मृत-संजीवनी विद्या प्राप्ति वर्णन

श्लोक 1 (shiva.rudra.188.1)

सनत्कुमार उवाच । शृणु व्यास यथा प्राप्ता मृत्युप्रशमनी परा । विद्या काव्येन मुनिना शिवान्मृत्युञ्जयाभिधात्

sanatkumāra uvāca śṛṇu vyāsa yathā prāptā mṛtyupraśamanī parā vidyā kāvyena muninā śivānmṛtyuñjayābhidhāt

सनत्कुमार ने कहा — हे व्यास! सुनो, किस प्रकार मुनि काव्य (शुक्र) ने शिव से मृत्यु का शमन करने वाली परम विद्या प्राप्त की, जिसे मृत्युंजय कहा जाता है।

श्लोक 2 (shiva.rudra.188.2)

पुरासौ भृगुदायादो गत्वा वाराणसीं पुरीम् । बहुकालं तपस्तेपे ध्यायन्विश्वेश्वरं प्रभुम्

purāsau bhṛgudāyādo gatvā vārāṇasīṁ purīm bahukālaṁ tapastepe dhyāyanviśveśvaraṁ prabhum

पूर्वकाल में वह भृगुवंशी वाराणसी नगरी जाकर विश्वेश्वर प्रभु का ध्यान करते हुए दीर्घकाल तक तपस्या करने लगा।

श्लोक 3 (shiva.rudra.188.3)

स्थापयामास तत्रैव लिङ्गं शम्भोः परात्मनः । कूपं चकार सद्रम्यं वेदव्यास तदग्रतः

sthāpayāmāsa tatraiva liṅgaṁ śambhoḥ parātmanaḥ kūpaṁ cakāra sadramyaṁ vedavyāsa tadagrataḥ

हे वेदव्यास! उसने वहीं परमात्मा शम्भु का लिंग स्थापित किया और उसके सम्मुख एक अत्यन्त रम्य कूप बनवाया।

श्लोक 4 (shiva.rudra.188.4)

पञ्चामृतैर्द्रोणमितैर्लक्षकृत्वः प्रयत्नतः । स्नापयामास देवेशं सुगन्धस्नपनैर्बहु

pañcāmṛtairdroṇamitairlakṣakṛtvaḥ prayatnataḥ snāpayāmāsa deveśaṁ sugandhasnapanairbahu

उसने बड़े प्रयत्न से पंचामृत की द्रोण-मात्रा से लाख बार, तथा अनेक सुगन्धित स्नानों से देवेश को स्नान कराया।

श्लोक 5 (shiva.rudra.188.5)

सहस्रकृत्वो देवेशं चन्दनैर्यक्षकर्दमैः । समालिलिम्प सुप्रीत्या सुगन्धोद्वर्त्तनान्यनु

sahasrakṛtvo deveśaṁ candanairyakṣakardamaiḥ samālilimpa suprītyā sugandhodvarttanānyanu

उसने सहस्र बार देवेश को चन्दन और यक्षकर्दम से बड़े प्रेम से लेपन किया, फिर सुगन्धित उबटन लगाया।

श्लोक 6 (shiva.rudra.188.6)

राजचम्पकधत्तूरैः करवीरकुशेशयैः । मालतीकर्णिकारैश्च कदम्बैर्बकुलोत्पलैः

rājacampakadhattūraiḥ karavīrakuśeśayaiḥ mālatīkarṇikāraiśca kadambairbakulotpalaiḥ

राजचम्पक, धतूर, कनेर और कमल से; मालती, कर्णिकार, कदम्ब, बकुल और नीलकमल से;

श्लोक 7 (shiva.rudra.188.7)

मल्लिकाशतपत्रीभिस्सिन्धुवारैः सकिंशुकैः । बन्धूकपुष्पैः पुन्नागैर्नागकेशरकेशरैः

mallikāśatapatrībhissindhuvāraiḥ sakiṁśukaiḥ bandhūkapuṣpaiḥ punnāgairnāgakeśarakeśaraiḥ

मल्लिका, शतपत्री, निर्गुण्डी, पलाश के फूलों से; बन्धूक-पुष्प, पुन्नाग तथा नागकेसर के केसर से;

श्लोक 8 (shiva.rudra.188.8)

नवमल्लीचिबिलिकैः कुन्दैः समुचुकुन्दकैः । मन्दारैर्बिल्वपत्रैश्च द्रोणैर्मरुबकैर्बृकैः । ग्रन्थिपर्णैर्दमनकैः सुरम्यैश्चूतपल्लवैः

navamallīcibilikaiḥ kundaiḥ samucukundakaiḥ mandārairbilvapatraiśca droṇairmarubakairbṛkaiḥ granthiparṇairdamanakaiḥ suramyaiścūtapallavaiḥ

नवमल्लिका, चिबिलिका, कुन्द, चुकुन्दक से; मन्दार, बिल्वपत्र, द्रोण, मरुआ, बृक से; ग्रन्थिपर्ण, दमनक तथा अत्यन्त रमणीय आम्रपल्लवों से;

श्लोक 9 (shiva.rudra.188.9)

तुलसीदेवगन्धारीबृहत्पत्रीकुशाङ्कुरैः । नन्द्यावर्तैरगस्त्यैश्च सशालैर्देवदारुभिः

tulasīdevagandhārībṛhatpatrīkuśāṅkuraiḥ nandyāvartairagastyaiśca saśālairdevadārubhiḥ

तुलसी, देवगन्धारी, बृहत्पत्री, कुशांकुर से; नन्द्यावर्त, अगस्त्य-पुष्प के साथ शाल और देवदारु से;

श्लोक 10 (shiva.rudra.188.10)

काञ्चनारैः कुरबकैर्दूर्वाङ्कुरकुरुण्टकैः । प्रत्येकमेभिः कुसुमैः पल्लवैरपरैरपि

kāñcanāraiḥ kurabakairdūrvāṅkurakuruṇṭakaiḥ pratyekamebhiḥ kusumaiḥ pallavairaparairapi

कांचनार, कुरबक, दूर्वांकुर, कुरण्टक से — इन तथा अन्य पुष्पों एवं पल्लवों से हर प्रकार से;

श्लोक 11 (shiva.rudra.188.11)

पत्रैः सहस्रपत्रैश्च रम्यैर्नानाविधैः शुभैः । सावधानेन सुप्रीत्या स समानर्च शङ्करम्

patraiḥ sahasrapatraiśca ramyairnānāvidhaiḥ śubhaiḥ sāvadhānena suprītyā sa samānarca śaṅkaram

पत्तों तथा सहस्रदल कमलों से, अनेक प्रकार के रमणीय एवं शुभ द्रव्यों से, उसने बड़ी सावधानी और प्रेम से शंकर की पूजा की।

श्लोक 12 (shiva.rudra.188.12)

गीतनृत्योपहारैश्च संस्तुतः स्तुतिभिर्बहु । नाम्नां सहस्रैरन्यैश्च स्तोत्रैस्तुष्टाव शङ्करम्

gītanṛtyopahāraiśca saṁstutaḥ stutibhirbahu nāmnāṁ sahasrairanyaiśca stotraistuṣṭāva śaṅkaram

गीत-नृत्य के उपहारों से, अनेक स्तुतियों से स्तवन करते हुए, सहस्र नामों तथा अन्य स्तोत्रों से उसने शंकर को सन्तुष्ट किया।

श्लोक 13 (shiva.rudra.188.13)

सहस्रं पञ्चशरदामित्थं शुक्रो महेश्वरम् । नानाप्रकारविधिना महेशं स समर्चयत्

sahasraṁ pañcaśaradāmitthaṁ śukro maheśvaram nānāprakāravidhinā maheśaṁ sa samarcayat

इस प्रकार शुक्र ने एक सहस्र पाँच वर्षों तक नाना विधियों से महेश्वर की पूजा की।

श्लोक 14 (shiva.rudra.188.14)

यदा देवं नानुलोके मनागपि वरोन्मुखम् । तदान्यं नियमं घोरं जग्राहातीव दुःसहम्

yadā devaṁ nānuloke manāgapi varonmukham tadānyaṁ niyamaṁ ghoraṁ jagrāhātīva duḥsaham

जब देव ने रत्तीभर भी वर देने की ओर मुख नहीं किया, तब उसने एक और घोर तथा अत्यन्त दुःसह नियम धारण किया।

श्लोक 15 (shiva.rudra.188.15)

प्रक्षाल्य चेतसोऽत्यन्तं चाञ्चल्याख्यं महामलम् । भावनावार्भिरसकृदिन्द्रियैः सहितस्य च

prakṣālya cetaso'tyantaṁ cāñcalyākhyaṁ mahāmalam bhāvanāvārbhirasakṛdindriyaiḥ sahitasya ca

भावना के जल से बार-बार इन्द्रियों सहित अपने चित्त की चंचलता नामक महान मल को पूर्णतः धोकर,

श्लोक 16 (shiva.rudra.188.16)

निर्मलीकृत्य तच्चेतो रत्नं दत्त्वा पिनाकिने । प्रपपौ कणधूमौघं सहस्रं शरदां कविः

nirmalīkṛtya tacceto ratnaṁ dattvā pinākine prapapau kaṇadhūmaughaṁ sahasraṁ śaradāṁ kaviḥ

उस मुनि ने अपने चित्त को निर्मल करके पिनाकधारी को एक रत्न अर्पित किया, और सहस्र वर्षों तक केवल भूसी के धुएँ का पान करते रहे।

श्लोक 17 (shiva.rudra.188.17)

काव्यमित्थं तपो घोरं कुर्वन्तं दृढमानसम् । प्रससाद स तं वीक्ष्य भार्गवाय महेश्वरः

kāvyamitthaṁ tapo ghoraṁ kurvantaṁ dṛḍhamānasam prasasāda sa taṁ vīkṣya bhārgavāya maheśvaraḥ

इस प्रकार दृढ़चित्त काव्य को घोर तपस्या करते देखकर महेश्वर भृगुनन्दन पर प्रसन्न हो गए।

श्लोक 18 (shiva.rudra.188.18)

तस्माल्लिङ्गाद्विनिर्गत्य सहस्रार्काधिकद्युतिः । उवाच तं विरूपाक्षः साक्षाद्दाक्षायणीपतिः

tasmālliṅgādvinirgatya sahasrārkādhikadyutiḥ uvāca taṁ virūpākṣaḥ sākṣāddākṣāyaṇīpatiḥ

सहस्र सूर्यों से भी अधिक तेजस्वी विरूपाक्ष, साक्षात् दाक्षायणीपति, उस लिंग से प्रकट होकर उससे बोले।

श्लोक 19 (shiva.rudra.188.19)

महेश्वर उवाच । तपोनिधे महाभाग भृगुपुत्र महामुने । तपसानेन ते नित्यं प्रसन्नोऽहं विशेषतः

maheśvara uvāca taponidhe mahābhāga bhṛguputra mahāmune tapasānena te nityaṁ prasanno'haṁ viśeṣataḥ

महेश्वर ने कहा — हे तपोनिधि! हे महाभाग! हे भृगुपुत्र! हे महामुने! इस तपस्या से मैं तुमसे नित्य तथा विशेष रूप से प्रसन्न हूँ।

श्लोक 20 (shiva.rudra.188.20)

मनोऽभिलषितं सर्वं वरं वरय भार्गव । प्रीत्या दास्येऽखिलान्कामान्नादेयं विद्यते तव

mano'bhilaṣitaṁ sarvaṁ varaṁ varaya bhārgava prītyā dāsye'khilānkāmānnādeyaṁ vidyate tava

हे भार्गव! अपने मन की समस्त अभिलषित वस्तु वर के रूप में माँगो; मैं प्रेमपूर्वक तुम्हारी सारी कामनाएँ पूर्ण करूँगा — तुम्हें कुछ भी अदेय नहीं है।

श्लोक 21 (shiva.rudra.188.21)

सनत्कुमार उवाच । निशम्येति वचः शम्भोर्महासुखकरं वरम् । स बभूव कविस्तुष्टो निमग्नः सुखवारिधौ

sanatkumāra uvāca niśamyeti vacaḥ śambhormahāsukhakaraṁ varam sa babhūva kavistuṣṭo nimagnaḥ sukhavāridhau

सनत्कुमार ने कहा — शम्भु का यह महासुखकारी वचन सुनकर काव्य अत्यन्त सन्तुष्ट हो गया, मानो सुख के सागर में डूब गया हो।

श्लोक 22 (shiva.rudra.188.22)

उद्यदानन्दसन्दोहरोमाञ्चाचितविग्रहः । प्रणनाम मुदा शम्भुमम्भोजनयनो द्विजः

udyadānandasandoharomāñcācitavigrahaḥ praṇanāma mudā śambhumambhojanayano dvijaḥ

उमड़ते हुए आनन्द से रोमांचित शरीर वाले उस कमलनेत्र द्विज ने हर्षपूर्वक शम्भु को प्रणाम किया।

श्लोक 23 (shiva.rudra.188.23)

तुष्टावाष्टतनुं तुष्टः प्रफुल्लनयनाञ्चलः । मौलावञ्जलिमाधाय वदन् जय जयेति च

tuṣṭāvāṣṭatanuṁ tuṣṭaḥ praphullanayanāñcalaḥ maulāvañjalimādhāya vadan jaya jayeti ca

सन्तुष्ट होकर, प्रफुल्ल नेत्रों वाले उसने अष्टमूर्ति की स्तुति की; मस्तक पर अंजलि जोड़कर "जय जय" कहते हुए —

श्लोक 24 (shiva.rudra.188.24)

भार्गव उवाच । त्वं भाभिराभिरभिभूय तमःसमस्त- मस्तं नयस्यभिमतानि निशाचराणाम् । देदीप्यसे दिवमणे गगने हिताय लोकत्रयस्य जगदीश्वर तन्नमस्ते

bhārgava uvāca tvaṁ bhābhirābhirabhibhūya tamaḥsamasta- mastaṁ nayasyabhimatāni niśācarāṇām dedīpyase divamaṇe gagane hitāya lokatrayasya jagadīśvara tannamaste

भार्गव ने कहा — आप इन्हीं किरणों से समस्त अन्धकार को पराजित कर निशाचरों के अभीष्टों का नाश करते हैं; हे जगदीश्वर! आप आकाश में तीनों लोकों के हित के लिए सूर्यरूप से देदीप्यमान होते हैं — आपको नमस्कार है।

श्लोक 25 (shiva.rudra.188.25)

लोकेऽतिवेलमतिवेलमहामहोभि- र्निर्भासि कौ च गगनेऽखिललोकनेत्रः । विद्राविताखिलतमाःसुतमो हिमांशो पीयूषपूरपरिपूरित तन्नमस्ते

loke'tivelamativelamahāmahobhi- rnirbhāsi kau ca gagane'khilalokanetraḥ vidrāvitākhilatamāḥsutamo himāṁśo pīyūṣapūraparipūrita tannamaste

लोक में असीम, महान तेजों से आप आकाश में समस्त लोकों के नेत्र-स्वरूप शोभित होते हैं; हे हिमकिरण! आपने समस्त अन्धकार दूर कर दिया है, आप अमृत की धारा से परिपूर्ण हैं — आपको नमस्कार है।

श्लोक 26 (shiva.rudra.188.26)

त्वं पावने पथि सदा गतिरप्युपास्यः कस्त्वां विना भुवनजीवन जीवतीह । स्तब्धप्रभञ्जनविवर्द्धि तसर्वजन्तोः सन्तोषिता हि कुलसर्वग वै नमस्ते

tvaṁ pāvane pathi sadā gatirapyupāsyaḥ kastvāṁ vinā bhuvanajīvana jīvatīha stabdhaprabhañjanavivarddhi tasarvajantoḥ santoṣitā hi kulasarvaga vai namaste

आप पवित्र मार्ग में सदा गति और उपास्य दोनों हैं; हे भुवन के जीवन! आपके बिना यहाँ कौन जीवित रह सकता है? हे कुल-सर्वग! स्थिर रहते हुए भी वायु-रूप से आप समस्त प्राणियों को बढ़ाते और सन्तुष्ट करते हैं — आपको नमस्कार है।

श्लोक 27 (shiva.rudra.188.27)

विश्वेकपावक नतावक पावकैक- शक्ते ऋते मृतवतामृतदिव्यकार्यम् । प्राणिष्यदो जगदहो जगदन्तरात्मं- स्त्वं पावकः प्रतिपदं शमदो नमस्ते

viśvekapāvaka natāvaka pāvakaika- śakte ṛte mṛtavatāmṛtadivyakāryam prāṇiṣyado jagadaho jagadantarātmaṁ- stvaṁ pāvakaḥ pratipadaṁ śamado namaste

हे विश्व के एकमात्र पावक! नमन करने वालों के रक्षक! अग्नि की एकमात्र शक्ति! आपके बिना मृतकों और अमरों का कोई भी दिव्य कार्य सम्भव नहीं; हे जगत् के प्राणदाता! जगत् के अन्तरात्मा! आप ही अग्निरूप, पद-पद पर शान्ति देने वाले हैं — आपको नमस्कार है।

श्लोक 28 (shiva.rudra.188.28)

पानीयरूप परमेश जगत्पवित्र चित्रं विचित्रसुचरित्रकरोऽसि नूनम् । विश्वं पवित्रममलं किल विश्वनाथ पानीयगाहनत एतदतो नतोऽस्मि

pānīyarūpa parameśa jagatpavitra citraṁ vicitrasucaritrakaro'si nūnam viśvaṁ pavitramamalaṁ kila viśvanātha pānīyagāhanata etadato nato'smi

हे जल-स्वरूप परमेश! हे जगत्पवित्र! आप निश्चय ही विचित्र और उत्तम चरित्र करने वाले हैं; हे विश्वनाथ! जल में स्नान से यह सम्पूर्ण विश्व पवित्र और निर्मल होता है — इसीलिए मैं आपको नमन करता हूँ।

श्लोक 29 (shiva.rudra.188.29)

आकाशरूपबहिरन्तरुतावकाश- दानाद्विकस्वरमिहेश्वर विश्वमेतत् । त्वत्तः सदा सदय संश्वसिति स्वभावात् सङ्कोचमेति भवतोऽस्मि नतस्ततस्त्वाम्

ākāśarūpabahirantarutāvakāśa- dānādvikasvaramiheśvara viśvametat tvattaḥ sadā sadaya saṁśvasiti svabhāvāt saṅkocameti bhavato'smi natastatastvām

हे ईश्वर! आकाश-रूप से बाहर और भीतर स्थान देने के कारण यह सम्पूर्ण विश्व विकसित होता है; हे दयालु! आपसे ही यह स्वभावतः सदा श्वास लेता है और आप ही में संकुचित हो जाता है — इसीलिए मैं आपको नमन करता हूँ।

श्लोक 30 (shiva.rudra.188.30)

विश्वम्भरात्मक बिभर्षि विभोऽत्र विश्वं को विश्वनाथ भवतोऽन्यतमस्तमोऽरिः । स त्वं विनाशय तमो तम चाहिभूष- स्तव्यात्परः परपरं प्रणतस्ततस्त्वाम्

viśvambharātmaka bibharṣi vibho'tra viśvaṁ ko viśvanātha bhavato'nyatamastamo'riḥ sa tvaṁ vināśaya tamo tama cāhibhūṣa- stavyātparaḥ paraparaṁ praṇatastatastvām

हे विश्वम्भरस्वरूप! हे विभो! आप यहाँ इस सम्पूर्ण विश्व को धारण करते हैं; हे विश्वनाथ! आपके अतिरिक्त अन्धकार का शत्रु और कौन है? हे सर्प-आभूषणधारी! आप ही उस अन्धकार का नाश करें — आप स्तुति से परे, परम से भी परम हैं — इसीलिए मैं आपको नमन करता हूँ।

श्लोक 31 (shiva.rudra.188.31)

आत्मस्वरूप तव रूपपरम्पराभि- राभिस्ततं हर चराचररूपमेतत् । सर्वान्तरात्मनिलय प्रतिरूपरूप नित्यं नतोऽस्मि परमात्मजनोऽष्टमूर्ते

ātmasvarūpa tava rūpaparamparābhi- rābhistataṁ hara carācararūpametat sarvāntarātmanilaya pratirūparūpa nityaṁ nato'smi paramātmajano'ṣṭamūrte

हे आत्मस्वरूप! अपने रूपों की इस परम्परा से व्याप्त हे हर! यह सम्पूर्ण चराचर रूप आपका ही है; हे सबके अन्तरात्मा में निवास करने वाले! हे प्रतिरूप-रूप! हे अष्टमूर्ते! मैं परमात्मा से उत्पन्न होकर सदा आपको नमन करता हूँ।

श्लोक 32 (shiva.rudra.188.32)

इत्यष्टमूर्तिभिरिमाभिरबन्धुबन्धो युक्तः करोषि खलु विश्वजनीनमूर्त्ते । एतत्ततं सुविततं प्रणतप्रणीत सर्वार्थसार्थपरमार्थ ततो नतोऽस्मि

ityaṣṭamūrtibhirimābhirabandhubandho yuktaḥ karoṣi khalu viśvajanīnamūrtte etattataṁ suvitataṁ praṇatapraṇīta sarvārthasārthaparamārtha tato nato'smi

इस प्रकार इन आठ मूर्तियों से युक्त होकर, हे अबन्धुओं के बन्धु! आप निश्चय ही सम्पूर्ण जगत् के हितकारी कार्य करते हैं; यह विस्तृत सृष्टि नमन करने वालों की ओर आपके ही द्वारा ले जाई जाती है — हे समस्त अर्थों के परमार्थ! इसीलिए मैं आपको नमन करता हूँ।

श्लोक 33 (shiva.rudra.188.33)

सनत्कुमार उवाच । अष्टमूर्त्यष्टकेनेत्थं परिष्टुत्येति भार्गवः । भर्गं भूमिमिलन्मौलिः प्रणनाम पुनः पुनः

sanatkumāra uvāca aṣṭamūrtyaṣṭakenetthaṁ pariṣṭutyeti bhārgavaḥ bhargaṁ bhūmimilanmauliḥ praṇanāma punaḥ punaḥ

सनत्कुमार ने कहा — इस प्रकार अष्टमूर्ति की इन आठ स्तुतियों से भार्गव ने शिव की स्तुति की, और भूमि से मस्तक मिलाकर बार-बार प्रणाम किया।

श्लोक 34 (shiva.rudra.188.34)

इति स्तुतो महादेवो भार्गवेणातितेजसा । उत्थाय भूमेर्बाहुभ्यां धृत्वा तं प्रणतं द्विजम्

iti stuto mahādevo bhārgaveṇātitejasā utthāya bhūmerbāhubhyāṁ dhṛtvā taṁ praṇataṁ dvijam

अत्यन्त तेजस्वी भार्गव द्वारा इस प्रकार स्तुति किए जाने पर महादेव ने भूमि से उठकर अपनी दोनों भुजाओं से उस प्रणत द्विज को उठाया,

श्लोक 35 (shiva.rudra.188.35)

उवाच श्लक्ष्णया वाचा मेघनादगभीरया । सुप्रीत्या दशनज्योत्स्ना प्रद्योतितदिङ्गतरः

uvāca ślakṣṇayā vācā meghanādagabhīrayā suprītyā daśanajyotsnā pradyotitadiṅgataraḥ

और मेघ के गर्जन के समान गम्भीर तथा कोमल वाणी में, अपने दाँतों की ज्योत्स्ना से दिशाओं को प्रकाशित करते हुए, बड़े प्रेम से बोले।

श्लोक 36 (shiva.rudra.188.36)

महादेव उवाच । विप्रवर्य कवे तात मम भक्तोऽसि पावनः । अनेनात्युग्रतपसा स्वजन्याचरितेन च

mahādeva uvāca vipravarya kave tāta mama bhakto'si pāvanaḥ anenātyugratapasā svajanyācaritena ca

महादेव ने कहा — हे विप्रश्रेष्ठ काव्य! हे तात! तुम मेरे पवित्र भक्त हो; इस अत्यन्त उग्र तपस्या तथा अपने कुल के अनुरूप आचरण के द्वारा,

श्लोक 37 (shiva.rudra.188.37)

लिङ्गस्थापनपुण्येन लिङ्गस्याराधनेन च । दत्तचित्तोपहारेण शुचिना निश्चलेन च

liṅgasthāpanapuṇyena liṅgasyārādhanena ca dattacittopahāreṇa śucinā niścalena ca

लिंग-स्थापना के पुण्य से, लिंग की आराधना से, चित्त अर्पित कर पवित्र और अचल भाव से किए गए उपहार से,

श्लोक 38 (shiva.rudra.188.38)

अविमुक्तमहाक्षेत्रपवित्राचरणेन च । त्वां दयया प्रपश्यामि तवादेयं न किञ्चन

avimuktamahākṣetrapavitrācaraṇena ca tvāṁ dayayā prapaśyāmi tavādeyaṁ na kiñcana

तथा अविमुक्त महाक्षेत्र (काशी) में किए गए पवित्र आचरण से — मैं तुम्हें दया की दृष्टि से देखता हूँ; तुम्हें कुछ भी अदेय नहीं है।

श्लोक 39 (shiva.rudra.188.39)

अनेनैव शरीरेण ममोदरदरीगतः । मद्वरेन्द्रियमार्गेण पुत्रजन्मत्वमेष्यसि

anenaiva śarīreṇa mamodaradarīgataḥ madvarendriyamārgeṇa putrajanmatvameṣyasi

इसी शरीर से तुम मेरे उदर की गुहा में प्रविष्ट होकर मेरी इन्द्रिय के मार्ग से मेरे पुत्र के रूप में जन्म प्राप्त करोगे।

श्लोक 40 (shiva.rudra.188.40)

यच्छाम्यहं वरं तेऽद्य दुष्प्राप्यं पार्षदैरपि । हरेर्हिरण्यगर्भाच्च प्रायशोऽहं जुगोप यम्

yacchāmyahaṁ varaṁ te'dya duṣprāpyaṁ pārṣadairapi harerhiraṇyagarbhācca prāyaśo'haṁ jugopa yam

मैं तुम्हें आज वह वर देता हूँ जो मेरे पार्षदों के लिए भी दुष्प्राप्य है — जिसे मैंने प्रायः हरि और हिरण्यगर्भ से भी छिपाकर रखा है।

श्लोक 41 (shiva.rudra.188.41)

मृतसञ्जीवनी नाम विद्या या मम निर्मला । तपोबलेन महता मयैव परिनिर्मिता

mṛtasañjīvanī nāma vidyā yā mama nirmalā tapobalena mahatā mayaiva parinirmitā

मृतसंजीवनी नामक जो मेरी अपनी निर्मल विद्या है, जो मैंने ही महान तपोबल से पूर्णतः निर्मित की है,

श्लोक 42 (shiva.rudra.188.42)

त्वां तां तु प्रापयाम्यद्य मन्त्ररूपां महाशुचे । योग्यता तेऽस्ति विद्यायास्तस्याः शुचितपोनिधे

tvāṁ tāṁ tu prāpayāmyadya mantrarūpāṁ mahāśuce yogyatā te'sti vidyāyāstasyāḥ śucitaponidhe

हे महापवित्र! वही मन्त्ररूप विद्या मैं आज तुम्हें प्रदान करता हूँ; हे शुचि-तपोनिधि! उस विद्या के योग्य पात्रता तुम में है।

श्लोक 43 (shiva.rudra.188.43)

यं यमुद्दिश्य नियतमेतामावर्तयिष्यसि । विद्यां विद्येश्वरश्रेष्ठां सत्यं प्राणिष्यति ध्रुवम्

yaṁ yamuddiśya niyatametāmāvartayiṣyasi vidyāṁ vidyeśvaraśreṣṭhāṁ satyaṁ prāṇiṣyati dhruvam

जिस-जिस के उद्देश्य से तुम नियमपूर्वक इस विद्या का, जो विद्येश्वरों में श्रेष्ठ है, आवर्तन करोगे, वह निश्चय ही सत्य रूप से पुनः जीवित हो उठेगा।

श्लोक 44 (shiva.rudra.188.44)

अत्यर्कमत्यग्नि च ते तेजो व्योम्नि च तारकम् । देदीप्यमानं भविता ग्रहाणां प्रवरो भव

atyarkamatyagni ca te tejo vyomni ca tārakam dedīpyamānaṁ bhavitā grahāṇāṁ pravaro bhava

सूर्य से भी अधिक और अग्नि से भी अधिक तुम्हारा तेज होगा, तथा आकाश में देदीप्यमान तारा बनकर तुम ग्रहों में श्रेष्ठ बनोगे।

श्लोक 45 (shiva.rudra.188.45)

अपि च त्वां करिष्यन्ति यात्रां नार्यो नरोऽपि वा । तेषां त्वद् दृष्टिपातेन सर्वकार्यं प्रणश्यति

api ca tvāṁ kariṣyanti yātrāṁ nāryo naro'pi vā teṣāṁ tvad dṛṣṭipātena sarvakāryaṁ praṇaśyati

इसके अतिरिक्त जो नर-नारी तुम्हारी यात्रा करेंगे, उनके समस्त कार्य तुम्हारी दृष्टि पड़ने मात्र से निर्विघ्न सिद्ध होंगे।

श्लोक 46 (shiva.rudra.188.46)

तवोदये भविष्यन्ति विवाहादीनि सुव्रत । सर्वाणि धर्मकार्याणि फलवन्ति नृणामिह

tavodaye bhaviṣyanti vivāhādīni suvrata sarvāṇi dharmakāryāṇi phalavanti nṛṇāmiha

हे सुव्रत! तुम्हारे उदय होने पर विवाह आदि सभी धर्म-कार्य मनुष्यों के लिए फलदायी होंगे।

श्लोक 47 (shiva.rudra.188.47)

सर्वाश्च तिथयो नन्दास्तव संयोगतः शुभाः । तव भक्ता भविष्यन्ति बहुशुक्रा बहु प्रजाः

sarvāśca tithayo nandāstava saṁyogataḥ śubhāḥ tava bhaktā bhaviṣyanti bahuśukrā bahu prajāḥ

तुम्हारे संयोग से सभी तिथियाँ नन्दा और शुभ हो जाएँगी; तुम्हारे भक्त बहुशुक्र तथा बहु-सन्तान वाले होंगे।

श्लोक 48 (shiva.rudra.188.48)

त्वयेदं स्थापितं लिङ्गं शुक्रेशमिति संज्ञितम् । येऽर्चयिष्यन्ति मनुजास्तेषां सिद्धिर्भविष्यति

tvayedaṁ sthāpitaṁ liṅgaṁ śukreśamiti saṁjñitam ye'rcayiṣyanti manujāsteṣāṁ siddhirbhaviṣyati

तुम्हारे द्वारा स्थापित यह लिंग "शुक्रेश" नाम से जाना जाएगा; जो मनुष्य इसकी पूजा करेंगे, उन्हें सिद्धि प्राप्त होगी।

श्लोक 49 (shiva.rudra.188.49)

आवर्षं प्रतिघस्त्रं ये नक्तव्रतपरायणाः । त्वद्दिने शुक्रकूपे ये कृतसर्वोदकक्रियाः

āvarṣaṁ pratighastraṁ ye naktavrataparāyaṇāḥ tvaddine śukrakūpe ye kṛtasarvodakakriyāḥ

जो लोग वर्षभर व्रत का पालन करते हुए रात्रि-व्रत में तत्पर रहकर, तुम्हारे दिन शुक्र-कूप में समस्त जलक्रियाएँ करेंगे,

श्लोक 50 (shiva.rudra.188.50)

शुक्रेशमर्चयिष्यन्ति शृणु तेषां तु यत्फलम् । अवन्ध्यशुक्रास्ते मर्त्याः पुत्रवन्तोऽतिरेतसः

śukreśamarcayiṣyanti śṛṇu teṣāṁ tu yatphalam avandhyaśukrāste martyāḥ putravanto'tiretasaḥ

और शुक्रेश की पूजा करेंगे — उनका फल सुनो: वे मनुष्य कभी वीर्यहीन नहीं होंगे, पुत्रवान् और अत्यन्त ओजस्वी होंगे।

श्लोक 51 (shiva.rudra.188.51)

पुंस्त्वसौभाग्यसम्पन्ना भविष्यन्ति न संशयः । उपेतविद्यास्ते सर्वे जनाः स्युः सुखभागिनः

puṁstvasaubhāgyasampannā bhaviṣyanti na saṁśayaḥ upetavidyāste sarve janāḥ syuḥ sukhabhāginaḥ

वे निःसन्देह पुंस्त्व और सौभाग्य से सम्पन्न होंगे; विद्या से युक्त वे सभी लोग सुख के भागी होंगे।

श्लोक 52 (shiva.rudra.188.52)

इति दत्त्वा वरान्देवस्तत्र लिङ्गे लयं ययौ । भार्गवोऽपि निजं धाम प्राप सन्तुष्टमानसः

iti dattvā varāndevastatra liṅge layaṁ yayau bhārgavo'pi nijaṁ dhāma prāpa santuṣṭamānasaḥ

इस प्रकार वर देकर देव उसी लिंग में लीन हो गए; और भार्गव भी सन्तुष्ट मन से अपने धाम को प्राप्त हुए।

श्लोक 53 (shiva.rudra.188.53)

इति ते कथितं व्यास यथा प्राप्ता तपोबलात् । मृत्युञ्जयाभिधा विद्या किमन्यच्छ्रोतुमिच्छसि

iti te kathitaṁ vyāsa yathā prāptā tapobalāt mṛtyuñjayābhidhā vidyā kimanyacchrotumicchasi

हे व्यास! इस प्रकार मैंने तुम्हें बताया कि तपोबल से मृत्युंजय नामक विद्या किस प्रकार प्राप्त हुई। अब और क्या सुनना चाहते हो?