अन्धक-युद्ध-वर्णन

श्लोक 1 (shiva.rudra.184.1)

सनत्कुमार उवाच । तस्येङ्गितज्ञश्च स दैत्यराजो गदां गृहीत्वा त्वरितः ससैन्यः । कृत्वाथ साऽग्रे गिलनामधेयं सुदारुणं देववरैरभेद्यम्

sanatkumāra uvāca tasyeṅgitajñaśca sa daityarājo gadāṁ gṛhītvā tvaritaḥ sasainyaḥ kṛtvātha sā'gre gilanāmadheyaṁ sudāruṇaṁ devavarairabhedyam

सनत्कुमार ने कहा — उसका (दूत का) संकेत समझने वाला वह दैत्यराज गदा उठाकर, अपनी सेना सहित शीघ्रता से, अत्यन्त भीषण और देवताओं में श्रेष्ठों से भी अभेद्य वह 'गिलन' (निगलने वाली सेना) आगे कर,

श्लोक 2 (shiva.rudra.184.2)

गुहामुखं प्राप्य महेश्वरस्य बिभेद शस्त्रैरशनिप्रकाशैः । अन्ये ततो वीरकमेव शस्त्रै- रवाकिरन् शैलसुतां तथान्ये

guhāmukhaṁ prāpya maheśvarasya bibheda śastrairaśaniprakāśaiḥ anye tato vīrakameva śastrai- ravākiran śailasutāṁ tathānye

महेश्वर की गुहा के द्वार तक पहुँचकर, वज्र के समान तेज शस्त्रों से उसे तोड़ने लगा; कुछ ने वीरक को ही शस्त्रों से घेर लिया, तो कुछ ने पर्वतराज-पुत्री की ओर भी शस्त्र चलाए।

श्लोक 3 (shiva.rudra.184.3)

द्वारं हि केचिद्रुचिरं बभञ्जुः पुष्पाणि पत्राणि विनाशयेयुः । फलानि मूलानि जलं च हृद्य- मुद्यानमार्गानपि खण्डयेयुः

dvāraṁ hi kecidruciraṁ babhañjuḥ puṣpāṇi patrāṇi vināśayeyuḥ phalāni mūlāni jalaṁ ca hṛdya- mudyānamārgānapi khaṇḍayeyuḥ

कुछ ने उस सुन्दर द्वार को तोड़ डाला, कुछ ने पुष्प और पत्तों को नष्ट कर दिया, कुछ ने फल-मूल और शीतल जल को भी बिगाड़ डाला, और कुछ ने उद्यान के मार्गों को भी उखाड़ दिया।

श्लोक 4 (shiva.rudra.184.4)

विलोडयेयुर्मुदिताश्च केचि- च्छृङ्गाणि शैलस्य च भानुमन्ति । ततो हरः सस्मृतवान् स्वसैन्यं समाह्वयन् कुपितः शूलपाणिः

viloḍayeyurmuditāśca keci- cchṛṅgāṇi śailasya ca bhānumanti tato haraḥ sasmṛtavān svasainyaṁ samāhvayan kupitaḥ śūlapāṇiḥ

कुछ हर्षित होकर पर्वत की सूर्य के समान चमकती चोटियों को हिला डालने लगे; तब हर ने अपनी सेना का स्मरण किया, और शूल हाथ में लिए, क्रुद्ध होकर, अपने गणों को पुकारने लगे।

श्लोक 5 (shiva.rudra.184.5)

भूतानि चान्यानि सुदारुणानि देवान्ससैन्यान्सह विष्णुमुख्यान् । आहूतमात्रानुगणाःससैन्या रथैर्गजैर्वाजिवृषैश्च गोभिः

bhūtāni cānyāni sudāruṇāni devānsasainyānsaha viṣṇumukhyān āhūtamātrānugaṇāḥsasainyā rathairgajairvājivṛṣaiśca gobhiḥ

देवताओं को, विष्णु आदि को, उनकी सेनाओं सहित, तथा अन्य भीषण भूत-गणों को भी उन्होंने बुलाया — पुकारे जाते ही सेना सहित सभी गण रथों, हाथियों, घोड़ों, बैलों और गायों पर सवार होकर,

श्लोक 6 (shiva.rudra.184.6)

उष्ट्रैः खरैः पक्षिवरैश्च सिंहैः ते सर्वदेवाः सहभूतसङ्घैः । व्याघ्रैर्मृगैः सूकरसारसैश्च समीनमत्स्यैः शिशुमारमुख्यैः

uṣṭraiḥ kharaiḥ pakṣivaraiśca siṁhaiḥ te sarvadevāḥ sahabhūtasaṅghaiḥ vyāghrairmṛgaiḥ sūkarasārasaiśca samīnamatsyaiḥ śiśumāramukhyaiḥ

ऊँटों, गधों, श्रेष्ठ पक्षियों और सिंहों पर सवार होकर, वे सारे देवगण भूत-समूहों के साथ, बाघों, मृगों, सूकरों, सारसों, मछलियों और मगरमच्छ जैसे जीवों के साथ,

श्लोक 7 (shiva.rudra.184.7)

अन्यैश्च नाना विधजीवसङ्घै- र्विशीर्णदंशैः स्फुटितैः श्मशानैः । भुजङ्गमैः प्रेतशतैः पिशाचै- र्दिव्यैर्विमानैः कमलाकरैश्च

anyaiśca nānā vidhajīvasaṅghai- rviśīrṇadaṁśaiḥ sphuṭitaiḥ śmaśānaiḥ bhujaṅgamaiḥ pretaśataiḥ piśācai- rdivyairvimānaiḥ kamalākaraiśca

तथा अन्य नाना प्रकार के जीव-समूहों के साथ, टूटे हुए दाँतों वाले, फटे हुए श्मशान-वासियों के साथ, सर्पों, सैकड़ों प्रेतों और पिशाचों के साथ, दिव्य विमानों और कमल-सरोवरों के साथ,

श्लोक 8 (shiva.rudra.184.8)

नदीनदैः पर्वतवाहनैश्च समागताः प्राञ्जलयः प्रणम्य । कपर्दिनं तस्थुरदीनसत्त्वाः सेनापतिं वीरकमेव कृत्वा

nadīnadaiḥ parvatavāhanaiśca samāgatāḥ prāñjalayaḥ praṇamya kapardinaṁ tasthuradīnasattvāḥ senāpatiṁ vīrakameva kṛtvā

नदियों और महानदों के साथ, पर्वतों को अपनी सवारी बनाकर, वे सब आकर, हाथ जोड़कर, प्रणाम कर, अदीन-भाव से कपर्दी शिव के सामने खड़े हो गए — और सेनापति के रूप में वीरक को ही स्थापित किया गया।

श्लोक 9 (shiva.rudra.184.9)

विसर्जयामास रणाय देवान् विश्रान्तवाहानथ तत्पिनाकी । युद्धे स्थिरं लब्धजयं प्रधानं सम्प्रेषितास्ते तु महेश्वरेण

visarjayāmāsa raṇāya devān viśrāntavāhānatha tatpinākī yuddhe sthiraṁ labdhajayaṁ pradhānaṁ sampreṣitāste tu maheśvareṇa

वे विश्राम पा चुके वाहनों वाले देवगण, पिनाकपाणि शिव द्वारा युद्ध के लिए विदा किए गए, स्थिर, विजय पा चुके और प्रधान गिने जाने वाले, महेश्वर द्वारा भेजे गए।

श्लोक 10 (shiva.rudra.184.10)

चक्रुर्युगान्तप्रतिमं च युद्धं मर्यादहीनं सगिलेन सर्वे । दैत्येन्द्रसैन्येन सदैव घोरं क्रोधान्निगीर्णास्त्रिदशास्तु सङ्ख्ये

cakruryugāntapratimaṁ ca yuddhaṁ maryādahīnaṁ sagilena sarve daityendrasainyena sadaiva ghoraṁ krodhānnigīrṇāstridaśāstu saṅkhye

वे सब मिलकर उस 'गिलन' (निगलने वाले राक्षस-मुख) के साथ, मर्यादाहीन प्रलयकाल के समान भीषण युद्ध करने लगे — दैत्येन्द्र की सेना द्वारा वे क्रोध से घोर रूप से निगले जाने लगे।

श्लोक 11 (shiva.rudra.184.11)

तस्मिन्क्षणे युध्यमानाश्च सर्वे ब्रह्मेन्द्रविष्ण्वर्कशशाङ्कमुख्याः । आसन्निगीर्णा विधसेन तेन सैन्ये निगीर्णेऽस्ति तु वीरको हि

tasminkṣaṇe yudhyamānāśca sarve brahmendraviṣṇvarkaśaśāṅkamukhyāḥ āsannigīrṇā vidhasena tena sainye nigīrṇe'sti tu vīrako hi

उस क्षण युद्ध करते हुए ब्रह्मा, इन्द्र, विष्णु, सूर्य और चन्द्रमा आदि सभी प्रमुख देवता उस विधसा (गिलन) द्वारा निगल लिए गए; सेना के निगल लिए जाने पर वहाँ केवल वीरक ही शेष रहे।

श्लोक 12 (shiva.rudra.184.12)

विहाय सङ्ग्रामशिरोगुहां तां प्रविश्य शर्वं प्रणिपत्य मूर्ध्ना । प्रोवाच दुःखाभिहतः स्मरारिं सुवीरको वाग्मिवरोऽथ वृत्तम्

vihāya saṅgrāmaśiroguhāṁ tāṁ praviśya śarvaṁ praṇipatya mūrdhnā provāca duḥkhābhihataḥ smarāriṁ suvīrako vāgmivaro'tha vṛttam

युद्ध का वह मोर्चा छोड़कर, उस गुहा में प्रविष्ट होकर, शिव को मस्तक झुकाकर प्रणाम कर, दुःख से आहत, वाणी में निपुण वह वीरक ने कामदेव के शत्रु शिव से यह घटित सारा वृत्तान्त कहा।

श्लोक 13 (shiva.rudra.184.13)

निगीर्णं ते सैन्यं विघसदितिजेनाद्य भगव- न्निगीर्णोऽसौ विष्णुस्त्रिभुवनगुरुर्दैत्यदलनः । निगीर्णौ चन्द्रार्कौ द्रुहिणमघवानौ च वरदौ निगीर्णास्ते सर्वे यमवरुणवाताश्च धनदः

nigīrṇaṁ te sainyaṁ vighasaditijenādya bhagava- nnigīrṇo'sau viṣṇustribhuvanagururdaityadalanaḥ nigīrṇau candrārkau druhiṇamaghavānau ca varadau nigīrṇāste sarve yamavaruṇavātāśca dhanadaḥ

तुम्हारी सेना उस विघस-दैत्य (गिलन) द्वारा आज निगल ली गई है, हे भगवन्! तीनों लोकों के गुरु, दैत्यों के संहारक विष्णु भी निगल लिए गए हैं; चन्द्रमा और सूर्य दोनों, वरदायक ब्रह्मा और इन्द्र दोनों निगल लिए गए हैं; यम, वरुण, वायु और कुबेर — वे सब भी निगल लिए गए हैं।

श्लोक 14 (shiva.rudra.184.14)

स्थितोऽस्म्येकः प्रह्वः किमिह करणीयं भवतु मे अजेयो दैत्येन्द्रः प्रमुदितमना दैत्यसहितः

sthito'smyekaḥ prahvaḥ kimiha karaṇīyaṁ bhavatu me ajeyo daityendraḥ pramuditamanā daityasahitaḥ

मैं अकेला विनम्र होकर यहाँ खड़ा हूँ — अब मुझे क्या करना चाहिए? वह दैत्येन्द्र अजेय है, अपने दैत्यों सहित प्रसन्नमन होकर विद्यमान है।

श्लोक 15 (shiva.rudra.184.15)

अजेयं त्वां प्राप्तः प्रतिभयमना मारुतगतिः स्वयं विष्णुर्देवः कनककशिपुं कश्यपसुतम् । नखैस्तीक्ष्णैर्भक्त्या तदपि भगवान् शिष्टवशगः प्रवृत्तस्त्रैलोक्यं विधमतु मलं व्यात्तवदनः

ajeyaṁ tvāṁ prāptaḥ pratibhayamanā mārutagatiḥ svayaṁ viṣṇurdevaḥ kanakakaśipuṁ kaśyapasutam nakhaistīkṣṇairbhaktyā tadapi bhagavān śiṣṭavaśagaḥ pravṛttastrailokyaṁ vidhamatu malaṁ vyāttavadanaḥ

(वीरक ने आगे कहा —) मरुत के समान गति वाले, अजेय, भयभीत मन वाले, स्वयं विष्णु देव ने भी कश्यप-पुत्र कनककशिपु को — अपने तीक्ष्ण नखों से ही, भक्तिवश शिष्ट-वश हो — त्रिलोक की मलिनता को दूर करते हुए, मुख फैलाकर निगल लिया था।

श्लोक 16 (shiva.rudra.184.16)

वसिष्ठाद्यैः शप्तो भुवनपतिभिः सप्तमुनिभिः तथाभूते भूयस्त्वमिति सुचिरं दैत्यसहितः

vasiṣṭhādyaiḥ śapto bhuvanapatibhiḥ saptamunibhiḥ tathābhūte bhūyastvamiti suciraṁ daityasahitaḥ

(वीरक ने आगे कहा —) वसिष्ठ आदि सप्तर्षियों द्वारा, लोकों के स्वामियों द्वारा शापित होकर, वह दीर्घकाल तक अपने दैत्यों सहित उसी दशा में पड़ा रहा।

श्लोक 17 (shiva.rudra.184.17)

ततस्तेनोक्तास्ते प्रणयवचनैरात्मनि हितैः कदास्माद्वै घोराद्भवति मम मोक्षो मुनिवराः । यतः क्रुद्धैरुक्तो विघसहरणाद्युद्धसमये ततो घोरैर्बाणैर्विदलितमुखे मुष्टिभिरलम्

tatastenoktāste praṇayavacanairātmani hitaiḥ kadāsmādvai ghorādbhavati mama mokṣo munivarāḥ yataḥ kruddhairukto vighasaharaṇādyuddhasamaye tato ghorairbāṇairvidalitamukhe muṣṭibhiralam

तब उन्होंने उससे प्रेमपूर्ण और हितकारी वचन कहे — हे श्रेष्ठ मुनियो! इस घोर दशा से मेरा मोक्ष कब होगा? क्योंकि क्रुद्ध होकर उससे कहा गया था कि युद्ध के समय उच्छिष्ट हरण करने के कारण, तीक्ष्ण बाणों और घूँसों से उसका मुख विदीर्ण कर दिया जाएगा।

श्लोक 18 (shiva.rudra.184.18)

बदर्याख्यारण्ये ननु हरिगृहे पुण्यवसतौ निसंस्तभ्यात्मानं विगतकलुषो यास्यसि परम् । ततस्तेषां वाक्यात्प्रतिदिनमसौ दैत्यगिलनः क्षुधार्तः सङ्ग्रामाद् भ्रमति पुनरामोदमुदितः

badaryākhyāraṇye nanu harigṛhe puṇyavasatau nisaṁstabhyātmānaṁ vigatakaluṣo yāsyasi param tatasteṣāṁ vākyātpratidinamasau daityagilanaḥ kṣudhārtaḥ saṅgrāmād bhramati punarāmodamuditaḥ

बदरी नामक वन में, हरि के पवित्र निवास में, अपने ही आत्मा को संयत कर, कलुष-रहित होकर, वह मुक्त हो जाएगा — उनके इसी वचन से, वह दैत्य-निगलने वाला मुख आज भी, भूख से पीड़ित होकर, रणभूमि से बार-बार भटकता रहता है, और फिर आमोद से भर उठता है।

श्लोक 19 (shiva.rudra.184.19)

तमश्चेदं घोरं जगदुदितयोः सूर्यशशिनो- र्यथाशुक्रस्तुभ्यं परमरिपुरत्यन्तविकरः । हतान्देवैर्दैत्यान्पुनरमृतविद्यास्तुतिपदैः सवीर्यान्सन्हृष्टान्व्रणशतवियुक्तान्प्रकुरुते

tamaścedaṁ ghoraṁ jagaduditayoḥ sūryaśaśino- ryathāśukrastubhyaṁ paramaripuratyantavikaraḥ hatāndevairdaityānpunaramṛtavidyāstutipadaiḥ savīryānsanhṛṣṭānvraṇaśataviyuktānprakurute

(वीरक ने आगे कहा —) जैसे सूर्य और चन्द्रमा के उदय होने पर यह घोर अन्धकार, वैसे ही शुक्र तुम्हारे लिए एक अत्यन्त भीषण शत्रु है — देवताओं द्वारा मारे गए दैत्यों को वह पुनः अमृत-विद्या और स्तुति-मन्त्रों से, बल और उत्साह से युक्त, सैकड़ों घावों से रहित बना देता है।

श्लोक 20 (shiva.rudra.184.20)

वरं प्राणास्त्याज्यास्तव मम तु सङ्ग्रामसमये भवान्साक्षीभूतः क्षणमपि वृतः कार्यकरणे

varaṁ prāṇāstyājyāstava mama tu saṅgrāmasamaye bhavānsākṣībhūtaḥ kṣaṇamapi vṛtaḥ kāryakaraṇe

(वीरक ने आगे कहा —) युद्ध के समय मेरे प्राण त्याग देना ही बेहतर है — आप, हे प्रभु, इस कार्य को सिद्ध करने के लिए एक क्षण के लिए भी साक्षी रहे।

श्लोक 21 (shiva.rudra.184.21)

सनत्कुमार उवाच । इतीदं सत्पुत्रात्प्रमथपतिराकर्ण्य कुपित- श्चिरं ध्यात्वा चक्रे त्रिभुवनपतिः प्रागनुपमम् । प्रगायत्सामाख्यं दिनकरकराकारवपुषा प्रहासात्तन्नाम्ना तदनु निहतं तेन च तमः

sanatkumāra uvāca itīdaṁ satputrātpramathapatirākarṇya kupita- ściraṁ dhyātvā cakre tribhuvanapatiḥ prāganupamam pragāyatsāmākhyaṁ dinakarakarākāravapuṣā prahāsāttannāmnā tadanu nihataṁ tena ca tamaḥ

सनत्कुमार ने कहा — अपने ही सच्चे पुत्र से यह सुनकर, प्रमथों के स्वामी शिव, त्रैलोक्य के अधिपति, क्रुद्ध होकर, बहुत देर तक ध्यान कर, पहले कभी न देखी हुई अनुपम रचना की — सूर्य की किरणों जैसे तेज वाले शरीर से, हास्यपूर्वक गाए जाने वाले 'प्रगायत् साम' नाम से, उसी नाम से उस अन्धकार का नाश कर दिया।

श्लोक 22 (shiva.rudra.184.22)

प्रकाशेऽस्मिँल्लोके पुनरपि महायुद्धमकरोद् रणे दैत्यैः सार्द्धं विकृतवदनैर्वीरकमुनिः । शिलाचूर्णं भुक्त्वा प्रवरमुनिना यस्तु जनितः स कृत्वा सण्ग्रामं पुरमपि पुरा यश्च जितवान्

prakāśe'smi~lloke punarapi mahāyuddhamakarod raṇe daityaiḥ sārddhaṁ vikṛtavadanairvīrakamuniḥ śilācūrṇaṁ bhuktvā pravaramuninā yastu janitaḥ sa kṛtvā saṇgrāmaṁ puramapi purā yaśca jitavān

उस लोक में प्रकाश फिर से हुआ, और सेज मुनि वीरक ने फिर उन विकृत-मुख दैत्यों के साथ महायुद्ध किया — शिलाओं के चूर्ण को खाकर उस श्रेष्ठ मुनि (शिव) से उत्पन्न वह वीरक, जिसने पहले संग्राम कर पुरी तक जीत ली थी,

श्लोक 23 (shiva.rudra.184.23)

महारुद्रः सद्यः स खलु दितिजेनातिगिलितः ततश्चासौ नन्दी निशितशरशूलासिसहितः । प्रधानो योधानां मुनिवरशतानामपि महान् निवासो विद्यानां शमदममहाधैर्यसहितः

mahārudraḥ sadyaḥ sa khalu ditijenātigilitaḥ tataścāsau nandī niśitaśaraśūlāsisahitaḥ pradhāno yodhānāṁ munivaraśatānāmapi mahān nivāso vidyānāṁ śamadamamahādhairyasahitaḥ

वह महारुद्र (महेश) भी तुरन्त उस दैत्य द्वारा भलीभाँति निगल लिए गए — तब वे नन्दी, तीक्ष्ण बाण, शूल और तलवार से युक्त, योद्धाओं में प्रमुख, सैकड़ों श्रेष्ठ मुनियों में महान्, शम, दम और महाधैर्य की विद्याओं के निवास —

श्लोक 24 (shiva.rudra.184.24)

निरीक्ष्यैवं पश्चाद् वृषभवरमारुह्य भगवान् कपर्दी युद्धार्थी विघसदितिजं सम्मुखमुखः । जपन्दिव्यं मन्त्रं निगलनविधानोद्गिलनकं स्थितः सज्जं कृत्वा धनुरशनिकल्पानपि शरान्

nirīkṣyaivaṁ paścād vṛṣabhavaramāruhya bhagavān kapardī yuddhārthī vighasaditijaṁ sammukhamukhaḥ japandivyaṁ mantraṁ nigalanavidhānodgilanakaṁ sthitaḥ sajjaṁ kṛtvā dhanuraśanikalpānapi śarān

यह सब देखकर, फिर श्रेष्ठ वृषभ पर सवार होकर, भगवान् कपर्दी, विघस-दैत्य के सम्मुख युद्ध की इच्छा से, दिव्य मन्त्र जपते हुए, निगलने और उगलने की विधि से, धनुष को सज्जित कर वज्र-सम बाणों को तैयार कर खड़े हो गए।

श्लोक 25 (shiva.rudra.184.25)

ततौ निष्कान्तोऽसौ विघसवदनाद्वीरकमुनि- र्गृहीत्वा तत्सर्वे स्वबलमतुलं विष्णुसहिताः । समुद्गीर्णाः सर्वे कमलजबलारीन्दुदिनपाः प्रहृष्टं तत्सैन्यं पुनरपि महायुद्धमकरोत्

tatau niṣkānto'sau vighasavadanādvīrakamuni- rgṛhītvā tatsarve svabalamatulaṁ viṣṇusahitāḥ samudgīrṇāḥ sarve kamalajabalārīndudinapāḥ prahṛṣṭaṁ tatsainyaṁ punarapi mahāyuddhamakarot

तब उस विघस के मुख से वह मुनि वीरक बाहर निकला, उसने अपनी सम्पूर्ण अतुलनीय सेना को, विष्णु सहित, ग्रहण कर लिया; सब उगले गए — ब्रह्मा, बल, अरि (शत्रु), चन्द्रमा, सूर्य — सभी; उस प्रसन्न सेना ने फिर से वह महायुद्ध छेड़ दिया।

श्लोक 26 (shiva.rudra.184.26)

जिते तस्मिन् शुक्रस्तदनु दितिजान्युद्धविहतान् यदा विद्यावीर्यात्पुनरपि सजीवान्प्रकुरुते । तदा बद्ध्वाऽऽनीतः पशुरिव गणैर्भूतपतये निगीर्णस्तेनासौ त्रिपुररिपुणा दानवगुरुः

jite tasmin śukrastadanu ditijānyuddhavihatān yadā vidyāvīryātpunarapi sajīvānprakurute tadā baddhvā''nītaḥ paśuriva gaṇairbhūtapataye nigīrṇastenāsau tripuraripuṇā dānavaguruḥ

उसके पराजित हो जाने पर, जब शुक्र, युद्ध में मारे गए दैत्यों को अपनी विद्या और वीर्य से फिर से जीवित करने लगा, तब उसे पशु के समान बाँधकर गणों द्वारा भूतपति (शिव) के पास लाया गया — और उस त्रिपुरारि ने उस दानव-गुरु को निगल लिया।

श्लोक 27 (shiva.rudra.184.27)

विनष्टे शुक्राख्ये सुररिपुनिवासस्तदखिलो जितो ध्वस्तो भग्नो भृशमपि सुरैश्चापि दलितम् । प्रभूतैर्भूतौघैर्दितिजकुणपग्रासरसिकैः सरुण्डैर्नृत्यद्भिर्निशितशरशक्त्युद्धृतकरैः

vinaṣṭe śukrākhye suraripunivāsastadakhilo jito dhvasto bhagno bhṛśamapi suraiścāpi dalitam prabhūtairbhūtaughairditijakuṇapagrāsarasikaiḥ saruṇḍairnṛtyadbhirniśitaśaraśaktyuddhṛtakaraiḥ

शुक्र के नष्ट हो जाने पर, देवताओं के शत्रुओं का वह सम्पूर्ण आश्रय पराजित, ध्वस्त और चूर-चूर हो गया, देवताओं द्वारा भलीभाँति दलित कर दिया गया — प्रभूत भूत-समूहों द्वारा, दैत्यों के शवों को खा-खाकर आनन्दित होते हुए, कटे हुए धड़ों वाले प्राणियों द्वारा, तीखे बाणों और शक्तियों से उठाए गए हाथों वाले प्राणियों द्वारा नृत्य करते हुए,

श्लोक 28 (shiva.rudra.184.28)

प्रमत्तैर्वेतालैःसुदृढकरतुण्डैरपि खगै- वृकैर्नानाभेदैः शवकुणपपूर्णास्यकवलैः । विकीर्णे सङ्ग्रामे कनककशिपोर्वंशजनक श्चिरं युद्धं कृत्वा हरिहरमहेन्द्रैश्च विजितः

pramattairvetālaiḥsudṛḍhakaratuṇḍairapi khagai- vṛkairnānābhedaiḥ śavakuṇapapūrṇāsyakavalaiḥ vikīrṇe saṅgrāme kanakakaśiporvaṁśajanaka ściraṁ yuddhaṁ kṛtvā hariharamahendraiśca vijitaḥ

उन्मत्त वेतालों द्वारा, कठोर पंजों और चोंचों वाले पक्षियों द्वारा, नाना प्रकार के भेड़ियों द्वारा, शवों और मुर्दों के टुकड़ों से भरे मुख वाले प्राणियों द्वारा उस बिखरे हुए युद्धक्षेत्र में — कनककशिपु के वंश का वह जनक, हरि, हर और महेन्द्र से दीर्घकाल युद्ध कर, अन्ततः पराजित हो गया।

श्लोक 29 (shiva.rudra.184.29)

प्रविष्टे पाताले गिरिजलधिरन्ध्राण्यपि तथा ततः सैन्ये क्षीणे दितिजवृषभश्चान्धकवरः । प्रकोपे देवानां कदनदवरो विश्वदलनो गदाघातैर्घोरैर्विदलितमदश्चापि हरिणा

praviṣṭe pātāle girijaladhirandhrāṇyapi tathā tataḥ sainye kṣīṇe ditijavṛṣabhaścāndhakavaraḥ prakope devānāṁ kadanadavaro viśvadalano gadāghātairghorairvidalitamadaścāpi hariṇā

उसके पाताल में, पर्वतों की गुफाओं में और समुद्र के गहरे विवरों में प्रवेश कर जाने पर, सेना क्षीण हो जाने पर, वह दानवों में श्रेष्ठ, वह अन्धक, देवताओं को प्रकुपित करते हुए, संहार-कार्यों में रत, विश्व को क्षुब्ध करने वाला — विष्णु की भीषण गदा के प्रहारों से उसका मद भी चूर-चूर कर दिया गया।

श्लोक 30 (shiva.rudra.184.30)

न वै यः सग्रामं त्यजति वरलब्धः किल यतः तदा ताडैर्घोरैस्त्रिदशपतिना पीडिततनुः । ततः शस्त्रास्त्रौघैस्तरुगिरिजलैश्चाशु विबुधान् जिगायोच्चैर्गर्जन्प्रमथपतिमाहूय शनकैः

na vai yaḥ sagrāmaṁ tyajati varalabdhaḥ kila yataḥ tadā tāḍairghoraistridaśapatinā pīḍitatanuḥ tataḥ śastrāstraughaistarugirijalaiścāśu vibudhān jigāyoccairgarjanpramathapatimāhūya śanakaiḥ

जो, वरदान से लब्ध होकर, रणभूमि कभी नहीं छोड़ता — उसे देवताओं के स्वामी (इन्द्र) ने भीषण प्रहारों से पीड़ित कर दिया; तब शस्त्रों और अस्त्रों की झड़ी, वृक्षों और पर्वतों के प्रवाह से देवताओं को शीघ्रता से जीतते हुए, वह ऊँचे स्वर में गरजते हुए, प्रमथों के स्वामी को ललकारने लगा।

श्लोक 31 (shiva.rudra.184.31)

स्थितो युद्धं कुर्वन् रणपतितशस्त्रैर्बहुविधैः परिक्षीणैः सर्वैस्तदनु गिरिजारुद्रमतुदत् । तथा वृक्षैः सर्पैरशनिनिवहैः शस्त्रपटलै- र्विरूपैर्मायाभिः कपटरचनाशम्बरशतैः

sthito yuddhaṁ kurvan raṇapatitaśastrairbahuvidhaiḥ parikṣīṇaiḥ sarvaistadanu girijārudramatudat tathā vṛkṣaiḥ sarpairaśaninivahaiḥ śastrapaṭalai- rvirūpairmāyābhiḥ kapaṭaracanāśambaraśataiḥ

वहीं खड़ा होकर, रणभूमि में गिरे नाना प्रकार के शस्त्रों से युद्ध करते हुए, वे सब क्षीण हो जाने पर, उसने पर्वतराज-पुत्री सहित रुद्र को भी पीड़ित कर दिया — इसी तरह वृक्षों, सर्पों, वज्र-समूहों और शस्त्रों के जालों से, विरूप रूपों और मायाओं से, सैकड़ों कपटपूर्ण रचनाओं और शाम्बरी माया से,

श्लोक 32 (shiva.rudra.184.32)

विजेतुं शैलेशं कुहकमपरं तत्र कृतवान् महासत्त्वो वीरस्त्रिपुररिपुतुल्यश्च मतिमान् । न वध्यो देवानां वरशतमनोन्मादविवशः प्रभूतैः शस्त्रास्त्रैः सपदि दितिजो जर्जरतनुः

vijetuṁ śaileśaṁ kuhakamaparaṁ tatra kṛtavān mahāsattvo vīrastripurariputulyaśca matimān na vadhyo devānāṁ varaśatamanonmādavivaśaḥ prabhūtaiḥ śastrāstraiḥ sapadi ditijo jarjaratanuḥ

पर्वतों के स्वामी शिव को जीतने के लिए उसने वहाँ एक और छलपूर्ण रचना भी रची — वह महाबली वीर, त्रिपुरारि के ही तुल्य बुद्धिमान्, सैकड़ों वरदानों के मद से अजेय-चित्त होकर, देवताओं द्वारा भी न मारे जाने योग्य, अनेक शस्त्रों और अस्त्रों से तत्काल जर्जरित शरीर वाला वह दैत्य,

श्लोक 33 (shiva.rudra.184.33)

तदीयाद्विष्यन्दात्क्षितितलगतैरन्धकगणै- रतिव्याप्तं घोरं विकृतवदनं स्वात्मसदृशम् । दधत्कल्पान्ताग्निप्रतिमवपुषा भूतपतिना त्रिशूले नोद्भिन्नस्त्रिपुररिपुणा दारुणतरम्

tadīyādviṣyandātkṣititalagatairandhakagaṇai- rativyāptaṁ ghoraṁ vikṛtavadanaṁ svātmasadṛśam dadhatkalpāntāgnipratimavapuṣā bhūtapatinā triśūle nodbhinnastripuraripuṇā dāruṇataram

अपने ही उस रक्त-प्रवाह से, धरती पर गिरे हुए अन्धक-गणों (रक्त-बूँदों से उत्पन्न प्राणियों) से समस्त क्षेत्र व्याप्त हो गया — घोर, विकृत-मुख, अपने ही समान असंख्य रूपों को धारण करते हुए, कल्पान्त की अग्नि के समान शरीर वाले भूतपति (शिव) ने अपने त्रिशूल से उसे और भी अधिक भयङ्कर रूप से बींध डाला।

श्लोक 34 (shiva.rudra.184.34)

यदा सैन्यात्सैन्यं पशुपतिहतादन्यदभवद्- व्रणोत्थैरत्युष्णैः पिशितनिसृतैर्बिन्दुभिरलम् । तदा विष्णुर्योगात्प्रमथपतिमाहूय मतिमान् चकारोग्रं रूपं विकृतवदनं स्त्रैणमजितम्

yadā sainyātsainyaṁ paśupatihatādanyadabhavad- vraṇotthairatyuṣṇaiḥ piśitanisṛtairbindubhiralam tadā viṣṇuryogātpramathapatimāhūya matimān cakārograṁ rūpaṁ vikṛtavadanaṁ straiṇamajitam

जब उस पशुपति के प्रहार से एक सेना से दूसरी सेना उत्पन्न हो गई, घावों से बहते अत्यन्त गर्म, मांस-मिश्रित रक्त-बूँदों से भरपूर, तब बुद्धिमान् विष्णु ने योग-शक्ति से प्रमथों के स्वामी को बुलाकर, स्त्री-रूप में, विकृत मुख वाला, अजेय, भयङ्कर रूप धारण किया।

श्लोक 35 (shiva.rudra.184.35)

करालं संशुष्कं बहुभुजलताक्रान्तकुपितो विनिष्क्रान्तः कर्णाद्गणशिरसि शम्भोश्च भगवान्

karālaṁ saṁśuṣkaṁ bahubhujalatākrāntakupito viniṣkrāntaḥ karṇādgaṇaśirasi śambhośca bhagavān

भयंकर, सूखी हुई, अनेक भुजाओं की लताओं से आच्छादित, क्रोध से भरी हुई, वह भगवती कान से निकलकर, गणों के प्रमुख शम्भु के सिर पर प्रकट हुई।

श्लोक 36 (shiva.rudra.184.36)

रणस्था सा देवी चरणयुगलालङ्कृतमही स्तुता देवैः सर्वैः तदनु भगवान् प्रेरितमतिः । क्षुधार्ता तत्सैन्यं दितिजनिसृतं तच्च रुधिरं पपौ सात्युष्णं तद्रणशिरसि सृक्कर्दममलम्

raṇasthā sā devī caraṇayugalālaṅkṛtamahī stutā devaiḥ sarvaiḥ tadanu bhagavān preritamatiḥ kṣudhārtā tatsainyaṁ ditijanisṛtaṁ tacca rudhiraṁ papau sātyuṣṇaṁ tadraṇaśirasi sṛkkardamamalam

रणभूमि में खड़ी वह देवी, अपने दोनों चरणों से पृथ्वी को अलंकृत करती हुई, समस्त देवताओं द्वारा स्तुत हुई; तब भगवान् शिव द्वारा प्रेरित होकर, भूख से व्याकुल होकर, वह भगवती उस दैत्यों से बहते उस रक्त को — रणभूमि में मुख से टपकते हुए उस अत्यन्त गर्म, निर्मल रक्त-कीचड़ को — पी गई।

श्लोक 37 (shiva.rudra.184.37)

ततस्त्वेको दैत्यस्तदपि युयुधे शुष्करुधिरः तलाघातैर्घोरैरशनिसदृशैर्जानुचरणैः । नखैर्वज्राकारैर्मुखभुजशिरोभिश्च गिरिशं स्मरन् क्षात्रं धर्मं स्वकुलविहितं शाश्वतमजम्

tatastveko daityastadapi yuyudhe śuṣkarudhiraḥ talāghātairghorairaśanisadṛśairjānucaraṇaiḥ nakhairvajrākārairmukhabhujaśirobhiśca giriśaṁ smaran kṣātraṁ dharmaṁ svakulavihitaṁ śāśvatamajam

तब वह एकाकी दैत्य भी, अपना रक्त सूख जाने पर भी, अपने घुटनों और चरणों के तल-प्रहारों से, वज्र के समान घोर प्रहारों से, अपने नखों को वज्र-सम बनाकर, अपने मुख, भुजाओं और सिर से गिरीश के साथ ही युद्ध करता रहा — अपने कुल में विहित शाश्वत क्षात्र-धर्म का स्मरण करते हुए।

श्लोक 38 (shiva.rudra.184.38)

रणे शान्तः पश्चात्प्रमथपतिना भिन्नहृदय- स्त्रिशूले सम्प्रोतो नभसि विधृतः स्थाणुसदृशः । अधःकायः शुष्कस्तपनकिरणैर्जीर्णतनुमान् जलासारैर्मेघैः पवनसहितैः क्लेदितवपुः

raṇe śāntaḥ paścātpramathapatinā bhinnahṛdaya- striśūle samproto nabhasi vidhṛtaḥ sthāṇusadṛśaḥ adhaḥkāyaḥ śuṣkastapanakiraṇairjīrṇatanumān jalāsārairmeghaiḥ pavanasahitaiḥ kleditavapuḥ

अन्ततः वह प्रमथों के स्वामी द्वारा युद्ध में शान्त कर दिया गया — उसका हृदय बींध दिया गया, त्रिशूल पर पिरोया गया, आकाश में स्थाणु के समान धारण किया गया — उसका निचला शरीर सूर्य की किरणों से सूख गया, और उसका जीर्ण शरीर वर्षा और वायु से भरे बादलों से भीग गया।

श्लोक 39 (shiva.rudra.184.39)

विशीर्णस्तिग्मांशोस्तुहिनशकलाकारशकल- स्तथाभूतः प्राणांस्तदपि न जहौ दैत्यवृषभः । तदा तुष्टः शम्भुः परमकरुणावारिधिरसौ ददौ तस्मै प्रीत्या गणपतिपदं तेन विनुतः

viśīrṇastigmāṁśostuhinaśakalākāraśakala- stathābhūtaḥ prāṇāṁstadapi na jahau daityavṛṣabhaḥ tadā tuṣṭaḥ śambhuḥ paramakaruṇāvāridhirasau dadau tasmai prītyā gaṇapatipadaṁ tena vinutaḥ

सूर्य की किरणों से क्षीण होकर, हिम के टुकड़ों जैसे टुकड़ों में बिखरकर, ऐसी अवस्था में भी वह श्रेष्ठ दैत्य अपने प्राण नहीं छोड़ता था — तब अत्यन्त करुणा-सागर शम्भु प्रसन्न हो गए, और स्तुति करने वाले उस दैत्य को प्रीतिपूर्वक गणपति-पद प्रदान कर दिया।

श्लोक 40 (shiva.rudra.184.40)

ततो युद्धस्यान्ते भुवनपतयः सार्थ रमणै- स्तवैर्नानाभेदैः प्रमथपतिमभ्यर्च्य विधिवत् । हरिब्रह्माद्यास्ते परमनुतिभिः तुष्टुवुरलं नतस्कन्धाः प्रीता जय जय गिरं प्रोच्य सुखिताः

tato yuddhasyānte bhuvanapatayaḥ sārtha ramaṇai- stavairnānābhedaiḥ pramathapatimabhyarcya vidhivat haribrahmādyāste paramanutibhiḥ tuṣṭuvuralaṁ nataskandhāḥ prītā jaya jaya giraṁ procya sukhitāḥ

तब युद्ध की समाप्ति पर, लोकों के स्वामी, हरि, ब्रह्मा आदि, अपने-अपने स्तोत्रों के नाना भेदों से, प्रमथों के स्वामी की विधिपूर्वक पूजा करके, महान् स्तुतियों से उन्हें भलीभाँति संतुष्ट कर, सिर झुकाए, प्रसन्न होकर 'जय-जय' का उद्घोष करते हुए सुखी हुए।

श्लोक 41 (shiva.rudra.184.41)

हरस्तैस्तैः सार्धं गिरिवरगुहायां प्रमुदितो विसृज्यैकानंशान् विविधबलिना पूज्यसुनगान् । चकाराज्ञां क्रीडां गिरिवरसुतां प्राप्य मुदितां तथा पुत्रं घोराद्विघसवदनान्मुक्तमनघम्

harastaistaiḥ sārdhaṁ girivaraguhāyāṁ pramudito visṛjyaikānaṁśān vividhabalinā pūjyasunagān cakārājñāṁ krīḍāṁ girivarasutāṁ prāpya muditāṁ tathā putraṁ ghorādvighasavadanānmuktamanagham

तब हर, उन सबके साथ, उस पर्वतराज की गुहा में हर्षित होकर, अपने भिन्न-भिन्न अंशों को नाना बलियों से पूज्य विसर्जित कर, अपनी पर्वतराज-कन्या (पार्वती) को पाकर प्रसन्न होकर क्रीड़ा करने लगे, और अपने पुत्र को — जो उस घोर विघस-मुख से मुक्त हो चुका था — भी निष्पाप जानकर, अपनी आज्ञा से क्रीड़ा में सम्मिलित किया।