विष्णु की उत्पत्ति

श्लोक 1 (shiva.rudra.6.1)

ब्रह्मोवाच । भो ब्रह्मन्साधु पृष्टोऽहं त्वया विबुधसत्तम । लोकोपकारिणा नित्यं लोकानां हितकाम्यया

brahmovāca bho brahmansādhu pṛṣṭo'haṁ tvayā vibudhasattama lokopakāriṇā nityaṁ lokānāṁ hitakāmyayā

ब्रह्मा ने कहा — हे ब्रह्मन्! हे विद्वानों में श्रेष्ठ! तुमने सदा लोकों के हित की कामना से, लोकों का उपकार करते हुए, भला प्रश्न पूछा है।

श्लोक 2 (shiva.rudra.6.2)

यच्छ्रुत्वा सर्वलोकानां सर्वपापक्षयो भवेत् । तदहं ते प्रवक्ष्यामि शिवतत्त्वमनामयम्

yacchrutvā sarvalokānāṁ sarvapāpakṣayo bhavet tadahaṁ te pravakṣyāmi śivatattvamanāmayam

जिसे सुनकर सम्पूर्ण लोकों के सारे पाप नष्ट हो जाएँ, वह निर्दोष शिवतत्त्व अब मैं तुमसे कहूँगा।

श्लोक 3 (shiva.rudra.6.3)

शिवतत्त्वं मया नैव विष्णुनापि यथार्थतः । ज्ञातं च परमं रूपमद्भुतं च परेण न

śivatattvaṁ mayā naiva viṣṇunāpi yathārthataḥ jñātaṁ ca paramaṁ rūpamadbhutaṁ ca pareṇa na

शिवतत्त्व को यथार्थ रूप से न तो मैंने जाना है, न विष्णु ने; वह परम, अद्भुत रूप किसी अन्य के द्वारा भी नहीं जाना गया।

श्लोक 4 (shiva.rudra.6.4)

महाप्रलयकाले च नष्टे स्थावरजङ्गमे । आसीत्तमोमयं सर्वमनर्कग्रहतारकम्

mahāpralayakāle ca naṣṭe sthāvarajaṅgame āsīttamomayaṁ sarvamanarkagrahatārakam

महाप्रलय के समय, जब सम्पूर्ण चराचर नष्ट हो चुका था, तब सब कुछ अन्धकारमय था — न सूर्य था, न ग्रह, न तारे।

श्लोक 5 (shiva.rudra.6.5)

अचन्द्रमनहोरात्रमनग्न्यनिलभूजलम् । अप्रधानं वियच्छून्यमन्यतेजोविवर्जितम्

acandramanahorātramanagnyanilabhūjalam apradhānaṁ viyacchūnyamanyatejovivarjitam

न चन्द्रमा था, न दिन-रात, न अग्नि, वायु, पृथ्वी या जल; न प्रधान (मूल प्रकृति) था, आकाश भी शून्य था, अन्य कोई तेज भी नहीं था।

श्लोक 6 (shiva.rudra.6.6)

अदृष्टत्वादिरहितं शब्दस्पर्शसमुज्झितम् । अव्यक्तगन्धरूपं च रसत्यक्तमदिङ्मुखम्

adṛṣṭatvādirahitaṁ śabdasparśasamujjhitam avyaktagandharūpaṁ ca rasatyaktamadiṅmukham

दृष्टि आदि से रहित, शब्द और स्पर्श से मुक्त, गन्ध और रूप अव्यक्त, रस-रहित और दिशाशून्य।

श्लोक 7 (shiva.rudra.6.7)

इत्थं सत्यन्धतमसे सूचीभेद्ये निरन्तरे । तत्सद्ब्रह्मेति यच्छ्रुत्वा सदेकं प्रतिपद्यते

itthaṁ satyandhatamase sūcībhedye nirantare tatsadbrahmeti yacchrutvā sadekaṁ pratipadyate

इस प्रकार सुई से भी भेदने योग्य निरन्तर अन्धकार में वह 'सत्' विद्यमान था — जिसे सुनकर वह एकमात्र सत्य 'ब्रह्म' के रूप में जाना जाता है।

श्लोक 8 (shiva.rudra.6.8)

इतीदृशं यदा नासीद्यत्तत्सदसदात्मकम् । योगिनोऽन्तर्हिताकाशे यत्पश्यन्ति निरन्तरम्

itīdṛśaṁ yadā nāsīdyattatsadasadātmakam yogino'ntarhitākāśe yatpaśyanti nirantaram

जब ऐसी अवस्था भी नहीं थी, तब वह था जो सत् और असत् दोनों के स्वरूप वाला है — जिसे योगी अन्तर्हित आकाश में निरन्तर देखते हैं।

श्लोक 9 (shiva.rudra.6.9)

अमनोगोचरं वाचां विषयं न कदाचन । अनामरूपवर्णं च न च स्थूलं न यत्कृशम्

amanogocaraṁ vācāṁ viṣayaṁ na kadācana anāmarūpavarṇaṁ ca na ca sthūlaṁ na yatkṛśam

वह मन का विषय नहीं, वाणी का विषय कभी नहीं; नाम, रूप और वर्ण से रहित, न स्थूल, न कृश।

श्लोक 10 (shiva.rudra.6.10)

अह्रस्वदीर्घमलघु गुरुत्वपरिवर्जितम् । न यत्रोपचयः कश्चित्तथा नोपचयोऽपि च

ahrasvadīrghamalaghu gurutvaparivarjitam na yatropacayaḥ kaścittathā nopacayo'pi ca

न ह्रस्व, न दीर्घ, न हल्का, न भारीपन से युक्त; जिसमें न कोई वृद्धि है, न ह्रास।

श्लोक 11 (shiva.rudra.6.11)

अभिधत्ते सचकितं यदस्तीति श्रुतिः पुनः । सत्यं ज्ञानमनन्तं च परानन्दं परं महः

abhidhatte sacakitaṁ yadastīti śrutiḥ punaḥ satyaṁ jñānamanantaṁ ca parānandaṁ paraṁ mahaḥ

श्रुति भी जिसके विषय में चकित होकर बार-बार केवल 'वह है' — इतना ही कहती है — सत्य, ज्ञान, अनन्त, परमानन्द और परम तेज।

श्लोक 12 (shiva.rudra.6.12)

अप्रमेयमनाधारमविकारमनाकृति । निर्गुणं योगिगम्यं च सर्वव्याप्येककारकम्

aprameyamanādhāramavikāramanākṛti nirguṇaṁ yogigamyaṁ ca sarvavyāpyekakārakam

अप्रमेय, आधाररहित, विकाररहित, आकाररहित; निर्गुण, योगियों द्वारा ही प्राप्य, सर्वव्यापी, एकमात्र कारण।

श्लोक 13 (shiva.rudra.6.13)

निर्विकल्पं निरारम्भं निर्मायं निरुपद्रवम् । अद्वितीयमनाद्यन्तमविकाशं चिदात्मकम्

nirvikalpaṁ nirārambhaṁ nirmāyaṁ nirupadravam advitīyamanādyantamavikāśaṁ cidātmakam

संकल्प-विकल्प से रहित, आरम्भरहित, मायारहित, उपद्रवरहित; अद्वितीय, आदि-अन्त रहित, अविकसित, चिदात्मक।

श्लोक 14 (shiva.rudra.6.14)

यस्येत्थं संविकल्पन्ते संज्ञासंज्ञोक्तितः स्म वै । कियता चैव कालेन द्वितीयेच्छाऽभवत्किल

yasyetthaṁ saṁvikalpante saṁjñāsaṁjñoktitaḥ sma vai kiyatā caiva kālena dvitīyecchā'bhavatkila

जिसके विषय में इस प्रकार के भिन्न-भिन्न कल्पना-विकल्प केवल शब्दों और उनके अर्थों से ही होते हैं — कुछ काल बीतने पर उसमें दूसरे की इच्छा हुई।

श्लोक 15 (shiva.rudra.6.15)

अमूर्तेन स्वमूर्तिश्च तेनाकल्पि स्वलीलया । सर्वैश्वर्यगुणोपेता सर्वज्ञानमयी शुभा

amūrtena svamūrtiśca tenākalpi svalīlayā sarvaiśvaryaguṇopetā sarvajñānamayī śubhā

उस अमूर्त ने अपनी ही लीला से अपनी मूर्ति रची — सम्पूर्ण ऐश्वर्य-गुणों से सम्पन्न, सर्वज्ञानमयी और शुभ।

श्लोक 16 (shiva.rudra.6.16)

सर्वगा सर्वरूपा च सर्वदृक्सर्वकारिणी । सर्वैकवन्द्या सर्वाद्या सर्वदा सर्वसंस्कृतिः

sarvagā sarvarūpā ca sarvadṛksarvakāriṇī sarvaikavandyā sarvādyā sarvadā sarvasaṁskṛtiḥ

सर्वव्यापिनी, सर्वरूपा, सर्वदर्शिनी, सबकी करने वाली; सबके द्वारा एकमात्र वन्दनीय, सबसे प्रथम, सदा सबका संस्करण करने वाली।

श्लोक 17 (shiva.rudra.6.17)

परिकल्प्येति तां मूर्तिमैश्वरीं शुद्धरूपिणीम् । अद्वितीयमनाद्यन्तं सर्वाभासं चिदात्मकम् । अन्तर्दधे पराख्यं यद् ब्रह्म सर्वगमव्ययम्

parikalpyeti tāṁ mūrtimaiśvarīṁ śuddharūpiṇīm advitīyamanādyantaṁ sarvābhāsaṁ cidātmakam antardadhe parākhyaṁ yad brahma sarvagamavyayam

इस प्रकार उस ऐश्वर्यमयी, शुद्धस्वरूपा मूर्ति की रचना कर, वह अद्वितीय, अनादि-अनन्त, सर्वप्रकाशक, चिदात्मक, सर्वव्यापी, अविनाशी परब्रह्म अन्तर्हित हो गया।

श्लोक 18 (shiva.rudra.6.18)

अमूर्ते यत्पराख्यं वै तस्य मूर्तिः सदाशिवः । अर्वाचीनाः पराचीना ईश्वरं तं जगुर्बुधाः

amūrte yatparākhyaṁ vai tasya mūrtiḥ sadāśivaḥ arvācīnāḥ parācīnā īśvaraṁ taṁ jagurbudhāḥ

उस अमूर्त परतत्त्व की जो मूर्ति है, वह सदाशिव है; प्राचीन और अर्वाचीन विद्वानों ने उन्हें ही ईश्वर कहकर गाया है।

श्लोक 19 (shiva.rudra.6.19)

शक्तिस्तदैकलेनापि स्वैरं विहरता तनुः । स्वविग्रहात्स्वयं सृष्टा स्वशरीरानपायिनी

śaktistadaikalenāpi svairaṁ viharatā tanuḥ svavigrahātsvayaṁ sṛṣṭā svaśarīrānapāyinī

तब उस अकेले ने ही स्वच्छन्दतापूर्वक विहार करते हुए अपने ही स्वरूप से स्वयं एक शक्ति की, एक शरीर की रचना की, जो उसके अपने शरीर से कभी पृथक् नहीं है।

श्लोक 20 (shiva.rudra.6.20)

प्रधानं प्रकृतिं तां च मायां गुणवतीं पराम् । बुद्धितत्त्वस्य जननीमाहुर्विकृतिवर्जिताम्

pradhānaṁ prakṛtiṁ tāṁ ca māyāṁ guṇavatīṁ parām buddhitattvasya jananīmāhurvikṛtivarjitām

उसी को प्रधान, प्रकृति, तथा गुणवती परम माया कहा जाता है — बुद्धितत्त्व की जननी, परन्तु स्वयं विकाररहित।

श्लोक 21 (shiva.rudra.6.21)

सा शक्तिरम्बिका प्रोक्ता प्रकृतिः सकलेश्वरी । त्रिदेवजननी नित्या मूलकारणमित्युत

sā śaktirambikā proktā prakṛtiḥ sakaleśvarī tridevajananī nityā mūlakāraṇamityuta

वही शक्ति अम्बिका कही गई है — प्रकृति, समस्त की स्वामिनी, तीनों देवों की नित्य जननी, और मूलकारण भी।

श्लोक 22 (shiva.rudra.6.22)

अस्या अष्टौ भुजाश्चासन्विचित्रवदना शुभा । राकाचन्द्रसहस्रस्य वदने भाश्च नित्यशः

asyā aṣṭau bhujāścāsanvicitravadanā śubhā rākācandrasahasrasya vadane bhāśca nityaśaḥ

उसकी आठ भुजाएँ थीं, अद्भुत मुख वाली और शुभ; उसके मुख में सहस्र पूर्णचन्द्रों की सी नित्य कान्ति थी।

श्लोक 23 (shiva.rudra.6.23)

नानाभरणसंयुक्ता नानागतिसमन्विता । नानायुधधरा देवी फुल्लपङ्कजलोचना

nānābharaṇasaṁyuktā nānāgatisamanvitā nānāyudhadharā devī phullapaṅkajalocanā

नाना आभूषणों से युक्त, नाना गतियों से सम्पन्न, नाना आयुध धारण करने वाली वह देवी विकसित कमल के समान नेत्रों वाली थी।

श्लोक 24 (shiva.rudra.6.24)

अचिन्त्यतेजसा युक्ता सर्वयोनिः समुद्यता । एकाकिनी यदा माया संयोगाच्चाप्यनेकिका

acintyatejasā yuktā sarvayoniḥ samudyatā ekākinī yadā māyā saṁyogāccāpyanekikā

अचिन्त्य तेज से युक्त, सबकी योनि (उद्गम) और सदा उद्यत; जब अकेली हो तब माया कहलाती है, संयोग होने पर वह अनेक रूप धारण कर लेती है।

श्लोक 25 (shiva.rudra.6.25)

परः पुमानीश्वरः स शिवः शम्भुरनीश्वरः । शीर्षे मन्दाकिनीधारी भालचन्द्रस्त्रिलोचनः

paraḥ pumānīśvaraḥ sa śivaḥ śambhuranīśvaraḥ śīrṣe mandākinīdhārī bhālacandrastrilocanaḥ

परम पुरुष ईश्वर वे ही शिव, शम्भु हैं — जो किसी के अधीन नहीं; सिर पर मन्दाकिनी धारण करने वाले, भाल पर चन्द्रमा, त्रिनेत्रधारी।

श्लोक 26 (shiva.rudra.6.26)

पञ्चवक्त्रः प्रसन्नात्मा दशबाहुस्त्रिशूलधृक् । कर्पूरगौरसुसितो भस्मोद्धूलितविग्रहः

pañcavaktraḥ prasannātmā daśabāhustriśūladhṛk karpūragaurasusito bhasmoddhūlitavigrahaḥ

पाँच मुख वाले, प्रसन्नचित्त, दस भुजाओं वाले, त्रिशूलधारी; कपूर के समान गौर वर्ण, भस्म से लिप्त शरीर वाले।

श्लोक 27 (shiva.rudra.6.27)

युगपच्च तया शक्त्या साकं कालस्वरूपिणा । शिवलोकाभिधं क्षेत्रं निर्मितं तेन ब्रह्मणा

yugapacca tayā śaktyā sākaṁ kālasvarūpiṇā śivalokābhidhaṁ kṣetraṁ nirmitaṁ tena brahmaṇā

उस शक्ति के साथ, और साथ ही काल-स्वरूप उस ब्रह्म ने शिवलोक नामक क्षेत्र की रचना की।

श्लोक 28 (shiva.rudra.6.28)

तदेव काशिकेत्येतत्प्रोच्यते क्षेत्रमुत्तमम् । परं निर्वाणसङ्ख्यानं सर्वोपरि विराजितम्

tadeva kāśiketyetatprocyate kṣetramuttamam paraṁ nirvāṇasaṅkhyānaṁ sarvopari virājitam

वही उत्तम क्षेत्र काशिका कहलाता है — परम निर्वाण की गणना में गिना जाने वाला, सबसे ऊपर विराजमान।

श्लोक 29 (shiva.rudra.6.29)

ताभ्यां च रममाणाभ्यां तस्मिन्क्षेत्रे मनोरमे । परमानन्दरूपाभ्यां परमानन्दरूपिणम्

tābhyāṁ ca ramamāṇābhyāṁ tasminkṣetre manorame paramānandarūpābhyāṁ paramānandarūpiṇam

परमानन्दस्वरूप उन दोनों (शिव-शक्ति) के उस मनोरम क्षेत्र में विहार करने से, वह क्षेत्र भी परमानन्दमय हो गया।

श्लोक 30 (shiva.rudra.6.30)

मुने प्रलयकालेऽपि न तत्क्षेत्रं कदाचन । विमुक्तं हि शिवाभ्यां यदविमुक्तं ततो विदुः

mune pralayakāle'pi na tatkṣetraṁ kadācana vimuktaṁ hi śivābhyāṁ yadavimuktaṁ tato viduḥ

हे मुने! प्रलयकाल में भी वह क्षेत्र कभी शिव-शक्ति द्वारा त्यागा नहीं जाता, इसीलिए उसे अविमुक्त कहा जाता है।

श्लोक 31 (shiva.rudra.6.31)

अस्यानन्दवनं नाम पुराकारि पिनाकिना । क्षेत्रस्यानन्दहेतुत्वादविमुक्तमनन्तरम्

asyānandavanaṁ nāma purākāri pinākinā kṣetrasyānandahetutvādavimuktamanantaram

इसका नाम आनन्दवन पिनाकधारी शिव ने ही पहले रखा था; और क्षेत्र के आनन्द का कारण होने से इसे बाद में अविमुक्त भी कहा गया।

श्लोक 32 (shiva.rudra.6.32)

अथानन्दवने तस्मिन् शिवयो रममाणयोः । इच्छेत्यभूत्सुरर्षे हि सृज्यः कोऽप्यपरः किल

athānandavane tasmin śivayo ramamāṇayoḥ icchetyabhūtsurarṣe hi sṛjyaḥ ko'pyaparaḥ kila

तत्पश्चात् उस आनन्दवन में विहार करते हुए शिव-शक्ति के मन में, हे देवर्षे, किसी अन्य सृज्य (सृष्टि-योग्य) की इच्छा उत्पन्न हुई —

श्लोक 33 (shiva.rudra.6.33)

यस्मिन् न्यस्य महाभारमावां स्वस्वैरचारिणौ । निर्वाणधारणं कुर्वः केवलं काशिशायिनौ

yasmin nyasya mahābhāramāvāṁ svasvairacāriṇau nirvāṇadhāraṇaṁ kurvaḥ kevalaṁ kāśiśāyinau

'जिस पर यह महान भार रखकर, स्वच्छन्द विचरण करने वाले हम दोनों केवल काशी में शयन करते हुए निर्वाण-अवस्था में रहें;'

श्लोक 34 (shiva.rudra.6.34)

स एव सर्वं कुरुतां स एव परिपातु च । स एव संवृणोत्वन्ते मदनुग्रहतःसदा

sa eva sarvaṁ kurutāṁ sa eva paripātu ca sa eva saṁvṛṇotvante madanugrahataḥsadā

'वही सब कुछ करे, वही उसका पालन करे, और अन्त में वही उसका संहार करे — सदा मेरे ही अनुग्रह से।'

श्लोक 35 (shiva.rudra.6.35)

चेतः समुद्रमाकुञ्च्य चिन्ताकल्लोललोलितम् । सत्त्वरत्नं तमोग्राहं रजोविद्रुमवल्लितम्

cetaḥ samudramākuñcya cintākallolalolitam sattvaratnaṁ tamogrāhaṁ rajovidrumavallitam

चिन्ता की तरंगों से हिलते, सत्त्वरूपी रत्न वाले, तमोरूपी मगर वाले, रजोरूपी मूँगे-लता वाले मनरूपी समुद्र को समेटकर —

श्लोक 36 (shiva.rudra.6.36)

यस्य प्रसादात्तिष्ठावः सुखमानन्दकानने । परिक्षिप्तमनोवृत्तौ बहिश्चिन्तातुरे सुखम्

yasya prasādāttiṣṭhāvaḥ sukhamānandakānane parikṣiptamanovṛttau bahiścintāture sukham

'जिसकी कृपा से हम आनन्द-वन में सुखपूर्वक रहें, अपनी मनोवृत्तियों को समेटकर, बाहर चिन्ताओं से घिरे रहने पर भी सुखी रहें।'

श्लोक 37 (shiva.rudra.6.37)

सम्प्रधार्येति स विभुस्तया शक्त्या परेश्वरः । सव्ये व्यापारयाञ्चक्रे दशमेऽङ्गे सुधासवम्

sampradhāryeti sa vibhustayā śaktyā pareśvaraḥ savye vyāpārayāñcakre daśame'ṅge sudhāsavam

ऐसा दृढ़ निश्चय करके, उस शक्ति के साथ सर्वव्यापी परमेश्वर ने अपने दसवें अंग में, बायीं ओर, अमृतरस को कार्यरत किया।

श्लोक 38 (shiva.rudra.6.38)

ततः पुमानाविरासीदेकस्त्रैलोक्यसुन्दरः । शान्तःसत्त्वगुणोद्रिक्तो गाम्भीर्यामितसागरः

tataḥ pumānāvirāsīdekastrailokyasundaraḥ śāntaḥsattvaguṇodrikto gāmbhīryāmitasāgaraḥ

तब एक पुरुष प्रकट हुआ, जो तीनों लोकों में सुन्दर, शान्त, सत्त्वगुण से अतिरिक्त, गम्भीरता में अपार सागर के समान था।

श्लोक 39 (shiva.rudra.6.39)

तथा च क्षमया युक्तो मुनेऽलब्धोपमोऽभवत् । इन्द्रनीलद्युतिः श्रीमान्पुण्डरीकोत्तमेक्षणः

tathā ca kṣamayā yukto mune'labdhopamo'bhavat indranīladyutiḥ śrīmānpuṇḍarīkottamekṣaṇaḥ

हे मुने! क्षमाशील वह अनुपम हो गया — इन्द्रनील मणि की सी कान्ति वाला, श्रीसम्पन्न, उत्तम श्वेत कमल के समान नेत्रों वाला।

श्लोक 40 (shiva.rudra.6.40)

सुवर्णकान्तिभृच्छ्रेष्ठदुकूलयुगलावृतः । लसत्प्रचण्डदोर्दण्डयुगलो ह्यपराजितः

suvarṇakāntibhṛcchreṣṭhadukūlayugalāvṛtaḥ lasatpracaṇḍadordaṇḍayugalo hyaparājitaḥ

सुवर्ण जैसी कान्ति धारण करने वाला, श्रेष्ठ रेशमी वस्त्रों के जोड़े से आवृत, शोभायमान प्रचण्ड भुजदण्डों वाला, अपराजित।

श्लोक 41 (shiva.rudra.6.41)

ततः स पुरुषः शम्भुं प्रणम्य परमेश्वरम् । नामानि कुरु मे स्वामिन्वद कर्म जगावति

tataḥ sa puruṣaḥ śambhuṁ praṇamya parameśvaram nāmāni kuru me svāminvada karma jagāvati

तब उस पुरुष ने परमेश्वर शम्भु को प्रणाम कर कहा — हे स्वामिन्! मेरे नाम रखिए, और हे जगत् के शासक, मेरा कार्य बताइये।

श्लोक 42 (shiva.rudra.6.42)

तच्छ्रुत्वा वचनं प्राह शङ्करः प्रहसन्प्रभुः । पुरुषं तं महेशानो वाचा मेघगभीरया

tacchrutvā vacanaṁ prāha śaṅkaraḥ prahasanprabhuḥ puruṣaṁ taṁ maheśāno vācā meghagabhīrayā

यह वचन सुनकर मुस्कुराते हुए प्रभु शंकर ने मेघ के समान गम्भीर वाणी से उस पुरुष महेशान से कहा।

श्लोक 43 (shiva.rudra.6.43)

शिव उवाच । विष्ण्विति व्यापकत्वात्ते नाम ख्यातं भविष्यति । बहून्यन्यानि नामानि भक्तसौख्यकराणि ह

śiva uvāca viṣṇviti vyāpakatvātte nāma khyātaṁ bhaviṣyati bahūnyanyāni nāmāni bhaktasaukhyakarāṇi ha

शिव ने कहा — तुम्हारे व्यापक स्वभाव के कारण तुम्हारा नाम 'विष्णु' प्रसिद्ध होगा; इसके अतिरिक्त भक्तों को सुख देने वाले और भी अनेक नाम होंगे।

श्लोक 44 (shiva.rudra.6.44)

तपः कुरु दृढो भूत्वा परमं कार्यसाधनम् । इत्युक्त्वा श्वासमार्गेण ददौ च निगमं ततः

tapaḥ kuru dṛḍho bhūtvā paramaṁ kāryasādhanam ityuktvā śvāsamārgeṇa dadau ca nigamaṁ tataḥ

दृढ़ होकर तपस्या करो, यही परम कार्य का साधन है — यह कहकर उन्होंने श्वास के मार्ग से उसे वेद प्रदान किया।

श्लोक 45 (shiva.rudra.6.45)

ततोऽच्युतः शिवं नत्वा चकार विपुलं तपः । अन्तर्धानं गतः शक्त्या सलोकः परमेश्वरः

tato'cyutaḥ śivaṁ natvā cakāra vipulaṁ tapaḥ antardhānaṁ gataḥ śaktyā salokaḥ parameśvaraḥ

तब अच्युत ने शिव को प्रणाम कर विपुल तपस्या की; और परमेश्वर शिव अपनी शक्ति और लोक सहित अन्तर्धान हो गये।

श्लोक 46 (shiva.rudra.6.46)

दिव्यं द्वादशसाहस्रं वर्षं तप्त्वापि चाच्युतः । न प्राप स्वाभिलषितं सर्वदं शम्भुदर्शनम्

divyaṁ dvādaśasāhasraṁ varṣaṁ taptvāpi cācyutaḥ na prāpa svābhilaṣitaṁ sarvadaṁ śambhudarśanam

बारह हजार दिव्य वर्षों तक तप करने पर भी अच्युत को अपना अभीष्ट — सर्वदाता शम्भु का दर्शन — प्राप्त नहीं हुआ।

श्लोक 47 (shiva.rudra.6.47)

ततः संशयमापन्नश्चिन्तितं हृदि सादरम् । मयाद्य किं प्रकर्तव्यमिति विष्णुः शिवं स्मरन्

tataḥ saṁśayamāpannaścintitaṁ hṛdi sādaram mayādya kiṁ prakartavyamiti viṣṇuḥ śivaṁ smaran

तब संशय में पड़कर, हृदय में आदरपूर्वक विचार करते हुए, शिव का स्मरण करते हुए विष्णु ने सोचा — अब मुझे क्या करना चाहिए?

श्लोक 48 (shiva.rudra.6.48)

एतस्मिन्नन्तरे वाणी समुत्पन्ना शिवाच्छुभा । तपः पुनः प्रकर्तव्यं संशयस्यापनुत्तये

etasminnantare vāṇī samutpannā śivācchubhā tapaḥ punaḥ prakartavyaṁ saṁśayasyāpanuttaye

इसी बीच शिव की ओर से एक शुभ वाणी उत्पन्न हुई — संशय को दूर करने के लिए फिर से तप करना चाहिए।

श्लोक 49 (shiva.rudra.6.49)

ततस्तेन च तच्छ्रुत्वा तपस्तप्तं सुदारुणम् । बहुकालं तदा ब्रह्मध्यानमार्गपरेण हि

tatastena ca tacchrutvā tapastaptaṁ sudāruṇam bahukālaṁ tadā brahmadhyānamārgapareṇa hi

यह सुनकर उन्होंने पुनः दीर्घकाल तक ब्रह्म-ध्यान के मार्ग में तत्पर रहकर अत्यन्त कठोर तपस्या की।

श्लोक 50 (shiva.rudra.6.50)

ततः स पुरुषो विष्णुः प्रबुद्धो ध्यानमार्गतः । सुप्रीतो विस्मयं प्राप्तः किं यत्तत्तवमहो इति

tataḥ sa puruṣo viṣṇuḥ prabuddho dhyānamārgataḥ suprīto vismayaṁ prāptaḥ kiṁ yattattavamaho iti

तब वह पुरुष विष्णु ध्यान के मार्ग से प्रबुद्ध हुआ, अत्यन्त प्रसन्न और विस्मित होकर बोला — अहो! यह तत्त्व क्या है!

श्लोक 51 (shiva.rudra.6.51)

परिश्रमवतस्तस्य विष्णोः स्वाङ्गेभ्य एव च । जलधारा हि संयाता विविधाः शिवमायया

pariśramavatastasya viṣṇoḥ svāṅgebhya eva ca jaladhārā hi saṁyātā vividhāḥ śivamāyayā

परिश्रम से थके हुए उस विष्णु के अपने ही अंगों से, शिव की माया द्वारा, नाना प्रकार की जलधाराएँ बह चलीं।

श्लोक 52 (shiva.rudra.6.52)

अभिव्याप्तं च सकलं शून्यं यत्तन्महामुने । ब्रह्मरूपं जलमभूत्स्पर्शनात्पापनाशनम्

abhivyāptaṁ ca sakalaṁ śūnyaṁ yattanmahāmune brahmarūpaṁ jalamabhūtsparśanātpāpanāśanam

हे महामुने! वह सम्पूर्ण शून्य व्याप्त हो गया, और वह जल ब्रह्मस्वरूप बन गया, जिसके स्पर्श मात्र से पाप नष्ट हो जाते हैं।

श्लोक 53 (shiva.rudra.6.53)

तदा श्रान्तश्च पुरुषो विष्णुस्तस्मिञ्जले स्वयम् । सुष्वाप परमप्रीतो बहुकालं विमोहितः

tadā śrāntaśca puruṣo viṣṇustasmiñjale svayam suṣvāpa paramaprīto bahukālaṁ vimohitaḥ

तब थका हुआ पुरुष विष्णु उसी जल में स्वयं परम प्रसन्न होकर बहुत समय तक मोहित-सा लेटा रहा।

श्लोक 54 (shiva.rudra.6.54)

नारायणेति नामापि तस्यासीच्छ्रुतिसम्मतम् । नान्यत्किञ्चित्तदा ह्यासीत्प्राकृतं पुरुषं विना

nārāyaṇeti nāmāpi tasyāsīcchrutisammatam nānyatkiñcittadā hyāsītprākṛtaṁ puruṣaṁ vinā

उनका 'नारायण' नाम भी श्रुतिसम्मत उसी समय हुआ; क्योंकि उस समय उस आदि पुरुष के अतिरिक्त और कुछ भी नहीं था।

श्लोक 55 (shiva.rudra.6.55)

एतस्मिन्नन्तरे काले तत्त्वान्यासन्महात्मनः । तत्प्रकारं शृणु प्राज्ञ गदतो मे महामते

etasminnantare kāle tattvānyāsanmahātmanaḥ tatprakāraṁ śṛṇu prājña gadato me mahāmate

इसी बीच उस महात्मा से तत्त्वों की उत्पत्ति हुई; हे प्राज्ञ! हे महामते! मैं उनका क्रम कहता हूँ, सुनो।

श्लोक 56 (shiva.rudra.6.56)

प्रकृतेश्च महानासीन्महतश्च गुणास्त्रयः । अहङ्कारस्ततो जातस्त्रिविधो गुणभेदतः

prakṛteśca mahānāsīnmahataśca guṇāstrayaḥ ahaṅkārastato jātastrividho guṇabhedataḥ

प्रकृति से महत्तत्त्व उत्पन्न हुआ, महत् से तीन गुण; उससे तीन प्रकार का अहंकार गुणभेद से उत्पन्न हुआ।

श्लोक 57 (shiva.rudra.6.57)

तन्मात्रश्च ततो जाताः पञ्च भूतानि वै ततः । तदैव तानीन्द्रियाणि ज्ञानकर्ममयानि च

tanmātraśca tato jātāḥ pañca bhūtāni vai tataḥ tadaiva tānīndriyāṇi jñānakarmamayāni ca

उससे तन्मात्राएँ उत्पन्न हुईं, फिर उनसे पाँच स्थूल भूत उत्पन्न हुए; उसी समय ज्ञान और कर्म से युक्त इन्द्रियाँ भी उत्पन्न हुईं।

श्लोक 58 (shiva.rudra.6.58)

तत्त्वानामिति सङ्ख्यानमुक्तं ते ऋषिसत्तम । जडात्मकं च तत्सर्वं प्रकृतेः पुरुषं विना

tattvānāmiti saṅkhyānamuktaṁ te ṛṣisattama jaḍātmakaṁ ca tatsarvaṁ prakṛteḥ puruṣaṁ vinā

हे ऋषिश्रेष्ठ! इस प्रकार तत्त्वों की गणना तुम्हें बताई गई; पुरुष को छोड़कर वह सब प्रकृति से उत्पन्न, जड़-स्वरूप है।

श्लोक 59 (shiva.rudra.6.59)

तत्तदैकीकृतं तत्त्वं चतुर्विंशतिसङ्ख्यकम् । शिवेच्छया गृहीत्वा स सुष्वाप ब्रह्मरूपके

tattadaikīkṛtaṁ tattvaṁ caturviṁśatisaṅkhyakam śivecchayā gṛhītvā sa suṣvāpa brahmarūpake

चौबीस संख्या वाले उन सभी तत्त्वों को एकत्र कर, शिव की इच्छा से उन्हें ग्रहण कर, वे उस ब्रह्मस्वरूप जल में सोते रहे।