युद्ध-प्रारम्भ में दूत-संवाद-वर्णन

श्लोक 1 (shiva.rudra.183.1)

सनत्कुमार उवाच । गतस्ततो मत्तगजेन्द्रगामी पीत्वा सुरां घूर्णितलोचनश्च । महानुभावो बहुसैन्ययुक्तः प्रचण्डवीरो वरवीरयायी

sanatkumāra uvāca gatastato mattagajendragāmī pītvā surāṁ ghūrṇitalocanaśca mahānubhāvo bahusainyayuktaḥ pracaṇḍavīro varavīrayāyī

सनत्कुमार ने कहा — तब वह मतवाले गजराज की चाल से चलने वाला, सुरापान कर घूमती आँखों वाला, महाप्रतापी, विशाल सेना से युक्त, प्रचण्ड वीर, श्रेष्ठ वीरों में अग्रगामी दैत्य वहाँ गया।

श्लोक 2 (shiva.rudra.183.2)

ददर्श दैत्यः स्मरबाणविद्धो गुहां ततो वीरकरुद्धमार्गाम् । स्निग्धं यथा वीक्ष्य पतङ्गसंज्ञः दशाप्रदीपं च कृमिर्ह्युपेत्य

dadarśa daityaḥ smarabāṇaviddho guhāṁ tato vīrakaruddhamārgām snigdhaṁ yathā vīkṣya pataṅgasaṁjñaḥ daśāpradīpaṁ ca kṛmirhyupetya

कामदेव के बाणों से बिंधा हुआ वह दैत्य उस गुहा को देखने पहुँचा, जिसका मार्ग वीरक ने रोक रखा था — जैसे कोई पतंगा स्नेह-युक्त दीये की लौ को देखकर, या कोई कीड़ा दश-दिशाओं में फैले प्रकाश की ओर बढ़ता है।

श्लोक 3 (shiva.rudra.183.3)

तथा प्रदर्श्याशु पुनः पुनश्च सम्पीड्यमानोऽपि स वीरकेण । बभूव कामाग्निसुदग्धदेहोऽ न्धको महादैत्यपतिः स मूढः

tathā pradarśyāśu punaḥ punaśca sampīḍyamāno'pi sa vīrakeṇa babhūva kāmāgnisudagdhadeho' ndhako mahādaityapatiḥ sa mūḍhaḥ

बार-बार उस गुहा को दिखाई पड़ते हुए भी, वीरक द्वारा बार-बार रोके जाने पर भी, वह मूढ़ महादैत्यपति अन्धक काम-अग्नि से भलीभाँति जल उठा।

श्लोक 4 (shiva.rudra.183.4)

पाषाणवृक्षाशनितोयवह्नि- भुजङ्गशस्त्रास्त्रबिभीषिकाभिः । सम्पीडितोऽसौ न पुनः प्रपीड्यः पृष्टश्च कस्त्वं समुपागतोऽसि

pāṣāṇavṛkṣāśanitoyavahni- bhujaṅgaśastrāstrabibhīṣikābhiḥ sampīḍito'sau na punaḥ prapīḍyaḥ pṛṣṭaśca kastvaṁ samupāgato'si

पत्थर, वृक्ष, वज्र, जल, अग्नि, सर्प, शस्त्र और अस्त्र आदि की भयावनी धमकियों से पीड़ित होने पर भी, उसे और पीड़ा नहीं दी गई — तब उससे पूछा गया, तुम कौन हो जो यहाँ आए हो?

श्लोक 5 (shiva.rudra.183.5)

निशम्य तद् गां स्वमतं स तस्मै चकार युद्धं स तु वीरकेण । मुहूर्तमाश्चर्यवदप्रमेयं सङ्ख्ये जितो वीरतरेण दैत्यः

niśamya tad gāṁ svamataṁ sa tasmai cakāra yuddhaṁ sa tu vīrakeṇa muhūrtamāścaryavadaprameyaṁ saṅkhye jito vīratareṇa daityaḥ

अपनी ही राय पर टिके रहकर, उसने वीरक के साथ युद्ध छेड़ दिया — किन्तु उस अद्भुत, अकल्पनीय, वीरतर वीरक से वह मुहूर्तभर में ही युद्ध में हार गया।

श्लोक 6 (shiva.rudra.183.6)

ततस्तु सङ्ग्रामशिरो विहाय क्षुत्क्षामकण्ठस्तृषितो गतोऽभूत् । चूर्णीकृते खड्गवरे च खिन्ने पलायमानो गतविस्मयः सः

tatastu saṅgrāmaśiro vihāya kṣutkṣāmakaṇṭhastṛṣito gato'bhūt cūrṇīkṛte khaḍgavare ca khinne palāyamāno gatavismayaḥ saḥ

तब युद्ध का मोर्चा छोड़कर, भूख से क्षीण-कण्ठ और प्यासा होकर, अपनी उत्तम तलवार के चूर-चूर हो जाने पर, खिन्न और विस्मय-रहित हो, वह वहाँ से भाग गया।

श्लोक 7 (shiva.rudra.183.7)

चक्रुस्तदाजिं सह वीरकेण प्रह्लादमुख्या दितिजप्रधानाः । लज्जाङ्कुशाकृष्टधियो बभूवुः सुदारुणाः शस्त्रशतैरनेकैः

cakrustadājiṁ saha vīrakeṇa prahlādamukhyā ditijapradhānāḥ lajjāṅkuśākṛṣṭadhiyo babhūvuḥ sudāruṇāḥ śastraśatairanekaiḥ

तब प्रह्लाद आदि प्रमुख दैत्य, लज्जा के अंकुश से खिंची हुई बुद्धि वाले होकर, वीरक के साथ सैकड़ों भयङ्कर शस्त्रों से भीषण युद्ध करने लगे।

श्लोक 8 (shiva.rudra.183.8)

विरोचनस्तत्र चकार युद्धं बलिश्च बाणश्च सहस्रबाहुः । भजिः कुजम्भस्त्वथ शम्बरश्च वृत्रादयश्चाप्यथ वीर्यवन्तः

virocanastatra cakāra yuddhaṁ baliśca bāṇaśca sahasrabāhuḥ bhajiḥ kujambhastvatha śambaraśca vṛtrādayaścāpyatha vīryavantaḥ

वहाँ विरोचन, बलि, बाण, सहस्रबाहु, भजि, कुजम्भ, शम्बर, वृत्र आदि पराक्रमी दैत्यों ने युद्ध किया।

श्लोक 9 (shiva.rudra.183.9)

ते युद्ध्यमाना विजिताः समन्ताद् द्विधाकृता वै गणवीरकेण । शेषे हतानां बहुदानवाना- मुक्तं जयत्येव हि सिद्धसङ्घैः

te yuddhyamānā vijitāḥ samantād dvidhākṛtā vai gaṇavīrakeṇa śeṣe hatānāṁ bahudānavānā- muktaṁ jayatyeva hi siddhasaṅghaiḥ

युद्ध करते हुए वे सब चारों ओर से वीरक द्वारा पराजित हुए, दो टुकड़ों में काटे गए — बचे हुए बहुत-से दानवों में, सिद्धगणों के अनुसार, विजय वीरक की ही घोषित हुई।

श्लोक 10 (shiva.rudra.183.10)

भेरुण्डजानाभिनयप्रवृत्ते मेदोवसामांससुपूयमध्ये । क्रव्यादसङ्घातसमाकुले तु भयङ्करे शोणितकर्दमे तु

bheruṇḍajānābhinayapravṛtte medovasāmāṁsasupūyamadhye kravyādasaṅghātasamākule tu bhayaṅkare śoṇitakardame tu

भेरुण्ड पक्षियों के अभिनय-सी उछल-कूद के बीच, मेदा, चर्बी, मांस और मवाद से भरे, मांसाहारी प्राणियों के झुंडों से व्याप्त, उस भयङ्कर रक्त-कीचड़ भरे रणक्षेत्र में,

श्लोक 11 (shiva.rudra.183.11)

भग्नैस्तु दैत्यैर्भगवान् पिनाकी व्रतं महापाशुपतं सुघोरम् । प्रिये मया यत्कृतपूर्वमासी- द्दाक्षायणीं प्राह सुसान्त्वयित्वा

bhagnaistu daityairbhagavān pinākī vrataṁ mahāpāśupataṁ sughoram priye mayā yatkṛtapūrvamāsī- ddākṣāyaṇīṁ prāha susāntvayitvā

दैत्यों के टूट जाने पर, वे भगवान् पिनाकपाणि शिव, जो अपने वचन का पालन करते हुए दक्षकुमारी (सती) के साथ पहले महापाशुपत घोर व्रत धारण कर चुके थे, अपनी प्रिया को भलीभाँति सांत्वना देकर बोले।

श्लोक 12 (shiva.rudra.183.12)

शिव उवाच । तस्माद्बलं यन्मम तत्प्रणष्टं मर्त्यैरमर्त्यस्य यतः प्रपातः । पुण्यक्षयाही ग्रह एव जातो दिवानिशं देवि तव प्रसङ्गात्

śiva uvāca tasmādbalaṁ yanmama tatpraṇaṣṭaṁ martyairamartyasya yataḥ prapātaḥ puṇyakṣayāhī graha eva jāto divāniśaṁ devi tava prasaṅgāt

शिव ने कहा — मेरा जो भी बल था, वह उसी से नष्ट हो गया, क्योंकि मरणधर्मा प्राणी भी अमर के पतन का कारण बन जाते हैं — हे देवि! यह तुम्हारे ही सान्निध्य से रात-दिन क्षीण होते पुण्य के फलस्वरूप एक ग्रह जैसा उत्पन्न हुआ है।

श्लोक 13 (shiva.rudra.183.13)

उत्पाद्य दिव्यं परमाद्भुतं तु पुनर्वरं घोरतरं च गत्वा । तस्माद् व्रतं घोरतरं चरामि सुनिर्भया सुन्दरि वै विशोका

utpādya divyaṁ paramādbhutaṁ tu punarvaraṁ ghorataraṁ ca gatvā tasmād vrataṁ ghorataraṁ carāmi sunirbhayā sundari vai viśokā

अत्यन्त अद्भुत और उत्कट कोई नया दिव्य वर उत्पन्न कर, अत्यन्त घोर स्थिति की ओर जाकर, मैं इसीलिए, हे सुन्दरी! निर्भय और शोकरहित होकर एक और घोरतर व्रत का पालन करता हूँ।

श्लोक 14 (shiva.rudra.183.14)

सनत्कुमार उवाच । एतावदुक्त्वा वचनं महात्मा उत्पाद्य घोषं शनकैश्चकार । स तत्र गत्वा व्रतमुग्रदीप्तो गतो वनं पुण्यतमं सुघोरम्

sanatkumāra uvāca etāvaduktvā vacanaṁ mahātmā utpādya ghoṣaṁ śanakaiścakāra sa tatra gatvā vratamugradīpto gato vanaṁ puṇyatamaṁ sughoram

सनत्कुमार ने कहा — यह कहकर, वह महात्मा शिव धीरे-धीरे गर्जना उत्पन्न करते हुए, वहाँ जाकर उग्र-तेजस्वी हो, अत्यन्त पवित्र और घोर उस वन में व्रत का पालन करने लगे।

श्लोक 15 (shiva.rudra.183.15)

चर्तुं हि शक्यं तु सुरासुरैर्य- न्न तादृशं वर्षसहस्रमात्रम् । सा पार्वती मन्दरपर्वतस्था प्रतीक्ष्यमाणाऽऽगमनं भवस्य

cartuṁ hi śakyaṁ tu surāsurairya- nna tādṛśaṁ varṣasahasramātram sā pārvatī mandaraparvatasthā pratīkṣyamāṇā''gamanaṁ bhavasya

जो व्रत देवता और असुर दोनों के लिए भी हज़ार वर्षों तक भी पालन कर पाना असम्भव था, वैसे ही व्रत का पालन शिव कर रहे थे — तब मन्दर-पर्वत पर स्थित पार्वती भव के आगमन की प्रतीक्षा करती रहीं।

श्लोक 16 (shiva.rudra.183.16)

पतिव्रता शीलगुणोपपन्ना एकाकिनी नित्यमथो विभीता । गुहान्तरे दुःखपरा बभूव संरक्षिता सा सुतवीरकेण

pativratā śīlaguṇopapannā ekākinī nityamatho vibhītā guhāntare duḥkhaparā babhūva saṁrakṣitā sā sutavīrakeṇa

पतिव्रता, शील और गुणों से युक्त, अकेली, सदा भयभीत, वह गुहा के भीतर दुःखमग्न होकर रह रही थी, और अपने पुत्र वीरक द्वारा ही रक्षित थी।

श्लोक 17 (shiva.rudra.183.17)

ततः स दैत्यो वरदानमत्तः तैर्योधमुख्यैः सहितो गुहां ताम् । विभिन्नधैर्यः पुनराजगाम शिलीमुखैर्मारसमुद्भवैश्च

tataḥ sa daityo varadānamattaḥ tairyodhamukhyaiḥ sahito guhāṁ tām vibhinnadhairyaḥ punarājagāma śilīmukhairmārasamudbhavaiśca

तब वरदान से उन्मत्त वह दैत्य, उन योद्धा-प्रधानों के साथ, धैर्य टूट जाने पर भी, फिर उस गुहा की ओर काम-देव के उत्पन्न किए बाणों के समान शत्रुओं के साथ आ पहुँचा।

श्लोक 18 (shiva.rudra.183.18)

अत्यद्भुतं तत्र चकार युद्धं हित्वा तदा भोजनपाननिद्राः । रात्रिं दिवं पञ्चशतानि पञ्च क्रुद्धः ससैन्यैः सह वीरकेण

atyadbhutaṁ tatra cakāra yuddhaṁ hitvā tadā bhojanapānanidrāḥ rātriṁ divaṁ pañcaśatāni pañca kruddhaḥ sasainyaiḥ saha vīrakeṇa

वहाँ उसने अत्यन्त अद्भुत युद्ध किया — भोजन, पान और निद्रा को त्यागकर, पूरे पाँच सौ रात-दिन तक क्रुद्ध होकर अपनी सेना सहित वीरक के साथ लड़ता रहा।

श्लोक 19 (shiva.rudra.183.19)

खड्गैः सकुन्तैः सह भिन्दिपालैः गदाभुशुण्डीभिरथो प्रकाण्डैः । शिलीमुखैरर्द्धशशीभिरुग्रै- र्वितस्तिभिः कूर्ममुखैर्ज्वलद्भिः

khaḍgaiḥ sakuntaiḥ saha bhindipālaiḥ gadābhuśuṇḍībhiratho prakāṇḍaiḥ śilīmukhairarddhaśaśībhirugrai- rvitastibhiḥ kūrmamukhairjvaladbhiḥ

तलवारों से, भालों से, फरसों से, गदाओं और भुशुण्डियों से, तथा बड़े-बड़े दण्डों से, बाणों से, अर्धचन्द्राकार तीखे बाणों से, कछुए के मुँह के आकार वाले जलते हुए बाणों से,

श्लोक 20 (shiva.rudra.183.20)

नाराचमुख्यैर्निशितैश्च शूलैः परश्वधैस्तोमरमुद्गरैश्च । खड्गैर्गुडैः पर्वतपादपैश्च दिव्यै रथास्त्रैरपि दैत्यसङ्घैः

nārācamukhyairniśitaiśca śūlaiḥ paraśvadhaistomaramudgaraiśca khaḍgairguḍaiḥ parvatapādapaiśca divyai rathāstrairapi daityasaṅghaiḥ

नाराच नामक प्रमुख तीखे बाणों से, त्रिशूलों से, फरसों, तोमरों और मुद्गरों से, तलवारों और गदाओं से, पर्वतों और वृक्षों से, तथा दैत्यसमूहों के दिव्य रथों के अस्त्रों से भी,

श्लोक 21 (shiva.rudra.183.21)

नदीधितिर्भिन्नतनुः पपात द्वारं गुहायाः पिहितं समस्तम् । तैरायुधैर्दैत्यभुजप्रयुक्तै- र्गुहामुखे मूर्छित एव पश्चात्

nadīdhitirbhinnatanuḥ papāta dvāraṁ guhāyāḥ pihitaṁ samastam tairāyudhairdaityabhujaprayuktai- rguhāmukhe mūrchita eva paścāt

गुहा के द्वार को पूरी तरह ढक दिया गया; उस मूर्च्छित हुए वीरक ने, दैत्यों की भुजाओं से चलाए गए उन शस्त्रों से, गुहा के मुख पर, धूप में जर्जरित हो, वह शरीर गिरा दिया।

श्लोक 22 (shiva.rudra.183.22)

आच्छादितं वीरकमस्त्रजालै- र्दैत्यैश्च सर्वैस्तु मुहूर्तमात्रम् । अपावृतं कर्तुमशक्यमासी- न्निरीक्ष्य देवी दितिजान् सुघोरान्

ācchāditaṁ vīrakamastrajālai- rdaityaiśca sarvaistu muhūrtamātram apāvṛtaṁ kartumaśakyamāsī- nnirīkṣya devī ditijān sughorān

उन सब दैत्यों द्वारा अस्त्रों के जाल से ढके गए वीरक को क्षणभर में ही असंभव हो गया कि उन्हें हटाया जाए — तब देवी ने उन भयङ्कर दैत्यों को देखा।

श्लोक 23 (shiva.rudra.183.23)

भयेन सस्मार पितामहं तु देवी सखीभिः सहिता च विष्णुम् । सैन्यं च मद्वीरवरस्य सर्वं सस्मारयामास गुहान्तरस्था

bhayena sasmāra pitāmahaṁ tu devī sakhībhiḥ sahitā ca viṣṇum sainyaṁ ca madvīravarasya sarvaṁ sasmārayāmāsa guhāntarasthā

भय से पीड़ित होकर देवी ने अपनी सखियों सहित पितामह ब्रह्मा का, विष्णु का स्मरण किया, और गुहा के भीतर से ही उन्होंने अपने वीरवर पुत्र की समस्त सेना का भी स्मरण किया।

श्लोक 24 (shiva.rudra.183.24)

ब्रह्मा तया संस्मृतमात्र एव स्त्रीरूपधारी भगवांश्च विष्णुः । इन्द्रैश्च सर्वैः सह सैन्यकैश्च स्त्रीरूपमास्थाय समागतास्ते

brahmā tayā saṁsmṛtamātra eva strīrūpadhārī bhagavāṁśca viṣṇuḥ indraiśca sarvaiḥ saha sainyakaiśca strīrūpamāsthāya samāgatāste

उस देवी के स्मरण करते ही, ब्रह्मा और भगवान् विष्णु, स्त्री-रूप धारण कर, इन्द्र आदि समस्त देवताओं और उनकी सेनाओं सहित स्त्री का रूप लेकर वहाँ आ पहुँचे।

श्लोक 25 (shiva.rudra.183.25)

भूत्वा स्त्रियस्ते विविशुस्तदानीं मुनीन्द्रसङ्घाश्च महानुभावाः । सिद्धाश्च नागास्त्वथ गुह्यकाश्च गुहान्तरं पर्वतराजपुत्र्याः

bhūtvā striyaste viviśustadānīṁ munīndrasaṅghāśca mahānubhāvāḥ siddhāśca nāgāstvatha guhyakāśca guhāntaraṁ parvatarājaputryāḥ

स्त्री बनकर उस समय वे प्रविष्ट हुए — मुनीन्द्रों के समूह, महात्मा गण, सिद्ध और नाग, तथा गुह्यक भी उस पर्वतराज-पुत्री की गुहा में प्रविष्ट हुए।

श्लोक 26 (shiva.rudra.183.26)

यस्मात्सुराज्यासनसंस्थिताना- मन्तःपुरे सङ्गमनं विरुद्धम् । ततः सहस्राणि नितम्बिनीना- मनन्तसङ्ख्यान्यपि दर्शयन्त्यः

yasmātsurājyāsanasaṁsthitānā- mantaḥpure saṅgamanaṁ viruddham tataḥ sahasrāṇi nitambinīnā- manantasaṅkhyānyapi darśayantyaḥ

क्योंकि सुराज्य के सिंहासन पर बैठे पुरुषों के लिए अन्तःपुर में प्रवेश करना निषिद्ध है — इसलिए वे सहस्रों नितम्बिनी स्त्रियों का रूप दिखाते हुए वहाँ पहुँचे।

श्लोक 27 (shiva.rudra.183.27)

रूपाणि दिव्यानि महाद्भुतानि गौर्यै गुहायां तु सवीरकार्यैः । स्त्रियः प्रहृष्टा गिरिराजकन्या गुहान्तरं पर्वतराजपुत्र्याः

rūpāṇi divyāni mahādbhutāni gauryai guhāyāṁ tu savīrakāryaiḥ striyaḥ prahṛṣṭā girirājakanyā guhāntaraṁ parvatarājaputryāḥ

पर्वतराज-पुत्री की गुहा में, वीरक के कार्यों में सहायक बनकर, वे अनन्त संख्या में दिव्य, महाद्भुत रूप गौरी को दिखलाती रहीं — उन स्त्रियों को देखकर पर्वतराज-पुत्री अत्यन्त प्रसन्न हुई।

श्लोक 28 (shiva.rudra.183.28)

स्त्रीभिःसहस्रैश्च शतैरनेकै- र्नेदुश्च कल्पान्तरमेघघोषाः । भेर्यश्च सङ्ग्रामजयप्रदास्तु ध्माताःसुशङ्खाः सुनितम्बिनीभिः

strībhiḥsahasraiśca śatairanekai- rneduśca kalpāntarameghaghoṣāḥ bheryaśca saṅgrāmajayapradāstu dhmātāḥsuśaṅkhāḥ sunitambinībhiḥ

सहस्रों, सैकड़ों स्त्रियों से एक साथ, कल्पान्त के मेघों जैसी गर्जना गूँजने लगी, और उन सुन्दरी नितम्बिनियों द्वारा युद्ध में विजय देने वाले शंख और भेरियाँ बजाई गईं।

श्लोक 29 (shiva.rudra.183.29)

मूर्छां विहायाद्भुत चण्डवीर्यः स वीरको वै पुरतः स्थितस्तु । प्रगृह्य शस्त्राणि महारथानां तैरेव शस्त्रैर्दितिजान् जघान

mūrchāṁ vihāyādbhuta caṇḍavīryaḥ sa vīrako vai purataḥ sthitastu pragṛhya śastrāṇi mahārathānāṁ taireva śastrairditijān jaghāna

अद्भुत और प्रचण्ड पराक्रमी वह वीरक मूर्छा त्यागकर उन सबके सामने खड़ा हो गया; महारथियों के शस्त्र उठाकर, उन्हीं शस्त्रों से उसने दैत्यों को मार गिराया।

श्लोक 30 (shiva.rudra.183.30)

ब्राह्मी ततो दण्डकरा विरुद्धा गौरी तदा क्रोधपरीतचेताः । नारायणी शङ्खगदासुचक्र- धनुर्द्धरा पूरितबाहुदण्डा

brāhmī tato daṇḍakarā viruddhā gaurī tadā krodhaparītacetāḥ nārāyaṇī śaṅkhagadāsucakra- dhanurddharā pūritabāhudaṇḍā

तब ब्राह्मी (ब्रह्मा की शक्ति), दण्ड लिए हुए, गौरी क्रोध से भरकर, नारायणी शंख, गदा, चक्र और धनुष धारण किए, अपनी भुजाओं को दण्डों से भर लेती है —

श्लोक 31 (shiva.rudra.183.31)

विनिर्ययौ लाङ्गलदण्डहस्ता व्योमालका काञ्चनतुल्यवर्णा । धारासहस्राकुलमुग्रवेगं बैडौजसी वज्रकरा तदानीम्

viniryayau lāṅgaladaṇḍahastā vyomālakā kāñcanatulyavarṇā dhārāsahasrākulamugravegaṁ baiḍaujasī vajrakarā tadānīm

वैष्णवी हल और मूसल हाथ में लिए, आकाश-केश वाली, स्वर्ण के समान वर्ण वाली, हज़ारों धाराओं से व्याप्त, उग्र-वेगवाली, ऐन्द्री वज्रहस्ता, उस समय निकल पड़ीं —

श्लोक 32 (shiva.rudra.183.32)

सहस्रनेत्रा युधि सुस्थिरा च सुदुर्जया दैत्यशतैरधृष्या । वैश्वानरी शक्तिरसौम्यवक्त्रा याम्या च दण्डोद्यतपाणिरुग्रा

sahasranetrā yudhi susthirā ca sudurjayā daityaśatairadhṛṣyā vaiśvānarī śaktirasaumyavaktrā yāmyā ca daṇḍodyatapāṇirugrā

वह सहस्रनेत्री, युद्ध में सुस्थिर, सैकड़ों दैत्यों के लिए भी दुर्जय और अजेय, वैश्वानरी शक्ति, कठोर मुख वाली, तथा याम्या दण्ड लिए भयङ्कर रूप में उद्यत हाथ लिए —

श्लोक 33 (shiva.rudra.183.33)

सुतीक्ष्णखङ्गोद्यतपाणिरूपा समाययौ नैरृतिघोरचापा । तोयालिका वारणपाशहस्ता विनिर्गता युद्धमभीप्समाना

sutīkṣṇakhaṅgodyatapāṇirūpā samāyayau nairṛtighoracāpā toyālikā vāraṇapāśahastā vinirgatā yuddhamabhīpsamānā

तीक्ष्ण खड्ग उठाए हुए, घोर धनुष लिए हुए नैर्ऋती, वारुणी जल-पाश हाथ में लिए, युद्ध की इच्छा से निकल पड़ीं,

श्लोक 34 (shiva.rudra.183.34)

प्रचण्डवातप्रभवा च देवी क्षुधावपुस्त्वङ्कुशपाणिरेव । कल्पान्तवह्निप्रतिमां गदां च पाणौ गृहीत्वा धनदोद्भवा च

pracaṇḍavātaprabhavā ca devī kṣudhāvapustvaṅkuśapāṇireva kalpāntavahnipratimāṁ gadāṁ ca pāṇau gṛhītvā dhanadodbhavā ca

प्रचण्ड वायु से उत्पन्न वह देवी, हाथ में अंकुश लिए, क्षुधा-रूपधारी, तथा धनद (कुबेर) से उत्पन्न, प्रलय-अग्नि के समान गदा हाथ में लिए हुए,

श्लोक 35 (shiva.rudra.183.35)

यक्षेश्वरी तीक्ष्णमुखा विरूपा नखायुधा नागभयङ्करी च । एतास्तथान्याः शतशो हि देव्यः सुनिर्गताः सङ्कुलयुद्धभूमिम्

yakṣeśvarī tīkṣṇamukhā virūpā nakhāyudhā nāgabhayaṅkarī ca etāstathānyāḥ śataśo hi devyaḥ sunirgatāḥ saṅkulayuddhabhūmim

यक्षेश्वरी, तीक्ष्ण मुख वाली, विरूप, नख ही जिनके शस्त्र थे, नागों को भी भयभीत करने वाली — ये तथा इनके समान सैकड़ों अन्य देवियाँ, युद्ध के उस घमासान क्षेत्र में निकल पड़ीं।

श्लोक 36 (shiva.rudra.183.36)

दृष्ट्वा च तत्सैन्यमनन्तपारं विवर्णवर्णाश्च सुविस्मिताश्च । समाकुलाः सञ्चकिता भयाद्वै देव्यो बभूवुर्हृदि दीनसत्त्वाः

dṛṣṭvā ca tatsainyamanantapāraṁ vivarṇavarṇāśca suvismitāśca samākulāḥ sañcakitā bhayādvai devyo babhūvurhṛdi dīnasattvāḥ

उस अनन्त सेना को देखकर वे, विवर्ण होकर, अत्यन्त विस्मित होकर, भयभीत और व्याकुल होकर, हृदय में दीन-सत्त्व हो गईं।

श्लोक 37 (shiva.rudra.183.37)

चक्रुः समाधाय मनः समस्ताः ता देववध्वो विधिशक्तिमुख्याः । सुसम्मतत्वेन गिरीशपुत्र्याः सेनापतिर्वीरसुघोरवीर्यः

cakruḥ samādhāya manaḥ samastāḥ tā devavadhvo vidhiśaktimukhyāḥ susammatatvena girīśaputryāḥ senāpatirvīrasughoravīryaḥ

तब विधि और शक्ति में प्रधान वे सब देववधुएँ मन को समेटकर, गिरीश-पुत्री (गौरी) के प्रति अत्यन्त श्रद्धा से युक्त होकर, अत्यन्त उग्र-पराक्रमी वीर वीरक को अपना सेनापति बना लिया।

श्लोक 38 (shiva.rudra.183.38)

चक्रुर्महायुद्धमभूतपूर्वं निधाय बुद्धौ दितिजाः प्रधानाः । निवर्तनं मृत्युमथात्मनश्च नारीभिरन्ये वरदानसत्त्वाः

cakrurmahāyuddhamabhūtapūrvaṁ nidhāya buddhau ditijāḥ pradhānāḥ nivartanaṁ mṛtyumathātmanaśca nārībhiranye varadānasattvāḥ

श्रेष्ठ दैत्यों ने भी मन में निश्चय कर, अभूतपूर्व महायुद्ध छेड़ दिया — जबकि अन्य दैत्य, वरदान के भरोसे, स्त्रियों से ही अपनी मृत्यु और पीछे हटना निश्चित मानकर लड़ते रहे।

श्लोक 39 (shiva.rudra.183.39)

अत्यद्भुतं तत्र चकार युद्धं गौरी तदानीं सहिता सखीभिः । कृत्वा रणे चाद्भुतबुद्धिशौण्डं सेनापतिं वीरकघोरवीर्यम्

atyadbhutaṁ tatra cakāra yuddhaṁ gaurī tadānīṁ sahitā sakhībhiḥ kṛtvā raṇe cādbhutabuddhiśauṇḍaṁ senāpatiṁ vīrakaghoravīryam

वहाँ गौरी ने भी अपनी सखियों सहित उस युद्ध में अत्यन्त अद्भुत पराक्रम दिखाया, और सेनापति, अत्यन्त भयङ्कर पराक्रमी वीरक को रणक्षेत्र में सामने रखकर, वह अत्यन्त अद्भुत युद्ध करती रहीं।

श्लोक 40 (shiva.rudra.183.40)

हिरण्यनेत्रात्मज एव भूप- श्चक्रे महाव्यूहमरं सुकर्मा । सम्भाव्य विष्णुं च निरीक्ष्य याम्यां सुदारुणं तद्गिलनामधेयम्

hiraṇyanetrātmaja eva bhūpa- ścakre mahāvyūhamaraṁ sukarmā sambhāvya viṣṇuṁ ca nirīkṣya yāmyāṁ sudāruṇaṁ tadgilanāmadheyam

हिरण्यनेत्र के उस पुत्र, सुकर्मा राजा ने विष्णु को सम्मुख देखकर एक विशाल व्यूह रचा, तथा याम्य दिशा में अपनी वह अत्यन्त भीषण 'गिलन' नामक (निगलने वाली) सेना खड़ी कर दी।

श्लोक 41 (shiva.rudra.183.41)

मुखं करालं विधिसेवयाऽस्य तस्मिन् कृते भगवानाजगाम । कल्पान्तघोरार्कसहस्रकान्ति- कीर्णञ्च वै कुपितः कृत्तिवासाः

mukhaṁ karālaṁ vidhisevayā'sya tasmin kṛte bhagavānājagāma kalpāntaghorārkasahasrakānti- kīrṇañca vai kupitaḥ kṛttivāsāḥ

विधि की उपासना से उसका वह विकराल मुख बनाया गया था — उस मुख के बन जाने पर, कल्पान्त के भीषण करोड़ों सूर्यों की कान्ति से युक्त, कुपित भगवान् कृत्तिवासा (शिव) वहाँ आ पहुँचे।

श्लोक 42 (shiva.rudra.183.42)

गते ततो वर्षसहस्रमात्रे तमागतं प्रेक्ष्य महेश्वरं च । चक्रुर्महायुद्धमतीवमात्रं नार्यः प्रहृष्टाः सह वीरकेण

gate tato varṣasahasramātre tamāgataṁ prekṣya maheśvaraṁ ca cakrurmahāyuddhamatīvamātraṁ nāryaḥ prahṛṣṭāḥ saha vīrakeṇa

एक हज़ार वर्ष बीत जाने पर, महेश्वर को इस प्रकार आया हुआ देखकर, वे स्त्रियाँ, वीरक के साथ हर्षित होकर, उस अत्यन्त विशाल महायुद्ध में जुट गईं।

श्लोक 43 (shiva.rudra.183.43)

प्रणम्य गौरी गिरिशं च मूर्ध्ना सन्दर्शयन् भर्तुरतीव शौर्यमम् । गौरी प्रयुद्धं च चकार हृष्टा हरस्ततः पर्वतराजपुत्रीम्

praṇamya gaurī giriśaṁ ca mūrdhnā sandarśayan bharturatīva śauryamam gaurī prayuddhaṁ ca cakāra hṛṣṭā harastataḥ parvatarājaputrīm

गौरी ने गिरीश को मस्तक झुकाकर प्रणाम किया, अपने पति को उनकी असाधारण वीरता दिखलाते हुए, वह हर्षित होकर पुनः युद्ध करने लगीं — तब हर ने पर्वतराज-पुत्री को,

श्लोक 44 (shiva.rudra.183.44)

कण्ठे गृहीत्वा तु गुहां प्रविष्टो रमासहस्राणि विसर्जितानि । गौरी च सम्मानशतैः प्रपूज्य गुहामुखे वीरकमेव स्थापयन्

kaṇṭhe gṛhītvā tu guhāṁ praviṣṭo ramāsahasrāṇi visarjitāni gaurī ca sammānaśataiḥ prapūjya guhāmukhe vīrakameva sthāpayan

गले से पकड़कर गुहा में प्रवेश किया, हज़ारों रमणियों को विदा कर दिया; गौरी ने भी सैकड़ों सम्मानों से पूजित कर वीरक को ही गुहा के द्वार पर स्थापित कर दिया।

श्लोक 45 (shiva.rudra.183.45)

ततो न गौरीं गिरिशं च दृष्ट्वा- सुरेश्वरो नीतिविचक्षणो हि । द्रुतं स्वदूतं विधसाख्यमेव स प्रेषयामास शिवोपकण्ठम्

tato na gaurīṁ giriśaṁ ca dṛṣṭvā- sureśvaro nītivicakṣaṇo hi drutaṁ svadūtaṁ vidhasākhyameva sa preṣayāmāsa śivopakaṇṭham

तब गौरी और गिरीश को न देखकर, नीतिकुशल वह दैत्येश्वर, अपने विधसा नामक दूत को तत्काल शिव के निकट भेजने लगा।

श्लोक 46 (shiva.rudra.183.46)

तैस्तैः प्रहारैरपि जर्जराङ्ग- स्तस्मिन् रणे देवगणेरितैर्यः । जगाद वाक्यं तु सगर्वमुग्रं प्रविश्य शम्भुं प्रणिपत्य मूर्ध्ना

taistaiḥ prahārairapi jarjarāṅga- stasmin raṇe devagaṇeritairyaḥ jagāda vākyaṁ tu sagarvamugraṁ praviśya śambhuṁ praṇipatya mūrdhnā

देवताओं द्वारा भेजे गए उन प्रहारों से भी उस रण में जर्जरित हुआ, वह गर्वपूर्वक उग्र वाणी बोलता हुआ, शम्भु के समीप प्रविष्ट होकर, मस्तक झुकाकर प्रणाम करके बोला।

श्लोक 47 (shiva.rudra.183.47)

दूत उवाच । सम्प्रेषितोऽहं विविशे गुहां तु ह्येषोऽन्धकस्त्वां समुवाच वाक्यम् । नार्या न कार्यं तव किञ्चिदस्ति- विमुञ्च नारीं तरुणीं सुरूपाम्

dūta uvāca sampreṣito'haṁ viviśe guhāṁ tu hyeṣo'ndhakastvāṁ samuvāca vākyam nāryā na kāryaṁ tava kiñcidasti- vimuñca nārīṁ taruṇīṁ surūpām

दूत ने कहा — मुझे भेजा गया है, मैं इस गुहा में प्रविष्ट हुआ हूँ — इस अन्धक ने तुमसे यह वचन कहलवाया है: तुम्हें इस स्त्री से कोई प्रयोजन नहीं है — इस सुरूपा तरुणी को छोड़ दो।

श्लोक 48 (shiva.rudra.183.48)

प्रायो भवांस्तापसस्तज्जुषस्व क्षान्तं मया यत्कमनीयमन्तः । मुनिर्विरोधव्य इति प्रचिन्त्य न त्वं मुनिस्तापस किं तु शत्रुः

prāyo bhavāṁstāpasastajjuṣasva kṣāntaṁ mayā yatkamanīyamantaḥ munirvirodhavya iti pracintya na tvaṁ munistāpasa kiṁ tu śatruḥ

तुम प्रायः तापस हो, अपने ही तप में लगे रहो — मैंने भीतर जो कुछ भी मनोहर लगा, उसे सहन कर लिया, यह सोचकर कि एक मुनि से विरोध न करूँ — किन्तु तुम मुनि नहीं, शत्रु हो।

श्लोक 49 (shiva.rudra.183.49)

अतीव दैत्येषु महाविरोधी युध्यस्व वेगेन मया प्रमथ्य । नयामि पातालतलानुरूपं यमक्षयं तापस धूर्त्त हि त्वाम्

atīva daityeṣu mahāvirodhī yudhyasva vegena mayā pramathya nayāmi pātālatalānurūpaṁ yamakṣayaṁ tāpasa dhūrtta hi tvām

तुम दैत्यों के प्रति अत्यन्त विरोधी हो; मेरे वेग से मथित होकर मुझसे युद्ध करो — हे धूर्त तापस! मैं तुम्हें पाताल के तल के अनुरूप यम के धाम को ले जाता हूँ।

श्लोक 50 (shiva.rudra.183.50)

सनत्कुमार उवाच । एतद्वचो दूतमुखान्निशम्य कपालमाली तमुवाच कोपात् । ज्वलन्विषादेन महांस्त्रिनेत्रः सतां गतिर्दुष्टमदप्रहर्ता

sanatkumāra uvāca etadvaco dūtamukhānniśamya kapālamālī tamuvāca kopāt jvalanviṣādena mahāṁstrinetraḥ satāṁ gatirduṣṭamadaprahartā

सनत्कुमार ने कहा — दूत के मुख से यह वचन सुनकर, कपाल-माला धारण करने वाले त्रिनेत्र शिव, विषाद से क्रोधित होकर, महान् होकर, दुष्टों के मद को नष्ट करने वाले, सज्जनों की गति वाले शिव ने कहा।

श्लोक 51 (shiva.rudra.183.51)

शिव उवाच । व्यक्तं वचस्ते तदतीव चोग्रं प्रोक्तं हि तत्त्वं त्वरितं प्रयाहि । कुरुष्व युद्धं हि मया प्रसह्य यदि प्रशक्तोऽसि बलेन हि त्वम्

śiva uvāca vyaktaṁ vacaste tadatīva cograṁ proktaṁ hi tattvaṁ tvaritaṁ prayāhi kuruṣva yuddhaṁ hi mayā prasahya yadi praśakto'si balena hi tvam

शिव ने कहा — तुम्हारा यह वचन स्पष्ट और अत्यन्त कठोर था; इसका सही उत्तर यही है — शीघ्र जाओ, यदि तुम में बल से समर्थ हो, तो बलपूर्वक मेरे साथ युद्ध करो।

श्लोक 52 (shiva.rudra.183.52)

यः स्यादशक्तो भुवि तस्य कोऽर्थो दारैर्धनैर्वा सुमनोहरैश्च । आयान्तु दैत्याश्च बलेन मत्ता विचार्यमेवं तु कृतं मयैतत्

yaḥ syādaśakto bhuvi tasya ko'rtho dārairdhanairvā sumanoharaiśca āyāntu daityāśca balena mattā vicāryamevaṁ tu kṛtaṁ mayaitat

जो पृथ्वी पर असमर्थ है, उसका पत्नी और सुन्दर धन से भी क्या प्रयोजन? दैत्य बल के मद में चूर होकर आएँ — यह सब सोचकर ही मैंने यह किया है।

श्लोक 53 (shiva.rudra.183.53)

शरीरयात्रापि कुतस्त्वशक्तेः कुर्वन्तु यद्यद्विहितं तु तेषाम् । ममापि यद्यत्करणीयमस्ति तत्तत्करिष्यामि न संशयोऽत्र

śarīrayātrāpi kutastvaśakteḥ kurvantu yadyadvihitaṁ tu teṣām mamāpi yadyatkaraṇīyamasti tattatkariṣyāmi na saṁśayo'tra

जब शक्ति ही नहीं, तो शरीर-यात्रा भी कहाँ से चले? वे जो-जो करना चाहें, वह करें; और मुझे भी जो-जो करना उचित है, मैं वह सब करूँगा — इसमें कोई सन्देह नहीं है।

श्लोक 54 (shiva.rudra.183.54)

सनत्कुमार उवाच । एतद्वचस्तद्विधसोऽपि तस्मा- च्छ्रुत्वा हरान्निर्गत एव हृष्टः । प्रागात्ततो गर्जितहुङ्कृतानि कुर्वंस्ततो दैत्यपतेः सकाशम्

sanatkumāra uvāca etadvacastadvidhaso'pi tasmā- cchrutvā harānnirgata eva hṛṣṭaḥ prāgāttato garjitahuṅkṛtāni kurvaṁstato daityapateḥ sakāśam

सनत्कुमार ने कहा — विधसा भी हर से यह वचन सुनकर हर्षित होकर वहाँ से निकल पड़ा; तब वह गरजते और हुंकार भरते हुए, दैत्यपति के समीप जा पहुँचा।