तारकासुर से भयभीत देवताओं को शिव का सांत्वना-वचन

श्लोक 1 (shiva.rudra.79.1)

ब्रह्मोवाच । अथ ते निर्जराः सर्वे सुप्रणम्य प्रजेश्वरम् । तुष्टुवुः परया भक्त्या तारकेण प्रपीडिताः

brahmovāca atha te nirjarāḥ sarve supraṇamya prajeśvaram tuṣṭuvuḥ parayā bhaktyā tārakeṇa prapīḍitāḥ

ब्रह्मा जी ने कहा — तत्पश्चात् तारक द्वारा पीड़ित वे सभी देवगण मुझ प्रजापति को भलीभाँति प्रणाम कर परम भक्ति के साथ स्तुति करने लगे।

श्लोक 2 (shiva.rudra.79.2)

अहं श्रुत्वामरनुतिं यथार्थां हृदयङ्गमाम् । सुप्रसन्नतरो भूत्वा प्रत्यवोचं दिवौकसः

ahaṁ śrutvāmaranutiṁ yathārthāṁ hṛdayaṅgamām suprasannataro bhūtvā pratyavocaṁ divaukasaḥ

देवताओं की उस यथार्थ तथा हृदयस्पर्शी स्तुति को सुनकर मैं अत्यंत प्रसन्न होकर देवताओं से बोला।

श्लोक 3 (shiva.rudra.79.3)

स्वागतं स्वाधिकारा वै निर्विघ्नाः सन्ति वः सुराः । किमर्थमागता यूयमत्र सर्वे वदन्तु मे

svāgataṁ svādhikārā vai nirvighnāḥ santi vaḥ surāḥ kimarthamāgatā yūyamatra sarve vadantu me

(मैंने कहा —) 'स्वागत है। हे सुरगण! क्या तुम अपने-अपने अधिकार में निर्विघ्न हो? तुम सब यहाँ किस कारण आए हो, मुझे बताओ।'

श्लोक 4 (shiva.rudra.79.4)

इति श्रुत्वा वचो मे ते नत्वा सर्वे दिवौकसः । मामूचुर्नतका दीनास्तारकेण प्रपीडिताः

iti śrutvā vaco me te natvā sarve divaukasaḥ māmūcurnatakā dīnāstārakeṇa prapīḍitāḥ

मेरा यह वचन सुनकर, तारक द्वारा पीड़ित वे सभी दीन देवगण नतमस्तक होकर मुझसे बोले।

श्लोक 5 (shiva.rudra.79.5)

देवा ऊचुः । लोकेश तारको दैत्यो वरेण तव दर्पितः । निरस्यास्मान्हठात्स्थानान्यग्रहीन्नो बलात् स्वयम्

devā ūcuḥ lokeśa tārako daityo vareṇa tava darpitaḥ nirasyāsmānhaṭhātsthānānyagrahīnno balāt svayam

देवताओं ने कहा — हे लोकेश! आपके वर से गर्वित हुआ तारक दैत्य हमें हठपूर्वक हमारे स्थानों से निकालकर स्वयं बलपूर्वक उन्हें ग्रहण कर चुका है।

श्लोक 6 (shiva.rudra.79.6)

भवतः किमु न ज्ञातं दुःखं यन्नः उपस्थितम् । तद्दुःखं नाशय क्षिप्रं वयं ते शरणं गताः

bhavataḥ kimu na jñātaṁ duḥkhaṁ yannaḥ upasthitam tadduḥkhaṁ nāśaya kṣipraṁ vayaṁ te śaraṇaṁ gatāḥ

क्या यह दुःख, जो हम पर आ पड़ा है, आपको ज्ञात नहीं है? इस दुःख को शीघ्र नष्ट कीजिए, हम आपकी शरण में आए हैं।

श्लोक 7 (shiva.rudra.79.7)

अहर्निशं बाधतेऽस्मान् यत्र तत्रास्थितान्स वै । पलायमानाः पश्यामो यत्र तत्रापि तारकम्

aharniśaṁ bādhate'smān yatra tatrāsthitānsa vai palāyamānāḥ paśyāmo yatra tatrāpi tārakam

वह दिन-रात हमें, जहाँ कहीं भी हम रहते हैं, पीड़ित करता है; हम भागते हुए भी जहाँ-तहाँ तारक को ही देखते हैं।

श्लोक 8 (shiva.rudra.79.8)

तारकान्नश्च यद्दुःखं सम्भूतं सकलेश्वर । तेन सर्वे वयं तात पीडिता विकला अति

tārakānnaśca yadduḥkhaṁ sambhūtaṁ sakaleśvara tena sarve vayaṁ tāta pīḍitā vikalā ati

हे सकलेश्वर! तारक से हमें जो दुःख उत्पन्न हुआ है, हे तात! उससे हम सब अत्यंत पीड़ित और व्याकुल हैं।

श्लोक 9 (shiva.rudra.79.9)

अग्निर्यमोऽथ वरुणो निरृतिर्वायुरेव च । अन्ये दिक्पतयश्चापि सर्वे यद्वशगामिनः

agniryamo'tha varuṇo nirṛtirvāyureva ca anye dikpatayaścāpi sarve yadvaśagāminaḥ

अग्नि, यम, वरुण, निऋति तथा वायु, एवं अन्य समस्त दिक्पाल भी उसके अधीन हो गए हैं।

श्लोक 10 (shiva.rudra.79.10)

सर्वे मनुष्यधर्माणःसर्वैः परिकरैर्युताः । सेवन्ते तं महादैत्यं न स्वतन्त्राः कदाचन

sarve manuṣyadharmāṇaḥsarvaiḥ parikarairyutāḥ sevante taṁ mahādaityaṁ na svatantrāḥ kadācana

मनुष्यों के समान कर्तव्यों वाले हम सभी, अपने-अपने समस्त परिवारों सहित, उस महादैत्य की सेवा करते हैं, कभी स्वतंत्र नहीं हैं।

श्लोक 11 (shiva.rudra.79.11)

एवं तेनार्दिता देवा वशगास्तस्य सर्वदा । तदिच्छाकार्यनिरताः सर्वे तस्यानुजीविनः

evaṁ tenārditā devā vaśagāstasya sarvadā tadicchākāryaniratāḥ sarve tasyānujīvinaḥ

इस प्रकार उससे पीड़ित हम देवता सदा उसके वशीभूत रहते हैं, उसकी इच्छानुसार कार्य करने में लगे हुए, सब उसके आश्रित बनकर।

श्लोक 12 (shiva.rudra.79.12)

यावत्यो वनिताः सर्वा ये चाप्यप्सरसां गणाः । सर्वांस्तानग्रहीद्दैत्यस्तारकोऽसौ महाबली

yāvatyo vanitāḥ sarvā ye cāpyapsarasāṁ gaṇāḥ sarvāṁstānagrahīddaityastārako'sau mahābalī

जितनी भी स्त्रियाँ हैं तथा अप्सराओं के जितने भी समूह हैं, उन सबको उस महाबली तारक दैत्य ने अपने अधीन कर लिया है।

श्लोक 13 (shiva.rudra.79.13)

न यज्ञाःसम्प्रवर्तन्ते न तपस्यन्ति तापसाः । दानधर्मादिकं किञ्चिन्न लोकेषु प्रवर्त्तते

na yajñāḥsampravartante na tapasyanti tāpasāḥ dānadharmādikaṁ kiñcinna lokeṣu pravarttate

न यज्ञ हो रहे हैं, न तापस तप कर रहे हैं, न ही लोकों में दान-धर्म आदि कुछ भी प्रचलित है।

श्लोक 14 (shiva.rudra.79.14)

तस्य सेनापतिः क्रौञ्चो महापाप्यस्ति दानवः । स पातालतलं गत्वा बाधते त्वनिशं प्रजाः

tasya senāpatiḥ krauñco mahāpāpyasti dānavaḥ sa pātālatalaṁ gatvā bādhate tvaniśaṁ prajāḥ

उसका सेनापति क्रौंच नामक अत्यंत पापी दानव है, जो पाताल में जाकर वहाँ की प्रजा को निरंतर पीड़ित करता है।

श्लोक 15 (shiva.rudra.79.15)

तेन नस्तारकेणेदं सकलं भुवनत्रयम् । हृतं हठाज्जगद्धातः पापेनाकरुणात्मना

tena nastārakeṇedaṁ sakalaṁ bhuvanatrayam hṛtaṁ haṭhājjagaddhātaḥ pāpenākaruṇātmanā

हे जगद्धातः! उस पापी, निर्दय हृदय वाले तारक द्वारा हमारा यह सम्पूर्ण त्रिभुवन हठपूर्वक छीन लिया गया है।

श्लोक 16 (shiva.rudra.79.16)

वयं च तत्र यास्यामो यत्स्थानं त्वं विनिर्दिशेः । स्वस्थास्तद्वारितास्तेन लोकनाथ सुरारिणा

vayaṁ ca tatra yāsyāmo yatsthānaṁ tvaṁ vinirdiśeḥ svasthāstadvāritāstena lokanātha surāriṇā

हे लोकनाथ! हम वहीं जाएँगे जिस स्थान का आप निर्देश करें, क्योंकि सुरशत्रु उस तारक द्वारा हम अपने ही स्थानों से वंचित कर दिए गए हैं।

श्लोक 17 (shiva.rudra.79.17)

त्वं नो गतिश्च शास्ता च धाता त्राता त्वमेव हि । वयं सर्वे तारकाख्यवह्नौ दग्धाः सुविह्वलाः

tvaṁ no gatiśca śāstā ca dhātā trātā tvameva hi vayaṁ sarve tārakākhyavahnau dagdhāḥ suvihvalāḥ

आप ही हमारी गति हैं, आप ही शासक, धाता और त्राता हैं। हम सब तारक नामक अग्नि में दग्ध होकर अत्यंत व्याकुल हैं।

श्लोक 18 (shiva.rudra.79.18)

तेन क्रूरा उपाय नः सर्वे हतबलाः कृताः । विकारे सान्निपाते वा वीर्यवन्त्यौषधानि च

tena krūrā upāya naḥ sarve hatabalāḥ kṛtāḥ vikāre sānnipāte vā vīryavantyauṣadhāni ca

उस क्रूर द्वारा हम सबका बल इस प्रकार नष्ट कर दिया गया है, जैसे त्रिदोषज सन्निपात में शक्तिशाली औषधियाँ भी निष्प्रभावी हो जाती हैं।

श्लोक 19 (shiva.rudra.79.19)

यत्रास्माकं जयाशा हि हरिचक्रे सुदर्शने । तत्कुण्ठितमभूत्तस्य कण्ठे पुष्पमिवार्पितम्

yatrāsmākaṁ jayāśā hi haricakre sudarśane tatkuṇṭhitamabhūttasya kaṇṭhe puṣpamivārpitam

जिस हरि-चक्र सुदर्शन में हमारी विजय की आशा थी, वह भी उसके सामने कुंठित हो गया, मानो उसके गले में केवल एक पुष्पमाला पहना दी गई हो।

श्लोक 20 (shiva.rudra.79.20)

ब्रह्मोवाच इत्येतद्वचनं श्रुत्वा निर्जराणामहं मुने । प्रत्यवोचं सुरान्सर्वांस्तत्कालसदृशं वचः

brahmovāca ityetadvacanaṁ śrutvā nirjarāṇāmahaṁ mune pratyavocaṁ surānsarvāṁstatkālasadṛśaṁ vacaḥ

ब्रह्मा जी ने कहा — हे मुने! देवताओं के इस वचन को सुनकर मैंने उस समय के अनुरूप उत्तर उन सभी देवताओं को दिया।

श्लोक 21 (shiva.rudra.79.21)

ब्रह्मोवाच ममैव वचसा दैत्यस्तारकाख्यः समेधितः । न मत्तस्तस्य हननं युज्यते हि दिवौकसः

brahmovāca mamaiva vacasā daityastārakākhyaḥ samedhitaḥ na mattastasya hananaṁ yujyate hi divaukasaḥ

ब्रह्मा जी ने कहा — मेरे ही वचन से तारक नामक दैत्य पल्लवित हुआ है। हे देवगण! उसका वध मुझसे होना उचित नहीं है।

श्लोक 22 (shiva.rudra.79.22)

ततो नैव वधो योग्यो यतो वृद्धिमुपागतः । विषवृक्षोऽपि संवर्ध्य स्वयं छेत्तुमसाम्प्रतम्

tato naiva vadho yogyo yato vṛddhimupāgataḥ viṣavṛkṣo'pi saṁvardhya svayaṁ chettumasāmpratam

इसलिए उसका वध करना उचित नहीं है, क्योंकि वह मेरे ही द्वारा वृद्धि को प्राप्त हुआ है। जैसे विषवृक्ष को भी सींचकर स्वयं ही काटना उचित नहीं है।

श्लोक 23 (shiva.rudra.79.23)

युष्माकं चाखिलं कार्यं कर्तुं योग्यो हि शङ्करः । किन्तु स्वयं न शक्तो हि प्रतिकर्तुं प्रचोदितः

yuṣmākaṁ cākhilaṁ kāryaṁ kartuṁ yogyo hi śaṅkaraḥ kintu svayaṁ na śakto hi pratikartuṁ pracoditaḥ

तुम्हारा यह सम्पूर्ण कार्य करने में शंकर ही समर्थ हैं, किन्तु वे स्वयं तब तक कुछ करने में सक्षम नहीं हैं जब तक वे प्रेरित न हों।

श्लोक 24 (shiva.rudra.79.24)

तारकाख्यस्तु पापेन स्वयमेष्यति सङ्क्षयम् । यथा यूयं संविदध्वमुपदेशकरस्त्वहम्

tārakākhyastu pāpena svayameṣyati saṅkṣayam yathā yūyaṁ saṁvidadhvamupadeśakarastvaham

तारक नामक वह असुर अपने ही पाप से स्वयं विनाश को प्राप्त होगा। जैसा मैं बताता हूँ, वैसा ही तुम करो, मैं केवल उपदेशक हूँ।

श्लोक 25 (shiva.rudra.79.25)

न मया तारको वध्यो हरिणापि हरेण च । नान्येनापि सुरैर्वापि मद्वरात्सत्यमुच्यते

na mayā tārako vadhyo hariṇāpi hareṇa ca nānyenāpi surairvāpi madvarātsatyamucyate

तारक न तो मेरे द्वारा, न हरि द्वारा, न हर द्वारा वध्य है; न किसी अन्य द्वारा, न देवताओं द्वारा भी। मेरे ही वर से यह सत्य कहा जा रहा है।

श्लोक 26 (shiva.rudra.79.26)

शिववीर्यसमुत्पन्नो यदि स्यात्तनयः सुराः । स एव तारकाख्यस्य हन्ता दैत्यस्य नापरः

śivavīryasamutpanno yadi syāttanayaḥ surāḥ sa eva tārakākhyasya hantā daityasya nāparaḥ

हे देवगण! यदि शिव के वीर्य से उत्पन्न कोई पुत्र हो, तो वही तारक नामक दैत्य का वधकर्ता होगा, अन्य कोई नहीं।

श्लोक 27 (shiva.rudra.79.27)

यमुपायमहं वच्मि तं कुरुध्वं सुरोत्तमाः । महादेवप्रसादेन सिद्धिमेष्यति स ध्रुवम्

yamupāyamahaṁ vacmi taṁ kurudhvaṁ surottamāḥ mahādevaprasādena siddhimeṣyati sa dhruvam

हे सुरोत्तमों! मैं जो उपाय बताता हूँ, उसे करो; महादेव की कृपा से वह निश्चय ही सिद्ध होगा।

श्लोक 28 (shiva.rudra.79.28)

सती दाक्षायणी पूर्वं त्यक्तदेहा तु याभवत् । सोत्पन्ना मेनकागर्भात्सा कथा विदिता हि वः

satī dākṣāyaṇī pūrvaṁ tyaktadehā tu yābhavat sotpannā menakāgarbhātsā kathā viditā hi vaḥ

दाक्षायणी सती, जिन्होंने पूर्वकाल में देह त्यागी थी, वही अब मेनका के गर्भ से जन्म ले चुकी हैं। यह कथा तुम्हें विदित ही है।

श्लोक 29 (shiva.rudra.79.29)

तस्या अवश्यं गिरिशः करिष्यति करग्रहम् । तत्कुरुध्वमुपायं च तथापि त्रिदिवौकसः

tasyā avaśyaṁ giriśaḥ kariṣyati karagraham tatkurudhvamupāyaṁ ca tathāpi tridivaukasaḥ

गिरीश निश्चय ही उसका पाणिग्रहण करेंगे; तथापि हे त्रिदिवौकसों! तुम इसके लिए उपाय करो।

श्लोक 30 (shiva.rudra.79.30)

तथा विधध्वं सुतरां तस्यां तु परियत्नतः । पार्वत्यां मेनकाजायां रेतःप्रतिनिपातने

tathā vidhadhvaṁ sutarāṁ tasyāṁ tu pariyatnataḥ pārvatyāṁ menakājāyāṁ retaḥpratinipātane

उस मेनका-पुत्री पार्वती में उनके रेत के निपात हेतु तुम पूर्ण प्रयत्न से समुचित व्यवस्था करो।

श्लोक 31 (shiva.rudra.79.31)

तमूर्ध्वरेतसं शम्भुं सैव प्रच्युतरेतसम् । कर्तुं समर्था नान्यास्ति तथा काप्यबला बलात्

tamūrdhvaretasaṁ śambhuṁ saiva pracyutaretasam kartuṁ samarthā nānyāsti tathā kāpyabalā balāt

उस ऊर्ध्वरेता शम्भु को रेतस्खलित करने में समर्थ उसके अतिरिक्त कोई अन्य स्त्री नहीं है, और न ही कोई अबला बलपूर्वक ऐसा कर सकती है।

श्लोक 32 (shiva.rudra.79.32)

सा सुता गिरिराजस्य साम्प्रतं प्रौढयौवना । तपस्यन्तं हिमगिरौ नित्यं संसेवते हरम्

sā sutā girirājasya sāmprataṁ prauḍhayauvanā tapasyantaṁ himagirau nityaṁ saṁsevate haram

पर्वतराज की वह पुत्री अब प्रौढ़ यौवन को प्राप्त हो चुकी है, और हिमगिरि पर तप करते हुए हर की वह नित्य सेवा करती है।

श्लोक 33 (shiva.rudra.79.33)

वाक्याद्धिमवतः काली स्वपितुर्हठतश्शिवा । सखीभ्यां सेवते सार्धं ध्यानस्थं परमेश्वरम्

vākyāddhimavataḥ kālī svapiturhaṭhataśśivā sakhībhyāṁ sevate sārdhaṁ dhyānasthaṁ parameśvaram

हिमवान के वचन से और अपने पिता के हठाग्रह से काली शिवा अपनी दोनों सखियों सहित ध्यानस्थ परमेश्वर की सेवा करती है।

श्लोक 34 (shiva.rudra.79.34)

तामग्रतोऽर्चमानां वै त्रैलोक्ये वरवर्णिनीम् । ध्यानासक्तो महेशो हि मनसापि न हीयते

tāmagrato'rcamānāṁ vai trailokye varavarṇinīm dhyānāsakto maheśo hi manasāpi na hīyate

त्रैलोक्य में सर्वश्रेष्ठ वर्ण वाली उस देवी को अपने समक्ष पूजा करते देखकर भी ध्यानासक्त महेश मन से भी विचलित नहीं होते।

श्लोक 35 (shiva.rudra.79.35)

भार्यां समीहेत यथा स कालीं चन्द्रशेखरः । तथा विधध्वं त्रिदशा न चिरादेव यत्नतः

bhāryāṁ samīheta yathā sa kālīṁ candraśekharaḥ tathā vidhadhvaṁ tridaśā na cirādeva yatnataḥ

हे त्रिदशों! ऐसा प्रयत्नपूर्वक शीघ्र ही करो कि चंद्रशेखर काली को अपनी पत्नी रूप में चाहने लगें।

श्लोक 36 (shiva.rudra.79.36)

स्थानं गत्वाथ दैत्यस्य तमहं तारकं ततः । निवारयिष्ये कुहठात्स्वस्थानं गच्छतामराः

sthānaṁ gatvātha daityasya tamahaṁ tārakaṁ tataḥ nivārayiṣye kuhaṭhātsvasthānaṁ gacchatāmarāḥ

तत्पश्चात् मैं स्वयं उस दैत्य के स्थान पर जाकर तारक को उसकी दुष्ट हठ से रोकूँगा — हे अमरो! अब तुम अपने-अपने स्थान को जाओ।

श्लोक 37 (shiva.rudra.79.37)

इत्युक्त्वाहं सुरान् शीघ्रं तारकाख्यासुरस्य वै । उपसङ्गम्य सुप्रीत्या समाभाष्येदमब्रवम्

ityuktvāhaṁ surān śīghraṁ tārakākhyāsurasya vai upasaṅgamya suprītyā samābhāṣyedamabravam

देवताओं से यह कहकर मैं शीघ्र ही तारक नामक असुर के पास जाकर, बड़े प्रेम से उससे बातचीत कर, यह बोला।

श्लोक 38 (shiva.rudra.79.38)

ब्रह्मोवाच तेजोःसारमिमं स्वर्गं राज्यं त्वं परिपासि नः । यदर्थं सुतपस्तप्तं वाञ्छसि त्वं ततोऽधिकम्

brahmovāca tejoḥsāramimaṁ svargaṁ rājyaṁ tvaṁ paripāsi naḥ yadarthaṁ sutapastaptaṁ vāñchasi tvaṁ tato'dhikam

ब्रह्मा जी ने कहा — यह तेजोमय स्वर्ग-राज्य, जिसके लिए तुमने उत्तम तप किया था, वह अब तुम हमारे लिए पाल ही रहे हो; फिर भी तुम उससे कहीं अधिक की इच्छा करते हो।

श्लोक 39 (shiva.rudra.79.39)

वरश्चाप्यवरो दत्तो न मया स्वर्गराज्यता । तस्मात्स्वर्गं परित्यज्य क्षितौ राज्यं समाचर

varaścāpyavaro datto na mayā svargarājyatā tasmātsvargaṁ parityajya kṣitau rājyaṁ samācara

तथा मैंने जो वर दिया था, वह स्वर्ग-राज्य नहीं था। इसलिए स्वर्ग को त्यागकर पृथ्वी पर राज्य करो।

श्लोक 40 (shiva.rudra.79.40)

देवयोग्यानि तत्रैव कार्याणि निखिलान्यपि । भविष्यन्त्यसुरश्रेष्ठ नात्र कार्या विचारणा

devayogyāni tatraiva kāryāṇi nikhilānyapi bhaviṣyantyasuraśreṣṭha nātra kāryā vicāraṇā

हे असुरश्रेष्ठ! देवताओं के योग्य समस्त कार्य वहीं (स्वर्ग में ही) होते रहेंगे। इस विषय में कोई विचार करने की आवश्यकता नहीं है।

श्लोक 41 (shiva.rudra.79.41)

इत्युक्त्वाहं च सम्बोध्यासुरं तं सकलेश्वरः । स्मृत्वा शिवां च सशिवं तत्रान्तर्धानमागतः

ityuktvāhaṁ ca sambodhyāsuraṁ taṁ sakaleśvaraḥ smṛtvā śivāṁ ca saśivaṁ tatrāntardhānamāgataḥ

यह कहकर उस असुर को समझाकर, मैं सकलेश्वर शिवा और शिव का स्मरण कर वहीं से अंतर्धान हो गया।

श्लोक 42 (shiva.rudra.79.42)

तारकोऽपि परित्यज्य स्वर्गं क्षितिमथाभ्यगात् । शोणिताख्यपुरे स्थित्वा सर्वराज्यं चकार सः

tārako'pi parityajya svargaṁ kṣitimathābhyagāt śoṇitākhyapure sthitvā sarvarājyaṁ cakāra saḥ

तारक भी स्वर्ग को त्यागकर पृथ्वी पर आ गया, और शोणितपुर में स्थित होकर उसने समस्त राज्य का शासन किया।

श्लोक 43 (shiva.rudra.79.43)

देवाःसर्वेऽपि तच्छुत्वा मद्वाक्यं सुप्रणम्य माम् । शक्रस्थानं ययुः प्रीत्या शक्रेण सुसमाहिताः

devāḥsarve'pi tacchutvā madvākyaṁ supraṇamya mām śakrasthānaṁ yayuḥ prītyā śakreṇa susamāhitāḥ

सभी देवगण मेरा यह वचन सुनकर, मुझे भलीभाँति प्रणाम कर, शक्र के साथ सुसंगठित होकर प्रसन्नतापूर्वक शक्र के स्थान को गए।

श्लोक 44 (shiva.rudra.79.44)

तत्र गत्वा मिलित्वा च विचार्य च परस्परम् । ते सर्वे मरुतः प्रीत्या मघवन्तं वचोऽब्रुवन्

tatra gatvā militvā ca vicārya ca parasparam te sarve marutaḥ prītyā maghavantaṁ vaco'bruvan

वहाँ जाकर, मिलकर तथा परस्पर विचार-विमर्श कर, वे समस्त मरुद्गण प्रसन्नतापूर्वक मघवान् (इंद्र) से यह वचन बोले।

श्लोक 45 (shiva.rudra.79.45)

देवा ऊचुः । शम्भोर्यथा शिवायां वै रुचिर्जायेत कामतः । मघवंस्ते प्रकर्तव्यं ब्रह्मोक्तं सर्वमेव तत्

devā ūcuḥ śambhoryathā śivāyāṁ vai rucirjāyeta kāmataḥ maghavaṁste prakartavyaṁ brahmoktaṁ sarvameva tat

देवताओं ने कहा — हे मघवन्! जिस प्रकार शम्भु की रुचि काम के वशीभूत होकर शिवा में उत्पन्न हो, ब्रह्मा द्वारा कहा गया वह सब कुछ आपके द्वारा किया जाना चाहिए।

श्लोक 46 (shiva.rudra.79.46)

ब्रह्मोवाच । इत्येवं सर्ववृत्तान्तं विनिवेद्य सुरेश्वरम् । जग्मुस्ते सर्वतो देवाः स्वं स्वं स्थानं मुदान्विताः

brahmovāca ityevaṁ sarvavṛttāntaṁ vinivedya sureśvaram jagmuste sarvato devāḥ svaṁ svaṁ sthānaṁ mudānvitāḥ

ब्रह्मा जी ने कहा — इस प्रकार सम्पूर्ण वृत्तांत सुरेश्वर इंद्र को निवेदन कर वे सभी देवगण सर्वत्र से हर्षित होकर अपने-अपने स्थान को चले गए।