देवताओं को सांत्वना

श्लोक 1 (shiva.rudra.67.1)

ब्रह्मोवाच । इत्थं देवैः स्तुता देवी दुर्गा दुर्गार्तिनाशिनी । आविर्बभूव देवानां पुरतो जगदम्बिका

brahmovāca itthaṁ devaiḥ stutā devī durgā durgārtināśinī āvirbabhūva devānāṁ purato jagadambikā

ब्रह्मा जी ने कहा — इस प्रकार देवताओं द्वारा स्तुत होकर, दुर्गा देवी, जो दुर्गति और पीड़ा का नाश करने वाली जगदम्बिका हैं, देवताओं के सामने प्रकट हुईं।

श्लोक 2 (shiva.rudra.67.2)

रथे रत्नमये दिव्ये संस्थिता परमाद्भुते । किङ्किणीजालसंयुक्ते मृदुसंस्तरणे वरे

rathe ratnamaye divye saṁsthitā paramādbhute kiṅkiṇījālasaṁyukte mṛdusaṁstaraṇe vare

वे रत्नों से बने दिव्य, अत्यंत अद्भुत, छोटी-छोटी घंटियों के जाल से युक्त, मृदु बिछावन वाले उत्तम रथ पर विराजमान थीं।

श्लोक 3 (shiva.rudra.67.3)

कोटिसूर्याधिकाभासरम्यावयवभासिनी । स्वतेजोराशिमध्यस्था वररूपासमच्छविः

koṭisūryādhikābhāsaramyāvayavabhāsinī svatejorāśimadhyasthā vararūpāsamacchaviḥ

करोड़ों सूर्यों से अधिक कांतिमय, सुंदर अंगों से प्रकाशित, अपने ही तेज-पुंज के मध्य स्थित, अनुपम रूप और अतुलनीय आभा वाली थीं।

श्लोक 4 (shiva.rudra.67.4)

अनूपमा महामाया सदाशिवविलासिनी । त्रिगुणा निर्गुणा नित्या शिवलोकनिवासिनी

anūpamā mahāmāyā sadāśivavilāsinī triguṇā nirguṇā nityā śivalokanivāsinī

वे अनुपम महामाया, सदाशिव को आनंदित करने वाली, त्रिगुणमयी होते हुए भी निर्गुण, नित्य, शिवलोक में निवास करने वाली थीं।

श्लोक 5 (shiva.rudra.67.5)

त्रिदेवजननी चण्डी शिवा सर्वार्तिनाशिनी । सर्वमाता महानिद्रा सर्वस्वजनतारिणी

tridevajananī caṇḍī śivā sarvārtināśinī sarvamātā mahānidrā sarvasvajanatāriṇī

वे त्रिदेवों की जननी, चण्डी, कल्याणस्वरूपा, सब पीड़ाओं का नाश करने वाली; सबकी माता, महानिद्रा, अपने भक्तजनों का उद्धार करने वाली थीं।

श्लोक 6 (shiva.rudra.67.6)

तेजोराशेः प्रभावात्तु सा तु दृष्टा सुरैश्शिवा । तुष्टुवुस्तां पुनस्ते वै सुरा दर्शनकाङ्क्षिणः

tejorāśeḥ prabhāvāttu sā tu dṛṣṭā suraiśśivā tuṣṭuvustāṁ punaste vai surā darśanakāṅkṣiṇaḥ

उस तेज-पुंज के प्रभाव से ही देवताओं ने उन कल्याणकारी को देखा; दर्शन के इच्छुक वे देवता पुनः उनकी स्तुति करने लगे।

श्लोक 7 (shiva.rudra.67.7)

अथ देवगणाः सर्वे विष्ण्वाद्या दर्शनेप्सवः । ददृशुर्जगदम्बां तां तत्कृपां प्राप्य तत्र हि

atha devagaṇāḥ sarve viṣṇvādyā darśanepsavaḥ dadṛśurjagadambāṁ tāṁ tatkṛpāṁ prāpya tatra hi

तब विष्णु आदि दर्शनेच्छुक समस्त देवगणों ने वहाँ उस कृपा को प्राप्त करके जगदम्बा के दर्शन किए।

श्लोक 8 (shiva.rudra.67.8)

बभूवानन्दसन्दोहः सर्वेषां त्रिदिवौकसाम् । पुनः पुनः प्रणेमुस्तां तुष्टुवुश्च विशेषतः

babhūvānandasandohaḥ sarveṣāṁ tridivaukasām punaḥ punaḥ praṇemustāṁ tuṣṭuvuśca viśeṣataḥ

स्वर्गवासी सभी देवताओं में आनंद की धारा बह उठी; उन्होंने बार-बार उन्हें प्रणाम किया और विशेष रूप से उनकी स्तुति की।

श्लोक 9 (shiva.rudra.67.9)

देवा ऊचुः । शिवे शर्वाणि कल्याणि जगदम्ब महेश्वरि । त्वां नताः सर्वथा देवा वयं सर्वार्तिनाशिनीम्

devā ūcuḥ śive śarvāṇi kalyāṇi jagadamba maheśvari tvāṁ natāḥ sarvathā devā vayaṁ sarvārtināśinīm

देवताओं ने कहा — हे शिवे! हे शर्वाणि! हे कल्याणि! हे जगदम्बा! हे महेश्वरि! सब पीड़ाओं का नाश करने वाली आपको हम देवता सर्वथा नमन करते हैं।

श्लोक 10 (shiva.rudra.67.10)

न हि जानन्ति देवेशि वेदाः शास्त्राणि कृत्स्नशः । अतीतो महिमा ध्यानं तव वाङ्मनसोः शिवे

na hi jānanti deveśi vedāḥ śāstrāṇi kṛtsnaśaḥ atīto mahimā dhyānaṁ tava vāṅmanasoḥ śive

हे देवेशि! वेद और सभी शास्त्र भी आपको पूर्णतः नहीं जानते; हे शिवे! आपकी महिमा वाणी और मन से, यहाँ तक कि ध्यान से भी परे है।

श्लोक 11 (shiva.rudra.67.11)

अतद्व्यावृत्तितस्त्वां वै चकितं चकितं सदा । अभिधत्ते श्रुतिरपि परेषां का कथा मता

atadvyāvṛttitastvāṁ vai cakitaṁ cakitaṁ sadā abhidhatte śrutirapi pareṣāṁ kā kathā matā

"यह नहीं, यह नहीं" कहकर आपको छोड़कर ही श्रुति भी सदा चकित होकर संकोचपूर्वक कुछ कहती है — फिर अन्यों की क्या बात!

श्लोक 12 (shiva.rudra.67.12)

जानन्ति बहवो भक्तास्त्वत्कृपां प्राप्य भक्तितः । शरणागतभक्तानां न कुत्रापि भयादिकम्

jānanti bahavo bhaktāstvatkṛpāṁ prāpya bhaktitaḥ śaraṇāgatabhaktānāṁ na kutrāpi bhayādikam

अनेक भक्त भक्तिपूर्वक आपकी कृपा प्राप्त करके आपको जानते हैं; शरणागत भक्तों को कहीं भी किसी प्रकार का भय नहीं होता।

श्लोक 13 (shiva.rudra.67.13)

विज्ञप्तिं शृणु सुप्रीता यस्या दासाः सदाम्बिके । तव देवि महादेवि हीनतो वर्णयामहे

vijñaptiṁ śṛṇu suprītā yasyā dāsāḥ sadāmbike tava devi mahādevi hīnato varṇayāmahe

हे सदा प्रसन्न रहने वाली अम्बिके! हम आपकी विनती सुनिए, जिनके हम सदा दास हैं; हे देवी! हे महादेवी! हम अपनी सामर्थ्य से कम ही आपका वर्णन कर पा रहे हैं।

श्लोक 14 (shiva.rudra.67.14)

पुरा दक्षसुता भूत्वा सञ्जाता हरवल्लभा । ब्रह्मणश्च परेषां वानाशयत्त्वमकं महत्

purā dakṣasutā bhūtvā sañjātā haravallabhā brahmaṇaśca pareṣāṁ vānāśayattvamakaṁ mahat

पूर्वकाल में दक्ष की पुत्री होकर आप हर की प्रिया बनी थीं; आपने ब्रह्मा और अन्यों का महान् दुःख दूर किया था।

श्लोक 15 (shiva.rudra.67.15)

पितृतोऽनादरं प्राप्यात्यजः पणवशात्तनुम् । स्वलोकमगमस्त्वं वालभद्दुखं हरोऽपि हि

pitṛto'nādaraṁ prāpyātyajaḥ paṇavaśāttanum svalokamagamastvaṁ vālabhaddukhaṁ haro'pi hi

पिता से अनादर पाकर, अपने प्रण के कारण आपने देह त्याग दी और अपने लोक को गईं; और हर भी बालक के समान दुःखी हो गए थे।

श्लोक 16 (shiva.rudra.67.16)

न हि जातं प्रपूर्णं तद्देवकार्यं महेश्वरि । व्याकुला मुनयो देवाः शरणं त्वां गता वयम्

na hi jātaṁ prapūrṇaṁ taddevakāryaṁ maheśvari vyākulā munayo devāḥ śaraṇaṁ tvāṁ gatā vayam

हे महेश्वरि! देवताओं का वह कार्य अभी पूर्ण नहीं हुआ है; मुनि और देवता व्याकुल हैं, हम सब आपकी शरण में आए हैं।

श्लोक 17 (shiva.rudra.67.17)

पूर्णं कुरु महेशानि निर्जराणां मनोरथम् । सनत्कुमारवचनं सफलं स्याद्यथा शिवे

pūrṇaṁ kuru maheśāni nirjarāṇāṁ manoratham sanatkumāravacanaṁ saphalaṁ syādyathā śive

हे महेशानि! अमरों की मनोकामना पूर्ण कीजिए, जिससे, हे शिवे! सनत्कुमार का वचन सत्य सिद्ध हो।

श्लोक 18 (shiva.rudra.67.18)

अवतीर्य क्षितौ देवि रुद्रपत्नी पुनर्भव । लीलां कुरु यथायोग्यं प्राप्नुयुर्निर्जराः सुखम्

avatīrya kṣitau devi rudrapatnī punarbhava līlāṁ kuru yathāyogyaṁ prāpnuyurnirjarāḥ sukham

हे देवी! पृथ्वी पर अवतार लेकर पुनः रुद्र की पत्नी बनिए; जैसा उचित हो वैसी लीला कीजिए, जिससे अमर सुख प्राप्त करें।

श्लोक 19 (shiva.rudra.67.19)

सुखी स्याद्देवि रुद्रोऽपि कैलासाचलसंस्थितः । सर्वे भवन्तु सुखिनो दुःखं नश्यतु कृत्स्नशः

sukhī syāddevi rudro'pi kailāsācalasaṁsthitaḥ sarve bhavantu sukhino duḥkhaṁ naśyatu kṛtsnaśaḥ

हे देवी! कैलास पर्वत पर स्थित रुद्र भी सुखी हों; सभी सुखी हों, दुःख पूरी तरह नष्ट हो।

श्लोक 20 (shiva.rudra.67.20)

ब्रह्मोवाच । इति प्रोच्यामराः सर्वे विष्ण्वाद्याः प्रेमसङ्कुलाः । मौनमास्थाय सन्तस्थुर्भक्तिनम्रात्ममूर्तयः

brahmovāca iti procyāmarāḥ sarve viṣṇvādyāḥ premasaṅkulāḥ maunamāsthāya santasthurbhaktinamrātmamūrtayaḥ

ब्रह्मा जी ने कहा — इस प्रकार कहकर विष्णु आदि सभी अमर, प्रेम से भरकर, मौन धारण किए, भक्तिपूर्वक नतमस्तक होकर खड़े रहे।

श्लोक 21 (shiva.rudra.67.21)

शिवापि सुप्रसन्नाभूदाकर्ण्यामरसंस्तुतिम् । आकलय्याथ तद्धेतुं संस्मृत्य स्वप्रभुं शिवम्

śivāpi suprasannābhūdākarṇyāmarasaṁstutim ākalayyātha taddhetuṁ saṁsmṛtya svaprabhuṁ śivam

देवताओं की उस स्तुति को सुनकर शिवा भी अत्यंत प्रसन्न हो गईं; उसके प्रयोजन को समझकर और अपने स्वामी शिव का स्मरण करके —

श्लोक 22 (shiva.rudra.67.22)

उवाचोमा तदा देवी सम्बोध्य विबुधांश्च तान् । विहस्य मापतिमुखान् सदया भक्तवत्सला

uvācomā tadā devī sambodhya vibudhāṁśca tān vihasya māpatimukhān sadayā bhaktavatsalā

तब देवी उमा उन विद्वानों को संबोधित करते हुए, मुस्कुराते हुए, दयालु और भक्तवत्सल होकर बोलीं।

श्लोक 23 (shiva.rudra.67.23)

उमोवाच हे हरे हे विधे देवा मुनयश्च गतव्यथाः । सर्वे शृणुत मद्वाक्यं प्रसन्नाहं न संशयः

umovāca he hare he vidhe devā munayaśca gatavyathāḥ sarve śṛṇuta madvākyaṁ prasannāhaṁ na saṁśayaḥ

उमा ने कहा — हे हरि! हे विधे! हे देवगण! हे मुनिगण! अपनी व्यथा त्याग दीजिए; सब मेरा वचन सुनिए — मैं प्रसन्न हूँ, इसमें संदेह नहीं।

श्लोक 24 (shiva.rudra.67.24)

चरितं मम सर्वत्र त्रैलोक्यस्य सुखावहम् । कृतं मयैवं सकलं दक्षमोहादिकं च तत्

caritaṁ mama sarvatra trailokyasya sukhāvaham kṛtaṁ mayaivaṁ sakalaṁ dakṣamohādikaṁ ca tat

मेरा चरित्र सर्वत्र तीनों लोकों के लिए सुखदायक है; दक्ष की मोह-लीला आदि यह सब मैंने ही किया है।

श्लोक 25 (shiva.rudra.67.25)

अवतारं करिष्यामि क्षितौ पूर्णं न संशयः । बहवो हेतवोऽप्यत्र तद्वदामि महादरात्

avatāraṁ kariṣyāmi kṣitau pūrṇaṁ na saṁśayaḥ bahavo hetavo'pyatra tadvadāmi mahādarāt

मैं पृथ्वी पर पूर्ण अवतार लूँगी, इसमें संदेह नहीं; इसके अनेक कारण भी हैं, जिन्हें मैं बड़े आदरपूर्वक कहती हूँ।

श्लोक 26 (shiva.rudra.67.26)

पुरा हिमाचलो देवा मेना चातिसुभक्तितः । सेवां मे चक्रतुस्तातजननीवत्सतीतनोः

purā himācalo devā menā cātisubhaktitaḥ sevāṁ me cakratustātajananīvatsatītanoḥ

हे देवगण! पूर्वकाल में हिमाचल और मेना ने अत्यंत भक्तिपूर्वक मेरी सेवा की थी, मानो वे सती के शरीर के माता-पिता ही हों।

श्लोक 27 (shiva.rudra.67.27)

इदानीं कुरुतः सेवां सुभक्त्या मम नित्यशः । मेना विशेषतस्तत्र सुतात्वे नात्र संशयः

idānīṁ kurutaḥ sevāṁ subhaktyā mama nityaśaḥ menā viśeṣatastatra sutātve nātra saṁśayaḥ

अब भी वे नित्य गहरी भक्ति से मेरी सेवा करते हैं; मेना को विशेष रूप से मुझे पुत्री रूप में पाने की कामना है, इसमें संदेह नहीं।

श्लोक 28 (shiva.rudra.67.28)

रुद्रो गच्छतु यूयं चावतारं हिमवद्गृहे । अतश्चावतरिष्यामि दुःखनाशो भविष्यति

rudro gacchatu yūyaṁ cāvatāraṁ himavadgṛhe ataścāvatariṣyāmi duḥkhanāśo bhaviṣyati

रुद्र भी अवतार लें और तुम सब भी हिमवान् के घर जाओ; इसीलिए मैं अवतार लूँगी और दुःख का नाश होगा।

श्लोक 29 (shiva.rudra.67.29)

सर्वे गच्छत धाम स्वं स्वं सुखं लभतां चिरम् । अवतीर्य सुता भूत्वा मेनाया दास्य उत्सुखम्

sarve gacchata dhāma svaṁ svaṁ sukhaṁ labhatāṁ ciram avatīrya sutā bhūtvā menāyā dāsya utsukham

सब अपने-अपने धाम को जाओ और चिरकाल तक सुख प्राप्त करो; अवतार लेकर पुत्री बनकर मैं मेना को अत्यंत हर्ष प्रदान करूँगी।

श्लोक 30 (shiva.rudra.67.30)

हरपत्नी भविष्यामि सुगुप्तं मतमात्मनः । अद्भुता शिवलीला हि ज्ञानिनामपि मोहिनी

harapatnī bhaviṣyāmi suguptaṁ matamātmanaḥ adbhutā śivalīlā hi jñānināmapi mohinī

मैं हर की पत्नी बनूँगी — यह मेरा अपना सुरक्षित संकल्प है; शिव की यह लीला अद्भुत है, जो ज्ञानियों को भी मोहित कर देती है।

श्लोक 31 (shiva.rudra.67.31)

यावत्प्रभृति मे त्यक्ता स्वतनुर्दक्षजा सुराः । पितृतोऽनादरं दृष्ट्वा स्वामिनस्तत्क्रतौ गता

yāvatprabhṛti me tyaktā svatanurdakṣajā surāḥ pitṛto'nādaraṁ dṛṣṭvā svāminastatkratau gatā

हे देवगण! जब से मैंने दक्ष-पुत्री रूप में अपना शरीर त्यागा — पिता से अनादर देखकर अपने स्वामी के उसी यज्ञ में जाकर —

श्लोक 32 (shiva.rudra.67.32)

तदाप्रभृति स स्वामी रुद्रः कालाग्निसंज्ञकः । दिगम्बरो बभूवाशु मच्चिन्तनपरायणः

tadāprabhṛti sa svāmī rudraḥ kālāgnisaṁjñakaḥ digambaro babhūvāśu maccintanaparāyaṇaḥ

तभी से वे स्वामी रुद्र, जो कालाग्नि कहलाते हैं, शीघ्र ही दिगम्बर हो गए और सदा मेरे ही चिंतन में तत्पर रहे।

श्लोक 33 (shiva.rudra.67.33)

मम रोषं क्रतौ दृष्ट्वा पितुस्तत्र गता सती । अत्यजत्स्वतनुं प्रीत्या धर्मज्ञेति विचारतः

mama roṣaṁ kratau dṛṣṭvā pitustatra gatā satī atyajatsvatanuṁ prītyā dharmajñeti vicārataḥ

यज्ञ में पिता के प्रति मेरे रोष को देखकर सती ने वहाँ जाकर, "मैं धर्म को जानती हूँ" ऐसा विचार करके प्रेमपूर्वक अपनी देह त्याग दी।

श्लोक 34 (shiva.rudra.67.34)

योग्यभूत्सदनं त्यक्त्वा कृत्वा वेषमलौकिकम् । न सेहे विरहं सत्या मद्रूपाया महेश्वरः

yogyabhūtsadanaṁ tyaktvā kṛtvā veṣamalaukikam na sehe virahaṁ satyā madrūpāyā maheśvaraḥ

अपने उपयुक्त निवास को त्यागकर और अलौकिक वेष धारण करके, महेश्वर सती-रूपी मेरे विरह को सहन नहीं कर सके।

श्लोक 35 (shiva.rudra.67.35)

मम हेतोर्महादुःखी स बभूव कुवेषभृत् । अत्यजत्स तदारभ्य कामजं सुखमुत्तमम्

mama hetormahāduḥkhī sa babhūva kuveṣabhṛt atyajatsa tadārabhya kāmajaṁ sukhamuttamam

मेरे कारण वे अत्यंत दुःखी होकर दीन वेष धारण करने लगे; तभी से उन्होंने काम से उत्पन्न होने वाले उत्तम सुख का त्याग कर दिया।

श्लोक 36 (shiva.rudra.67.36)

अन्यच्छृणुत हे विष्णो हे विधे मुनयः सुराः । महाप्रभोर्महेशस्य लीलां भुवनपालिनीम्

anyacchṛṇuta he viṣṇo he vidhe munayaḥ surāḥ mahāprabhormaheśasya līlāṁ bhuvanapālinīm

हे विष्णो! हे विधे! हे मुनियो! हे देवताओ! महाप्रभु महेश की एक और बात सुनो, जो संसार का पालन करने वाली उनकी लीला है।

श्लोक 37 (shiva.rudra.67.37)

विधाय मालां सुप्रीत्या ममास्थ्नां विरहाकुलः । न शान्तिं प्राप कुत्रापि प्रबुद्धोऽप्येक एव सः

vidhāya mālāṁ suprītyā mamāsthnāṁ virahākulaḥ na śāntiṁ prāpa kutrāpi prabuddho'pyeka eva saḥ

प्रेमपूर्वक मेरी अस्थियों की माला बनाकर, विरह से व्याकुल होकर, वे कहीं भी शांति न पा सके — अकेले ही, चेतनावान होते हुए भी।

श्लोक 38 (shiva.rudra.67.38)

इतस्ततो रुरोदोच्चैरनीश इव स प्रभुः । योग्यायोग्यं न बुबुधे भ्रमन्सर्वत्र सर्वदा

itastato rurodoccairanīśa iva sa prabhuḥ yogyāyogyaṁ na bubudhe bhramansarvatra sarvadā

वे प्रभु मानो स्वामीरहित हों, ऐसे इधर-उधर ऊँचे स्वर में विलाप करते रहे; सर्वत्र सदा भटकते हुए वे उचित-अनुचित का भेद भी न कर सके।

श्लोक 39 (shiva.rudra.67.39)

इत्थं लीलां हरोऽकार्षीद्दर्शयन्कामिनां प्रभुः । ऊचे कामुकवद्वाणीं विरहव्याकुलामिव

itthaṁ līlāṁ haro'kārṣīddarśayankāmināṁ prabhuḥ ūce kāmukavadvāṇīṁ virahavyākulāmiva

इस प्रकार हर ने यह लीला की, कामीजनों की रीति दिखाते हुए प्रभु ने विरह से व्याकुल कामी के समान वाणी बोली।

श्लोक 40 (shiva.rudra.67.40)

वस्तुतोऽविकृतोऽदीनोऽस्त्यजितः परमेश्वरः । परिपूर्णः शिवः स्वामी मायाधीशोऽखिलेश्वरः

vastuto'vikṛto'dīno'styajitaḥ parameśvaraḥ paripūrṇaḥ śivaḥ svāmī māyādhīśo'khileśvaraḥ

वस्तुतः वे परमेश्वर अविकारी, कभी दीन न होने वाले, अजेय हैं; वे शिव स्वामी सदा परिपूर्ण, माया के अधीश्वर, सबके स्वामी हैं।

श्लोक 41 (shiva.rudra.67.41)

अन्यथा मोहतस्तस्य किं कामाच्च प्रयोजनम् । विकारेणापि केनाशु मायालिप्तो न स प्रभुः

anyathā mohatastasya kiṁ kāmācca prayojanam vikāreṇāpi kenāśu māyālipto na sa prabhuḥ

अन्यथा उनके लिए मोह या काम से क्या प्रयोजन? किसी भी विकार से वे प्रभु शीघ्र ही माया से लिप्त नहीं होते।

श्लोक 42 (shiva.rudra.67.42)

रुद्रोऽतीवेच्छति विभुः स मे कर्तुं करग्रहम् । अवतारं क्षितौ मेनाहिमाचलगृहे सुराः

rudro'tīvecchati vibhuḥ sa me kartuṁ karagraham avatāraṁ kṣitau menāhimācalagṛhe surāḥ

हे देवगण! व्यापक रुद्र मुझसे विवाह करने की अत्यंत इच्छा रखते हैं; इसीलिए मैं मेना और हिमाचल के घर पृथ्वी पर अवतार लूँगी।

श्लोक 43 (shiva.rudra.67.43)

अतश्चावतरिष्यामि रुद्रसन्तोषहेतवे । हिमागपत्न्यां मेनायां लौकिकीं गतिमाश्रिता

ataścāvatariṣyāmi rudrasantoṣahetave himāgapatnyāṁ menāyāṁ laukikīṁ gatimāśritā

इसलिए रुद्र के संतोष के लिए मैं हिमाचल की पत्नी मेना के गर्भ से लौकिक रूप धारण करके अवतरित होऊँगी।

श्लोक 44 (shiva.rudra.67.44)

भक्ता रुद्रप्रिया भूत्वा तपः कृत्वा सुदुस्सहम् । देवकार्यं करिष्यामि सत्यं सत्यं न संशयः

bhaktā rudrapriyā bhūtvā tapaḥ kṛtvā sudussaham devakāryaṁ kariṣyāmi satyaṁ satyaṁ na saṁśayaḥ

भक्त और रुद्र की प्रिया बनकर, अत्यंत दुस्सह तप करके, मैं देवकार्य को सिद्ध करूँगी — यह सत्य है, सत्य है, इसमें संदेह नहीं।

श्लोक 45 (shiva.rudra.67.45)

गच्छत स्वगृहं सर्वे भवं भजत नित्यशः । तत्कृपातोऽखिलं दुःखं विनश्यति न संशयः

gacchata svagṛhaṁ sarve bhavaṁ bhajata nityaśaḥ tatkṛpāto'khilaṁ duḥkhaṁ vinaśyati na saṁśayaḥ

अब सब अपने-अपने घर जाओ और सदा भव का भजन करो; उनकी कृपा से समस्त दुःख नष्ट हो जाता है, इसमें संदेह नहीं।

श्लोक 46 (shiva.rudra.67.46)

भविष्यति कृपालोस्तु कृपया मङ्गलं सदा । वन्द्या पूज्या त्रिलोकेऽहं तज्जायेति च हेतुतः

bhaviṣyati kṛpālostu kṛpayā maṅgalaṁ sadā vandyā pūjyā triloke'haṁ tajjāyeti ca hetutaḥ

उस कृपालु की कृपा से सदा मंगल होगा; तीनों लोकों में मैं उनकी पत्नी होने के ही कारण वंदनीय और पूज्य होऊँगी।

श्लोक 47 (shiva.rudra.67.47)

ब्रह्मोवाच । इत्युक्त्वा जगदम्बा सा देवानां पश्यतां तदा । अन्तर्दधे शिवा तात स्वं लोकं प्राप वै द्रुतम्

brahmovāca ityuktvā jagadambā sā devānāṁ paśyatāṁ tadā antardadhe śivā tāta svaṁ lokaṁ prāpa vai drutam

ब्रह्मा जी ने कहा — हे तात! यह कहकर वह जगदम्बा, शिवा, देवताओं के देखते-देखते ही अंतर्धान हो गईं और शीघ्र ही अपने लोक को प्राप्त हुईं।

श्लोक 48 (shiva.rudra.67.48)

विष्ण्वादयः सुराः सर्वे मुनयश्च मुदान्विताः । कृत्वा तद्दिशि सन्नामं स्वस्वधामानि संययुः

viṣṇvādayaḥ surāḥ sarve munayaśca mudānvitāḥ kṛtvā taddiśi sannāmaṁ svasvadhāmāni saṁyayuḥ

विष्णु आदि सभी देवता और मुनिगण अत्यंत प्रसन्न होकर, उस दिशा में प्रणाम करके अपने-अपने धाम को गए।

श्लोक 49 (shiva.rudra.67.49)

इत्थं दुर्गासुचरितं वर्णितं ते मुनीश्वर । सर्वदा सुखदं नॄणां भुक्तिमुक्तिप्रदायकम्

itthaṁ durgāsucaritaṁ varṇitaṁ te munīśvara sarvadā sukhadaṁ nṝṇāṁ bhuktimuktipradāyakam

हे मुनीश्वर! इस प्रकार आपसे दुर्गा का यह सुंदर चरित्र कहा गया, जो सदा मनुष्यों को सुख देने वाला और भोग-मोक्ष दोनों का दाता है।

श्लोक 50 (shiva.rudra.67.50)

य इदं शृणुयान्नित्यं श्रावयेद्वा समाहितः । पठेद्वा पाठयेद्वापि सर्वान्कामानवाप्नुयात्

ya idaṁ śṛṇuyānnityaṁ śrāvayedvā samāhitaḥ paṭhedvā pāṭhayedvāpi sarvānkāmānavāpnuyāt

जो कोई इसे सदा सुनता है, या एकाग्रचित्त होकर सुनाता है, अथवा पढ़ता है या पढ़ाता है, वह अपनी सभी कामनाएँ प्राप्त कर लेता है।