सती का संक्षिप्त चरित्र

श्लोक 1 (shiva.rudra.21.1)

नारद उवाच । विधे सर्वं विजानासि कृपया शङ्करस्य च । त्वयाद्भुता हि कथिताः कथा मे शिवयोः शुभाः

nārada uvāca | vidhe sarvaṁ vijānāsi kṛpayā śaṅkarasya ca | tvayādbhutā hi kathitāḥ kathā me śivayoḥ śubhāḥ

नारद ने कहा — हे विधे! आप कृपापूर्वक सब कुछ जानते हैं, और शंकर के विषय में भी। आपने मुझे शिव-शिवा की अद्भुत, शुभ कथाएँ सुनाई हैं।

श्लोक 2 (shiva.rudra.21.2)

त्वन्मुखाम्भोजसंवृत्तां श्रुत्वा शिवकथां पराम् । अतृप्तो हि पुनस्तां वै श्रोतुमिच्छाम्यहं प्रभो

tvanmukhāmbhojasaṁvṛttāṁ śrutvā śivakathāṁ parām | atṛpto hi punastāṁ vai śrotumicchāmyahaṁ prabho

आपके मुखकमल से निकली इस उत्तम शिव-कथा को सुनकर भी मैं तृप्त नहीं हुआ; हे प्रभो! मैं उसे पुनः सुनना चाहता हूँ।

श्लोक 3 (shiva.rudra.21.3)

पूर्णांशः शङ्करस्यैव यो रुद्रो वर्णितः पुरा । विधे त्वया महेशानः कैलासनिलयो वशी

pūrṇāṁśaḥ śaṅkarasyaiva yo rudro varṇitaḥ purā | vidhe tvayā maheśānaḥ kailāsanilayo vaśī

हे विधे! पहले आपने वर्णन किया था कि जो रुद्र शंकर का पूर्णांश है, वे वशी (जितेन्द्रिय) महेश कैलास में निवास करते हैं,

श्लोक 4 (shiva.rudra.21.4)

स योगी सर्वविष्ण्वादिसुरसेव्यः सतां गतिः । निर्द्वन्द्वः क्रीडति सदा निर्विकारो महाप्रभुः

sa yogī sarvaviṣṇvādisurasevyaḥ satāṁ gatiḥ | nirdvandvaḥ krīḍati sadā nirvikāro mahāprabhuḥ

वे योगी, विष्णु आदि समस्त देवताओं द्वारा सेव्य, सत्पुरुषों की परम गति, द्वंद्वरहित, सदा क्रीड़ा करने वाले, निर्विकार महाप्रभु हैं।

श्लोक 5 (shiva.rudra.21.5)

सोऽभूत्पुनर्गृहस्थश्च विवाह्य परमां स्त्रियम् । हरिप्रार्थनया प्रीत्या मङ्गलां सुतपस्विनीम्

so'bhūtpunargṛhasthaśca vivāhya paramāṁ striyam | hariprārthanayā prītyā maṅgalāṁ sutapasvinīm

वही फिर एक परम सुंदर स्त्री से विवाह कर, हरि (विष्णु) की प्रार्थना से प्रीतिपूर्वक, गृहस्थ बन गए — वह मंगलमयी, महान् तपस्विनी स्त्री।

श्लोक 6 (shiva.rudra.21.6)

प्रथमं दक्षपुत्री सा पश्चात्सा पर्वतात्मजा । कथमेकशरीरेण द्वयोरप्यात्मजा मता

prathamaṁ dakṣaputrī sā paścātsā parvatātmajā | kathamekaśarīreṇa dvayorapyātmajā matā

पहले वह दक्ष की पुत्री थी, फिर वह पर्वत की पुत्री हुई — एक ही शरीर से यह दोनों की पुत्री कैसे मानी गई?

श्लोक 7 (shiva.rudra.21.7)

कथं सती पार्वती सा पुनः शिवमुपागता । एतत्सर्वं तथान्यच्च ब्रह्मन् गदितुमर्हसि

kathaṁ satī pārvatī sā punaḥ śivamupāgatā | etatsarvaṁ tathānyacca brahman gaditumarhasi

वह सती किस प्रकार पार्वती बनकर पुनः शिव के पास आई? हे ब्रह्मन्! यह सब और अन्य सब बातें भी मुझे बताने योग्य हैं।

श्लोक 8 (shiva.rudra.21.8)

सूत उवाच । इति तस्य वचः श्रुत्वा सुरर्षेः शङ्करात्मनः । प्रसन्नमानसो भूत्वा ब्रह्मा वचनमब्रवीत्

sūta uvāca | iti tasya vacaḥ śrutvā surarṣeḥ śaṅkarātmanaḥ | prasannamānaso bhūtvā brahmā vacanamabravīt

सूत ने कहा — शंकर-रूप उस देवर्षि नारद के वचन सुनकर ब्रह्मा प्रसन्न-मन होकर बोले।

श्लोक 9 (shiva.rudra.21.9)

ब्रह्मोवाच । शृणु तात मुनिश्रेष्ठ कथयामि कथां शुभाम् । यां श्रुत्वा सफलं जन्म भविष्यति न संशयः

brahmovāca | śṛṇu tāta muniśreṣṭha kathayāmi kathāṁ śubhām | yāṁ śrutvā saphalaṁ janma bhaviṣyati na saṁśayaḥ

ब्रह्मा ने कहा — हे तात! हे मुनिश्रेष्ठ! सुनो, मैं वह शुभ कथा कहता हूँ, जिसे सुनकर निःसंदेह जन्म सफल हो जाता है।

श्लोक 10 (shiva.rudra.21.10)

पुराहं स्वसुतां दृष्ट्वा सन्ध्याह्वां तनयैः सह । अभवं विकृतस्तात कामबाणप्रपीडितः

purāhaṁ svasutāṁ dṛṣṭvā sandhyāhvāṁ tanayaiḥ saha | abhavaṁ vikṛtastāta kāmabāṇaprapīḍitaḥ

हे तात! पूर्वकाल में मैं अपनी पुत्रों सहित संध्या नामक अपनी ही कन्या को देखकर कामबाण से पीड़ित होकर विकृत हो गया था।

श्लोक 11 (shiva.rudra.21.11)

धर्मः स्मृतस्तदा रुद्रो महायोगी परः प्रभुः । धिक्कृत्य मां सुतैस्तात स्वस्थानं गतवानयम्

dharmaḥ smṛtastadā rudro mahāyogī paraḥ prabhuḥ | dhikkṛtya māṁ sutaistāta svasthānaṁ gatavānayam

तब धर्म-स्वरूप वह महायोगी परम प्रभु रुद्र मुझे और मेरे पुत्रों को धिक्कारकर अपने स्थान को लौट गए।

श्लोक 12 (shiva.rudra.21.12)

यन्मायामोहितश्चाहं वेदवक्ता च मूढधीः । तेनाकार्षं सहाकार्यं परमेशेन शम्भुना

yanmāyāmohitaścāhaṁ vedavaktā ca mūḍhadhīḥ | tenākārṣaṁ sahākāryaṁ parameśena śambhunā

हे तात! उस समय, माया से मोहित और मूढ़बुद्धि होकर, वेदवक्ता होते हुए भी मैंने परमेश्वर शंभु के साथ शत्रुता कर ली थी।

श्लोक 13 (shiva.rudra.21.13)

तदीर्षयाहमाकार्षं बहूपायान्सुतैः सह । कर्तुं तन्मोहनं मूढः शिवमायाविमोहितः

tadīrṣayāhamākārṣaṁ bahūpāyānsutaiḥ saha | kartuṁ tanmohanaṁ mūḍhaḥ śivamāyāvimohitaḥ

उसी ईर्ष्या से मैंने, शिव की ही माया से मोहित होकर, मूढ़ बनकर, अपने पुत्रों सहित उन्हें मोहित करने के अनेक उपाय किए।

श्लोक 14 (shiva.rudra.21.14)

अभवंस्तेऽथ वै सर्वे तस्मिन् शम्भौ परप्रभौ । उपाया निष्फलास्तेषां मम चापि मुनीश्वर

abhavaṁste'tha vai sarve tasmin śambhau paraprabhau | upāyā niṣphalāsteṣāṁ mama cāpi munīśvara

हे मुनीश्वर! उन सबके, और मेरे भी, वे सारे उपाय उस परम-प्रभु शंभु के सामने निष्फल हो गए।

श्लोक 15 (shiva.rudra.21.15)

तदास्मरं रमेशानं व्यर्थोपायः सुतैः सह । अबोधयत्स आगत्य शिवभक्तिरतः सुधीः

tadāsmaraṁ rameśānaṁ vyarthopāyaḥ sutaiḥ saha | abodhayatsa āgatya śivabhaktirataḥ sudhīḥ

तब मैंने रमेशान (विष्णु) का स्मरण किया, क्योंकि मेरे और मेरे पुत्रों के उपाय व्यर्थ हो गए थे। वे सुबुद्धि विष्णु, जो शिवभक्ति में रत थे, वहाँ आकर मुझे समझाने लगे।

श्लोक 16 (shiva.rudra.21.16)

प्रबोधितो रमेशेन शिवतत्त्वप्रदर्शिना । तदीर्षामत्यजं सोऽहं तं हठं न विमोहितः

prabodhito rameśena śivatattvapradarśinā | tadīrṣāmatyajaṁ so'haṁ taṁ haṭhaṁ na vimohitaḥ

शिव-तत्त्व को प्रकट करने वाले विष्णु द्वारा समझाए जाने पर मैंने वह ईर्ष्या त्याग दी; मैं फिर उस हठ में मोहित नहीं रहा।

श्लोक 17 (shiva.rudra.21.17)

शक्तिं संसेव्य तत्प्रीत्योत्पादयामास तां तदा । दक्षादसिक्न्यां वीरिण्यां स्वपुत्राद्धरमोहने

śaktiṁ saṁsevya tatprītyotpādayāmāsa tāṁ tadā | dakṣādasiknyāṁ vīriṇyāṁ svaputrāddharamohane

तब मैंने शक्ति की प्रीतिपूर्वक आराधना कर, हर की मोहनी उत्पत्ति के लिए, उसे अपने ही पुत्र दक्ष द्वारा, उसकी पत्नी असिक्नि (वीरिणी) के गर्भ से उत्पन्न कराया।

श्लोक 18 (shiva.rudra.21.18)

सोमा भूत्वा दक्षसुता तपः कृत्वा तु दुःसहम् । रुद्रपत्न्यभवद्भक्त्या स्वभक्तहितकारिणी

somā bhūtvā dakṣasutā tapaḥ kṛtvā tu duḥsaham | rudrapatnyabhavadbhaktyā svabhaktahitakāriṇī

दक्ष की वह पुत्री चंद्रमा-सी कांतिमती होकर, अत्यंत दुःसह तप करके, अपनी भक्ति से रुद्र की पत्नी बनी — अपने भक्तों का सदा हित करने वाली।

श्लोक 19 (shiva.rudra.21.19)

सोमो रुद्रो गृही भूत्वाकार्षील्लीलां परां प्रभुः । मोहयित्वाथ मां तत्र स्वविवाहेऽविकारधीः

somo rudro gṛhī bhūtvākārṣīllīlāṁ parāṁ prabhuḥ | mohayitvātha māṁ tatra svavivāhe'vikāradhīḥ

रुद्र, गृहस्थ बनकर, अपने ही विवाह में मुझे मोहित कर, स्वयं निर्विकार-बुद्धि रहते हुए भी, यह परम लीला की।

श्लोक 20 (shiva.rudra.21.20)

विवाह्य तां स आगत्य स्वगिरौ सूतिकृत्तया । रेमे बहुविमोहो हि स्वतन्त्रः स्वात्तविग्रहः

vivāhya tāṁ sa āgatya svagirau sūtikṛttayā | reme bahuvimoho hi svatantraḥ svāttavigrahaḥ

उससे विवाह कर, उत्पत्ति की शक्ति से युक्त होकर, वे स्वतंत्र, अपनी ही इच्छा से देह धारण करने वाले प्रभु, अपने पर्वत पर लौटकर, अनेक प्रकार से मोहमय लीला करते हुए रमण करने लगे।

श्लोक 21 (shiva.rudra.21.21)

तया विहरतस्तस्य व्यतीयाय महान् मुने । कालः सुखकरः शम्भोर्निर्विकारस्य सद्रतेः

tayā viharatastasya vyatīyāya mahān mune | kālaḥ sukhakaraḥ śambhornirvikārasya sadrateḥ

हे मुने! उस निर्विकार, सत्संगरत शंभु के लिए, उसके साथ विहार करते हुए, बहुत सुखमय काल बीत गया।

श्लोक 22 (shiva.rudra.21.22)

ततो रुद्रस्य दक्षेण स्पर्धा जाता निजेच्छया । महामूढस्य तन्मायामोहितस्य सुगर्विणः

tato rudrasya dakṣeṇa spardhā jātā nijecchayā | mahāmūḍhasya tanmāyāmohitasya sugarviṇaḥ

तत्पश्चात्, अपनी ही इच्छा से, अत्यंत गर्वीले और शिव की माया से मोहित उस महामूढ़ दक्ष की रुद्र के साथ स्पर्धा उत्पन्न हो गई।

श्लोक 23 (shiva.rudra.21.23)

तत्प्रभावाद्धरं दक्षो महागर्वी विमूढधीः । महाशान्तं निर्विकारं निनिन्द बहुमोहितः

tatprabhāvāddharaṁ dakṣo mahāgarvī vimūḍhadhīḥ | mahāśāntaṁ nirvikāraṁ nininda bahumohitaḥ

उसी माया के प्रभाव से महागर्वी, अत्यंत मूढ़बुद्धि दक्ष ने, अत्यंत मोहित होकर, उस परम शांत, निर्विकार हर की निंदा की।

श्लोक 24 (shiva.rudra.21.24)

ततो दक्षः स्वयं यज्ञं कृतवान्गर्वितोऽहरम् । सर्वानाहूय देवादीन् विष्णुं मां चाखिलाधिपः

tato dakṣaḥ svayaṁ yajñaṁ kṛtavāngarvito'haram | sarvānāhūya devādīn viṣṇuṁ māṁ cākhilādhipaḥ

तब दक्ष ने स्वयं गर्वपूर्वक एक यज्ञ किया, और सबका अधिपति होते हुए भी विष्णु, मुझको और अन्य समस्त देवों को आमंत्रित किया।

श्लोक 25 (shiva.rudra.21.25)

नाजुहाव तथाभूतो रुद्रं रोषसमाकुलः । तथा तत्र सतीं नाम्नीं स्वपुत्रीं विधिमोहितः

nājuhāva tathābhūto rudraṁ roṣasamākulaḥ | tathā tatra satīṁ nāmnīṁ svaputrīṁ vidhimohitaḥ

किंतु क्रोध से भरे उस दक्ष ने रुद्र को नहीं बुलाया, और भाग्य से मोहित होकर वहाँ अपनी ही पुत्री, सती नामक कन्या को भी नहीं बुलाया।

श्लोक 26 (shiva.rudra.21.26)

यदा नाकारिता पित्रा मायामोहित चेतसा । लीलां चकार सुज्ञाना महासाध्वी शिवा तदा

yadā nākāritā pitrā māyāmohita cetasā | līlāṁ cakāra sujñānā mahāsādhvī śivā tadā

जब माया-मोहित चित्त वाले पिता ने उसे आमंत्रित नहीं किया, तब वह सुज्ञाना, महासाध्वी शिवा (सती) ने स्वयं ही एक निर्णय ले लिया।

श्लोक 27 (shiva.rudra.21.27)

अथागता सती तत्र शिवाज्ञामधिगम्य सा । अनाहूतापि दक्षेण गर्विणा स्वपितुर्गृहम्

athāgatā satī tatra śivājñāmadhigamya sā | anāhūtāpi dakṣeṇa garviṇā svapiturgṛham

तब वह सती, शिव की आज्ञा प्राप्त कर, गर्वीले दक्ष द्वारा आमंत्रित न होने पर भी, अपने पिता के घर वहाँ गई।

श्लोक 28 (shiva.rudra.21.28)

विलोक्य रुद्रभागं नो प्राप्यावज्ञां च ताततः । विनिन्द्य तत्र तान्सर्वान्देहत्यागमथाकरोत्

vilokya rudrabhāgaṁ no prāpyāvajñāṁ ca tātataḥ | vinindya tatra tānsarvāndehatyāgamathākarot

वहाँ रुद्र के लिए कोई भाग न देखकर, और अपने पिता से केवल अवज्ञा पाकर, उन सबकी निंदा कर, उसने वहीं देह-त्याग कर दिया।

श्लोक 29 (shiva.rudra.21.29)

तच्छ्रुत्वा देवदेवेशः क्रोधं कृत्वा तु दुःसहम् । जटामुत्कृत्य महतीं वीरभद्रमजीजनत्

tacchrutvā devadeveśaḥ krodhaṁ kṛtvā tu duḥsaham | jaṭāmutkṛtya mahatīṁ vīrabhadramajījanat

यह सुनकर देवाधिदेव (शिव) ने असह्य क्रोध कर, अपनी विशाल जटा उखाड़कर उससे वीरभद्र को उत्पन्न किया।

श्लोक 30 (shiva.rudra.21.30)

सगणं तं समुत्पाद्य किं कुर्यामिति वादिनम् । सर्वापमानपूर्वं हि यज्ञध्वंसं दिदेश ह

sagaṇaṁ taṁ samutpādya kiṁ kuryāmiti vādinam | sarvāpamānapūrvaṁ hi yajñadhvaṁsaṁ dideśa ha

उसे अपने गणों सहित उत्पन्न कर, जब वह पूछने लगा — 'मैं क्या करूँ?' — तब शिव ने उसे सबका पूर्ण अपमान करते हुए यज्ञ के विध्वंस की आज्ञा दी।

श्लोक 31 (shiva.rudra.21.31)

गणाधीशस्तदाज्ञां स प्राप्य बहुबलान्वितः । गतोऽरं तत्र सहसा महाबलपराक्रमः

gaṇādhīśastadājñāṁ sa prāpya bahubalānvitaḥ | gato'raṁ tatra sahasā mahābalaparākramaḥ

अत्यंत बलशाली उस गणाधीश ने वह आज्ञा पाकर, महान् बल और पराक्रम से युक्त होकर, तत्काल वहाँ प्रस्थान किया।

श्लोक 32 (shiva.rudra.21.32)

महोपद्रवमाचेरुर्गणास्तत्र तदाज्ञया । सर्वान्स दण्डयामास न कश्चिदवशेषितः

mahopadravamācerurgaṇāstatra tadājñayā | sarvānsa daṇḍayāmāsa na kaścidavaśeṣitaḥ

उस आज्ञा से वहाँ गणों ने महान् उत्पात मचाया; उसने सबको दंडित किया, कोई भी शेष नहीं बचा।

श्लोक 33 (shiva.rudra.21.33)

विष्णुं सञ्जित्य यत्नेन सामरं गणसत्तमः । चक्रे दक्षशिरश्छेदं तच्छिरोऽग्नौ जुहाव च

viṣṇuṁ sañjitya yatnena sāmaraṁ gaṇasattamaḥ | cakre dakṣaśiraśchedaṁ tacchiro'gnau juhāva ca

उस श्रेष्ठ गण ने प्रयत्नपूर्वक देवताओं सहित विष्णु को भी परास्त कर, दक्ष का सिर काट डाला, और उस सिर को यज्ञाग्नि में होम कर दिया।

श्लोक 34 (shiva.rudra.21.34)

यज्ञध्वंसं चकाराशु महोपद्रवमाचरन् । ततो जगाम स्वगिरिं प्रणनाम प्रभुं शिवम्

yajñadhvaṁsaṁ cakārāśu mahopadravamācaran | tato jagāma svagiriṁ praṇanāma prabhuṁ śivam

उसने शीघ्र ही महान् उत्पात मचाते हुए यज्ञ का विध्वंस कर दिया, फिर अपने पर्वत पर लौटकर प्रभु शिव को प्रणाम किया।

श्लोक 35 (shiva.rudra.21.35)

यज्ञध्वंसोऽभवच्चेत्थं देवलोके हि पश्यति । रुद्रस्यानुचरैस्तत्र वीरभद्रादिभिः कृतः

yajñadhvaṁso'bhavaccetthaṁ devaloke hi paśyati | rudrasyānucaraistatra vīrabhadrādibhiḥ kṛtaḥ

इस प्रकार यज्ञ का विध्वंस हुआ, जैसा कि आज भी देवलोक में देखा जाता है, वहाँ रुद्र के अनुचरों द्वारा, वीरभद्र आदि द्वारा किया गया।

श्लोक 36 (shiva.rudra.21.36)

मुने नीतिरियं ज्ञेया श्रुतिस्मृतिषु सम्मता । रुद्रे रुष्टे कथं लोके सुखं भवति सुप्रभौ

mune nītiriyaṁ jñeyā śrutismṛtiṣu sammatā | rudre ruṣṭe kathaṁ loke sukhaṁ bhavati suprabhau

हे मुने! यह नीति जान लेनी चाहिए, जो श्रुति और स्मृति में मान्य है — रुद्र के रुष्ट हो जाने पर संसार में सुख कैसे रह सकता है, चाहे कोई कितना ही सामर्थ्यशाली क्यों न हो?

श्लोक 37 (shiva.rudra.21.37)

ततो रुद्रः प्रसन्नोऽभूत्स्तुतिमाकर्ण्य तां पराम् । विज्ञप्तिं सफलां चक्रे सर्वेषां दीनवत्सलः

tato rudraḥ prasanno'bhūtstutimākarṇya tāṁ parām | vijñaptiṁ saphalāṁ cakre sarveṣāṁ dīnavatsalaḥ

तत्पश्चात् उस परम स्तुति को सुनकर रुद्र प्रसन्न हो गए, और दीनों पर स्नेह रखने वाले उन्होंने सबकी प्रार्थना को सफल कर दिया।

श्लोक 38 (shiva.rudra.21.38)

पूर्ववच्च कृतं तेन कृपालुत्वं महात्मना । शङ्करेण महेशेन नानालीलाविहारिणा

pūrvavacca kṛtaṁ tena kṛpālutvaṁ mahātmanā | śaṅkareṇa maheśena nānālīlāvihāriṇā

उस महात्मा शंकर महेश ने, जो नाना प्रकार की लीलाओं में विहार करते हैं, पहले की भाँति ही अपनी कृपालुता प्रकट की।

श्लोक 39 (shiva.rudra.21.39)

जीवितस्तेन दक्षो हि तत्र सर्वे हि सत्कृताः । पुनः स कारितो यज्ञः शङ्करेण कृपालुना

jīvitastena dakṣo hi tatra sarve hi satkṛtāḥ | punaḥ sa kārito yajñaḥ śaṅkareṇa kṛpālunā

उन्होंने दक्ष को जीवित कर दिया, और वहाँ सबका सत्कार किया गया; उस कृपालु शंकर ने पुनः यज्ञ करवाया।

श्लोक 40 (shiva.rudra.21.40)

रुद्रश्च पूजितस्तत्र सर्वैर्देवैर्विशेषतः । यज्ञे विष्ण्वादिभिर्भक्त्या सुप्रसन्नात्मभिर्मुने

rudraśca pūjitastatra sarvairdevairviśeṣataḥ | yajñe viṣṇvādibhirbhaktyā suprasannātmabhirmune

हे मुने! उस यज्ञ में विष्णु आदि प्रसन्नचित्त देवताओं ने भक्तिपूर्वक रुद्र का विशेष रूप से पूजन किया।

श्लोक 41 (shiva.rudra.21.41)

सतीदेहसमुत्पन्ना ज्वाला लोकसुखावहा । पतिता पर्वते तत्र पूजिता सुखदायिनी

satīdehasamutpannā jvālā lokasukhāvahā | patitā parvate tatra pūjitā sukhadāyinī

सती के शरीर से उत्पन्न वह लोक-सुखकारी ज्वाला उस पर्वत पर गिरी, और वहाँ पूजित हुई, सुख देने वाली।

श्लोक 42 (shiva.rudra.21.42)

ज्वालामुखीति विख्याता सर्वकामफलप्रदा । बभूव परमा देवी दर्शनात्पापहारिणी

jvālāmukhīti vikhyātā sarvakāmaphalapradā | babhūva paramā devī darśanātpāpahāriṇī

वह 'ज्वालामुखी' नाम से विख्यात हुई, समस्त कामनाओं का फल देने वाली परम देवी, जिसके दर्शनमात्र से पाप दूर हो जाते हैं।

श्लोक 43 (shiva.rudra.21.43)

इदानीं पूज्यते लोके सर्वकामफलाप्तये । संविधाभिरनेकाभिर्महोत्सवपरःसरम्

idānīṁ pūjyate loke sarvakāmaphalāptaye | saṁvidhābhiranekābhirmahotsavaparaḥsaram

अब भी वह संसार में समस्त कामनाओं की सिद्धि के लिए, अनेक विधानों और महोत्सवों के साथ पूजी जाती है।

श्लोक 44 (shiva.rudra.21.44)

ततश्च सा सती देवी हिमालयसुताभवत् । तस्याश्च पार्वती नाम प्रसिद्धमभवत्तदा

tataśca sā satī devī himālayasutābhavat | tasyāśca pārvatī nāma prasiddhamabhavattadā

तत्पश्चात् वह सती देवी हिमालय की पुत्री बनीं, और उनका नाम तब पार्वती के रूप में प्रसिद्ध हुआ।

श्लोक 45 (shiva.rudra.21.45)

सा पुनश्च समाराध्य तपसा कठिनेन वै । तमेव परमेशानं भर्तारं समुपाश्रिता

sā punaśca samārādhya tapasā kaṭhinena vai | tameva parameśānaṁ bhartāraṁ samupāśritā

उसने पुनः कठोर तप द्वारा उन्हीं परमेश्वर को आराधकर, उन्हें ही अपने पति के रूप में पुनः प्राप्त किया।

श्लोक 46 (shiva.rudra.21.46)

एतत्सर्वं समाख्यातं यत्पृष्टोऽहं मुनीश्वर । यच्छ्रुत्वा सर्वपापेभ्यो मुच्यते नात्र संशयः

etatsarvaṁ samākhyātaṁ yatpṛṣṭo'haṁ munīśvara | yacchrutvā sarvapāpebhyo mucyate nātra saṁśayaḥ

हे मुनीश्वर! यह सब वृत्तांत आपके पूछने पर कह दिया गया; इसे सुनकर मनुष्य निःसंदेह समस्त पापों से मुक्त हो जाता है।