नारद और हिमालय का संवाद

श्लोक 1 (shiva.rudra.71.1)

ब्रह्मोवाच । एकदा त्वं शिवज्ञानी शिवलीलाविदां वरः । हिमाचलगृहं प्रीत्यागमस्त्वं शिवप्रेरितः

brahmovāca ekadā tvaṁ śivajñānī śivalīlāvidāṁ varaḥ himācalagṛhaṁ prītyāgamastvaṁ śivapreritaḥ

ब्रह्मा जी ने कहा — एक बार तुम, हे शिवज्ञानी! शिव की लीलाओं को जानने वालों में श्रेष्ठ, शिव से प्रेरित होकर प्रेमपूर्वक हिमाचल के घर आए।

श्लोक 2 (shiva.rudra.71.2)

दृष्ट्वा मुने गिरीशस्त्वां नत्वानर्च स नारद । आहूय च स्वतनयां त्वदङ्घ्र्योस्तामपातयत्

dṛṣṭvā mune girīśastvāṁ natvānarca sa nārada āhūya ca svatanayāṁ tvadaṅghryostāmapātayat

हे नारद! तुम्हें देखकर गिरीश ने प्रणाम करके सत्कार किया; और अपनी पुत्री को बुलाकर उसे तुम्हारे चरणों में गिरा दिया।

श्लोक 3 (shiva.rudra.71.3)

पुनर्नत्वा मुनीश त्वामुवाच हिमभूधरः । साञ्जलिः स्वविधिं मत्वा बहुसन्नतमस्तकः

punarnatvā munīśa tvāmuvāca himabhūdharaḥ sāñjaliḥ svavidhiṁ matvā bahusannatamastakaḥ

हे मुनीश्वर! पुनः प्रणाम करके, अपना उचित कर्तव्य मानते हुए, बार-बार सिर झुकाते हुए, हाथ जोड़े हुए हिमगिरि ने तुमसे कहा।

श्लोक 4 (shiva.rudra.71.4)

हिमालय उवाच । हे मुने नारद ज्ञानिन्ब्रह्मपुत्रवर प्रभो । सर्वज्ञस्त्वं सकरुणः परोपकरणे रतः

himālaya uvāca he mune nārada jñāninbrahmaputravara prabho sarvajñastvaṁ sakaruṇaḥ paropakaraṇe rataḥ

हिमालय ने कहा — हे मुने नारद! हे ज्ञानी! हे ब्रह्मपुत्रों में श्रेष्ठ प्रभो! आप सर्वज्ञ हैं, करुणामय हैं, सदा दूसरों की भलाई में रत रहते हैं।

श्लोक 5 (shiva.rudra.71.5)

मत्सुताजातकं ब्रूहि गुणदोषसमुद्भवम् । कस्य प्रिया भाग्यवती भविष्यति सुता मम

matsutājātakaṁ brūhi guṇadoṣasamudbhavam kasya priyā bhāgyavatī bhaviṣyati sutā mama

मेरी पुत्री का जन्मपत्र बताइए — उसके गुण-दोषों की उत्पत्ति; मेरी भाग्यवती पुत्री किसकी प्रिया बनेगी?

श्लोक 6 (shiva.rudra.71.6)

ब्रह्मोवाच । इत्युक्तो मुनिवर्य त्वं गिरीशेन हिमाद्रिणा । विलोक्य कालिकाहस्तं सर्वाङ्गं च विशेषतः

brahmovāca ityukto munivarya tvaṁ girīśena himādriṇā vilokya kālikāhastaṁ sarvāṅgaṁ ca viśeṣataḥ

ब्रह्मा जी ने कहा — हे मुनिवर! गिरीश हिमाद्रि के ऐसा कहने पर तुमने कालिका का हाथ और विशेष रूप से उसके सारे अंग देखे।

श्लोक 7 (shiva.rudra.71.7)

अवोचस्त्वं गिरिं तात कौतुकी वाग्विशारदः । ज्ञानी विदितवृत्तान्तो नारदः प्रीतमानसः

avocastvaṁ giriṁ tāta kautukī vāgviśāradaḥ jñānī viditavṛttānto nāradaḥ prītamānasaḥ

हे तात! कौतुकी, वाणी में निपुण, ज्ञानी, सब वृत्तांत जानने वाले, प्रसन्नचित्त नारद, तुमने पर्वत से यह कहा।

श्लोक 8 (shiva.rudra.71.8)

नारद उवाच । एषा ते तनया मेने सुधांशोरिव वर्धिता । आद्या कला शैलराज सर्वलक्षणशालिनी

nārada uvāca eṣā te tanayā mene sudhāṁśoriva vardhitā ādyā kalā śailarāja sarvalakṣaṇaśālinī

नारद ने कहा — हे मेने! तुम्हारी यह पुत्री चंद्रमा की पहली कला के समान बढ़ी है; हे शैलराज! वह सर्वलक्षणों से संपन्न है।

श्लोक 9 (shiva.rudra.71.9)

स्वपतेः सुखदात्यन्तं पित्रोः कीर्तिविवर्धिनी । महासाध्वी च सर्वासु महानन्दकरी सदा

svapateḥ sukhadātyantaṁ pitroḥ kīrtivivardhinī mahāsādhvī ca sarvāsu mahānandakarī sadā

वह अपने पति को अत्यंत सुख देने वाली, माता-पिता की कीर्ति बढ़ाने वाली, सबमें महासाध्वी और सदा महान् आनंद देने वाली होगी।

श्लोक 10 (shiva.rudra.71.10)

सुलक्षणानि सर्वाणि त्वत्सुतायाः करे गिरे । एका विलक्षणा रेखा तत्फलं शृणु तत्त्वतः

sulakṣaṇāni sarvāṇi tvatsutāyāḥ kare gire ekā vilakṣaṇā rekhā tatphalaṁ śṛṇu tattvataḥ

हे पर्वत! तुम्हारी पुत्री के हाथ में सभी शुभ लक्षण हैं; परंतु एक विलक्षण रेखा है — उसका फल तत्त्वतः सुनो।

श्लोक 11 (shiva.rudra.71.11)

योगी नग्नोऽगुणोऽकामी मातृतातविवर्जितः । अमानोऽशिववेषश्च पतिरस्याः किलेदृशः

yogī nagno'guṇo'kāmī mātṛtātavivarjitaḥ amāno'śivaveṣaśca patirasyāḥ kiledṛśaḥ

योगी, नग्न, गुणरहित, कामनारहित, माता-पिता से रहित, मानरहित, अशुभ वेष वाला — ऐसा ही निश्चय इसका पति होगा।

श्लोक 12 (shiva.rudra.71.12)

ब्रह्मोवाच । इत्याकर्ण्य वचस्ते हि सत्यं मत्वा च दम्पती । मेना हिमाचलश्चापि दुःखितौ तौ बभूवतुः

brahmovāca ityākarṇya vacaste hi satyaṁ matvā ca dampatī menā himācalaścāpi duḥkhitau tau babhūvatuḥ

ब्रह्मा जी ने कहा — तुम्हारा यह वचन सुनकर और उसे सत्य मानकर मेना और हिमाचल दोनों दंपती दुःखी हो गए।

श्लोक 13 (shiva.rudra.71.13)

शिवाकर्ण्यवचस्ते हि तादृशं जगदम्बिका । लक्षणैस्तं शिवं मत्वा जहर्षाति मुने हृदि

śivākarṇyavacaste hi tādṛśaṁ jagadambikā lakṣaṇaistaṁ śivaṁ matvā jaharṣāti mune hṛdi

किंतु तुम्हारा वैसा वचन सुनकर जगदम्बिका शिवा उन्हीं लक्षणों से उसे साक्षात् शिव जानकर, हे मुने! हृदय में अत्यंत हर्षित हुईं।

श्लोक 14 (shiva.rudra.71.14)

न मृषा नारदवचस्त्विति सञ्चिन्त्य सा शिवा । स्नेहं शिवपदद्वन्द्वे चकाराति हृदा तदा

na mṛṣā nāradavacastviti sañcintya sā śivā snehaṁ śivapadadvandve cakārāti hṛdā tadā

"नारद का वचन मिथ्या नहीं है" — ऐसा सोचकर वह शिवा तब से हृदय में शिव के युगल चरणों में अत्यंत स्नेह करने लगीं।

श्लोक 15 (shiva.rudra.71.15)

उवाच दुखितः शैलस्त्वां तदा हृदि नारद । कमुपायं मुने कुर्यामतिदुःखमभूदिति

uvāca dukhitaḥ śailastvāṁ tadā hṛdi nārada kamupāyaṁ mune kuryāmatiduḥkhamabhūditi

तब दुःखी पर्वत ने हृदय से तुमसे कहा — हे नारद! हे मुने! मैं क्या उपाय करूँ? मुझे अत्यंत दुःख हो गया है।

श्लोक 16 (shiva.rudra.71.16)

तच्छ्रुत्वा त्वं मुने प्रात्थ महाकौतुककारकः । हिमाचलं शुभैर्वाक्यैर्हर्षयन्वाग्विशारदः

tacchrutvā tvaṁ mune prāttha mahākautukakārakaḥ himācalaṁ śubhairvākyairharṣayanvāgviśāradaḥ

हे मुने! यह सुनकर तुम, महान् कौतुक करने वाले, वाणी में निपुण, हिमाचल को शुभ वचनों से प्रसन्न करने लगे।

श्लोक 17 (shiva.rudra.71.17)

नारद उवाच । स्नेहाच्छृणु गिरे वाक्यं मम सत्यं मृषा न हि । कररेखा ब्रह्मलिपिर्न मृषा भवति ध्रुवम्

nārada uvāca snehācchṛṇu gire vākyaṁ mama satyaṁ mṛṣā na hi kararekhā brahmalipirna mṛṣā bhavati dhruvam

नारद ने कहा — हे पर्वत! स्नेहवश मेरा यह वचन सुनो — यह सत्य है, मिथ्या नहीं; हाथ की रेखाएँ ब्रह्मा की लिखावट हैं, वे निश्चय ही मिथ्या नहीं होतीं।

श्लोक 18 (shiva.rudra.71.18)

तादृशोऽस्याः पतिः शैल भविष्यति न संशयः । तत्रोपायं शृणु प्रीत्या यं कृत्वा लप्स्यसे सुखम्

tādṛśo'syāḥ patiḥ śaila bhaviṣyati na saṁśayaḥ tatropāyaṁ śṛṇu prītyā yaṁ kṛtvā lapsyase sukham

हे पर्वत! ऐसा ही इसका पति निश्चय ही होगा, संदेह नहीं; परंतु अब वह उपाय प्रेमपूर्वक सुनो, जिसे करके तुम सुख प्राप्त करोगे।

श्लोक 19 (shiva.rudra.71.19)

तादृशोऽस्ति वरः शम्भुः लीलारूपधरः प्रभुः । कुलक्षणानि सर्वाणि तत्र तुल्यानि सद्गुणैः

tādṛśo'sti varaḥ śambhuḥ līlārūpadharaḥ prabhuḥ kulakṣaṇāni sarvāṇi tatra tulyāni sadguṇaiḥ

ऐसा ही एक वर है — प्रभु शंभु, जो लीला से ऐसा रूप धारण करते हैं; ये सभी कुल-लक्षण वहाँ वास्तव में सद्गुणों के ही तुल्य हैं।

श्लोक 20 (shiva.rudra.71.20)

प्रभौ दोषो न दुःखाय दुःखदोऽत्यप्रभौ हि सः । रविपावकगङ्गानां तत्र ज्ञेया निदर्शना

prabhau doṣo na duḥkhāya duḥkhado'tyaprabhau hi saḥ ravipāvakagaṅgānāṁ tatra jñeyā nidarśanā

स्वामी में दोष दुःख का कारण नहीं होता; दुःख तो वही देता है जो वास्तव में स्वामी नहीं है; इसमें सूर्य, अग्नि और गंगा का दृष्टांत समझना चाहिए।

श्लोक 21 (shiva.rudra.71.21)

तस्माच्छिवाय कन्यां स्वां शिवां देहि विवेकतः । शिवः सर्वेश्वरः सेव्योऽविकारी प्रभुरव्ययः

tasmācchivāya kanyāṁ svāṁ śivāṁ dehi vivekataḥ śivaḥ sarveśvaraḥ sevyo'vikārī prabhuravyayaḥ

इसलिए विवेकपूर्वक अपनी कल्याणकारी कन्या शिव को दे दो; शिव सबके स्वामी हैं, सेवनीय हैं, अविकारी और अव्यय प्रभु हैं।

श्लोक 22 (shiva.rudra.71.22)

शीघ्रप्रसादः स शिवः तां ग्रहीष्यत्यसंशयम् । तपःसाध्यो विशेषेण यदि कुर्याच्छिवा तपः

śīghraprasādaḥ sa śivaḥ tāṁ grahīṣyatyasaṁśayam tapaḥsādhyo viśeṣeṇa yadi kuryācchivā tapaḥ

वे शिव शीघ्र प्रसन्न होने वाले हैं, वे निश्चय ही उसे स्वीकार करेंगे; यदि शिवा विशेष रूप से तप करे, तो वे तप से ही सुसाध्य हैं।

श्लोक 23 (shiva.rudra.71.23)

सर्वथा सुसमर्थो हि स शिवः सकलेश्वरः । कुलिशस्यापि विध्वंसी ब्रह्माधीनः सुखप्रदः

sarvathā susamartho hi sa śivaḥ sakaleśvaraḥ kuliśasyāpi vidhvaṁsī brahmādhīnaḥ sukhapradaḥ

वे शिव सर्वथा पूर्ण समर्थ हैं, सबके ईश्वर हैं, वज्र तक का विध्वंस करने वाले हैं, केवल ब्रह्म के अधीन, सुख के दाता हैं।

श्लोक 24 (shiva.rudra.71.24)

ब्रह्मोवाच इत्युक्त्वा त्वं पुनस्तात कौतुकी ब्रह्मविन्मुने । शैलराजमवोचो हि हर्षयन्वचनैः शुभैः

brahmovāca ityuktvā tvaṁ punastāta kautukī brahmavinmune śailarājamavoco hi harṣayanvacanaiḥ śubhaiḥ

ब्रह्मा जी ने कहा — हे तात! यह कहकर तुम, कौतुकी, ब्रह्मज्ञानी मुने, पुनः शैलराज को शुभ वचनों से प्रसन्न करते हुए बोले।

श्लोक 25 (shiva.rudra.71.25)

भाविनी दयिता शम्भोः सानुकूला सदा हरे । महासाध्वी सुव्रता च पित्रोः सुखविवर्धिनी

bhāvinī dayitā śambhoḥ sānukūlā sadā hare mahāsādhvī suvratā ca pitroḥ sukhavivardhinī

यह भावी शंभु की प्रिया, सदा हर के अनुकूल, महासाध्वी, सुव्रता, माता-पिता का सुख बढ़ाने वाली होगी।

श्लोक 26 (shiva.rudra.71.26)

शम्भोश्चित्तं वशे चैषा करिष्यति तपस्विनी । स चाप्येनामृते योषां न ह्यन्यामुद्वहिष्यति

śambhościttaṁ vaśe caiṣā kariṣyati tapasvinī sa cāpyenāmṛte yoṣāṁ na hyanyāmudvahiṣyati

यह तपस्विनी शंभु के चित्त को अपने वश में कर लेगी; और वे भी इसके अतिरिक्त किसी अन्य स्त्री का वरण नहीं करेंगे।

श्लोक 27 (shiva.rudra.71.27)

एतयोः सदृशं प्रेम न कस्याप्येव तादृशम् । भूतं वा भविता वापि नाधुना च प्रवर्तते

etayoḥ sadṛśaṁ prema na kasyāpyeva tādṛśam bhūtaṁ vā bhavitā vāpi nādhunā ca pravartate

इन दोनों जैसा प्रेम किसी का भी वैसा न कभी हुआ, न होगा, और न अभी विद्यमान है।

श्लोक 28 (shiva.rudra.71.28)

अनयोः सुरकार्याणि कर्तव्यानि मृतानि च । यानि यानि नगश्रेष्ठ जीवितानि पुनः पुनः

anayoḥ surakāryāṇi kartavyāni mṛtāni ca yāni yāni nagaśreṣṭha jīvitāni punaḥ punaḥ

हे पर्वतश्रेष्ठ! इन दोनों के द्वारा देवताओं के जितने भी कार्य मृतप्राय पड़े हैं, वे बार-बार पुनर्जीवित होंगे।

श्लोक 29 (shiva.rudra.71.29)

अनया कन्यया तेऽद्रे अर्धनारीश्वरो हरः । भविष्यति तथा हर्षदिनयोर्मिलितं पुनः

anayā kanyayā te'dre ardhanārīśvaro haraḥ bhaviṣyati tathā harṣadinayormilitaṁ punaḥ

हे पर्वत! तुम्हारी इस कन्या के द्वारा हर अर्धनारीश्वर होंगे; इस प्रकार दोनों को पुनः मिलकर हर्ष प्राप्त होगा।

श्लोक 30 (shiva.rudra.71.30)

शरीरार्धं हरस्यैषा हरिष्यति सुता तव । तपः प्रभावात्सन्तोष्य महेशं सकलेश्वरम्

śarīrārdhaṁ harasyaiṣā hariṣyati sutā tava tapaḥ prabhāvātsantoṣya maheśaṁ sakaleśvaram

तुम्हारी यह पुत्री तप के प्रभाव से सर्वेश्वर महेश को संतुष्ट करके हर के शरीर का आधा भाग प्राप्त करेगी।

श्लोक 31 (shiva.rudra.71.31)

स्वर्णगौरी सुवर्णाभा तपसा तोष्य तं हरम् । विद्युद्गौरतमा चेयं तव पुत्री भविष्यति

svarṇagaurī suvarṇābhā tapasā toṣya taṁ haram vidyudgauratamā ceyaṁ tava putrī bhaviṣyati

स्वर्ण के समान गौर वर्ण वाली, तप से उन हर को संतुष्ट करके, बिजली से भी अधिक गौर वर्णी तुम्हारी यह पुत्री बनेगी।

श्लोक 32 (shiva.rudra.71.32)

गौरीति नाम्ना कन्या तु ख्यातिमेषा गमिष्यति । सर्वदेवगणैः पूज्या हरिब्रह्मादिभिस्तथा

gaurīti nāmnā kanyā tu khyātimeṣā gamiṣyati sarvadevagaṇaiḥ pūjyā haribrahmādibhistathā

यह कन्या "गौरी" नाम से प्रसिद्धि पाएगी, और हरि-ब्रह्मा आदि सहित सभी देवगणों द्वारा पूजित होगी।

श्लोक 33 (shiva.rudra.71.33)

नान्यस्मै त्वमिमां दातुमिहार्हसि नगोत्तम । इदं चोपांशु देवानां न प्रकाश्यं कदाचन

nānyasmai tvamimāṁ dātumihārhasi nagottama idaṁ copāṁśu devānāṁ na prakāśyaṁ kadācana

हे पर्वतश्रेष्ठ! तुम्हें इसे किसी अन्य को नहीं देना चाहिए; और यह बात देवताओं तक ही गुप्त रहे, कभी प्रकट न हो।

श्लोक 34 (shiva.rudra.71.34)

ब्रह्मोवाच इति तस्य वचः श्रुत्वा देवर्षे तव नारद । उवाच हिमवान्वाक्यं मुने त्वां वाग्विशारदः

brahmovāca iti tasya vacaḥ śrutvā devarṣe tava nārada uvāca himavānvākyaṁ mune tvāṁ vāgviśāradaḥ

ब्रह्मा जी ने कहा — हे देवर्षे नारद! तुम्हारा यह वचन सुनकर, हे मुने! वाणी में निपुण हिमवान् ने यह वचन कहा।

श्लोक 35 (shiva.rudra.71.35)

हिमालय उवाच हे मुने नारद प्राज्ञ विज्ञप्तिं काञ्चिदेव हि । करोमि तां शृणु प्रीत्यातस्त्वं प्रमुदमावह

himālaya uvāca he mune nārada prājña vijñaptiṁ kāñcideva hi karomi tāṁ śṛṇu prītyātastvaṁ pramudamāvaha

हिमालय ने कहा — हे मुने नारद! हे प्राज्ञ! मैं एक विनती करता हूँ; उसे प्रेमपूर्वक सुनकर मुझे प्रसन्नता प्रदान करो।

श्लोक 36 (shiva.rudra.71.36)

श्रूयते त्यक्तसङ्गः स महादेवो यतात्मवान् । तपश्चरति सन्नित्यं देवानामप्यगोचरः

śrūyate tyaktasaṅgaḥ sa mahādevo yatātmavān tapaścarati sannityaṁ devānāmapyagocaraḥ

सुना जाता है कि वे महादेव, समस्त संग त्यागकर, जितेंद्रिय होकर देवताओं को भी अगोचर रहते हुए सदा तप करते हैं।

श्लोक 37 (shiva.rudra.71.37)

स कथं ध्यानमार्गस्थः परब्रह्मार्पितं मनः । भ्रंशयिष्यति देवर्षे तत्र मे संशयो महान्

sa kathaṁ dhyānamārgasthaḥ parabrahmārpitaṁ manaḥ bhraṁśayiṣyati devarṣe tatra me saṁśayo mahān

वे परब्रह्म में अर्पित मन से ध्यान-मार्ग में स्थित होकर, हे देवर्षे! भला उसे कैसे भ्रष्ट करेंगे? इसमें मुझे महान् संदेह है।

श्लोक 38 (shiva.rudra.71.38)

अक्षरं परमं ब्रह्म प्रदीपकलिकोपमम् । सदाशिवाख्यं स्वं रूपं निर्विकारमजात्परम्

akṣaraṁ paramaṁ brahma pradīpakalikopamam sadāśivākhyaṁ svaṁ rūpaṁ nirvikāramajātparam

अक्षर परम ब्रह्म, दीपक की लौ के समान, सदाशिव नामक अपने रूप में अविकारी, अजन्मा और परे स्थित हैं —

श्लोक 39 (shiva.rudra.71.39)

निर्गुणं सगुणं तच्च निर्विशेषं निरीहकम् । अतः पश्यति सर्वत्र न तु बाह्यं निरीक्षते

nirguṇaṁ saguṇaṁ tacca nirviśeṣaṁ nirīhakam ataḥ paśyati sarvatra na tu bāhyaṁ nirīkṣate

— वही निर्गुण भी हैं और सगुण भी, निर्विशेष और निष्काम; इसीलिए वे सर्वत्र देखते हैं, परंतु बाह्य को नहीं देखते।

श्लोक 40 (shiva.rudra.71.40)

इति स श्रूयते नित्यं किन्नराणां मुखान्मुने । इहागतानां सुप्रीत्या किं तन्मिथ्यावचो ध्रुवम्

iti sa śrūyate nityaṁ kinnarāṇāṁ mukhānmune ihāgatānāṁ suprītyā kiṁ tanmithyāvaco dhruvam

हे मुने! यह बात यहाँ आने वाले किन्नरों के मुख से सदा सुनी जाती है; क्या यह वचन निश्चय ही मिथ्या है?

श्लोक 41 (shiva.rudra.71.41)

विशेषतः श्रूयते स साक्षान्नाम्ना तथा हरः । समयं कृतवान्पूर्वं तन्मया गदितं शृणु

viśeṣataḥ śrūyate sa sākṣānnāmnā tathā haraḥ samayaṁ kṛtavānpūrvaṁ tanmayā gaditaṁ śṛṇu

विशेष रूप से यह भी सुना जाता है कि साक्षात् उन हर ने ही पहले एक प्रतिज्ञा की थी — वह मैं तुम्हें कहता हूँ, सुनो।

श्लोक 42 (shiva.rudra.71.42)

न त्वामृतेऽन्यां वरये दाक्षायणि सती प्रिये । भार्यार्थं न ग्रहीष्यामि सत्यमेतद्ब्रवीमि ते

na tvāmṛte'nyāṁ varaye dākṣāyaṇi satī priye bhāryārthaṁ na grahīṣyāmi satyametadbravīmi te

"हे दाक्षायणी! हे प्रिय सती! तुम्हारे बिना मैं किसी अन्य को नहीं वरूँगा; पत्नी के लिए मैं किसी और को ग्रहण नहीं करूँगा — यह सत्य मैं तुमसे कहता हूँ।"

श्लोक 43 (shiva.rudra.71.43)

इति सत्या समं तेन पुरैव समयः कृतः । तस्यां मृतायां स कथं स्वयमन्यां ग्रहीष्यति

iti satyā samaṁ tena puraiva samayaḥ kṛtaḥ tasyāṁ mṛtāyāṁ sa kathaṁ svayamanyāṁ grahīṣyati

इस प्रकार सती के साथ उन्होंने पहले ही यह प्रतिज्ञा की थी; अब उसके मृत हो जाने पर वे स्वयं दूसरी को कैसे ग्रहण करेंगे?

श्लोक 44 (shiva.rudra.71.44)

ब्रह्मोवाच इत्युक्त्वा स गिरिस्तूष्णीमास तस्य पुरस्तव । तदाकर्ण्याथ देवर्षे त्वं प्रावोचः सुतत्त्वतः

brahmovāca ityuktvā sa giristūṣṇīmāsa tasya purastava tadākarṇyātha devarṣe tvaṁ prāvocaḥ sutattvataḥ

ब्रह्मा जी ने कहा — यह कहकर वह पर्वत तुम्हारे सामने मौन हो गया; हे देवर्षे! यह सुनकर फिर तुमने सच्चा तत्त्व कहा।

श्लोक 45 (shiva.rudra.71.45)

नारद उवाच न वै कार्या त्वया चिन्ता गिरिराज महामते । एषा तव सुता काली दक्षजा ह्यभवत्पुरा

nārada uvāca na vai kāryā tvayā cintā girirāja mahāmate eṣā tava sutā kālī dakṣajā hyabhavatpurā

नारद ने कहा — हे गिरिराज! हे महामते! तुम्हें कोई चिंता नहीं करनी चाहिए; तुम्हारी यह पुत्री काली पहले दक्ष की पुत्री ही थी।

श्लोक 46 (shiva.rudra.71.46)

सतीनामाभवत्तस्याः सर्वमङ्गलदं सदा । सती सा वै दक्षकन्या भूत्वा रुद्रप्रियाभवत्

satīnāmābhavattasyāḥ sarvamaṅgaladaṁ sadā satī sā vai dakṣakanyā bhūtvā rudrapriyābhavat

वह सती-स्त्रियों में सदा सर्व-मंगलदायिनी थी; वह सती, दक्ष की पुत्री होकर, रुद्र की प्रिया बनी थी।

श्लोक 47 (shiva.rudra.71.47)

पितुर्यज्ञे तथा प्राप्यानादरं शङ्करस्य च । तं दृष्ट्वा कोपमाधायात्याक्षीद्देहं च सा सती

pituryajñe tathā prāpyānādaraṁ śaṅkarasya ca taṁ dṛṣṭvā kopamādhāyātyākṣīddehaṁ ca sā satī

फिर पिता के यज्ञ में शंकर के प्रति भी अनादर पाकर, यह देखकर क्रोधित होकर उस सती ने अपनी देह त्याग दी।

श्लोक 48 (shiva.rudra.71.48)

पुनःसैव समुत्पन्ना तव गेहेऽम्बिका शिवा । पार्वती हरपत्नीयं भविष्यति न संशयः

punaḥsaiva samutpannā tava gehe'mbikā śivā pārvatī harapatnīyaṁ bhaviṣyati na saṁśayaḥ

वही अम्बिका शिवा पुनः तुम्हारे घर में उत्पन्न हुई है; यह पार्वती निश्चय ही हर की पत्नी बनेगी, संदेह नहीं।

श्लोक 49 (shiva.rudra.71.49)

एतत्सर्वं विस्तरात्त्वं प्रोक्तवान्भूभृते मुने । पूर्वरूपं चरित्रं च पार्वत्याः प्रीतिवर्धनम्

etatsarvaṁ vistarāttvaṁ proktavānbhūbhṛte mune pūrvarūpaṁ caritraṁ ca pārvatyāḥ prītivardhanam

हे मुने! तुमने पर्वतराज को यह सब विस्तार से कहा — पार्वती का पूर्व-रूप और चरित्र, जिससे उनका प्रेम और भी बढ़ गया।

श्लोक 50 (shiva.rudra.71.50)

तं सर्वं पूर्ववृत्तान्तं काल्या मुनिमुखाद्गिरिः । श्रुत्वा सपुत्रदारः स तदा निःसंशयोऽभवत्

taṁ sarvaṁ pūrvavṛttāntaṁ kālyā munimukhādgiriḥ śrutvā saputradāraḥ sa tadā niḥsaṁśayo'bhavat

मुनि के मुख से काली का वह सारा पूर्ववृत्तांत सुनकर पर्वत, अपने पुत्रों और पत्नी सहित, तब पूर्णतः संशयरहित हो गया।

श्लोक 51 (shiva.rudra.71.51)

ततः काली कथां श्रुत्वा नारदस्य मुखात्तदा । लज्जयाधोमुखी भूत्वा स्मितविस्तारितानना

tataḥ kālī kathāṁ śrutvā nāradasya mukhāttadā lajjayādhomukhī bhūtvā smitavistāritānanā

तब नारद के मुख से वह कथा सुनकर काली लज्जा से मुख नीचा किए, मुस्कान से भरे मुख वाली हो गईं।

श्लोक 52 (shiva.rudra.71.52)

करेण तां तु संस्पृश्य श्रुत्वा तच्चरितं गिरिः । मूर्ध्नि शश्वत्तथाघ्राय स्वासनान्ते न्यवेशयत्

kareṇa tāṁ tu saṁspṛśya śrutvā taccaritaṁ giriḥ mūrdhni śaśvattathāghrāya svāsanānte nyaveśayat

वह कथा सुनकर पर्वत ने हाथ से उसका स्पर्श किया, बार-बार उसके सिर को सूँघा, और उसे अपने ही आसन के पास बिठाया।

श्लोक 53 (shiva.rudra.71.53)

ततस्त्वं तां पुनर्दृष्ट्वाऽवोचस्तत्र स्थितां मुने । हर्षयन् गिरिराजं च मेनकां तनयैः सह

tatastvaṁ tāṁ punardṛṣṭvā'vocastatra sthitāṁ mune harṣayan girirājaṁ ca menakāṁ tanayaiḥ saha

हे मुने! फिर उसे वहाँ बैठी हुई पुनः देखकर तुमने गिरिराज और पुत्रों सहित मेनका को प्रसन्न करते हुए यह कहा।

श्लोक 54 (shiva.rudra.71.54)

सिंहासनं तु किन्त्वस्याः शैलराज भवेदतः । शम्भोरूरौ सदैतस्या आसनं तु भविष्यति

siṁhāsanaṁ tu kintvasyāḥ śailarāja bhavedataḥ śambhorūrau sadaitasyā āsanaṁ tu bhaviṣyati

हे शैलराज! इसका सिंहासन तो यही होगा — इसका आसन सदा शंभु की गोद में ही होगा।

श्लोक 55 (shiva.rudra.71.55)

हरेरूर्वासनं प्राप्य तनया तव सन्ततम् । न यत्र कस्यचिद् दृष्टिर्मानसं वा गमिष्यति

harerūrvāsanaṁ prāpya tanayā tava santatam na yatra kasyacid dṛṣṭirmānasaṁ vā gamiṣyati

हरि की गोद का आसन पाकर तुम्हारी यह पुत्री सदा वहीं रहेगी, जहाँ किसी और की दृष्टि या मन कभी नहीं पहुँच पाएगा।

श्लोक 56 (shiva.rudra.71.56)

ब्रह्मोवाच इति वचनमुदारं नारद त्वं गिरीशं त्रिदिवमगम उक्त्वा तत्क्षणादेव प्रीत्या । गिरिपतिरपि चित्ते चारुसम्मोदयुक्तः स्वगृहमगमदेवं सर्वसम्पत्समृद्धम्

brahmovāca iti vacanamudāraṁ nārada tvaṁ girīśaṁ tridivamagama uktvā tatkṣaṇādeva prītyā giripatirapi citte cārusammodayuktaḥ svagṛhamagamadevaṁ sarvasampatsamṛddham

ब्रह्मा जी ने कहा — हे नारद! गिरीश से यह उदार वचन कहकर तुम उसी क्षण प्रेमपूर्वक स्वर्गलोक को चले गए; और पर्वतपति भी हृदय में सुंदर आनंद से युक्त होकर इस प्रकार समस्त संपत्ति से समृद्ध अपने घर को गए।