शङ्खचूडवध में शिवोपदेश

श्लोक 1 (shiva.rudra.169.1)

सनत्कुमार उवाच । अथाकर्ण्य वचः शम्भुर्हरिविध्योः सुदीनयोः । उवाच विहसन्वाण्या मेघनादगभीरया

sanatkumāra uvāca athākarṇya vacaḥ śambhurharividhyoḥ sudīnayoḥ uvāca vihasanvāṇyā meghanādagabhīrayā

सनत्कुमार ने कहा — तब अत्यंत दीन बने हुए हरि और ब्रह्मा के वचन सुनकर शम्भु मुस्कराते हुए मेघ-गर्जन के समान गम्भीर वाणी में बोले।

श्लोक 2 (shiva.rudra.169.2)

शिव उवाच । हे हरे वत्स हे ब्रह्मंस्त्यजतं सर्वशो भयम् । शङ्खचूडोद्भवं भद्रं सम्भविष्यत्यसंशयम्

śiva uvāca he hare vatsa he brahmaṁstyajataṁ sarvaśo bhayam śaṅkhacūḍodbhavaṁ bhadraṁ sambhaviṣyatyasaṁśayam

शिव ने कहा — हे हरि! हे वत्स! हे ब्रह्मन्! सब प्रकार का भय त्याग दो; शङ्खचूड से उत्पन्न इस समस्या का शुभ परिणाम निश्चय ही होगा।

श्लोक 3 (shiva.rudra.169.3)

शङ्खचूडस्य वृत्तान्तं सर्वं जानामि तत्त्वतः । कृष्णभक्तस्य गोपस्य सुदाम्नश्च पुरा प्रभो

śaṅkhacūḍasya vṛttāntaṁ sarvaṁ jānāmi tattvataḥ kṛṣṇabhaktasya gopasya sudāmnaśca purā prabho

हे प्रभो! मैं शङ्खचूड का समस्त वृत्तान्त यथार्थतः जानता हूँ — वह पूर्वजन्म में कृष्ण-भक्त गोप सुदामा था।

श्लोक 4 (shiva.rudra.169.4)

मदाज्ञया हृषीकेशो कृष्णरूपं विधाय च । गोशालायां स्थितो रम्ये गोलोके मदधिष्ठिते

madājñayā hṛṣīkeśo kṛṣṇarūpaṁ vidhāya ca gośālāyāṁ sthito ramye goloke madadhiṣṭhite

मेरी ही आज्ञा से हृषीकेश ने कृष्ण-रूप धारण कर, मेरे ही अधिष्ठित रमणीय गोलोक की गोशाला में निवास किया।

श्लोक 5 (shiva.rudra.169.5)

स्वतन्त्रोऽहमिति स्वं स मोहं मत्वा गतः पुरा । क्रीडाः समकरोद्बह्वीः स्वैरवर्तीव मोहितः

svatantro'hamiti svaṁ sa mohaṁ matvā gataḥ purā krīḍāḥ samakarodbahvīḥ svairavartīva mohitaḥ

'मैं स्वतन्त्र हूँ' — ऐसा मानकर वह पूर्व में इस मोह को प्राप्त हुआ; मोहित होकर वह मानो स्वच्छन्दतापूर्वक अनेक प्रकार की क्रीड़ाएँ करने लगा।

श्लोक 6 (shiva.rudra.169.6)

तं दृष्ट्वा मोहयत्युग्रं तस्याहं मायया स्वया । तेषां संहृत्य सद्बुद्धिं शापं दापितवान् किल

taṁ dṛṣṭvā mohayatyugraṁ tasyāhaṁ māyayā svayā teṣāṁ saṁhṛtya sadbuddhiṁ śāpaṁ dāpitavān kila

उसे देखकर मैंने अपनी माया से उसे और भी अत्यंत मोहित कर दिया; उनकी सद्बुद्धि को हरकर मैंने ही उन्हें शाप दिलवाया।

श्लोक 7 (shiva.rudra.169.7)

इत्थं कृत्वा स्वलीलां तां मायां संहृतवानहम् । ज्ञानयुक्तास्तदा ते तु मुक्तमोहाः सुबुद्धयः

itthaṁ kṛtvā svalīlāṁ tāṁ māyāṁ saṁhṛtavānaham jñānayuktāstadā te tu muktamohāḥ subuddhayaḥ

इस प्रकार अपनी लीला करके मैंने उस माया को समेट लिया; तब वे ज्ञानयुक्त, मोहमुक्त तथा सद्बुद्धिसम्पन्न हो गये।

श्लोक 8 (shiva.rudra.169.8)

समीपमागतास्ते मे दीनीभूय प्रणम्य माम् । अकुर्वन्सुनुतिं भक्त्या करौ बध्वा विनम्रकाः

samīpamāgatāste me dīnībhūya praṇamya mām akurvansunutiṁ bhaktyā karau badhvā vinamrakāḥ

वे मेरे समीप आये, दीन बनकर मुझे प्रणाम किया, तथा हाथ जोड़े विनम्र होकर भक्तिपूर्वक उत्तम स्तुति करने लगे।

श्लोक 9 (shiva.rudra.169.9)

वृत्तान्तमवदन् सर्वं लज्जाकुलितमानसाः । ऊचुर्मत्पुरतो दीना रक्ष रक्षेति वै गिरः

vṛttāntamavadan sarvaṁ lajjākulitamānasāḥ ūcurmatpurato dīnā rakṣa rakṣeti vai giraḥ

लज्जा से व्याकुल चित्त होकर उन्होंने समस्त वृत्तान्त कह सुनाया; मेरे समक्ष दीन होकर उन्होंने 'रक्षा कीजिए, रक्षा कीजिए' ऐसी वाणी कही।

श्लोक 10 (shiva.rudra.169.10)

तदा त्वहं भवस्तेषां सन्तुष्टः प्रोक्तवान् वचः । भयं त्यजत हे कृष्ण यूयं सर्वे मदाज्ञया

tadā tvahaṁ bhavasteṣāṁ santuṣṭaḥ proktavān vacaḥ bhayaṁ tyajata he kṛṣṇa yūyaṁ sarve madājñayā

तब मैं, भव, उनसे प्रसन्न होकर बोला — 'हे कृष्ण! तुम सब मेरी आज्ञा से भय त्याग दो।'

श्लोक 11 (shiva.rudra.169.11)

रक्षकोऽहं सदा प्रीत्या सुभद्रं वो भविष्यति । मदिच्छयाऽखिलं जातमिदं सर्वं न संशयः

rakṣako'haṁ sadā prītyā subhadraṁ vo bhaviṣyati madicchayā'khilaṁ jātamidaṁ sarvaṁ na saṁśayaḥ

मैं सदा प्रेमपूर्वक तुम्हारा रक्षक हूँ, तुम्हारा शुभ ही होगा। यह सब कुछ मेरी ही इच्छा से घटित हुआ है, इसमें कोई सन्देह नहीं।

श्लोक 12 (shiva.rudra.169.12)

स्वस्थानं गच्छ त्वं सार्द्धं राधया पार्षदेन च । दानवस्तु भवेत्सोऽयं भारतेऽत्र न संशयः

svasthānaṁ gaccha tvaṁ sārddhaṁ rādhayā pārṣadena ca dānavastu bhavetso'yaṁ bhārate'tra na saṁśayaḥ

तुम राधा और अपने पार्षद के साथ अपने स्थान को जाओ; और वह निश्चय ही इस भारतभूमि पर दानव बनेगा, इसमें कोई संदेह नहीं।

श्लोक 13 (shiva.rudra.169.13)

शापोद्धारं करिष्येऽहं युवयोः समये खलु । मदुक्तमिति सन्धार्य शिरसा राधया सह

śāpoddhāraṁ kariṣye'haṁ yuvayoḥ samaye khalu maduktamiti sandhārya śirasā rādhayā saha

उचित समय आने पर मैं ही तुम दोनों को शाप से मुक्त कर दूँगा। मेरे इस वचन को शिरोधार्य करके राधा सहित —

श्लोक 14 (shiva.rudra.169.14)

श्रीकृष्णोऽमोददत्यन्तं स्वस्थानमगमत्सुधीः । न्यष्ठातां सभयं तत्र मदाराधनतत्परौ

śrīkṛṣṇo'modadatyantaṁ svasthānamagamatsudhīḥ nyaṣṭhātāṁ sabhayaṁ tatra madārādhanatatparau

श्रीकृष्ण अत्यंत हर्षित होकर अपने स्थान को गये। वे बुद्धिमान दोनों वहाँ भयभीत रहते हुए मेरी ही आराधना में तत्पर रहे।

श्लोक 15 (shiva.rudra.169.15)

मत्वाखिलं मदधीनमस्वतन्त्रं निजं च वै । स सुदामाऽभवद्राधाशापतो दानवेश्वरः

matvākhilaṁ madadhīnamasvatantraṁ nijaṁ ca vai sa sudāmā'bhavadrādhāśāpato dānaveśvaraḥ

यह मानकर कि यह सब मेरे ही अधीन है और स्वयं स्वतन्त्र नहीं है, वह सुदामा राधा के शाप से दानवेश्वर बन गया।

श्लोक 16 (shiva.rudra.169.16)

शङ्खचूडाभिधो देवद्रोही धर्मविचक्षणः । क्लिश्नाति सुबलात्कृत्स्नं सदा देवगणं कुधीः

śaṅkhacūḍābhidho devadrohī dharmavicakṣaṇaḥ kliśnāti subalātkṛtsnaṁ sadā devagaṇaṁ kudhīḥ

शङ्खचूड नामक वह देवद्रोही, यद्यपि धर्म में निपुण है, तथापि कुबुद्धि होकर सदा अपने महान बल से समस्त देवगण को पीड़ित करता रहता है।

श्लोक 17 (shiva.rudra.169.17)

मन्मायामोहितःसोऽतिदुष्टमन्त्रिसहायवान् । तद्भयं त्यजताश्वेव मयि शास्तरि वै सति

manmāyāmohitaḥso'tiduṣṭamantrisahāyavān tadbhayaṁ tyajatāśveva mayi śāstari vai sati

मेरी ही माया से मोहित तथा अत्यंत दुष्ट मन्त्रियों के सहायकवान् वह — मेरे शासक रहते हुए तुम उसका भय शीघ्र ही त्याग दो।

श्लोक 18 (shiva.rudra.169.18)

सनत्कुमार उवाच । इत्यूचिवान् शिवो यावद्धरिब्रह्मपुरः कथाम् । अभवत्तावदन्यच्च चरितं तन्मुने शृणु

sanatkumāra uvāca ityūcivān śivo yāvaddharibrahmapuraḥ kathām abhavattāvadanyacca caritaṁ tanmune śṛṇu

सनत्कुमार ने कहा — शिव जब तक हरि और ब्रह्मा के समक्ष यह कथा कह रहे थे, तब तक एक और घटना घट गयी — हे मुने! उसे भी सुनो।

श्लोक 19 (shiva.rudra.169.19)

तस्मिन्नेवान्तरे कृष्णो राधया पार्षदैः सह । सद्गोपैराययौ शम्भुमनुकूलयितुं प्रभुम्

tasminnevāntare kṛṣṇo rādhayā pārṣadaiḥ saha sadgopairāyayau śambhumanukūlayituṁ prabhum

उसी बीच कृष्ण राधा, अपने पार्षदों तथा सत्गोपों के साथ प्रभु शम्भु को प्रसन्न करने के लिए वहाँ आये।

श्लोक 20 (shiva.rudra.169.20)

प्रभुं प्रणम्य सद्भक्त्या मिलित्वा हरिमादरात् । सम्मतो विधिना प्रीत्या सन्तस्थौ शिवशासनात्

prabhuṁ praṇamya sadbhaktyā militvā harimādarāt sammato vidhinā prītyā santasthau śivaśāsanāt

प्रभु को सद्भक्ति से प्रणाम कर तथा आदरपूर्वक हरि से मिलकर, विधि द्वारा प्रेमपूर्वक स्वीकृत होकर, वे शिव की आज्ञा से वहीं ठहर गये।

श्लोक 21 (shiva.rudra.169.21)

ततः शम्भुं पुनर्नत्वा तुष्टाव विहिताञ्जलिः । श्रीकृष्णो मोहनिर्मुक्तो ज्ञात्वा तत्त्वं शिवस्य हि

tataḥ śambhuṁ punarnatvā tuṣṭāva vihitāñjaliḥ śrīkṛṣṇo mohanirmukto jñātvā tattvaṁ śivasya hi

तत्पश्चात् पुनः शम्भु को प्रणाम कर, हाथ जोड़कर, मोह से मुक्त तथा शिव के तत्त्व को जानकर श्रीकृष्ण ने उनकी स्तुति की।

श्लोक 22 (shiva.rudra.169.22)

श्रीकृष्ण उवाच । देवदेव महादेव परब्रह्म सताङ्गते । क्षमस्व चापराधं मे प्रसीद परमेश्वर

śrīkṛṣṇa uvāca devadeva mahādeva parabrahma satāṅgate kṣamasva cāparādhaṁ me prasīda parameśvara

श्रीकृष्ण ने कहा — हे देवदेव! हे महादेव! हे परब्रह्म! हे सत्पुरुषों की गति! मेरे अपराध को क्षमा कीजिए, हे परमेश्वर! प्रसन्न होइए।

श्लोक 23 (shiva.rudra.169.23)

त्वत्तः शर्व च सर्वं च त्वयि सर्वं महेश्वर । सर्वं त्वं निखिलाधीश प्रसीद परमेश्वर

tvattaḥ śarva ca sarvaṁ ca tvayi sarvaṁ maheśvara sarvaṁ tvaṁ nikhilādhīśa prasīda parameśvara

हे शर्व! आपसे ही सब कुछ है, और आप में ही सब कुछ है, हे महेश्वर! हे निखिलाधीश! आप ही सब कुछ हैं, प्रसन्न होइए हे परमेश्वर!

श्लोक 24 (shiva.rudra.169.24)

त्वं ज्योतिः परमं साक्षात्सर्वव्यापी सनातनः । त्वया नाथेन गौरीश सनाथाःसकला वयम्

tvaṁ jyotiḥ paramaṁ sākṣātsarvavyāpī sanātanaḥ tvayā nāthena gaurīśa sanāthāḥsakalā vayam

आप साक्षात् परम ज्योति, सर्वव्यापी तथा सनातन हैं। हे गौरीश! आप ही स्वामी हैं, आपके कारण हम सब सनाथ हैं।

श्लोक 25 (shiva.rudra.169.25)

सर्वोपरि निजं मत्वा विहरन्मोहमाश्रितः । तत्फलं प्राप्तवानस्मि शापं प्राप्तः सवामकः

sarvopari nijaṁ matvā viharanmohamāśritaḥ tatphalaṁ prāptavānasmi śāpaṁ prāptaḥ savāmakaḥ

स्वयं को सबसे ऊपर मानकर तथा उस मोह में विहार करते हुए मैंने उसका फल पाया है — मैंने अपने पार्षद सहित शाप को प्राप्त किया है।

श्लोक 26 (shiva.rudra.169.26)

पार्षदप्रवरो यो मे सुदामा नाम गोपकः । स राधाशापतः स्वामिन्दानवीं योनिमाश्रितः

pārṣadapravaro yo me sudāmā nāma gopakaḥ sa rādhāśāpataḥ svāmindānavīṁ yonimāśritaḥ

मेरा जो अग्रणी पार्षद सुदामा नामक गोप था, वह हे स्वामिन्! राधा के शाप से दानव-योनि को प्राप्त हुआ है।

श्लोक 27 (shiva.rudra.169.27)

अस्मानुद्धर दुर्गेश प्रसीद परमेश्वर । शापोद्धारं कुरुष्वाद्य पाहि नः शरणागतान्

asmānuddhara durgeśa prasīda parameśvara śāpoddhāraṁ kuruṣvādya pāhi naḥ śaraṇāgatān

हे दुर्गेश! हमारा उद्धार कीजिए, प्रसन्न होइए हे परमेश्वर! आज ही इस शाप से मुक्ति दीजिए, शरणागतों की रक्षा कीजिए।

श्लोक 28 (shiva.rudra.169.28)

इत्युक्त्वा विररामैव श्रीकृष्णो राधया सह । प्रसन्नोऽभूच्छिवस्तत्र शरणागतवत्सलः

ityuktvā virarāmaiva śrīkṛṣṇo rādhayā saha prasanno'bhūcchivastatra śaraṇāgatavatsalaḥ

यह कहकर श्रीकृष्ण राधा सहित मौन हो गये; और वहाँ शरणागतवत्सल शिव प्रसन्न हो गये।

श्लोक 29 (shiva.rudra.169.29)

श्रीशिव उवाच । हे कृष्ण गोपिकानाथ भयं त्यज सुखी भव । मयानुगृह्णता तात सर्वमाचरितं त्विदम्

śrīśiva uvāca he kṛṣṇa gopikānātha bhayaṁ tyaja sukhī bhava mayānugṛhṇatā tāta sarvamācaritaṁ tvidam

श्रीशिव ने कहा — हे कृष्ण! हे गोपिकानाथ! भय त्यागकर सुखी हो जाओ। हे तात! यह सब कुछ मैंने ही तुम पर अनुग्रह करते हुए किया है।

श्लोक 30 (shiva.rudra.169.30)

सम्भविष्यति ते भद्रं गच्छ स्वस्थानमुत्तमम् । स्थातव्यं स्वाधिकारे च सावधानतया सदा

sambhaviṣyati te bhadraṁ gaccha svasthānamuttamam sthātavyaṁ svādhikāre ca sāvadhānatayā sadā

तुम्हारा कल्याण होगा, अपने उत्तम स्थान को जाओ। तुम्हें सदा सावधानीपूर्वक अपने अधिकार में स्थित रहना चाहिए।

श्लोक 31 (shiva.rudra.169.31)

विहरस्व यथाकामं मां विज्ञाय परात्परम् । स्वकार्यं कुरु निर्व्यग्रं राधया पार्षदैः खलु

viharasva yathākāmaṁ māṁ vijñāya parātparam svakāryaṁ kuru nirvyagraṁ rādhayā pārṣadaiḥ khalu

मुझे परात्पर जानकर तुम अपनी इच्छानुसार विहार करो; निर्व्यग्र होकर राधा और अपने पार्षदों के साथ अपना कार्य करते रहो।

श्लोक 32 (shiva.rudra.169.32)

वाराहे प्रवरे कल्पे तरुण्या राधया सह । शापप्रभावं भुक्त्वा वै पुनरायास्यति स्वकम्

vārāhe pravare kalpe taruṇyā rādhayā saha śāpaprabhāvaṁ bhuktvā vai punarāyāsyati svakam

श्रेष्ठ वाराह-कल्प में तरुणी राधा के साथ शाप के प्रभाव को भोगकर वह पुनः अपने स्वरूप को प्राप्त होगा।

श्लोक 33 (shiva.rudra.169.33)

सुदामा पार्षदो यो हि तव कृष्ण प्रियप्रियः । दानवीं योनिमाश्रित्येदानीं क्लिश्नाति वै जगत्

sudāmā pārṣado yo hi tava kṛṣṇa priyapriyaḥ dānavīṁ yonimāśrityedānīṁ kliśnāti vai jagat

हे कृष्ण! तुम्हारा जो अत्यंत प्रिय पार्षद सुदामा था, वह इस समय दानव-योनि को प्राप्त होकर जगत को पीड़ित कर रहा है।

श्लोक 34 (shiva.rudra.169.34)

शापप्रभावाद्राधाया देवशत्रुश्च दानवः । शङ्खचूडाभिधः सोऽति दैत्यपक्षी सुरद्रुहः

śāpaprabhāvādrādhāyā devaśatruśca dānavaḥ śaṅkhacūḍābhidhaḥ so'ti daityapakṣī suradruhaḥ

राधा के शाप के प्रभाव से वह देवताओं का शत्रु दानव बन गया है — शङ्खचूड नामक, दैत्यों का पक्षधर तथा देवद्रोही।

श्लोक 35 (shiva.rudra.169.35)

तेन निःसारिता देवाः सेन्द्रा नित्यं प्रपीडिताः । हृताधिकारा विकृताः सर्वे याता दिशो दश

tena niḥsāritā devāḥ sendrā nityaṁ prapīḍitāḥ hṛtādhikārā vikṛtāḥ sarve yātā diśo daśa

उसके द्वारा इन्द्र-सहित समस्त देवगण निष्कासित, सदा पीड़ित, अपने अधिकारों से वंचित तथा विरूपित होकर दसों दिशाओं में भटक रहे हैं।

श्लोक 36 (shiva.rudra.169.36)

ब्रह्माच्युतौ तदर्थे हीहागतौ शरणं मम । तेषां क्लेशविनिर्मोक्षं करिष्ये नात्र संशयः

brahmācyutau tadarthe hīhāgatau śaraṇaṁ mama teṣāṁ kleśavinirmokṣaṁ kariṣye nātra saṁśayaḥ

इसी कारण ब्रह्मा और अच्युत मेरी शरण में यहाँ आये हैं; मैं निश्चय ही उनके क्लेश से मुक्ति दिलाऊँगा, इसमें कोई सन्देह नहीं।

श्लोक 37 (shiva.rudra.169.37)

सनत्कुमार उवाच । इत्युक्त्वा शङ्करः कृष्णं पुनः प्रोवाच सादरम् । हरिं विधिं समाभाष्य वचनं क्लेशनाशनम्

sanatkumāra uvāca ityuktvā śaṅkaraḥ kṛṣṇaṁ punaḥ provāca sādaram hariṁ vidhiṁ samābhāṣya vacanaṁ kleśanāśanam

सनत्कुमार ने कहा — कृष्ण से यह कहकर शंकर ने पुनः हरि और ब्रह्मा को सम्बोधित करते हुए आदरपूर्वक क्लेशनाशक वचन कहा।

श्लोक 38 (shiva.rudra.169.38)

शिव उवाच । हे हरे हे विधे प्रीत्या ममेदं वचनं शृणु । गच्छतं त्वरितं तातौ देवानन्दाय निर्भयम्

śiva uvāca he hare he vidhe prītyā mamedaṁ vacanaṁ śṛṇu gacchataṁ tvaritaṁ tātau devānandāya nirbhayam

शिव ने कहा — हे हरि! हे विधे! प्रेमपूर्वक मेरा यह वचन सुनो। हे तातो! तुम शीघ्र ही निर्भय होकर देवताओं के आनन्द हेतु जाओ।

श्लोक 39 (shiva.rudra.169.39)

कैलासवासिनं रुद्रं मद्रूपं पूर्णमुत्तमम् । देवकार्यार्थमुद्भूतं पृथगाकृतिधारिणम्

kailāsavāsinaṁ rudraṁ madrūpaṁ pūrṇamuttamam devakāryārthamudbhūtaṁ pṛthagākṛtidhāriṇam

कैलासवासी रुद्र, जो मेरा ही परिपूर्ण एवं उत्तम स्वरूप हैं, तथा देवकार्य हेतु पृथक् आकृति धारण किये हुए प्रकट हुए हैं —

श्लोक 40 (shiva.rudra.169.40)

एतदर्थे हि मद्रूपः परिपूर्णतमः प्रभुः । कैलासे भक्तवशतः सन्तिष्ठति गिरौ हरे

etadarthe hi madrūpaḥ paripūrṇatamaḥ prabhuḥ kailāse bhaktavaśataḥ santiṣṭhati girau hare

हे हरि! इसी प्रयोजन के लिए वह मेरा परिपूर्णतम स्वरूप प्रभु, भक्तवश होकर कैलास पर्वत पर निवास करता है।

श्लोक 41 (shiva.rudra.169.41)

मत्तस्त्वत्तो न भेदोऽस्ति युवयोः सेव्य एव सः । चराचराणां सर्वेषां सुरादीनां च सर्वदा

mattastvatto na bhedo'sti yuvayoḥ sevya eva saḥ carācarāṇāṁ sarveṣāṁ surādīnāṁ ca sarvadā

मुझमें, तुम दोनों में तथा उनमें कोई भेद नहीं है; समस्त चराचर प्राणियों तथा देवादि सभी के द्वारा सदा वे ही सेव्य हैं।

श्लोक 42 (shiva.rudra.169.42)

आवयोर्भेदकर्ता यः स नरो नरकं व्रजेत् । इहापि प्राप्नुयात्कष्टं पुत्रपौत्रविवर्जितः

āvayorbhedakartā yaḥ sa naro narakaṁ vrajet ihāpi prāpnuyātkaṣṭaṁ putrapautravivarjitaḥ

जो मनुष्य हम दोनों में भेद करता है, वह नरक को प्राप्त होता है; इस लोक में भी वह पुत्र-पौत्रविहीन होकर कष्ट पाता है।

श्लोक 43 (shiva.rudra.169.43)

इत्युक्तवन्तं दुर्गेशं प्रणम्य च मुहुर्मुहुः । राधया सहितः कृष्णः स्वस्थानं सगणो ययौ

ityuktavantaṁ durgeśaṁ praṇamya ca muhurmuhuḥ rādhayā sahitaḥ kṛṣṇaḥ svasthānaṁ sagaṇo yayau

इस प्रकार कहते हुए दुर्गेश को बार-बार प्रणाम कर, राधा और अपने गणों सहित कृष्ण अपने स्थान को चले गये।

श्लोक 44 (shiva.rudra.169.44)

हरिर्ब्रह्मा च तौ व्यास सानन्दौ गतसाध्वसौ । मुहुर्मुहुः प्रणम्येशं वैकुण्ठं ययतुर्द्रुतम्

harirbrahmā ca tau vyāsa sānandau gatasādhvasau muhurmuhuḥ praṇamyeśaṁ vaikuṇṭhaṁ yayaturdrutam

हे व्यास! हरि और ब्रह्मा दोनों आनन्दित होकर तथा भय से मुक्त होकर, बार-बार ईश्वर को प्रणाम कर शीघ्रता से वैकुण्ठ को गये।

श्लोक 45 (shiva.rudra.169.45)

तत्रागत्याखिलं वृत्तं देवेभ्यो विनिवेद्य तौ । तानादाय ब्रह्मविष्णू कैलासं ययतुर्गिरिम्

tatrāgatyākhilaṁ vṛttaṁ devebhyo vinivedya tau tānādāya brahmaviṣṇū kailāsaṁ yayaturgirim

वहाँ पहुँचकर उन्होंने देवताओं को समस्त वृत्तान्त सुनाया, तत्पश्चात् उन्हें साथ लेकर ब्रह्मा और विष्णु कैलास पर्वत को गये।

श्लोक 46 (shiva.rudra.169.46)

तत्र दृष्ट्वा महेशानं पार्वतीवल्लभं प्रभुम् । दीनरक्षात्तदेहं च सगुणं देवनायकम्

tatra dṛṣṭvā maheśānaṁ pārvatīvallabhaṁ prabhum dīnarakṣāttadehaṁ ca saguṇaṁ devanāyakam

वहाँ पार्वती के प्रिय स्वामी, दीनों के रक्षक, सशरीर, सगुणरूप देवनायक महेश को देखकर —

श्लोक 47 (shiva.rudra.169.47)

तुष्टुवुः पूर्ववत्सर्वे भक्त्या गद्गदया गिरा । करौ बद्ध्वा नतस्कन्धा विनयेन समन्विताः

tuṣṭuvuḥ pūrvavatsarve bhaktyā gadgadayā girā karau baddhvā nataskandhā vinayena samanvitāḥ

सब देवगण पूर्ववत् भक्तिपूर्वक गद्गद वाणी में, हाथ जोड़कर, सिर झुकाकर, विनयपूर्वक उनकी स्तुति करने लगे।

श्लोक 48 (shiva.rudra.169.48)

देवा ऊचुः । देवदेव महादेव गिरिजानाथ शङ्कर । वयं त्वां शरणापन्ना रक्ष देवान्भयाकुलान्

devā ūcuḥ devadeva mahādeva girijānātha śaṅkara vayaṁ tvāṁ śaraṇāpannā rakṣa devānbhayākulān

देवताओं ने कहा — हे देवदेव! हे महादेव! हे गिरिजानाथ! हे शंकर! हम आपकी शरण में आये हैं; भयाकुल देवताओं की रक्षा कीजिए।

श्लोक 49 (shiva.rudra.169.49)

शङ्खचूडं दानवेन्द्रं जहि देवनिषूदनम् । तेन विक्लाविता देवाः सङ्ग्रामे च पराजिताः

śaṅkhacūḍaṁ dānavendraṁ jahi devaniṣūdanam tena viklāvitā devāḥ saṅgrāme ca parājitāḥ

देवताओं का संहारक शङ्खचूड नामक दानवेन्द्र का वध कीजिए; उसके द्वारा देवगण भयभीत होकर युद्ध में पराजित हुए हैं।

श्लोक 50 (shiva.rudra.169.50)

हृताधिकाराः कुतले विचरन्ति यथा नराः । देवलोको हि दुर्दृश्यस्तेषामासीच्च तद्भयात्

hṛtādhikārāḥ kutale vicaranti yathā narāḥ devaloko hi durdṛśyasteṣāmāsīcca tadbhayāt

अपने अधिकारों से वंचित होकर वे साधारण मनुष्यों के समान पाताल में भटक रहे हैं; उसके भय से उनके लिए देवलोक भी दुर्दर्श हो गया है।

श्लोक 51 (shiva.rudra.169.51)

दीनोद्धार कृपासिन्धो देवानुद्धर सङ्कटात् । शक्रं भयान्महेशान हत्वा तं दानवाधिपम्

dīnoddhāra kṛpāsindho devānuddhara saṅkaṭāt śakraṁ bhayānmaheśāna hatvā taṁ dānavādhipam

हे दीनोद्धारक! हे कृपासिन्धो! देवताओं को इस संकट से उबारिये। हे महेशान! उस दानवाधिप को मारकर इन्द्र को भय से मुक्त कीजिए।

श्लोक 52 (shiva.rudra.169.52)

इति श्रुत्वा वचः शम्भुर्देवानां भक्तवत्सलः । उवाच विहसन् वाण्या मेघनादगभीरया

iti śrutvā vacaḥ śambhurdevānāṁ bhaktavatsalaḥ uvāca vihasan vāṇyā meghanādagabhīrayā

देवताओं के इस वचन को सुनकर भक्तवत्सल शम्भु मुस्कराते हुए मेघगर्जन के समान गम्भीर वाणी में बोले।

श्लोक 53 (shiva.rudra.169.53)

श्रीशङ्कर उवाच । हे हरे हे विधे देवाः स्वस्थानं गच्छत ध्रुवम् । शङ्खचूडं वधिष्यामि सगणं नात्र संशयः

śrīśaṅkara uvāca he hare he vidhe devāḥ svasthānaṁ gacchata dhruvam śaṅkhacūḍaṁ vadhiṣyāmi sagaṇaṁ nātra saṁśayaḥ

श्रीशंकर ने कहा — हे हरि! हे विधे! हे देवगण! तुम सब निश्चयपूर्वक अपने-अपने स्थान को जाओ। मैं शङ्खचूड को उसके गणों सहित मार डालूँगा, इसमें कोई सन्देह नहीं।

श्लोक 54 (shiva.rudra.169.54)

सनत्कुमार उवाच । इत्याकर्ण्य महेशस्य वचः पीयूषसन्निभम् । ते सर्वे प्रमुदा ह्यासन्नष्टं मत्वा च दानवम्

sanatkumāra uvāca ityākarṇya maheśasya vacaḥ pīyūṣasannibham te sarve pramudā hyāsannaṣṭaṁ matvā ca dānavam

सनत्कुमार ने कहा — अमृत के समान महेश के इस वचन को सुनकर वे सभी अत्यंत प्रसन्न हुए, मानो उस दानव को विनष्ट ही समझ लिया हो।

श्लोक 55 (shiva.rudra.169.55)

हरिर्जगाम वैकुण्ठं सत्यलोके विधिस्तदा । प्रणिपत्य महेशं च सुराद्याः स्वपदं ययुः

harirjagāma vaikuṇṭhaṁ satyaloke vidhistadā praṇipatya maheśaṁ ca surādyāḥ svapadaṁ yayuḥ

हरि वैकुण्ठ को गये तथा ब्रह्मा सत्यलोक को; और महेश को प्रणाम कर देवादि सभी अपने-अपने स्थान को चले गये।