ब्रह्मादि की कैलास-यात्रा और शिव-दर्शन

श्लोक 1 (shiva.rudra.60.1)

नारद उवाच विधे विधे महाप्राज्ञ शैवतत्त्वप्रदर्शक । श्राविता रमणीप्राया शिवलीला महाद्भुता

nārada uvāca vidhe vidhe mahāprājña śaivatattvapradarśaka | śrāvitā ramaṇīprāyā śivalīlā mahādbhutā

नारद ने कहा — हे विधे विधे! हे महाप्राज्ञ! हे शैव-तत्त्व के प्रकाशक! आपने मुझे शिव की यह अत्यंत रमणीय और अद्भुत लीला सुनाई।

श्लोक 2 (shiva.rudra.60.2)

वीरेण वीरभद्रेण दक्षयज्ञं विनाश्य वै । कैलासाद्रौ गते तात किमभूत्तद्वदाधुना

vīreṇa vīrabhadreṇa dakṣayajñaṁ vināśya vai | kailāsādrau gate tāta kimabhūttadvadādhunā

वीर वीरभद्र द्वारा दक्ष के यज्ञ का विनाश करके कैलास पर्वत को चले जाने के पश्चात्, हे तात! अब क्या हुआ, यह बताइए।

श्लोक 3 (shiva.rudra.60.3)

ब्रह्मोवाच । अथ देवगणाः सर्वे मुनयश्च पराजिताः । रुद्रानीकैर्विभिन्नाङ्गा मम लोकं ययुस्तदा

brahmovāca | atha devagaṇāḥ sarve munayaśca parājitāḥ | rudrānīkairvibhinnāṅgā mama lokaṁ yayustadā

ब्रह्मा ने कहा — तत्पश्चात् पराजित हुए सभी देवगण और मुनि, रुद्र की सेनाओं द्वारा अंग-भंग हुए, तब मेरे लोक में आए।

श्लोक 4 (shiva.rudra.60.4)

स्वयम्भुवे नमस्कृत्य मह्यं संस्तूय भूरिशः । तत्स्वक्लेशं विषेशेण कार्त्स्न्येनैव न्यवेदयन्

svayambhuve namaskṛtya mahyaṁ saṁstūya bhūriśaḥ | tatsvakleśaṁ viṣeśeṇa kārtsnyenaiva nyavedayan

स्वयंभू मुझे प्रणाम कर और बहुत प्रकार से मेरी स्तुति करके, उन्होंने अपने उस कष्ट का सम्पूर्ण विवरण मुझे बताया।

श्लोक 5 (shiva.rudra.60.5)

तदाकर्ण्य ततोऽहं वै पुत्रशोकेन पीडितः । अचिन्तयमतिव्यग्रो दूयमानेन चेतसा

tadākarṇya tato'haṁ vai putraśokena pīḍitaḥ | acintayamativyagro dūyamānena cetasā

यह सुनकर मैं, पुत्र-शोक से पीड़ित होकर, अत्यंत व्याकुल और दुःखी हृदय से सोचने लगा।

श्लोक 6 (shiva.rudra.60.6)

किं कार्यं कार्यमद्याशु मया देवसुखावहम् । येन जीवतु दक्षोऽसौ मखः पूर्णो भवेत्सुरः

kiṁ kāryaṁ kāryamadyāśu mayā devasukhāvaham | yena jīvatu dakṣo'sau makhaḥ pūrṇo bhavetsuraḥ

अब मुझे तुरंत ऐसा क्या करना चाहिए जो देवताओं को सुख देने वाला हो, जिससे यह दक्ष जीवित हो जाए और यह अपूर्ण यज्ञ पूर्ण हो जाए।

श्लोक 7 (shiva.rudra.60.7)

एवं विचार्य बहुधा नालभं शमहं मुने । विष्णुं तदा स्मरन् भक्त्या ज्ञानमाप तदोचितम्

evaṁ vicārya bahudhā nālabhaṁ śamahaṁ mune | viṣṇuṁ tadā smaran bhaktyā jñānamāpa tadocitam

हे मुने! इस प्रकार बहुत विचार करने पर भी मुझे शांति नहीं मिली; तब भक्तिपूर्वक विष्णु का स्मरण करने से मुझे उस समय के अनुकूल ज्ञान प्राप्त हुआ।

श्लोक 8 (shiva.rudra.60.8)

अथ देवैश्च मुनिभिर्विष्णोर्लोकमहं गतः । नत्वा नुत्वा च विविधैः स्तवैर्दुःखं न्यवदेयम्

atha devaiśca munibhirviṣṇorlokamahaṁ gataḥ | natvā nutvā ca vividhaiḥ stavairduḥkhaṁ nyavadeyam

तब देवताओं और मुनियों सहित मैं विष्णु के लोक में गया, और उन्हें प्रणाम एवं विविध स्तुतियों से स्तवन करके अपना दुःख निवेदित किया।

श्लोक 9 (shiva.rudra.60.9)

यथाध्वरः प्रपूर्णः स्याद्देव यज्ञकरश्च सः । सुखिनः स्युः सुराः सर्वे मुनयश्च तथा कुरु

yathādhvaraḥ prapūrṇaḥ syāddeva yajñakaraśca saḥ | sukhinaḥ syuḥ surāḥ sarve munayaśca tathā kuru

हे देव! ऐसा कीजिए कि यह यज्ञ पूर्ण हो जाए तथा उसका कर्ता भी सुरक्षित हो, और सभी देव तथा मुनि सुखी हों।

श्लोक 10 (shiva.rudra.60.10)

देवदेव रमानाथ विष्णो देवसुखावह । वयं त्वच्छरणं प्राप्ताः सदेवमुनयो ध्रुवम्

devadeva ramānātha viṣṇo devasukhāvaha | vayaṁ tvaccharaṇaṁ prāptāḥ sadevamunayo dhruvam

हे देवाधिदेव! हे रमानाथ विष्णो! हे देवताओं को सुख देने वाले! हम सब देवता और मुनि निश्चय ही आपकी शरण में आए हैं।

श्लोक 11 (shiva.rudra.60.11)

ब्रह्मोवाच । इत्याकर्ण्य वचो मे हि ब्रह्मणः स रमेश्वरः । प्रत्युवाच शिवं स्मृत्वा शिवात्मा दीनमानसः

brahmovāca | ityākarṇya vaco me hi brahmaṇaḥ sa rameśvaraḥ | pratyuvāca śivaṁ smṛtvā śivātmā dīnamānasaḥ

ब्रह्मा ने कहा — मुझ ब्रह्मा के इस वचन को सुनकर, शिव में लीन आत्मा वाले वे रमेश्वर विष्णु शिव का स्मरण करते हुए दीन मन से मुझे उत्तर देने लगे।

श्लोक 12 (shiva.rudra.60.12)

विष्णुरुवाच । तेजीयसि न सा भूता कृतागसि बुभूषताम् । तत्र क्षेमाय बहुधा बुभूषा हि कृतागसाम्

viṣṇuruvāca | tejīyasi na sā bhūtā kṛtāgasi bubhūṣatām | tatra kṣemāya bahudhā bubhūṣā hi kṛtāgasām

विष्णु ने कहा — जो अधिक तेजस्वी है उसके प्रति अपराध करने वालों के लिए, अपने कल्याण की इच्छा से, वहाँ कोई सुरक्षा नहीं होती; वहाँ कल्याण के लिए केवल अपराधियों का बहुविध कल्याण-प्रयत्न ही उपाय है।

श्लोक 13 (shiva.rudra.60.13)

कृतपापाः सुराः सर्वे शिवे हि परमेश्वरे । पराददुर्यज्ञभागं तस्य शम्भोर्विधे यतः

kṛtapāpāḥ surāḥ sarve śive hi parameśvare | parādaduryajñabhāgaṁ tasya śambhorvidhe yataḥ

सभी देवताओं ने परमेश्वर शिव के प्रति ही यह पाप किया है, क्योंकि हे विधे! उन्होंने उस शम्भु का यज्ञ-भाग उन्हें नहीं दिया।

श्लोक 14 (shiva.rudra.60.14)

प्रसादयध्वं सर्वे हि यूयं शुद्धेन चेतसा । अथापरप्रसादं तं गृहीताङ्घ्रियुगं शिवम्

prasādayadhvaṁ sarve hi yūyaṁ śuddhena cetasā | athāparaprasādaṁ taṁ gṛhītāṅghriyugaṁ śivam

अतः आप सब शुद्ध चित्त से उन्हें प्रसन्न कीजिए; और उनके दोनों चरणों को पकड़कर उनसे पुनः प्रसाद माँगिए।

श्लोक 15 (shiva.rudra.60.15)

यस्मिन् प्रकुपिते देवे विनश्यत्यखिलं जगत् । सलोकपालयज्ञस्य शासनाज्जीवितं द्रुतम्

yasmin prakupite deve vinaśyatyakhilaṁ jagat | salokapālayajñasya śāsanājjīvitaṁ drutam

जिस देव के क्रुद्ध होने पर सम्पूर्ण जगत नष्ट हो जाता है, उन्हीं की आज्ञा से लोकपालों और यज्ञ सहित जीवन शीघ्र चलता है।

श्लोक 16 (shiva.rudra.60.16)

तमाशु प्रियया देवं विहीनं च दुरुक्तिभिः । क्षमापयध्वं हृद्विद्धं दक्षेण सुदुरात्मना

tamāśu priyayā devaṁ vihīnaṁ ca duruktibhiḥ | kṣamāpayadhvaṁ hṛdviddhaṁ dakṣeṇa sudurātmanā

जो देव अत्यंत प्रिय होते हुए भी दुष्ट दुरात्मा दक्ष के कटु वचनों से हृदय में आहत हुए हैं, उनसे तुरंत क्षमा माँगिए।

श्लोक 17 (shiva.rudra.60.17)

अयमेव महोपायस्तच्छान्त्यै केवलं विधे । शम्भोः सन्तुष्टये मन्ये सत्यमेवोदितं मया

ayameva mahopāyastacchāntyai kevalaṁ vidhe | śambhoḥ santuṣṭaye manye satyamevoditaṁ mayā

हे विधे! यही एक महान उपाय है, केवल उनकी शांति और शम्भु की संतुष्टि के लिए — मैं मानता हूँ कि मैंने आपसे सत्य ही कहा है।

श्लोक 18 (shiva.rudra.60.18)

नाहं न त्वं सुराश्चान्ये मुनयोऽपि तनूभृतः । यस्य तत्त्वं प्रमाणं च न विदुर्बलवीर्ययोः

nāhaṁ na tvaṁ surāścānye munayo'pi tanūbhṛtaḥ | yasya tattvaṁ pramāṇaṁ ca na vidurbalavīryayoḥ

न तो मैं, न आप, न अन्य देवगण, न ही शरीरधारी मुनि, कोई भी उनके बल और पराक्रम के वास्तविक तत्त्व और उसकी सीमा को नहीं जानते।

श्लोक 19 (shiva.rudra.60.19)

आत्मतन्त्रस्य तस्यापि परस्य परमात्मनः । क उपायं विधित्सेद्वै परं मूढं विरोधिनम्

ātmatantrasya tasyāpi parasya paramātmanaḥ | ka upāyaṁ vidhitsedvai paraṁ mūḍhaṁ virodhinam

उस स्वतंत्र, परम, परमात्मा के विरुद्ध कोई उपाय रचने की इच्छा कौन करेगा — केवल कोई महामूर्ख ही ऐसा विरोध कर सकता है।

श्लोक 20 (shiva.rudra.60.20)

चलिष्येऽहमपि ब्रह्मन् सर्वैः सार्धं शिवालयम् । क्षमापयामि गिरिशं कृतागश्च शिवे ध्रुवम्

caliṣye'hamapi brahman sarvaiḥ sārdhaṁ śivālayam | kṣamāpayāmi giriśaṁ kṛtāgaśca śive dhruvam

हे ब्रह्मन्! मैं भी आप सबके साथ शिव के धाम को चलूँगा — मैं गिरीश से क्षमा माँगूँगा, क्योंकि निश्चय ही मैंने शिव के प्रति अपराध किया है।

श्लोक 21 (shiva.rudra.60.21)

ब्रह्मोवाच । इत्थमादिश्य विष्णुर्मां ब्रह्माणं सामरादिकम् । सार्धं देवैर्मतिं चक्रे तद्गिरौ गमनाय सः

brahmovāca | itthamādiśya viṣṇurmāṁ brahmāṇaṁ sāmarādikam | sārdhaṁ devairmatiṁ cakre tadgirau gamanāya saḥ

ब्रह्मा ने कहा — इस प्रकार मुझ ब्रह्मा और देवताओं आदि को उपदेश देकर, विष्णु ने देवताओं सहित उस पर्वत पर जाने का निश्चय किया।

श्लोक 22 (shiva.rudra.60.22)

ययौ स्वधिष्ण्यनिलयं शिवस्याद्रिवरं शुभम् । कैलासं सामरमुनिप्रजेशादिमयो हरिः

yayau svadhiṣṇyanilayaṁ śivasyādrivaraṁ śubham | kailāsaṁ sāmaramuniprajeśādimayo hariḥ

देवताओं, मुनियों, प्रजापतियों आदि सहित हरि शिव के अपने निवास, शुभ श्रेष्ठ पर्वत कैलास की ओर चल पड़े।

श्लोक 23 (shiva.rudra.60.23)

अतिप्रियं प्रभोर्नित्यं सुजुष्टं किन्नरादिभिः । नरेतरैरप्सरोभिर्योगसिद्धैर्महोन्नतम्

atipriyaṁ prabhornityaṁ sujuṣṭaṁ kinnarādibhiḥ | naretarairapsarobhiryogasiddhairmahonnatam

वह पर्वत प्रभु को सदा अत्यंत प्रिय है, किन्नरों आदि द्वारा भलीभाँति सेवित है, मनुष्येतर अप्सराओं और योगसिद्धों से युक्त, अत्यंत ऊँचा है।

श्लोक 24 (shiva.rudra.60.24)

नानामणिमयैः शृङ्गैः शोभमानं समन्ततः । नानाधातुविचित्रं वै नानाद्रुमलताकुलम्

nānāmaṇimayaiḥ śṛṅgaiḥ śobhamānaṁ samantataḥ | nānādhātuvicitraṁ vai nānādrumalatākulam

वह विविध मणियों से बने शिखरों से चारों ओर सुशोभित, विविध धातुओं से विचित्र, विविध वृक्षों-लताओं से आकीर्ण है।

श्लोक 25 (shiva.rudra.60.25)

नानामृगगणाकीर्णं नानापक्षिसमन्वितम् । नानाजलप्रस्रवणैरमरैः सिद्धयोषिताम्

nānāmṛgagaṇākīrṇaṁ nānāpakṣisamanvitam | nānājalaprasravaṇairamaraiḥ siddhayoṣitām

वह विविध मृगों के समूहों से भरा, विविध पक्षियों से युक्त, विविध जल-स्रोतों से युक्त, तथा देवताओं और सिद्धों की स्त्रियों से सेवित है।

श्लोक 26 (shiva.rudra.60.26)

रमणैर्विहरन्तीनां नानाकन्दरसानुभिः । द्रुमजातिभिरन्याभी राजितं राजतप्रभम्

ramaṇairviharantīnāṁ nānākandarasānubhiḥ | drumajātibhiranyābhī rājitaṁ rājataprabham

जो अपने प्रियतमों के साथ विविध गुफाओं और शिखरों में विहार करती हैं, अन्य नाना वृक्ष-जातियों से सुशोभित, चाँदी जैसी आभा वाला वह पर्वत है।

श्लोक 27 (shiva.rudra.60.27)

व्याघ्रादिभिर्महासत्त्वैर्निर्घुष्टं क्रूरतोज्झितम् । सर्वशोभान्वितं दिव्यं महाविस्मयकारकम्

vyāghrādibhirmahāsattvairnirghuṣṭaṁ krūratojjhitam | sarvaśobhānvitaṁ divyaṁ mahāvismayakārakam

वह व्याघ्र आदि महाशक्तिशाली प्राणियों की गर्जना से गूँजता है, फिर भी क्रूरता से रहित है; सर्वप्रकार की शोभा से युक्त, दिव्य, महाविस्मयकारी है।

श्लोक 28 (shiva.rudra.60.28)

पर्यस्तं गङ्गया सत्या स्थानपुण्यतरोदया । सर्वपावनसङ्कर्त्र्या विष्णुपद्या सुनिर्मलम्

paryastaṁ gaṅgayā satyā sthānapuṇyatarodayā | sarvapāvanasaṅkartryā viṣṇupadyā sunirmalam

सत्य गंगा से घिरा हुआ, जिसका उद्गम इस स्थान को और भी अधिक पवित्र बना देता है — वह सर्वपावनी, विष्णुपदी गंगा से अत्यंत निर्मल है।

श्लोक 29 (shiva.rudra.60.29)

एवंविधं गिरिं दृष्ट्वा कैलासाख्यं शिवप्रियम् । ययुस्ते विस्मयं देवा विष्ण्वाद्याः समुनीश्वराः

evaṁvidhaṁ giriṁ dṛṣṭvā kailāsākhyaṁ śivapriyam | yayuste vismayaṁ devā viṣṇvādyāḥ samunīśvarāḥ

ऐसे उस कैलास नामक, शिवप्रिय पर्वत को देखकर विष्णु आदि देवगण और मुनीश्वर सब विस्मित हो गए।

श्लोक 30 (shiva.rudra.60.30)

तत्समीपेऽलकां रम्यां ददृशुर्नाम ते पुरीम् । कुबेरस्य महादिव्यां रुद्रमित्रस्य निर्जराः

tatsamīpe'lakāṁ ramyāṁ dadṛśurnāma te purīm | kuberasya mahādivyāṁ rudramitrasya nirjarāḥ

उसके समीप उन्होंने रुद्र के मित्र कुबेर की महादिव्य, अलका नामक रमणीय पुरी देखी।

श्लोक 31 (shiva.rudra.60.31)

वनं सौगन्धिकं चापि ददृशुस्तत्समीपतः । सर्वद्रुमान्वितं दिव्यं यत्र तन्नादमद्भुतम्

vanaṁ saugandhikaṁ cāpi dadṛśustatsamīpataḥ | sarvadrumānvitaṁ divyaṁ yatra tannādamadbhutam

उसके समीप ही उन्होंने सौगन्धिक वन भी देखा, जो सभी प्रकार के वृक्षों से युक्त और दिव्य था, जहाँ अद्भुत ध्वनि गूँज रही थी।

श्लोक 32 (shiva.rudra.60.32)

तद्बाह्यतस्तस्य दिव्ये सरितावतिपावने । नन्दा चालकनन्दा च दर्शनात्पापहारिके

tadbāhyatastasya divye saritāvatipāvane | nandā cālakanandā ca darśanātpāpahārike

उसके बाहर दो दिव्य, अत्यंत पवित्र, दर्शनमात्र से पाप हरने वाली नदियाँ — नन्दा और अलकनन्दा — बह रही थीं।

श्लोक 33 (shiva.rudra.60.33)

पपुः सुरस्त्रियो नित्यमवगूह्य स्वलोकतः । विगाह्य पुम्भिस्तास्तत्र क्रीडन्ति रतिकर्शिताः

papuḥ surastriyo nityamavagūhya svalokataḥ | vigāhya pumbhistāstatra krīḍanti ratikarśitāḥ

देवांगनाएँ अपने-अपने लोकों से सदा आकर, अपने प्रियतमों को आलिंगन कर वहाँ जल पान करती थीं, और पुरुषों के साथ उसमें डुबकी लगाकर रति से थकी हुई क्रीड़ा करती थीं।

श्लोक 34 (shiva.rudra.60.34)

हित्वा यक्षेश्वरपुरीं वनं सौगन्धिकं च यत् । गच्छन्तस्ते सुरा आराद्ददृशुः शाङ्करं वटम्

hitvā yakṣeśvarapurīṁ vanaṁ saugandhikaṁ ca yat | gacchantaste surā ārāddadṛśuḥ śāṅkaraṁ vaṭam

यक्षेश्वर कुबेर की उस पुरी और उस सौगन्धिक वन को पीछे छोड़कर आगे बढ़ते हुए उन देवताओं ने दूर से शंकर का वटवृक्ष देखा।

श्लोक 35 (shiva.rudra.60.35)

पर्यक्कृताचलच्छायं पादोनविटपायतम् । शतयोजनकोत्सेधं निर्नीडं तापवर्जितम्

paryakkṛtācalacchāyaṁ pādonaviṭapāyatam | śatayojanakotsedhaṁ nirnīḍaṁ tāpavarjitam

उसकी छाया पर्वत पर मानो शय्या-सी बिछी थी, उसकी शाखाएँ लगभग जड़ तक फैली हुई थीं; वह सौ योजन ऊँचा, बिना किसी घोंसले वाला, और सर्वथा ताप से रहित था।

श्लोक 36 (shiva.rudra.60.36)

महापुण्यवतां दृश्यं सुरम्यं चातिपावनम् । शम्भुयोगस्थलं दिव्यं योगिसेव्यं महोत्तमम्

mahāpuṇyavatāṁ dṛśyaṁ suramyaṁ cātipāvanam | śambhuyogasthalaṁ divyaṁ yogisevyaṁ mahottamam

वह महापुण्यवानों के लिए ही दृश्य, सुरम्य और अत्यंत पवित्र था — शम्भु का दिव्य योग-स्थल, योगियों द्वारा सेवित, अत्यंत उत्तम।

श्लोक 37 (shiva.rudra.60.37)

मुमुक्षुशरणे तस्मिन् महायोगमये वटे । आसीनं ददृशुः सर्वे शिवं विष्ण्वादयः सुराः

mumukṣuśaraṇe tasmin mahāyogamaye vaṭe | āsīnaṁ dadṛśuḥ sarve śivaṁ viṣṇvādayaḥ surāḥ

मुमुक्षुओं के आश्रयस्वरूप, महायोगमय उस वटवृक्ष के नीचे विष्णु आदि सभी देवताओं ने शिव को विराजमान देखा।

श्लोक 38 (shiva.rudra.60.38)

विधिपुत्रैर्महासिद्धैः शिवभक्तिरतैः सदा । उपास्यमानं समुदा शान्तैः संशान्तविग्रहैः

vidhiputrairmahāsiddhaiḥ śivabhaktirataiḥ sadā | upāsyamānaṁ samudā śāntaiḥ saṁśāntavigrahaiḥ

वे सदा शिवभक्ति में तत्पर, शांत और संयत विग्रह वाले ब्रह्मपुत्र महासिद्धों द्वारा हर्षपूर्वक उपासित थे।

श्लोक 39 (shiva.rudra.60.39)

तथा सख्या कुबेरेण भर्त्रा गुह्यकरक्षसाम् । सेव्यमानं विशेषेण स्वगणैर्ज्ञातिभिः सदा

tathā sakhyā kubereṇa bhartrā guhyakarakṣasām | sevyamānaṁ viśeṣeṇa svagaṇairjñātibhiḥ sadā

तथा विशेष रूप से गुह्यकों और राक्षसों के स्वामी अपने मित्र कुबेर द्वारा, और सदा अपने ही गणों और ज्ञातिजनों द्वारा सेवित थे।

श्लोक 40 (shiva.rudra.60.40)

तापसाभीष्टसद्रूपं बिभ्रतं परमेश्वरम् । वात्सल्याद्विश्वसुहृदं भस्मादिसुविराजितम्

tāpasābhīṣṭasadrūpaṁ bibhrataṁ parameśvaram | vātsalyādviśvasuhṛdaṁ bhasmādisuvirājitam

वे तपस्वियों को अभीष्ट सुन्दर रूप धारण करने वाले, वात्सल्यवश समस्त विश्व के सुहृद, भस्म आदि से सुशोभित परमेश्वर थे।

श्लोक 41 (shiva.rudra.60.41)

मुने तुभ्यं प्रवोचन्तं पृच्छते ज्ञानमुत्तमम् । कुशासने सूपविष्टं सर्वेषां शृण्वतां सताम्

mune tubhyaṁ pravocantaṁ pṛcchate jñānamuttamam | kuśāsane sūpaviṣṭaṁ sarveṣāṁ śṛṇvatāṁ satām

हे मुने! वे कुशासन पर भलीभाँति बैठे हुए, पूछने वाले किसी को उत्तम ज्ञान का उपदेश दे रहे थे, जबकि सभी सज्जन उपस्थित होकर सुन रहे थे।

श्लोक 42 (shiva.rudra.60.42)

कृत्वोरौ दक्षिणे सव्यं चरणं चैव जानुनि । बाहुप्रकोष्ठाक्षमालं स्थितं सत्तर्कमुद्रया

kṛtvorau dakṣiṇe savyaṁ caraṇaṁ caiva jānuni | bāhuprakoṣṭhākṣamālaṁ sthitaṁ sattarkamudrayā

वे अपने दाहिने जंघे पर बायाँ चरण रखकर, और घुटने पर बाँह रखकर, बाँह पर अक्षमाला धारण किए, सत्-तर्क की मुद्रा में विराजमान थे।

श्लोक 43 (shiva.rudra.60.43)

एवंविधं शिवं दृष्ट्वा तदा विष्ण्वादयः सुराः । प्रणेमुस्त्वरितं सर्वे करौ बध्वा विनम्रकाः

evaṁvidhaṁ śivaṁ dṛṣṭvā tadā viṣṇvādayaḥ surāḥ | praṇemustvaritaṁ sarve karau badhvā vinamrakāḥ

ऐसे शिव को देखकर विष्णु आदि देवगण सबने तुरंत हाथ जोड़कर विनम्रतापूर्वक प्रणाम किया।

श्लोक 44 (shiva.rudra.60.44)

उपलभ्यागतं रुद्रो मया विष्णुं सतां गतिः । उत्थाय चक्रे शिरसाभिवन्दनमपि प्रभुः

upalabhyāgataṁ rudro mayā viṣṇuṁ satāṁ gatiḥ | utthāya cakre śirasābhivandanamapi prabhuḥ

मुझ ब्रह्मा के साथ आए हुए सज्जनों के आश्रय विष्णु को पहचानकर रुद्र प्रभु स्वयं उठकर सिर झुकाकर उनका अभिवादन करने लगे।

श्लोक 45 (shiva.rudra.60.45)

वन्दिताङ्घ्रिस्तदा सर्वैर्दिव्यैर्विष्ण्वादिभिः शिवः । ननामाथ यथा विष्णुः कश्यपं लोकसद्गतिः

vanditāṅghristadā sarvairdivyairviṣṇvādibhiḥ śivaḥ | nanāmātha yathā viṣṇuḥ kaśyapaṁ lokasadgatiḥ

तब विष्णु आदि सभी दिव्य देवताओं द्वारा जिनके चरण वंदित हुए थे, वे शिव भी उसी प्रकार नत हुए जैसे विष्णु ने कभी लोकों के सद्गति-स्वरूप कश्यप को नमन किया था।

श्लोक 46 (shiva.rudra.60.46)

सुरसिद्धगणाधीशमहर्षिसुनमस्कृतम् । समुवाच सुरैर्विष्णुं कृतसन्नतिमादरात्

surasiddhagaṇādhīśamaharṣisunamaskṛtam | samuvāca surairviṣṇuṁ kṛtasannatimādarāt

सुर-सिद्धगणों के अधीश्वरों और महर्षियों द्वारा सुनमस्कृत उन शिव ने, देवताओं सहित सादर प्रणाम करने वाले विष्णु से आदरपूर्वक बातचीत आरम्भ की।