं।

श्लोक 29 (shiva.rudra.162.29)

सनत्कुमार उवाच । तस्य तद्वचनं श्रुत्वा क्रोधेनादीप्तलोचनः । प्रदहन्निव चक्षुर्भ्यां प्राहालोक्य स शङ्करम्

sanatkumāra uvāca tasya tadvacanaṁ śrutvā krodhenādīptalocanaḥ pradahanniva cakṣurbhyāṁ prāhālokya sa śaṅkaram

सनत्कुमार ने कहा — उनका यह वचन सुनकर, क्रोध से प्रज्वलित नेत्रों वाला, मानो अपनी दृष्टि से ही भस्म कर देने वाला वह शंकर की ओर देखकर बोला।

श्लोक 30 (shiva.rudra.162.30)

जलन्धर उवाच । रेखामुद्धृत्य हत्वा च सगणं त्वां हि शङ्कर । हत्वा लोकान्सुरैः सार्धं स्वभागं गरुडो यथा

jalandhara uvāca rekhāmuddhṛtya hatvā ca sagaṇaṁ tvāṁ hi śaṅkara hatvā lokānsuraiḥ sārdhaṁ svabhāgaṁ garuḍo yathā

जलन्धर ने कहा — हे शंकर! उस रेखा (चक्र) को उठाकर, तुम्हें गणों सहित तथा देवताओं सहित लोकों को मारकर, गरुड़ के समान मैं अपना भाग ग्रहण करूँगा।

श्लोक 31 (shiva.rudra.162.31)

हन्तुं चराचरं सर्वं समर्थोऽहं सवासवम् । को महेश्वर मद्बाणैरभेद्यो भुवनत्रये

hantuṁ carācaraṁ sarvaṁ samartho'haṁ savāsavam ko maheśvara madbāṇairabhedyo bhuvanatraye

मैं इन्द्र सहित समस्त चराचर जगत् का संहार करने में समर्थ हूँ; हे महेश्वर! त्रिभुवन में मेरे बाणों से कौन अभेद्य है?

श्लोक 32 (shiva.rudra.162.32)

बालभावेन भगवान्तपसैव विनिर्जितः । ब्रह्मा बलिष्ठः स्थाने मे मुनिभिः सुरपुङ्गवैः

bālabhāvena bhagavāntapasaiva vinirjitaḥ brahmā baliṣṭhaḥ sthāne me munibhiḥ surapuṅgavaiḥ

बाल्यावस्था में ही मैंने केवल तप से भगवानों को जीत लिया; मुनियों और श्रेष्ठ देवों सहित बलिष्ठ ब्रह्मा भी मेरे समक्ष झुकते हैं।

श्लोक 33 (shiva.rudra.162.33)

दग्धं क्षणेन सकलं त्रैलोक्यं सचराचरम् । तपसा किं त्वया रुद्र निर्जितो भगवानपि

dagdhaṁ kṣaṇena sakalaṁ trailokyaṁ sacarācaram tapasā kiṁ tvayā rudra nirjito bhagavānapi

क्षणभर में मैंने चराचर सहित सम्पूर्ण त्रैलोक्य को दग्ध कर दिया। हे रुद्र! तुमने तप से क्या किया है? मैंने तो भगवानों को भी जीत लिया है।

श्लोक 34 (shiva.rudra.162.34)

इन्द्राग्नियमवित्तेशवायुवारीश्वरादयः । न सेहिरे यथा नागा गन्धं पक्षिपतेरिव

indrāgniyamavitteśavāyuvārīśvarādayaḥ na sehire yathā nāgā gandhaṁ pakṣipateriva

इन्द्र, अग्नि, यम, कुबेर, वायु, वरुण आदि मेरी उपस्थिति को उसी प्रकार सहन नहीं कर सके, जैसे नाग गरुड़ की गंध को सहन नहीं कर पाते।

श्लोक 35 (shiva.rudra.162.35)

न लब्धं दिवि भूमौ च वाहनं मम शङ्कर । समस्तान्पर्वतान्प्राप्य धर्षिताश्च गणेश्वराः

na labdhaṁ divi bhūmau ca vāhanaṁ mama śaṅkara samastānparvatānprāpya dharṣitāśca gaṇeśvarāḥ

हे शंकर! न स्वर्ग में और न पृथ्वी पर मेरे समान कोई वाहन प्राप्त हुआ; समस्त पर्वतों को जीतकर मैंने गणेश्वरों को भी पराजित किया है।

श्लोक 36 (shiva.rudra.162.36)

गिरीन्द्रो मन्दरः श्रीमान्नीलो मेरुः सुशोभनः । धर्षितो बाहुदण्डेन कण्ड्वा उत्सर्पणाय मे

girīndro mandaraḥ śrīmānnīlo meruḥ suśobhanaḥ dharṣito bāhudaṇḍena kaṇḍvā utsarpaṇāya me

महान् पर्वत मन्दर, श्रीमान् नील, सुशोभित मेरु — इन सभी को मैंने अपनी भुजा के बल से केवल खुजली मिटाने के लिए ही धमकाया है।

श्लोक 37 (shiva.rudra.162.37)

गङ्गा निरुद्धा बाहुभ्यां लीलार्थं हिमवद्गिरौ । अरीणां मम भृत्यैश्च जयो लब्धो दिवौकसाम्

gaṅgā niruddhā bāhubhyāṁ līlārthaṁ himavadgirau arīṇāṁ mama bhṛtyaiśca jayo labdho divaukasām

हिमालय पर मैंने केवल लीला के लिए अपनी दोनों भुजाओं से गंगा को रोक दिया था; और मेरे सेवकों ने मेरे शत्रु देवताओं पर विजय प्राप्त की है।

श्लोक 38 (shiva.rudra.162.38)

वडवाया मुखं बद्धं गृहीत्वा तां करेण तु । तत्क्षणादेव सकलमेकार्णवमभूत्तदा

vaḍavāyā mukhaṁ baddhaṁ gṛhītvā tāṁ kareṇa tu tatkṣaṇādeva sakalamekārṇavamabhūttadā

मैंने वडवाग्नि को हाथ से पकड़कर उसका मुख बाँध दिया, जिससे उसी क्षण सम्पूर्ण जगत् एक ही महासागर बन गया।

श्लोक 39 (shiva.rudra.162.39)

ऐरावतादयो नागाः क्षिप्ताः सिन्धुजलोपरि । सरथो भगवानिन्द्रः क्षिप्तश्च शतयोजनम्

airāvatādayo nāgāḥ kṣiptāḥ sindhujalopari saratho bhagavānindraḥ kṣiptaśca śatayojanam

ऐरावत आदि गजों को मैंने समुद्र के जल पर फेंक दिया; और रथ सहित भगवान् इन्द्र को सौ योजन दूर फेंक दिया।

श्लोक 40 (shiva.rudra.162.40)

गरुडोऽपि मया बद्धो नागपाशेन विष्णुना । उर्वश्याद्या मयानीता नार्यः कारागृहान्तरम्

garuḍo'pi mayā baddho nāgapāśena viṣṇunā urvaśyādyā mayānītā nāryaḥ kārāgṛhāntaram

गरुड़ को भी विष्णु सहित मैंने नागपाश से बाँध लिया; तथा उर्वशी आदि स्त्रियों को मैंने कारागार में ला डाला है।

श्लोक 41 (shiva.rudra.162.41)

मां न जानासि रुद्र त्वं त्रैलोक्यजयकारिणम् । जलन्धरं महादैत्यं सिन्धुपुत्रं महाबलम्

māṁ na jānāsi rudra tvaṁ trailokyajayakāriṇam jalandharaṁ mahādaityaṁ sindhuputraṁ mahābalam

हे रुद्र! तुम मुझे नहीं जानते — त्रैलोक्यविजयी, महादैत्य, सिन्धुपुत्र, महाबली जलन्धर को।

श्लोक 42 (shiva.rudra.162.42)

सनत्कुमार उवाच । इत्युक्त्वाथ महादेवं तदा वारिधिनन्दनः । न चचाल न सस्मार निहतान्दानवान्युधि

sanatkumāra uvāca ityuktvātha mahādevaṁ tadā vāridhinandanaḥ na cacāla na sasmāra nihatāndānavānyudhi

सनत्कुमार ने कहा — महादेव से इस प्रकार कहकर वह वारिधिनन्दन न तो विचलित हुआ और न ही युद्ध में मारे गये दानवों का उसे स्मरण रहा।

श्लोक 43 (shiva.rudra.162.43)

दुर्मदेनाविनीतेन दोर्भ्यामास्फोट्य दोर्बलात् । तिरस्कृतो महादेवो वचनैः कटुकाक्षरैः

durmadenāvinītena dorbhyāmāsphoṭya dorbalāt tiraskṛto mahādevo vacanaiḥ kaṭukākṣaraiḥ

उन्मत्त और उद्दण्ड होकर, अपने बाहुबल के गर्व से दोनों भुजाएँ बजाकर उसने महादेव का कटु वचनों से तिरस्कार किया।

श्लोक 44 (shiva.rudra.162.44)

तच्छ्रुत्वा दैत्यवचनममङ्गलमतीरितम् । विजहास महादेवः परमं क्रोधमादधे

tacchrutvā daityavacanamamaṅgalamatīritam vijahāsa mahādevaḥ paramaṁ krodhamādadhe

दैत्य के इस अमंगल, उद्दण्ड वचन को सुनकर महादेव हँस पड़े, और साथ ही परम क्रोध धारण कर लिया।

श्लोक 45 (shiva.rudra.162.45)

सुदर्शनाख्यं यच्चक्रं पादाङ्गुष्ठविनिर्मितम् । जग्राह तत्करे रुद्रस्तेन हन्तुं समुद्यतः

sudarśanākhyaṁ yaccakraṁ pādāṅguṣṭhavinirmitam jagrāha tatkare rudrastena hantuṁ samudyataḥ

रुद्र ने अपने पैर के अंगूठे से निर्मित सुदर्शन नामक उस चक्र को हाथ में लिया और उससे उसका वध करने के लिए तत्पर हो गये।

श्लोक 46 (shiva.rudra.162.46)

सुदर्शनाख्यं तच्चक्रं चिक्षेप भगवान्हरः । कोटिसूर्यप्रतीकाशं प्रलयानलसन्निभम्

sudarśanākhyaṁ taccakraṁ cikṣepa bhagavānharaḥ koṭisūryapratīkāśaṁ pralayānalasannibham

भगवान् हर ने करोड़ों सूर्यों के समान तेजस्वी, प्रलयाग्नि के समान भयंकर उस सुदर्शन चक्र को छोड़ दिया।

श्लोक 47 (shiva.rudra.162.47)

प्रदहद्रोदसी वेगात्तदासाद्य जलन्धरम् । जहार तच्छिरो वेगान्महदायतलोचनम्

pradahadrodasī vegāttadāsādya jalandharam jahāra tacchiro vegānmahadāyatalocanam

अपने वेग से आकाश और पृथ्वी को जलाता हुआ वह चक्र जलन्धर के पास पहुँचकर, उसके विशाल नेत्रों वाले सिर को वेगपूर्वक काटकर ले गया।

श्लोक 48 (shiva.rudra.162.48)

रथात्कायः पपातोर्व्यां नादयन्वसुधातलम् । शिरश्चाप्यब्धिपुत्रस्य हाहाकारो महानभूत्

rathātkāyaḥ papātorvyāṁ nādayanvasudhātalam śiraścāpyabdhiputrasya hāhākāro mahānabhūt

उसका धड़ रथ से पृथ्वी पर गिर पड़ा, जिससे धरातल गूँज उठा; और सागरपुत्र का सिर गिरते ही महान हाहाकार मच गया।

श्लोक 49 (shiva.rudra.162.49)

द्विधा पपात तद्देहो ह्यञ्जनाद्रिरिवाचलः । कुलिशेन यथा वारान्निधौ गिरिवरो द्विधा

dvidhā papāta taddeho hyañjanādririvācalaḥ kuliśena yathā vārānnidhau girivaro dvidhā

उसका शरीर दो भागों में गिर पड़ा, मानो अंजनगिरि पर्वत हो; जैसे कभी वज्र से समुद्र में एक विशाल पर्वत दो भागों में विभक्त हो गया था।

श्लोक 50 (shiva.rudra.162.50)

तस्य रौद्रेण रक्तेन सम्पूर्णमभवज्जगत् । ततःसमस्ता पृथिवी विकृताभून्मुनीश्वर

tasya raudreṇa raktena sampūrṇamabhavajjagat tataḥsamastā pṛthivī vikṛtābhūnmunīśvara

हे मुनीश्वर! उसके भयंकर रक्त से सम्पूर्ण जगत् भर गया; तब सारी पृथ्वी विकृत हो गयी।

श्लोक 51 (shiva.rudra.162.51)

तद्रक्तमखिलं रुद्रनियोगान्मांसमेव च । महारौरवमासाद्य रक्तकुण्डमभूदिह

tadraktamakhilaṁ rudraniyogānmāṁsameva ca mahārauravamāsādya raktakuṇḍamabhūdiha

रुद्र की आज्ञा से उसका समस्त रक्त और मांस महारौरव में जाकर वहाँ एक रक्तकुण्ड बन गया।

श्लोक 52 (shiva.rudra.162.52)

तत्तेजो निर्गतं देहाद् रुद्रे च लयमागमत् । वृन्दादेहोद्भवं यद्वद्गौर्य्यां हि विलयं गतम्

tattejo nirgataṁ dehād rudre ca layamāgamat vṛndādehodbhavaṁ yadvadgauryyāṁ hi vilayaṁ gatam

उसका वह तेज शरीर से निकलकर रुद्र में विलीन हो गया — ठीक वैसे ही जैसे वृन्दा के शरीर से उत्पन्न तेज गौरी में विलीन हो गया था।

श्लोक 53 (shiva.rudra.162.53)

जलन्धरं हतं दृष्ट्वा देवगन्धर्वपन्नगाः । अभवन्सुप्रसन्नाश्च साधु देवेति चाब्रुवन्

jalandharaṁ hataṁ dṛṣṭvā devagandharvapannagāḥ abhavansuprasannāśca sādhu deveti cābruvan

जलन्धर को मरा हुआ देखकर देव, गन्धर्व और नाग अत्यंत प्रसन्न हो उठे और 'साधु देव!' कहकर पुकारने लगे।

श्लोक 54 (shiva.rudra.162.54)

सर्वे प्रसन्नतां याता देवसिद्धमुनीश्वराः । पुष्पवृष्टिं प्रकुर्वाणास्तद्यशो जगुरुच्चकैः

sarve prasannatāṁ yātā devasiddhamunīśvarāḥ puṣpavṛṣṭiṁ prakurvāṇāstadyaśo jaguruccakaiḥ

समस्त देव, सिद्ध और मुनीश्वर प्रसन्न हो उठे, पुष्पवृष्टि करते हुए उनके यश का उच्च स्वर से गान करने लगे।

श्लोक 55 (shiva.rudra.162.55)

देवाङ्गना महामोदान्ननृतुः प्रेमविह्वलाः । कलस्वराः कलपदं किन्नरैः सह सञ्जगुः

devāṅganā mahāmodānnanṛtuḥ premavihvalāḥ kalasvarāḥ kalapadaṁ kinnaraiḥ saha sañjaguḥ

देवांगनाएँ अत्यंत हर्ष और प्रेम से विह्वल होकर नाचने लगीं, और मधुर स्वर में किन्नरों के साथ मधुर गीत गाने लगीं।

श्लोक 56 (shiva.rudra.162.56)

दिशः प्रसेदुः सर्वाश्च हते वृन्दापतौ मुने । ववुः पुण्याः सुखस्पर्शा वायवस्त्रिविधा अपि

diśaḥ praseduḥ sarvāśca hate vṛndāpatau mune vavuḥ puṇyāḥ sukhasparśā vāyavastrividhā api

हे मुने! वृन्दापति के मारे जाने पर समस्त दिशाएँ स्वच्छ हो गयीं, और तीनों प्रकार की वायुएँ पुण्य और सुखस्पर्श वाली होकर बहने लगीं।

श्लोक 57 (shiva.rudra.162.57)

चन्द्रमाः शीततां यातो रविस्तेपे सुतेजसा । अग्नयो जज्वलुः शान्ता बभूवाविकृतं नभः

candramāḥ śītatāṁ yāto ravistepe sutejasā agnayo jajvaluḥ śāntā babhūvāvikṛtaṁ nabhaḥ

चन्द्रमा फिर से शीतल हो गया, सूर्य अपनी पूर्ण तेजस्विता से चमकने लगा, अग्नियाँ शान्त होकर प्रज्वलित हुईं, और आकाश निर्विकार हो गया।

श्लोक 58 (shiva.rudra.162.58)

एवं त्रैलोक्यमखिलं स्वास्थ्यमापाधिकं मुने । हतेऽब्धितनये तस्मिन्हरेणानन्तमूर्तिना

evaṁ trailokyamakhilaṁ svāsthyamāpādhikaṁ mune hate'bdhitanaye tasminhareṇānantamūrtinā

हे मुने! इस प्रकार उस सागरतनय के अनन्तमूर्ति हर द्वारा वध होने पर सम्पूर्ण त्रैलोक्य को पूर्ण स्वस्थता प्राप्त हुई।