बाणासुर-गणपत्व-पद-प्राप्ति-वर्णन

श्लोक 1 (shiva.rudra.194.1)

नारद उवाच । कृष्णे गते द्वारकायामनिरुद्धेन भार्यया । अकार्षीत्किं ततो बाणस्तत्त्वं वद महामुने

nārada uvāca kṛṣṇe gate dvārakāyāmaniruddhena bhāryayā akārṣītkiṁ tato bāṇastattvaṁ vada mahāmune

नारद ने कहा — जब कृष्ण अनिरुद्ध और उसकी पत्नी सहित द्वारका चले गए, तब बाण ने क्या किया? हे महामुने! मुझे यह सत्य बताइए।

श्लोक 2 (shiva.rudra.194.2)

सनत्कुमार उवाच । कृष्णे गते द्वारकायामनिरुद्धेन भार्यया । दुःखितोऽभूत्ततो बाणः स्वाज्ञानं संस्मरन्हृदा

sanatkumāra uvāca kṛṣṇe gate dvārakāyāmaniruddhena bhāryayā duḥkhito'bhūttato bāṇaḥ svājñānaṁ saṁsmaranhṛdā

सनत्कुमार ने कहा — जब कृष्ण अनिरुद्ध और उसकी पत्नी सहित द्वारका चले गए, तब बाण अपने ही अज्ञान का हृदय में स्मरण करते हुए दुःखी हो उठा।

श्लोक 3 (shiva.rudra.194.3)

ततो नन्दी शिवगणो बाणं प्रोवाच दुःखितम् । दैत्यं शोणितदिग्धाङ्गमनुतापसमन्वितम्

tato nandī śivagaṇo bāṇaṁ provāca duḥkhitam daityaṁ śoṇitadigdhāṅgamanutāpasamanvitam

तब शिवगण नन्दी ने रक्त से लथपथ शरीर वाले, पश्चातापयुक्त, दुःखी दैत्य बाण से कहा —

श्लोक 4 (shiva.rudra.194.4)

नन्दीश्वर उवाच । बाण शङ्करसद्भक्त मानुतापं कुरुष्व भोः । भक्तानुकम्पी शम्भुर्वै भक्तवत्सलनामधृक्

nandīśvara uvāca bāṇa śaṅkarasadbhakta mānutāpaṁ kuruṣva bhoḥ bhaktānukampī śambhurvai bhaktavatsalanāmadhṛk

नन्दीश्वर ने कहा — हे बाण! हे शंकर के सच्चे भक्त! पश्चाताप मत करो; शम्भु भक्तों पर दया करने वाले हैं, वे भक्तवत्सल नाम धारण करते हैं।

श्लोक 5 (shiva.rudra.194.5)

तदिच्छया च यज्जातं तज्जातमिति चेतसा । मन्यस्व भक्तशार्दूल शिवं स्मर पुनःपुनः

tadicchayā ca yajjātaṁ tajjātamiti cetasā manyasva bhaktaśārdūla śivaṁ smara punaḥpunaḥ

जो कुछ उनकी इच्छा से हुआ, वह हुआ ही — हे भक्तश्रेष्ठ! ऐसा मन में मानो, और बार-बार शिव का स्मरण करो।

श्लोक 6 (shiva.rudra.194.6)

मन आद्ये समाधाय कुरु नित्यं महोत्सवम् । भक्तानुकम्पनश्चाऽस्य शङ्करस्य पुनःपुनः

mana ādye samādhāya kuru nityaṁ mahotsavam bhaktānukampanaścā'sya śaṅkarasya punaḥpunaḥ

आदिदेव में मन लगाकर सदा महोत्सव मनाओ; यह शंकर बार-बार अपने भक्तों पर दया करने वाले हैं।

श्लोक 7 (shiva.rudra.194.7)

नन्दिवाक्यात्ततो बाणो द्विषा शीर्षकमात्रकः । शिवस्थानं जगामाशु धृत्वा धैर्यं महामनाः

nandivākyāttato bāṇo dviṣā śīrṣakamātrakaḥ śivasthānaṁ jagāmāśu dhṛtvā dhairyaṁ mahāmanāḥ

नन्दी के वचन से बाण, जो शत्रु द्वारा लगभग नष्ट कर दिया गया था, धैर्य धारण करके महामना होकर तुरन्त शिव-स्थान की ओर चल पड़ा।

श्लोक 8 (shiva.rudra.194.8)

गत्वा तत्र प्रभुं नत्वा रुरोदातीव विह्वलः । गतगर्वव्रजो बाणः प्रेमाकुलितमानसः

gatvā tatra prabhuṁ natvā rurodātīva vihvalaḥ gatagarvavrajo bāṇaḥ premākulitamānasaḥ

वहाँ जाकर प्रभु को प्रणाम कर, अत्यन्त विह्वल होकर, गर्व-रहित बाण प्रेम से आकुल-चित्त होकर रो पड़ा।

श्लोक 9 (shiva.rudra.194.9)

संस्तुवन्विविधैः स्तोत्रैः सन्नमन्नुतितस्तथा । यथोचितं पादघातं कुर्वन्विक्षेपयन्करान्

saṁstuvanvividhaiḥ stotraiḥ sannamannutitastathā yathocitaṁ pādaghātaṁ kurvanvikṣepayankarān

नाना स्तोत्रों से स्तुति करते हुए, बार-बार नमन करते हुए, यथोचित पादाघात करते हुए तथा भुजाओं को फैलाते हुए,

श्लोक 10 (shiva.rudra.194.10)

ननर्त ताण्डवं मुख्यं प्रत्यालीढादिशोभितम् । स्थानकैर्विविधाकारैरालीढप्रमुखैरपि

nanarta tāṇḍavaṁ mukhyaṁ pratyālīḍhādiśobhitam sthānakairvividhākārairālīḍhapramukhairapi

उसने प्रत्यालीढ आदि से सुशोभित मुख्य ताण्डव नृत्य किया, आलीढ आदि नाना प्रकार की मुद्राओं के साथ।

श्लोक 11 (shiva.rudra.194.11)

मुखवादसहस्राणि भ्रूक्षेपसहितान्यपि । शिरःकम्पसहस्राणि प्राप्तानीकः सहस्रशः

mukhavādasahasrāṇi bhrūkṣepasahitānyapi śiraḥkampasahasrāṇi prāptānīkaḥ sahasraśaḥ

भौंहों के संचालन सहित सहस्रों मुख-भावों से, तथा सहस्रों सिर-कम्पनों से, उसने अकेले ही सहस्रगुणित भाव प्रकट किए।

श्लोक 12 (shiva.rudra.194.12)

वारीश्च विविधाकारा दर्शयित्वा शनैः शनैः । तथा शोणितधाराभिः सिञ्चयित्वा महीतलम्

vārīśca vividhākārā darśayitvā śanaiḥ śanaiḥ tathā śoṇitadhārābhiḥ siñcayitvā mahītalam

धीरे-धीरे नाना प्रकार के हस्त-संकेत प्रदर्शित करते हुए, तथा अपने रक्त की धाराओं से पृथ्वी को सींचते हुए,

श्लोक 13 (shiva.rudra.194.13)

रुद्रं प्रसादयामास शूलिनं चन्द्रशेखरम् । बाणासुरो महाभक्तो विस्मृतात्मगतिर्नतः

rudraṁ prasādayāmāsa śūlinaṁ candraśekharam bāṇāsuro mahābhakto vismṛtātmagatirnataḥ

महाभक्त बाणासुर ने अपनी दशा को भूलकर, झुककर, शूलधारी चन्द्रशेखर रुद्र को प्रसन्न कर लिया।

श्लोक 14 (shiva.rudra.194.14)

ततो नृत्यं महत्कृत्वा भगवान्भक्तवत्सलः । उवाच बाणं संहृष्टो नृत्य गीतप्रियो हरः

tato nṛtyaṁ mahatkṛtvā bhagavānbhaktavatsalaḥ uvāca bāṇaṁ saṁhṛṣṭo nṛtya gītapriyo haraḥ

तब उस महान् नृत्य को देखकर, नृत्य-गीत-प्रिय, भक्तवत्सल भगवान् हर अत्यन्त प्रसन्न होकर बाण से बोले —

श्लोक 15 (shiva.rudra.194.15)

रुद्र उवाच । बाण तात बलेः पुत्र सन्तुष्टो नर्तनेन ते । वरं गृहाण दैत्येन्द्र यत्ते मनसि वर्तते

rudra uvāca bāṇa tāta baleḥ putra santuṣṭo nartanena te varaṁ gṛhāṇa daityendra yatte manasi vartate

रुद्र ने कहा — हे तात बाण! हे बलि-पुत्र! तुम्हारे नृत्य से मैं सन्तुष्ट हूँ; हे दैत्येन्द्र! जो तुम्हारे मन में हो, वह वर माँगो।

श्लोक 16 (shiva.rudra.194.16)

सनत्कुमार उवाच । इत्याकर्ण्य वचः शम्भोर्दैत्येन्द्रेण तदा मुने । बाणेन संवृणीतोऽभूद्वरस्तु व्रणरोपणे

sanatkumāra uvāca ityākarṇya vacaḥ śambhordaityendreṇa tadā mune bāṇena saṁvṛṇīto'bhūdvarastu vraṇaropaṇe

सनत्कुमार ने कहा — हे मुने! शम्भु के इस वचन को सुनकर दैत्येन्द्र बाण ने तब यह वर माँगा — पहले तो घावों का भरना,

श्लोक 17 (shiva.rudra.194.17)

बाहुयुद्धस्य चोद्धत्तिर्गाणपत्यमथाक्षयम् । उषापुत्रस्य राज्यं तु तस्मिन् शोणितकाह्वये

bāhuyuddhasya coddhattirgāṇapatyamathākṣayam uṣāputrasya rājyaṁ tu tasmin śoṇitakāhvaye

भुजबल में युद्ध की कीर्ति, अक्षय गणपति-पद, तथा उस शोणितपुर में ऊषा के पुत्र के लिए राज्य,

श्लोक 18 (shiva.rudra.194.18)

निर्वैरता च विबुधैर्विष्णुना च विशेषतः । न पुनर्दैत्यता दुष्टा रजसा तमसा युता

nirvairatā ca vibudhairviṣṇunā ca viśeṣataḥ na punardaityatā duṣṭā rajasā tamasā yutā

देवताओं से — विशेषतः विष्णु से — वैररहितता, तथा रज-तम से युक्त दुष्ट दैत्यत्व की पुनरावृत्ति न हो,

श्लोक 19 (shiva.rudra.194.19)

शम्भुभक्तिर्विशेषेण निर्विकारा सदा मुने । शिवभक्तेषु च स्नेहो दया सर्वेषु जन्तुषु

śambhubhaktirviśeṣeṇa nirvikārā sadā mune śivabhakteṣu ca sneho dayā sarveṣu jantuṣu

हे मुने! शम्भु के प्रति विशेष रूप से अविचल भक्ति सदा, शिवभक्तों में स्नेह, तथा समस्त जीवों पर दया।

श्लोक 20 (shiva.rudra.194.20)

इति कृत्वा वरान् शम्भोर्बलिपुत्रो महाऽसुरः । प्रेम्णाऽश्रुनयनो रुद्रं तुष्टाव सुकृताञ्जलिः

iti kṛtvā varān śambhorbaliputro mahā'suraḥ premṇā'śrunayano rudraṁ tuṣṭāva sukṛtāñjaliḥ

सनत्कुमार ने कहा — इस प्रकार शम्भु से वर प्राप्त करके, महान् असुर बलि-पुत्र ने प्रेम से अश्रुपूरित नेत्रों से हाथ जोड़कर रुद्र की स्तुति की —

श्लोक 21 (shiva.rudra.194.21)

बाण उवाच । देवदेव महादेव शरणागतवत्सल । त्वां नमामि महेशान दीनबन्धो दयानिधे

bāṇa uvāca devadeva mahādeva śaraṇāgatavatsala tvāṁ namāmi maheśāna dīnabandho dayānidhe

बाण ने कहा — हे देवदेव! हे महादेव! हे शरणागतवत्सल! हे महेशान! हे दीनबन्धो! हे दयानिधे! मैं आपको नमस्कार करता हूँ।

श्लोक 22 (shiva.rudra.194.22)

कृता मयि कृपातीव कृपासागर शङ्कर । गर्वोपहारितः सर्वः प्रसन्नेन मम प्रभो

kṛtā mayi kṛpātīva kṛpāsāgara śaṅkara garvopahāritaḥ sarvaḥ prasannena mama prabho

हे कृपासागर शंकर! आपने मुझ पर अत्यन्त कृपा की है; हे प्रभो! आपके प्रसन्न होने से मेरा सारा गर्व नष्ट हो गया।

श्लोक 23 (shiva.rudra.194.23)

त्वं ब्रह्म परमात्मा हि सर्वव्याप्यखिलेश्वरः । ब्रह्माण्डतनुरुग्रेशो विराट् सर्वान्वितः परः

tvaṁ brahma paramātmā hi sarvavyāpyakhileśvaraḥ brahmāṇḍatanurugreśo virāṭ sarvānvitaḥ paraḥ

आप ही ब्रह्म, परमात्मा, सर्वव्यापी, समस्त के ईश्वर हैं; ब्रह्माण्ड-शरीर, उग्रेश, विराट्, सबमें व्याप्त होते हुए भी सर्वोपरि हैं।

श्लोक 24 (shiva.rudra.194.24)

नाभिर्नभोऽग्निर्वदनमम्बु रेतो दिशः श्रुतिः । द्यौः शीर्षमङ्घ्रिरुर्वी ते मनश्चन्द्रस्तव प्रभो

nābhirnabho'gnirvadanamambu reto diśaḥ śrutiḥ dyauḥ śīrṣamaṅghrirurvī te manaścandrastava prabho

हे प्रभो! आकाश आपकी नाभि है, अग्नि आपका मुख, जल आपका वीर्य, दिशाएँ आपके कान; द्युलोक आपका सिर, पृथ्वी आपका चरण, और चन्द्रमा आपका मन है।

श्लोक 25 (shiva.rudra.194.25)

दृगर्को जठरं वार्द्धिर्भुजेन्द्रो धिषणा विधिः । प्रजापतिर्विसर्गश्च धर्मो हि हृदयं तव

dṛgarko jaṭharaṁ vārddhirbhujendro dhiṣaṇā vidhiḥ prajāpatirvisargaśca dharmo hi hṛdayaṁ tava

सूर्य आपका नेत्र, समुद्र आपका उदर, इन्द्र आपकी भुजा, ब्रह्मा आपकी बुद्धि, प्रजापति आपकी सृष्टि-क्रिया, और धर्म ही आपका हृदय है।

श्लोक 26 (shiva.rudra.194.26)

रोमाण्यौषधयो नाथ केशा जलमुचस्तव । गुणास्त्रयस्त्रिनेत्राणि सर्वात्मा पुरुषो भवान्

romāṇyauṣadhayo nātha keśā jalamucastava guṇāstrayastrinetrāṇi sarvātmā puruṣo bhavān

हे नाथ! औषधियाँ आपके रोम हैं, मेघ आपके केश हैं; तीनों गुण आपके तीन नेत्र हैं; आप ही पुरुष, सबकी आत्मा हैं।

श्लोक 27 (shiva.rudra.194.27)

ब्राह्मणं ते मुखं प्राहुर्बाहुं क्षत्रियमेव च । ऊरुजं वैश्यमाहुस्ते पादजं शूद्रमेव च

brāhmaṇaṁ te mukhaṁ prāhurbāhuṁ kṣatriyameva ca ūrujaṁ vaiśyamāhuste pādajaṁ śūdrameva ca

आपका मुख ब्राह्मण कहा गया है, आपकी भुजा ही क्षत्रिय है; आपकी जंघा से उत्पन्न वैश्य कहा जाता है, और आपके पैर से उत्पन्न शूद्र।

श्लोक 28 (shiva.rudra.194.28)

त्वमेव सर्वदोपास्यःसर्वैर्जीवैर्महेश्वर । त्वां भजन्परमां मुक्तिं लभते पुरुषो ध्रुवम्

tvameva sarvadopāsyaḥsarvairjīvairmaheśvara tvāṁ bhajanparamāṁ muktiṁ labhate puruṣo dhruvam

हे महेश्वर! आप ही सदा समस्त जीवों द्वारा उपास्य हैं; आपका भजन करने वाला पुरुष निश्चय ही परम मुक्ति प्राप्त करता है।

श्लोक 29 (shiva.rudra.194.29)

यस्त्वां विसृजते मर्त्य आत्मानं प्रियमीश्वरम् । विपर्ययेन्द्रियार्थार्थं विषमत्त्यमृतं त्यजन्

yastvāṁ visṛjate martya ātmānaṁ priyamīśvaram viparyayendriyārthārthaṁ viṣamattyamṛtaṁ tyajan

जो मरणधर्मा मनुष्य अपने ही प्रिय आत्मा-स्वरूप ईश्वर आपको त्याग देता है, वह विपरीत होकर इन्द्रियों के विषयों के लिए अमृत त्यागकर विष खाता है।

श्लोक 30 (shiva.rudra.194.30)

विष्णुर्ब्रह्माऽथ विबुधा मुनयश्चामलाशयाः । सर्वात्मना प्रपन्नास्त्वां शङ्करं प्रियमीश्वरम्

viṣṇurbrahmā'tha vibudhā munayaścāmalāśayāḥ sarvātmanā prapannāstvāṁ śaṅkaraṁ priyamīśvaram

विष्णु, ब्रह्मा, देवगण तथा निर्मल हृदय वाले मुनि — सभी सर्वात्मा भाव से आप शंकर, अपने प्रिय ईश्वर, की शरण में जाते हैं।

श्लोक 31 (shiva.rudra.194.31)

सनत्कुमार उवाच । इत्युक्त्वा बलिपुत्रस्तु विरराम शरासुरः । प्रेमप्रफुल्लिताङ्गश्च प्रणम्य स महेश्वरम्

sanatkumāra uvāca ityuktvā baliputrastu virarāma śarāsuraḥ premapraphullitāṅgaśca praṇamya sa maheśvaram

सनत्कुमार ने कहा — ऐसा कहकर बलि-पुत्र असुर बाण मौन हो गया, प्रेम से पुलकित शरीर होकर उसने महेश्वर को प्रणाम किया।

श्लोक 32 (shiva.rudra.194.32)

इति श्रुत्वा स्वभक्तस्य बाणस्य भगवान्भवः । सर्वं लभिष्यसीत्युक्त्वा तत्रैवान्तरधीयत

iti śrutvā svabhaktasya bāṇasya bhagavānbhavaḥ sarvaṁ labhiṣyasītyuktvā tatraivāntaradhīyata

अपने भक्त बाण की यह स्तुति सुनकर भगवान् भव ने "तुम्हें सब कुछ प्राप्त होगा" ऐसा कहकर वहीं अन्तर्धान हो गए।

श्लोक 33 (shiva.rudra.194.33)

ततः शम्भोः प्रसादेन महाकालत्वमागतः । रुद्रस्यानुचरो बाणो महाप्रमुदितोऽभवत्

tataḥ śambhoḥ prasādena mahākālatvamāgataḥ rudrasyānucaro bāṇo mahāpramudito'bhavat

तत्पश्चात् शम्भु की कृपा से महाकाल-पद प्राप्त कर, रुद्र का अनुचर बना बाण अत्यन्त प्रमुदित हो गया।

श्लोक 34 (shiva.rudra.194.34)

इति किल शरनाम्ना शङ्करस्यापि वृत्तं सकलगुरुजनानां सद्गुरोः शूलपाणेः । कथितमिह वरिष्ठं श्रोत्ररम्यैर्वचोभिः सकलभुवनमध्ये क्रीडमानस्य नित्यम्

iti kila śaranāmnā śaṅkarasyāpi vṛttaṁ sakalagurujanānāṁ sadguroḥ śūlapāṇeḥ kathitamiha variṣṭhaṁ śrotraramyairvacobhiḥ sakalabhuvanamadhye krīḍamānasya nityam

इस प्रकार शर (बाण) नाम से प्रसिद्ध यह वृत्तान्त, समस्त गुरुजनों के सद्गुरु, शूलपाणि, जो सम्पूर्ण भुवनों के मध्य सदा क्रीड़ा करते हैं, उन शंकर का ही वृत्तान्त है — जो यहाँ श्रवण-रम्य श्रेष्ठ वचनों में कहा गया।