इन्द्र-कामदेव संवाद

श्लोक 1 (shiva.rudra.80.1)

ब्रह्मोवाच । गतेषु तेषु देवेषु शक्रः सस्मार वै स्मरम् । पीडितस्तारकेनाति दैत्येन च दुरात्मना

brahmovāca gateṣu teṣu deveṣu śakraḥ sasmāra vai smaram pīḍitastārakenāti daityena ca durātmanā

ब्रह्मा ने कहा -- जब वे देवता चले गए, तब दुरात्मा तारकासुर दैत्य से अत्यंत पीड़ित शक्र (इंद्र) ने कामदेव का स्मरण किया।

श्लोक 2 (shiva.rudra.80.2)

आगतस्तत्क्षणात्कामः सवसन्तो रतिप्रियः । सावलेपो युतो रत्या त्रैलोक्यविजयी प्रभुः

āgatastatkṣaṇātkāmaḥ savasanto ratipriyaḥ sāvalepo yuto ratyā trailokyavijayī prabhuḥ

उसी क्षण वसंत और रति-प्रिय काम वहाँ आ पहुँचे, जो अभिमानी, रति सहित और तीनों लोकों के विजेता प्रभु थे।

श्लोक 3 (shiva.rudra.80.3)

प्रणामं च ततः कृत्वा स्थित्वा तत्पुरतः स्मरः । महोन्नतमनास्तात साञ्जलिः शक्रमब्रवीत्

praṇāmaṁ ca tataḥ kṛtvā sthitvā tatpurataḥ smaraḥ mahonnatamanāstāta sāñjaliḥ śakramabravīt

फिर प्रणाम करके, उनके सामने खड़े होकर, अत्यंत उन्नत मन वाले स्मर (काम) ने हाथ जोड़कर शक्र से कहा।

श्लोक 4 (shiva.rudra.80.4)

काम उवाच । किं कार्यं ते समुत्पन्नं स्मृतोऽहं केन हेतुना । तत् त्वं कथय देवेश तत्कर्तुं समुपागतः

kāma uvāca kiṁ kāryaṁ te samutpannaṁ smṛto'haṁ kena hetunā tat tvaṁ kathaya deveśa tatkartuṁ samupāgataḥ

काम ने कहा -- हे देवेश! आपको क्या कार्य उत्पन्न हुआ है, किस कारण से आपने मेरा स्मरण किया? वह मुझे बताइए, मैं उसे करने ही आया हूँ।

श्लोक 5 (shiva.rudra.80.5)

ब्रह्मोवाच । तच्छ्रुत्वा वचनं तस्य कन्दर्पस्य सुरेश्वरः । उवाच वचनं प्रीत्या युक्तं युक्तमिति स्तुवन्

brahmovāca tacchrutvā vacanaṁ tasya kandarpasya sureśvaraḥ uvāca vacanaṁ prītyā yuktaṁ yuktamiti stuvan

ब्रह्मा ने कहा -- कामदेव के इस वचन को सुनकर देवताओं के स्वामी (इंद्र) ने प्रेमपूर्वक, बार-बार उचित कहते हुए स्तुति करते हुए यह वचन कहा।

श्लोक 6 (shiva.rudra.80.6)

शक्र उवाच । तव साधु समारम्भो यन्मे कार्यमुपस्थितम् । तत्कतुर्मुद्यतोऽसि त्वं धन्योऽसि मकरध्वज

śakra uvāca tava sādhu samārambho yanme kāryamupasthitam tatkaturmudyato'si tvaṁ dhanyo'si makaradhvaja

शक्र ने कहा -- हे मकरध्वज! तुम्हारा आना अत्यंत उत्तम है, क्योंकि मेरा कार्य अभी उपस्थित हुआ है। तुम उसे करने के लिए उद्यत हो, इसलिए तुम धन्य हो।

श्लोक 7 (shiva.rudra.80.7)

प्रस्तुतं शृणु मद्वाक्यं कथयामि तवाग्रतः । मदीयं चैव यत्कार्यं त्वदीयं तन्न चान्यथा

prastutaṁ śṛṇu madvākyaṁ kathayāmi tavāgrataḥ madīyaṁ caiva yatkāryaṁ tvadīyaṁ tanna cānyathā

अब मेरा यह प्रस्तुत वचन सुनो, मैं तुम्हारे सामने कहता हूँ -- मेरा जो कार्य है वही तुम्हारा भी है, अन्यथा नहीं।

श्लोक 8 (shiva.rudra.80.8)

मित्राणि मम सन्त्येव बहूनि सुमहान्ति च । परं तु स्मर सन्मित्रं त्वत्तुल्यं न हि कुत्रचित्

mitrāṇi mama santyeva bahūni sumahānti ca paraṁ tu smara sanmitraṁ tvattulyaṁ na hi kutracit

मेरे बहुत से और अत्यंत महान मित्र हैं, परंतु हे स्मर! स्मरण करो, तुम्हारे समान सन्मित्र कहीं भी नहीं है।

श्लोक 9 (shiva.rudra.80.9)

जयार्थं मे द्वयं तात निर्मितं वज्रमुत्तमम् । वज्रं च निष्फलं स्याद्वै त्वं तु नैव कदाचन

jayārthaṁ me dvayaṁ tāta nirmitaṁ vajramuttamam vajraṁ ca niṣphalaṁ syādvai tvaṁ tu naiva kadācana

हे तात! विजय के लिए मैंने दो उत्तम साधन बनाए हैं -- वज्र और तुम। किंतु वज्र तो कभी निष्फल भी हो सकता है, तुम कभी नहीं।

श्लोक 10 (shiva.rudra.80.10)

यतो हितं प्रजायेत ततः को नु प्रियः परः । तस्मान्मित्रवरस्त्वं हि मत्कार्यं कर्तुमर्हसि

yato hitaṁ prajāyeta tataḥ ko nu priyaḥ paraḥ tasmānmitravarastvaṁ hi matkāryaṁ kartumarhasi

जिससे हित उत्पन्न हो, उससे बढ़कर और प्रिय कौन है? इसलिए तुम श्रेष्ठ मित्र होने के नाते मेरा कार्य करने के योग्य हो।

श्लोक 11 (shiva.rudra.80.11)

मम दुःखं समुत्पन्नमसाध्यं चापि कालजम् । केनापि नैव तच्छक्यं दूरीकर्तुं त्वया विना

mama duḥkhaṁ samutpannamasādhyaṁ cāpi kālajam kenāpi naiva tacchakyaṁ dūrīkartuṁ tvayā vinā

मुझे असाध्य और कालजनित दुःख उत्पन्न हुआ है। तुम्हारे बिना किसी के द्वारा भी उसे दूर करना संभव नहीं है।

श्लोक 12 (shiva.rudra.80.12)

दातुः परीक्षा दुर्भिक्षे रणे शूरस्य जायते । आपत्काले तु मित्रस्याशक्तौ स्त्रीणां कुलस्य हि

dātuḥ parīkṣā durbhikṣe raṇe śūrasya jāyate āpatkāle tu mitrasyāśaktau strīṇāṁ kulasya hi

दाता की परीक्षा दुर्भिक्ष में होती है, शूरवीर की परीक्षा युद्ध में होती है, तथा मित्र की परीक्षा विपत्ति के समय, असमर्थ अवस्था में, तथा स्त्रियों और कुल की परीक्षा भी संकट में ही होती है।

श्लोक 13 (shiva.rudra.80.13)

विनये सङ्कटे प्राप्तेऽवितथस्य परोक्षतः । सुस्नेहस्य तथा तात नान्यथा सत्यमीरितम्

vinaye saṅkaṭe prāpte'vitathasya parokṣataḥ susnehasya tathā tāta nānyathā satyamīritam

विनय की परीक्षा संकट आने पर होती है, सत्यनिष्ठ मनुष्य की परीक्षा उसकी अनुपस्थिति में होती है, और हे तात! गाढ़ी मैत्री की परीक्षा भी इसी प्रकार होती है, अन्यथा नहीं -- यह सत्य कहा गया है।

श्लोक 14 (shiva.rudra.80.14)

प्राप्तायां वै ममापत्ताववार्यायां परेण हि । परीक्षा च त्वदीयाद्या मित्रवर्य भविष्यति

prāptāyāṁ vai mamāpattāvavāryāyāṁ pareṇa hi parīkṣā ca tvadīyādyā mitravarya bhaviṣyati

मुझ पर शत्रु द्वारा दी गई यह असह्य विपत्ति आ पड़ी है, जिसका निवारण कठिन है। हे श्रेष्ठ मित्र! अब तुम्हारी ही यह पहली परीक्षा होगी।

श्लोक 15 (shiva.rudra.80.15)

न केवलं मदीयं च कार्यमस्ति सुखावहम् । किं तु सर्वसुरादीनां कार्यमेतन्न संशयः

na kevalaṁ madīyaṁ ca kāryamasti sukhāvaham kiṁ tu sarvasurādīnāṁ kāryametanna saṁśayaḥ

यह केवल मेरा ही सुखदायक कार्य नहीं है, बल्कि यह समस्त देवताओं आदि सबका कार्य है, इसमें कोई संशय नहीं।

श्लोक 16 (shiva.rudra.80.16)

ब्रह्मोवाच । इत्येतन्मघवद्वाक्यं श्रुत्वा तु मकरध्वजाः । उवाच प्रेमगम्भीरं वाक्यं सुस्मितपूर्वकम्

brahmovāca ityetanmaghavadvākyaṁ śrutvā tu makaradhvajāḥ uvāca premagambhīraṁ vākyaṁ susmitapūrvakam

ब्रह्मा ने कहा -- मघवान् (इंद्र) के इस वचन को सुनकर मकरध्वज ने प्रेम से गम्भीर और मधुर मुस्कान के साथ यह वचन कहा।

श्लोक 17 (shiva.rudra.80.17)

काम उवाच । किमर्थमित्थं वदसि नोत्तरं वच्म्यहं तव । उपकृत्कृत्रिमं लोके दृश्यते कथ्यते न च

kāma uvāca kimarthamitthaṁ vadasi nottaraṁ vacmyahaṁ tava upakṛtkṛtrimaṁ loke dṛśyate kathyate na ca

काम ने कहा -- तुम ऐसा क्यों कह रहे हो? इसका मैं तुम्हें कोई उत्तर नहीं दूँगा। लोक में कृत्रिम उपकार तो देखा जाता है, पर सच्चा उपकार कहा नहीं जाता।

श्लोक 18 (shiva.rudra.80.18)

सङ्कटे बहु यो ब्रूते स किं कार्यं करिष्यति । तथापि च महाराज कथयामि शृणु प्रभो

saṅkaṭe bahu yo brūte sa kiṁ kāryaṁ kariṣyati tathāpi ca mahārāja kathayāmi śṛṇu prabho

संकट में जो बहुत बोलता है (आश्वासन देता रहता है), वह कार्य ही क्या करेगा? फिर भी, हे महाराज, हे प्रभो! मैं तुम्हें बताता हूँ, सुनो।

श्लोक 19 (shiva.rudra.80.19)

पदं ते कर्षितुं यो वै तपस्तपति दारुणम् । पातयिष्याम्यहं तं च शत्रुं ते मित्र सर्वथा

padaṁ te karṣituṁ yo vai tapastapati dāruṇam pātayiṣyāmyahaṁ taṁ ca śatruṁ te mitra sarvathā

जो तुम्हारा पद छीनने के लिए भीषण तप कर रहा है, हे मित्र! मैं उस तुम्हारे शत्रु को हर प्रकार से गिरा दूँगा।

श्लोक 20 (shiva.rudra.80.20)

क्षणेन भ्रंशयिष्यामि कटाक्षेण वरस्त्रियाः । देवर्षिदानवादींश्च नराणां गणना न मे

kṣaṇena bhraṁśayiṣyāmi kaṭākṣeṇa varastriyāḥ devarṣidānavādīṁśca narāṇāṁ gaṇanā na me

मैं एक क्षण में ही, किसी सुंदर स्त्री की दृष्टि के कटाक्ष मात्र से (उसे) भ्रष्ट कर सकता हूँ; देवता, ऋषि, दानव आदि की तो बात ही क्या, मनुष्यों की तो मुझे गिनती भी नहीं।

श्लोक 21 (shiva.rudra.80.21)

वज्रं तिष्ठतु दूरे वै शस्त्राण्यन्यान्यनेकशः । किं ते कार्यं करिष्यन्ति मयि मित्र उपस्थिते

vajraṁ tiṣṭhatu dūre vai śastrāṇyanyānyanekaśaḥ kiṁ te kāryaṁ kariṣyanti mayi mitra upasthite

वज्र तो दूर रहे, अन्य अनेक शस्त्र भी दूर रहें -- जब मैं, तुम्हारा मित्र, उपस्थित हूँ, तब वे तुम्हारे लिए क्या कार्य करेंगे?

श्लोक 22 (shiva.rudra.80.22)

ब्रह्माणं वा हरिं वापि भ्रष्टं कुर्यां न संशयः । अन्येषां गणना नास्ति पातयेयं हरं त्वपि

brahmāṇaṁ vā hariṁ vāpi bhraṣṭaṁ kuryāṁ na saṁśayaḥ anyeṣāṁ gaṇanā nāsti pātayeyaṁ haraṁ tvapi

मैं ब्रह्मा को अथवा हरि (विष्णु) को भी भ्रष्ट कर सकता हूँ, इसमें संशय नहीं; औरों की तो गिनती ही नहीं, मैं हर (शिव) को भी गिरा सकता हूँ।

श्लोक 23 (shiva.rudra.80.23)

पञ्चैव मृदवो बाणास्ते च पुष्पमया मम । चापस्त्रिधा पुष्पमयश्शिञ्जिनी भ्रमरार्जिता

pañcaiva mṛdavo bāṇāste ca puṣpamayā mama cāpastridhā puṣpamayaśśiñjinī bhramarārjitā

मेरे पाँच ही कोमल बाण हैं, वे भी पुष्पमय हैं; मेरा धनुष तीन भागों वाला और पुष्पमय है, और उसकी डोरी भ्रमरों से बनी है।

श्लोक 24 (shiva.rudra.80.24)

बलं सुदयिता मे हि वसन्तः सचिवः स्मृतः । अहं पञ्चबलो देव मित्रं मम सुधानिधिः

balaṁ sudayitā me hi vasantaḥ sacivaḥ smṛtaḥ ahaṁ pañcabalo deva mitraṁ mama sudhānidhiḥ

मेरी अत्यंत प्रिय शक्ति वसंत ही है, जो मेरे मंत्री के रूप में स्मरण किए जाते हैं। हे देव! मैं पाँच प्रकार के बल से युक्त हूँ, और मेरा मित्र सुधानिधि (चंद्रमा) है।

श्लोक 25 (shiva.rudra.80.25)

सेनाधिपश्च शृङ्गारो हावभावाश्च सैनिकाः । सर्वे मे मृदवः शक्र अहं चापि तथाविधः

senādhipaśca śṛṅgāro hāvabhāvāśca sainikāḥ sarve me mṛdavaḥ śakra ahaṁ cāpi tathāvidhaḥ

शृंगार मेरा सेनापति है, हाव-भाव मेरे सैनिक हैं; हे शक्र! ये सब मेरे कोमल साधन हैं, और मैं स्वयं भी उसी स्वभाव का हूँ।

श्लोक 26 (shiva.rudra.80.26)

यद्येन पूर्यते कार्यं धीमांस्तत्तेन योजयेत् । मम योग्यं तु यत्कार्यं सर्वं तन्मे नियोजय

yadyena pūryate kāryaṁ dhīmāṁstattena yojayet mama yogyaṁ tu yatkāryaṁ sarvaṁ tanme niyojaya

जिस साधन से जो कार्य पूर्ण होता हो, बुद्धिमान को उसी साधन में उसे लगाना चाहिए। इसलिए जो कार्य मेरे योग्य हो, वह सब मुझे सौंप दो।

श्लोक 27 (shiva.rudra.80.27)

ब्रह्मोवाच । इत्येवं तु वचस्तस्य श्रुत्वा शक्रः सुहर्षितः । उवाच प्रणमन्वाचा कामं कान्तासुखावहम्

brahmovāca ityevaṁ tu vacastasya śrutvā śakraḥ suharṣitaḥ uvāca praṇamanvācā kāmaṁ kāntāsukhāvaham

ब्रह्मा ने कहा -- इस प्रकार उसके इस वचन को सुनकर शक्र अत्यंत हर्षित हुए, और प्रणाम करते हुए कामदेव से, जो स्त्रियों को सुख देने वाला वचन बोलने वाले थे, यह कहा।

श्लोक 28 (shiva.rudra.80.28)

शक्र उवाच । यत्कार्यं मनसोद्दिष्टं मया तात मनोभव । कर्त्तुं तत् त्वं समर्थोऽसि नान्यस्मात्तस्य सम्भवः

śakra uvāca yatkāryaṁ manasoddiṣṭaṁ mayā tāta manobhava karttuṁ tat tvaṁ samartho'si nānyasmāttasya sambhavaḥ

शक्र ने कहा -- हे तात मनोभव! जो कार्य मेरे मन में निश्चित है, उसे करने में तुम ही समर्थ हो; किसी अन्य से वह सम्भव नहीं है।

श्लोक 29 (shiva.rudra.80.29)

शृणु काम प्रवक्ष्यामि यथार्थं मित्रसत्तम । यदर्थे च स्पृहा जाता तव चाद्य मनोभव

śṛṇu kāma pravakṣyāmi yathārthaṁ mitrasattama yadarthe ca spṛhā jātā tava cādya manobhava

हे मित्रश्रेष्ठ काम! सुनो, मैं यथार्थ बात कहता हूँ -- हे मनोभव! जिस कार्य के लिए तुम्हारी इच्छा आज उत्पन्न हुई है, वह यही है।

श्लोक 30 (shiva.rudra.80.30)

तारकाख्यो महादैत्यो ब्रह्मणो वरमद्भुतम् । अभूतजेयः सम्प्राप्य सर्वेषामपि दुःखदः

tārakākhyo mahādaityo brahmaṇo varamadbhutam abhūtajeyaḥ samprāpya sarveṣāmapi duḥkhadaḥ

तारक नाम का महादैत्य ब्रह्मा से अद्भुत वर पाकर अजेय हो गया है और सबको दुःख देने वाला बन गया है।

श्लोक 31 (shiva.rudra.80.31)

तेन सम्पीड्यते लोको नष्टा धर्मा ह्यनेकशः । दुःखिता निर्जराः सर्वे ऋषयश्च तथाखिलाः

tena sampīḍyate loko naṣṭā dharmā hyanekaśaḥ duḥkhitā nirjarāḥ sarve ṛṣayaśca tathākhilāḥ

उसके द्वारा सारा लोक पीड़ित हो रहा है, अनेक धर्म नष्ट हो चुके हैं; अजर देवता भी और समस्त ऋषिगण भी दुःखी हो गए हैं।

श्लोक 32 (shiva.rudra.80.32)

देवैश्च सकलैस्तेन कृतं युद्धं यथाबलम् । सर्वेषां चायुधान्यत्र विफलान्यभवन्पुरा

devaiśca sakalaistena kṛtaṁ yuddhaṁ yathābalam sarveṣāṁ cāyudhānyatra viphalānyabhavanpurā

सभी देवताओं ने अपने-अपने बल के अनुसार उससे युद्ध किया, परंतु उस समय सभी के आयुध वहाँ विफल हो गए।

श्लोक 33 (shiva.rudra.80.33)

भग्नः पाशो जलेशस्य हरिचक्रं सुदर्शनम् । तत्कुण्ठितमभूत्तस्य कण्ठे क्षिप्तं च विष्णुना

bhagnaḥ pāśo jaleśasya haricakraṁ sudarśanam tatkuṇṭhitamabhūttasya kaṇṭhe kṣiptaṁ ca viṣṇunā

जलेश (वरुण) का पाश टूट गया, विष्णु का सुदर्शन चक्र कुण्ठित हो गया, और उसे विष्णु द्वारा (वापस) उसी के गले में डाल दिया गया।

श्लोक 34 (shiva.rudra.80.34)

एतस्य मरणं प्रोक्तं प्रजेशेन दुरात्मनः । शम्भोर्वीर्योद्भवाद्बालान्महायोगीश्वरस्य हि

etasya maraṇaṁ proktaṁ prajeśena durātmanaḥ śambhorvīryodbhavādbālānmahāyogīśvarasya hi

प्रजापति (ब्रह्मा) ने कहा है कि इस दुरात्मा का मरण केवल शंभु के वीर्य से उत्पन्न, महायोगीश्वर के बालक से ही होगा।

श्लोक 35 (shiva.rudra.80.35)

एतत्कार्यं त्वया साधु कर्तव्यं सुप्रयत्नतः । ततःस्यान्मित्रवर्याति देवानां नः परं सुखम्

etatkāryaṁ tvayā sādhu kartavyaṁ suprayatnataḥ tataḥsyānmitravaryāti devānāṁ naḥ paraṁ sukham

यह कार्य तुम्हें ही भली-भांति, पूरे प्रयत्न के साथ करना है; तभी हे श्रेष्ठ मित्र! हम देवताओं को परम सुख प्राप्त होगा।

श्लोक 36 (shiva.rudra.80.36)

ममापि विहितं तस्मात्सर्वलोकसुखावहम् । मित्रधर्मं हृदि स्मृत्वा कर्तुमर्हसि साम्प्रतम्

mamāpi vihitaṁ tasmātsarvalokasukhāvaham mitradharmaṁ hṛdi smṛtvā kartumarhasi sāmpratam

इसलिए यह कार्य, जो समस्त लोक को सुख देने वाला है, मेरे लिए भी विहित है; तुम अपने हृदय में मित्रधर्म का स्मरण करके अभी इसे करने योग्य हो।

श्लोक 37 (shiva.rudra.80.37)

शम्भुःस गिरिराजे हि तपः परममास्थितः । स प्रभुर्नापि कामेन स्वतन्त्रः परमेश्वरः

śambhuḥsa girirāje hi tapaḥ paramamāsthitaḥ sa prabhurnāpi kāmena svatantraḥ parameśvaraḥ

शंभु गिरिराज (हिमालय) के पास परम तप में स्थित हैं; वे प्रभु परमेश्वर हैं, काम के वश में और स्वतंत्र नहीं हैं।

श्लोक 38 (shiva.rudra.80.38)

तत्समीपे च देवार्थं पार्वती स्वसखीयुता । सेवमाना तिष्ठतीति पित्राज्ञप्ता मया श्रुतम्

tatsamīpe ca devārthaṁ pārvatī svasakhīyutā sevamānā tiṣṭhatīti pitrājñaptā mayā śrutam

मैंने सुना है कि उसी के समीप पार्वती अपनी सखियों सहित, अपने पिता की आज्ञा से, देवताओं के हित के लिए उनकी सेवा करती हुई रहती है।

श्लोक 39 (shiva.rudra.80.39)

यथा तस्यां रुचिस्तस्य शिवस्य नियतात्मनः । जायेत नितरां मार तथा कार्यं त्वया ध्रुवम्

yathā tasyāṁ rucistasya śivasya niyatātmanaḥ jāyeta nitarāṁ māra tathā kāryaṁ tvayā dhruvam

हे मार! जिस प्रकार निश्चित रूप से नियतात्मा शिव की रुचि उसी पार्वती में अत्यंत उत्पन्न हो, वह कार्य निश्चय ही तुम्हें करना है।

श्लोक 40 (shiva.rudra.80.40)

इति कृत्वा कृती स्यास्त्वं सर्वं दुःखं विनङ्क्ष्यति । लोके स्थायी प्रतापस्ते भविष्यति न चान्यथा

iti kṛtvā kṛtī syāstvaṁ sarvaṁ duḥkhaṁ vinaṅkṣyati loke sthāyī pratāpaste bhaviṣyati na cānyathā

ऐसा करके तुम कृतकृत्य हो जाओगे, समस्त दुःख नष्ट हो जाएगा; और तुम्हारा प्रताप लोक में सदा स्थायी रहेगा, अन्यथा नहीं।

श्लोक 41 (shiva.rudra.80.41)

ब्रह्मोवाच । इत्युक्तः स तु कामो हि प्रफुल्लमुखपङ्कजः । प्रेम्णोवाचेति देवेशं करिष्यामि न संशयः

brahmovāca ityuktaḥ sa tu kāmo hi praphullamukhapaṅkajaḥ premṇovāceti deveśaṁ kariṣyāmi na saṁśayaḥ

ब्रह्मा ने कहा -- इस प्रकार कहे जाने पर कामदेव का मुखकमल हर्ष से खिल उठा, और उन्होंने प्रेमपूर्वक देवेश (इंद्र) से कहा -- 'मैं निश्चय ही यह करूँगा, इसमें संशय नहीं।'

श्लोक 42 (shiva.rudra.80.42)

इत्युक्त्वा वचनं तस्मै तथेत्योमिति तद्वचः । अग्रहीत्तरसा कामः शिवमायाविमोहितः

ityuktvā vacanaṁ tasmai tathetyomiti tadvacaḥ agrahīttarasā kāmaḥ śivamāyāvimohitaḥ

उससे यह वचन कहकर, 'तथा' और 'ॐ' कहकर, उस वचन को शीघ्रता से स्वीकार करते हुए काम, शिव की माया से मोहित होकर (वहाँ से चल पड़े)।

श्लोक 43 (shiva.rudra.80.43)

यत्र योगीश्वरः साक्षात्तप्यते परमं तपः । जगाम तत्र सुप्रीतः सदारः सवसन्तकः

yatra yogīśvaraḥ sākṣāttapyate paramaṁ tapaḥ jagāma tatra suprītaḥ sadāraḥ savasantakaḥ

जहाँ योगीश्वर स्वयं परम तप कर रहे थे, वहाँ वे अपनी पत्नी (रति) और वसंत सहित अत्यंत प्रसन्न होकर गए।