अन्धक-युद्ध में शुक्र-निगीर्णन-वर्णन

श्लोक 1 (shiva.rudra.185.1)

व्यास उवाच । तस्मिन्महति सङ्ग्रामे दारुणे लोमहर्षणे । शुक्रो दैत्यपतिर्विद्वान् भक्षितस्त्रिपुरारिणा

vyāsa uvāca tasminmahati saṅgrāme dāruṇe lomaharṣaṇe śukro daityapatirvidvān bhakṣitastripurāriṇā

व्यास ने कहा — उस महान्, भीषण, रोमांचकारी संग्राम में, विद्वान् दैत्यपति शुक्र त्रिपुरारि (शिव) द्वारा निगल लिए गए थे।

श्लोक 2 (shiva.rudra.185.2)

इति श्रुतं समासान्मे तत्पुनर्ब्रूहि विस्तरात् । किं चकार महायोगी जठरस्थः पिनाकिनः

iti śrutaṁ samāsānme tatpunarbrūhi vistarāt kiṁ cakāra mahāyogī jaṭharasthaḥ pinākinaḥ

यह मैंने संक्षेप में सुना है, अब उसे विस्तार से पुनः बताइए — उस महायोगी ने शिव के उदर में रहते हुए क्या किया?

श्लोक 3 (shiva.rudra.185.3)

न ददाह कथं शम्भोः शुक्रं तं जठरानलः । कल्पान्तदहनः कालो दीप्ततेजाश्च भार्गवः

na dadāha kathaṁ śambhoḥ śukraṁ taṁ jaṭharānalaḥ kalpāntadahanaḥ kālo dīptatejāśca bhārgavaḥ

शम्भु के उदर की अग्नि ने उस शुक्र को क्यों नहीं भस्म किया, जो प्रलय-अग्नि के समान काल और अत्यन्त तेजस्वी भार्गव थे?

श्लोक 4 (shiva.rudra.185.4)

विनिष्क्रान्तः कथं धीमान् शम्भोर्जठरपञ्जरात् । कथमाराधयामास कियत्कालं स भार्गवः

viniṣkrāntaḥ kathaṁ dhīmān śambhorjaṭharapañjarāt kathamārādhayāmāsa kiyatkālaṁ sa bhārgavaḥ

वह बुद्धिमान् भार्गव शम्भु के उदर-पंजर से कैसे बाहर निकला? उसने कितने काल तक और कैसे उनकी आराधना की?

श्लोक 5 (shiva.rudra.185.5)

कथं च लब्धवान्विद्यां तां मृत्युशमनीं पराम् । का सा विद्या परा तात यया मृत्युर्हि वार्यते

kathaṁ ca labdhavānvidyāṁ tāṁ mṛtyuśamanīṁ parām kā sā vidyā parā tāta yayā mṛtyurhi vāryate

और मृत्यु को शान्त करने वाली वह श्रेष्ठ विद्या उसने कैसे प्राप्त की? हे तात! वह श्रेष्ठ विद्या क्या है जिससे मृत्यु को भी रोका जा सकता है?

श्लोक 6 (shiva.rudra.185.6)

लेभेऽन्धको गाणपत्यं कथं शूलाद्विनिर्गतः । देवदेवस्य वै शम्भोर्मुनेर्लीलाविहारिणः

lebhe'ndhako gāṇapatyaṁ kathaṁ śūlādvinirgataḥ devadevasya vai śambhormunerlīlāvihāriṇaḥ

शूल से निकलकर अन्धक ने गणाधिपत्य कैसे प्राप्त किया — देवाधिदेव, नाना लीलाओं में विहार करने वाले मुनि शम्भु से?

श्लोक 7 (shiva.rudra.185.7)

एतत्सर्वमशेषेण महाधीमन् कृपां कुरु । शिवलीलामृतं तात शृण्वतः कथयस्व मे

etatsarvamaśeṣeṇa mahādhīman kṛpāṁ kuru śivalīlāmṛtaṁ tāta śṛṇvataḥ kathayasva me

हे महाबुद्धिमान्! यह सब कुछ विस्तार से कृपा करके सुनाइए — हे तात! सुनने वाले मुझे शिव की इस लीला-अमृत-कथा को सुनाइए।

श्लोक 8 (shiva.rudra.185.8)

ब्रह्मोवाच । इति तस्य वचः श्रुत्वा व्यासस्यामिततेजसः । सनत्कुमारः प्रोवाच स्मृत्वा शिवपदाम्बुजम्

brahmovāca iti tasya vacaḥ śrutvā vyāsasyāmitatejasaḥ sanatkumāraḥ provāca smṛtvā śivapadāmbujam

ब्रह्मा ने कहा — अपार तेजस्वी व्यास के इस वचन को सुनकर, शिव के चरण-कमलों का स्मरण करते हुए, सनत्कुमार ने कहा।

श्लोक 9 (shiva.rudra.185.9)

सनत्कुमार उवाच । शृणु व्यास महाबुद्धे शिवलीलामृतं परम् । धन्यस्त्वं शैवमुख्योऽसि ममानन्दकरः स्वतः

sanatkumāra uvāca śṛṇu vyāsa mahābuddhe śivalīlāmṛtaṁ param dhanyastvaṁ śaivamukhyo'si mamānandakaraḥ svataḥ

सनत्कुमार ने कहा — हे व्यास, महाबुद्धिमान्! शिव की इस श्रेष्ठ लीला-अमृत-कथा को सुनो — तुम धन्य हो, शैव-भक्तों में श्रेष्ठ हो, और स्वतः ही मुझे आनन्द देने वाले हो।

श्लोक 10 (shiva.rudra.185.10)

प्रवर्तमाने समरे शङ्करान्धकयोस्तयोः । अनिर्भेद्यपविव्यूहगिरिव्यूहाधिनाथयोः

pravartamāne samare śaṅkarāndhakayostayoḥ anirbhedyapavivyūhagirivyūhādhināthayoḥ

शङ्कर और अन्धक के बीच युद्ध छिड़ने पर, दोनों ओर की सेनाएँ अभेद्य पर्वत-सी व्यूह-रचना में स्थित थीं।

श्लोक 11 (shiva.rudra.185.11)

पुरा जयो बभूवापि दैत्यानां बलशालिनाम् । शिवप्रभावादभवत्प्रमथानां मुने जयः

purā jayo babhūvāpi daityānāṁ balaśālinām śivaprabhāvādabhavatpramathānāṁ mune jayaḥ

हे मुनि! पहले बलशाली दैत्यों की ही विजय हुई थी, किन्तु शिव के प्रभाव से बाद में प्रमथों की विजय हुई।

श्लोक 12 (shiva.rudra.185.12)

तच्छ्रुत्वासीद्विषण्णो हि महादैत्योऽन्धकासुरः । कथं स्यान्मे जय इति विचारणपरोऽभवत्

tacchrutvāsīdviṣaṇṇo hi mahādaityo'ndhakāsuraḥ kathaṁ syānme jaya iti vicāraṇaparo'bhavat

यह सुनकर वह महादैत्य अन्धक विषण्ण हो गया, और यह विचार करने लगा कि मेरी विजय कैसे हो।

श्लोक 13 (shiva.rudra.185.13)

अपसृत्य ततो युद्धादन्धकः परबुद्धिमान् । द्रुतमभ्यगमद्वीर एकलः शुक्रसन्निधिम्

apasṛtya tato yuddhādandhakaḥ parabuddhimān drutamabhyagamadvīra ekalaḥ śukrasannidhim

तब वह बुद्धिमान् अन्धक युद्ध से हटकर, अकेला वीर, शीघ्रता से शुक्र के समीप गया।

श्लोक 14 (shiva.rudra.185.14)

प्रणम्य स्वगुरुं काव्यमवरुह्य रथाच्च सः । बभाषेदं विचार्याथ साञ्जलिर्नीतिवित्तमः

praṇamya svaguruṁ kāvyamavaruhya rathācca saḥ babhāṣedaṁ vicāryātha sāñjalirnītivittamaḥ

अपने गुरु काव्य (शुक्र) को प्रणाम कर, रथ से उतरकर, विचारपूर्वक, हाथ जोड़े, नीति में निपुण उसने यह कहा।

श्लोक 15 (shiva.rudra.185.15)

अन्धक उवाच । भगवंस्त्वामुपाश्रित्य गुरोर्भावं वहामहे । पराजिता भवामो नो सर्वदा जयशालिनः

andhaka uvāca bhagavaṁstvāmupāśritya gurorbhāvaṁ vahāmahe parājitā bhavāmo no sarvadā jayaśālinaḥ

अन्धक ने कहा — हे भगवन्! आपकी शरण लेकर हम गुरु के प्रति सच्चा भाव धारण करते हैं — हम पराजित कभी नहीं होते, सदा विजय पाने वाले ही रहे हैं।

श्लोक 16 (shiva.rudra.185.16)

त्वत्प्रभावात्सदा देवान्समस्तान्सानुगान्वयम् । मन्यामहे हरोपेन्द्रमुखानपि हि कत्तृणान्

tvatprabhāvātsadā devānsamastānsānugānvayam manyāmahe haropendramukhānapi hi kattṛṇān

आपके ही प्रभाव से हम सदा समस्त देवताओं को, हरि और इन्द्र आदि को भी, तुच्छ तिनके के समान मानते रहे हैं।

श्लोक 17 (shiva.rudra.185.17)

अस्मत्तो बिभ्यति सुराः तदा भवदनुग्रहात् । गजा इव हरिभ्यश्च तार्क्ष्येभ्य इव पन्नगाः

asmatto bibhyati surāḥ tadā bhavadanugrahāt gajā iva haribhyaśca tārkṣyebhya iva pannagāḥ

आपके ही अनुग्रह से देवता हमसे उसी प्रकार भयभीत रहते हैं जैसे हाथी सिंहों से और सर्प गरुड़ों से डरते हैं।

श्लोक 18 (shiva.rudra.185.18)

अनिर्भेद्यं पविव्यूहं विविशुर्दैत्यदानवाः । प्रमथानीकमखिलं विधूय त्वदनुग्रहात्

anirbhedyaṁ pavivyūhaṁ viviśurdaityadānavāḥ pramathānīkamakhilaṁ vidhūya tvadanugrahāt

आपके अनुग्रह से ही असुर और दैत्य, प्रमथों की सम्पूर्ण सेना को छिन्न-भिन्न कर, अभेद्य पर्वत-व्यूह में प्रविष्ट हुए हैं।

श्लोक 19 (shiva.rudra.185.19)

वयं त्वच्छरणा भूत्वा सदा गा इव निश्चलाः । स्थित्वा चरामो निःशङ्कमाजावपि हि भार्गव

vayaṁ tvaccharaṇā bhūtvā sadā gā iva niścalāḥ sthitvā carāmo niḥśaṅkamājāvapi hi bhārgava

आपकी शरण लेकर हम स्थिर गायों के समान, निःशंक होकर, हे भार्गव! युद्ध में भी विचरण करते हैं।

श्लोक 20 (shiva.rudra.185.20)

रक्षरक्षाभितो विप्र प्रव्रज्य शरणागतान् । असुरान् शत्रुभिर्वीरैरर्दितांश्च मृतानपि

rakṣarakṣābhito vipra pravrajya śaraṇāgatān asurān śatrubhirvīrairarditāṁśca mṛtānapi

हे विप्र! आप शरणागतों की सब ओर से रक्षा करते हैं — शत्रुओं द्वारा पीड़ित और मारे गए असुरों को भी देखिए,

श्लोक 21 (shiva.rudra.185.21)

प्रथमैर्भीमविक्रान्तैः क्रान्तान्मृत्युप्रमाथिभिः । सूदितान्पतितान्पश्य हुण्डादीन्मद्गणान्वरान्

prathamairbhīmavikrāntaiḥ krāntānmṛtyupramāthibhiḥ sūditānpatitānpaśya huṇḍādīnmadgaṇānvarān

मृत्यु का नाश करने वाले, भयङ्कर पराक्रमी पहले के प्रमुख (योद्धाओं) द्वारा मारे गए, गिरे हुए, मेरे श्रेष्ठ हुण्ड आदि गणों को देखिए।

श्लोक 22 (shiva.rudra.185.22)

यः पीत्वा कणधूमं वै सहस्रं शरदां पुरा । त्वया प्राप्ता वरा विद्या तस्याः कालोऽयमागतः

yaḥ pītvā kaṇadhūmaṁ vai sahasraṁ śaradāṁ purā tvayā prāptā varā vidyā tasyāḥ kālo'yamāgataḥ

जो, पूर्वकाल में हजारों वर्षों तक कणों का धुआँ पीकर, आपने वह श्रेष्ठ विद्या प्राप्त की थी — उसका समय अब आ पहुँचा है।

श्लोक 23 (shiva.rudra.185.23)

अद्य विद्याफलं तत्ते सर्वे पश्यन्तु भार्गव । प्रमथा असुरान्सर्वान् कृपया जीवयिष्यतः

adya vidyāphalaṁ tatte sarve paśyantu bhārgava pramathā asurānsarvān kṛpayā jīvayiṣyataḥ

हे भार्गव! आज उस विद्या का फल सब देखें — कृपा करके प्रमथों द्वारा मारे गए इन सब असुरों को जीवित कर दीजिए।

श्लोक 24 (shiva.rudra.185.24)

सनत्कुमार उवाच । इत्थमन्धकवाक्यं स श्रुत्वा धीरो हि भार्गवः । तदा विचारयामास दूयमानेन चेतसा

sanatkumāra uvāca itthamandhakavākyaṁ sa śrutvā dhīro hi bhārgavaḥ tadā vicārayāmāsa dūyamānena cetasā

सनत्कुमार ने कहा — धीर भार्गव ने अन्धक के इन वचनों को सुनकर, व्यथित चित्त से यह विचार करने लगा।

श्लोक 25 (shiva.rudra.185.25)

किं कर्तव्यं मयाद्यापि क्षेमं मे स्यात्कथं त्विति । सन्निपातविधिर्जीवः सर्वथानुचितो मम

kiṁ kartavyaṁ mayādyāpi kṣemaṁ me syātkathaṁ tviti sannipātavidhirjīvaḥ sarvathānucito mama

अब मुझे क्या करना चाहिए, और मेरा कल्याण किस प्रकार होगा — इस दुविधापूर्ण स्थिति में पड़ना मेरे लिए किसी भी तरह उचित नहीं है।

श्लोक 26 (shiva.rudra.185.26)

विद्येयं शङ्करात्प्राप्ता तद्गुणान् प्रति योजये । तद्रणे मर्दितान्वीरैः प्रमथैः शङ्करानुगैः

vidyeyaṁ śaṅkarātprāptā tadguṇān prati yojaye tadraṇe marditānvīraiḥ pramathaiḥ śaṅkarānugaiḥ

यह विद्या मैंने शङ्कर से ही प्राप्त की है, अतः इसे उन्हीं के गुणों के लिए प्रयुक्त करूँ — किन्तु ये (दैत्य) तो शङ्कर के अनुगामी वीर प्रमथों द्वारा ही रणभूमि में कुचले गए हैं।

श्लोक 27 (shiva.rudra.185.27)

शरणागतधर्मोऽथ प्रवरः सर्वतो हृदा । विचार्य शुक्रेण धिया तद्वाणी स्वीकृता तदा

śaraṇāgatadharmo'tha pravaraḥ sarvato hṛdā vicārya śukreṇa dhiyā tadvāṇī svīkṛtā tadā

दूसरी ओर, शरणागत की रक्षा करना भी सर्वोच्च धर्म है, जिसे हृदय से सब प्रकार पालन करना चाहिए' — इस प्रकार बुद्धिपूर्वक विचार कर, शुक्र ने अन्धक के उस वचन को स्वीकार कर लिया।

श्लोक 28 (shiva.rudra.185.28)

किञ्चित्स्मितं तदा कृत्वा सोऽब्रवीद्दानवाधिपम् । भार्गवः शिवपादाब्जं स्मृत्वा स्वस्थेन चेतसा

kiñcitsmitaṁ tadā kṛtvā so'bravīddānavādhipam bhārgavaḥ śivapādābjaṁ smṛtvā svasthena cetasā

तब कुछ मुस्कुराते हुए, शिव के चरण-कमलों का स्मरण कर, स्वस्थ चित्त से, उस भार्गव ने दानवाधिप से यह कहा।

श्लोक 29 (shiva.rudra.185.29)

शुक्र उवाच । यत्त्वया भाषितं तात तत्सर्वं तथ्यमेव हि । एतद्विद्योपार्जनं हि दानवार्थं कृतं मया

śukra uvāca yattvayā bhāṣitaṁ tāta tatsarvaṁ tathyameva hi etadvidyopārjanaṁ hi dānavārthaṁ kṛtaṁ mayā

शुक्र ने कहा — हे तात! तुमने जो कुछ कहा, वह सब सत्य ही है — यह विद्या मैंने दानवों के ही हित के लिए अर्जित की थी।

श्लोक 30 (shiva.rudra.185.30)

दुःसहं कणधूमं वै पीत्वा वर्षसहस्रकम् । विद्येयमीश्वरात्प्राप्ता बन्धूनां सुखदा सदा

duḥsahaṁ kaṇadhūmaṁ vai pītvā varṣasahasrakam vidyeyamīśvarātprāptā bandhūnāṁ sukhadā sadā

हजार वर्षों तक दुःसह कणों का धुआँ पीकर, मैंने ईश्वर से यह विद्या प्राप्त की थी, जो अपने बन्धुओं को सदा सुख देने वाली है।

श्लोक 31 (shiva.rudra.185.31)

प्रमथैर्मथितान्दैत्यान् रणेऽहं विद्ययानया । उत्थापयिष्ये म्लानानि शस्यानि जलभुग्यथा

pramathairmathitāndaityān raṇe'haṁ vidyayānayā utthāpayiṣye mlānāni śasyāni jalabhugyathā

इस विद्या से, प्रमथों द्वारा युद्ध में मथे गए दैत्यों को मैं ही उठाऊँगा, जैसे जल पीने वाला (मेघ) मुरझाई फसलों को फिर से उठा देता है।

श्लोक 32 (shiva.rudra.185.32)

निर्व्रणान्नीरुजः स्वस्थान् सुप्त्वेव पुनरुत्थितान् । मुहूर्तेऽस्मिंश्च द्रष्टासि दैत्यांस्तानुत्थितान्निजान्

nirvraṇānnīrujaḥ svasthān suptveva punarutthitān muhūrte'smiṁśca draṣṭāsi daityāṁstānutthitānnijān

घावों से मुक्त, रोगमुक्त, स्वस्थ, मानो सोकर उठे हुए के समान — इसी क्षण तुम अपने उन उठे हुए दैत्यों को देखोगे।

श्लोक 33 (shiva.rudra.185.33)

सनत्कुमार उवाच । इत्युक्त्वा सोऽधकं शुक्रो विद्यामावर्तयत्कविः । एकैकं दैत्यमुद्दिश्य स्मृत्वा विद्येशमादरात्

sanatkumāra uvāca ityuktvā so'dhakaṁ śukro vidyāmāvartayatkaviḥ ekaikaṁ daityamuddiśya smṛtvā vidyeśamādarāt

सनत्कुमार ने कहा — यह कहकर, उस कवि शुक्र ने अन्धक से यह कहते हुए, एक-एक दैत्य को लक्ष्य कर, आदरपूर्वक विद्येश (शिव) का स्मरण कर, वह विद्या का प्रयोग किया।

श्लोक 34 (shiva.rudra.185.34)

विद्यावर्तनमात्रेण ते सर्वे दैत्यदानवाः । उत्तस्थुर्युगपद्वीराः सुप्ता इव धृतायुधाः

vidyāvartanamātreṇa te sarve daityadānavāḥ uttasthuryugapadvīrāḥ suptā iva dhṛtāyudhāḥ

विद्या के प्रयोग मात्र से ही, वे सारे दैत्य और दानव, हथियार थामे हुए, मानो सोए हुए से, एक साथ उठ खड़े हुए।

श्लोक 35 (shiva.rudra.185.35)

सदाभ्यस्ता यथा वेदाः समये वा यथाम्बुदाः । श्रद्धयार्थास्तथा दत्ता ब्राह्मणेभ्यो यथापदि

sadābhyastā yathā vedāḥ samaye vā yathāmbudāḥ śraddhayārthāstathā dattā brāhmaṇebhyo yathāpadi

जैसे वेदों का सतत अभ्यास किया जाता है, या ऋतु आने पर बादल उमड़ते हैं, या श्रद्धा से ब्राह्मणों को धन दिया जाता है, या आपत्ति में यथोचित सहायता दी जाती है —

श्लोक 36 (shiva.rudra.185.36)

उज्जीवितांस्तु तान्दृष्ट्वा हुण्डादींश्च महासुरान् । विनेदुरसुराः सर्वे जलपूर्णा इवाम्बुदाः

ujjīvitāṁstu tāndṛṣṭvā huṇḍādīṁśca mahāsurān vinedurasurāḥ sarve jalapūrṇā ivāmbudāḥ

उन उठे हुए हुण्ड आदि महान् असुरों को देखकर, वे सारे असुर, जल से भरे बादलों के समान, हर्ष से गरज उठे।

श्लोक 37 (shiva.rudra.185.37)

रणोद्यताः पुनश्चासन्गर्जन्तो विकटान् रवान् । प्रमथैः सह निर्भीता महाबलपराक्रमाः

raṇodyatāḥ punaścāsangarjanto vikaṭān ravān pramathaiḥ saha nirbhītā mahābalaparākramāḥ

वे फिर से युद्ध के लिए उद्यत हो गए, भयङ्कर गर्जनाएँ करते हुए, प्रमथों के साथ निर्भय होकर, अत्यन्त बलशाली और पराक्रमी।

श्लोक 38 (shiva.rudra.185.38)

शुक्रेणोज्जीवितान्दृष्ट्वा प्रमथा दैत्यदानवान् । विसिष्मिरे ततः सर्वे नन्द्याद्या युद्धदुर्मदाः

śukreṇojjīvitāndṛṣṭvā pramathā daityadānavān visiṣmire tataḥ sarve nandyādyā yuddhadurmadāḥ

शुक्र द्वारा जीवित किए गए उन दैत्यों और दानवों को देखकर, नन्दी आदि युद्ध में उन्मत्त सभी प्रमथ अत्यन्त विस्मित हुए।

श्लोक 39 (shiva.rudra.185.39)

विज्ञाप्यमेवं कर्मैतद्देवेशे शङ्करेऽखिलम् । विचार्य बुद्धिमन्तश्च ह्येवं तेऽन्योन्यमब्रुवन्

vijñāpyamevaṁ karmaitaddeveśe śaṅkare'khilam vicārya buddhimantaśca hyevaṁ te'nyonyamabruvan

इस सम्पूर्ण घटना की सूचना देवाधिदेव शङ्कर को देकर, वे बुद्धिमान् प्रमथ आपस में इस प्रकार बातचीत करने लगे।

श्लोक 40 (shiva.rudra.185.40)

आश्चर्यरूपे प्रमथेश्वराणां तस्मिंस्तथा वर्तति युद्धयज्ञे । अमर्षितो भार्गवकर्म दृष्ट्वा शिलादपुत्रोऽभ्यगमन्महेशम्

āścaryarūpe pramatheśvarāṇāṁ tasmiṁstathā vartati yuddhayajñe amarṣito bhārgavakarma dṛṣṭvā śilādaputro'bhyagamanmaheśam

प्रमथों के स्वामियों के लिए वह युद्ध-यज्ञ अद्भुत रूप धारण किए हुए इस प्रकार चल रहा था — तब शिलाद-पुत्र नन्दी, भार्गव के इस कर्म को देखकर अमर्ष से भरकर महेश के पास गया।

श्लोक 41 (shiva.rudra.185.41)

जयेति चोक्त्वा जययोनिमुग्र- मुवाच नन्दी कनकावदातम् । गणेश्वराणां रणकर्म देव देवैश्च सेन्द्रैरपि दुष्करं यत्

jayeti coktvā jayayonimugra- muvāca nandī kanakāvadātam gaṇeśvarāṇāṁ raṇakarma deva devaiśca sendrairapi duṣkaraṁ yat

'जय' कहकर, विजय के स्रोत उन उग्र, सुवर्ण-वर्ण शिव से नन्दी ने कहा — हे देव! गणेश्वरों का यह रणकर्म, जो देवताओं और इन्द्र के लिए भी दुष्कर था,

श्लोक 42 (shiva.rudra.185.42)

तद्भार्गवेणाद्य कृतं वृथा नः सञ्जीवितांस्तान्हि मृतान्विपक्षान् । आवर्त्य विद्यां मृतजीवदात्री- मेकैकमुद्दिश्य सहेलमीश

tadbhārgaveṇādya kṛtaṁ vṛthā naḥ sañjīvitāṁstānhi mṛtānvipakṣān āvartya vidyāṁ mṛtajīvadātrī- mekaikamuddiśya sahelamīśa

आज भार्गव ने उसे व्यर्थ कर दिया है — हमने जिन विपक्षियों को मार दिया था, उन्हें उसने एक-एक कर मृत-संजीवनी विद्या से पुनः जीवित कर दिया है, हे ईश! सहजता से।

श्लोक 43 (shiva.rudra.185.43)

तुहुण्डहुण्डादिककुम्भजम्भ- विपाकपाकादिमहासुरेन्द्राः । यमालयादद्य पुनर्निवृत्ता विद्रावयन्तः प्रमथांश्चरन्ति

tuhuṇḍahuṇḍādikakumbhajambha- vipākapākādimahāsurendrāḥ yamālayādadya punarnivṛttā vidrāvayantaḥ pramathāṁścaranti

तुहुण्ड, हुण्ड आदि, और कुम्भ, जम्भ, विपाक, पाक आदि महान् असुरेन्द्र, यम के धाम से आज लौटकर, फिर से प्रमथों को खदेड़ते हुए विचर रहे हैं।

श्लोक 44 (shiva.rudra.185.44)

यदि ह्यसौ दैत्यवरान्निरस्तान् सञ्जीवयेदत्र पुनः पुनस्तान् । जयः कुतो नो भविता महेश गणेश्वराणां कुत एव शान्तिः

yadi hyasau daityavarānnirastān sañjīvayedatra punaḥ punastān jayaḥ kuto no bhavitā maheśa gaṇeśvarāṇāṁ kuta eva śāntiḥ

यदि वह इन विध्वस्त श्रेष्ठ दैत्यों को इसी प्रकार बार-बार जीवित करता रहेगा, तो हे महेश! हमें विजय कहाँ से मिलेगी? गणेश्वरों को शान्ति कहाँ से मिलेगी?

श्लोक 45 (shiva.rudra.185.45)

सनत्कुमार उवाच । इत्येवमुक्तः प्रमथेश्वरेण स नन्दिना वै प्रमथेश्वरेशः । उवाच देवः प्रहसंस्तदानीं तं नन्दिनं सर्वगणेशराजम्

sanatkumāra uvāca ityevamuktaḥ pramatheśvareṇa sa nandinā vai pramatheśvareśaḥ uvāca devaḥ prahasaṁstadānīṁ taṁ nandinaṁ sarvagaṇeśarājam

सनत्कुमार ने कहा — प्रमथों के स्वामी नन्दी द्वारा इस प्रकार कहे जाने पर, प्रमथेश्वरों के स्वामी देव शिव ने हँसते हुए, उस सर्व-गणेश्वर-राज नन्दी से यह कहा।

श्लोक 46 (shiva.rudra.185.46)

शिव उवाच । नन्दिन्प्रयाहि त्वरितोऽति मात्रं द्विजेन्द्रवर्यं दितिनन्दनानाम् । मध्यात्समुद्धृत्य तथानयाशु श्येनो यथा लावकमण्डजातम्

śiva uvāca nandinprayāhi tvarito'ti mātraṁ dvijendravaryaṁ ditinandanānām madhyātsamuddhṛtya tathānayāśu śyeno yathā lāvakamaṇḍajātam

शिव ने कहा — हे नन्दिन्! तुम अत्यन्त शीघ्रता से जाओ, और उस दितिनन्दनों के गुरु में श्रेष्ठ को उनके बीच से उठाकर, जैसे बाज़ चिड़िया के बच्चे को उठा लाता है, वैसे ही शीघ्र यहाँ ले आओ।

श्लोक 47 (shiva.rudra.185.47)

सनत्कुमार उवाच । स एवमुक्तो वृषभध्वजेन ननाद नन्दी वृषसिंहनादः । जगाम तूर्णं च विगाह्य सेनां यत्राभवद्भार्गववंशदीपः

sanatkumāra uvāca sa evamukto vṛṣabhadhvajena nanāda nandī vṛṣasiṁhanādaḥ jagāma tūrṇaṁ ca vigāhya senāṁ yatrābhavadbhārgavavaṁśadīpaḥ

सनत्कुमार ने कहा — वृषभध्वज शिव द्वारा इस प्रकार आज्ञा दिए जाने पर, नन्दी ने बैल और सिंह दोनों के समान गर्जना की, और सेना में घुसकर शीघ्र ही वहाँ पहुँच गए जहाँ वह भार्गव-वंश का दीपक (शुक्र) था।

श्लोक 48 (shiva.rudra.185.48)

तं रक्ष्यमाणं दितिजैः समस्तैः पाशासिवृक्षोपलशैलहस्तैः । विक्षोभ्य दैत्यान् बलवान् जहार काव्यं स नन्दी शरभो यथेभम्

taṁ rakṣyamāṇaṁ ditijaiḥ samastaiḥ pāśāsivṛkṣopalaśailahastaiḥ vikṣobhya daityān balavān jahāra kāvyaṁ sa nandī śarabho yathebham

समस्त दैत्यों द्वारा रक्षित उस भार्गव को, जो पाश, तलवार, वृक्ष, पत्थर और पर्वत हाथ में लिए हुए थे, बलवान् नन्दी ने, दैत्यों को क्षुब्ध करते हुए, हरण कर लिया — जैसे शरभ हाथी को उठा ले जाता है।

श्लोक 49 (shiva.rudra.185.49)

स्रस्ताम्बरं विच्युतभूषणं च विमुक्तकेशं बलिना गृहीतम् । विमोचयिष्यन्त इवानुजग्मुः सुरारयस्सिंहरवांस्त्यजन्तः

srastāmbaraṁ vicyutabhūṣaṇaṁ ca vimuktakeśaṁ balinā gṛhītam vimocayiṣyanta ivānujagmuḥ surārayassiṁharavāṁstyajantaḥ

अपने वस्त्र छूट जाने पर, आभूषण गिर जाने पर, केश बिखरे हुए, उस बलशाली के द्वारा पकड़े हुए उस (शुक्र) को छुड़ाने की इच्छा से, वे शत्रु-असुर सिंहनाद छोड़ते हुए उसके पीछे-पीछे दौड़े।

श्लोक 50 (shiva.rudra.185.50)

दम्भोलिशूलासिपरश्वधाना- मुद्दण्डचक्रोपलकम्पनानाम् । नन्दीश्वरस्योपरि दानवेन्द्रा वर्षं ववर्षुर्जलदा इवोग्रम्

dambholiśūlāsiparaśvadhānā- muddaṇḍacakropalakampanānām nandīśvarasyopari dānavendrā varṣaṁ vavarṣurjaladā ivogram

वज्र, त्रिशूल, तलवार, फरसे, विशाल चक्र, पत्थर और शिलाओं की — मानो प्रलय-मेघों की सी — भीषण वर्षा दानवेन्द्रों ने नन्दीश्वर पर बरसाई।

श्लोक 51 (shiva.rudra.185.51)

तं भार्गवं प्राप्य गणाधिराजो मुखाग्निना शस्त्रशतानि दग्ध्वा । आयात्प्रवृद्धेऽसुरदेवयुद्धे भवस्य पार्श्वे व्यथितारिपक्षः

taṁ bhārgavaṁ prāpya gaṇādhirājo mukhāgninā śastraśatāni dagdhvā āyātpravṛddhe'suradevayuddhe bhavasya pārśve vyathitāripakṣaḥ

उस भार्गव को पाकर, गणों के अधिराज ने अपने मुख की अग्नि से सैकड़ों शस्त्रों को जलाकर, प्रचण्ड हो चुके देव-असुर युद्ध में, शत्रु-पक्ष को व्यथित करते हुए, भव के समीप आ पहुँचे।

श्लोक 52 (shiva.rudra.185.52)

अयं स शुक्रो भगवन्नितीदं निवेदयामास भवाय शीघ्रम् । जग्राह शुक्रं स च देवदेवो यथोपहारं शुचिना प्रदत्तम्

ayaṁ sa śukro bhagavannitīdaṁ nivedayāmāsa bhavāya śīghram jagrāha śukraṁ sa ca devadevo yathopahāraṁ śucinā pradattam

हे भगवन्! यह वही शुक्र है — यह शीघ्र निवेदन करके, देवताओं के स्वामी शिव ने उस शुक्र को, जैसे किसी शुद्ध भेंट को स्वीकार किया जाता है, वैसे ही ग्रहण कर लिया।

श्लोक 53 (shiva.rudra.185.53)

न किञ्चिदुक्त्वा स हि भूतगोप्ता चिक्षेप वक्त्रे फलवत्कवीन्द्रम् । हाहारवस्तैरसुरैःसमस्तै- रुच्चैर्विमुक्तो हहहेति भूरि

na kiñciduktvā sa hi bhūtagoptā cikṣepa vaktre phalavatkavīndram hāhāravastairasuraiḥsamastai- ruccairvimukto hahaheti bhūri

बिना कुछ कहे ही, वे भूतों के रक्षक शिव ने उस कवि-श्रेष्ठ (शुक्र) को फल की भाँति अपने मुख में डाल लिया — तब उन सभी असुरों में हाहाकार मच गया, वे ऊँचे स्वर में 'हा! हा!' पुकारते हुए बिखर गए।