शिव द्वारा कामदेव का विनाश

श्लोक 1 (shiva.rudra.82.1)

नारद उवाच । ब्रह्मन्विधे महाभाग किं जातं तदनन्तरम् । कथय त्वं प्रसादेन तां कथां पापनाशिनीम्

nārada uvāca brahmanvidhe mahābhāga kiṁ jātaṁ tadanantaram kathaya tvaṁ prasādena tāṁ kathāṁ pāpanāśinīm

नारद ने कहा -- हे महाभाग विधे (ब्रह्मन्)! उसके पश्चात क्या हुआ? कृपापूर्वक वह पापनाशिनी कथा मुझे सुनाइए।

श्लोक 2 (shiva.rudra.82.2)

ब्रह्मोवाच । श्रूयतां सा कथा तात यज्जातं तदनन्तरम् । तव स्नेहात्प्रवक्ष्यामि शिवलीलां मुदावहाम्

brahmovāca śrūyatāṁ sā kathā tāta yajjātaṁ tadanantaram tava snehātpravakṣyāmi śivalīlāṁ mudāvahām

ब्रह्मा ने कहा -- हे तात! सुनो, उसके पश्चात जो हुआ, वह कथा। तुम्हारे स्नेह के कारण मैं वह आनंददायक शिव-लीला कहूँगा।

श्लोक 3 (shiva.rudra.82.3)

धैर्यस्य व्यसनं दृष्ट्वा महायोगी महेश्वरः । विचिचिन्त मनस्येवं विस्मितोऽति ततः परम्

dhairyasya vyasanaṁ dṛṣṭvā mahāyogī maheśvaraḥ vicicinta manasyevaṁ vismito'ti tataḥ param

अपने धैर्य के भंग होने को देखकर महायोगी महेश्वर मन ही मन अत्यंत विस्मित होकर इस प्रकार सोचने लगे।

श्लोक 4 (shiva.rudra.82.4)

शिव उवाच । किमु विघ्नाः समुत्पन्नाः कुर्वतस्तप उत्तमम् । केन मे विकृतं चित्तं कृतमत्र कुकर्मिणा

śiva uvāca kimu vighnāḥ samutpannāḥ kurvatastapa uttamam kena me vikṛtaṁ cittaṁ kṛtamatra kukarmiṇā

शिव ने कहा -- उत्तम तप करते हुए मेरे मार्ग में यह कौन-सा विघ्न उत्पन्न हुआ? किस दुष्ट ने मेरे चित्त को यह विकार पहुँचाया है?

श्लोक 5 (shiva.rudra.82.5)

कुवर्णनं मया प्रीत्या परस्त्र्युपरि वै कृतम् । जातो धर्मविरोधोऽत्र श्रुतिसीमा विलङ्घिता

kuvarṇanaṁ mayā prītyā parastryupari vai kṛtam jāto dharmavirodho'tra śrutisīmā vilaṅghitā

मैंने प्रेमवश दूसरे की स्त्री के अंगों का वर्णन किया -- यहाँ धर्म का विरोध उत्पन्न हो गया, श्रुति की मर्यादा का उल्लंघन हो गया।

श्लोक 6 (shiva.rudra.82.6)

ब्रह्मोवाच । विचिन्त्येत्थं महायोगी परमेशः सतां गतिः । दिशो विलोकयामास परितः शङ्कितस्तदा

brahmovāca vicintyetthaṁ mahāyogī parameśaḥ satāṁ gatiḥ diśo vilokayāmāsa paritaḥ śaṅkitastadā

ब्रह्मा ने कहा -- सत्पुरुषों की गति, वे परमेश्वर महायोगी इस प्रकार विचार करके, शंकित होकर चारों दिशाओं में चारों ओर देखने लगे।

श्लोक 7 (shiva.rudra.82.7)

वामभागे स्थितं कामं ददर्शाकृष्टबाणकम् । स्वशरं क्षेप्तुकामं हि गर्वितं मूढचेतसम्

vāmabhāge sthitaṁ kāmaṁ dadarśākṛṣṭabāṇakam svaśaraṁ kṣeptukāmaṁ hi garvitaṁ mūḍhacetasam

उन्होंने अपने बाएँ भाग में स्थित काम को देखा, जिसने बाण खींच रखा था, जो गर्वित और मूढ़चित्त होकर अपना बाण छोड़ना चाहता था।

श्लोक 8 (shiva.rudra.82.8)

तं दृष्ट्वा तादृशं कामं गिरीशस्य परात्मनः । सञ्जातः क्रोधसम्मर्दस्तत्क्षणादपि नारद

taṁ dṛṣṭvā tādṛśaṁ kāmaṁ girīśasya parātmanaḥ sañjātaḥ krodhasammardastatkṣaṇādapi nārada

हे नारद! उस परमात्मा गिरीश ने काम को उस अवस्था में देखते ही उसी क्षण उनमें अत्यंत क्रोध उत्पन्न हो गया।

श्लोक 9 (shiva.rudra.82.9)

कामः स्थितोऽन्तरिक्षे स धृत्वा तत्सशरं धनुः । चिक्षेपास्त्रं दुर्निवारममोघं शङ्करे मुने

kāmaḥ sthito'ntarikṣe sa dhṛtvā tatsaśaraṁ dhanuḥ cikṣepāstraṁ durnivāramamoghaṁ śaṅkare mune

आकाश में स्थित काम ने बाण सहित उस धनुष को धारण करके शंकर के प्रति अपना दुर्निवार्य, अमोघ अस्त्र छोड़ दिया, हे मुने!

श्लोक 10 (shiva.rudra.82.10)

बभूवामोघमस्त्रं तु मोघं तत्परमात्मनि । समशाम्यत्ततस्तस्मिन्सङ्क्रुद्धे परमेश्वरे

babhūvāmoghamastraṁ tu moghaṁ tatparamātmani samaśāmyattatastasminsaṅkruddhe parameśvare

वह अमोघ अस्त्र भी उस परमात्मा में जाकर मोघ (व्यर्थ) हो गया; और जैसे-जैसे परमेश्वर क्रुद्ध होते गए, वैसे-वैसे वह उन्हीं में शांत हो गया।

श्लोक 11 (shiva.rudra.82.11)

मोघीभूते शिवे स्वेऽस्त्रे भयमापाशु मन्मथः । चकम्पे च पुरः स्थित्वा दृष्ट्वा मृत्युञ्जयं प्रभुम्

moghībhūte śive sve'stre bhayamāpāśu manmathaḥ cakampe ca puraḥ sthitvā dṛṣṭvā mṛtyuñjayaṁ prabhum

अपना अस्त्र शिव में व्यर्थ हुआ देखकर मन्मथ को तत्क्षण भय व्याप्त हो गया; उस मृत्युंजय प्रभु को सामने खड़ा देखकर वह कांप उठा।

श्लोक 12 (shiva.rudra.82.12)

सस्मार त्रिदशान्सर्वान्शक्रादीन्भयविह्वलः । स स्मरो मुनिशार्दूल स्वप्रयासे निरर्थके

sasmāra tridaśānsarvānśakrādīnbhayavihvalaḥ sa smaro muniśārdūla svaprayāse nirarthake

हे मुनिश्रेष्ठ! भय से विह्वल होकर उस स्मर ने, अपना प्रयास निष्फल जानकर, इंद्र आदि समस्त तैंतीस देवताओं का स्मरण किया।

श्लोक 13 (shiva.rudra.82.13)

कामेन सुस्मृता देवाः शक्राद्यास्ते मुनीश्वर । आययुः सकलास्ते हि शम्भुं नत्वा च तुष्टुवुः

kāmena susmṛtā devāḥ śakrādyāste munīśvara āyayuḥ sakalāste hi śambhuṁ natvā ca tuṣṭuvuḥ

हे मुनीश्वर! काम द्वारा भली-भांति स्मरण किए गए वे इंद्र आदि सभी देवता वहाँ आए और शंभु को प्रणाम करके उनकी स्तुति करने लगे।

श्लोक 14 (shiva.rudra.82.14)

स्तुतिं कुर्वत्सु देवेषु क्रुद्धस्याति हरस्य हि । तृतीयात्तस्य नेत्राद्वै निस्ससार ततो महान्

stutiṁ kurvatsu deveṣu kruddhasyāti harasya hi tṛtīyāttasya netrādvai nissasāra tato mahān

देवताओं के स्तुति करते रहने के दौरान ही अत्यंत क्रुद्ध हर के तीसरे नेत्र से एक महान तेज उस समय निकला।

श्लोक 15 (shiva.rudra.82.15)

ललाटमध्यगात्तस्मात्सवह्निर्द्रुतसम्भवः । जज्वालोर्ध्वशिखो दीप्तः प्रलयाग्निसमप्रभः

lalāṭamadhyagāttasmātsavahnirdrutasambhavaḥ jajvālordhvaśikho dīptaḥ pralayāgnisamaprabhaḥ

उनके ललाट के मध्य से अग्नि सहित शीघ्रता से उत्पन्न वह ऊर्ध्वशिखा वाला तेज प्रलयाग्नि के समान प्रकाशमान होकर प्रज्वलित हो उठा।

श्लोक 16 (shiva.rudra.82.16)

उत्पत्य गगने तूर्णं निपत्य धरणी तले । भ्रामं भ्रामं स्वपरितः पपात मेदिनीं परि

utpatya gagane tūrṇaṁ nipatya dharaṇī tale bhrāmaṁ bhrāmaṁ svaparitaḥ papāta medinīṁ pari

वह आकाश में शीघ्र उठकर, फिर पृथ्वीतल पर गिरकर, चारों ओर घूमता-घूमता समस्त धरती पर छा गया।

श्लोक 17 (shiva.rudra.82.17)

भस्मसात्कृतवान्साधो मदनं तावदेव हि । यावच्च मरुतां वाचः क्षम्यतां क्षम्यतामिति

bhasmasātkṛtavānsādho madanaṁ tāvadeva hi yāvacca marutāṁ vācaḥ kṣamyatāṁ kṣamyatāmiti

हे साधो! उसने उतने ही समय में मदन को भस्म कर दिया जितने समय में मरुद्गण 'क्षमा करो, क्षमा करो' -- इतना ही कह पाए।

श्लोक 18 (shiva.rudra.82.18)

हते तस्मिन्स्मरे वीरे देव दुःखमुपागताः । रुरुदुर्विह्वलाश्चातिक्रोशन्तः किमभूदिति

hate tasminsmare vīre deva duḥkhamupāgatāḥ rurudurvihvalāścātikrośantaḥ kimabhūditi

वह वीर स्मर मारा गया, तब देवता दुःख को प्राप्त हो गए; व्याकुल होकर रोने लगे और 'यह क्या हो गया' कहकर विलाप करने लगे।

श्लोक 19 (shiva.rudra.82.19)

श्वेताङ्गा विकृतात्मा च गिरिराजसुता तदा । जगाम मन्दिरं स्वं च समादाय सखीजनम्

śvetāṅgā vikṛtātmā ca girirājasutā tadā jagāma mandiraṁ svaṁ ca samādāya sakhījanam

तब श्वेत अंगों वाली, विकृत चित्त हुई गिरिराजसुता (पार्वती) अपनी सखियों को साथ लेकर अपने भवन को चली गईं।

श्लोक 20 (shiva.rudra.82.20)

क्षणमात्रं रतिस्तत्र विसंज्ञा साभवत्तदा । भर्तृमृत्युजदुःखेन पतिता सा मृता इव

kṣaṇamātraṁ ratistatra visaṁjñā sābhavattadā bhartṛmṛtyujaduḥkhena patitā sā mṛtā iva

रति उस समय क्षणभर के लिए वहाँ चेतनाशून्य हो गई; अपने पति की मृत्यु के दुःख से वह मानो मृत होकर गिर पड़ी।

श्लोक 21 (shiva.rudra.82.21)

जातायां चैव संज्ञायां रतिरत्यन्तविह्वला । विललाप तदा तत्रोच्चरन्ती विविधं वचः

jātāyāṁ caiva saṁjñāyāṁ ratiratyantavihvalā vilalāpa tadā tatroccarantī vividhaṁ vacaḥ

जब उसकी चेतना लौटी, तब रति अत्यंत विह्वल होकर वहाँ विविध प्रकार के वचन बोलती हुई विलाप करने लगी।

श्लोक 22 (shiva.rudra.82.22)

रतिरुवाच । किं करोमि क्व गच्छामि किं कृतं दैवतैरिह । मत्स्वामिनं समाहूय नाशयामासुरुद्धतम्

ratiruvāca kiṁ karomi kva gacchāmi kiṁ kṛtaṁ daivatairiha matsvāminaṁ samāhūya nāśayāmāsuruddhatam

रति ने कहा -- मैं क्या करूँ, कहाँ जाऊँ? देवताओं ने यहाँ यह क्या कर डाला! मेरे स्वामी को बुलाकर उन्हें अभिमानपूर्वक नष्ट कर डाला।

श्लोक 23 (shiva.rudra.82.23)

हा हा नाथ स्मर स्वामिन्प्राणप्रिय सुखप्रद । इदं तु किमभूदत्र हा हा प्रिय प्रियेति च

hā hā nātha smara svāminprāṇapriya sukhaprada idaṁ tu kimabhūdatra hā hā priya priyeti ca

हा हा नाथ! हे स्मर! हे स्वामी! हे प्राणप्रिय! हे सुखदाता! यहाँ यह क्या हो गया? हा हा प्रिय! हा प्रिय!

श्लोक 24 (shiva.rudra.82.24)

ब्रह्मोवाच । इत्थं विलपती सा तु वदन्ती बहुधा वचः । हस्तौ पादौ तदास्फाल्य केशानत्रोटयत्तदा

brahmovāca itthaṁ vilapatī sā tu vadantī bahudhā vacaḥ hastau pādau tadāsphālya keśānatroṭayattadā

ब्रह्मा ने कहा -- इस प्रकार विलाप करती हुई, अनेक प्रकार से बोलती हुई, वह उस समय अपने हाथ-पैर पटकने लगी और अपने बाल नोचने लगी।

श्लोक 25 (shiva.rudra.82.25)

तद्विलापं तदा श्रुत्वा तत्र सर्वे वनेचराः । अभवन्दुःखिताः सर्वे स्थावरा अपि नारद

tadvilāpaṁ tadā śrutvā tatra sarve vanecarāḥ abhavanduḥkhitāḥ sarve sthāvarā api nārada

हे नारद! उसके उस विलाप को सुनकर वहाँ के सभी वनचर प्राणी, यहाँ तक कि स्थावर (अचल) वस्तुएँ भी, दुःखी हो उठे।

श्लोक 26 (shiva.rudra.82.26)

एतस्मिन्नन्तरे तत्र देवाः शक्रादयोऽखिलाः । रतिमूचुः समाश्वास्य संस्मरन्तो महेश्वरम्

etasminnantare tatra devāḥ śakrādayo'khilāḥ ratimūcuḥ samāśvāsya saṁsmaranto maheśvaram

इसी बीच वहाँ इंद्र आदि समस्त देवता महेश्वर का स्मरण करते हुए रति को सांत्वना देने लगे।

श्लोक 27 (shiva.rudra.82.27)

देवा ऊचुः । किञ्चिद्भस्म गृहीत्वा तु रक्ष यत्नाद्भयं त्यज । जीवयिष्यति स स्वामी लप्स्यसे त्वं पुनः प्रियम्

devā ūcuḥ kiñcidbhasma gṛhītvā tu rakṣa yatnādbhayaṁ tyaja jīvayiṣyati sa svāmī lapsyase tvaṁ punaḥ priyam

देवताओं ने कहा -- कुछ भस्म लेकर उसे यत्नपूर्वक सुरक्षित रखो, भय त्याग दो; वह स्वामी उन्हें जीवित करेंगे और तुम फिर अपने प्रिय को पाओगी।

श्लोक 28 (shiva.rudra.82.28)

सुखदाता न कोऽप्यस्ति दुःखदाता न कश्चन । सर्वोऽपि स्वकृतं भुङ्क्ते देवान् शोचसि वै वृथा

sukhadātā na ko'pyasti duḥkhadātā na kaścana sarvo'pi svakṛtaṁ bhuṅkte devān śocasi vai vṛthā

न कोई सुख देने वाला है, न कोई दुःख देने वाला है; सभी अपने ही किए हुए कर्म को भोगते हैं, तुम व्यर्थ ही देवताओं को दोष दे रही हो।

श्लोक 29 (shiva.rudra.82.29)

ब्रह्मोवाच । इत्याश्वास्य रतिं देवाः सर्वे शिवमुपागताः । सुप्रसाद्य शिवं भक्त्या वचनं चेदमब्रुवन्

brahmovāca ityāśvāsya ratiṁ devāḥ sarve śivamupāgatāḥ suprasādya śivaṁ bhaktyā vacanaṁ cedamabruvan

ब्रह्मा ने कहा -- इस प्रकार रति को सांत्वना देकर सभी देवता शिव के पास गए और भक्तिपूर्वक शिव को भली-भांति प्रसन्न करके यह वचन कहा।

श्लोक 30 (shiva.rudra.82.30)

देवा ऊचुः । भगवन् श्रूयतामेतद्वचनं नः शुभं प्रभो । कृपां कृत्वा महेशान शरणागतवत्सल

devā ūcuḥ bhagavan śrūyatāmetadvacanaṁ naḥ śubhaṁ prabho kṛpāṁ kṛtvā maheśāna śaraṇāgatavatsala

देवताओं ने कहा -- हे भगवन्! हे प्रभो! हमारा यह शुभ वचन सुनिए। हे महेश! शरणागतवत्सल! कृपा कीजिए।

श्लोक 31 (shiva.rudra.82.31)

सुविचारय सुप्रीत्या कृतिं कामस्य शङ्कर । कामेनैतत्कृतं यत्र न स्वार्थं तन्महेश्वर

suvicāraya suprītyā kṛtiṁ kāmasya śaṅkara kāmenaitatkṛtaṁ yatra na svārthaṁ tanmaheśvara

हे शंकर! काम के इस कृत्य पर प्रेमपूर्वक भली-भांति विचार कीजिए; हे महेश्वर! काम ने जो यह किया, वह अपने स्वार्थ के लिए नहीं किया।

श्लोक 32 (shiva.rudra.82.32)

दुष्टेन पीडितैर्देवैस्तारकेणाखिलैर्विभो । कर्म तत्कारितं नाथ नान्यथा विद्धि शङ्कर

duṣṭena pīḍitairdevaistārakeṇākhilairvibho karma tatkāritaṁ nātha nānyathā viddhi śaṅkara

हे विभो! दुष्ट तारकासुर से पीड़ित हम समस्त देवताओं ने ही, हे नाथ! यह कार्य उससे कराया है -- हे शंकर! इसे अन्यथा मत समझिए।

श्लोक 33 (shiva.rudra.82.33)

रतिरेकाकिनी देव विलापं दुःखिता सती । करोति गिरिश त्वं च तामाश्वासय सर्वद

ratirekākinī deva vilāpaṁ duḥkhitā satī karoti giriśa tvaṁ ca tāmāśvāsaya sarvada

हे देव! रति अकेली, दुःखिनी और सती होकर विलाप कर रही है; हे गिरीश! आप ही उसे सदा के लिए सांत्वना दीजिए।

श्लोक 34 (shiva.rudra.82.34)

संहारं कर्तुकामोऽसि क्रोधेनानेन शङ्कर । दैवतैः सह सर्वेषां हतवांस्तं यदि स्मरम्

saṁhāraṁ kartukāmo'si krodhenānena śaṅkara daivataiḥ saha sarveṣāṁ hatavāṁstaṁ yadi smaram

हे शंकर! यदि आप इस क्रोध से समस्त देवताओं सहित संहार करना चाहते हैं, तो आपने तो स्मर को मारकर वह कर ही दिया है।

श्लोक 35 (shiva.rudra.82.35)

दुःखं तस्या रतेर्दृष्ट्वा नष्टप्रायाश्च देवताः । तस्मात्त्वया च कर्तव्यं रत्याश्शोकापनोदनम्

duḥkhaṁ tasyā raterdṛṣṭvā naṣṭaprāyāśca devatāḥ tasmāttvayā ca kartavyaṁ ratyāśśokāpanodanam

रति के इस दुःख को देखकर देवता भी नष्टप्राय हो गए हैं; इसलिए आपको ही रति के शोक को दूर करना चाहिए।

श्लोक 36 (shiva.rudra.82.36)

ब्रह्मोवाच । इत्याकर्ण्य वचस्तेषां प्रसन्नो भगवान् शिवः । देवानां सकलानां च वचनं चेदमब्रवीत्

brahmovāca ityākarṇya vacasteṣāṁ prasanno bhagavān śivaḥ devānāṁ sakalānāṁ ca vacanaṁ cedamabravīt

ब्रह्मा ने कहा -- उनके इस वचन को सुनकर भगवान शिव प्रसन्न हो गए, और उन्होंने समस्त देवताओं से यह वचन कहा।

श्लोक 37 (shiva.rudra.82.37)

शिव उवाच । देवाश्च ऋषयः सर्वे मद्वचः शृणुतादरात् । मत्कोपेन च यज्जातं तत्तथा नान्यथा भवेत्

śiva uvāca devāśca ṛṣayaḥ sarve madvacaḥ śṛṇutādarāt matkopena ca yajjātaṁ tattathā nānyathā bhavet

शिव ने कहा -- हे देवताओ और समस्त ऋषियो! मेरा वचन आदरपूर्वक सुनो; मेरे क्रोध से जो हुआ है, वह वैसा ही रहेगा, अन्यथा नहीं होगा।

श्लोक 38 (shiva.rudra.82.38)

अनङ्गस्तावदेव स्यात्कामो रतिपतिः प्रभुः । यावच्चावतरेत्कृष्णो धरण्यां रुक्मिणीपतिः

anaṅgastāvadeva syātkāmo ratipatiḥ prabhuḥ yāvaccāvataretkṛṣṇo dharaṇyāṁ rukmiṇīpatiḥ

काम, जो रति के स्वामी और प्रभु हैं, तब तक अनंग (शरीररहित) ही रहेंगे, जब तक कि रुक्मिणी के स्वामी कृष्ण पृथ्वी पर अवतार नहीं लेते।

श्लोक 39 (shiva.rudra.82.39)

द्वारकायां यदा स्थित्वा पुत्रानुत्पादयिष्यति । तदा कृष्णस्तु रुक्मिण्यां काममुत्पादयिष्यति

dvārakāyāṁ yadā sthitvā putrānutpādayiṣyati tadā kṛṣṇastu rukmiṇyāṁ kāmamutpādayiṣyati

जब द्वारका में स्थित होकर वे पुत्रों को जन्म देंगे, तब कृष्ण रुक्मिणी में काम को उत्पन्न करेंगे।

श्लोक 40 (shiva.rudra.82.40)

प्रद्युम्नं नाम तस्यैव भविष्यति न संशयः । जातमात्रं तु तं पुत्रं शम्बरः संहरिष्यति

pradyumnaṁ nāma tasyaiva bhaviṣyati na saṁśayaḥ jātamātraṁ tu taṁ putraṁ śambaraḥ saṁhariṣyati

उसका नाम निश्चय ही प्रद्युम्न होगा; परंतु उस पुत्र के जन्म लेते ही शम्बर उसका हरण कर लेगा।

श्लोक 41 (shiva.rudra.82.41)

हृत्वा प्रास्य समुद्रं तं शम्बरो दानवोत्तमः । मृतं ज्ञात्वा वृथा मूढो नगरं स्वं गमिष्यति

hṛtvā prāsya samudraṁ taṁ śambaro dānavottamaḥ mṛtaṁ jñātvā vṛthā mūḍho nagaraṁ svaṁ gamiṣyati

दानवश्रेष्ठ शम्बर उसका हरण करके समुद्र में फेंक देगा, और मूढ़ होकर उसे मृत समझकर वृथा ही अपने नगर को लौट जाएगा।

श्लोक 42 (shiva.rudra.82.42)

तावच्च नगरं तस्य रते स्थेयं यथासुखम् । तत्रैव स्वपतेः प्राप्तिः प्रद्युम्नस्य भविष्यति

tāvacca nagaraṁ tasya rate stheyaṁ yathāsukham tatraiva svapateḥ prāptiḥ pradyumnasya bhaviṣyati

हे रति! तब तक तुम भी सुखपूर्वक उसी नगर में रहना; वहीं तुम्हें अपने पति प्रद्युम्न की प्राप्ति होगी।

श्लोक 43 (shiva.rudra.82.43)

तत्र कामो मिलित्वा तं हत्वा शम्बरमाहवे । भविष्यति सुखी देवाः प्रद्युम्नाख्यः स्वकामिनीम्

tatra kāmo militvā taṁ hatvā śambaramāhave bhaviṣyati sukhī devāḥ pradyumnākhyaḥ svakāminīm

वहाँ काम मिलकर युद्ध में शम्बर का वध करेगा और, हे देवताओ! प्रद्युम्न नाम से सुखी होकर अपनी प्रिया को प्राप्त करेगा।

श्लोक 44 (shiva.rudra.82.44)

तदीयं चैव यद् द्रव्यं नीत्वा स नगरं पुनः । गमिष्यति तया सार्धं देवाः सत्यं वचो मम

tadīyaṁ caiva yad dravyaṁ nītvā sa nagaraṁ punaḥ gamiṣyati tayā sārdhaṁ devāḥ satyaṁ vaco mama

उसका ही जो धन है, उसे लेकर वह उसी नगर को पुनः, उसके साथ ही, लौट जाएगा; हे देवताओ! यह मेरा सत्य वचन है।

श्लोक 45 (shiva.rudra.82.45)

ब्रह्मोवाच । इति श्रुत्वा वचः शम्भोर्देवा ऊचुः प्रणम्य तम् । किञ्चिदुच्छ्वसिताश्चित्ते करौ बद्ध्वा नताङ्गकाः

brahmovāca iti śrutvā vacaḥ śambhordevā ūcuḥ praṇamya tam kiñciducchvasitāścitte karau baddhvā natāṅgakāḥ

ब्रह्मा ने कहा -- शंभु के इस वचन को सुनकर देवताओं ने उन्हें प्रणाम किया; चित्त में कुछ राहत पाकर, हाथ जोड़कर, अंग झुकाकर वे बोले।

श्लोक 46 (shiva.rudra.82.46)

देवा ऊचुः । देवदेव महादेव करुणासागर प्रभो । शीघ्रं जीवय कामं त्वं रक्ष प्राणान् रतेर्हर

devā ūcuḥ devadeva mahādeva karuṇāsāgara prabho śīghraṁ jīvaya kāmaṁ tvaṁ rakṣa prāṇān raterhara

देवताओं ने कहा -- हे देवाधिदेव! हे महादेव! हे करुणासागर! हे प्रभो! शीघ्र ही काम को जीवित कीजिए, उसके प्राण रक्षित कीजिए, रति का दुःख हर लीजिए।

श्लोक 47 (shiva.rudra.82.47)

ब्रह्मोवाच । इत्याकर्ण्यामरवचः प्रसन्नः परमेश्वरः । पुनर्बभाषे करुणासागरः सकलेश्वरः

brahmovāca ityākarṇyāmaravacaḥ prasannaḥ parameśvaraḥ punarbabhāṣe karuṇāsāgaraḥ sakaleśvaraḥ

ब्रह्मा ने कहा -- देवताओं के इस वचन को सुनकर, करुणासागर, समस्त लोकों के स्वामी वे परमेश्वर प्रसन्न होकर पुनः बोले।

श्लोक 48 (shiva.rudra.82.48)

शिव उवाच । हे देवाः सुप्रसन्नोऽस्मि जीवयिष्यामि चान्तरे । कामः स मद्गणो भूत्वा विहरिष्यति नित्यशः

śiva uvāca he devāḥ suprasanno'smi jīvayiṣyāmi cāntare kāmaḥ sa madgaṇo bhūtvā vihariṣyati nityaśaḥ

शिव ने कहा -- हे देवताओ! मैं अत्यंत प्रसन्न हूँ, मैं शीघ्र ही उसे भीतर ही भीतर (अदृश्य रूप में) जीवित कर दूँगा। काम मेरा ही गण होकर सदा विचरण करेगा।

श्लोक 49 (shiva.rudra.82.49)

नाख्येयमिदमाख्यानं कस्यचित्पुरतः सुराः । गच्छत स्वस्थलं दुखं नाशयिष्यामि सर्वतः

nākhyeyamidamākhyānaṁ kasyacitpurataḥ surāḥ gacchata svasthalaṁ dukhaṁ nāśayiṣyāmi sarvataḥ

यह वृत्तांत किसी के भी सामने नहीं कहा जाना चाहिए, हे देवताओ! तुम सब अपने-अपने स्थान को जाओ, मैं सब ओर से इस दुःख को नष्ट कर दूँगा।

श्लोक 50 (shiva.rudra.82.50)

ब्रह्मोवाच । इत्युक्त्वान्तर्दधे रुद्रो देवानां स्तुवतां तदा । सर्वे देवाः सुप्रसन्ना बभूवुर्गतविस्मयाः

brahmovāca ityuktvāntardadhe rudro devānāṁ stuvatāṁ tadā sarve devāḥ suprasannā babhūvurgatavismayāḥ

ब्रह्मा ने कहा -- यह कहकर रुद्र वहीं से अंतर्धान हो गए, जबकि देवता उनकी स्तुति ही कर रहे थे; तब सभी देवता अत्यंत प्रसन्न होकर विस्मय-रहित हो गए।

श्लोक 51 (shiva.rudra.82.51)

ततस्तां च समाश्वास्य रुद्रस्य वचने स्थिताः । उक्त्वा वचस्तदीयं च स्वं स्वं धाम ययुर्मुने

tatastāṁ ca samāśvāsya rudrasya vacane sthitāḥ uktvā vacastadīyaṁ ca svaṁ svaṁ dhāma yayurmune

फिर उसे (रति को) सांत्वना देकर तथा रुद्र के वचन में स्थिर रहकर, हे मुने! उन्हें उनका वचन बताकर, सब अपने-अपने धाम को चले गए।

श्लोक 52 (shiva.rudra.82.52)

कामपत्नी समादिष्टं नगरं सा गता तदा । प्रतीक्षमाणा तं कालं रुद्रादिष्टं मुनीश्वर

kāmapatnī samādiṣṭaṁ nagaraṁ sā gatā tadā pratīkṣamāṇā taṁ kālaṁ rudrādiṣṭaṁ munīśvara

तब काम की पत्नी (रति) उस नियत नगर को चली गई, और हे मुनीश्वर! रुद्र द्वारा बताए गए उस समय की प्रतीक्षा करने लगी।