विष्णुवचनम्

श्लोक 1 (shiva.rudra.55.1)

दक्ष उवाच । देवदेव हरे विष्णो दीनबन्धो कृपानिधे । मम रक्षा विधातव्या भवता साध्वरस्य च

dakṣa uvāca | devadeva hare viṣṇo dīnabandho kṛpānidhe | mama rakṣā vidhātavyā bhavatā sādhvarasya ca

दक्ष ने कहा — हे देवाधिदेव हरे विष्णो! हे दीनबंधु! हे कृपानिधे! मेरी और इस यज्ञ की रक्षा आपको ही करनी होगी।

श्लोक 2 (shiva.rudra.55.2)

रक्षकस्त्वं मखस्यैव मखकर्मा मखात्मकः । कृपा विधेया यज्ञस्य भङ्गो भवतु न प्रभो

rakṣakastvaṁ makhasyaiva makhakarmā makhātmakaḥ | kṛpā vidheyā yajñasya bhaṅgo bhavatu na prabho

आप ही यज्ञ के रक्षक हैं, यज्ञ के कर्ता हैं, यज्ञ के स्वरूप हैं — हे प्रभो! कृपा कीजिए, यज्ञ का भंग न होने दीजिए।

श्लोक 3 (shiva.rudra.55.3)

ब्रह्मोवाच । इत्थं बहुविधां दक्षः कृत्वा विज्ञप्तिमादरात् । पपात पादयोस्तस्य भयव्याकुलमानसः

brahmovāca | itthaṁ bahuvidhāṁ dakṣaḥ kṛtvā vijñaptimādarāt | papāta pādayostasya bhayavyākulamānasaḥ

ब्रह्मा ने कहा — इस प्रकार आदरपूर्वक बहुविध विनती करके दक्ष भयाकुल चित्त से उनके चरणों में गिर पड़ा।

श्लोक 4 (shiva.rudra.55.4)

उत्थाप्य तं ततो विष्णुर्दक्षं विक्लिन्नमानसम् । श्रुत्वा च तस्य तद्वाक्यं कुमतेरस्मरच्छिवम्

utthāpya taṁ tato viṣṇurdakṣaṁ viklinnamānasam | śrutvā ca tasya tadvākyaṁ kumaterasmaracchivam

तब विष्णु ने विक्लिन्न-मन वाले उस दक्ष को उठाकर, उसकी वे बातें सुनकर, अल्पबुद्धि दक्ष के समक्ष शिव का स्मरण किया।

श्लोक 5 (shiva.rudra.55.5)

स्मृत्वा शिवं महेशानं स्वप्रभुं परमेश्वरम् । अवदच्छिवतत्त्वज्ञो दक्षं सम्बोधयन्हरिः

smṛtvā śivaṁ maheśānaṁ svaprabhuṁ parameśvaram | avadacchivatattvajño dakṣaṁ sambodhayanhariḥ

महेश्वर, अपने प्रभु परमेश्वर शिव का स्मरण कर, शिव-तत्त्व के ज्ञाता हरि ने दक्ष को समझाते हुए यह कहा।

श्लोक 6 (shiva.rudra.55.6)

हरिरुवाच । शृणु दक्ष प्रवक्ष्यामि तत्त्वतः शृणु मे वचः । सर्वथा ते हितकरं महामन्त्रसुखप्रदम्

hariruvāca | śṛṇu dakṣa pravakṣyāmi tattvataḥ śṛṇu me vacaḥ | sarvathā te hitakaraṁ mahāmantrasukhapradam

हरि ने कहा — हे दक्ष! सुनो, मैं तत्त्वतः कहूँगा, मेरा वचन सुनो — यह सर्वथा तुम्हारे हित के लिए है, महामंत्र के समान सुखदायी।

श्लोक 7 (shiva.rudra.55.7)

अवज्ञा हि कृता दक्ष त्वया तत्त्वमजानता । सकलाधीश्वरस्यैव शङ्करस्य परात्मनः

avajñā hi kṛtā dakṣa tvayā tattvamajānatā | sakalādhīśvarasyaiva śaṅkarasya parātmanaḥ

हे दक्ष! तुमने सम्पूर्ण जगत के अधीश्वर, परमात्मा शंकर के वास्तविक स्वरूप को न जानते हुए उनका अनादर किया है।

श्लोक 8 (shiva.rudra.55.8)

ईश्वरावज्ञया सर्वं कार्यं भवति सर्वथा । विफलं केवलं नैव विपत्तिश्च पदे पदे

īśvarāvajñayā sarvaṁ kāryaṁ bhavati sarvathā | viphalaṁ kevalaṁ naiva vipattiśca pade pade

ईश्वर के अनादर से हर कार्य सर्वथा न केवल विफल होता है, बल्कि पग-पग पर विपत्ति भी आती है।

श्लोक 9 (shiva.rudra.55.9)

अपूज्या यत्र पूज्यन्ते पूजनीयो न पूज्यते । त्रीणि तत्र भविष्यन्ति दारिद्र्यं मरणं भयम्

apūjyā yatra pūjyante pūjanīyo na pūjyate | trīṇi tatra bhaviṣyanti dāridryaṁ maraṇaṁ bhayam

जहाँ अपूज्य पूजे जाते हैं और पूजनीय की पूजा नहीं होती, वहाँ तीन बातें अवश्य होती हैं — दरिद्रता, मृत्यु और भय।

श्लोक 10 (shiva.rudra.55.10)

तस्मात्सर्वप्रयत्नेन माननीयो वृषध्वजः । अमानितान्महेशाच्च महद्भयमुपस्थितम्

tasmātsarvaprayatnena mānanīyo vṛṣadhvajaḥ | amānitānmaheśācca mahadbhayamupasthitam

इसलिए वृषभध्वज का हर प्रयत्न से सम्मान करना चाहिए — महेश का अनादर करने से ही यह महाभय उपस्थित हुआ है।

श्लोक 11 (shiva.rudra.55.11)

अद्यापि न वयं सर्वे प्रभवः प्रभवामहे । भवतो दुर्नयेनैव मया सत्यमुदीर्यते

adyāpi na vayaṁ sarve prabhavaḥ prabhavāmahe | bhavato durnayenaiva mayā satyamudīryate

आज भी हम सब मिलकर समर्थ नहीं हो पा रहे — तुम्हारे ही दुर्नय से यह सत्य मैं तुमसे कह रहा हूँ।

श्लोक 12 (shiva.rudra.55.12)

ब्रह्मोवाच । विष्णोस्तद्वचनं श्रुत्वा दक्षश्चिन्तापरोऽभवत् । विवर्णवदनो भूत्वा तूष्णीमासीद्भुवि स्थितः

brahmovāca | viṣṇostadvacanaṁ śrutvā dakṣaścintāparo'bhavat | vivarṇavadano bhūtvā tūṣṇīmāsīdbhuvi sthitaḥ

ब्रह्मा ने कहा — विष्णु का वह वचन सुनकर दक्ष चिंतित हो उठा, उसका मुख विवर्ण हो गया, और वह भूमि पर मौन बैठ गया।

श्लोक 13 (shiva.rudra.55.13)

एतस्मिन्नन्तरे वीरभद्रः सैन्यसमन्वितः । अगच्छदध्वरं रुद्रप्रेरितो गणनायकः

etasminnantare vīrabhadraḥ sainyasamanvitaḥ | agacchadadhvaraṁ rudraprerito gaṇanāyakaḥ

इसी बीच, रुद्र द्वारा प्रेरित गणनायक वीरभद्र सेना सहित यज्ञ की ओर आ पहुँचे।

श्लोक 14 (shiva.rudra.55.14)

पृष्ठे केचित्समायाता गगने केचिदागताः । दिशश्च विदिशः सर्वे समावृत्य तथापरे

pṛṣṭhe kecitsamāyātā gagane kecidāgatāḥ | diśaśca vidiśaḥ sarve samāvṛtya tathāpare

कुछ पीछे से आये, कुछ आकाश-मार्ग से आये, और अन्य सभी दिशाओं-विदिशाओं को घेरकर आये।

श्लोक 15 (shiva.rudra.55.15)

शर्वाज्ञया गणाः शूरा निर्भया रुद्रविक्रमाः । असङ्ख्याः सिंहनादान्वै कुर्वन्तो वीरसत्तमाः

śarvājñayā gaṇāḥ śūrā nirbhayā rudravikramāḥ | asaṅkhyāḥ siṁhanādānvai kurvanto vīrasattamāḥ

शर्व की आज्ञा से रुद्र-सम पराक्रमी, निर्भय वीर गण, वीरों में श्रेष्ठ, असंख्य सिंहनाद करने लगे।

श्लोक 16 (shiva.rudra.55.16)

तेन नादेन महता नादितं भुवनत्रयम् । रजसा चावृतं व्योम तमसा चावृता दिशः

tena nādena mahatā nāditaṁ bhuvanatrayam | rajasā cāvṛtaṁ vyoma tamasā cāvṛtā diśaḥ

उस महान गर्जन से तीनों लोक गूँज उठे, आकाश धूल से आच्छादित हो गया, और दिशाएँ अंधकार से घिर गयीं।

श्लोक 17 (shiva.rudra.55.17)

सप्तद्वीपान्विता पृथ्वी चचालाति भयाकुला । सशैलकानना तत्र चुक्षुभुः सकलाब्धयः

saptadvīpānvitā pṛthvī cacālāti bhayākulā | saśailakānanā tatra cukṣubhuḥ sakalābdhayaḥ

सप्तद्वीपों सहित पृथ्वी भय से व्याकुल होकर काँपने लगी, और वहाँ पर्वत-वनों सहित सारे समुद्र क्षुब्ध हो उठे।

श्लोक 18 (shiva.rudra.55.18)

एवम्भूतं च तत्सैन्यं लोकक्षयकरं महत् । दृष्ट्वा च विस्मिताः सर्वे बभूवुरमरादयः

evambhūtaṁ ca tatsainyaṁ lokakṣayakaraṁ mahat | dṛṣṭvā ca vismitāḥ sarve babhūvuramarādayaḥ

लोकों का विनाश करने में समर्थ उस विशाल सेना को देखकर अमरगण आदि सभी विस्मित हो गये।

श्लोक 19 (shiva.rudra.55.19)

सैन्योद्योगमथालोक्य दक्षश्चासृङ्मुखाकुलः । दण्डवत्पतितो विष्णुं सकलत्रोऽभ्यभाषत

sainyodyogamathālokya dakṣaścāsṛṅmukhākulaḥ | daṇḍavatpatito viṣṇuṁ sakalatro'bhyabhāṣata

सेना की उस चढ़ाई को देखकर, मुख से रक्त बहाता हुआ दक्ष अपनी पत्नी सहित विष्णु के समक्ष दंडवत गिरकर बोला।

श्लोक 20 (shiva.rudra.55.20)

दक्ष उवाच । भवद्बलेनैव मया यज्ञः प्रारम्भितो महान् । सत्कर्मसिद्धये विष्णो प्रमाणं त्वं महाप्रभो

dakṣa uvāca | bhavadbalenaiva mayā yajñaḥ prārambhito mahān | satkarmasiddhaye viṣṇo pramāṇaṁ tvaṁ mahāprabho

दक्ष ने कहा — हे विष्णो! आपके ही बल से मैंने यह महान यज्ञ आरंभ किया था। हे महाप्रभो! सत्कर्म की सिद्धि के लिए आप ही मेरे प्रमाण हैं।

श्लोक 21 (shiva.rudra.55.21)

विष्णो त्वं कर्मणां साक्षी यज्ञानां प्रतिपालकः । धर्मस्य वेदगर्भस्य ब्रह्मणस्त्वं महाप्रभो

viṣṇo tvaṁ karmaṇāṁ sākṣī yajñānāṁ pratipālakaḥ | dharmasya vedagarbhasya brahmaṇastvaṁ mahāprabho

हे विष्णो! आप कर्मों के साक्षी हैं, यज्ञों के पालनकर्ता हैं — हे महाप्रभो! आप ही धर्म के, वेदगर्भ ब्रह्म के भी रक्षक हैं।

श्लोक 22 (shiva.rudra.55.22)

तस्माद्रक्षा विधातव्या यज्ञस्यास्य मम प्रभो । त्वदन्यः कः समर्थोऽस्ति यतस्त्वं सकलप्रभुः

tasmādrakṣā vidhātavyā yajñasyāsya mama prabho | tvadanyaḥ kaḥ samartho'sti yatastvaṁ sakalaprabhuḥ

अतः हे प्रभो! मेरे इस यज्ञ की रक्षा आपको ही करनी होगी — आपके अतिरिक्त और कौन समर्थ है, क्योंकि आप ही सबके स्वामी हैं?

श्लोक 23 (shiva.rudra.55.23)

ब्रह्मोवाच । दक्षस्य वचनं श्रुत्वा विष्णुर्दीनतरं तदा । अवोचद् बोधयंस्तं वै शिवतत्त्वपराङ्मुखम्

brahmovāca | dakṣasya vacanaṁ śrutvā viṣṇurdīnataraṁ tadā | avocad bodhayaṁstaṁ vai śivatattvaparāṅmukham

ब्रह्मा ने कहा — दक्ष का यह वचन सुनकर विष्णु ने तब अत्यंत दीनतापूर्वक, शिव-तत्त्व से विमुख उस दक्ष को समझाते हुए कहा।

श्लोक 24 (shiva.rudra.55.24)

विष्णुरुवाच । मया रक्षा विधातव्या तव यज्ञस्य दक्ष वै । ख्यातो मम पणः सत्यो धर्मस्य परिपालनम्

viṣṇuruvāca | mayā rakṣā vidhātavyā tava yajñasya dakṣa vai | khyāto mama paṇaḥ satyo dharmasya paripālanam

विष्णु ने कहा — हे दक्ष! तुम्हारे यज्ञ की रक्षा मुझे अवश्य करनी चाहिए — मेरा प्रण सत्य और प्रसिद्ध है, अर्थात् धर्म का पूर्ण पालन।

श्लोक 25 (shiva.rudra.55.25)

तत्सत्यं तु त्वयोक्तं हि किं तत्तस्य व्यतिक्रमः । शृणु त्वं वच्म्यहं दक्ष क्रूरबुद्धिं त्यजाधुना

tatsatyaṁ tu tvayoktaṁ hi kiṁ tattasya vyatikramaḥ | śṛṇu tvaṁ vacmyahaṁ dakṣa krūrabuddhiṁ tyajādhunā

तुमने जो सत्य कहा, वह सत्य ही है — किंतु उसका उल्लंघन यहाँ क्या है? हे दक्ष! सुनो, मैं कहता हूँ — अब अपनी क्रूर बुद्धि त्याग दो।

श्लोक 26 (shiva.rudra.55.26)

नैमिषेऽनिमिषक्षेत्रे यज्जातं वृत्तमद्भुतम् । तत् किं न स्मर्यते दक्ष विस्मृतं किं कुबुद्धिना

naimiṣe'nimiṣakṣetre yajjātaṁ vṛttamadbhutam | tat kiṁ na smaryate dakṣa vismṛtaṁ kiṁ kubuddhinā

नैमिष के उस पवित्र अनिमिष-क्षेत्र में जो अद्भुत घटना घटी थी, हे दक्ष! क्या वह याद नहीं आती? हे कुबुद्धि! क्या तुम वह भूल गये?

श्लोक 27 (shiva.rudra.55.27)

रुद्रकोपाच्च को ह्यत्र समर्थो रक्षणे तव । न यस्याभिमतं दक्ष यस्त्वां रक्षति दुर्मतिः

rudrakopācca ko hyatra samartho rakṣaṇe tava | na yasyābhimataṁ dakṣa yastvāṁ rakṣati durmatiḥ

रुद्र के क्रोध से यहाँ तुम्हारी रक्षा कौन कर सकता है? हे दक्ष! जिसकी इच्छा न हो, उसकी रक्षा करने वाला भी मूर्ख ही होगा।

श्लोक 28 (shiva.rudra.55.28)

किं कर्म किमकर्मेति तन्न पश्यसि दुर्मते । समर्थं केवलं कर्म न भविष्यति सर्वदा

kiṁ karma kimakarmeti tanna paśyasi durmate | samarthaṁ kevalaṁ karma na bhaviṣyati sarvadā

हे दुर्मते! तुम यह नहीं देखते कि कर्म क्या है और अकर्म क्या है — केवल कर्म सदैव समर्थ नहीं होता।

श्लोक 29 (shiva.rudra.55.29)

स्वकर्म विद्धि तद्येन समर्थत्वेन जायते । न त्वन्यः कर्मणो दाता शं भवेदीश्वरं विना

svakarma viddhi tadyena samarthatvena jāyate | na tvanyaḥ karmaṇo dātā śaṁ bhavedīśvaraṁ vinā

जान लो कि अपना कर्म उसी से समर्थ बनता है जिससे उसमें सामर्थ्य उत्पन्न होता है — ईश्वर के अतिरिक्त कर्म का फल देने वाला कोई और नहीं।

श्लोक 30 (shiva.rudra.55.30)

ईश्वरस्य च यो भक्त्या शान्तस्तद्गतमानसः । कर्मणो हि फलं तस्य प्रयच्छति तदा शिवः

īśvarasya ca yo bhaktyā śāntastadgatamānasaḥ | karmaṇo hi phalaṁ tasya prayacchati tadā śivaḥ

और जो भक्तिपूर्वक ईश्वर के प्रति शांत, उन्हीं में लीन मन वाला है, उसे ही शिव तब कर्म का फल प्रदान करते हैं।

श्लोक 31 (shiva.rudra.55.31)

केवलं ज्ञानमाश्रित्य निरीश्वरपरा नराः । निरयं ते च गच्छन्ति कल्पकोटिशतानि च

kevalaṁ jñānamāśritya nirīśvaraparā narāḥ | nirayaṁ te ca gacchanti kalpakoṭiśatāni ca

केवल ज्ञान का आश्रय लेकर ईश्वर-विमुख मनुष्य सैकड़ों करोड़ कल्पों तक नरक में जाते हैं।

श्लोक 32 (shiva.rudra.55.32)

पुनः कर्ममयैः पाशैर्बद्धा जन्मनि जन्मनि । निरयेषु प्रपच्यन्ते केवलं कर्मरूपिणः

punaḥ karmamayaiḥ pāśairbaddhā janmani janmani | nirayeṣu prapacyante kevalaṁ karmarūpiṇaḥ

फिर कर्म-निर्मित पाशों में बँधकर, जन्म-जन्म में केवल कर्मरूप वे नरकों में पकते रहते हैं।

श्लोक 33 (shiva.rudra.55.33)

अयं रुद्रगणाधीशो वीरभद्रोऽरिमर्दनः । रुद्रकोपाग्निसम्भूतः समायातोऽध्वराङ्गणे

ayaṁ rudragaṇādhīśo vīrabhadro'rimardanaḥ | rudrakopāgnisambhūtaḥ samāyāto'dhvarāṅgaṇe

शत्रुओं का मर्दन करने वाले, रुद्र-गणों के अधीश यह वीरभद्र, रुद्र के क्रोध की अग्नि से उत्पन्न होकर तुम्हारे यज्ञ-आँगन में आ पहुँचे हैं।

श्लोक 34 (shiva.rudra.55.34)

अयमस्मद्विनाशार्थमागतोऽस्ति न संशयः । अशक्यमस्य नास्त्येव किमप्यस्तु तु वस्तुतः

ayamasmadvināśārthamāgato'sti na saṁśayaḥ | aśakyamasya nāstyeva kimapyastu tu vastutaḥ

ये निश्चय ही हमारे विनाश के लिए आये हैं, इसमें कोई संदेह नहीं — वास्तव में इनके लिए कुछ भी असंभव नहीं है।

श्लोक 35 (shiva.rudra.55.35)

प्रज्वाल्यास्मानयं सर्वान् ध्रुवमेव महाप्रभुः । ततः प्रशान्तहृदयो भविष्यति न संशयः

prajvālyāsmānayaṁ sarvān dhruvameva mahāprabhuḥ | tataḥ praśāntahṛdayo bhaviṣyati na saṁśayaḥ

हम सबको जलाकर, यह महाप्रभु निश्चय ही तब शांत-हृदय हो जायेंगे, इसमें कोई संदेह नहीं।

श्लोक 36 (shiva.rudra.55.36)

श्रीमहादेवशपथं समुल्लङ्घ्य भ्रमान्मया । यतः स्थितं ततः प्राप्यं मया दुःखं त्वया सह

śrīmahādevaśapathaṁ samullaṅghya bhramānmayā | yataḥ sthitaṁ tataḥ prāpyaṁ mayā duḥkhaṁ tvayā saha

मैंने भ्रमवश श्रीमहादेव की शपथ का उल्लंघन किया, इसलिए जहाँ से जो प्राप्त होना है, वह दुःख मुझे तुम्हारे साथ ही भोगना होगा।

श्लोक 37 (shiva.rudra.55.37)

शक्तिर्मम तु नास्त्येव दक्षाद्यैतन्निवारणे । शपथोल्लङ्घनादेव शिवद्रोही यतोऽस्म्यहम्

śaktirmama tu nāstyeva dakṣādyaitannivāraṇe | śapathollaṅghanādeva śivadrohī yato'smyaham

हे दक्ष! इसे रोकने की मुझमें भी अब कोई शक्ति नहीं है — क्योंकि शपथ के उल्लंघन से मैं स्वयं भी शिव का द्रोही बन गया हूँ।

श्लोक 38 (shiva.rudra.55.38)

कालत्रयेऽपि न यतो महेशद्रोहिणां सुखम् । ततोऽवश्यं मया प्राप्तं दुःखमद्य त्वया सह

kālatraye'pi na yato maheśadrohiṇāṁ sukham | tato'vaśyaṁ mayā prāptaṁ duḥkhamadya tvayā saha

क्योंकि त्रिकाल में भी महेश के द्रोहियों को सुख नहीं मिलता, इसलिए आज मुझे तुम्हारे साथ यह दुःख अवश्य ही भोगना पड़ेगा।

श्लोक 39 (shiva.rudra.55.39)

सुदर्शनाभिधं चक्रमेतस्मिन्न लगिष्यति । शैवचक्रमिदं यस्मादशैवलयकारणम्

sudarśanābhidhaṁ cakrametasminna lagiṣyati | śaivacakramidaṁ yasmādaśaivalayakāraṇam

सुदर्शन नामक मेरा चक्र भी इनके विरुद्ध नहीं लगेगा — क्योंकि यह चक्र भी शैव ही है, और अशैव के ही विनाश का कारण है।

श्लोक 40 (shiva.rudra.55.40)

विनापि वीरभद्रेण नामैतच्चक्रमैश्वरम् । हत्वा गमिष्यत्यधुना सत्वरं हरसन्निधौ

vināpi vīrabhadreṇa nāmaitaccakramaiśvaram | hatvā gamiṣyatyadhunā satvaraṁ harasannidhau

वीरभद्र के बिना भी यह ऐश्वर चक्र हमें मारकर अभी शीघ्र ही हर के समीप चला जायेगा।

श्लोक 41 (shiva.rudra.55.41)

शैवं शपथमुल्लङ्घ्य स्थितं मां चक्रमीदृशम् । असंहत्यैव सहसा कृपयैव स्थिरं परम्

śaivaṁ śapathamullaṅghya sthitaṁ māṁ cakramīdṛśam | asaṁhatyaiva sahasā kṛpayaiva sthiraṁ param

शैव शपथ का उल्लंघन करके मैं यहाँ खड़ा हूँ — ऐसा यह चक्र मेरे साथ बलपूर्वक नहीं, बल्कि केवल कृपा से ही स्थिर रहा है।

श्लोक 42 (shiva.rudra.55.42)

अतः परमिदं चक्रमपि न स्थास्यति ध्रुवम् । गमिष्यत्यधुना शीघ्रं ज्वालामालासमाकुलम्

ataḥ paramidaṁ cakramapi na sthāsyati dhruvam | gamiṣyatyadhunā śīghraṁ jvālāmālāsamākulam

इसके आगे तो यह चक्र भी निश्चय ही नहीं टिकेगा — अब यह शीघ्र ही ज्वाला-माला से आच्छादित होकर चला जायेगा।

श्लोक 43 (shiva.rudra.55.43)

वीरभद्रः पूजितोऽपि शीघ्रमस्माभिरादरात् । महाक्रोधसमाक्रान्तो नास्मान् संरक्षयिष्यति

vīrabhadraḥ pūjito'pi śīghramasmābhirādarāt | mahākrodhasamākrānto nāsmān saṁrakṣayiṣyati

वीरभद्र यदि हम शीघ्र ही आदरपूर्वक उनकी पूजा भी करें, तो भी महाक्रोध से आक्रांत वे हमारी रक्षा नहीं करेंगे।

श्लोक 44 (shiva.rudra.55.44)

अकाण्डप्रलयोऽस्माकमागतोऽद्य हि हा हहा । हा हा बत तवेदानीं नाशोऽस्माकमुपस्थितः

akāṇḍapralayo'smākamāgato'dya hi hā hahā | hā hā bata tavedānīṁ nāśo'smākamupasthitaḥ

आज हमारे लिए अकाल प्रलय आ पहुँची है — हाय-हाय! हाय-हाय! अफ़सोस, अब हमारा विनाश निकट आ गया है।

श्लोक 45 (shiva.rudra.55.45)

शरण्योऽस्माकमधुना नास्त्येव हि जगत्त्रये । शङ्करद्रोहिणो लोके कः शरण्यो भविष्यति

śaraṇyo'smākamadhunā nāstyeva hi jagattraye | śaṅkaradrohiṇo loke kaḥ śaraṇyo bhaviṣyati

अब तीनों लोकों में हमारा कोई शरण-दाता नहीं है — शंकर के द्रोहियों का इस लोक में शरणदाता कौन होगा?

श्लोक 46 (shiva.rudra.55.46)

तनुनाशेऽपि सम्प्राप्यास्तैश्चापि यमयातनाः । ता नैव शक्यते सोढुं बहुदुःखप्रदायिनीः

tanunāśe'pi samprāpyāstaiścāpi yamayātanāḥ | tā naiva śakyate soḍhuṁ bahuduḥkhapradāyinīḥ

शरीर के नाश के बाद भी उन्हें यम की यातनाएँ भोगनी पड़ती हैं — वे अत्यंत दुःखदायी यातनाएँ सहन करना संभव ही नहीं है।

श्लोक 47 (shiva.rudra.55.47)

शिवद्रोहिणमालोक्य दष्टदन्तो यमः स्वयम् । तप्ततैलकटाहेषु पातयत्येव नान्यथा

śivadrohiṇamālokya daṣṭadanto yamaḥ svayam | taptatailakaṭāheṣu pātayatyeva nānyathā

शिव के द्रोही को देखकर यम स्वयं दाँत पीसते हुए उसे तपते तेल के कड़ाहों में डाल ही देते हैं, अन्यथा नहीं।

श्लोक 48 (shiva.rudra.55.48)

गन्तुमेवाहमुद्युक्तंः सर्वथा शपथोत्तरम् । तथापि न गतः शीघ्रं दुष्टसंसर्गपापतः

gantumevāhamudyuktaṁḥ sarvathā śapathottaram | tathāpi na gataḥ śīghraṁ duṣṭasaṁsargapāpataḥ

मैं तो शपथ के परिणामस्वरूप हर प्रकार से जाने को उद्यत हूँ, फिर भी दुष्ट-संगति के पाप से शीघ्र नहीं जा सका।

श्लोक 49 (shiva.rudra.55.49)

यदद्य क्रियतेऽस्माभिः पलायनमितस्तदा । शार्वो नाकर्षकः शस्त्रैरस्मानाकर्षयिष्यति

yadadya kriyate'smābhiḥ palāyanamitastadā | śārvo nākarṣakaḥ śastrairasmānākarṣayiṣyati

और यदि हम अभी यहाँ से भागने की कोशिश भी करें, तो शर्व के अजेय शस्त्र फिर भी हमें खींच ही लेंगे।

श्लोक 50 (shiva.rudra.55.50)

स्वर्गे वा भुवि पाताले यत्र कुत्रापि वा यतः । श्रीवीरभद्रशस्त्राणां गमनं न हि दुर्लभम्

svarge vā bhuvi pātāle yatra kutrāpi vā yataḥ | śrīvīrabhadraśastrāṇāṁ gamanaṁ na hi durlabham

स्वर्ग में, पृथ्वी पर, पाताल में, या जहाँ भी हों — श्री वीरभद्र के शस्त्रों के लिए वहाँ पहुँचना कठिन नहीं है।

श्लोक 51 (shiva.rudra.55.51)

यावन्तश्च गणाः सन्ति श्रीरुद्रस्य त्रिशूलिनः । तावतामपि सर्वेषां शक्तिरेतादृशी ध्रुवम्

yāvantaśca gaṇāḥ santi śrīrudrasya triśūlinaḥ | tāvatāmapi sarveṣāṁ śaktiretādṛśī dhruvam

और त्रिशूलधारी श्रीरुद्र के जितने भी गण हैं, उन सभी की शक्ति निश्चय ही ऐसी ही है।

श्लोक 52 (shiva.rudra.55.52)

श्रीकालभैरवः काश्यां नखाग्रेणैव लीलया । पुरा शिरश्च चिच्छेद पञ्चमं ब्रह्मणो ध्रुवम्

śrīkālabhairavaḥ kāśyāṁ nakhāgreṇaiva līlayā | purā śiraśca ciccheda pañcamaṁ brahmaṇo dhruvam

एक बार श्री कालभैरव ने काशी में केवल नख के अग्रभाग से लीलापूर्वक ही ब्रह्मा के पाँचवें सिर को काट डाला था, यह निश्चित है।

श्लोक 53 (shiva.rudra.55.53)

एतदुक्त्वा स्थितो विष्णुरतित्रस्तमुखाम्बुजः । वीरभद्रोऽपि सम्प्राप तदैवाध्वरमण्डपम्

etaduktvā sthito viṣṇuratitrastamukhāmbujaḥ | vīrabhadro'pi samprāpa tadaivādhvaramaṇḍapam

यह कहकर विष्णु अत्यंत भयभीत मुख-कमल लिए वहीं खड़े रह गये; और उसी क्षण वीरभद्र भी यज्ञ-मंडप में आ पहुँचे।

श्लोक 54 (shiva.rudra.55.54)

एवं ब्रुवति गोविन्द आगतं सैन्यसागरम् । वीरभद्रेण सहितं ददृशुश्च सुरादयः

evaṁ bruvati govinda āgataṁ sainyasāgaram | vīrabhadreṇa sahitaṁ dadṛśuśca surādayaḥ

गोविंद के इस प्रकार बोलते ही, देवगण आदि सभी ने वीरभद्र सहित आया हुआ वह सागर-सम विशाल सैन्य देख लिया।