तारकासुर का तप और राज्य

श्लोक 1 (shiva.rudra.78.1)

ब्रह्मोवाच । अथ सा गर्भमाधत्त वराङ्गी तत्पुरादरात् । स ववर्धाभ्यन्तरे हि बहुवर्षैः सुतेजसा

brahmovāca atha sā garbhamādhatta varāṅgī tatpurādarāt sa vavardhābhyantare hi bahuvarṣaiḥ sutejasā

ब्रह्मा जी ने कहा — तत्पश्चात् वरांगी ने आदरपूर्वक उससे गर्भ धारण किया, और वह गर्भ भीतर ही भीतर अनेक वर्षों तक महातेज के साथ बढ़ता रहा।

श्लोक 2 (shiva.rudra.78.2)

ततः सा समये पूर्णे वराङ्गी सुषुवे सुतम् । महाकायं महावीर्यं प्रज्वलन्तं दिशो दश

tataḥ sā samaye pūrṇe varāṅgī suṣuve sutam mahākāyaṁ mahāvīryaṁ prajvalantaṁ diśo daśa

तत्पश्चात् समय पूर्ण होने पर वरांगी ने महाकाय, महावीर्यशाली, तथा दसों दिशाओं को प्रज्वलित करने वाले पुत्र को जन्म दिया।

श्लोक 3 (shiva.rudra.78.3)

तदैव च महोत्पाता बभूवुर्दुःखहेतवः । जायमाने सुते तस्मिन्वराङ्ग्याः सुरदुःखदे

tadaiva ca mahotpātā babhūvurduḥkhahetavaḥ jāyamāne sute tasminvarāṅgyāḥ suraduḥkhade

उसी समय, वरांगी के उस पुत्र के जन्म पर, जो देवताओं के लिए दुःखदायी था, अनेक दुःखसूचक महान उत्पात प्रकट हुए।

श्लोक 4 (shiva.rudra.78.4)

दिवि भुव्यन्तरिक्षे च सर्वलोकभयङ्कराः । अनर्थसूचकास्तात त्रिविधाः तान्ब्रवीम्यहम्

divi bhuvyantarikṣe ca sarvalokabhayaṅkarāḥ anarthasūcakāstāta trividhāḥ tānbravīmyaham

हे तात! आकाश में, पृथ्वी पर तथा अंतरिक्ष में, समस्त लोकों को भयभीत करने वाले, अनर्थसूचक तीन प्रकार के उत्पात हुए, जिन्हें मैं तुम्हें बताता हूँ।

श्लोक 5 (shiva.rudra.78.5)

सोल्काश्चाशनयः पेतुर्महाशब्दा भयङ्कराः । उदयं चक्रुरुत्कृष्टाः केतवो दुःखदायकाः

solkāścāśanayaḥ peturmahāśabdā bhayaṅkarāḥ udayaṁ cakrurutkṛṣṭāḥ ketavo duḥkhadāyakāḥ

उल्काओं सहित वज्रपात हुए, महाभयंकर शब्द हुए, तथा दुःखदायक उग्र केतु (धूमकेतु) का उदय हुआ।

श्लोक 6 (shiva.rudra.78.6)

चचाल वसुधा साद्रिर्जज्वलुः सकला दिशः । चुक्षुभुः सरितः सर्वाः सागराश्च विशेषतः

cacāla vasudhā sādrirjajvaluḥ sakalā diśaḥ cukṣubhuḥ saritaḥ sarvāḥ sāgarāśca viśeṣataḥ

पर्वतों सहित पृथ्वी काँप उठी, समस्त दिशाएँ प्रज्वलित हो उठीं, सभी नदियाँ तथा विशेष रूप से समुद्र क्षुब्ध हो गए।

श्लोक 7 (shiva.rudra.78.7)

हूत्कारानीरयन् घोरान्खरस्पर्शो मरुद्ववौ । उन्मूलयन्महावृक्षान्वात्यानीको रजोध्वजः

hūtkārānīrayan ghorānkharasparśo marudvavau unmūlayanmahāvṛkṣānvātyānīko rajodhvajaḥ

कठोर स्पर्श वाली वायु भयंकर चीत्कार करती हुई बहने लगी, तथा धूल की ध्वजा वाले बवंडरों ने बड़े-बड़े वृक्षों को उखाड़ दिया।

श्लोक 8 (shiva.rudra.78.8)

सराह्वोःसूर्यविध्वोस्तु मुहुः परिधयोऽभवन् । महाभयस्य विप्रेन्द्र सूचकाःसुखहारकाः

sarāhvoḥsūryavidhvostu muhuḥ paridhayo'bhavan mahābhayasya viprendra sūcakāḥsukhahārakāḥ

हे विप्रेन्द्र! चंद्रमा और सूर्य के मंडलों के चारों ओर बार-बार परिवेष (हेलो) बनते रहे, जो महाभय के सूचक तथा सुख का हरण करने वाले थे।

श्लोक 9 (shiva.rudra.78.9)

महीध्रविवरेभ्यश्च निर्घाता भयसूचकाः । रथनिर्ह्रादतुल्याश्च जज्ञिरेऽवसरे ततः

mahīdhravivarebhyaśca nirghātā bhayasūcakāḥ rathanirhrādatulyāśca jajñire'vasare tataḥ

पर्वतों की गुफाओं से भयसूचक गड़गड़ाहटें, जो रथों की घरघराहट के समान थीं, उस समय उत्पन्न हुईं।

श्लोक 10 (shiva.rudra.78.10)

सृगालोलूकटङ्कारैर्वमन्त्यो मुखतोऽनलम् । अन्तर्ग्रामेषु विकटं प्रणेदुरशिवाः शिवाः

sṛgālolūkaṭaṅkārairvamantyo mukhato'nalam antargrāmeṣu vikaṭaṁ praṇeduraśivāḥ śivāḥ

सियारों और उल्लुओं ने कर्कश स्वरों में मुख से अग्नि उगलते हुए गाँवों के भीतर भयंकर, अशुभ चीत्कार किया।

श्लोक 11 (shiva.rudra.78.11)

यतस्ततो ग्रामसिंहा उन्नमय्य शिरोधराम् । सङ्गीतवद्रोदनवद्व्यमुञ्चन्विविधान्रवान्

yatastato grāmasiṁhā unnamayya śirodharām saṅgītavadrodanavadvyamuñcanvividhānravān

यत्र-तत्र गाँवों के कुत्ते गर्दन ऊँची उठाकर, कभी गीत के समान, कभी रुदन के समान, नाना प्रकार के स्वर निकालने लगे।

श्लोक 12 (shiva.rudra.78.12)

खार्काररभसा मत्ताः खुरैर्घ्नन्तो रसां खराः । वरूथशः तदा तात पर्यधावन्नितस्ततः

khārkārarabhasā mattāḥ khurairghnanto rasāṁ kharāḥ varūthaśaḥ tadā tāta paryadhāvannitastataḥ

हे तात! गधे उन्मत्त होकर तीव्र स्वर में रेंकते हुए, खुरों से भूमि को कुरेदते हुए, झुंडों में इधर-उधर दौड़ने लगे।

श्लोक 13 (shiva.rudra.78.13)

खगा उदपतन्नीडाद्रासभत्रस्तमानसाः । क्रोशन्तो व्यग्रचित्ताश्च स्थितिमापुर्न कुत्रचित्

khagā udapatannīḍādrāsabhatrastamānasāḥ krośanto vyagracittāśca sthitimāpurna kutracit

पक्षी अकस्मात् भयभीत होकर घोंसलों से उड़ गए, और चिल्लाते तथा व्याकुल-चित्त होकर कहीं भी स्थिर नहीं हो सके।

श्लोक 14 (shiva.rudra.78.14)

शकृन्मूत्रमकार्षुश्च गोष्ठेऽरण्ये भयाकुलाः । बभ्रमुः स्थितिमापुर्नो पशवस्ताडिता इव

śakṛnmūtramakārṣuśca goṣṭhe'raṇye bhayākulāḥ babhramuḥ sthitimāpurno paśavastāḍitā iva

पशु भय से व्याकुल होकर गोशाला और वन में मल-मूत्र त्याग करने लगे, और मानो पीटे जा रहे हों, इस प्रकार भटकते रहे तथा कहीं स्थिर नहीं हो सके।

श्लोक 15 (shiva.rudra.78.15)

गावोऽत्रसन्नसृग्दोहा बाष्पनेत्रा भयाकुलाः । तोयदा अभवंस्तत्र भयदाः पूयवर्षिणः

gāvo'trasannasṛgdohā bāṣpanetrā bhayākulāḥ toyadā abhavaṁstatra bhayadāḥ pūyavarṣiṇaḥ

गौएँ भयभीत होकर काँपने लगीं, उनका दूध रक्तमिश्रित हो गया, नेत्र अश्रुपूर्ण हो गए; और वहाँ भयंकर मेघ पीब की वर्षा करने लगे।

श्लोक 16 (shiva.rudra.78.16)

व्यरुदन्प्रतिमास्तत्र देवानामुत्पतिष्णवः । विनानिलं द्रुमाः पेतुर्ग्रहयुद्धं बभूव खे

vyarudanpratimāstatra devānāmutpatiṣṇavaḥ vinānilaṁ drumāḥ peturgrahayuddhaṁ babhūva khe

वहाँ देवताओं की मूर्तियाँ मानो उठ खड़ी होने को उद्यत होकर रोने लगीं; बिना वायु के ही वृक्ष गिरने लगे, और आकाश में ग्रहों का युद्ध होने लगा।

श्लोक 17 (shiva.rudra.78.17)

इत्यादिका बहूत्पाता जज्ञिरे मुनिसत्तम । अज्ञानिनो जनास्तत्र मेनिरे विश्वसम्प्लवम्

ityādikā bahūtpātā jajñire munisattama ajñānino janāstatra menire viśvasamplavam

हे मुनिसत्तम! इस प्रकार के अनेक उत्पात हुए, और वहाँ अज्ञानी लोग यह मानने लगे कि सम्पूर्ण विश्व का प्रलय हो जाएगा।

श्लोक 18 (shiva.rudra.78.18)

अथ प्रजापतिर्नामाकरोत्तस्यासुरस्य वै । तारकेति विचार्यैव कश्यपो हि महौजसः

atha prajāpatirnāmākarottasyāsurasya vai tāraketi vicāryaiva kaśyapo hi mahaujasaḥ

तब महातेजस्वी प्रजापति कश्यप ने विचार कर उस असुर का नाम 'तारक' रखा।

श्लोक 19 (shiva.rudra.78.19)

महावीरः स सहसा व्यज्यमानात्मपौरुषः । ववृधेऽत्यश्मसारेण कायेनाद्रिपतिर्यथा

mahāvīraḥ sa sahasā vyajyamānātmapauruṣaḥ vavṛdhe'tyaśmasāreṇa kāyenādripatiryathā

वह महावीर, अपने पौरुष को शीघ्र प्रकट करता हुआ, अत्यंत वज्रवत् कठोर शरीर सहित, पर्वतराज के समान बढ़ने लगा।

श्लोक 20 (shiva.rudra.78.20)

अथो स तारको दैत्यो महाबलपराक्रमः । तपः कर्तुं जनन्याश्चाज्ञां ययाचे महामनाः

atho sa tārako daityo mahābalaparākramaḥ tapaḥ kartuṁ jananyāścājñāṁ yayāce mahāmanāḥ

तत्पश्चात् वह महाबलपराक्रमी, महामना तारक दैत्य तपस्या करने के लिए अपनी माता से आज्ञा माँगने लगा।

श्लोक 21 (shiva.rudra.78.21)

प्राप्ताज्ञः स महामायी मायिनामपि मोहकः । सर्वदेवजयं कर्तुं तपोऽर्थं मन आदधे

prāptājñaḥ sa mahāmāyī māyināmapi mohakaḥ sarvadevajayaṁ kartuṁ tapo'rthaṁ mana ādadhe

आज्ञा पाकर वह महामायावी, मायावियों को भी मोहित करने वाला, समस्त देवताओं पर विजय पाने के उद्देश्य से तप में मन लगाने लगा।

श्लोक 22 (shiva.rudra.78.22)

मधोर्वनमुपागम्य गुर्वाज्ञाप्रतिपालकः । विधिमुद्दिश्य विधिवत्तपस्तेपे सुदारुणम्

madhorvanamupāgamya gurvājñāpratipālakaḥ vidhimuddiśya vidhivattapastepe sudāruṇam

मधुवन में जाकर, गुरु की आज्ञा का पालन करते हुए, ब्रह्मा को लक्ष्य कर उसने विधिवत अत्यंत कठोर तप किया।

श्लोक 23 (shiva.rudra.78.23)

ऊर्ध्वबाहुश्चैकपादो रविं पश्यन्स चक्षुषा । शतवर्षं तपश्चक्रे दृढचित्तो दृढव्रतः

ūrdhvabāhuścaikapādo raviṁ paśyansa cakṣuṣā śatavarṣaṁ tapaścakre dṛḍhacitto dṛḍhavrataḥ

भुजाएँ ऊपर उठाकर, एक पैर पर खड़े होकर, नेत्रों से सूर्य को निहारते हुए, दृढ़चित्त और दृढ़व्रत होकर उसने सौ वर्षों तक तप किया।

श्लोक 24 (shiva.rudra.78.24)

अङ्गुष्ठेन भुवं स्पृष्ट्वा शतवर्षं च तादृशः । तेपे तपो दृढात्मा स तारकोऽसुरराट् प्रभुः

aṅguṣṭhena bhuvaṁ spṛṣṭvā śatavarṣaṁ ca tādṛśaḥ tepe tapo dṛḍhātmā sa tārako'surarāṭ prabhuḥ

पैर के अंगूठे से पृथ्वी को स्पर्श करते हुए, उस दृढ़ात्मा तारक असुरराज प्रभु ने और सौ वर्षों तक वैसा ही तप किया।

श्लोक 25 (shiva.rudra.78.25)

शतवर्षं जलं प्राश्नन् शतवर्षं च वायुभुक् । शतवर्षं जले तिष्ठञ्च्छतं च स्थण्डिलेऽतपत्

śatavarṣaṁ jalaṁ prāśnan śatavarṣaṁ ca vāyubhuk śatavarṣaṁ jale tiṣṭhañcchataṁ ca sthaṇḍile'tapat

सौ वर्षों तक केवल जल पीकर, सौ वर्षों तक केवल वायु का भक्षण कर, सौ वर्षों तक जल में खड़े रहकर, तथा सौ वर्षों तक नंगी भूमि पर तप करते हुए वह रहा।

श्लोक 26 (shiva.rudra.78.26)

शतवर्षं तथा चाग्नौ शतवर्षमधोमुखः । शतवर्षं तु हस्तस्य तलेन च भुवं स्थितः

śatavarṣaṁ tathā cāgnau śatavarṣamadhomukhaḥ śatavarṣaṁ tu hastasya talena ca bhuvaṁ sthitaḥ

इसी प्रकार सौ वर्षों तक अग्नि के मध्य, सौ वर्षों तक अधोमुख होकर, तथा सौ वर्षों तक हाथ की हथेली पर भूमि को टेककर वह स्थित रहा।

श्लोक 27 (shiva.rudra.78.27)

शतवर्षं तु वृक्षस्य शाखामालम्ब्य वै मुने । पादाभ्यां शुचिधूमं हि पिबंश्चाधोमुखस्तथा

śatavarṣaṁ tu vṛkṣasya śākhāmālambya vai mune pādābhyāṁ śucidhūmaṁ hi pibaṁścādhomukhastathā

हे मुने! सौ वर्षों तक वृक्ष की शाखा से लटककर, अधोमुख होकर, पैरों से पवित्र धूम्रपान करते हुए वह रहा।

श्लोक 28 (shiva.rudra.78.28)

एवं कष्टतरं तेपे सुतपः स तु दैत्यराट् । काममुद्दिश्य विधिवच्छृण्वतामपि दुस्सहम्

evaṁ kaṣṭataraṁ tepe sutapaḥ sa tu daityarāṭ kāmamuddiśya vidhivacchṛṇvatāmapi dussaham

इस प्रकार वह दैत्यराज अपने अभीष्ट को लक्ष्य कर विधिवत उत्तरोत्तर कठिन तप करता रहा, जो सुनने वालों के लिए भी असह्य था।

श्लोक 29 (shiva.rudra.78.29)

तत्रैवं तपतस्तस्य महत्तेजो विनिस्सृतम् । शिरसः सर्वसंसर्पि महोपद्रवकृन्मुने

tatraivaṁ tapatastasya mahattejo vinissṛtam śirasaḥ sarvasaṁsarpi mahopadravakṛnmune

हे मुने! इस प्रकार तप करते हुए उसके शीश से एक महातेज निकला, जो सर्वत्र फैलकर महान उपद्रव करने वाला था।

श्लोक 30 (shiva.rudra.78.30)

तेनैव देवलोकास्ते दग्धप्राया बभूविरे । अभितो दुःखमापन्नाः सर्वे देवर्षयो मुने

tenaiva devalokāste dagdhaprāyā babhūvire abhito duḥkhamāpannāḥ sarve devarṣayo mune

उसी तेज से देवलोक लगभग दग्ध हो गए, और हे मुने! समस्त देवगण और ऋषिगण सर्वत्र दुःख को प्राप्त हुए।

श्लोक 31 (shiva.rudra.78.31)

इन्द्रश्च भयमापेदेऽधिकं देवेश्वरस्तदा । तपस्यत्यद्य कश्चिद्वै मत्पदं धर्षयिष्यति

indraśca bhayamāpede'dhikaṁ deveśvarastadā tapasyatyadya kaścidvai matpadaṁ dharṣayiṣyati

तब इंद्र, देवताओं के स्वामी, अत्यंत भयभीत हो गए — 'कोई आज तप कर रहा है, जो निश्चय ही मेरे पद को छीन लेगा।'

श्लोक 32 (shiva.rudra.78.32)

अकाण्डे चैव ब्रह्माण्डं संहरिष्यत्ययं प्रभुः । इति संशयमापन्ना निश्चयं नोपलेभिरे

akāṇḍe caiva brahmāṇḍaṁ saṁhariṣyatyayaṁ prabhuḥ iti saṁśayamāpannā niścayaṁ nopalebhire

'और यह प्रभु अकस्मात् ही ब्रह्मांड का संहार कर देगा' — इस प्रकार संशय में पड़कर वे किसी निश्चय पर नहीं पहुँच सके।

श्लोक 33 (shiva.rudra.78.33)

ततः सर्वे सुसम्मन्त्र्य मिथस्ते निर्जरर्षयः । मल्लोकमगमन्भीता दीना मां समुपस्थिताः

tataḥ sarve susammantrya mithaste nirjararṣayaḥ mallokamagamanbhītā dīnā māṁ samupasthitāḥ

तत्पश्चात् आपस में भलीभाँति विचार-विमर्श कर वे सभी देवगण और ऋषिगण भयभीत तथा दीन होकर मेरे लोक में आए और मेरे समक्ष उपस्थित हुए।

श्लोक 34 (shiva.rudra.78.34)

मां प्रणम्य सुसंस्तूय सर्वे ते क्लिष्टचेतसः । कृतस्त्वञ्जलयो मह्यं वृत्तं सर्वं न्यवेदयन्

māṁ praṇamya susaṁstūya sarve te kliṣṭacetasaḥ kṛtastvañjalayo mahyaṁ vṛttaṁ sarvaṁ nyavedayan

मुझे प्रणाम कर और भलीभाँति स्तुति कर, उन सबने व्याकुल-चित्त होकर हाथ जोड़कर मुझसे सारा वृत्तांत निवेदन किया।

श्लोक 35 (shiva.rudra.78.35)

अहं सर्वं सुनिश्चित्य कारणं तस्य सद्धिया । वरं दातुं गतस्तत्र यत्र तप्यति सोऽसुरः

ahaṁ sarvaṁ suniścitya kāraṇaṁ tasya saddhiyā varaṁ dātuṁ gatastatra yatra tapyati so'suraḥ

मैं सब कुछ भलीभाँति निश्चित कर, सद्बुद्धि से उसका कारण जानकर, वर देने के लिए वहाँ गया, जहाँ वह असुर तप कर रहा था।

श्लोक 36 (shiva.rudra.78.36)

अवोचं वचनं तं वै वरं ब्रूहीत्यहं मुने । तपस्तप्तं त्वया तीव्रं नादेयं विद्यते तव

avocaṁ vacanaṁ taṁ vai varaṁ brūhītyahaṁ mune tapastaptaṁ tvayā tīvraṁ nādeyaṁ vidyate tava

हे मुने! मैंने उससे कहा — 'वर माँगो, तुमने जो तीव्र तप किया है, उसके बदले तुम्हें कुछ भी न देने योग्य नहीं है।'

श्लोक 37 (shiva.rudra.78.37)

इत्येवं मद्वचः श्रुत्वा तारकः स महासुरः । मां प्रणम्य सुसंस्तूय वरं वव्रेऽतिदारुणम्

ityevaṁ madvacaḥ śrutvā tārakaḥ sa mahāsuraḥ māṁ praṇamya susaṁstūya varaṁ vavre'tidāruṇam

मेरे इस वचन को सुनकर उस महासुर तारक ने मुझे प्रणाम कर और भलीभाँति स्तुति कर अत्यंत भयंकर वर माँगा।

श्लोक 38 (shiva.rudra.78.38)

तारक उवाच । त्वयि प्रसन्ने वरदे किमसाध्यं भवेन्मम । अतो याचे वरं त्वत्तः शृणु तन्मे पितामह

tāraka uvāca tvayi prasanne varade kimasādhyaṁ bhavenmama ato yāce varaṁ tvattaḥ śṛṇu tanme pitāmaha

तारक ने कहा — हे वरदाता! आपके प्रसन्न होने पर मेरे लिए क्या असाध्य हो सकता है? इसलिए हे पितामह! मैं आपसे वर माँगता हूँ, सुनिए।

श्लोक 39 (shiva.rudra.78.39)

यदि प्रसन्नो देवेश यदि देयो वरो मम । देयं वरद्वयं मह्यं कृपां कृत्वा ममोपरि

yadi prasanno deveśa yadi deyo varo mama deyaṁ varadvayaṁ mahyaṁ kṛpāṁ kṛtvā mamopari

हे देवेश! यदि आप प्रसन्न हैं, और यदि मुझे वर देना है, तो मुझ पर कृपा करके दो वरदान दीजिए।

श्लोक 40 (shiva.rudra.78.40)

त्वया च निर्मिते लोके सकलेऽस्मिन्महाप्रभो । मत्तुल्यो बलवान्नूनं न भवेत्कोऽपि वै पुमान्

tvayā ca nirmite loke sakale'sminmahāprabho mattulyo balavānnūnaṁ na bhavetko'pi vai pumān

हे महाप्रभो! आपके द्वारा रचित इस संपूर्ण लोक में मेरे समान बलवान कोई भी पुरुष निश्चय ही न हो।

श्लोक 41 (shiva.rudra.78.41)

शिववीर्यसमुत्पन्नः पुत्रःसेनापतिर्यदा । भूत्वा शस्त्रं क्षिपेन्मह्यं तदा मे मरणं भवेत्

śivavīryasamutpannaḥ putraḥsenāpatiryadā bhūtvā śastraṁ kṣipenmahyaṁ tadā me maraṇaṁ bhavet

केवल तभी मेरी मृत्यु हो, जब शिव के वीर्य से उत्पन्न कोई पुत्र सेनापति बनकर मुझ पर शस्त्र का प्रहार करे।

श्लोक 42 (shiva.rudra.78.42)

इत्युक्तोऽथ तदा तेन दैत्येनाहं मुनीश्वर । वरं च तादृशं दत्त्वा स्वलोकमगमं द्रुतम्

ityukto'tha tadā tena daityenāhaṁ munīśvara varaṁ ca tādṛśaṁ dattvā svalokamagamaṁ drutam

हे मुनीश्वर! उस दैत्य द्वारा इस प्रकार कहे जाने पर मैंने उसे वैसा ही वर देकर शीघ्र अपने लोक को प्रस्थान किया।

श्लोक 43 (shiva.rudra.78.43)

दैत्योऽपि स वरं लब्ध्वा मनसेप्सितमुत्तमम् । सुप्रसन्नतरो भूत्वा शोणिताख्यपुरं गतः

daityo'pi sa varaṁ labdhvā manasepsitamuttamam suprasannataro bhūtvā śoṇitākhyapuraṁ gataḥ

वह दैत्य भी मन-वांछित उत्तम वर पाकर अत्यंत प्रसन्न होकर शोणितपुर नामक नगर को गया।

श्लोक 44 (shiva.rudra.78.44)

अभिषिक्तस्तदा राज्ये त्रैलोक्यस्यासुरैः सह । शुक्रेण दैत्यगुरुणाज्ञया मे स महासुरः

abhiṣiktastadā rājye trailokyasyāsuraiḥ saha śukreṇa daityaguruṇājñayā me sa mahāsuraḥ

तब मेरी ही आज्ञा से उस महासुर को असुरों सहित असुर-गुरु शुक्राचार्य द्वारा त्रैलोक्य के राज्य पर अभिषिक्त किया गया।

श्लोक 45 (shiva.rudra.78.45)

ततस्तु स महादैत्योऽभवत् त्रैलोक्यनायकः । स्वाज्ञां प्रवर्तयामास पीडयन्सचराचरम्

tatastu sa mahādaityo'bhavat trailokyanāyakaḥ svājñāṁ pravartayāmāsa pīḍayansacarācaram

तत्पश्चात् वह महादैत्य त्रैलोक्य का स्वामी बन गया, और चराचर समस्त प्राणियों को पीड़ित करते हुए उसने अपनी आज्ञा को प्रचलित किया।

श्लोक 46 (shiva.rudra.78.46)

राज्यं चकार विधिवत्त्रिलोकस्य स तारकः । प्रजाश्च पालयामास पीडयन्निर्जरादिकान्

rājyaṁ cakāra vidhivattrilokasya sa tārakaḥ prajāśca pālayāmāsa pīḍayannirjarādikān

उस तारक ने त्रिलोक के राज्य का विधिवत शासन किया, और देवताओं आदि को पीड़ित करते हुए प्रजा का पालन किया।

श्लोक 47 (shiva.rudra.78.47)

ततः स तारको दैत्यस्तेषां रत्नान्युपाददे । इन्द्रादिलोकपालानां स्वतो दत्तानि तद्भयात्

tataḥ sa tārako daityasteṣāṁ ratnānyupādade indrādilokapālānāṁ svato dattāni tadbhayāt

तत्पश्चात् उस दैत्य तारक ने इंद्र आदि लोकपालों के रत्नों को ग्रहण किया, जो उन्होंने भय के कारण स्वयं ही उसे भेंट कर दिए थे।

श्लोक 48 (shiva.rudra.78.48)

इन्द्रेणैरावतस्तस्य भयात्तस्मै समर्पितः । कुबेरेण तदा दत्ता निधयो नवसङ्ख्यकाः

indreṇairāvatastasya bhayāttasmai samarpitaḥ kubereṇa tadā dattā nidhayo navasaṅkhyakāḥ

भय के कारण इंद्र ने अपना ऐरावत हाथी उसे अर्पित कर दिया, और कुबेर ने अपनी नवों निधियाँ उसे दे दीं।

श्लोक 49 (shiva.rudra.78.49)

वरुणेन हयाः शुभ्रा ऋषिभिः कामकृत्तथा । इन्द्रेणोच्चैः श्रवा दिव्यो भयात्तस्मै समर्पितः

varuṇena hayāḥ śubhrā ṛṣibhiḥ kāmakṛttathā indreṇoccaiḥ śravā divyo bhayāttasmai samarpitaḥ

वरुण ने श्वेत अश्व दिए, ऋषियों ने कामधेनु अर्पित की, और इंद्र ने भय के कारण दिव्य उच्चैःश्रवा अश्व उसे भेंट कर दिया।

श्लोक 50 (shiva.rudra.78.50)

यत्र यत्र शुभं वस्तु दृष्टं तेनासुरेण हि । तत्तद्गृहीतं तरसा निस्सारस्त्रिभवोऽभवत्

yatra yatra śubhaṁ vastu dṛṣṭaṁ tenāsureṇa hi tattadgṛhītaṁ tarasā nissārastribhavo'bhavat

वह असुर जहाँ-जहाँ भी कोई शुभ वस्तु देखता, उसे तुरंत बलपूर्वक छीन लेता; इस प्रकार त्रिलोक सारहीन हो गया।

श्लोक 51 (shiva.rudra.78.51)

समुद्राश्च तथा रत्नान्यदुस्तस्मै भयान्मुने । अकृष्टपच्यासीत्पृथ्वी प्रजाः कामदुघाखिलाः

samudrāśca tathā ratnānyadustasmai bhayānmune akṛṣṭapacyāsītpṛthvī prajāḥ kāmadughākhilāḥ

हे मुने! समुद्रों ने भी भय से उसे अपने रत्न दिए, पृथ्वी बिना जोते ही फसल देने लगी, और समस्त प्रजा कामधेनु के समान हो गई।

श्लोक 52 (shiva.rudra.78.52)

सूर्यश्च तपते तद्वत्तद्दुःखं न यथा भवेत् । चन्द्रस्तु प्रभया दृश्यो वायुः सर्वानुकूल्यवान्

sūryaśca tapate tadvattadduḥkhaṁ na yathā bhavet candrastu prabhayā dṛśyo vāyuḥ sarvānukūlyavān

सूर्य इस प्रकार तपता था कि उसे उससे कोई पीड़ा न हो, चंद्रमा अपनी प्रभा से सुदृश्य रहता था, तथा वायु सब प्रकार से अनुकूल रहती थी।

श्लोक 53 (shiva.rudra.78.53)

देवानां चैव यद्द्रव्यं पितॄणां च परस्य च । तत्सर्वं समुपादत्तमसुरेण दुरात्मना

devānāṁ caiva yaddravyaṁ pitṝṇāṁ ca parasya ca tatsarvaṁ samupādattamasureṇa durātmanā

देवताओं, पितरों तथा अन्य सबका जो भी द्रव्य था, वह सब उस दुरात्मा असुर द्वारा हड़प लिया गया।

श्लोक 54 (shiva.rudra.78.54)

वशीकृत्य स लोकांस्त्रीन्स्वयमिन्द्रो बभूव ह । अद्वितीयः प्रभुश्चासीद्राज्यं चक्रेऽद्भुतं वशी

vaśīkṛtya sa lokāṁstrīnsvayamindro babhūva ha advitīyaḥ prabhuścāsīdrājyaṁ cakre'dbhutaṁ vaśī

तीनों लोकों को वश में करके वह स्वयं ही इंद्र बन बैठा, अद्वितीय प्रभु बन गया, और आत्मनियंत्रित होकर अद्भुत राज्य किया।

श्लोक 55 (shiva.rudra.78.55)

निस्सार्य सकलान्देवान्दैत्यानस्थापयत्ततः । स्वयं नियोजयामास देवयोनिन् स्वकर्मणि

nissārya sakalāndevāndaityānasthāpayattataḥ svayaṁ niyojayāmāsa devayonin svakarmaṇi

समस्त देवताओं को निकालकर उसने वहाँ दैत्यों को स्थापित किया, और देवयोनि वालों को भी स्वयं अपने कार्य में नियुक्त कर लिया।

श्लोक 56 (shiva.rudra.78.56)

अथ तद्बाधिता देवाः सर्वे शक्रपुरोगमाः । मुने मां शरणं जग्मुरनाथा अतिविह्वलाः

atha tadbādhitā devāḥ sarve śakrapurogamāḥ mune māṁ śaraṇaṁ jagmuranāthā ativihvalāḥ

तत्पश्चात् उससे पीड़ित होकर, अनाथ तथा अत्यंत व्याकुल शक्र आदि समस्त देवगण, हे मुने! मेरी शरण में आए।