ब्रह्मा-विष्णु द्वारा शिव-प्रार्थना

श्लोक 1 (shiva.rudra.36.1)

ब्रह्मोवाच । इति स्तुतिं च हर्यादिकृतामाकर्ण्य शङ्करः । बभूवातिप्रसन्नो हि विजहास च सूतिकृत्

brahmovāca | iti stutiṁ ca haryādikṛtāmākarṇya śaṅkaraḥ | babhūvātiprasanno hi vijahāsa ca sūtikṛt

ब्रह्मा ने कहा - इन्द्र आदि द्वारा की गयी उस स्तुति को सुनकर सृष्टि के मूल कारण शंकर अत्यन्त प्रसन्न हुए और मुस्कुराये।

श्लोक 2 (shiva.rudra.36.2)

ब्रह्मविष्णू तु दृष्ट्वा तौ सस्त्रीकौ सङ्गतौ हरः । यथोचितं समाभाष्य पप्रच्छागमनं तयोः

brahmaviṣṇū tu dṛṣṭvā tau sastrīkau saṅgatau haraḥ | yathocitaṁ samābhāṣya papracchāgamanaṁ tayoḥ

अपनी-अपनी पत्नियों सहित आये हुए ब्रह्मा और विष्णु दोनों को देखकर हर ने यथोचित वार्तालाप करके उनके आगमन का कारण पूछा।

श्लोक 3 (shiva.rudra.36.3)

रुद्र उवाच । हे हरे हे विधे देवा मुनयश्चाद्य निर्भयाः । निजागमनहेतुं हि कथयध्वं सुतत्त्वतः

rudra uvāca | he hare he vidhe devā munayaścādya nirbhayāḥ | nijāgamanahetuṁ hi kathayadhvaṁ sutattvataḥ

रुद्र ने कहा - हे हरि! हे विधे! आज देवगण और मुनिगण सभी निर्भय हैं; अपने आगमन का कारण यथार्थतः बताओ।

श्लोक 4 (shiva.rudra.36.4)

किमर्थमागता यूयं किं कार्यं चेह विद्यते । तत्सर्वं श्रोतुमिच्छामि भवत्स्तुत्या प्रसन्नधीः

kimarthamāgatā yūyaṁ kiṁ kāryaṁ ceha vidyate | tatsarvaṁ śrotumicchāmi bhavatstutyā prasannadhīḥ

तुम किसलिये आये हो, यहाँ क्या कार्य है? तुम्हारी स्तुति से प्रसन्नचित्त होकर मैं वह सब सुनना चाहता हूँ।

श्लोक 5 (shiva.rudra.36.5)

ब्रह्मोवाच । इति पृष्टे हरेणाहं सर्वलोकपितामहः । मुनेऽवोचं महादेवं विष्णुना परिचोदितः

brahmovāca | iti pṛṣṭe hareṇāhaṁ sarvalokapitāmahaḥ | mune'vocaṁ mahādevaṁ viṣṇunā paricoditaḥ

ब्रह्मा ने कहा - हे मुने! हर के इस प्रकार पूछने पर विष्णु द्वारा प्रेरित होकर सर्वलोक-पितामह मैंने महादेव से यह कहा -

श्लोक 6 (shiva.rudra.36.6)

देवदेव महादेव करुणासागर प्रभो । यदर्थमागतावावां तच्छृणु त्वं सुरर्षिभिः

devadeva mahādeva karuṇāsāgara prabho | yadarthamāgatāvāvāṁ tacchṛṇu tvaṁ surarṣibhiḥ

हे देवाधिदेव! हे महादेव! हे करुणासागर प्रभो! जिस कारण हम दोनों आये हैं, उसे देव-ऋषियों सहित सुनिये।

श्लोक 7 (shiva.rudra.36.7)

विशेषतस्तवैवार्थमागता वृषभध्वज । सहार्थिनः सदा योग्यमन्यथा न जगद्भवेत्

viśeṣatastavaivārthamāgatā vṛṣabhadhvaja | sahārthinaḥ sadā yogyamanyathā na jagadbhavet

हे वृषभध्वज! विशेष रूप से हम आपके ही कार्य के लिये आये हैं; याचक सदा योग्य होते हैं, अन्यथा जगत् नहीं चल सकता।

श्लोक 8 (shiva.rudra.36.8)

केचिद्भविष्यन्त्यसुरा मम वध्या महेश्वर । हरेर्वध्यास्तथा केचिद्भवन्तश्चापि केचन

kecidbhaviṣyantyasurā mama vadhyā maheśvara | harervadhyāstathā kecidbhavantaścāpi kecana

हे महेश्वर! कुछ असुर मेरे द्वारा वध्य होंगे, कुछ हरि द्वारा वध्य होंगे, और कुछ आपके द्वारा भी।

श्लोक 9 (shiva.rudra.36.9)

केचित्त्वद्वीर्यजातस्य तनयस्य महाप्रभो । मायावध्याः प्रभो केचिद्भविष्यन्त्यसुराः सदा

kecittvadvīryajātasya tanayasya mahāprabho | māyāvadhyāḥ prabho kecidbhaviṣyantyasurāḥ sadā

हे महाप्रभो! और कुछ असुर आपके ही वीर्य से उत्पन्न पुत्र की माया से ही सदा वध्य होंगे।

श्लोक 10 (shiva.rudra.36.10)

तवैव कृपया शम्भोः सुराणां सुखमुत्तमम् । नाशयित्वासुरान् घोराञ्जगत्स्वास्थ्यं सदाभयम्

tavaiva kṛpayā śambhoḥ surāṇāṁ sukhamuttamam | nāśayitvāsurān ghorāñjagatsvāsthyaṁ sadābhayam

हे शम्भो! आपकी ही कृपा से घोर असुरों का नाश होकर देवताओं को उत्तम सुख और जगत् को सदा-निर्भय स्वास्थ्य प्राप्त होगा।

श्लोक 11 (shiva.rudra.36.11)

योगयुक्ते त्वयि सदा रागद्वेषविवर्जिते । दयामात्रैकनिरते न वध्या ह्यथवा तव

yogayukte tvayi sadā rāgadveṣavivarjite | dayāmātraikanirate na vadhyā hyathavā tava

आप तो सदा योग में स्थित, राग-द्वेष से रहित, केवल दया में ही तत्पर हैं - अतः आपके द्वारा उनका वध सम्भव नहीं है।

श्लोक 12 (shiva.rudra.36.12)

आराधितेषु तेष्वीश कथं सृष्टिस्तथा स्थितिः । अतश्च भविता युक्तं नित्यं नित्यं वृषध्वज

ārādhiteṣu teṣvīśa kathaṁ sṛṣṭistathā sthitiḥ | ataśca bhavitā yuktaṁ nityaṁ nityaṁ vṛṣadhvaja

हे ईश! उन असुरों के वर पाकर बलवान होने पर सृष्टि और स्थिति कैसे चलेगी? अतः, हे वृषध्वज! यह सदा-सदा के लिये उचित होगा।

श्लोक 13 (shiva.rudra.36.13)

सृष्टिस्थित्यन्तकर्माणि न कार्याणि यदा तदा । शरीरभेदमस्माकं मायायाश्च न युज्यते

sṛṣṭisthityantakarmāṇi na kāryāṇi yadā tadā | śarīrabhedamasmākaṁ māyāyāśca na yujyate

जब सृष्टि, स्थिति और संहार के कार्य सम्पन्न नहीं हो पाते, तब हमारे शरीर का भेद होना आवश्यक है, न कि केवल माया से।

श्लोक 14 (shiva.rudra.36.14)

एकस्वरूपा हि वयं भिन्नाः कार्यस्य भेदतः । कार्यभेदो न सिद्धश्चेद्रूपभेदोऽप्रयोजनः

ekasvarūpā hi vayaṁ bhinnāḥ kāryasya bhedataḥ | kāryabhedo na siddhaścedrūpabhedo'prayojanaḥ

हम एक ही स्वरूप हैं, किन्तु कार्य के भेद से भिन्न प्रतीत होते हैं; यदि कार्य का भेद सिद्ध न हो, तो रूप-भेद निष्प्रयोजन ही होगा।

श्लोक 15 (shiva.rudra.36.15)

एक एव त्रिधा भिन्नः परमात्मा महेश्वरः । मायायाः कारणादेव स्वतन्त्रो लीलया प्रभुः

eka eva tridhā bhinnaḥ paramātmā maheśvaraḥ | māyāyāḥ kāraṇādeva svatantro līlayā prabhuḥ

एक ही परमात्मा महेश्वर माया के कारण से त्रिविध हो जाते हैं; वे स्वतन्त्र प्रभु अपनी लीला से ऐसा करते हैं।

श्लोक 16 (shiva.rudra.36.16)

वामाङ्गजो हरिस्तस्य दक्षिणाङ्गभवो ह्यहम् । शिवस्य हृदयाज्जातस्त्वं हि पूर्णतनुः शिवः

vāmāṅgajo haristasya dakṣiṇāṅgabhavo hyaham | śivasya hṛdayājjātastvaṁ hi pūrṇatanuḥ śivaḥ

उनके वाम अंग से हरि और दक्षिण अंग से मैं उत्पन्न हुआ; और आप शिव के हृदय से उत्पन्न, उन्हीं का पूर्ण शरीर हैं।

श्लोक 17 (shiva.rudra.36.17)

इत्थं वयं त्रिधा भूताः प्रभो भिन्नस्वरूपिणः । शिवाशिवसुतास्तत्त्वं हृदा विद्धि सनातन

itthaṁ vayaṁ tridhā bhūtāḥ prabho bhinnasvarūpiṇaḥ | śivāśivasutāstattvaṁ hṛdā viddhi sanātana

इस प्रकार हम तीनों भिन्न स्वरूप वाले हो गये हैं, हे प्रभो! किन्तु हे सनातन! हृदय से जान लीजिये कि हम शिवा-शिव के ही पुत्र और तत्त्वतः एक ही हैं।

श्लोक 18 (shiva.rudra.36.18)

अहं विष्णुश्च सस्त्रीकौ सञ्जातौ कार्यहेतुतः । लोककार्यकरौ प्रीत्या तव शासनतः प्रभो

ahaṁ viṣṇuśca sastrīkau sañjātau kāryahetutaḥ | lokakāryakarau prītyā tava śāsanataḥ prabho

मैं और विष्णु, दोनों अपनी-अपनी पत्नियों सहित, आपकी आज्ञा से प्रेमपूर्वक लोक-कार्य सम्पन्न करते हुए, किसी कार्य के लिये यहाँ आये हैं।

श्लोक 19 (shiva.rudra.36.19)

तस्माद्विश्वहितार्थाय सुराणां सुखहेतवे । परिगृह्णीष्व भार्यार्थे रामामेकां सुशोभनाम्

tasmādviśvahitārthāya surāṇāṁ sukhahetave | parigṛhṇīṣva bhāryārthe rāmāmekāṁ suśobhanām

अतः विश्व के हित और देवताओं के सुख के लिये, पत्नी रूप में किसी एक सुशोभन रमणी को स्वीकार कीजिये।

श्लोक 20 (shiva.rudra.36.20)

अन्यच्छृणु महेशान पूर्ववृत्तं स्मृतं मया । यन्नो पुरः पुरा प्रोक्तं त्वयैव शिवरूपिणा

anyacchṛṇu maheśāna pūrvavṛttaṁ smṛtaṁ mayā | yanno puraḥ purā proktaṁ tvayaiva śivarūpiṇā

हे महेशान! और भी सुनिये, मुझे स्मरण है वह पूर्व-वृत्तान्त, जो कभी आपने ही शिव-रूप में हमसे पहले कहा था।

श्लोक 21 (shiva.rudra.36.21)

मद्रूपं परमं ब्रह्मन्नीदृशं भवदङ्गतः । प्रकटीभविता लोके नाम्ना रुद्रः प्रकीर्तितः

madrūpaṁ paramaṁ brahmannīdṛśaṁ bhavadaṅgataḥ | prakaṭībhavitā loke nāmnā rudraḥ prakīrtitaḥ

'हे ब्रह्मन्! मेरा यह परम रूप ऐसा होकर आपके ही अंग से लोक में प्रकट होगा, जो रुद्र नाम से विख्यात होगा।'

श्लोक 22 (shiva.rudra.36.22)

सृष्टिकर्ताभवद् ब्रह्मा हरिः पालनकारकः । लयकारी भविष्यामि रुद्ररूपो गुणाकृतिः

sṛṣṭikartābhavad brahmā hariḥ pālanakārakaḥ | layakārī bhaviṣyāmi rudrarūpo guṇākṛtiḥ

'ब्रह्मा सृष्टिकर्ता होगा, हरि पालन करने वाला होगा; और मैं रुद्र-रूप, गुणों की मूर्ति, संहार करने वाला बनूँगा।'

श्लोक 23 (shiva.rudra.36.23)

स्त्रियं विवाह्य लोकस्य करिष्ये कार्यमुत्तमम् । इति संस्मृत्य स्वप्रोक्तं पूर्णं कुरु निजं पणम्

striyaṁ vivāhya lokasya kariṣye kāryamuttamam | iti saṁsmṛtya svaproktaṁ pūrṇaṁ kuru nijaṁ paṇam

'स्त्री से विवाह करके मैं लोक का उत्तम कार्य सम्पन्न करूँगा' - अपने इस पूर्व वचन का स्मरण करके अब अपनी प्रतिज्ञा पूर्ण कीजिये।

श्लोक 24 (shiva.rudra.36.24)

निदेशस्तव च स्वामिन्नहं सृष्टिकरो हरिः । पालको लयहेतुस्त्वमाविर्भूतः स्वयं शिवः

nideśastava ca svāminnahaṁ sṛṣṭikaro hariḥ | pālako layahetustvamāvirbhūtaḥ svayaṁ śivaḥ

हे स्वामिन्! यह आपकी ही आज्ञा है कि मैं सृष्टिकर्ता, हरि पालक, और आप संहार के हेतु स्वयं शिवरूप में प्रकट हुए हैं।

श्लोक 25 (shiva.rudra.36.25)

त्वां विना न समर्थौ हि आवां च स्वस्वकर्मणि । लोककार्यरतां तस्मादेकां गृह्णीष्व कामिनीम्

tvāṁ vinā na samarthau hi āvāṁ ca svasvakarmaṇi | lokakāryaratāṁ tasmādekāṁ gṛhṇīṣva kāminīm

आपके बिना हम दोनों अपने-अपने कार्य में समर्थ नहीं हैं; अतः लोक-कार्य में तत्पर होकर एक कामिनी को स्वीकार कीजिये।

श्लोक 26 (shiva.rudra.36.26)

यथा पद्मालया विष्णोः सावित्री च यथा मम । तथा सहचरीं शम्भो कान्तां गृह्णीष्व सम्प्रति

yathā padmālayā viṣṇoḥ sāvitrī ca yathā mama | tathā sahacarīṁ śambho kāntāṁ gṛhṇīṣva samprati

जैसे पद्मालया (लक्ष्मी) विष्णु की और सावित्री मेरी सहचरी हैं, वैसे ही, हे शम्भो! अब आप भी एक प्रिय सहचरी स्वीकार कीजिये।

श्लोक 27 (shiva.rudra.36.27)

ब्रह्मोवाच । इति श्रुत्वा वचो मे हि ब्रह्मणः पुरतो हरेः । स मां जगाद लोकेशः स्मेराननमुखो हरः

brahmovāca | iti śrutvā vaco me hi brahmaṇaḥ purato hareḥ | sa māṁ jagāda lokeśaḥ smerānanamukho haraḥ

ब्रह्मा ने कहा - हरि के समक्ष कहे गये मेरे इस वचन को सुनकर लोकेश हर मुस्कुराते हुए मुख से मुझसे बोले -

श्लोक 28 (shiva.rudra.36.28)

ईश्वर उवाच । हे ब्रह्मन् हे हरे मे हि युवां प्रियतरौ सदा । दृष्ट्वा वां च ममानन्दो भवत्यतितरां खलु

īśvara uvāca | he brahman he hare me hi yuvāṁ priyatarau sadā | dṛṣṭvā vāṁ ca mamānando bhavatyatitarāṁ khalu

ईश्वर ने कहा - हे ब्रह्मन्! हे हरि! तुम दोनों मुझे सदा अत्यन्त प्रिय हो; तुम दोनों को देखकर मुझे निश्चय ही अत्यधिक आनन्द होता है।

श्लोक 29 (shiva.rudra.36.29)

युवां सुरविशिष्टौ हि त्रिभुवस्वामिनौ किल । कथनं वां गरिष्ठेति भवकार्यरतात्मनोः

yuvāṁ suraviśiṣṭau hi tribhuvasvāminau kila | kathanaṁ vāṁ gariṣṭheti bhavakāryaratātmanoḥ

तुम दोनों देवताओं में विशिष्ट, त्रिलोक के स्वामी हो; लोक-कल्याण में लगे रहने वाले तुम्हारे वचन ही सबसे गरिष्ठ हैं।

श्लोक 30 (shiva.rudra.36.30)

उचितं न सुरश्रेष्ठौ विवाहकरणं मम । तपोरतविरक्तस्य सदा विदितयोगिनः

ucitaṁ na suraśreṣṭhau vivāhakaraṇaṁ mama | taporataviraktasya sadā viditayoginaḥ

हे देवश्रेष्ठों! तप में रत, विरक्त और सदा योगी के रूप में विख्यात मेरे लिये विवाह करना उचित नहीं है।

श्लोक 31 (shiva.rudra.36.31)

यो निवृत्तिसुमार्गस्थः स्वात्मारामो निरञ्जनः । अवधूततनुर्ज्ञानी स्वद्रष्टा कामवर्जितः

yo nivṛttisumārgasthaḥ svātmārāmo nirañjanaḥ | avadhūtatanurjñānī svadraṣṭā kāmavarjitaḥ

मैं निवृत्ति के सुमार्ग में स्थित, अपनी ही आत्मा में रमने वाला, निर्मल, अवधूत-शरीर, ज्ञानी, स्वद्रष्टा और कामरहित हूँ।

श्लोक 32 (shiva.rudra.36.32)

अविकारी ह्यभोगी च सदाशुचिरमङ्गलः । तस्य प्रयोजनं लोके कामिन्या किं वदाधुना

avikārī hyabhogī ca sadāśuciramaṅgalaḥ | tasya prayojanaṁ loke kāminyā kiṁ vadādhunā

मैं निर्विकार, निर्भोग, सदा शुचि और मंगलमय हूँ - ऐसे मेरे लिये संसार में स्त्री का क्या प्रयोजन है? अब बताओ।

श्लोक 33 (shiva.rudra.36.33)

केवलं योगलग्नस्य ममानन्दः सदास्ति वै । ज्ञानहीनस्तु पुरुषो मनुते बहु कामकम्

kevalaṁ yogalagnasya mamānandaḥ sadāsti vai | jñānahīnastu puruṣo manute bahu kāmakam

केवल योग में लीन रहने वाले मुझे सदा ही आनन्द प्राप्त है; ज्ञानहीन पुरुष ही अनेक कामनाओं की कल्पना करता है।

श्लोक 34 (shiva.rudra.36.34)

विवाहकरणं लोके विज्ञेयं परबन्धनम् । तस्मात्तस्य रुचिर्नो मे सत्यं सत्यं वदाम्यहम्

vivāhakaraṇaṁ loke vijñeyaṁ parabandhanam | tasmāttasya rucirno me satyaṁ satyaṁ vadāmyaham

संसार में विवाह करना एक और बन्धन ही जानना चाहिये; इसलिये मुझे उसमें रुचि नहीं है - मैं सत्य-सत्य कह रहा हूँ।

श्लोक 35 (shiva.rudra.36.35)

न स्वार्थं मे प्रवृत्तिर्हि सम्यक् स्वार्थविचिन्तनात् । तथापि तत्करिष्यामि भवदुक्तं जगद्धितम्

na svārthaṁ me pravṛttirhi samyak svārthavicintanāt | tathāpi tatkariṣyāmi bhavaduktaṁ jagaddhitam

मेरी प्रवृत्ति अपने स्वार्थ के लिये नहीं है, क्योंकि मैंने अपने वास्तविक हित का भलीभाँति विचार कर लिया है; फिर भी तुम्हारे कहे अनुसार यह जगत्-हितकारी कार्य मैं करूँगा।

श्लोक 36 (shiva.rudra.36.36)

मत्वा वचो गरिष्ठं वा निजोक्तिपरिपूर्तये । करिष्यामि विवाहं वै भक्तवश्यः सदा ह्यहम्

matvā vaco gariṣṭhaṁ vā nijoktiparipūrtaye | kariṣyāmi vivāhaṁ vai bhaktavaśyaḥ sadā hyaham

तुम्हारे गुरुतर वचन को मानकर, और अपनी ही पूर्व-प्रतिज्ञा पूर्ण करने के लिये मैं विवाह करूँगा, क्योंकि मैं सदा भक्तों के वश में रहता हूँ।

श्लोक 37 (shiva.rudra.36.37)

परन्तु यादृशीं कान्तां ग्रहीष्यामि यथापणम् । तच्छृणुष्व हरे ब्रह्मन् युक्तमेव वचो मम

parantu yādṛśīṁ kāntāṁ grahīṣyāmi yathāpaṇam | tacchṛṇuṣva hare brahman yuktameva vaco mama

किन्तु मैं कैसी कामिनी को अपनी प्रतिज्ञा के अनुसार ग्रहण करूँगा, हे हरि! हे ब्रह्मन्! वह मेरा युक्तियुक्त वचन सुनो।

श्लोक 38 (shiva.rudra.36.38)

या मे तेजः समर्था हि ग्रहीतुं स्याद्विभागशः । तां निदेशय भार्यार्थे योगिनीं कामरूपिणीम्

yā me tejaḥ samarthā hi grahītuṁ syādvibhāgaśaḥ | tāṁ nideśaya bhāryārthe yoginīṁ kāmarūpiṇīm

जो मेरे तेज को अंशतः भी ग्रहण करने में समर्थ हो, ऐसी योगिनी, कामरूपिणी स्त्री को ही पत्नी के लिये निर्दिष्ट करो।

श्लोक 39 (shiva.rudra.36.39)

योगयुक्ते मयि तथा योगिन्येव भविष्यति । कामासक्ते मयि तथा कामिन्येव भविष्यति

yogayukte mayi tathā yoginyeva bhaviṣyati | kāmāsakte mayi tathā kāminyeva bhaviṣyati

जैसे मैं योग में स्थित हूँ, वैसे ही वह योगिनी बन जायेगी; और यदि मैं कामासक्त होऊँ, तो वह भी वैसी ही कामिनी बन जायेगी।

श्लोक 40 (shiva.rudra.36.40)

यमक्षरं वेदविदो निगदन्ति मनीषिणः । ज्योतीरूपं शिवं ते च चिन्तयिष्ये सनातनम्

yamakṣaraṁ vedavido nigadanti manīṣiṇaḥ | jyotīrūpaṁ śivaṁ te ca cintayiṣye sanātanam

जिस अक्षर-स्वरूप को वेदवेत्ता विद्वान् बताते हैं, उसी ज्योतिःस्वरूप, सनातन शिव का मैं ध्यान करूँगा।

श्लोक 41 (shiva.rudra.36.41)

तच्चिन्तायां यदासक्तो ब्रह्मन् गच्छामि भाविनीम् । तत्र या विघ्नजननी न भवित्री हतास्तु मे

taccintāyāṁ yadāsakto brahman gacchāmi bhāvinīm | tatra yā vighnajananī na bhavitrī hatāstu me

हे ब्रह्मन्! उस ध्यान में लीन होकर ही मैं अपनी भावी पत्नी के पास जाऊँगा; वहाँ जो भी विघ्न उत्पन्न करने वाला होगा, वह मेरे लिये नष्ट हो जाये।

श्लोक 42 (shiva.rudra.36.42)

त्वं वा विष्णुरहं वापि शिवस्य ब्रह्मरूपिणः । अंशभूता महाभागा योग्यं तदनुचिन्तनम्

tvaṁ vā viṣṇurahaṁ vāpi śivasya brahmarūpiṇaḥ | aṁśabhūtā mahābhāgā yogyaṁ tadanucintanam

तुम हो या विष्णु हो या मैं - सब ब्रह्मस्वरूप शिव के ही महाभाग अंश हैं; उसी का चिन्तन ही उचित है।

श्लोक 43 (shiva.rudra.36.43)

तच्चिन्तया विनोद्वाहं स्थास्यामि कमलासन । तस्माज्जायां प्रादिश त्वं मत्कर्मानुगतां सदा

taccintayā vinodvāhaṁ sthāsyāmi kamalāsana | tasmājjāyāṁ prādiśa tvaṁ matkarmānugatāṁ sadā

हे कमलासन! उसी चिन्तन के द्वारा, बिना वास्तविक विवाह-बन्धन के, मैं स्थित रहूँगा; अतः मेरे लिये ऐसी पत्नी नियत करो जो सदा मेरे आचरण का अनुसरण करे।

श्लोक 44 (shiva.rudra.36.44)

तत्राप्येकं पणं मे त्वं शृणु ब्रह्मँश्च मां प्रति । अविश्वासो मदुक्ते चेन्मया त्यक्ता भविष्यति

tatrāpyekaṁ paṇaṁ me tvaṁ śṛṇu brahmam̐śca māṁ prati | aviśvāso madukte cenmayā tyaktā bhaviṣyati

हे ब्रह्मन्! इसमें भी मेरी एक प्रतिज्ञा और सुनो - यदि मेरे वचन में कहीं अविश्वास हुआ, तो मैं उसे त्याग दूँगा।

श्लोक 45 (shiva.rudra.36.45)

ब्रह्मोवाच । इति तस्य वचः श्रुत्वाहं स विष्णुर्हरस्य च । सस्मितं मोदितमनोऽवोचं चेति विनम्रकः

brahmovāca | iti tasya vacaḥ śrutvāhaṁ sa viṣṇurharasya ca | sasmitaṁ moditamano'vocaṁ ceti vinamrakaḥ

ब्रह्मा ने कहा - हर के उन वचनों को सुनकर मैंने विष्णु सहित, मन में प्रसन्न होकर, मुस्कुराते हुए और विनम्र होकर यह कहा -

श्लोक 46 (shiva.rudra.36.46)

शृणु नाथ महेशान मार्गिता यादृशी त्वया । निवेदयामि सुप्रीत्या तां स्त्रियं तादृशीं प्रभो

śṛṇu nātha maheśāna mārgitā yādṛśī tvayā | nivedayāmi suprītyā tāṁ striyaṁ tādṛśīṁ prabho

हे नाथ! हे महेशान! सुनिये, आपने जैसी स्त्री की खोज की है, मैं प्रसन्नतापूर्वक आपको उसी प्रकार की स्त्री का निवेदन करता हूँ।

श्लोक 47 (shiva.rudra.36.47)

उमा सा भिन्नरूपेण सञ्जाता कार्यसाधिनी । सरस्वती तथा लक्ष्मीर्द्विधारूपा पुरा प्रभो

umā sā bhinnarūpeṇa sañjātā kāryasādhinī | sarasvatī tathā lakṣmīrdvidhārūpā purā prabho

वे उमा ही भिन्न रूप धारण करके इस कार्य की सिद्धि के लिये प्रकट हुई हैं; और उन्हीं से पूर्वकाल में सरस्वती और लक्ष्मी दो रूपों में हुईं।

श्लोक 48 (shiva.rudra.36.48)

पद्मा कान्ताभवद्विष्णोस्तथा मम सरस्वती । तृतीयरूपा सा नोऽभूल्लोककार्यहितैषिणी

padmā kāntābhavadviṣṇostathā mama sarasvatī | tṛtīyarūpā sā no'bhūllokakāryahitaiṣiṇī

पद्मा (लक्ष्मी) विष्णु की प्रिया हुईं और सरस्वती मेरी; और उनका तीसरा रूप लोक-कार्य के हित की कामना करने वाला हमारे लिये हुआ।

श्लोक 49 (shiva.rudra.36.49)

दक्षस्य तनया याभूत्सती नाम्ना तु सा विभो । सैवेदृशी भवेद्भार्या भवेद्धि हितकारिणी

dakṣasya tanayā yābhūtsatī nāmnā tu sā vibho | saivedṛśī bhavedbhāryā bhaveddhi hitakāriṇī

हे विभो! जो दक्ष की पुत्री सती नाम से हुई हैं, वे ही ऐसी पत्नी होने योग्य हैं, क्योंकि वे ही हितकारिणी होंगी।

श्लोक 50 (shiva.rudra.36.50)

सा तपस्यति देवेश त्वदर्थं हि दृढव्रता । त्वां पतिं प्राप्तुकामा वै महातेजोवती सती

sā tapasyati deveśa tvadarthaṁ hi dṛḍhavratā | tvāṁ patiṁ prāptukāmā vai mahātejovatī satī

हे देवेश! वे ही सती आपके लिये दृढ़व्रता होकर तप कर रही हैं, आपको पति रूप में पाने की इच्छा वाली, महातेजस्विनी हैं।

श्लोक 51 (shiva.rudra.36.51)

दातुं गच्छ वरं तस्यै कृपां कुरु महेश्वर । तां विवाहय सुप्रीत्या वरं दत्त्वा च तादृशम्

dātuṁ gaccha varaṁ tasyai kṛpāṁ kuru maheśvara | tāṁ vivāhaya suprītyā varaṁ dattvā ca tādṛśam

हे महेश्वर! जाकर उसे वर दीजिये, कृपा कीजिये; ऐसा वर देकर प्रेमपूर्वक उसके साथ विवाह कीजिये।

श्लोक 52 (shiva.rudra.36.52)

हरेर्मम च देवानामियं वाञ्छास्ति शङ्कर । परिपूरय सद्दृष्ट्या पश्यामोत्सवमादरात्

harermama ca devānāmiyaṁ vāñchāsti śaṅkara | paripūraya saddṛṣṭyā paśyāmotsavamādarāt

हे शंकर! यही हरि की, मेरी और देवताओं की इच्छा है; कृपादृष्टि से इसे पूर्ण कीजिये, हम आदरपूर्वक इस उत्सव को देखें।

श्लोक 53 (shiva.rudra.36.53)

मङ्गलं परमं भूयात् त्रिलोकेषु सुखावहम् । सर्वज्वरो विनश्येद् वै सर्वेषां नात्र संशयः

maṅgalaṁ paramaṁ bhūyāt trilokeṣu sukhāvaham | sarvajvaro vinaśyed vai sarveṣāṁ nātra saṁśayaḥ

इससे त्रिलोक में सुखदायक परम मंगल होगा; निःसंदेह सबका समस्त संताप नष्ट हो जायेगा।

श्लोक 54 (shiva.rudra.36.54)

अथवास्मद्वचःशेषेऽवदत्तं मधुसूदनः । लीलाजाकृतिमीशानं भक्तवत्सलमच्युतः

athavāsmadvacaḥśeṣe'vadattaṁ madhusūdanaḥ | līlājākṛtimīśānaṁ bhaktavatsalamacyutaḥ

इतने में, हमारा वचन पूरा होने से पहले ही, अपने भक्तों के प्रति स्नेह रखने वाले अच्युत मधुसूदन ने अपनी ही लीला से रूप धारण करने वाले ईशान से कहा -

श्लोक 55 (shiva.rudra.36.55)

विष्णुरुवाच । देवदेव महादेव करुणाकर शङ्कर । यदुक्तं ब्रह्मणा सर्वं मदुक्तं तन्न संशयः

viṣṇuruvāca | devadeva mahādeva karuṇākara śaṅkara | yaduktaṁ brahmaṇā sarvaṁ maduktaṁ tanna saṁśayaḥ

विष्णु ने कहा - हे देवाधिदेव! हे महादेव! हे करुणाकर! हे शंकर! ब्रह्मा ने जो कुछ कहा है, वह सब मेरा भी वचन ही समझिये, इसमें कोई संदेह नहीं।

श्लोक 56 (shiva.rudra.36.56)

तत्कुरुष्व महेशान कृपां कृत्वा ममोपरि । सनाथं कुरु सद्दृष्ट्या त्रिलोकं सुविवाह्य ताम्

tatkuruṣva maheśāna kṛpāṁ kṛtvā mamopari | sanāthaṁ kuru saddṛṣṭyā trilokaṁ suvivāhya tām

हे महेशान! ऐसा ही कीजिये, मुझ पर कृपा करके, कृपादृष्टि से विवाह करके त्रिलोक को सनाथ कीजिये।

श्लोक 57 (shiva.rudra.36.57)

ब्रह्मोवाच । इत्युक्त्वा भगवान् विष्णुः तूष्णीमास मुने सुधीः । तथास्त्विति विहस्याह स प्रभुर्भक्तवत्सलः

brahmovāca | ityuktvā bhagavān viṣṇuḥ tūṣṇīmāsa mune sudhīḥ | tathāstviti vihasyāha sa prabhurbhaktavatsalaḥ

ब्रह्मा ने कहा - ऐसा कहकर बुद्धिमान भगवान विष्णु मौन हो गये; और भक्तवत्सल प्रभु हँसते हुए बोले - 'ऐसा ही हो।'

श्लोक 58 (shiva.rudra.36.58)

ततस्त्वावां च सम्प्राप्य चाज्ञां स मुनिभिः सुरैः । अगच्छाव स्वेष्टदेशं सस्त्रीकौ परहर्षितौ

tatastvāvāṁ ca samprāpya cājñāṁ sa munibhiḥ suraiḥ | agacchāva sveṣṭadeśaṁ sastrīkau paraharṣitau

तत्पश्चात् उनकी आज्ञा पाकर हम दोनों, अपनी-अपनी पत्नियों सहित, मुनियों और देवताओं के साथ अत्यन्त हर्षित होकर अपने-अपने इष्ट स्थान को गये।