दुर्गा-स्तुति और ब्रह्मा को वर-प्राप्ति

श्लोक 1 (shiva.rudra.31.1)

नारद उवाच । ब्रह्मन् तात महाप्राज्ञ वद नो वदतां वर । गते विष्णौ किमभवदकार्षीत्किं विधे भवान्

nārada uvāca | brahman tāta mahāprājña vada no vadatāṁ vara | gate viṣṇau kimabhavadakārṣītkiṁ vidhe bhavān

नारद ने कहा - हे ब्रह्मन्! हे तात! हे महाप्राज्ञ! हे वक्ताओं में श्रेष्ठ! बताइये, विष्णु के चले जाने पर क्या हुआ और आपने क्या किया?

श्लोक 2 (shiva.rudra.31.2)

ब्रह्मोवाच । विप्रनन्दनवर्य त्वं सावधानतया शृणु । विष्णौ गते भगवति यदकार्षमहं खलु

brahmovāca | vipranandanavarya tvaṁ sāvadhānatayā śṛṇu | viṣṇau gate bhagavati yadakārṣamahaṁ khalu

ब्रह्मा ने कहा - हे विप्रनन्दनवर्य! सावधान होकर सुनो; भगवान विष्णु के चले जाने पर मैंने जो किया,

श्लोक 3 (shiva.rudra.31.3)

विद्याविद्यात्मिकां शुद्धां परब्रह्मस्वरूपिणीम् । स्तौमि देवीं जगद्धात्रीं दुर्गां शम्भुप्रियां सदा

vidyāvidyātmikāṁ śuddhāṁ parabrahmasvarūpiṇīm | staumi devīṁ jagaddhātrīṁ durgāṁ śambhupriyāṁ sadā

मैंने विद्या और अविद्या दोनों रूपों वाली, शुद्ध, परब्रह्मस्वरूपिणी, जगद्धात्री दुर्गा की, जो सदा शम्भु की प्रिय हैं, स्तुति की।

श्लोक 4 (shiva.rudra.31.4)

सर्वत्र व्यापिनीं नित्यां निरालम्बां निराकुलाम् । त्रिदेवजननीं वन्दे स्थूलस्थूलामरूपिणीम्

sarvatra vyāpinīṁ nityāṁ nirālambāṁ nirākulām | tridevajananīṁ vande sthūlasthūlāmarūpiṇīm

सर्वव्यापिनी, नित्य, निरालम्ब, निराकुल, त्रिदेवों की जननी - स्थूल में भी स्थूल और अरूपिणी उन देवी को मैं नमन करता हूँ।

श्लोक 5 (shiva.rudra.31.5)

त्वं चितिः परमानन्दा परमात्मस्वरूपिणी । प्रसन्ना भव देवेशि मत्कार्यं कुरु ते नमः

tvaṁ citiḥ paramānandā paramātmasvarūpiṇī | prasannā bhava deveśi matkāryaṁ kuru te namaḥ

आप ही चिति हैं, परमानन्द हैं, परमात्मस्वरूपिणी हैं; हे देवेशि! प्रसन्न होइये, मेरा कार्य सिद्ध कीजिये, आपको नमस्कार है।

श्लोक 6 (shiva.rudra.31.6)

एवं संस्तूयमाना सा योगनिद्रा मया मुने । आविर्बभूव प्रत्यक्षं देवर्षे चण्डिका मम

evaṁ saṁstūyamānā sā yoganidrā mayā mune | āvirbabhūva pratyakṣaṁ devarṣe caṇḍikā mama

हे मुने! हे देवर्षे! इस प्रकार मेरे द्वारा स्तुति की गयी वह योगनिद्रा, चण्डिका, मेरे समक्ष प्रत्यक्ष प्रकट हुईं।

श्लोक 7 (shiva.rudra.31.7)

स्निग्धाञ्जनद्युतिश्चारुरूपा दिव्यचतुर्भुजा । सिंहस्था वरहस्ता च मुक्तामणिकचोत्कटा

snigdhāñjanadyutiścārurūpā divyacaturbhujā | siṁhasthā varahastā ca muktāmaṇikacotkaṭā

स्निग्ध अंजन के समान कान्ति वाली, सुन्दर रूप वाली, दिव्य चतुर्भुजा, सिंह पर आरूढ़, वरदमुद्रा वाली, मोतियों से सुशोभित केशों वाली।

श्लोक 8 (shiva.rudra.31.8)

शरदिन्द्वानना शुभ्रचन्द्रभाला त्रिलोचना । सर्वावयवरम्या च कमलाङ्घ्रिनखद्युतिः

śaradindvānanā śubhracandrabhālā trilocanā | sarvāvayavaramyā ca kamalāṅghrinakhadyutiḥ

शरत्कालीन चन्द्रमा के समान मुख वाली, उज्ज्वल चन्द्र-भाल वाली, त्रिनेत्रा, सर्वांग सुन्दर, कमल के समान चरणों के नखों की कान्ति वाली।

श्लोक 9 (shiva.rudra.31.9)

समक्षं तामुमां वीक्ष्य मुने शक्तिं शिवस्य हि । भक्त्या विनततुङ्गांशः प्रास्तवं सुप्रणम्य वै

samakṣaṁ tāmumāṁ vīkṣya mune śaktiṁ śivasya hi | bhaktyā vinatatuṅgāṁśaḥ prāstavaṁ supraṇamya vai

हे मुने! उस उमा को, जो शिव की शक्ति हैं, अपने सामने देखकर, भक्तिपूर्वक अपने उन्नत कन्धों को झुकाकर, भलीभाँति प्रणाम करके मैंने उनकी स्तुति की।

श्लोक 10 (shiva.rudra.31.10)

ब्रह्मोवाच । नमो नमस्ते जगतःप्रवृत्ति- निवृत्तिरूपे स्थितिसर्गरूपे । चराचराणां भवती सुशक्तिः सनातनी सर्वविमोहनीति

brahmovāca | namo namaste jagataḥpravṛtti- nivṛttirūpe sthitisargarūpe | carācarāṇāṁ bhavatī suśaktiḥ sanātanī sarvavimohanīti

ब्रह्मा ने कहा - हे देवि! आपको बार-बार नमस्कार है, जो जगत् की प्रवृत्ति और निवृत्ति का रूप हैं, स्थिति और सृष्टि का रूप हैं; आप चराचर की सनातनी शक्ति और सबको मोहित करने वाली हैं।

श्लोक 11 (shiva.rudra.31.11)

या श्रीः सदा केशवमूर्तिमाला विश्वम्भरा या सकलं बिभर्ति । या त्वं पुरा सृष्टिकरी महेशी हर्त्री त्रिलोकस्य परा गुणेभ्यः

yā śrīḥ sadā keśavamūrtimālā viśvambharā yā sakalaṁ bibharti | yā tvaṁ purā sṛṣṭikarī maheśī hartrī trilokasya parā guṇebhyaḥ

जो सदा श्री के रूप में केशव की मूर्ति की माला हैं, जो विश्वम्भरा होकर सबको धारण करती हैं, जो पहले सृष्टिकरी महेशी थीं, तीनों लोकों की संहारकर्ता और गुणों से परे हैं।

श्लोक 12 (shiva.rudra.31.12)

या योगिनां वै महिता मनोज्ञा सा त्वं नमस्ते परमाणुसारे । यमादिपूते हृदि योगिनां या या योगिनां ध्यानपथे प्रतीता

yā yogināṁ vai mahitā manojñā sā tvaṁ namaste paramāṇusāre | yamādipūte hṛdi yogināṁ yā yā yogināṁ dhyānapathe pratītā

जो योगियों द्वारा पूजित और मनोज्ञ हैं, हे परमाणु-सार रूपा! आपको नमस्कार है; जो यम आदि से पवित्र योगियों के हृदय में हैं, जो योगियों के ध्यान-पथ में प्रतीत होती हैं।

श्लोक 13 (shiva.rudra.31.13)

प्रकाशशुद्ध्यादियुता विरागा सा त्वं हि विद्या विविधावलम्बा । कूटस्थमव्यक्तमनन्तरूपं त्वं बिभ्रती कालमयी जगन्ति

prakāśaśuddhyādiyutā virāgā sā tvaṁ hi vidyā vividhāvalambā | kūṭasthamavyaktamanantarūpaṁ tvaṁ bibhratī kālamayī jaganti

प्रकाश, शुद्धि आदि से युक्त, विराग-स्वरूपा - आप ही विविध आलम्बन वाली विद्या हैं; कूटस्थ, अव्यक्त, अनन्त रूप को धारण करती हुई, कालमयी होकर आप जगत् को धारण करती हैं।

श्लोक 14 (shiva.rudra.31.14)

विकारबीजं प्रकरोषि नित्यं गुणान्विता सर्वजनेषु नूनम् । त्वं वै गुणानां च शिवे त्रयाणां निदानभूता च ततः परासि

vikārabījaṁ prakaroṣi nityaṁ guṇānvitā sarvajaneṣu nūnam | tvaṁ vai guṇānāṁ ca śive trayāṇāṁ nidānabhūtā ca tataḥ parāsi

आप सदा विकार के बीज को उत्पन्न करती हैं, समस्त जनों में गुणों से युक्त होकर; हे शिवे! आप ही तीनों गुणों की निदानभूता हैं, और उनसे परे भी हैं।

श्लोक 15 (shiva.rudra.31.15)

सत्वं रजस्तामस इत्यमीषां विकारहीना सभुवस्तुरीया । सा त्वं गुणानां जगदेकहेतुं ब्रह्मान्तरारम्भसि चात्सि पासि

satvaṁ rajastāmasa ityamīṣāṁ vikārahīnā sabhuvasturīyā | sā tvaṁ guṇānāṁ jagadekahetuṁ brahmāntarārambhasi cātsi pāsi

सत्त्व, रजस् और तमस् - इन तीनों गुणों से विकाररहित, आप ही तुरीय हैं; गुणों के जगत् की एकमात्र हेतु आप ही ब्रह्मा के भीतर सृष्टि का आरम्भ करती हैं, भक्षण करती हैं और रक्षा करती हैं।

श्लोक 16 (shiva.rudra.31.16)

अशेषजगतां बीजे ज्ञेयज्ञानस्वरूपिणि । जगद्धिताय सततं शिवपत्नि नमोऽस्तु ते

aśeṣajagatāṁ bīje jñeyajñānasvarūpiṇi | jagaddhitāya satataṁ śivapatni namo'stu te

हे समस्त जगतों के बीज! हे ज्ञेय-ज्ञान-स्वरूपिणी! हे जगत् के हित में सदा तत्पर शिवपत्नी! आपको नमस्कार है।

श्लोक 17 (shiva.rudra.31.17)

इत्याकर्ण्य वचः सा मे काली लोकविभाविनी । प्रीत्या मां जगतामूचे स्रष्टारं जनशब्दवत्

ityākarṇya vacaḥ sā me kālī lokavibhāvinī | prītyā māṁ jagatāmūce sraṣṭāraṁ janaśabdavat

मेरे इन वचनों को सुनकर, लोकों को प्रकाशित करने वाली वह काली, प्रेमपूर्वक जगत्स्रष्टा मुझसे साधारण जन के समान वचन बोलीं।

श्लोक 18 (shiva.rudra.31.18)

देव्युवाच । ब्रह्मन् किमर्थं भवता स्तुताहमवधारय । उच्यतां यदि धृष्योऽसि तच्छीघ्रं पुरतो मम

devyuvāca | brahman kimarthaṁ bhavatā stutāhamavadhāraya | ucyatāṁ yadi dhṛṣyo'si tacchīghraṁ purato mama

देवी ने कहा - हे ब्रह्मन्! तुमने किसलिए मेरी स्तुति की, यह जान लो; यदि तुम्हें साहस है तो शीघ्र मेरे सामने कहो।

श्लोक 19 (shiva.rudra.31.19)

प्रत्यक्षमपि जातायां सिद्धिः कार्यस्य निश्चिता । तस्मात्त्वं वाञ्छितं ब्रूहि या करिष्यामि भाविता

pratyakṣamapi jātāyāṁ siddhiḥ kāryasya niścitā | tasmāttvaṁ vāñchitaṁ brūhi yā kariṣyāmi bhāvitā

प्रत्यक्ष प्रकट होने पर कार्य की सिद्धि निश्चित है; अतः अपनी इच्छा कहो, मैं संकल्पित होकर वह पूर्ण करूँगी।

श्लोक 20 (shiva.rudra.31.20)

ब्रह्मोवाच । शृणु देवि महेशानि कृपां कृत्वा ममोपरि । मनोरथस्थं सर्वज्ञे प्रवदामि त्वदाज्ञया

brahmovāca | śṛṇu devi maheśāni kṛpāṁ kṛtvā mamopari | manorathasthaṁ sarvajñe pravadāmi tvadājñayā

ब्रह्मा ने कहा - हे देवि! हे महेशानि! मुझ पर कृपा करके सुनिये; हे सर्वज्ञे! आपकी आज्ञा से मैं अपने मन की इच्छा कहता हूँ।

श्लोक 21 (shiva.rudra.31.21)

यः पतिस्तव देवेशि ललाटान्मेऽभवत्पुरा । शिवो रुद्राख्यया योगी स वै कैलासमास्थितः

yaḥ patistava deveśi lalāṭānme'bhavatpurā | śivo rudrākhyayā yogī sa vai kailāsamāsthitaḥ

हे देवेशि! जो आपके पति हैं, जो पहले मेरे ललाट से उत्पन्न हुए, वे योगी शिव रुद्र नाम से कैलास पर स्थित हैं।

श्लोक 22 (shiva.rudra.31.22)

तपश्चरति भूतेश एक एवाविकल्पकः । अपत्नीको निर्विकारो न द्वितीयां समीहते

tapaścarati bhūteśa eka evāvikalpakaḥ | apatnīko nirvikāro na dvitīyāṁ samīhate

भूतेश अकेले, अविकल्प होकर, पत्नीरहित और निर्विकार तप करते हैं; वे किसी दूसरी स्त्री की इच्छा नहीं करते।

श्लोक 23 (shiva.rudra.31.23)

तं मोहय यथा चान्यां द्वितीयां सति वीक्षते । त्वदृते तस्य नो काचिद्भविष्यति मनोहरा

taṁ mohaya yathā cānyāṁ dvitīyāṁ sati vīkṣate | tvadṛte tasya no kācidbhaviṣyati manoharā

उन्हें मोहित करो, जिससे वे, तुम्हारे रहते हुए भी, तुम्हें द्वितीया के रूप में देखें; तुम्हारे अतिरिक्त उन्हें कोई अन्य मनोहर नहीं होगी।

श्लोक 24 (shiva.rudra.31.24)

तस्मात्त्वमेव रूपेण भवस्व हरमोहिनी । सुता भूत्वा च दक्षस्य रुद्रपत्नी शिवे भव

tasmāttvameva rūpeṇa bhavasva haramohinī | sutā bhūtvā ca dakṣasya rudrapatnī śive bhava

अतः आप ही स्वरूप धारण करके हर की मोहिनी बनें; हे शिवे! दक्ष की पुत्री होकर रुद्र की पत्नी बनें।

श्लोक 25 (shiva.rudra.31.25)

यथा धृतशरीरा त्वं लक्ष्मीरूपेण केशवम् । आमोदयसि विश्वस्य हितायैतं तथा कुरु

yathā dhṛtaśarīrā tvaṁ lakṣmīrūpeṇa keśavam | āmodayasi viśvasya hitāyaitaṁ tathā kuru

जैसे आप शरीर धारण करके लक्ष्मी रूप में केशव को आनन्दित करती हैं, वैसे ही विश्व के हित के लिए यह कीजिये।

श्लोक 26 (shiva.rudra.31.26)

कान्ताभिलाषमात्रं मे दृष्ट्वानिन्दद् वृषध्वजः । स कथं वनितां देवी स्वेच्छया सङ्ग्रहीष्यति

kāntābhilāṣamātraṁ me dṛṣṭvānindad vṛṣadhvajaḥ | sa kathaṁ vanitāṁ devī svecchayā saṅgrahīṣyati

मेरी पत्नी-अभिलाषा मात्र को देखकर वृषध्वज ने मेरी निन्दा की; हे देवि! वे स्वेच्छा से नारी को कैसे ग्रहण करेंगे?

श्लोक 27 (shiva.rudra.31.27)

हरे गृहीतकान्ते तु कथं सृष्टिः शुभावहा । आद्यन्तमध्ये चैतस्य हेतौ तस्मिन्विरागिणि

hare gṛhītakānte tu kathaṁ sṛṣṭiḥ śubhāvahā | ādyantamadhye caitasya hetau tasminvirāgiṇi

किन्तु यदि हर पत्नी ग्रहण न करें, तो आदि-मध्य-अन्त में शुभदायी सृष्टि कैसे होगी, जिसका कारण वे विरागी ही हैं?

श्लोक 28 (shiva.rudra.31.28)

इति चिन्तापरो नाहं त्वदन्यं शरणं हितम् । कृच्छ्रवांस्तेन विश्वस्य हितायैतत्कुरुष्व मे

iti cintāparo nāhaṁ tvadanyaṁ śaraṇaṁ hitam | kṛcchravāṁstena viśvasya hitāyaitatkuruṣva me

इस प्रकार चिन्तित होकर, मैं तुम्हारे अतिरिक्त कोई अन्य हितकर शरण नहीं जानता; इस कष्ट से पीड़ित होकर, विश्व के हित के लिए यह मेरे लिए कीजिये।

श्लोक 29 (shiva.rudra.31.29)

न विष्णुस्तस्य मोहाय न लक्ष्मीर्न मनोभवः । न चाप्यहं जगन्मातर्नान्यस्त्वां कोऽपि वै विना

na viṣṇustasya mohāya na lakṣmīrna manobhavaḥ | na cāpyahaṁ jaganmātarnānyastvāṁ ko'pi vai vinā

न विष्णु, न लक्ष्मी, न मनोभव, न मैं भी उन्हें मोहित करने में समर्थ हैं; हे जगन्माता! आपके अतिरिक्त और कोई नहीं है।

श्लोक 30 (shiva.rudra.31.30)

तस्मात्त्वं दक्षजा भूत्वा दिव्यरूपा महेश्वरी । तत्पत्नी भव मद्भक्त्या योगिनं मोहयेश्वरम्

tasmāttvaṁ dakṣajā bhūtvā divyarūpā maheśvarī | tatpatnī bhava madbhaktyā yoginaṁ mohayeśvaram

अतः दक्ष की पुत्री होकर, दिव्यरूपा महेश्वरी! उनकी पत्नी बनिये; मेरी भक्ति के कारण उस योगी ईश्वर को मोहित कीजिये।

श्लोक 31 (shiva.rudra.31.31)

दक्षस्तपति देवेशि क्षीरोदोत्तरतीरगः । त्वामुद्दिश्य समाधाय मनस्त्वयि दृढव्रतः

dakṣastapati deveśi kṣīrodottaratīragaḥ | tvāmuddiśya samādhāya manastvayi dṛḍhavrataḥ

हे देवेशि! दक्ष क्षीरसागर के उत्तरी तट पर आपको लक्ष्य करके, आप में मन लगाकर, दृढ़व्रती होकर तप कर रहे हैं।

श्लोक 32 (shiva.rudra.31.32)

ब्रह्मोवाच इत्याकर्ण्य वचः सा चिन्तामाप शिवा तदा । उवाच च स्वमनसि विस्मिता जगदम्बिका

brahmovāca ityākarṇya vacaḥ sā cintāmāpa śivā tadā | uvāca ca svamanasi vismitā jagadambikā

ब्रह्मा ने कहा - इन वचनों को सुनकर, शिवा तब चिन्तामग्न हो गयीं; और विस्मित होकर जगदम्बिका ने अपने मन में कहा।

श्लोक 33 (shiva.rudra.31.33)

देव्युवाच । अहो सुमहदाश्चर्यं वेदवक्ताऽपि विश्वकृत् । महाज्ञानपरो भूत्वा विधाता किं वदत्ययम्

devyuvāca | aho sumahadāścaryaṁ vedavaktā'pi viśvakṛt | mahājñānaparo bhūtvā vidhātā kiṁ vadatyayam

देवी ने कहा - अहो! यह अत्यन्त आश्चर्य है! वेदों के वक्ता और विश्व के रचयिता, महाज्ञानी होते हुए भी यह विधाता क्या कह रहे हैं?

श्लोक 34 (shiva.rudra.31.34)

विधेश्चेतसि सञ्जातो महामोहोऽसुखावहः । यद्वरं निर्विकारं तं सम्मोहयितुमिच्छति

vidheścetasi sañjāto mahāmoho'sukhāvahaḥ | yadvaraṁ nirvikāraṁ taṁ sammohayitumicchati

विधाता के मन में एक महान मोह उत्पन्न हो गया है, जो दुःखदायी है, कि वे उस निर्विकार वर को मोहित करना चाहते हैं।

श्लोक 35 (shiva.rudra.31.35)

हरमोहवरं मत्तः समिच्छति विधिस्त्वयम् । को लाभोऽस्यात्र स विभुर्निर्मोहो निर्विकल्पकः

haramohavaraṁ mattaḥ samicchati vidhistvayam | ko lābho'syātra sa vibhurnirmoho nirvikalpakaḥ

यह विधाता मुझसे हर को मोहित करने का वर चाहता है; इसमें क्या लाभ है? वे विभु निर्मोह और निर्विकल्प हैं।

श्लोक 36 (shiva.rudra.31.36)

परब्रह्माख्यो यः शम्भुर्निर्गुणो निर्विकारवान् । तस्याहं सर्वदा दासी तदाज्ञावशगा सदा

parabrahmākhyo yaḥ śambhurnirguṇo nirvikāravān | tasyāhaṁ sarvadā dāsī tadājñāvaśagā sadā

जो शम्भु परब्रह्म नाम से प्रसिद्ध, निर्गुण और निर्विकार हैं, मैं सदा उनकी दासी हूँ, सदा उनकी आज्ञा के अधीन हूँ।

श्लोक 37 (shiva.rudra.31.37)

स एव पूर्णरूपेण रुद्रनामाभवच्छिवः । भक्तोद्धारणहेतोर्हि स्वतन्त्रः परमेश्वरः

sa eva pūrṇarūpeṇa rudranāmābhavacchivaḥ | bhaktoddhāraṇahetorhi svatantraḥ parameśvaraḥ

वे ही अपने पूर्ण रूप में रुद्र नाम से शिव हुए; भक्तों के उद्धार के लिए ही वे स्वतन्त्र परमेश्वर ऐसा रूप धारण करते हैं।

श्लोक 38 (shiva.rudra.31.38)

हरेर्विधेश्च स स्वामी शिवायूनो न कर्हिचित् । योगादरो ह्यमायस्थो मायेशः परतः परः

harervidheśca sa svāmī śivāyūno na karhicit | yogādaro hyamāyastho māyeśaḥ parataḥ paraḥ

वे ही हरि और विधाता के स्वामी हैं, शिव से कभी भी न्यून नहीं हैं; योग में निरत, माया से परे स्थित, माया के स्वामी, परात्पर हैं।

श्लोक 39 (shiva.rudra.31.39)

मत्वा तमात्मजं ब्रह्मा सामान्यसुरसन्निभम् । इच्छत्ययं मोहयितुमतोऽज्ञानविमोहितः

matvā tamātmajaṁ brahmā sāmānyasurasannibham | icchatyayaṁ mohayitumato'jñānavimohitaḥ

उन्हें अपना पुत्र और साधारण देवता के समान मानकर, अज्ञान से मोहित यह ब्रह्मा उन्हें मोहित करना चाहते हैं।

श्लोक 40 (shiva.rudra.31.40)

न दद्याच्चेद्वरं वेदनीतिर्भ्रष्टा भवेदिति । किं कुर्यां येन न विभुः क्रुद्धः स्यान्मे महेश्वरः

na dadyāccedvaraṁ vedanītirbhraṣṭā bhavediti | kiṁ kuryāṁ yena na vibhuḥ kruddhaḥ syānme maheśvaraḥ

'यदि वर न दूँ तो वेद-मर्यादा भ्रष्ट हो जायेगी' - इसलिए ऐसा क्या करूँ जिससे वे विभु महेश्वर मुझ पर क्रुद्ध न हों?

श्लोक 41 (shiva.rudra.31.41)

ब्रह्मोवाच । विचार्येत्थं महेशं तं सस्मार मनसा शिवा । प्राप्यानुज्ञां शिवस्याथोवाच दुर्गा च मां तदा

brahmovāca | vicāryetthaṁ maheśaṁ taṁ sasmāra manasā śivā | prāpyānujñāṁ śivasyāthovāca durgā ca māṁ tadā

ब्रह्मा ने कहा - इस प्रकार विचार करके शिवा ने मन में महेश का स्मरण किया; और उनकी अनुमति प्राप्त करके दुर्गा ने तब मुझसे कहा।

श्लोक 42 (shiva.rudra.31.42)

दुर्गोवाच । यदुक्तं भवता ब्रह्मन् समस्तं सत्यमेव तत् । मदृते मोहयित्रीह शङ्करस्य न विद्यते

durgovāca | yaduktaṁ bhavatā brahman samastaṁ satyameva tat | madṛte mohayitrīha śaṅkarasya na vidyate

दुर्गा ने कहा - हे ब्रह्मन्! तुमने जो कुछ कहा, वह सब सत्य ही है; मेरे अतिरिक्त शंकर की कोई अन्य मोहिनी नहीं है।

श्लोक 43 (shiva.rudra.31.43)

हरेऽगृहीतदारे तु सृष्टिर्नैषा सनातनी । भविष्यतीति तत्सत्यं भवता प्रतिपादितम्

hare'gṛhītadāre tu sṛṣṭirnaiṣā sanātanī | bhaviṣyatīti tatsatyaṁ bhavatā pratipāditam

यदि हर पत्नी ग्रहण न करें तो यह सनातन सृष्टि नहीं होगी - यह सत्य तुमने भलीभाँति सिद्ध किया है।

श्लोक 44 (shiva.rudra.31.44)

ममापि मोहने यन्नो विद्यतेऽस्य महाप्रभोः । त्वद्वाक्याद् द्विगुणो मेऽद्य प्रयत्नोऽभूत्स निर्भरः

mamāpi mohane yanno vidyate'sya mahāprabhoḥ | tvadvākyād dviguṇo me'dya prayatno'bhūtsa nirbharaḥ

यद्यपि मुझमें भी इस महाप्रभु को मोहित करने की शक्ति नहीं है, तुम्हारे वचन से आज मेरा प्रयत्न दुगुना और पूर्ण हो गया है।

श्लोक 45 (shiva.rudra.31.45)

अहं तथा यतिष्यामि यथा दारपरिग्रहम् । हरः करिष्यति विधे स्वयमेव विमोहितः

ahaṁ tathā yatiṣyāmi yathā dāraparigraham | haraḥ kariṣyati vidhe svayameva vimohitaḥ

हे विधे! मैं ऐसा प्रयत्न करूँगी जिससे हर स्वयं ही मोहित होकर पत्नी ग्रहण करें।

श्लोक 46 (shiva.rudra.31.46)

सतीमूर्तिमहं धृत्वा तस्यैव वशवर्तिनी । भविष्यामि महाभागा लक्ष्मीर्विष्णोर्यथा प्रिया

satīmūrtimahaṁ dhṛtvā tasyaiva vaśavartinī | bhaviṣyāmi mahābhāgā lakṣmīrviṣṇoryathā priyā

सती का रूप धारण करके मैं उन्हीं के वश में रहने वाली, महाभागा बनूँगी, जैसे लक्ष्मी विष्णु की प्रिया हैं।

श्लोक 47 (shiva.rudra.31.47)

यथा सोऽपि मयैवेह वशवर्ती सदा भवेत् । तथा यत्नं करिष्यामि तस्यैव कृपया विधे

yathā so'pi mayaiveha vaśavartī sadā bhavet | tathā yatnaṁ kariṣyāmi tasyaiva kṛpayā vidhe

हे विधे! मैं ऐसा प्रयत्न करूँगी, उन्हीं की कृपा से, जिससे वे भी सदा मेरे ही वश में रहें।

श्लोक 48 (shiva.rudra.31.48)

उत्पन्ना दक्षजायायां सतीरूपेण शङ्करम् । अहं सभाजयिष्यामि लीलया तं पितामह

utpannā dakṣajāyāyāṁ satīrūpeṇa śaṅkaram | ahaṁ sabhājayiṣyāmi līlayā taṁ pitāmaha

हे पितामह! दक्ष की पत्नी में जन्म लेकर, सती के रूप में मैं लीलापूर्वक शंकर को अपने अनुकूल कर लूँगी।

श्लोक 49 (shiva.rudra.31.49)

यथान्यजन्तुरवनौ वर्तते वनितावशे । मद्भक्त्या स हरो वामावशवर्ती भविष्यति

yathānyajanturavanau vartate vanitāvaśe | madbhaktyā sa haro vāmāvaśavartī bhaviṣyati

जैसे पृथ्वी पर अन्य कोई प्राणी नारी के वश में रहता है, वैसे ही मेरी भक्ति से वे हर भी मेरे (पत्नी के) वश में रहेंगे।

श्लोक 50 (shiva.rudra.31.50)

ब्रह्मोवाच । मह्यमित्थं समाभाष्य शिवा सा जगदम्बिका । वीक्ष्यमाणा मया तात तत्रैवान्तर्दधे ततः

brahmovāca | mahyamitthaṁ samābhāṣya śivā sā jagadambikā | vīkṣyamāṇā mayā tāta tatraivāntardadhe tataḥ

ब्रह्मा ने कहा - हे तात! मुझसे इस प्रकार कहकर, जगदम्बिका शिवा मेरे देखते-देखते ही वहीं अन्तर्धान हो गयीं।

श्लोक 51 (shiva.rudra.31.51)

तस्यामन्तर्हितायां तु सोऽहं लोकपितामहः । अगमं यत्र स्वसुतास्तेभ्यः सर्वमवर्णयम्

tasyāmantarhitāyāṁ tu so'haṁ lokapitāmahaḥ | agamaṁ yatra svasutāstebhyaḥ sarvamavarṇayam

उनके अन्तर्धान हो जाने पर, लोकपितामह मैं वहाँ गया जहाँ मेरे पुत्र थे, और उन्हें सब कुछ बताया।