काम-प्रभाव और मारगण उत्पत्ति

श्लोक 1 (shiva.rudra.29.1)

ब्रह्मोवाच । तस्मिन् गते सानुचरे शिवस्थानं च मन्मथे । चरित्रमभवच्चित्रं तच्छृणुष्व मुनीश्वर

brahmovāca | tasmin gate sānucare śivasthānaṁ ca manmathe | caritramabhavaccitraṁ tacchṛṇuṣva munīśvara

ब्रह्मा ने कहा - जब मन्मथ अपने सहचर सहित शिव के स्थान पर गया, तब एक अद्भुत घटना घटी; हे मुनीश्वर! उसे सुनो।

श्लोक 2 (shiva.rudra.29.2)

गत्वा तत्र महावीरो मन्मथो मोहकारकः । स्वप्रभावं ततानाशु मोहयामास प्राणिनः

gatvā tatra mahāvīro manmatho mohakārakaḥ | svaprabhāvaṁ tatānāśu mohayāmāsa prāṇinaḥ

वहाँ जाकर महावीर मोहकारी मन्मथ ने शीघ्र ही अपना प्रभाव फैलाया और सभी प्राणियों को मोहित कर दिया।

श्लोक 3 (shiva.rudra.29.3)

वसन्तोऽपि प्रभावं स्वं चकार हरमोहनम् । सर्वे वृक्षा एकदैव प्रफुल्ला अभवन्मुने

vasanto'pi prabhāvaṁ svaṁ cakāra haramohanam | sarve vṛkṣā ekadaiva praphullā abhavanmune

वसन्त ने भी हर को मोहित करने के लिए अपना प्रभाव फैलाया; हे मुने! सभी वृक्ष एक साथ ही खिल उठे।

श्लोक 4 (shiva.rudra.29.4)

विविधान्कृतवान्यत्नान् रत्या सह मनोभवः । जीवाः सर्वे वशं याताः सगणेशः शिवो न हि

vividhānkṛtavānyatnān ratyā saha manobhavaḥ | jīvāḥ sarve vaśaṁ yātāḥ sagaṇeśaḥ śivo na hi

रति सहित मनोभव ने विविध प्रयत्न किये; सभी जीव उसके वश में हो गये, किन्तु गणों सहित शिव नहीं हुए।

श्लोक 5 (shiva.rudra.29.5)

समधोर्मदनस्यासन्प्रयासा निष्फला मुने । जगाम स निजस्थानं निवृत्य विमदस्तदा

samadhormadanasyāsanprayāsā niṣphalā mune | jagāma sa nijasthānaṁ nivṛtya vimadastadā

हे मुने! मधु सहित मदन के प्रयत्न निष्फल हुए; तब वह अपने अभिमान से रहित होकर लौटकर अपने स्थान को चला गया।

श्लोक 6 (shiva.rudra.29.6)

कृत्वा प्रणामं विधये मह्यं गद्गदया गिरा । उवाच मदनो मां चोदासीनो विमदो मुने

kṛtvā praṇāmaṁ vidhaye mahyaṁ gadgadayā girā | uvāca madano māṁ codāsīno vimado mune

हे मुने! मुझ विधाता को प्रणाम करके, उदास और मानरहित मदन ने गद्गद वाणी में मुझसे कहा।

श्लोक 7 (shiva.rudra.29.7)

काम उवाच । ब्रह्मन् शम्भुर्मोहनीयो न वै योगपरायणः । न शक्तिर्मम नान्यस्य तस्य शम्भोर्हि मोहने

kāma uvāca | brahman śambhurmohanīyo na vai yogaparāyaṇaḥ | na śaktirmama nānyasya tasya śambhorhi mohane

काम ने कहा - हे ब्रह्मन्! योगपरायण शम्भु को मोहित नहीं किया जा सकता; न मुझमें और न किसी और में उस शम्भु को मोहित करने की शक्ति है।

श्लोक 8 (shiva.rudra.29.8)

समित्रेण मया ब्रह्मन्नुपाया विविधाः कृताः । रत्या सहाखिलास्ते च निष्फला अभवन् शिवे

samitreṇa mayā brahmannupāyā vividhāḥ kṛtāḥ | ratyā sahākhilāste ca niṣphalā abhavan śive

हे ब्रह्मन्! मित्र सहित मैंने रति के साथ अनेक उपाय किये, किन्तु वे सब शिव के प्रति निष्फल रहे।

श्लोक 9 (shiva.rudra.29.9)

शृणु ब्रह्मन्यथास्माभिः कृता हि हरमोहने । प्रयासान् विविधाँस्तात गदतस्तान्मुने मम

śṛṇu brahmanyathāsmābhiḥ kṛtā hi haramohane | prayāsān vividhā~stāta gadatastānmune mama

हे ब्रह्मन्! हे तात! हे मुने! हमने हर को मोहित करने के लिए जो विविध प्रयास किये, वे मुझसे कहते हुए सुनिये।

श्लोक 10 (shiva.rudra.29.10)

यदा समाधिमाश्रित्य स्थितः शम्भुर्नियन्त्रितः । तदा सुगन्धिवातेन शीतलेनातिवेगिना

yadā samādhimāśritya sthitaḥ śambhurniyantritaḥ | tadā sugandhivātena śītalenātiveginā

जब शम्भु संयमित होकर समाधि में स्थित थे, तब शीतल, सुगन्धित और अत्यन्त वेगवान वायु के द्वारा,

श्लोक 11 (shiva.rudra.29.11)

उद्वेजयामि रुद्रं स्म नित्यं मोहनकारिणा । प्रयत्नतो महादेवं समाधिस्थं त्रिलोचनम्

udvejayāmi rudraṁ sma nityaṁ mohanakāriṇā | prayatnato mahādevaṁ samādhisthaṁ trilocanam

मैंने सदा उस मोहकारी वायु से रुद्र को विचलित करने का प्रयत्न किया, समाधिस्थ त्रिलोचन महादेव को।

श्लोक 12 (shiva.rudra.29.12)

स्वसायकांस्तथा पञ्च समादाय शरासनम् । तस्याभितो भ्रमतस्तु मोहयंस्तद्गणानहम्

svasāyakāṁstathā pañca samādāya śarāsanam | tasyābhito bhramatastu mohayaṁstadgaṇānaham

और अपने पाँच बाणों और धनुष को लेकर, उसके चारों ओर घूमते हुए मैंने उसके गणों को मोहित करने का प्रयत्न किया।

श्लोक 13 (shiva.rudra.29.13)

मम प्रवेशमात्रेण सुवश्याः सर्वजन्तवः । अभवद्विकृतो नैव शङ्करः सगणः प्रभुः

mama praveśamātreṇa suvaśyāḥ sarvajantavaḥ | abhavadvikṛto naiva śaṅkaraḥ sagaṇaḥ prabhuḥ

मेरे प्रवेश मात्र से सभी प्राणी सहज ही वशीभूत हो गये, किन्तु गणों सहित प्रभु शंकर तनिक भी विकृत नहीं हुए।

श्लोक 14 (shiva.rudra.29.14)

यदा हिमवतः प्रस्थं स गतः प्रमथाधिपः । तत्रागतस्तदैवाहं सरतिः समधुर्विधे

yadā himavataḥ prasthaṁ sa gataḥ pramathādhipaḥ | tatrāgatastadaivāhaṁ saratiḥ samadhurvidhe

हे विधे! जब प्रमथों के अधिपति हिमालय के पठार पर गये, तब मैं भी रति और मधु सहित वहीं गया।

श्लोक 15 (shiva.rudra.29.15)

यदा मेरुं गतो रुद्रो यदा वा नागकेशरम् । कैलासं वा यदा यातस्तत्राहं गतवांस्तदा

yadā meruṁ gato rudro yadā vā nāgakeśaram | kailāsaṁ vā yadā yātastatrāhaṁ gatavāṁstadā

जब रुद्र मेरु को गये, अथवा जब नागकेशर को, अथवा जब कैलास को गये, तब-तब मैं भी वहाँ गया।

श्लोक 16 (shiva.rudra.29.16)

यदा त्यक्तसमाधिस्तु हरस्तस्थौ कदाचन । तदा तस्य पुरश्चक्रयुगं रचितवानहम्

yadā tyaktasamādhistu harastasthau kadācana | tadā tasya puraścakrayugaṁ racitavānaham

जब कभी हर समाधि त्यागकर स्थित होते, तब मैं उनके सामने चक्रयुगल (नेत्रों का घुमाव) की रचना करता था।

श्लोक 17 (shiva.rudra.29.17)

तच्च भ्रूयुगलं ब्रह्मन् हावभावयुतं मुहुः । नानाभावानकार्षीच्च दाम्पत्यक्रममुत्तमम्

tacca bhrūyugalaṁ brahman hāvabhāvayutaṁ muhuḥ | nānābhāvānakārṣīcca dāmpatyakramamuttamam

हे ब्रह्मन्! उस भौंहों के जोड़े ने बार-बार हाव-भाव से युक्त होकर विविध भाव प्रकट किये, और उत्तम दाम्पत्य-क्रम प्रदर्शित किया।

श्लोक 18 (shiva.rudra.29.18)

नीलकण्ठं महादेवं सगणं तत्पुरःस्थिताः । अकार्षुर्मोहितं भावं मृगाश्च पक्षिणस्तथा

nīlakaṇṭhaṁ mahādevaṁ sagaṇaṁ tatpuraḥsthitāḥ | akārṣurmohitaṁ bhāvaṁ mṛgāśca pakṣiṇastathā

नीलकण्ठ महादेव और उनके गणों के सामने खड़े होकर, मृगों और पक्षियों ने भी मोहित भाव प्रकट किया।

श्लोक 19 (shiva.rudra.29.19)

मयूरमिथुनं तत्राकार्षीद्भावं रसोत्सुकम् । विविधां गतिमाश्रित्य पार्श्वे तस्य पुरस्तथा

mayūramithunaṁ tatrākārṣīdbhāvaṁ rasotsukam | vividhāṁ gatimāśritya pārśve tasya purastathā

वहाँ मयूर-युगल ने रसोत्सुक भाव प्रकट किया, विविध गतियों का आश्रय लेते हुए उनके पास और सामने।

श्लोक 20 (shiva.rudra.29.20)

नालभद् विवरं तस्मिन् कदाचिदपि मच्छरः । सत्यं ब्रवीमि लोकेश मम शक्तिर्न मोहने

nālabhad vivaraṁ tasmin kadācidapi maccharaḥ | satyaṁ bravīmi lokeśa mama śaktirna mohane

किन्तु मेरा बाण उस पर कभी भी अवसर नहीं पा सका; हे लोकेश! मैं सत्य कहता हूँ, उसे मोहित करने की मेरी शक्ति नहीं है।

श्लोक 21 (shiva.rudra.29.21)

मधुरप्यकरोत्कर्म युक्तं यत्तस्य मोहने । तच्छृणुष्व महाभाग सत्यं सत्यं वदाम्यहम्

madhurapyakarotkarma yuktaṁ yattasya mohane | tacchṛṇuṣva mahābhāga satyaṁ satyaṁ vadāmyaham

मधु ने भी उसे मोहित करने के लिए उचित कार्य किया; हे महाभाग! वह सुनिये, मैं सत्य-सत्य कहता हूँ।

श्लोक 22 (shiva.rudra.29.22)

चम्पकान्केशरान्बालान्कारणान्पाटलांस्तथा । नागकेशरपुन्नागान्किंशुकान्केतकान् वरान्

campakānkeśarānbālānkāraṇānpāṭalāṁstathā | nāgakeśarapunnāgānkiṁśukānketakān varān

उसने चम्पा, केसर, कोमल कलियाँ, कारण, पाटल, नागकेसर, पुन्नाग, किंशुक और श्रेष्ठ केतकी को खिलाया,

श्लोक 23 (shiva.rudra.29.23)

मालतीमल्लिकापर्णभारान्कुरबकांस्तथा । उत्फुल्लयति तत्र स्म यत्र तिष्ठति वै हरः

mālatīmallikāparṇabhārānkurabakāṁstathā | utphullayati tatra sma yatra tiṣṭhati vai haraḥ

मालती, पत्तों से लदी मल्लिका और कुरबक को भी - वह उन्हें वहीं खिला देता था जहाँ हर ठहरते थे।

श्लोक 24 (shiva.rudra.29.24)

सरांस्युत्फुल्लपद्मानि वीजयन् मलयानिलैः । यत्नात्सुगन्धीन्यकरोदतीव गिरिशाश्रमे

sarāṁsyutphullapadmāni vījayan malayānilaiḥ | yatnātsugandhīnyakarodatīva giriśāśrame

मलयानिल से खिले हुए कमलों वाले सरोवरों को हिलाते हुए, उसने प्रयत्नपूर्वक गिरीश के आश्रम को अत्यन्त सुगन्धित बना दिया।

श्लोक 25 (shiva.rudra.29.25)

लताः सर्वाः सुमनसो धत्तूराङ्कुरसञ्चयाः । वृक्षाङ्कं चिरभावेन वेष्टयन्ति स्म तत्र च

latāḥ sarvāḥ sumanaso dhattūrāṅkurasañcayāḥ | vṛkṣāṅkaṁ cirabhāvena veṣṭayanti sma tatra ca

वहाँ सभी पुष्पित लताएँ और धतूरे के अंकुर-समूह वृक्षों के तनों को चिरकाल तक लिपटी रहती थीं।

श्लोक 26 (shiva.rudra.29.26)

तान्वृक्षांश्च सुपुष्पौघान् तैः सुगन्धिसमीरणैः । दृष्ट्वा कामवशं याता मुनयोऽपि परे किमु

tānvṛkṣāṁśca supuṣpaughān taiḥ sugandhisamīraṇaiḥ | dṛṣṭvā kāmavaśaṁ yātā munayo'pi pare kimu

उन पुष्पों से भरे वृक्षों को और उन सुगन्धित वायुओं को देखकर, अन्य मुनि भी काम के वश में आ गये, तो अन्य की क्या बात?

श्लोक 27 (shiva.rudra.29.27)

एवं सत्यपि शम्भोर्न दृष्टं मोहस्य कारणम् । भावमात्रमकार्षीन्नो कोपो मय्यपि शङ्करः

evaṁ satyapi śambhorna dṛṣṭaṁ mohasya kāraṇam | bhāvamātramakārṣīnno kopo mayyapi śaṅkaraḥ

इस प्रकार होने पर भी शम्भु में मोह का कोई कारण नहीं दिखा; उसने कोई भाव भी प्रकट नहीं किया, और न मुझ पर शंकर क्रोधित हुए।

श्लोक 28 (shiva.rudra.29.28)

इति सर्वमहं दृष्ट्वा ज्ञात्वा तस्य च भावनाम् । विमुखोऽहं शम्भुमोहान्नियतं ते वदाम्यहम्

iti sarvamahaṁ dṛṣṭvā jñātvā tasya ca bhāvanām | vimukho'haṁ śambhumohānniyataṁ te vadāmyaham

यह सब देखकर और उनके भाव को जानकर, मैं शम्भु को मोहित करने से विमुख हो गया - यह मैं तुम्हें निश्चित रूप से कहता हूँ।

श्लोक 29 (shiva.rudra.29.29)

तस्य त्यक्तसमाधेस्तु क्षणं नो दृष्टिगोचरे । शक्नुयामो वयं स्थातुं तं रुद्रं को विमोहयेत्

tasya tyaktasamādhestu kṣaṇaṁ no dṛṣṭigocare | śaknuyāmo vayaṁ sthātuṁ taṁ rudraṁ ko vimohayet

जब वह समाधि त्यागकर बैठते हैं, तब हम उनकी दृष्टि के सामने क्षणभर भी नहीं ठहर सकते; उन रुद्र को कौन मोहित कर सकता है?

श्लोक 30 (shiva.rudra.29.30)

ज्वलदग्निप्रकाशाक्षं जटाराशिकरालिनम् । शृङ्गिणं वीक्ष्य कः स्थातुं ब्रह्मन् शक्नोति तत्पुरः

jvaladagniprakāśākṣaṁ jaṭārāśikarālinam | śṛṅgiṇaṁ vīkṣya kaḥ sthātuṁ brahman śaknoti tatpuraḥ

जिनके नेत्र प्रज्वलित अग्नि के समान हैं, जो जटाओं के समूह से विकराल हैं, जो शृंगधारी हैं - हे ब्रह्मन्! उन्हें देखकर उनके सामने कौन ठहर सकता है?

श्लोक 31 (shiva.rudra.29.31)

ब्रह्मोवाच । मनोभववचश्चेत्थं श्रुत्वाहं चतुराननः । विवक्षुरपि नावोचं चिन्ताविष्टोऽभवं तदा

brahmovāca | manobhavavacaścetthaṁ śrutvāhaṁ caturānanaḥ | vivakṣurapi nāvocaṁ cintāviṣṭo'bhavaṁ tadā

ब्रह्मा ने कहा - मनोभव के इन वचनों को सुनकर, चतुरानन मैं, कुछ कहना चाहते हुए भी कुछ नहीं बोला, और तब चिन्तामग्न हो गया।

श्लोक 32 (shiva.rudra.29.32)

मोहनेऽहं समर्थो न हरस्येति मनोभवः । वचः श्रुत्वा महादुःखान्निरश्वसमहं मुने

mohane'haṁ samartho na harasyeti manobhavaḥ | vacaḥ śrutvā mahāduḥkhānniraśvasamahaṁ mune

'हर को मोहित करने में मैं समर्थ नहीं हूँ' - मनोभव के इस वचन को सुनकर, हे मुने! मैंने महान दुःख से एक श्वास छोड़ी।

श्लोक 33 (shiva.rudra.29.33)

निश्श्वासमारुता मे हि नानारूपा महाबलाः । जाता गणा लोलजिह्वा लोलाश्चातिभयङ्कराः

niśśvāsamārutā me hi nānārūpā mahābalāḥ | jātā gaṇā lolajihvā lolāścātibhayaṅkarāḥ

मेरी उस श्वास से नाना रूप वाले, महाबली, चंचल जिह्वा वाले, चंचल और अत्यन्त भयंकर गण उत्पन्न हुए।

श्लोक 34 (shiva.rudra.29.34)

अवादयन्त ते सर्वे नानावाद्यानसङ्ख्यकान् । पटहादिगणास्तांस्तान् विकरालान्महारवान्

avādayanta te sarve nānāvādyānasaṅkhyakān | paṭahādigaṇāstāṁstān vikarālānmahāravān

वे सभी विकराल और महाध्वनि करने वाले गण अनगिनत प्रकार के ढोल आदि वाद्ययन्त्र बजाने लगे।

श्लोक 35 (shiva.rudra.29.35)

अथ ते मम निःश्वाससम्भवाश्च महागणाः । मारयच्छेदयेत्यूचुर्ब्रह्मणो मे पुरः स्थिताः

atha te mama niḥśvāsasambhavāśca mahāgaṇāḥ | mārayacchedayetyūcurbrahmaṇo me puraḥ sthitāḥ

फिर मेरी उस श्वास से उत्पन्न वे महागण, ब्रह्मा मेरे सामने खड़े होकर 'मारो! काटो!' चिल्लाने लगे।

श्लोक 36 (shiva.rudra.29.36)

तेषां तु वदतां तत्र मारयच्छेदयेति माम् । वचः श्रुत्वा विधिं कामः प्रवक्तुमुपचक्रमे

teṣāṁ tu vadatāṁ tatra mārayacchedayeti mām | vacaḥ śrutvā vidhiṁ kāmaḥ pravaktumupacakrame

उनके 'मारो, काटो' कहने के वचन को सुनकर, विधाता मुझसे काम कहने लगा।

श्लोक 37 (shiva.rudra.29.37)

मुनेऽथ मां समाभाष्य तान् दृष्ट्वा मदनो गणान् । उवाच वारयन् ब्रह्मन्गणानामग्रतः स्मरः

mune'tha māṁ samābhāṣya tān dṛṣṭvā madano gaṇān | uvāca vārayan brahmangaṇānāmagrataḥ smaraḥ

हे मुने! फिर मुझसे बात करके और उन गणों को देखकर, मदन ने उन्हें रोकते हुए, हे ब्रह्मन्! उन गणों के समक्ष कहा।

श्लोक 38 (shiva.rudra.29.38)

काम उवाच । हे ब्रह्मन् हे प्रजानाथ सर्वसृष्टिप्रवर्तक । उत्पन्नाः क इमे वीरा विकराला भयङ्कराः

kāma uvāca | he brahman he prajānātha sarvasṛṣṭipravartaka | utpannāḥ ka ime vīrā vikarālā bhayaṅkarāḥ

काम ने कहा - हे ब्रह्मन्! हे प्रजानाथ! हे सम्पूर्ण सृष्टि के प्रवर्तक! ये विकराल, भयंकर वीर कौन उत्पन्न हुए हैं?

श्लोक 39 (shiva.rudra.29.39)

किं कर्मैते करिष्यन्ति कुत्र स्थास्यन्ति वा विधे । किन्नामधेया एते तद्वद तत्र नियोजय

kiṁ karmaite kariṣyanti kutra sthāsyanti vā vidhe | kinnāmadheyā ete tadvada tatra niyojaya

हे विधे! ये क्या कार्य करेंगे और कहाँ रहेंगे? इनके क्या नाम होंगे? यह बताइये और इन्हें उनके स्थान पर नियुक्त कीजिये।

श्लोक 40 (shiva.rudra.29.40)

नियोज्य तान्निजे कृत्ये स्थानं दत्त्वा च नाम च । मामाज्ञापय देवेश कृपां कृत्वा यथोचिताम्

niyojya tānnije kṛtye sthānaṁ dattvā ca nāma ca | māmājñāpaya deveśa kṛpāṁ kṛtvā yathocitām

इन्हें उनके कार्य में नियुक्त करके, स्थान और नाम देकर, हे देवेश! उचित कृपा करके मुझे भी आज्ञा दीजिये।

श्लोक 41 (shiva.rudra.29.41)

ब्रह्मोवाच । इति तद्वाक्यमाकर्ण्य मुनेऽहं लोककारकः । तमवोचं ह मदनं तेषां कर्मादिकं दिशन्

brahmovāca | iti tadvākyamākarṇya mune'haṁ lokakārakaḥ | tamavocaṁ ha madanaṁ teṣāṁ karmādikaṁ diśan

ब्रह्मा ने कहा - हे मुने! उन वचनों को सुनकर, लोककर्ता मैंने उन गणों को कर्म आदि सौंपते हुए मदन से कहा।

श्लोक 42 (shiva.rudra.29.42)

एत उत्पन्नमात्रा हि मारयेत्यवदन् वचः । मुहुर्मुहुरतोऽमीषां नाम मारेति जायताम्

eta utpannamātrā hi mārayetyavadan vacaḥ | muhurmuhurato'mīṣāṁ nāma māreti jāyatām

ये उत्पन्न होते ही बार-बार 'मारो' शब्द बोले, अतः इनका नाम 'मार' हो जाये।

श्लोक 43 (shiva.rudra.29.43)

सदैव विघ्नं जन्तूनां करिष्यन्ति गणा इमे । विना निजार्चनं काम नानाकामरतात्मनाम्

sadaiva vighnaṁ jantūnāṁ kariṣyanti gaṇā ime | vinā nijārcanaṁ kāma nānākāmaratātmanām

हे काम! ये गण नाना कामनाओं और भोगों में लीन प्राणियों के लिए, अपनी पूजा के बिना, सदा विघ्न उत्पन्न करते रहेंगे।

श्लोक 44 (shiva.rudra.29.44)

तवानुगमनं कर्म मुख्यमेषां मनोभव । सहायिनो भविष्यन्ति सदा तव न संशयः

tavānugamanaṁ karma mukhyameṣāṁ manobhava | sahāyino bhaviṣyanti sadā tava na saṁśayaḥ

हे मनोभव! तुम्हारा अनुसरण करना ही इनका मुख्य कार्य होगा; ये सदा तुम्हारे सहायक बनेंगे, इसमें कोई सन्देह नहीं।

श्लोक 45 (shiva.rudra.29.45)

यत्र यत्र भवान् याता स्वकर्मार्थं यदा यदा । गन्तारस्तत्र तत्रैते सहायार्थं तदा तदा

yatra yatra bhavān yātā svakarmārthaṁ yadā yadā | gantārastatra tatraite sahāyārthaṁ tadā tadā

तुम अपने कार्य के लिए जहाँ-जहाँ, जब-जब जाओगे, वहाँ-वहाँ, तब-तब ये सहायता के लिए तुम्हारे साथ जायेंगे।

श्लोक 46 (shiva.rudra.29.46)

चित्तभ्रान्तिं करिष्यन्ति त्वदस्त्रवशवर्तिनाम् । ज्ञानिनां ज्ञानमार्गं च विघ्नयिष्यन्ति सर्वथा

cittabhrāntiṁ kariṣyanti tvadastravaśavartinām | jñānināṁ jñānamārgaṁ ca vighnayiṣyanti sarvathā

ये तुम्हारे अस्त्र के वशीभूत लोगों के चित्त में भ्रम उत्पन्न करेंगे, और ज्ञानियों के ज्ञानमार्ग में भी सर्वथा विघ्न डालेंगे।

श्लोक 47 (shiva.rudra.29.47)

ब्रह्मोवाच । इत्याकर्ण्य वचो मे हि सरतिः स मनोभवः । किञ्चित्प्रसन्नवदनो बभूव मुनिसत्तम

brahmovāca | ityākarṇya vaco me hi saratiḥ sa manobhavaḥ | kiñcitprasannavadano babhūva munisattama

ब्रह्मा ने कहा - हे मुनिसत्तम! मेरे इन वचनों को सुनकर रति सहित मनोभव का मुख कुछ प्रसन्न हो गया।

श्लोक 48 (shiva.rudra.29.48)

श्रुत्वा तेऽपि गणाः सर्वे मदनं मां च सर्वतः । परिवार्य यथाकामं तस्थुस्तत्र निजाकृतिम्

śrutvā te'pi gaṇāḥ sarve madanaṁ māṁ ca sarvataḥ | parivārya yathākāmaṁ tasthustatra nijākṛtim

यह सुनकर वे सभी गण भी मदन और मुझे चारों ओर से घेरकर, यथेच्छ अपने-अपने रूप में वहीं रहने लगे।

श्लोक 49 (shiva.rudra.29.49)

अथ ब्रह्मा स्मरं प्रीत्यागदं मे कुरु शासनम् । एभिः सहैव गच्छ त्वं पुनश्च हरमोहने

atha brahmā smaraṁ prītyāgadaṁ me kuru śāsanam | ebhiḥ sahaiva gaccha tvaṁ punaśca haramohane

तब मैं ब्रह्मा ने स्मर से प्रेमपूर्वक कहा - 'मेरी आज्ञा का पालन करो; इनके साथ ही पुनः हर को मोहित करने के लिए जाओ।'

श्लोक 50 (shiva.rudra.29.50)

मन आधाय यत्नानि कुरु मारगणैः सह । मोहो भवेद्यथा शम्भोर्दारग्रहणहेतवे

mana ādhāya yatnāni kuru māragaṇaiḥ saha | moho bhavedyathā śambhordāragrahaṇahetave

मन लगाकर, मारगणों के साथ प्रयत्न करो, जिससे शम्भु के पत्नी ग्रहण करने के हेतु मोह उत्पन्न हो सके।

श्लोक 51 (shiva.rudra.29.51)

इत्याकर्ण्य वचः कामः प्रोवाच वचनं पुनः । देवर्षे गौरवं मत्वा प्रणम्य विनयेन माम्

ityākarṇya vacaḥ kāmaḥ provāca vacanaṁ punaḥ | devarṣe gauravaṁ matvā praṇamya vinayena mām

हे देवर्षे! यह सुनकर काम ने उस वचन का गौरव मानकर, विनयपूर्वक मुझे प्रणाम करके पुनः कहा।

श्लोक 52 (shiva.rudra.29.52)

काम उवाच । मया सम्यक् कृतं कर्म मोहने तस्य यत्नतः । तन्मोहो नाभवत्तात न भविष्यति नाधुना

kāma uvāca | mayā samyak kṛtaṁ karma mohane tasya yatnataḥ | tanmoho nābhavattāta na bhaviṣyati nādhunā

काम ने कहा - हे तात! मैंने प्रयत्नपूर्वक उसे मोहित करने का कार्य भलीभाँति किया, किन्तु उसे मोह नहीं हुआ, न अभी होगा।

श्लोक 53 (shiva.rudra.29.53)

तव वाग्गौरवं मत्वा दृष्ट्वा मारगणानपि । गमिष्यामि पुनस्तत्र सदारोऽहं त्वदाज्ञया

tava vāggauravaṁ matvā dṛṣṭvā māragaṇānapi | gamiṣyāmi punastatra sadāro'haṁ tvadājñayā

फिर भी तुम्हारे वचन के गौरव को मानकर और मारगणों को देखकर, तुम्हारी आज्ञा से मैं पत्नी सहित पुनः वहाँ जाऊँगा।

श्लोक 54 (shiva.rudra.29.54)

मनो निश्चितमेतद्धि तन्मोहो न भविष्यति । भस्म कुर्यान्न मे देहमिति शङ्कास्ति मे विधे

mano niścitametaddhi tanmoho na bhaviṣyati | bhasma kuryānna me dehamiti śaṅkāsti me vidhe

किन्तु मेरे मन में यह निश्चित है कि उसे मोह नहीं होगा; और हे विधे! मुझे यह भी शंका है कि कहीं वे मेरे शरीर को भस्म न कर दें।

श्लोक 55 (shiva.rudra.29.55)

इत्युक्त्वा समधुः कामः सरतिः सभयस्तदा । ययौ मारगणैः सार्धं शिवस्थानं मुनीश्वर

ityuktvā samadhuḥ kāmaḥ saratiḥ sabhayastadā | yayau māragaṇaiḥ sārdhaṁ śivasthānaṁ munīśvara

यह कहकर, मधु और रति सहित भयभीत काम तब मारगणों के साथ हे मुनीश्वर! शिव के स्थान को गया।

श्लोक 56 (shiva.rudra.29.56)

पूर्ववत् स्वप्रभावं च चक्रे मनसिजस्तदा । बहूपायं स हि मधुर्विविधां बुद्धिमावहन्

pūrvavat svaprabhāvaṁ ca cakre manasijastadā | bahūpāyaṁ sa hi madhurvividhāṁ buddhimāvahan

पूर्व की भाँति मनसिज ने तब पुनः अपना प्रभाव फैलाया; और मधु ने भी अनेक उपाय करते हुए विविध बुद्धि का प्रयोग किया।

श्लोक 57 (shiva.rudra.29.57)

उपायं स चकाराति तत्र मारगणोऽपि च । मोहोऽभवन्न वै शम्भोरपि कश्चित्परात्मनः

upāyaṁ sa cakārāti tatra māragaṇo'pi ca | moho'bhavanna vai śambhorapi kaścitparātmanaḥ

वहाँ मारगण ने भी बहुत उपाय किया, किन्तु उन परमात्मा शम्भु को तनिक भी मोह नहीं हुआ।

श्लोक 58 (shiva.rudra.29.58)

निवृत्त्य पुनरायातो मम स्थानं स्मरस्तदा । आसीन्मारगणोऽगर्वोऽहर्षो मेऽपि पुरस्थितः

nivṛttya punarāyāto mama sthānaṁ smarastadā | āsīnmāragaṇo'garvo'harṣo me'pi purasthitaḥ

तब स्मर लौटकर पुनः मेरे स्थान पर आया; मारगण भी गर्व और हर्ष रहित होकर मेरे सामने खड़े हुए।

श्लोक 59 (shiva.rudra.29.59)

कामः प्रोवाच मां तात प्रणम्य च निरुत्सवः । स्थित्वा मम पुरोऽगर्वो मारैश्च मधुना तदा

kāmaḥ provāca māṁ tāta praṇamya ca nirutsavaḥ | sthitvā mama puro'garvo māraiśca madhunā tadā

हे तात! उत्सवरहित काम मुझे प्रणाम करके, गर्वरहित होकर मारगणों और मधु सहित मेरे सामने खड़े होकर बोला।

श्लोक 60 (shiva.rudra.29.60)

कृतं पूर्वादधिकतः कर्म तन्मोहने विधे । नाभवत्तस्य मोहोऽपि कश्चिद्ध्यानरतात्मनः

kṛtaṁ pūrvādadhikataḥ karma tanmohane vidhe | nābhavattasya moho'pi kaściddhyānaratātmanaḥ

हे विधे! उसे मोहित करने के लिए पहले से भी अधिक कार्य किया गया, फिर भी ध्यानरत उस आत्मा को तनिक भी मोह नहीं हुआ।

श्लोक 61 (shiva.rudra.29.61)

न दग्धा मे तनुश्चैव तत्र तेन दयालुना । कारणं पूर्वपुण्यं च निर्विकारः स वै प्रभुः

na dagdhā me tanuścaiva tatra tena dayālunā | kāraṇaṁ pūrvapuṇyaṁ ca nirvikāraḥ sa vai prabhuḥ

और वहाँ उस दयालु ने मेरे शरीर को भी नहीं जलाया; इसका कारण मेरा पूर्व पुण्य है, और वह प्रभु सर्वथा निर्विकार हैं।

श्लोक 62 (shiva.rudra.29.62)

चेद्वरस्ते हरो भार्यां गृह्णीयादिति पद्मज । परोपायं कुरु तदा विगर्व इति मे मतिः

cedvaraste haro bhāryāṁ gṛhṇīyāditi padmaja | paropāyaṁ kuru tadā vigarva iti me matiḥ

हे पद्मज! यदि आपकी यही इच्छा है कि हर पत्नी ग्रहण करें, तो कोई अन्य उपाय कीजिये; गर्वरहित होकर यही मेरा मत है।

श्लोक 63 (shiva.rudra.29.63)

ब्रह्मोवाच । इत्युक्त्वा सपरीवारो ययौ कामः स्वमाश्रमम् । प्रणम्य मां स्मरन् शम्भुं गर्वदं दीनवत्सलम्

brahmovāca | ityuktvā saparīvāro yayau kāmaḥ svamāśramam | praṇamya māṁ smaran śambhuṁ garvadaṁ dīnavatsalam

ब्रह्मा ने कहा - यह कहकर, मुझे प्रणाम करके, अभिमान का नाश करने वाले तथा दीनवत्सल शम्भु का स्मरण करते हुए, काम अपने परिवार सहित अपने आश्रम को चला गया।