हिरण्याक्ष-वध

श्लोक 1 (shiva.rudra.180.1)

नारद उवाच । शङ्खचूडवधं श्रुत्वा चरितं शशिमौलिनः । अयं तृप्तोऽस्मि नो त्वत्तोऽमृतं पीत्वा यथा जनः

nārada uvāca śaṅkhacūḍavadhaṁ śrutvā caritaṁ śaśimaulinaḥ ayaṁ tṛpto'smi no tvatto'mṛtaṁ pītvā yathā janaḥ

नारद ने कहा — चन्द्रशेखर शिव के इस शङ्खचूड-वध चरित्र को सुनकर मैं वैसे ही तृप्त हो गया हूँ जैसे कोई मनुष्य अमृत पीकर तृप्त होता है।

श्लोक 2 (shiva.rudra.180.2)

ब्रह्मन्यच्चरितं तस्य महेशस्य महात्मनः । मायामाश्रित्य सल्लीलां कुर्वतो भक्तमोददाम्

brahmanyaccaritaṁ tasya maheśasya mahātmanaḥ māyāmāśritya sallīlāṁ kurvato bhaktamodadām

हे ब्रह्मन्! महात्मा महेश्वर का वह चरित्र, जिसमें वे माया का आश्रय लेकर लीला करते हैं, भक्तों को आनन्द देने वाला है।

श्लोक 3 (shiva.rudra.180.3)

ब्रह्मोवाच । शङ्खचूडवधं श्रुत्वा व्यासः सत्यवतीसुतः । अप्राक्षीदिममेवार्थं ब्रह्मपुत्रं मुनीश्वरम्

brahmovāca śaṅkhacūḍavadhaṁ śrutvā vyāsaḥ satyavatīsutaḥ aprākṣīdimamevārthaṁ brahmaputraṁ munīśvaram

ब्रह्मा ने कहा — शङ्खचूड के वध की कथा सुनकर सत्यवती-पुत्र व्यास ने भी ब्रह्मपुत्र मुनीश्वर सनत्कुमार से यही प्रश्न पूछा।

श्लोक 4 (shiva.rudra.180.4)

सनत्कुमारः प्रोवाच व्यासं सत्यवतीसुतम् । सुप्रशंस्य महेशस्य चरितं मङ्गलायनम्

sanatkumāraḥ provāca vyāsaṁ satyavatīsutam supraśaṁsya maheśasya caritaṁ maṅgalāyanam

महेश्वर के इस मङ्गलमय चरित्र की भलीभाँति प्रशंसा करके सनत्कुमार ने सत्यवती-पुत्र व्यास से यह कहा।

श्लोक 5 (shiva.rudra.180.5)

सनत्कुमार उवाच । शृणु व्यास महेशस्य चरितं मङ्गलायनम् । यथान्धको गाणपत्यं प्राप शम्भोः परात्मनः

sanatkumāra uvāca śṛṇu vyāsa maheśasya caritaṁ maṅgalāyanam yathāndhako gāṇapatyaṁ prāpa śambhoḥ parātmanaḥ

सनत्कुमार ने कहा — हे व्यास! महेश्वर के इस मङ्गलमय चरित्र को सुनो — किस प्रकार अन्धक ने परमात्मा शम्भु से गणाधिपत्य प्राप्त किया।

श्लोक 6 (shiva.rudra.180.6)

कृत्वा परमसङ्ग्रामं तेन पूर्वं मुनीश्वर । प्रसाद्य तं महेशानं सत्त्वभावात्पुनः पुनः

kṛtvā paramasaṅgrāmaṁ tena pūrvaṁ munīśvara prasādya taṁ maheśānaṁ sattvabhāvātpunaḥ punaḥ

हे मुनीश्वर! उसने पहले महेश्वर से महासङ्ग्राम करके, फिर बार-बार सात्त्विक भाव से उन्हें प्रसन्न किया।

श्लोक 7 (shiva.rudra.180.7)

माहात्म्यमद्भुतं शम्भोः शरणागतरक्षिणः । सुभक्तवत्सलस्यैव नानालीलाविहारिणः

māhātmyamadbhutaṁ śambhoḥ śaraṇāgatarakṣiṇaḥ subhaktavatsalasyaiva nānālīlāvihāriṇaḥ

शरणागत की रक्षा करने वाले, अपने भक्तों के प्रति स्नेहशील, नाना लीलाओं में विहार करने वाले शम्भु की यह अद्भुत महिमा है।

श्लोक 8 (shiva.rudra.180.8)

माहात्म्यमेतद् वृषभध्वजस्य श्रुत्वा मुनिर्गन्धवतीसुतो हि । वचो महार्थं प्रणिपत्य भक्त्या ह्युवाच तं ब्रह्मसुतं मुनीन्द्रम्

māhātmyametad vṛṣabhadhvajasya śrutvā munirgandhavatīsuto hi vaco mahārthaṁ praṇipatya bhaktyā hyuvāca taṁ brahmasutaṁ munīndram

वृषभध्वज शिव की इस अद्भुत महिमा को सुनकर गन्धवती-पुत्र मुनि (व्यास) ने भक्तिपूर्वक प्रणाम कर उस महार्थ ब्रह्मपुत्र मुनीन्द्र से यह वचन कहा।

श्लोक 9 (shiva.rudra.180.9)

व्यास उवाच । को ह्यन्धको वै भगवन्मुनीश कस्यान्वये वीर्यवतः पृथिव्याम् । जातो महात्मा बलवान् प्रधानः किमात्मकः कस्य सुतोऽन्धकश्च

vyāsa uvāca ko hyandhako vai bhagavanmunīśa kasyānvaye vīryavataḥ pṛthivyām jāto mahātmā balavān pradhānaḥ kimātmakaḥ kasya suto'ndhakaśca

व्यास ने कहा — हे भगवन्! हे मुनीश्वर! यह अन्धक कौन है? पृथ्वी पर किस वीर्यवान् के वंश में यह महान्, बलवान्, प्रधान पुरुष जन्मा — यह किसका पुत्र और किस स्वरूप वाला है?

श्लोक 10 (shiva.rudra.180.10)

एतत्समस्तं सरहस्यमद्य प्रब्रूहि मे ब्रह्मसुत प्रसादात् । स्कन्दान्मया वै विदितं हि सम्यक् महेशपुत्रादमितावबोधात्

etatsamastaṁ sarahasyamadya prabrūhi me brahmasuta prasādāt skandānmayā vai viditaṁ hi samyak maheśaputrādamitāvabodhāt

हे ब्रह्मपुत्र! अपनी कृपा से आज मुझे यह सब रहस्य सहित बताइए — स्कन्द से, महेश-पुत्र से, मुझे अपार बोध के साथ यह अच्छी तरह ज्ञात हुआ था।

श्लोक 11 (shiva.rudra.180.11)

गाणपत्यं कथं प्राप शम्भोः परमतेजसः । सोऽन्धको धन्य एवाति यो बभूव गणेश्वरः

gāṇapatyaṁ kathaṁ prāpa śambhoḥ paramatejasaḥ so'ndhako dhanya evāti yo babhūva gaṇeśvaraḥ

परम तेजस्वी शम्भु से उसने गणाधिपत्य कैसे प्राप्त किया? वह अन्धक धन्य ही है, जो गणेश्वर बन गया।

श्लोक 12 (shiva.rudra.180.12)

ब्रह्मोवाच । व्यासस्य चैतद्वचनं निशम्य प्रोवाच स ब्रह्मसुतस्तदानीम् । महेश्वरोतीः परमाप्तलक्ष्मीः संश्रोतुकामं जनकं शुकस्य

brahmovāca vyāsasya caitadvacanaṁ niśamya provāca sa brahmasutastadānīm maheśvarotīḥ paramāptalakṣmīḥ saṁśrotukāmaṁ janakaṁ śukasya

ब्रह्मा ने कहा — व्यास के इस वचन को सुनकर उस ब्रह्मपुत्र सनत्कुमार ने तब शुक के पिता की, महेश्वर की अत्यन्त शुभ लक्ष्मीमयी वाणी सुनाने की इच्छा से यह कहा।

श्लोक 13 (shiva.rudra.180.13)

सनत्कुमार उवाच । पुरागतो भक्तकृपाकरोऽसौ कैलासतः शैलसुतागणाढ्यः । विहर्तुकामः किल काशिकां वै स्वशैलतो निर्जरचक्रवर्ती

sanatkumāra uvāca purāgato bhaktakṛpākaro'sau kailāsataḥ śailasutāgaṇāḍhyaḥ vihartukāmaḥ kila kāśikāṁ vai svaśailato nirjaracakravartī

सनत्कुमार ने कहा — पहले भक्तों पर दया करने वाले, पर्वतराज-पुत्री (पार्वती) के गणों से युक्त, कैलास से आए शिव काशी में विहार करने की इच्छा से अपने पर्वत से पधारे — देवताओं के चक्रवर्ती स्वयं।

श्लोक 14 (shiva.rudra.180.14)

स राजधानीं च विधाय तस्यां चक्रे परोतीः सुखदा जनानाम् । तद्रक्षकं भैरवनामवीरं कृत्वा समं शैलजया हि बह्वीः

sa rājadhānīṁ ca vidhāya tasyāṁ cakre parotīḥ sukhadā janānām tadrakṣakaṁ bhairavanāmavīraṁ kṛtvā samaṁ śailajayā hi bahvīḥ

वहाँ उन्होंने राजधानी बनाकर लोगों को अनेक सुख देने वाला वैभव रचा, और पार्वती के साथ उसकी रक्षा के लिए भैरव नामक वीर को नियुक्त किया।

श्लोक 15 (shiva.rudra.180.15)

स एकदा मन्दरनामधेयं गतो नगं तद्वरसुप्रभावात् । तत्रापि नानागणवीरमुख्यैः शिवासमेतो विजहार भूरि

sa ekadā mandaranāmadheyaṁ gato nagaṁ tadvarasuprabhāvāt tatrāpi nānāgaṇavīramukhyaiḥ śivāsameto vijahāra bhūri

एक बार वे उस पर्वत के महान् प्रभाव से मन्दर नामक पर्वत पर गए, और वहाँ भी नाना गणों के प्रमुख वीरों के साथ अत्यन्त विहार किया।

श्लोक 16 (shiva.rudra.180.16)

पूर्वे दिशो मन्दरशैलसंस्था कपर्द्दिनश्चण्डपराक्रमस्य । चक्रे ततो नेत्रनिमीलनं तु सा पार्वती नर्मयुतं सलीलम्

pūrve diśo mandaraśailasaṁsthā kaparddinaścaṇḍaparākramasya cakre tato netranimīlanaṁ tu sā pārvatī narmayutaṁ salīlam

वहाँ मन्दर पर्वत के पूर्वी भाग में स्थित प्रचण्ड पराक्रमी कपर्दी (शिव) की आँखें, उस पार्वती ने विनोदपूर्वक क्रीड़ा करते हुए अपने हाथों से मूँद दीं।

श्लोक 17 (shiva.rudra.180.17)

प्रवालहेमाब्जधृतप्रभाभ्यां कराम्बुजाभ्यां निमिमील नेत्रे । हरस्य नेत्रेषु निमीलितेषु क्षणेन जातः सुमहान्धकारः

pravālahemābjadhṛtaprabhābhyāṁ karāmbujābhyāṁ nimimīla netre harasya netreṣu nimīliteṣu kṣaṇena jātaḥ sumahāndhakāraḥ

मूँगे और सुवर्ण-कमल के समान कान्तिमान अपने दोनों कर-कमलों से उसने उनके नेत्र मूँद दिए — शिव के नेत्र मुँद जाते ही क्षणभर में महान् अन्धकार छा गया।

श्लोक 18 (shiva.rudra.180.18)

तत्स्पर्शयोगाच्च महेश्वरस्य करौ च तस्याः स्खलितं मदाम्भः । शम्भोर्ललाटे क्षणवह्नितप्तो विनिर्गतो भूरि जलस्य बिन्दुः

tatsparśayogācca maheśvarasya karau ca tasyāḥ skhalitaṁ madāmbhaḥ śambhorlalāṭe kṣaṇavahnitapto vinirgato bhūri jalasya binduḥ

उस स्पर्श से महेश्वर के दोनों हाथों में उसका पसीना छलक आया, और उस क्षणिक ताप से जले हुए शम्भु के ललाट से पानी की एक बड़ी बूँद निकल पड़ी।

श्लोक 19 (shiva.rudra.180.19)

गर्भो बभूवाथ करालवक्त्रो भयङ्करः क्रोधपरः कृतघ्नः । अन्धो विरूपी जटिलश्च कृष्णो नरेतरो वैकृतिकःसुरोमा

garbho babhūvātha karālavaktro bhayaṅkaraḥ krodhaparaḥ kṛtaghnaḥ andho virūpī jaṭilaśca kṛṣṇo naretaro vaikṛtikaḥsuromā

उससे एक गर्भ उत्पन्न हुआ — विकराल मुख वाला, भयङ्कर, क्रोधी, कृतघ्न, अन्धा, विरूप, जटाधारी, काला, न मनुष्य न कुछ और, विकृत रूप वाला और अत्यन्त रोमश।

श्लोक 20 (shiva.rudra.180.20)

गायन्हसन्प्ररुदन्नृत्यमानो विलेलिहानो घनघोरघोषः । जातेन तेनाद्भुतदर्शनेन गौरीं भवोऽसौ स्मितपूर्वमाह

gāyanhasanprarudannṛtyamāno vilelihāno ghanaghoraghoṣaḥ jātena tenādbhutadarśanena gaurīṁ bhavo'sau smitapūrvamāha

वह गाता, हँसता, रोता, नाचता, अपनी जीभ लपलपाता और भारी घोर स्वर में गरजता था — उस अद्भुत दर्शन वाले प्राणी के उत्पन्न होते ही शिव ने मुस्कुराते हुए गौरी से यह कहा।

श्लोक 21 (shiva.rudra.180.21)

श्रीमहेश उवाच । निमील्य नेत्राणि कृतं च कर्म विभेषि साऽस्माद्दयिते कथं त्वम् । गौरी हरात्तद्वचनं निशम्य विहस्यमाना प्रमुमोच नेत्रे

śrīmaheśa uvāca nimīlya netrāṇi kṛtaṁ ca karma vibheṣi sā'smāddayite kathaṁ tvam gaurī harāttadvacanaṁ niśamya vihasyamānā pramumoca netre

श्रीमहेश ने कहा — हे प्रिये! आँखें मूँदकर तुमने यह कर्म किया, अब उससे भयभीत क्यों हो रही हो? यह सुनकर गौरी हँसती हुई अपने नेत्र खोल बैठी।

श्लोक 22 (shiva.rudra.180.22)

जाते प्रकाशे सति घोररूपो जातोऽन्धकारादपि नेत्रहीनः । तादृग्विधं तं च निरीक्ष्य भूतं पप्रच्छ गौरी पुरुषं महेशम्

jāte prakāśe sati ghorarūpo jāto'ndhakārādapi netrahīnaḥ tādṛgvidhaṁ taṁ ca nirīkṣya bhūtaṁ papraccha gaurī puruṣaṁ maheśam

प्रकाश होते ही उस घोर-रूप, अन्धकार से उत्पन्न, नेत्रहीन प्राणी को देखकर गौरी ने उस पुरुष-प्राणी के विषय में महेश से पूछा।

श्लोक 23 (shiva.rudra.180.23)

गौर्य्युवाच । कोऽयं विरूपो भगवन्हि जातो नावग्रतो घोरभयङ्करश्च । वदस्व सत्यं मम किं निमित्तं सृष्टोऽथ वा केन च कस्य पुत्रः

gauryyuvāca ko'yaṁ virūpo bhagavanhi jāto nāvagrato ghorabhayaṅkaraśca vadasva satyaṁ mama kiṁ nimittaṁ sṛṣṭo'tha vā kena ca kasya putraḥ

गौरी ने कहा — हे भगवन्! यह विरूप कौन उत्पन्न हुआ है, जो सामने आते ही घोर और भयङ्कर लगता है? सत्य बताइए, यह किसलिए उत्पन्न हुआ, यह किसका पुत्र है?

श्लोक 24 (shiva.rudra.180.24)

सनत्कुमार उवाच । श्रुत्वा हरस्तद्वचनं प्रियाया लीलाकरः सृष्टिकृतोऽन्धरूपम् । लीलाकरायास्त्रिजगज्जनन्या विहस्य किञ्चिद्भगवानुवाच

sanatkumāra uvāca śrutvā harastadvacanaṁ priyāyā līlākaraḥ sṛṣṭikṛto'ndharūpam līlākarāyāstrijagajjananyā vihasya kiñcidbhagavānuvāca

सनत्कुमार ने कहा — अपनी प्रिया के वचन सुनकर, लीला करने वाले सृष्टिकर्ता हर ने उस अन्धे स्वरूप के विषय में, त्रिजगत्-जननी लीलाकारिणी गौरी से हँसते हुए कुछ कहा।

श्लोक 25 (shiva.rudra.180.25)

महेश उवाच । शृण्वम्बिके ह्यद्भुतवृत्तकारे उत्पन्न एषोऽद्भुतचण्डवीर्यः । निमीलिते चक्षुषि मे भवत्या स स्वेदजो मेऽन्धकनामधेयः

maheśa uvāca śṛṇvambike hyadbhutavṛttakāre utpanna eṣo'dbhutacaṇḍavīryaḥ nimīlite cakṣuṣi me bhavatyā sa svedajo me'ndhakanāmadheyaḥ

महेश ने कहा — हे अम्बिके! सुनो, अद्भुत घटनाओं की जननी! तुम्हारे द्वारा मेरे नेत्र मूँद देने पर यह अद्भुत भयङ्कर पराक्रमी उत्पन्न हुआ है — मेरे पसीने से जन्मा यह 'अन्धक' नाम धारण करेगा।

श्लोक 26 (shiva.rudra.180.26)

त्वं चास्य कर्तास्य यथानुरूपं त्वया स सख्या दयया गणेभ्यः । स रक्षितव्यस्त्वयि तं हि वैकं विचार्य बुद्ध्या करणीयमार्ये

tvaṁ cāsya kartāsya yathānurūpaṁ tvayā sa sakhyā dayayā gaṇebhyaḥ sa rakṣitavyastvayi taṁ hi vaikaṁ vicārya buddhyā karaṇīyamārye

तुम ही इसकी माता हो, उचित रूप से इसका पालन करो — तुम अपनी सखी की भाँति दया से गणों के बीच इसकी रक्षा करो; हे आर्ये! बुद्धिपूर्वक विचार कर जो उचित हो वह करो।

श्लोक 27 (shiva.rudra.180.27)

सनत्कुमार उवाच । गौरी ततो भृर्तृवचो निशम्य कारुण्यभावात्सहिता सखीभिः । नानाप्रकारैर्बहुभिर्ह्युपायै- श्चकार रक्षां स्वसुतस्य यद्वत्

sanatkumāra uvāca gaurī tato bhṛrtṛvaco niśamya kāruṇyabhāvātsahitā sakhībhiḥ nānāprakārairbahubhirhyupāyai- ścakāra rakṣāṁ svasutasya yadvat

सनत्कुमार ने कहा — पति के वचन सुनकर गौरी ने करुणावश अपनी सखियों के साथ, नाना उपायों से, अपने ही पुत्र की भाँति उसकी रक्षा की।

श्लोक 28 (shiva.rudra.180.28)

कालेऽथ तस्मिन् शिशिरे प्रयातो हिरण्यनेत्रस्त्वथ पुत्रकामः । स्वज्येष्ठबन्धोस्तनयप्रतानं संवीक्ष्य चासीत्प्रियया नियुक्तः

kāle'tha tasmin śiśire prayāto hiraṇyanetrastvatha putrakāmaḥ svajyeṣṭhabandhostanayapratānaṁ saṁvīkṣya cāsītpriyayā niyuktaḥ

उस शिशिर-काल में पुत्र की कामना रखने वाला हिरण्यनेत्र, अपने बड़े भाई के पुत्र-समूह को देखकर अपनी पत्नी द्वारा प्रेरित होकर आगे बढ़ा।

श्लोक 29 (shiva.rudra.180.29)

अरण्यमाश्रित्य तपश्चकारा- सुरस्तदा कश्यपजः सुतार्थम् । काष्ठोपमोऽसौ जितरोषदोषः सन्दर्शनार्थं तु महेश्वरस्य

araṇyamāśritya tapaścakārā- surastadā kaśyapajaḥ sutārtham kāṣṭhopamo'sau jitaroṣadoṣaḥ sandarśanārthaṁ tu maheśvarasya

वह कश्यप का पुत्र, पुत्र की प्राप्ति के लिए वन का आश्रय लेकर तपस्या करने लगा — रोष और दोष को जीतकर, काष्ठ के समान स्थिर होकर, महेश्वर के दर्शन के लिए।

श्लोक 30 (shiva.rudra.180.30)

तुष्टः पिनाकी तपसास्य सम्यग् वरप्रदानाय ययौ द्विजेन्द्र । तत्स्थानमासाद्य वृषध्वजोऽसौ जगाद दैत्यप्रवरं महेशः

tuṣṭaḥ pinākī tapasāsya samyag varapradānāya yayau dvijendra tatsthānamāsādya vṛṣadhvajo'sau jagāda daityapravaraṁ maheśaḥ

उसके तप से भलीभाँति संतुष्ट होकर पिनाकपाणि शिव वर देने के लिए वहाँ गए; वृषभध्वज महेश उस स्थान पर पहुँचकर उस श्रेष्ठ दैत्य से बोले।

श्लोक 31 (shiva.rudra.180.31)

महेश उवाच । हे दैत्यनाथ कुरु नेन्द्रियसङ्घपातं किमर्थमेतद्व्रतमाश्रितं ते । प्रब्रूहि कामं वरदो भवोऽहं यदिच्छसि त्वं सकलं ददामि

maheśa uvāca he daityanātha kuru nendriyasaṅghapātaṁ kimarthametadvratamāśritaṁ te prabrūhi kāmaṁ varado bhavo'haṁ yadicchasi tvaṁ sakalaṁ dadāmi

महेश ने कहा — हे दैत्यनाथ! अपनी इन्द्रियों को कष्ट मत दो, तुमने यह व्रत किसलिए धारण किया है? कहो अपनी इच्छा — मैं वर देने वाला हूँ, जो चाहो वह सब दूँगा।

श्लोक 32 (shiva.rudra.180.32)

सनत्कुमार उवाच । सरस्यमाकर्ण्य महेशवाक्यं ह्यतिप्रसन्नः कनकाक्षदैत्यः । कृताञ्जलिर्नम्रशिरा उवाच । स्तुत्या च नत्वा विविधं गिरीशम्

sanatkumāra uvāca sarasyamākarṇya maheśavākyaṁ hyatiprasannaḥ kanakākṣadaityaḥ kṛtāñjalirnamraśirā uvāca stutyā ca natvā vividhaṁ girīśam

सनत्कुमार ने कहा — महेश की इस अमृत-सम वाणी को सुनकर वह कनकाक्ष दैत्य अत्यन्त प्रसन्न हुआ; हाथ जोड़कर, सिर झुकाकर, नाना स्तुतियों से गिरीश को प्रणाम कर उसने कहा।

श्लोक 33 (shiva.rudra.180.33)

हिरण्याक्ष उवाच । पुत्रस्तु मे चन्द्रललाट नास्ति सुवीर्यवान्दैत्यकुलानुरूपी ॥ तदर्थमेतद् व्रतमास्थितोऽहं तं देहि देवेश सुवीर्यवन्तम्

hiraṇyākṣa uvāca putrastu me candralalāṭa nāsti suvīryavāndaityakulānurūpī tadarthametad vratamāsthito'haṁ taṁ dehi deveśa suvīryavantam

हिरण्याक्ष ने कहा — हे चन्द्रमौलि! दैत्यकुल के अनुरूप महापराक्रमी कोई पुत्र मुझे नहीं है — इसीलिए मैंने यह व्रत धारण किया है; हे देवेश! मुझे वैसा ही महापराक्रमी पुत्र दीजिए।

श्लोक 34 (shiva.rudra.180.34)

यस्माच्च मद् भ्रातुरनन्तवीर्याः प्रह्लादपूर्वा अपि पञ्चपुत्राः । ममेह नास्तीति गतान्वयोऽहं को मामकं राज्यमिदं बुभूषेत्

yasmācca mad bhrāturanantavīryāḥ prahlādapūrvā api pañcaputrāḥ mameha nāstīti gatānvayo'haṁ ko māmakaṁ rājyamidaṁ bubhūṣet

मेरे भाई के अनन्त-वीर्य वाले प्रह्लाद आदि पाँच पुत्र हैं, और मेरा कोई नहीं — इस प्रकार वंशहीन मैं यह सोचता हूँ कि मेरे इस राज्य को कौन चाहेगा?

श्लोक 35 (shiva.rudra.180.35)

राज्यं परस्य स्वबलेन हृत्वा भुङ्क्तेऽथवा स्वं पितुरेव दृष्टम् । स प्रोच्यते पुत्र इह त्वमुत्र पुत्री स तेनापि भवेत्पितासौ

rājyaṁ parasya svabalena hṛtvā bhuṅkte'thavā svaṁ pitureva dṛṣṭam sa procyate putra iha tvamutra putrī sa tenāpi bhavetpitāsau

जो अपने बल से दूसरे का राज्य छीनकर भोगता है, या अपने पिता का ही राज्य देखता है — वही यहाँ 'पुत्र' कहलाता है; उस दुनिया में वही पुत्री (जिसका पुत्र हो) उसका पिता भी बनता है।

श्लोक 36 (shiva.rudra.180.36)

ऊर्ध्वं गतिः पुत्रवतां निरुक्ता मनीषिभिर्धर्मभृतां वरिष्ठैः । सर्वाणि भूतानि तदर्थमेव- मतः प्रवर्तेत पशून् स्वतेजसः

ūrdhvaṁ gatiḥ putravatāṁ niruktā manīṣibhirdharmabhṛtāṁ variṣṭhaiḥ sarvāṇi bhūtāni tadarthameva- mataḥ pravarteta paśūn svatejasaḥ

धर्मपरायण बुद्धिमानों ने पुत्रवानों की ही ऊर्ध्वगति निश्चित की है — सारे प्राणी इसीलिए अपने तेज से पशुओं तक को इसी उद्देश्य से उत्पन्न करने में प्रवृत्त होते हैं।

श्लोक 37 (shiva.rudra.180.37)

निरन्वयस्याथ न सन्ति लोकाः तदर्थमिच्छन्ति जनाः सुरेभ्यः । सदा समाराध्य सुराङ्घ्रिपङ्कजं याचन्त इत्थं सुतमेकमेव

niranvayasyātha na santi lokāḥ tadarthamicchanti janāḥ surebhyaḥ sadā samārādhya surāṅghripaṅkajaṁ yācanta itthaṁ sutamekameva

जिसका वंश नहीं है, उसके लिए कोई (पुण्य)लोक नहीं है — इसीलिए लोग सदा देवताओं के चरण-कमलों की आराधना कर उनसे एक पुत्र की ही याचना करते हैं।

श्लोक 38 (shiva.rudra.180.38)

सनत्कुमार उवाच । एतद्भवस्तद्वचनं निशम्य कृपाकरो दैत्यनृपस्य तुष्टः । तमाह दैत्याधिप नास्ति पुत्रः त्वद्वीर्यजः किन्तु ददामि पुत्रम्

sanatkumāra uvāca etadbhavastadvacanaṁ niśamya kṛpākaro daityanṛpasya tuṣṭaḥ tamāha daityādhipa nāsti putraḥ tvadvīryajaḥ kintu dadāmi putram

सनत्कुमार ने कहा — भव (शिव) ने उसका यह वचन सुनकर, कृपालु होकर, उस दैत्यराज पर संतुष्ट हुए और उससे कहा — हे दैत्याधिप! तुम्हारे वीर्य से उत्पन्न पुत्र तो नहीं है, किन्तु मैं तुम्हें एक पुत्र देता हूँ।

श्लोक 39 (shiva.rudra.180.39)

ममात्मजं त्वन्धकनामधेयं त्वत्तुल्यवीर्यं त्वपराजितं च । वृणीष्व पुत्रं सकलं विहाय दुःखं प्रतीच्छस्व सुतं त्वमेव

mamātmajaṁ tvandhakanāmadheyaṁ tvattulyavīryaṁ tvaparājitaṁ ca vṛṇīṣva putraṁ sakalaṁ vihāya duḥkhaṁ pratīcchasva sutaṁ tvameva

मेरा अपना पुत्र, अन्धक नाम वाला, तुम्हारे तुल्य पराक्रमी और अपराजित — तुम उसे सर्वथा स्वीकार कर पुत्र-रूप में ग्रहण करो, तुम्हारे दुःख को मैं इस प्रकार दूर करता हूँ।

श्लोक 40 (shiva.rudra.180.40)

इत्येवमुक्त्वा प्रददौ स तस्मै हिरण्यनेत्राय सुतं प्रसन्नः । हरस्तु गौर्य्या सहितो महात्मा भूतादिनाथस्त्रिपुरारिरुग्रः

ityevamuktvā pradadau sa tasmai hiraṇyanetrāya sutaṁ prasannaḥ harastu gauryyā sahito mahātmā bhūtādināthastripurārirugraḥ

यह कहकर संतुष्ट, गौरी सहित वे भूतगणों के स्वामी, त्रिपुरारि, उग्र महात्मा शिव ने हिरण्यनेत्र को वह पुत्र प्रदान कर दिया।

श्लोक 41 (shiva.rudra.180.41)

ततो हरात्प्राप्य सुतं स दैत्यः प्रदक्षिणीकृत्य यथाक्रमेण । स्तोत्रैरनेकैरभिपूज्य रुद्रं तुष्टः स्वराज्यं गतवान्महात्मा

tato harātprāpya sutaṁ sa daityaḥ pradakṣiṇīkṛtya yathākrameṇa stotrairanekairabhipūjya rudraṁ tuṣṭaḥ svarājyaṁ gatavānmahātmā

तब उस दैत्य ने हर से पुत्र प्राप्त कर, विधिपूर्वक प्रदक्षिणा की, अनेक स्तोत्रों से रुद्र की पूजा कर, संतुष्ट होकर वह महात्मा अपने राज्य को लौट गया।

श्लोक 42 (shiva.rudra.180.42)

ततस्तु पुत्रं गिरिशादवाप्य रसातलं चण्डपराक्रमस्तु । इमां धरित्रीमनयत्स्वदेशं दैत्यो विजित्वा त्रिदशानशेषान्

tatastu putraṁ giriśādavāpya rasātalaṁ caṇḍaparākramastu imāṁ dharitrīmanayatsvadeśaṁ daityo vijitvā tridaśānaśeṣān

तब गिरीश से पुत्र प्राप्त कर वह प्रचण्ड पराक्रमी दैत्य पाताल को गया, और सभी देवताओं को जीतकर इस पृथ्वी को अपने ही देश की ओर ले गया।

श्लोक 43 (shiva.rudra.180.43)

ततस्तु देवैर्मुनिभिश्च सिद्धैः सर्वात्मकं यज्ञमयं करालम् । वाराहमाश्रित्य वपुः प्रधान- माराधितो विष्णुरनन्तवीर्यः

tatastu devairmunibhiśca siddhaiḥ sarvātmakaṁ yajñamayaṁ karālam vārāhamāśritya vapuḥ pradhāna- mārādhito viṣṇuranantavīryaḥ

तब देवताओं, मुनियों और सिद्धों ने सर्वात्मा, यज्ञमय, भीषण वाराह-रूप का आश्रय लेकर उस अनन्त-वीर्य विष्णु की आराधना की।

श्लोक 44 (shiva.rudra.180.44)

घोणाप्रहारैर्विविधैर्धरित्रीं विदार्य पातालतलं प्रविश्य । तुण्डेन दैत्यान् शतशो विचूर्ण्य दंष्ट्राभिरग्र्याभिरखण्डिताभिः

ghoṇāprahārairvividhairdharitrīṁ vidārya pātālatalaṁ praviśya tuṇḍena daityān śataśo vicūrṇya daṁṣṭrābhiragryābhirakhaṇḍitābhiḥ

अपनी थूथन के नाना प्रहारों से पृथ्वी को विदीर्ण कर, पाताल-तल में प्रवेश कर, अपने तुण्ड से सैकड़ों दैत्यों को चूर्ण-चूर्ण कर, अपनी अखण्ड श्रेष्ठ दाढ़ों से,

श्लोक 45 (shiva.rudra.180.45)

पादप्रहारैरशनिप्रकाशै- रुन्मथ्य सैन्यानि निशाचराणाम् । मार्तण्डकोटिप्रतिमेन पश्चात् सुदर्शनेनाद्भुतचण्डतेजाः

pādaprahārairaśaniprakāśai- runmathya sainyāni niśācarāṇām mārtaṇḍakoṭipratimena paścāt sudarśanenādbhutacaṇḍatejāḥ

वज्र के समान चमकीले अपने पैरों के प्रहारों से निशाचरों की सेनाओं को उलट-पुलट कर, फिर करोड़ों सूर्यों के समान तेजस्वी अपने सुदर्शन चक्र से, वह अद्भुत प्रचण्ड तेजस्वी,

श्लोक 46 (shiva.rudra.180.46)

हिरण्यनेत्रस्य शिरो ज्वलन्तं चिच्छेद दैत्यांश्च ददाह दुष्टान् । ततः प्रहृष्टो दितिजेन्द्रराज स्तमन्धकं तत्र स चाभ्यषिञ्चत्

hiraṇyanetrasya śiro jvalantaṁ ciccheda daityāṁśca dadāha duṣṭān tataḥ prahṛṣṭo ditijendrarāja stamandhakaṁ tatra sa cābhyaṣiñcat

हिरण्यनेत्र के जलते हुए सिर को काट डाला और दुष्ट दैत्यों को भस्म कर दिया — तब दितिजों के प्रसन्न राजा (ब्रह्मा) ने वहाँ उस अन्धक का अभिषेक किया।

श्लोक 47 (shiva.rudra.180.47)

स्वस्थानमागत्य ततो धरित्रीं दृष्ट्राङ्कुरेणोद्धरतः प्रहृष्टः । भूमिं च पातालतलान्महात्मा पुपोष भागं त्वथ पूर्वकं तु

svasthānamāgatya tato dharitrīṁ dṛṣṭrāṅkureṇoddharataḥ prahṛṣṭaḥ bhūmiṁ ca pātālatalānmahātmā pupoṣa bhāgaṁ tvatha pūrvakaṁ tu

अपने स्थान पर लौटकर, दाढ़ों के अंकुर से पृथ्वी को उठाते हुए, प्रसन्न उस महात्मा ने पृथ्वी और पाताल-तल का, जैसा पहले था, वैसा ही भरण-पोषण किया।

श्लोक 48 (shiva.rudra.180.48)

देवैःसमस्तैर्मुनिभिः प्रहृष्टै- रभिष्टुतः पद्मभुवा च तेन । ययौ स्वलोकं हरिरुग्रकायो वराहरूपस्तु सुकार्यकर्ता

devaiḥsamastairmunibhiḥ prahṛṣṭai- rabhiṣṭutaḥ padmabhuvā ca tena yayau svalokaṁ harirugrakāyo varāharūpastu sukāryakartā

प्रसन्न समस्त देवताओं और मुनियों द्वारा, तथा कमल-योनि ब्रह्मा द्वारा भलीभाँति स्तुति किए जाकर, उग्र-शरीर वाराह-रूपधारी हरि, वह सुकार्यकर्ता, अपने लोक को चले गए।

श्लोक 49 (shiva.rudra.180.49)

हिरण्यनेत्रेऽथ हतेऽसुरेशे वराहरूपेण सुरेण सद्यः । देवाःसमस्ता मुनयश्च सर्वे परे च जीवाः सुखिनो बभूवुः

hiraṇyanetre'tha hate'sureśe varāharūpeṇa sureṇa sadyaḥ devāḥsamastā munayaśca sarve pare ca jīvāḥ sukhino babhūvuḥ

असुरेश हिरण्यनेत्र के वाराह-रूपधारी देव द्वारा उसी क्षण मारे जाने पर, समस्त देवता, सभी मुनि, और अन्य समस्त जीव सुखी हो गए।