अरुन्धती-वसिष्ठ विवाह

श्लोक 1 (shiva.rudra.27.1)

ब्रह्मोवाच । वरं दत्त्वा मुने तस्मिन् शम्भावन्तर्हिते तदा । सन्ध्याप्यगच्छत्तत्रैव यत्र मेधातिथिर्मुनिः

brahmovāca | varaṁ dattvā mune tasmin śambhāvantarhite tadā | sandhyāpyagacchattatraiva yatra medhātithirmuniḥ

ब्रह्मा ने कहा - हे मुनि! वर देकर शम्भु के अन्तर्धान हो जाने पर, सन्ध्या भी वहीं गयी जहाँ मुनि मेधातिथि थे।

श्लोक 2 (shiva.rudra.27.2)

तत्र शम्भोः प्रसादेन न केनाप्युपलक्षिता । सस्मार वर्णिनं तं वै स्वोपदेशकरं तपः

tatra śambhoḥ prasādena na kenāpyupalakṣitā | sasmāra varṇinaṁ taṁ vai svopadeśakaraṁ tapaḥ

वहाँ शम्भु की कृपा से किसी के द्वारा भी अलक्षित रहकर, उसने अपने को तप की विधि सिखाने वाले उस ब्रह्मचारी का स्मरण किया।

श्लोक 3 (shiva.rudra.27.3)

वसिष्ठेन पुरा सा तु वर्णीभूत्वा महामुने । उपदिष्टा तपश्चर्तुं वचनात्परमेष्ठिनः

vasiṣṭhena purā sā tu varṇībhūtvā mahāmune | upadiṣṭā tapaścartuṁ vacanātparameṣṭhinaḥ

हे महामुने! पहले वसिष्ठ ने ब्रह्मचारी का रूप धारण करके परमेष्ठी (ब्रह्मा) के वचन से उसे तप करने का उपदेश दिया था।

श्लोक 4 (shiva.rudra.27.4)

तमेव कृत्वा मनसा तपश्चर्योपदेशकम् । पतित्वेन तदा सन्ध्या ब्राह्मणं ब्रह्मचारिणम्

tameva kṛtvā manasā tapaścaryopadeśakam | patitvena tadā sandhyā brāhmaṇaṁ brahmacāriṇam

उसी तपश्चर्या के उपदेशक ब्राह्मण ब्रह्मचारी को पति रूप में मन में धारण करके, सन्ध्या ने तब,

श्लोक 5 (shiva.rudra.27.5)

समिद्धेऽग्नौ महायज्ञे मुनिभिर्नोपलक्षिता । हृष्टा शम्भुप्रसादेन सा विवेश विधेः सुता

samiddhe'gnau mahāyajñe munibhirnopalakṣitā | hṛṣṭā śambhuprasādena sā viveśa vidheḥ sutā

प्रज्वलित महायज्ञ की अग्नि में, मुनियों से अलक्षित रहकर, शम्भु की कृपा से हर्षित होकर विधाता की वह पुत्री प्रविष्ट हो गयी।

श्लोक 6 (shiva.rudra.27.6)

तस्याः पुरोडाशमयं शरीरं तत्क्षणात्ततः । दग्धं हव्यमयं गन्धं तस्तार यदलक्षितम्

tasyāḥ puroḍāśamayaṁ śarīraṁ tatkṣaṇāttataḥ | dagdhaṁ havyamayaṁ gandhaṁ tastāra yadalakṣitam

उसका शरीर उसी क्षण पुरोडाश के समान (हवि के रूप में) जल गया, और उसकी हव्यमय सुगन्ध अलक्षित रूप से फैल गयी।

श्लोक 7 (shiva.rudra.27.7)

वह्निस्तस्याः शरीरं तु दग्ध्वा सूर्यस्य मण्डलम् । शुद्धं प्रवेशयामास शम्भोरेवाज्ञया पुनः

vahnistasyāḥ śarīraṁ tu dagdhvā sūryasya maṇḍalam | śuddhaṁ praveśayāmāsa śambhorevājñayā punaḥ

उसके शरीर को जलाकर, अग्नि ने शम्भु की आज्ञा से ही उस शुद्ध हुए शरीर को पुनः सूर्यमण्डल में प्रविष्ट कराया।

श्लोक 8 (shiva.rudra.27.8)

सूर्यो द्वयर्धं विभज्याथ तच्छरीरं तदा रथे । स्वके संस्थापयामास प्रीतये पितृदेवयोः

sūryo dvayardhaṁ vibhajyātha taccharīraṁ tadā rathe | svake saṁsthāpayāmāsa prītaye pitṛdevayoḥ

सूर्य ने उस शरीर को दो भागों में विभाजित करके अपने रथ में स्थापित कर लिया, देवताओं और पितरों की प्रीति के लिए।

श्लोक 9 (shiva.rudra.27.9)

तदूर्ध्वभागस्तस्यास्तु शरीरस्य मुनीश्वर । प्रातःसन्ध्याभवत्सा तु अहोरात्रादिमध्यगा

tadūrdhvabhāgastasyāstu śarīrasya munīśvara | prātaḥsandhyābhavatsā tu ahorātrādimadhyagā

हे मुनीश्वर! उसके शरीर का ऊपरी भाग प्रातःसन्ध्या बना, जो रात्रि और दिन के आरम्भ के मध्य में स्थित है।

श्लोक 10 (shiva.rudra.27.10)

तच्छेषभागस्तस्यास्तु अहोरात्रान्तमध्यगा ॥ सा सायमभवत्सन्ध्या पितृप्रीतिप्रदा सदा

taccheṣabhāgastasyāstu ahorātrāntamadhyagā || sā sāyamabhavatsandhyā pitṛprītipradā sadā

उसके शरीर का शेष भाग, जो दिन और रात्रि के अन्त के मध्य में स्थित है, सायं सन्ध्या बना, जो सदा पितरों को प्रिय है।

श्लोक 11 (shiva.rudra.27.11)

सूर्योदयात्तु प्रथमं यदा स्यादरुणोदयः । प्रातःसन्ध्या तदोदेति देवानां प्रीतिकारिणी

sūryodayāttu prathamaṁ yadā syādaruṇodayaḥ | prātaḥsandhyā tadodeti devānāṁ prītikāriṇī

सूर्योदय से पहले जब अरुणोदय होता है, तब देवताओं को प्रिय प्रातःसन्ध्या उदित होती है।

श्लोक 12 (shiva.rudra.27.12)

अस्तं गते ततः सूर्ये शोणपद्मनिभे सदा । उदेति सायंसन्ध्यापि पितॄणां मोदकारिणी

astaṁ gate tataḥ sūrye śoṇapadmanibhe sadā | udeti sāyaṁsandhyāpi pitṝṇāṁ modakāriṇī

जब सूर्य अस्त होता है, जो सदा लाल कमल के समान होता है, तब पितरों को आनन्द देने वाली सायंसन्ध्या भी उदित होती है।

श्लोक 13 (shiva.rudra.27.13)

तस्याः प्राणास्तु मनसा शम्भुनाथ दयालुना । दिव्येन तु शरीरेण चक्रिरे हि शरीरिणः

tasyāḥ prāṇāstu manasā śambhunātha dayālunā | divyena tu śarīreṇa cakrire hi śarīriṇaḥ

उसके प्राणों को दयालु शम्भुनाथ ने अपने संकल्प से एक दिव्य शरीर देकर देहधारी रूप प्रदान किया।

श्लोक 14 (shiva.rudra.27.14)

मुनेर्यज्ञावसाने तु सम्प्राप्ते मुनिना तु सा । प्राप्ता पुत्री वह्निमध्ये तप्तकाञ्चनसुप्रभा

muneryajñāvasāne tu samprāpte muninā tu sā | prāptā putrī vahnimadhye taptakāñcanasuprabhā

जब मुनि का यज्ञ समाप्ति को प्राप्त हुआ, तब मुनि को अग्नि के मध्य से तपे हुए स्वर्ण के समान कान्तिमती वह पुत्री प्राप्त हुई।

श्लोक 15 (shiva.rudra.27.15)

तां जग्राह तदा पुत्रीं मुनिरामोदसंयुतः । यज्ञार्थं तां तु संस्नाप्य निजक्रोडे दधौ मुने

tāṁ jagrāha tadā putrīṁ munirāmodasaṁyutaḥ | yajñārthaṁ tāṁ tu saṁsnāpya nijakroḍe dadhau mune

मुनि ने आनन्दित होकर उस पुत्री को ग्रहण किया; यज्ञ के निमित्त उसे स्नान कराकर उसे अपनी गोद में धारण किया।

श्लोक 16 (shiva.rudra.27.16)

अरुन्धतीति तस्यास्तु नाम चक्रे महामुनिः । शिष्यैः परिवृतस्तत्र महामोदमवाप ह

arundhatīti tasyāstu nāma cakre mahāmuniḥ | śiṣyaiḥ parivṛtastatra mahāmodamavāpa ha

महामुनि ने उसका नाम अरुन्धती रखा; वहाँ शिष्यों से घिरे हुए उन्होंने अत्यन्त आनन्द प्राप्त किया।

श्लोक 17 (shiva.rudra.27.17)

न रुणद्धि यतो धर्मं सा कस्मादपि कारणात् । अतस्त्रिलोके विदितं नाम सम्प्राप तत्स्वयम्

na ruṇaddhi yato dharmaṁ sā kasmādapi kāraṇāt | atastriloke viditaṁ nāma samprāpa tatsvayam

चूँकि वह किसी भी कारण से धर्म को नहीं रोकती (अरुणद्धि), इसलिए तीनों लोकों में विख्यात यह नाम उसने स्वयं प्राप्त किया।

श्लोक 18 (shiva.rudra.27.18)

यज्ञं समाप्य स मुनिः कृतकृत्यभाव- मासाद्य सम्मदयुतस्तनयाप्रलम्भात् । तस्मिन्निजाश्रमपदे सह शिष्यवर्गै- स्तामेव सन्ततमसौ दयते सुरर्षे

yajñaṁ samāpya sa muniḥ kṛtakṛtyabhāva- māsādya sammadayutastanayāpralambhāt | tasminnijāśramapade saha śiṣyavargai- stāmeva santatamasau dayate surarṣe

यज्ञ समाप्त करके, कृतकृत्यता का भाव पाकर, पुत्री-प्राप्ति से हर्षित होकर, हे देवर्षे! वह मुनि अपने ही आश्रम में शिष्यगण के साथ निरन्तर उसी का दुलार करता है।

श्लोक 19 (shiva.rudra.27.19)

अथ सा ववृधे देवी तस्मिन्मुनिवराश्रमे । चन्द्रभागानदीतीरे तापसारण्यसंज्ञके

atha sā vavṛdhe devī tasminmunivarāśrame | candrabhāgānadītīre tāpasāraṇyasaṁjñake

फिर वह देवी उस मुनिवर के आश्रम में, चन्द्रभागा नदी के तट पर स्थित तापसारण्य नामक स्थान में बड़ी हुई।

श्लोक 20 (shiva.rudra.27.20)

सम्प्राप्ते पञ्चमे वर्षे चन्द्रभागां तदा गुणैः । तापसारण्यमपि सा पवित्रमकरोत्सती

samprāpte pañcame varṣe candrabhāgāṁ tadā guṇaiḥ | tāpasāraṇyamapi sā pavitramakarotsatī

पाँचवें वर्ष के प्राप्त होने पर उस सती ने अपने गुणों से चन्द्रभागा और तापसारण्य को भी पवित्र कर दिया।

श्लोक 21 (shiva.rudra.27.21)

विवाहं कारयामासुस्तस्या ब्रह्मसुतेन वै । वसिष्ठेन ह्यरुन्धत्या ब्रह्मविष्णुमहेश्वराः

vivāhaṁ kārayāmāsustasyā brahmasutena vai | vasiṣṭhena hyarundhatyā brahmaviṣṇumaheśvarāḥ

ब्रह्मा, विष्णु और महेश्वर ने अरुन्धती का विवाह ब्रह्मपुत्र वसिष्ठ के साथ सम्पन्न कराया।

श्लोक 22 (shiva.rudra.27.22)

तद्विवाहे महोत्साहो बभूव सुखवर्धनः । सर्वे सुराश्च मुनयः सुखमापुः परं मुने

tadvivāhe mahotsāho babhūva sukhavardhanaḥ | sarve surāśca munayaḥ sukhamāpuḥ paraṁ mune

उस विवाह में महान उत्सव हुआ, जो सुख बढ़ाने वाला था; हे मुने! समस्त देवता और मुनि परम सुख को प्राप्त हुए।

श्लोक 23 (shiva.rudra.27.23)

ब्रह्मविष्णुमहेशानां करनिस्सृततोयतः । सप्तनद्यः समुत्पन्नाः शिप्राद्याः सुपवित्रकाः

brahmaviṣṇumaheśānāṁ karanissṛtatoyataḥ | saptanadyaḥ samutpannāḥ śiprādyāḥ supavitrakāḥ

ब्रह्मा, विष्णु और महेश के हाथों से बहे हुए जल से शिप्रा आदि सात परम पवित्र नदियाँ उत्पन्न हुईं।

श्लोक 24 (shiva.rudra.27.24)

अरुन्धती महासाध्वी साध्वीनां प्रवरोत्तमा । वसिष्ठं प्राप्य संरेजे मेधातिथिसुता मुने

arundhatī mahāsādhvī sādhvīnāṁ pravarottamā | vasiṣṭhaṁ prāpya saṁreje medhātithisutā mune

महासाध्वी अरुन्धती, साध्वियों में सर्वश्रेष्ठ, मेधातिथि की पुत्री, हे मुने! वसिष्ठ को पाकर सुशोभित हुई।

श्लोक 25 (shiva.rudra.27.25)

यस्याः पुत्राः समुत्पन्नाः श्रेष्ठाः शक्त्यादयः शुभाः । वसिष्ठं प्राप्य तं कान्तं संरेजे मुनिसत्तम

yasyāḥ putrāḥ samutpannāḥ śreṣṭhāḥ śaktyādayaḥ śubhāḥ | vasiṣṭhaṁ prāpya taṁ kāntaṁ saṁreje munisattama

जिससे शक्ति आदि श्रेष्ठ और शुभ पुत्र उत्पन्न हुए; हे मुनिसत्तम! अपने प्रिय वसिष्ठ को पाकर वह सुशोभित हुई।

श्लोक 26 (shiva.rudra.27.26)

एवं सन्ध्याचरित्रं ते कथितं मुनिसत्तम । पवित्रं परमं दिव्यं सर्वकामफलप्रदम्

evaṁ sandhyācaritraṁ te kathitaṁ munisattama | pavitraṁ paramaṁ divyaṁ sarvakāmaphalapradam

हे मुनिसत्तम! इस प्रकार तुम्हें सन्ध्या का चरित्र सुनाया गया - जो पवित्र, परम दिव्य और सभी कामनाओं का फल देने वाला है।

श्लोक 27 (shiva.rudra.27.27)

य इदं शृणुयान्नारी पुरुषो वा शुभव्रतः । सर्वान्कामानवाप्नोति नात्र कार्या विचारणा

ya idaṁ śṛṇuyānnārī puruṣo vā śubhavrataḥ | sarvānkāmānavāpnoti nātra kāryā vicāraṇā

जो भी शुभव्रती स्त्री या पुरुष इसे सुनता है, वह सब कामनाओं को प्राप्त करता है, इसमें कोई सन्देह नहीं करना चाहिए।