शङ्खचूडवध हेतु देवदेव-स्तुति

श्लोक 1 (shiva.rudra.168.1)

सनत्कुमार उवाच । गत्वा तदैव सविधिस्तदा व्यास रमेश्वरः । शिवलोकं महादिव्यं निराधारमभौतिकम्

sanatkumāra uvāca gatvā tadaiva savidhistadā vyāsa rameśvaraḥ śivalokaṁ mahādivyaṁ nirādhāramabhautikam

सनत्कुमार ने कहा — हे व्यास! तब रमेश्वर विष्णु विधाता के साथ तत्काल जाकर उस महादिव्य, आधाररहित तथा अभौतिक शिवलोक में पहुँचे।

श्लोक 2 (shiva.rudra.168.2)

साह्लादोऽभ्यन्तरं विष्णुर्जगाम मुदिताननः । नानारत्नपरिक्षिप्तं विलसन्तं महोज्ज्वलम्

sāhlādo'bhyantaraṁ viṣṇurjagāma muditānanaḥ nānāratnaparikṣiptaṁ vilasantaṁ mahojjvalam

प्रफुल्लित मुख वाले विष्णु आनन्दपूर्वक उस अनेक रत्नों से आच्छादित, देदीप्यमान तथा अत्यंत उज्ज्वल लोक के भीतर प्रविष्ट हुए।

श्लोक 3 (shiva.rudra.168.3)

सम्प्राप्य प्रथमं द्वारं विचित्रं गणसेवितम् । शोभितं परया लक्ष्म्या महोच्चमतिसुन्दरम्

samprāpya prathamaṁ dvāraṁ vicitraṁ gaṇasevitam śobhitaṁ parayā lakṣmyā mahoccamatisundaram

प्रथम द्वार पर पहुँचकर, जो अद्भुत, गणों द्वारा सेवित, परम शोभा से सुशोभित, अत्यंत ऊँचा तथा अत्यंत सुन्दर था —

श्लोक 4 (shiva.rudra.168.4)

ददर्श द्वारपालांश्च रत्नसिंहासनस्थितान् । शोभितान् श्वेतवस्त्रैश्च रत्नभूषणभूषितान्

dadarśa dvārapālāṁśca ratnasiṁhāsanasthitān śobhitān śvetavastraiśca ratnabhūṣaṇabhūṣitān

वहाँ उसने रत्नजड़ित सिंहासनों पर बैठे, श्वेत वस्त्रों से सुशोभित तथा रत्नाभूषणों से विभूषित द्वारपालों को देखा।

श्लोक 5 (shiva.rudra.168.5)

पञ्चवक्त्रत्रिनयनान्गौरसुन्दरविग्रहान् । त्रिशूलादिधरान्वीरान् भस्मरुद्राक्षशोभितान्

pañcavaktratrinayanāngaurasundaravigrahān triśūlādidharānvīrān bhasmarudrākṣaśobhitān

वे पंचमुख, त्रिनेत्र, गौरवर्ण एवं सुन्दर शरीर वाले, त्रिशूलादि धारण करने वाले वीर, भस्म और रुद्राक्ष से सुशोभित थे।

श्लोक 6 (shiva.rudra.168.6)

स ब्रह्मापि रमेशश्च तान् प्रणम्य विनम्रकः । कथयामास वृत्तान्तं प्रभुसन्दर्शनार्थकम्

sa brahmāpi rameśaśca tān praṇamya vinamrakaḥ kathayāmāsa vṛttāntaṁ prabhusandarśanārthakam

ब्रह्मा तथा रमेश दोनों ने विनम्रतापूर्वक उन्हें प्रणाम कर, प्रभु-दर्शन हेतु अपना प्रयोजन बतलाया।

श्लोक 7 (shiva.rudra.168.7)

तदाज्ञां च ददुस्तस्मै प्रविवेश तदाज्ञया । परं द्वारं महारम्यं विचित्रं परमप्रभम्

tadājñāṁ ca dadustasmai praviveśa tadājñayā paraṁ dvāraṁ mahāramyaṁ vicitraṁ paramaprabham

उन्होंने उसे आज्ञा दी और उनकी आज्ञा से वह अगले द्वार में प्रविष्ट हुआ, जो अत्यंत रमणीय, अद्भुत तथा परम कान्तिमय था।

श्लोक 8 (shiva.rudra.168.8)

प्रभूपकण्ठगत्यर्थं वृत्तान्तं संन्यवेदयत् । तद् द्वारपाय चाज्ञप्तस्तेनान्यं प्रविवेश ह

prabhūpakaṇṭhagatyarthaṁ vṛttāntaṁ saṁnyavedayat tad dvārapāya cājñaptastenānyaṁ praviveśa ha

प्रभु के समीप जाने हेतु उसने वहाँ भी अपना वृत्तान्त निवेदित किया; उस द्वारपाल से आज्ञा पाकर वह एक और द्वार में प्रविष्ट हुआ।

श्लोक 9 (shiva.rudra.168.9)

एवं पञ्चदशद्वारान्प्रविश्य कमलोद्भवः । महाद्वारं गतस्तत्र नन्दिनं प्रददर्श ह

evaṁ pañcadaśadvārānpraviśya kamalodbhavaḥ mahādvāraṁ gatastatra nandinaṁ pradadarśa ha

इस प्रकार पन्द्रह द्वारों को पार कर कमलोद्भव ब्रह्मा महाद्वार तक पहुँचे और वहाँ उन्होंने नन्दी को देखा।

श्लोक 10 (shiva.rudra.168.10)

सम्यङ्नत्वा च तं स्तुत्वा पूर्ववत्तेन नन्दिना । आज्ञप्तश्च शनैर्विष्णुर्विवेशाभ्यन्तरं मुदा

samyaṅnatvā ca taṁ stutvā pūrvavattena nandinā ājñaptaśca śanairviṣṇurviveśābhyantaraṁ mudā

उसे भलीभाँति प्रणाम कर और पूर्ववत् स्तुति कर, उस नन्दी की आज्ञा पाकर विष्णु धीरे-धीरे आनन्दपूर्वक भीतर प्रविष्ट हुए।

श्लोक 11 (shiva.rudra.168.11)

ददर्श गत्वा तत्रोच्चैः सभां शम्भोः समुत्प्रभाम् । तां पार्षदैः परिवृतां लसद्देहैः सुभूषिताम्

dadarśa gatvā tatroccaiḥ sabhāṁ śambhoḥ samutprabhām tāṁ pārṣadaiḥ parivṛtāṁ lasaddehaiḥ subhūṣitām

वहाँ जाकर उसने शम्भु की उस उच्च, तेजोमय सभा को देखा, जो देदीप्यमान शरीर वाले, सुसज्जित पार्षदों से घिरी हुई थी।

श्लोक 12 (shiva.rudra.168.12)

माहेश्वरस्य रूपैश्च दिग्भुजैः शुभकान्तिभिः । पञ्चवक्त्रैस्त्रिनयनैः शितिकण्ठैर्महोज्ज्वलैः

māheśvarasya rūpaiśca digbhujaiḥ śubhakāntibhiḥ pañcavaktraistrinayanaiḥ śitikaṇṭhairmahojjvalaiḥ

वे माहेश्वर के ही रूप वाले, अनेक भुजाओं वाले, शुभ कान्तिमान, पंचमुख, त्रिनेत्र, नीलकण्ठ तथा अत्यंत तेजस्वी थे।

श्लोक 13 (shiva.rudra.168.13)

सद्रत्नयुक्तरुद्राक्षभस्माभरणभूषितैः । नवेन्दुमण्डलाकारां चतुरस्रां मनोहराम्

sadratnayuktarudrākṣabhasmābharaṇabhūṣitaiḥ navendumaṇḍalākārāṁ caturasrāṁ manoharām

वे उत्तम रत्नयुक्त रुद्राक्ष और भस्म के आभूषणों से विभूषित थे। वह सभा नवचन्द्र-मण्डल के आकार की, चतुष्कोण तथा मनोहर थी —

श्लोक 14 (shiva.rudra.168.14)

मणीन्द्रहारनिर्माणहीरसारसुशोभिताम् । अमूल्यरत्नरचितां पद्मपत्रैश्च शोभिताम्

maṇīndrahāranirmāṇahīrasārasuśobhitām amūlyaratnaracitāṁ padmapatraiśca śobhitām

वह सभा उत्तम रत्नों से बनी मालाओं तथा हीरे के सारभूत तेज से सुशोभित थी, अमूल्य रत्नों से रची गयी थी तथा कमल-पत्रों से अलंकृत थी।

श्लोक 15 (shiva.rudra.168.15)

माणिक्यजालमालाभिर्नानाचित्रविचित्रिताम् । पद्मरागेन्द्ररचितामद्भुतां शङ्करेच्छया

māṇikyajālamālābhirnānācitravicitritām padmarāgendraracitāmadbhutāṁ śaṅkarecchayā

वह मणिजालों की मालाओं से नानाविध चित्रों में विचित्रित थी, पद्मरागमणियों से रची गयी थी तथा शंकर की ही इच्छा से अद्भुत बनी थी।

श्लोक 16 (shiva.rudra.168.16)

सोपानशतकैर्युक्तां स्यमन्तकविनिर्मितैः । स्वर्णसूत्रग्रन्थियुक्तैश्चारुचन्दनपल्लवैः

sopānaśatakairyuktāṁ syamantakavinirmitaiḥ svarṇasūtragranthiyuktaiścārucandanapallavaiḥ

वह हजारों सोपानों से युक्त थी, जो स्यमन्तक मणि से निर्मित थे, स्वर्णसूत्रों से बँधे तथा सुन्दर चन्दन की डालियों से सज्जित थे।

श्लोक 17 (shiva.rudra.168.17)

इन्द्रनीलमणिस्तम्भैर्वेष्टितां सुमनोहराम् । सुसंस्कृतां च सर्वत्र वासितां गन्धवायुना

indranīlamaṇistambhairveṣṭitāṁ sumanoharām susaṁskṛtāṁ ca sarvatra vāsitāṁ gandhavāyunā

वह इन्द्रनीलमणि के स्तम्भों से घिरी हुई, अत्यंत मनोहर, सर्वत्र सुसज्जित तथा सुगन्धित वायु से सुवासित थी।

श्लोक 18 (shiva.rudra.168.18)

सहस्रयोजनायामां सुपूर्णां बहुकिङ्करैः । ददर्श शङ्करं साम्बं तत्र विष्णुः सुरेश्वरः

sahasrayojanāyāmāṁ supūrṇāṁ bahukiṅkaraiḥ dadarśa śaṅkaraṁ sāmbaṁ tatra viṣṇuḥ sureśvaraḥ

सहस्र योजन विस्तृत, अनेक सेवकों से परिपूर्ण उस सभा में देवेश्वर विष्णु ने उमा-सहित शंकर को देखा।

श्लोक 19 (shiva.rudra.168.19)

वसन्तं मध्यदेशे च येथेन्दुतारकावृतम् । अमूल्यरत्ननिर्माणचित्रसिंहासनस्थितम्

vasantaṁ madhyadeśe ca yethendutārakāvṛtam amūlyaratnanirmāṇacitrasiṁhāsanasthitam

वे मध्य भाग में इस प्रकार विराजमान थे मानो चन्द्रमा और तारों से घिरे हों, तथा अमूल्य रत्नों से निर्मित अद्भुत सिंहासन पर आसीन थे।

श्लोक 20 (shiva.rudra.168.20)

किरीटिनं कुण्डलिनं रत्नमालाविभूषितम् । भस्मोद्धूलितसर्वाङ्गं बिभ्रतं केलिपङ्कजम्

kirīṭinaṁ kuṇḍalinaṁ ratnamālāvibhūṣitam bhasmoddhūlitasarvāṅgaṁ bibhrataṁ kelipaṅkajam

वे मुकुटधारी, कुण्डलधारी, रत्नमाला से विभूषित, समस्त अंगों में भस्म रमाये हुए, तथा क्रीड़ा-कमल धारण किये हुए थे।

श्लोक 21 (shiva.rudra.168.21)

पुरतो गीतनृत्यञ्च पश्यन्तं सस्मितं मुदा

purato gītanṛtyañca paśyantaṁ sasmitaṁ mudā

वे अपने समक्ष होने वाले गीत-नृत्य को मुस्कराते हुए आनन्दपूर्वक देख रहे थे।

श्लोक 22 (shiva.rudra.168.22)

शान्तं प्रसन्नमनसमुमाकान्तं महोल्लसम् । देव्या प्रदत्तताम्बूलं भुक्तवन्तं सुवासितम्

śāntaṁ prasannamanasamumākāntaṁ mahollasam devyā pradattatāmbūlaṁ bhuktavantaṁ suvāsitam

वे शान्त, प्रसन्नचित्त, उमा के प्रियतम, अत्यंत उल्लसित तथा देवी द्वारा प्रदत्त सुगन्धित ताम्बूल का सेवन किये हुए थे।

श्लोक 23 (shiva.rudra.168.23)

गणैश्च परया भक्त्या सेवितं श्वेतचामरैः । स्तूयमानं च सिद्धैश्च भक्तिनम्रात्मकन्धरैः

gaṇaiśca parayā bhaktyā sevitaṁ śvetacāmaraiḥ stūyamānaṁ ca siddhaiśca bhaktinamrātmakandharaiḥ

गणगण उनकी परम भक्ति से श्वेत चँवर लेकर सेवा कर रहे थे, तथा सिद्धगण भक्तिपूर्वक शीश झुकाये उनकी स्तुति कर रहे थे।

श्लोक 24 (shiva.rudra.168.24)

गुणातीतं परेशानं त्रिदेवजनकं विभुम् । निर्विकल्पं निराकारं साकारं स्वेच्छया शिवम्

guṇātītaṁ pareśānaṁ tridevajanakaṁ vibhum nirvikalpaṁ nirākāraṁ sākāraṁ svecchayā śivam

वे गुणातीत, परमेश्वर, त्रिदेवों के जनक, विभु, निर्विकल्प, निराकार होते हुए भी अपनी इच्छा से साकार शिव थे।

श्लोक 25 (shiva.rudra.168.25)

अमायमजमाद्यञ्च मायाधीशं परात्परम् । प्रकृतेः पुरुषस्यापि परमं स्वप्रभुं सदा

amāyamajamādyañca māyādhīśaṁ parātparam prakṛteḥ puruṣasyāpi paramaṁ svaprabhuṁ sadā

वे मायारहित, अजन्मा, आद्य, माया के स्वामी, परात्पर तथा प्रकृति और पुरुष से भी परे स्वयं के सदा परम स्वामी थे।

श्लोक 26 (shiva.rudra.168.26)

एवं विशिष्टं तं दृष्ट्वा परिपूर्णतमं समम् । विष्णुर्ब्रह्मा तुष्टुवतुः प्रणम्य सुकृताञ्जली

evaṁ viśiṣṭaṁ taṁ dṛṣṭvā paripūrṇatamaṁ samam viṣṇurbrahmā tuṣṭuvatuḥ praṇamya sukṛtāñjalī

इस प्रकार उन विशिष्ट, परिपूर्णतम तथा समभाव वाले प्रभु को देखकर, विष्णु और ब्रह्मा ने भलीभाँति हाथ जोड़कर प्रणाम कर उनकी स्तुति की।

श्लोक 27 (shiva.rudra.168.27)

विष्णुविधी ऊचतुः देवदेव महादेव परब्रह्माखिलेश्वर ॥ त्रिगुणातीत निर्व्यग्र त्रिदेवजनक प्रभो

viṣṇuvidhī ūcatuḥ devadeva mahādeva parabrahmākhileśvara triguṇātīta nirvyagra tridevajanaka prabho

विष्णु और ब्रह्मा ने कहा — हे देवदेव! हे महादेव! हे परब्रह्म! हे अखिलेश्वर! हे त्रिगुणातीत! हे निर्व्यग्र! हे त्रिदेवजनक प्रभो!

श्लोक 28 (shiva.rudra.168.28)

वयं ते शरणापन्ना रक्षास्मान्दुःखितान्विभो । शङ्खचूडार्दितान्क्लिष्टान्सन्नाथान्परमेश्वर

vayaṁ te śaraṇāpannā rakṣāsmānduḥkhitānvibho śaṅkhacūḍārditānkliṣṭānsannāthānparameśvara

हे विभो! हम आपकी शरण में आये हैं, हमारी रक्षा कीजिए। हे परमेश्वर! हम शङ्खचूड से पीड़ित तथा क्लेशयुक्त हैं, यद्यपि हमारा स्वामी विद्यमान है।

श्लोक 29 (shiva.rudra.168.29)

अयं योऽधिष्ठितो लोको गोलोक इति स स्मृतः । अधिष्ठाता तस्य विभुः कृष्णोऽयं त्वदधिष्ठितः

ayaṁ yo'dhiṣṭhito loko goloka iti sa smṛtaḥ adhiṣṭhātā tasya vibhuḥ kṛṣṇo'yaṁ tvadadhiṣṭhitaḥ

यह जो लोक है, वह गोलोक कहलाता है; इसका अधिष्ठाता यह विभु कृष्ण है, जो आपके ही द्वारा वहाँ स्थापित है।

श्लोक 30 (shiva.rudra.168.30)

पार्षदप्रवरस्तस्य सुदामा दैवयन्त्रितः । राधाशप्तो बभूवाथ शङ्खचूडश्च दानवः

pārṣadapravarastasya sudāmā daivayantritaḥ rādhāśapto babhūvātha śaṅkhacūḍaśca dānavaḥ

उसका अग्रणी पार्षद सुदामा, दैवयोग से राधा के शाप का पात्र होकर, शङ्खचूड नामक दानव बन गया।

श्लोक 31 (shiva.rudra.168.31)

तेन निःसारिताः शम्भो पीड्यमानाः समन्ततः । हृताधिकारास्त्रिदशा विचरन्ति महीतले

tena niḥsāritāḥ śambho pīḍyamānāḥ samantataḥ hṛtādhikārāstridaśā vicaranti mahītale

हे शम्भो! उसके द्वारा निष्कासित, चारों ओर से पीड़ित तथा अपने अधिकारों से वंचित देवगण पृथ्वी पर भटक रहे हैं।

श्लोक 32 (shiva.rudra.168.32)

त्वां विना न स वध्यश्च सर्वेषां त्रिदिवौकसाम् । तं घातय महेशान लोकानां सुखमावह

tvāṁ vinā na sa vadhyaśca sarveṣāṁ tridivaukasām taṁ ghātaya maheśāna lokānāṁ sukhamāvaha

आपके बिना वह समस्त देवताओं के लिए भी अवध्य है; हे महेशान! उसका वध कीजिए और लोकों को सुख प्रदान कीजिए।

श्लोक 33 (shiva.rudra.168.33)

त्वमेव निर्गुणः सत्योऽनन्तोऽनन्तपराक्रमः । सगुणः सन्निवेशश्च प्रकृतेः पुरुषात्परः

tvameva nirguṇaḥ satyo'nanto'nantaparākramaḥ saguṇaḥ sanniveśaśca prakṛteḥ puruṣātparaḥ

आप ही निर्गुण, सत्यस्वरूप, अनन्त तथा अनन्त पराक्रम वाले हैं; और सगुण रूप में स्थित होकर भी प्रकृति और पुरुष दोनों से परे हैं।

श्लोक 34 (shiva.rudra.168.34)

रजसा सृष्टिसमये त्वं ब्रह्मा सृष्टिकृत्प्रभो । सत्त्वेन पालने विष्णुस्त्रिभुवावनकारकः

rajasā sṛṣṭisamaye tvaṁ brahmā sṛṣṭikṛtprabho sattvena pālane viṣṇustribhuvāvanakārakaḥ

हे प्रभो! सृष्टि के समय रज गुण से आप ही ब्रह्मा — सृष्टिकर्ता हैं; पालन के समय सत्त्व गुण से आप ही विष्णु — त्रिभुवन के रक्षक हैं।

श्लोक 35 (shiva.rudra.168.35)

तमसा प्रलये रुद्रो जगत्संहारकारकः । निस्त्रैगुण्ये शिवाख्यातस्तुर्य्यो ज्योतिःस्वरूपकः

tamasā pralaye rudro jagatsaṁhārakārakaḥ nistraiguṇye śivākhyātasturyyo jyotiḥsvarūpakaḥ

प्रलयकाल में तम गुण से आप ही रुद्र — जगत के संहारकर्ता हैं; और त्रिगुणातीत अवस्था में आप ही शिव नाम से प्रसिद्ध, तुरीय, ज्योतिस्वरूप हैं।

श्लोक 36 (shiva.rudra.168.36)

त्वं दीक्षया च गोलोके त्वं गवां परिपालकः । त्वद्गोशालामध्यगश्च कृष्णः क्रीडत्यहर्निशम्

tvaṁ dīkṣayā ca goloke tvaṁ gavāṁ paripālakaḥ tvadgośālāmadhyagaśca kṛṣṇaḥ krīḍatyaharniśam

दीक्षा-रूप से आप ही गोलोक में गौओं के पालक हैं; और आपकी ही गोशाला के मध्य निवास करते हुए कृष्ण दिन-रात क्रीड़ा करते हैं।

श्लोक 37 (shiva.rudra.168.37)

त्वं सर्वकारणं स्वामी विधिर्विष्ण्वीश्वरः परम् । निर्विकारी सदासाक्षी परमात्मा परेश्वरः

tvaṁ sarvakāraṇaṁ svāmī vidhirviṣṇvīśvaraḥ param nirvikārī sadāsākṣī paramātmā pareśvaraḥ

आप ही सबके कारण, स्वामी, विधि, विष्णु तथा परम ईश्वर हैं; आप निर्विकार, सदा साक्षी, परमात्मा तथा परमेश्वर हैं।

श्लोक 38 (shiva.rudra.168.38)

दीनानाथसहायी च दीनानां प्रतिपालकः । दीनबन्धुस्त्रिलोकेशः शरणागतवत्सलः

dīnānāthasahāyī ca dīnānāṁ pratipālakaḥ dīnabandhustrilokeśaḥ śaraṇāgatavatsalaḥ

आप दीनों और अनाथों के सहायक, दीनजनों के पालक, दीनबन्धु, त्रिलोकेश्वर तथा शरणागतवत्सल हैं।

श्लोक 39 (shiva.rudra.168.39)

अस्मानुद्धर गौरीश प्रसीद परमेश्वर । त्वदधीना वयं नाथ यदिच्छसि तथा कुरु

asmānuddhara gaurīśa prasīda parameśvara tvadadhīnā vayaṁ nātha yadicchasi tathā kuru

हे गौरीश! हमारा उद्धार कीजिए, प्रसन्न होइए, हे परमेश्वर! हे नाथ! हम आपके ही अधीन हैं, जैसी आपकी इच्छा हो, वैसा ही कीजिए।

श्लोक 40 (shiva.rudra.168.40)

सनत्कुमार उवाच । इत्युक्त्वा तौ सुरौ व्यास हरिर्ब्रह्मा च वै तदा । विरेमतुः शिवं नत्वा करौ बद्ध्वा विनीतकौ

sanatkumāra uvāca ityuktvā tau surau vyāsa harirbrahmā ca vai tadā virematuḥ śivaṁ natvā karau baddhvā vinītakau

सनत्कुमार ने कहा — हे व्यास! यह कहकर हरि और ब्रह्मा — वे दोनों देवगण, शिव को प्रणाम कर, हाथ जोड़े विनम्र होकर मौन हो गये।