शङ्खचूडसैन्यवध-वर्णन

श्लोक 1 (shiva.rudra.177.1)

व्यास उवाच । श्रुत्वा काल्युक्तमीशानो किं चकार किमुक्तवान् । तत्त्वं वद महाप्राज्ञ परं कौतूहलं मम

vyāsa uvāca śrutvā kālyuktamīśāno kiṁ cakāra kimuktavān tattvaṁ vada mahāprājña paraṁ kautūhalaṁ mama

व्यास ने कहा — काली की बात सुनकर ईशान ने क्या किया और क्या कहा? हे महाप्राज्ञ! यह सत्य मुझे बताइये, मुझे अत्यंत कौतूहल है।

श्लोक 2 (shiva.rudra.177.2)

सनत्कुमार उवाच । काल्युक्तं वचनं श्रुत्वा शङ्करः परमेश्वरः । महालीलाकरः शम्भुर्जहासाश्वासयञ्च ताम्

sanatkumāra uvāca kālyuktaṁ vacanaṁ śrutvā śaṅkaraḥ parameśvaraḥ mahālīlākaraḥ śambhurjahāsāśvāsayañca tām

सनत्कुमार ने कहा — काली के वचन सुनकर महालीला करने वाले परमेश्वर शंकर शम्भु हँस पड़े, और उन्हें सान्त्वना दी।

श्लोक 3 (shiva.rudra.177.3)

व्योमवाणीं समाकर्ण्य तत्त्वज्ञानविशारदः । ययौ स्वयं च समरे स्वगणैः सह शङ्करः

vyomavāṇīṁ samākarṇya tattvajñānaviśāradaḥ yayau svayaṁ ca samare svagaṇaiḥ saha śaṅkaraḥ

आकाशवाणी को सुनकर तत्त्वज्ञान में निपुण शंकर स्वयं अपने गणों सहित युद्ध के लिये चल पड़े।

श्लोक 4 (shiva.rudra.177.4)

महावृषभमारूढो वीरभद्रादिसंयुतः । भैरवैः क्षेत्रपालैश्च स्वसमानैः समन्वितः

mahāvṛṣabhamārūḍho vīrabhadrādisaṁyutaḥ bhairavaiḥ kṣetrapālaiśca svasamānaiḥ samanvitaḥ

अपने विशाल वृषभ पर आरूढ़, वीरभद्र आदि सहित, भैरवों तथा क्षेत्रपालों से युक्त, जो उन्हीं के समान थे —

श्लोक 5 (shiva.rudra.177.5)

रणं प्राप्तो महेशश्च वीररूपं विधाय च । विरराजाधिकं तत्र रुद्रो मूर्त इवान्तकः

raṇaṁ prāpto maheśaśca vīrarūpaṁ vidhāya ca virarājādhikaṁ tatra rudro mūrta ivāntakaḥ

— महेश वीररूप धारण कर युद्धस्थल में पहुँचे; वहाँ रुद्र साक्षात् मूर्तिमान् काल के समान अत्यंत देदीप्यमान हो उठे।

श्लोक 6 (shiva.rudra.177.6)

शङ्खचूडः शिवं दृष्ट्वा विमानादवरुह्य सः । ननाम परया भक्त्या शिरसा दण्डवद्भुवि

śaṅkhacūḍaḥ śivaṁ dṛṣṭvā vimānādavaruhya saḥ nanāma parayā bhaktyā śirasā daṇḍavadbhuvi

शिव को देखकर शङ्खचूड अपने विमान से उतर आया, और परम भक्तिपूर्वक सिर झुकाकर भूमि पर दण्डवत् प्रणाम किया।

श्लोक 7 (shiva.rudra.177.7)

तं प्रणम्य तु योगेन विमानमारुरोह सः । तूर्णं चकार सन्नाहं धनुर्जग्राह सेषुकम्

taṁ praṇamya tu yogena vimānamāruroha saḥ tūrṇaṁ cakāra sannāhaṁ dhanurjagrāha seṣukam

उन्हें प्रणाम कर योगबल से वह पुनः अपने विमान पर आरूढ़ हो गया; तुरन्त कवच धारण कर उसने बाणों सहित धनुष उठा लिया।

श्लोक 8 (shiva.rudra.177.8)

शिवदानवयोर्युद्धं शतमब्दं बभूव ह । बाणवर्षमिवोग्रं तद्वर्षतोर्मोघयोस्तदा

śivadānavayoryuddhaṁ śatamabdaṁ babhūva ha bāṇavarṣamivograṁ tadvarṣatormoghayostadā

शिव और उस दानव के बीच सौ वर्षों तक युद्ध होता रहा; वह बाणों की भयंकर वृष्टि उस समय अमोघ वर्षा के समान होने लगी।

श्लोक 9 (shiva.rudra.177.9)

शङ्खचूडो महावीरः शरांश्चिक्षेप दारुणान् । चिच्छेद शङ्करस्तान्वै लीलया स्वशरोत्करैः

śaṅkhacūḍo mahāvīraḥ śarāṁścikṣepa dāruṇān ciccheda śaṅkarastānvai līlayā svaśarotkaraiḥ

महावीर शङ्खचूड ने भयंकर बाण छोड़े; शंकर ने उन्हें अपने बाणों के समूह से लीलापूर्वक काट डाला।

श्लोक 10 (shiva.rudra.177.10)

तदङ्गेषु च शस्त्रौघैस्ताडयामास कोपतः । महारुद्रो विरूपाक्षो दुष्टदण्डः सतां गतिः

tadaṅgeṣu ca śastraughaistāḍayāmāsa kopataḥ mahārudro virūpākṣo duṣṭadaṇḍaḥ satāṁ gatiḥ

दुष्टों के दण्डकर्ता, सज्जनों की गति, विरूपाक्ष महारुद्र ने क्रोधपूर्वक शस्त्रों के समूह से उसके अंगों पर प्रहार किया।

श्लोक 11 (shiva.rudra.177.11)

दानवो निशितं खड्गं चर्म चादाय वेगवान् । वृषं जघान शिरसि शिवस्य वरवाहनम्

dānavo niśitaṁ khaḍgaṁ carma cādāya vegavān vṛṣaṁ jaghāna śirasi śivasya varavāhanam

तीव्रगामी उस दानव ने तीक्ष्ण खड्ग तथा ढाल लेकर शिव के उत्तम वाहन वृषभ के शिर पर प्रहार किया।

श्लोक 12 (shiva.rudra.177.12)

ताडिते वाहने रुद्रस्तं क्षुरप्रेण लीलया । खड्गं चिच्छेद तस्याशु चर्म चापि महोज्ज्वलम्

tāḍite vāhane rudrastaṁ kṣurapreṇa līlayā khaḍgaṁ ciccheda tasyāśu carma cāpi mahojjvalam

अपने वाहन के आहत होने पर रुद्र ने लीलापूर्वक क्षुरप्र बाण से उसकी तलवार तथा देदीप्यमान ढाल दोनों को शीघ्र ही काट डाला।

श्लोक 13 (shiva.rudra.177.13)

छिन्नेऽसौ चर्मणि तदा शक्तिं चिक्षेप सोऽसुरः । द्विधा चक्रे स्वबाणेन हरस्तां सम्मुखागताम्

chinne'sau carmaṇi tadā śaktiṁ cikṣepa so'suraḥ dvidhā cakre svabāṇena harastāṁ sammukhāgatām

ढाल कट जाने पर उस असुर ने शक्ति फेंकी; हर ने अपने बाण से सामने आती हुई उस शक्ति के दो टुकड़े कर डाले।

श्लोक 14 (shiva.rudra.177.14)

कोपाध्मातः शङ्खचूडः चक्रं चिक्षेप दानवः । मुष्टिपातेन तच्चाप्यचूर्णयत्सहसा हरः

kopādhmātaḥ śaṅkhacūḍaḥ cakraṁ cikṣepa dānavaḥ muṣṭipātena taccāpyacūrṇayatsahasā haraḥ

क्रोध से उन्मत्त दानव शङ्खचूड ने चक्र फेंका; हर ने मुष्टिप्रहार से उसे भी तत्काल चूर-चूर कर डाला।

श्लोक 15 (shiva.rudra.177.15)

गदामाविध्य तरसा सञ्चिक्षेप हरं प्रति । शम्भुना सापि सहसा भिन्ना भस्मत्वमागता

gadāmāvidhya tarasā sañcikṣepa haraṁ prati śambhunā sāpi sahasā bhinnā bhasmatvamāgatā

गदा को वेगपूर्वक घुमाकर उसने हर पर फेंका; शम्भु ने उसे भी तत्काल विदीर्ण कर भस्म कर डाला।

श्लोक 16 (shiva.rudra.177.16)

ततः परशुमादाय हस्तेन दानवेश्वरः । धावति स्म हरं वेगाच्छङ्खचूडः क्रुधाकुलः

tataḥ paraśumādāya hastena dānaveśvaraḥ dhāvati sma haraṁ vegācchaṅkhacūḍaḥ krudhākulaḥ

तब हाथ में परशु लेकर दानवेश्वर शङ्खचूड क्रोध से व्याकुल होकर वेगपूर्वक हर की ओर दौड़ा।

श्लोक 17 (shiva.rudra.177.17)

समाहृत्य स्वबाणौघैरपातयत शङ्करः । द्रुतं परशुहस्तं तं भूतले लीलयासुरम्

samāhṛtya svabāṇaughairapātayata śaṅkaraḥ drutaṁ paraśuhastaṁ taṁ bhūtale līlayāsuram

अपने बाणों के समूह से शंकर ने उस परशुधारी असुर को शीघ्र ही लीलापूर्वक भूतल पर गिरा दिया।

श्लोक 18 (shiva.rudra.177.18)

ततः क्षणेन सम्प्राप्य संज्ञामारुह्य सद्रथम् । धृतदिव्यायुधशरो बभौ व्याप्याखिलं नभः

tataḥ kṣaṇena samprāpya saṁjñāmāruhya sadratham dhṛtadivyāyudhaśaro babhau vyāpyākhilaṁ nabhaḥ

फिर क्षणभर में चेतना पाकर उत्तम रथ पर पुनः आरूढ़ होकर, दिव्य शस्त्रास्त्र धारण किये हुए वह सम्पूर्ण आकाश को व्याप्त कर देदीप्यमान हो उठा।

श्लोक 19 (shiva.rudra.177.19)

आयान्तं तं निरीक्ष्यैव डमरुध्वनिमादरात् । चकार ज्यारवं चापि धनुषो दुःसहं हरः

āyāntaṁ taṁ nirīkṣyaiva ḍamarudhvanimādarāt cakāra jyāravaṁ cāpi dhanuṣo duḥsahaṁ haraḥ

उसे आते देखकर हर ने आदरपूर्वक डमरू बजाया, तथा अपने धनुष की असह्य टंकार भी की।

श्लोक 20 (shiva.rudra.177.20)

पूरयामास ककुभः शृङ्गनादेन च प्रभुः । स्वयं जगर्ज गिरिशस्त्रासयन्नसुरांस्तदा

pūrayāmāsa kakubhaḥ śṛṅganādena ca prabhuḥ svayaṁ jagarja giriśastrāsayannasurāṁstadā

प्रभु ने अपने शृंग-नाद से समस्त दिशाओं को गुँजा दिया; गिरीश स्वयं गर्जना करते हुए असुरों को भयभीत करने लगे।

श्लोक 21 (shiva.rudra.177.21)

त्याजितेभमहागर्वैर्महानादैर्वृषेश्वरः । पूरयामास सहसा खं गां वसुदिशस्तथा

tyājitebhamahāgarvairmahānādairvṛṣeśvaraḥ pūrayāmāsa sahasā khaṁ gāṁ vasudiśastathā

बड़े-बड़े हाथियों का भी गर्व चूर्ण कर देने वाली अपनी महाध्वनियों से वृषभ के स्वामी ने आकाश, पृथ्वी तथा समस्त दिशाओं को तत्काल भर दिया।

श्लोक 22 (shiva.rudra.177.22)

महाकालः समुत्पत्य ताडयद् गां तथा नभः । कराभ्यां तन्निनादेन क्षिप्ता आसन्पुरा रवाः

mahākālaḥ samutpatya tāḍayad gāṁ tathā nabhaḥ karābhyāṁ tanninādena kṣiptā āsanpurā ravāḥ

महाकाल ने उछलकर अपने दोनों हाथों से पृथ्वी तथा आकाश पर प्रहार किया; उसकी उस ध्वनि से पूर्व के सभी शब्द दब गये।

श्लोक 23 (shiva.rudra.177.23)

अट्टाट्टहासमशिवं क्षेत्रपालश्चकार ह । भैरवोऽपि महानादं स चकार महाहवे

aṭṭāṭṭahāsamaśivaṁ kṣetrapālaścakāra ha bhairavo'pi mahānādaṁ sa cakāra mahāhave

क्षेत्रपाल ने अत्यंत भयंकर अट्टहास किया; भैरव ने भी उस महासंग्राम में महानाद किया।

श्लोक 24 (shiva.rudra.177.24)

महाकोलाहलो जातो रणमध्ये भयङ्करः । वीरशब्दो बभूवाथ गणमध्ये समन्ततः

mahākolāhalo jāto raṇamadhye bhayaṅkaraḥ vīraśabdo babhūvātha gaṇamadhye samantataḥ

युद्ध के मध्य एक महान् तथा भयंकर कोलाहल मच गया; तथा गणों के मध्य चारों ओर वीर-गर्जना गूँजने लगी।

श्लोक 25 (shiva.rudra.177.25)

सन्त्रेसुर्दानवाःसर्वे तैः शब्दैर्भयदैः खरैः । चुकोपातीव तच्छ्रुत्वा दानवेन्द्रो महाबलः

santresurdānavāḥsarve taiḥ śabdairbhayadaiḥ kharaiḥ cukopātīva tacchrutvā dānavendro mahābalaḥ

उन भयंकर तथा कर्कश ध्वनियों से समस्त दानव काँप उठे; उसे सुनकर महाबली दानवेन्द्र अत्यंत क्रुद्ध हो उठा।

श्लोक 26 (shiva.rudra.177.26)

तिष्ठ तिष्ठेति दुष्टात्मन् व्याजहार यदा हरः । देवैर्गणैश्च तैः शीघ्रमुक्तं जय जयेति च

tiṣṭha tiṣṭheti duṣṭātman vyājahāra yadā haraḥ devairgaṇaiśca taiḥ śīghramuktaṁ jaya jayeti ca

जब हर ने कहा — 'हे दुष्टात्मन्! ठहर, ठहर!' — तब देवताओं तथा गणों ने तुरन्त 'जय हो, जय हो' कहकर जयघोष किया।

श्लोक 27 (shiva.rudra.177.27)

अथागत्य स दम्भस्य तनयः सुप्रतापवान् । शक्तिं चिक्षेप रुद्राय ज्वालामालातिभीषणाम्

athāgatya sa dambhasya tanayaḥ supratāpavān śaktiṁ cikṣepa rudrāya jvālāmālātibhīṣaṇām

तब दम्भ का वह परम प्रतापी पुत्र आगे बढ़कर रुद्र पर ज्वालाओं की माला से अत्यंत भयंकर शक्ति फेंकने लगा।

श्लोक 28 (shiva.rudra.177.28)

वह्निकूटप्रभायान्ती क्षेत्रपालेन सत्वरम् । निरस्तागत्य साजौ वै मुखोत्पन्नमहोल्कया

vahnikūṭaprabhāyāntī kṣetrapālena satvaram nirastāgatya sājau vai mukhotpannamaholkayā

अग्निपुंज के समान तेजस्वी होकर आती हुई उस शक्ति को क्षेत्रपाल ने उस युद्ध में अपने मुख से उत्पन्न महाउल्का से शीघ्र ही निवारित कर दिया।

श्लोक 29 (shiva.rudra.177.29)

पुनः प्रववृते युद्धं शिवदानवयोर्महत् । चकम्पे धरणी द्यौश्च सनगाब्धिजलाशया

punaḥ pravavṛte yuddhaṁ śivadānavayormahat cakampe dharaṇī dyauśca sanagābdhijalāśayā

फिर शिव और उस दानव के बीच महायुद्ध पुनः आरम्भ हो गया; पर्वतों तथा समुद्रों के जल सहित पृथ्वी और आकाश दोनों काँप उठे।

श्लोक 30 (shiva.rudra.177.30)

दाम्भिमुक्तान् शरान् शम्भुः शरांस्तत्प्रहितान्स च । सहस्रशः शरैरुग्रैश्चिच्छेद शतशस्तदा

dāmbhimuktān śarān śambhuḥ śarāṁstatprahitānsa ca sahasraśaḥ śarairugraiściccheda śataśastadā

दाम्भि (दम्भ के पुत्र) द्वारा छोड़े गये उन बाणों को शम्भु ने अपने उग्र बाणों से सैकड़ों-हज़ारों की संख्या में काट डाला।

श्लोक 31 (shiva.rudra.177.31)

ततः शम्भुस्त्रिशूलेन सङ्क्रुद्धस्तं जघान ह । तत्प्रहारमसह्याशु कौ पपात स मूर्च्छितः

tataḥ śambhustriśūlena saṅkruddhastaṁ jaghāna ha tatprahāramasahyāśu kau papāta sa mūrcchitaḥ

तब क्रुद्ध होकर शम्भु ने त्रिशूल से उस पर प्रहार किया; उस असह्य प्रहार से वह शीघ्र ही मूर्च्छित होकर पृथ्वी पर गिर पड़ा।

श्लोक 32 (shiva.rudra.177.32)

ततः क्षणेन सम्प्राप संज्ञां स च तदासुरः । आजघान शरै रुद्रं तान्सर्वानात्तकार्मुकः

tataḥ kṣaṇena samprāpa saṁjñāṁ sa ca tadāsuraḥ ājaghāna śarai rudraṁ tānsarvānāttakārmukaḥ

फिर क्षणभर में ही वह असुर पुनः चेतना पाकर, धनुष उठाकर बाणों से रुद्र पर प्रहार करने लगा।

श्लोक 33 (shiva.rudra.177.33)

बाहूनामयुतं कृत्वा छादयामास शङ्करम् । चक्रायुतेन सहसा शङ्खचूडः प्रतापवान्

bāhūnāmayutaṁ kṛtvā chādayāmāsa śaṅkaram cakrāyutena sahasā śaṅkhacūḍaḥ pratāpavān

प्रतापी शङ्खचूड ने अपनी दस हज़ार भुजाएँ बनाकर, दस हज़ार चक्रों से शंकर को क्षणभर में ढँक दिया।

श्लोक 34 (shiva.rudra.177.34)

ततो दुर्गापतिः क्रुद्धो रुद्रो दुर्गार्तिनाशनः । तानि चक्राणि चिच्छेद स्वशरैरुत्तमैर्द्रुतम्

tato durgāpatiḥ kruddho rudro durgārtināśanaḥ tāni cakrāṇi ciccheda svaśarairuttamairdrutam

तब क्रुद्ध होकर दुर्गापति, विपत्तिनाशक रुद्र ने अपने उत्तम बाणों से उन सभी चक्रों को शीघ्र ही काट डाला।

श्लोक 35 (shiva.rudra.177.35)

ततो वेगेन सहसा गदामादाय दानवः । अभ्यधावत वै हन्तुं बहुसेनावृतो हरम्

tato vegena sahasā gadāmādāya dānavaḥ abhyadhāvata vai hantuṁ bahusenāvṛto haram

तब वह दानव वेगपूर्वक गदा उठाकर, विशाल सेना से घिरा हुआ, हर को मारने के लिये तत्काल दौड़ पड़ा।

श्लोक 36 (shiva.rudra.177.36)

गदां चिच्छेद तस्याश्वापततः सोऽसिना हरः । शितधारेण सङ्क्रुद्धो दुष्टगर्वापहारकः

gadāṁ ciccheda tasyāśvāpatataḥ so'sinā haraḥ śitadhāreṇa saṅkruddho duṣṭagarvāpahārakaḥ

उसके वेगपूर्वक आते ही, क्रुद्ध होकर, दुष्ट के गर्व का हरण करने वाले हर ने अपनी तीक्ष्णधार तलवार से उसकी गदा काट डाली।

श्लोक 37 (shiva.rudra.177.37)

छिन्नायां स्वगदायां च चुकोपातीव दानवः । शूलं जग्राह तेजस्वी परेषां दुःसहं ज्वलत्

chinnāyāṁ svagadāyāṁ ca cukopātīva dānavaḥ śūlaṁ jagrāha tejasvī pareṣāṁ duḥsahaṁ jvalat

अपनी गदा कट जाने पर वह दानव अत्यंत क्रुद्ध हो उठा; उस तेजस्वी ने अपने शत्रुओं के लिये असह्य, प्रज्वलित त्रिशूल उठा लिया।

श्लोक 38 (shiva.rudra.177.38)

सुदर्शनं शूलहस्तमायान्तं दानवेश्वरम् । स्वत्रिशूलेन विव्याध हृदि तं वेगतो हरः

sudarśanaṁ śūlahastamāyāntaṁ dānaveśvaram svatriśūlena vivyādha hṛdi taṁ vegato haraḥ

त्रिशूल हाथ में लिये आते हुए उस सुन्दर दानवेश्वर को हर ने वेगपूर्वक अपने त्रिशूल से हृदय में बींध डाला।

श्लोक 39 (shiva.rudra.177.39)

त्रिशूलभिन्नहृदयान्निष्क्रान्तः पुरुषः परः । तिष्ठ तिष्ठेति चोवाच शङ्खचूडस्य वीर्यवान्

triśūlabhinnahṛdayānniṣkrāntaḥ puruṣaḥ paraḥ tiṣṭha tiṣṭheti covāca śaṅkhacūḍasya vīryavān

त्रिशूल से विदीर्ण हृदय से एक परम पुरुष प्रकट हुआ; और उस बलशाली ने शङ्खचूड की ओर 'ठहर, ठहर' कहकर पुकारा।

श्लोक 40 (shiva.rudra.177.40)

निष्क्रामतो हि तस्याशु प्रहस्य स्वनवत्ततः । चिच्छेद च शिरो भीममसिना सोऽपतद्भुवि

niṣkrāmato hi tasyāśu prahasya svanavattataḥ ciccheda ca śiro bhīmamasinā so'patadbhuvi

उसके शीघ्र ही निकल आने पर हर ने हँसते हुए तथा गरजते हुए उसी क्षण तलवार से उसका भयंकर शिर काट डाला, और वह भूमि पर गिर पड़ा।

श्लोक 41 (shiva.rudra.177.41)

ततः कालीं चखादोग्रं दंष्ट्राक्षुण्णशिरोधरान् । असुरांस्तान् बहून् क्रोधात् प्रसार्य स्वमुखं तदा

tataḥ kālīṁ cakhādograṁ daṁṣṭrākṣuṇṇaśirodharān asurāṁstān bahūn krodhāt prasārya svamukhaṁ tadā

तब काली ने अपना मुख फैलाकर, क्रोधपूर्वक अपनी दाढ़ों से उन असुरों की गर्दनें कुचलते हुए, उनमें से अनेकों को भयंकर रूप से निगल लिया।

श्लोक 42 (shiva.rudra.177.42)

क्षेत्रपालश्चखादान्यान्बहून्दैत्यान्क्रुधाकुलः । केचिन्नेशुर्भैरवास्त्रच्छिन्ना भिन्नास्तथापरे

kṣetrapālaścakhādānyānbahūndaityānkrudhākulaḥ kecinneśurbhairavāstracchinnā bhinnāstathāpare

क्रोध से व्याकुल क्षेत्रपाल ने भी अनेक अन्य दैत्यों को निगल लिया; कुछ भैरवास्त्र से कट कर तथा कुछ विदीर्ण होकर नष्ट हो गये।

श्लोक 43 (shiva.rudra.177.43)

वीरभद्रोऽपरान् वीरान् बहून् क्रोधादनाशयत् । नन्दीश्वरो जघानान्यान् बहूनमरमर्दकान्

vīrabhadro'parān vīrān bahūn krodhādanāśayat nandīśvaro jaghānānyān bahūnamaramardakān

वीरभद्र ने भी क्रोधपूर्वक अनेक अन्य वीरों का संहार किया; नन्दीश्वर ने देवताओं को पीड़ित करने वाले अनेक अन्य दानवों को मार डाला।

श्लोक 44 (shiva.rudra.177.44)

एवं बहुगणा वीरास्तदा सन्नह्य कोपतः । व्यनाशयन्बहून्दैत्यानसुरान् देवमर्दकान्

evaṁ bahugaṇā vīrāstadā sannahya kopataḥ vyanāśayanbahūndaityānasurān devamardakān

इस प्रकार अनेक वीर गण क्रोधपूर्वक शस्त्रसज्जित होकर, देवताओं को पीड़ित करने वाले अनेक दैत्यों तथा असुरों का संहार करने लगे।

श्लोक 45 (shiva.rudra.177.45)

इत्थं बहुतरं तत्र तस्य सैन्यं ननाश तत् । विद्रुताश्चापरे वीरा बहवो भयकातराः

itthaṁ bahutaraṁ tatra tasya sainyaṁ nanāśa tat vidrutāścāpare vīrā bahavo bhayakātarāḥ

इस प्रकार उसकी बहुत सारी सेना वहाँ नष्ट हो गयी; तथा अनेक अन्य वीर भय से व्याकुल होकर भाग खड़े हुए।