ब्रह्मचारी के प्रतारक वचन

श्लोक 1 (shiva.rudra.90.1)

पार्वत्युवाच । शृणु द्विजेन्द्र जटिल मद्वृत्तं निखिलं खलु । सख्युक्तं मेऽद्य यत्सत्यं तत्तथैव न चान्यथा

pārvatyuvāca śṛṇu dvijendra jaṭila madvṛttaṁ nikhilaṁ khalu sakhyuktaṁ me'dya yatsatyaṁ tattathaiva na cānyathā

पार्वती ने कहा -- "हे द्विजेन्द्र जटिल! सुनिए, मेरा सम्पूर्ण वृत्तान्त वास्तव में वैसा ही है; आज सखी ने जो कहा वह सत्य है, वैसा ही है, अन्यथा नहीं।"

श्लोक 2 (shiva.rudra.90.2)

मनसा वचसा साक्षात्कर्मणा पतिभावतः । सत्यं ब्रवीमि नोऽसत्यं वृतो वै शङ्करो मया

manasā vacasā sākṣātkarmaṇā patibhāvataḥ satyaṁ bravīmi no'satyaṁ vṛto vai śaṅkaro mayā

"मन से, वचन से और साक्षात् कर्म से, पत्नी-भाव से मैं सत्य कहती हूँ, असत्य नहीं -- शंकर को ही मैंने वरण किया है।"

श्लोक 3 (shiva.rudra.90.3)

जानामि दुर्लभं वस्तु कथम्प्राप्यं मया भवेत् । तथापि मन औत्सुक्यात्तप्यतेऽद्य तपो मया

jānāmi durlabhaṁ vastu kathamprāpyaṁ mayā bhavet tathāpi mana autsukyāttapyate'dya tapo mayā

"मैं जानती हूँ कि वे दुर्लभ वस्तु हैं, मुझे किस प्रकार प्राप्त हों? फिर भी मन की उत्सुकता से आज मैं यह तप कर रही हूँ।"

श्लोक 4 (shiva.rudra.90.4)

ब्रह्मोवाच । इत्युक्त्वा वचनं तस्मै स्थिता सा गिरिजा तदा । उवाच ब्राह्मणस्तत्र तच्छ्रुत्वा पार्वतीवचः

brahmovāca ityuktvā vacanaṁ tasmai sthitā sā girijā tadā uvāca brāhmaṇastatra tacchrutvā pārvatīvacaḥ

ब्रह्मा ने कहा -- "यह वचन कहकर गिरिजा वहाँ मौन खड़ी रहीं; और वहाँ के ब्राह्मण ने पार्वती के वचन सुनकर कहा।"

श्लोक 5 (shiva.rudra.90.5)

ब्राह्मण उवाच । एतावत्कालपर्यन्तं ममेच्छा महती ह्यभूत् । किं वस्तु काङ्क्षती देवी कुरुते सुमहत्तपः

brāhmaṇa uvāca etāvatkālaparyantaṁ mamecchā mahatī hyabhūt kiṁ vastu kāṅkṣatī devī kurute sumahattapaḥ

ब्राह्मण ने कहा -- "अब तक मेरी यही बड़ी इच्छा थी कि देवी किस वस्तु की कामना से यह इतना महान तप कर रही हैं?"

श्लोक 6 (shiva.rudra.90.6)

तज्ज्ञात्वा निखिलं देवि श्रुत्वा त्वन्मुखपङ्कजात् । इतो गच्छाम्यहं स्थानाद्यथेच्छसि तथा कुरु

tajjñātvā nikhilaṁ devi śrutvā tvanmukhapaṅkajāt ito gacchāmyahaṁ sthānādyathecchasi tathā kuru

"हे देवि! यह सब जानकर, आपके मुखकमल से सुनकर अब मैं इस स्थान से जाता हूँ; आप जैसा चाहें वैसा करें।"

श्लोक 7 (shiva.rudra.90.7)

न कथ्यते त्वया मह्यं मित्रत्वं निष्फलं भवेत् । यथा कार्यं तथा भावि कथनीयं सुखेन च

na kathyate tvayā mahyaṁ mitratvaṁ niṣphalaṁ bhavet yathā kāryaṁ tathā bhāvi kathanīyaṁ sukhena ca

"यदि आप मुझे न बताएँगी तो हमारी मित्रता निष्फल हो जाएगी; जो कार्य होना है वह होगा ही, किन्तु सहजता से कह दीजिए।"

श्लोक 8 (shiva.rudra.90.8)

ब्रह्मोवाच । इत्युक्त्वा वचनं तस्य यावद्गन्तुमियेष सः । तावच्च पार्वती देवी प्रणम्योवाच तं द्विजम्

brahmovāca ityuktvā vacanaṁ tasya yāvadgantumiyeṣa saḥ tāvacca pārvatī devī praṇamyovāca taṁ dvijam

ब्रह्मा ने कहा -- "यह वचन कहकर, ज्यों ही वह जाने को उद्यत हुआ, त्यों ही देवी पार्वती ने प्रणाम कर उस द्विज से कहा।"

श्लोक 9 (shiva.rudra.90.9)

पार्वत्युवाच । किं गमिष्यसि विप्रेन्द्र स्थितो भव हितं वद । इत्युक्ते च तया तत्र स्थित्वोवाच स दण्डधृक्

pārvatyuvāca kiṁ gamiṣyasi viprendra sthito bhava hitaṁ vada ityukte ca tayā tatra sthitvovāca sa daṇḍadhṛk

पार्वती ने कहा -- "हे विप्रेन्द्र! आप क्यों जाएँगे? यहीं ठहरिए और हितकारी बात कहिए।" इस प्रकार कहे जाने पर वहीं ठहरकर वह दण्डधारी बोला।

श्लोक 10 (shiva.rudra.90.10)

द्विज उवाच । यदि श्रोतुमना देवि मां स्थापयसि भक्तितः । वदामि तत्त्वं तत्सर्वं येन ते वयुनं भवेत्

dvija uvāca yadi śrotumanā devi māṁ sthāpayasi bhaktitaḥ vadāmi tattvaṁ tatsarvaṁ yena te vayunaṁ bhavet

द्विज ने कहा -- "हे देवि! यदि आप भक्तिपूर्वक सुनने की इच्छा से मुझे यहाँ रोकती हैं, तो मैं वह सम्पूर्ण सत्य बताता हूँ, जिससे आपको बोध हो।"

श्लोक 11 (shiva.rudra.90.11)

जानाम्यहं महादेवं सर्वथा गुरुधर्मतः । प्रवदामि यथार्थं हि सावधानतया शृणु

jānāmyahaṁ mahādevaṁ sarvathā gurudharmataḥ pravadāmi yathārthaṁ hi sāvadhānatayā śṛṇu

"मैं गुरु-परम्परा के अनुसार महादेव को सर्वथा जानता हूँ; मैं यथार्थ कहता हूँ -- सावधानी से सुनिए।"

श्लोक 12 (shiva.rudra.90.12)

वृषध्वजो महादेवो भस्मदिग्धो जटाधरः । व्याघ्रचर्माम्बरधरः संवीतो गजकृत्तिना

vṛṣadhvajo mahādevo bhasmadigdho jaṭādharaḥ vyāghracarmāmbaradharaḥ saṁvīto gajakṛttinā

"महादेव वृषभध्वज हैं, भस्म से लिप्त हैं, जटाधारी हैं, व्याघ्रचर्म पहने हैं, और गजचर्म से आवृत हैं।"

श्लोक 13 (shiva.rudra.90.13)

कपालधारी सर्पौघैः सर्वगात्रेषु वेष्टितः । विषदिग्धोऽभक्ष्यभक्षो विरूपाक्षो विभीषणः

kapāladhārī sarpaughaiḥ sarvagātreṣu veṣṭitaḥ viṣadigdho'bhakṣyabhakṣo virūpākṣo vibhīṣaṇaḥ

"वे कपाल धारण करते हैं, सर्पों के समूह से अपने सम्पूर्ण अंगों में लिपटे हैं, विष से लिप्त हैं, अभक्ष्य को खाते हैं, विरूपाक्ष और भयंकर हैं।"

श्लोक 14 (shiva.rudra.90.14)

अव्यक्तजन्मा सततं गृहभोगविवर्जितः । दिगम्बरो दशभुजो भूतप्रेतान्वितस्सदा

avyaktajanmā satataṁ gṛhabhogavivarjitaḥ digambaro daśabhujo bhūtapretānvitassadā

"उनका जन्म अव्यक्त है, वे सदा गृहस्थ भोगों से रहित, दिगम्बर, दशभुज, तथा सदा भूत-प्रेतों से युक्त रहते हैं।"

श्लोक 15 (shiva.rudra.90.15)

केन वा कारणेन त्वं तं भर्तारं समीहसे । क्व ज्ञानं ते गतं देवि तद्वदाद्य विचारतः

kena vā kāraṇena tvaṁ taṁ bhartāraṁ samīhase kva jñānaṁ te gataṁ devi tadvadādya vicārataḥ

"किस कारण आप उन्हें पति रूप में चाहती हैं? हे देवि! आपका ज्ञान कहाँ चला गया? विचार करके आज यह बताइए।"

श्लोक 16 (shiva.rudra.90.16)

पूर्वं श्रुतं मया चैव व्रतं तस्य भयङ्करम् । शृणु ते निगदाम्यद्य यदि ते श्रवणे रुचिः

pūrvaṁ śrutaṁ mayā caiva vrataṁ tasya bhayaṅkaram śṛṇu te nigadāmyadya yadi te śravaṇe ruciḥ

"मैंने भी पहले उनके भयंकर व्रत के विषय में सुना है; यदि आपकी सुनने में रुचि हो तो अब मैं बताता हूँ, सुनिए।"

श्लोक 17 (shiva.rudra.90.17)

दक्षस्य दुहिता साध्वी सती वृषभवाहनम् । वव्रे पतिं पुरा दैवात्तत्सम्भोगः परिश्रुतः

dakṣasya duhitā sādhvī satī vṛṣabhavāhanam vavre patiṁ purā daivāttatsambhogaḥ pariśrutaḥ

"दक्ष की पुत्री साध्वी सती ने पूर्वकाल में दैव से वृषभवाहन को पति रूप में वरण किया था; उनका सम्भोग सुविख्यात है।"

श्लोक 18 (shiva.rudra.90.18)

कपालिजायेति सती दक्षेण परिवर्जिता । यज्ञे भागप्रदानाय शम्भुश्चापि विवर्जितः

kapālijāyeti satī dakṣeṇa parivarjitā yajñe bhāgapradānāya śambhuścāpi vivarjitaḥ

"'कपाली की पत्नी' कहकर दक्ष ने सती को त्याग दिया; और यज्ञ में शम्भु को भी भाग-प्रदान से वंचित रखा गया।"

श्लोक 19 (shiva.rudra.90.19)

सा तथैवापमानेन भृशं कोपाकुला सती । तत्याजासून्प्रियाँस्तत्र तया त्यक्तश्च शङ्करः

sā tathaivāpamānena bhṛśaṁ kopākulā satī tatyājāsūnpriyā~statra tayā tyaktaśca śaṅkaraḥ

"उस अपमान से अत्यंत क्रोधाकुल हुई सती ने वहाँ अपने प्रिय प्राण त्याग दिए; और उनके द्वारा शंकर भी मानो त्यक्त हो गए।"

श्लोक 20 (shiva.rudra.90.20)

त्वं स्त्रीरत्नं तव पिता राजा निखिलभूभृताम् । तथाविधं पतिं कस्मादुग्रेण तपसेहसे

tvaṁ strīratnaṁ tava pitā rājā nikhilabhūbhṛtām tathāvidhaṁ patiṁ kasmādugreṇa tapasehase

"आप स्त्रीरत्न हैं, आपके पिता समस्त पर्वतों के राजा हैं -- ऐसे उग्र तप से आप ऐसे पति की इच्छा क्यों कर रही हैं?"

श्लोक 21 (shiva.rudra.90.21)

दत्त्वा सुवर्णमुद्रां च ग्रहीतुं काचमिच्छसि । हित्वा च चन्दनं शुभ्रं कर्दमं लेप्तुमिच्छसि

dattvā suvarṇamudrāṁ ca grahītuṁ kācamicchasi hitvā ca candanaṁ śubhraṁ kardamaṁ leptumicchasi

"आप सोने की मुद्रा देकर काँच लेना चाहती हैं; और शुभ्र चंदन त्यागकर कीचड़ लेपना चाहती हैं।"

श्लोक 22 (shiva.rudra.90.22)

सूर्यतेजः परित्यज्य खद्योतद्युतिमिच्छसि । चीनांशुकं विहायैव चर्माम्बरमिहेच्छसि

sūryatejaḥ parityajya khadyotadyutimicchasi cīnāṁśukaṁ vihāyaiva carmāmbaramihecchasi

"सूर्य के तेज को त्यागकर आप जुगनू की चमक चाहती हैं; रेशमी वस्त्र को त्यागकर आप चर्म-वस्त्र चाहती हैं।"

श्लोक 23 (shiva.rudra.90.23)

गृहवासं परित्यज्य वनवासं समीहसे । लोहमिच्छसि देवेशि त्यक्त्वा शेवधिमुत्तमम्

gṛhavāsaṁ parityajya vanavāsaṁ samīhase lohamicchasi deveśi tyaktvā śevadhimuttamam

"गृहवास त्यागकर आप वनवास चाहती हैं; हे देवेशि! उत्तम धन को त्यागकर आप लोहा चाहती हैं।"

श्लोक 24 (shiva.rudra.90.24)

इन्द्रादिलोकपालांश्च हित्वा शिवमनुव्रता । नैतत्सूक्तं हि लोकेषु विरुद्धं दृश्यतेऽधुना

indrādilokapālāṁśca hitvā śivamanuvratā naitatsūktaṁ hi lokeṣu viruddhaṁ dṛśyate'dhunā

"इन्द्र आदि लोकपालों को त्यागकर आप शिव के अनुव्रत बन रही हैं -- यह लोक में सुशोभित नहीं कहा जाता; अभी यह विरुद्ध ही दिखाई देता है।"

श्लोक 25 (shiva.rudra.90.25)

क्व त्वं कमलपत्राक्षी क्वासौ वै त्रिविलोचनः । शशाङ्कवदना त्वं च पञ्चवक्त्रः शिवः स्मृतः

kva tvaṁ kamalapatrākṣī kvāsau vai trivilocanaḥ śaśāṅkavadanā tvaṁ ca pañcavaktraḥ śivaḥ smṛtaḥ

"कहाँ आप कमलपत्राक्षी और कहाँ वे त्रिविलोचन? आपका मुख चंद्रमा-सा है, और शिव पंचमुख कहे जाते हैं।"

श्लोक 26 (shiva.rudra.90.26)

वेणी शिरसि ते दिव्या सर्पिणीव विभासिता । जटाजूटं शिवस्यैव प्रसिद्धं परिचक्षते

veṇī śirasi te divyā sarpiṇīva vibhāsitā jaṭājūṭaṁ śivasyaiva prasiddhaṁ paricakṣate

"आपके सिर पर दिव्य वेणी सर्पिणी के समान शोभित है; और शिव का जटाजूट भी वैसा ही प्रसिद्ध है, किंतु भिन्न रूप में।"

श्लोक 27 (shiva.rudra.90.27)

चन्दनं च त्वदीयाङ्गे चिताभस्म शिवस्य च । क्व दुकूलं त्वदीयं वै शाङ्करं क्व गजाजिनम्

candanaṁ ca tvadīyāṅge citābhasma śivasya ca kva dukūlaṁ tvadīyaṁ vai śāṅkaraṁ kva gajājinam

"आपके अंगों में चंदन है, और शिव के अंगों में चिता-भस्म है; कहाँ आपका दुकूल-वस्त्र और कहाँ शंकर का गजाजिन?"

श्लोक 28 (shiva.rudra.90.28)

क्व भूषणानि दिव्यानि क्व सर्पाः शङ्करस्य च । क्व चरा देवताःसर्वाः क्व च भूतबलिप्रियः

kva bhūṣaṇāni divyāni kva sarpāḥ śaṅkarasya ca kva carā devatāḥsarvāḥ kva ca bhūtabalipriyaḥ

"कहाँ दिव्य आभूषण और कहाँ शंकर के सर्प? कहाँ सब देवताओं का साथ, और कहाँ भूत-बलि-प्रिय शिव?"

श्लोक 29 (shiva.rudra.90.29)

क्व वा मृदङ्गवादश्च क्व च तड्डमरुस्तथा । क्व च भेरीकलापश्च क्व च शृङ्गरवोऽशुभः

kva vā mṛdaṅgavādaśca kva ca taḍḍamarustathā kva ca bherīkalāpaśca kva ca śṛṅgaravo'śubhaḥ

"कहाँ मृदंग का वादन, और कहाँ डमरू की ध्वनि? कहाँ भेरियों का समूह, और कहाँ अशुभ शृंगनाद?"

श्लोक 30 (shiva.rudra.90.30)

क्व च ढक्कामयः शब्दो गलनादः क्व चाशुभः । भवत्याश्च शिवस्यैव न युक्तं रूपमुत्तमम्

kva ca ḍhakkāmayaḥ śabdo galanādaḥ kva cāśubhaḥ bhavatyāśca śivasyaiva na yuktaṁ rūpamuttamam

"कहाँ ढक्का की ध्वनि, और कहाँ वह अशुभ गलगर्जन? आपका उत्तम रूप और शिव का रूप परस्पर उपयुक्त नहीं हैं।"

श्लोक 31 (shiva.rudra.90.31)

यदि द्रव्यं भवेत्तस्य कथं स्यात्स दिगम्बरः । वाहनं च बलीवर्दः सामग्री कापि तस्य न

yadi dravyaṁ bhavettasya kathaṁ syātsa digambaraḥ vāhanaṁ ca balīvardaḥ sāmagrī kāpi tasya na

"यदि उनके पास धन होता तो वे दिगम्बर क्यों रहते? उनका वाहन तो केवल बैल है, और उनके पास कोई सामग्री भी नहीं है।"

श्लोक 32 (shiva.rudra.90.32)

वरेषु ये गुणाः प्रोक्ता नारीणां सुखदायकाः । तन्मध्ये हि विरूपाक्षे एकोऽपि न गुणः स्मृतः

vareṣu ye guṇāḥ proktā nārīṇāṁ sukhadāyakāḥ tanmadhye hi virūpākṣe eko'pi na guṇaḥ smṛtaḥ

"वर में स्त्रियों को सुखदायी जो गुण कहे गए हैं, उनमें से इस विरूपाक्ष में एक भी गुण नहीं है।"

श्लोक 33 (shiva.rudra.90.33)

तवापि कामो दयितो दग्धस्तेन हरेण च । अनादरस्तदा दृष्टो हित्वा त्वामन्यतो गतः

tavāpi kāmo dayito dagdhastena hareṇa ca anādarastadā dṛṣṭo hitvā tvāmanyato gataḥ

"आपके प्रिय काम को भी उन्हीं हर ने भस्म किया; और तब अनादर दिखाते हुए आपको भी छोड़कर वे कहीं और चले गए -- यह देखा गया।"

श्लोक 34 (shiva.rudra.90.34)

जातिर्न दृश्यते तस्य विद्याज्ञानं तथैव च । सहायाश्च पिशाचा हि विषं कण्ठे हि दृश्यते

jātirna dṛśyate tasya vidyājñānaṁ tathaiva ca sahāyāśca piśācā hi viṣaṁ kaṇṭhe hi dṛśyate

"उनका कोई कुल दिखाई नहीं देता, न ही कोई विद्या या ज्ञान; उनके सहायक भूत-प्रेत हैं, और उनके कण्ठ में विष दिखाई देता है।"

श्लोक 35 (shiva.rudra.90.35)

एकाकी च सदा नित्यं विरागी च विशेषतः । तस्मात्त्वं हि हरेणैव मनो योक्तुं तु चार्हसि

ekākī ca sadā nityaṁ virāgī ca viśeṣataḥ tasmāttvaṁ hi hareṇaiva mano yoktuṁ tu cārhasi

"वे सदा एकाकी और विशेष रूप से विरागी हैं; अतः आपको हर में मन लगाना उचित नहीं है।"

श्लोक 36 (shiva.rudra.90.36)

क्व च हारस्त्वदीयो वै क्व च तन्मुण्डमालिका । अङ्गरागः क्व ते दिव्यः चिताभस्म क्व तत्तनौ

kva ca hārastvadīyo vai kva ca tanmuṇḍamālikā aṅgarāgaḥ kva te divyaḥ citābhasma kva tattanau

"कहाँ आपका हार, और कहाँ उनकी मुण्डमाला? कहाँ आपका दिव्य अंगराग, और कहाँ उनके शरीर पर चिता-भस्म?"

श्लोक 37 (shiva.rudra.90.37)

सर्वं विरुद्धं रूपादि तव देवि हरस्य च । मह्यं न रोचते ह्येतद्यदिच्छसि तथा कुरु

sarvaṁ viruddhaṁ rūpādi tava devi harasya ca mahyaṁ na rocate hyetadyadicchasi tathā kuru

"हे देवि! रूप आदि सब कुछ आपमें और हर में विपरीत है; मुझे यह अच्छा नहीं लगता; आप जैसा चाहें वैसा करें।"

श्लोक 38 (shiva.rudra.90.38)

असद्वस्तु च यत्किञ्चित् तत्सर्वं स्वयमीहसे । निवर्तय मनस्तस्मान्नो चेदिच्छसि तत्कुरु

asadvastu ca yatkiñcit tatsarvaṁ svayamīhase nivartaya manastasmānno cedicchasi tatkuru

"जो कुछ भी असत् वस्तु है, वह सब आप स्वयं चाहती हैं; इससे अपना मन हटा लीजिए -- यदि नहीं, तो जैसा चाहें करें।"

श्लोक 39 (shiva.rudra.90.39)

ब्रह्मोवाच । इत्येवं वचनं श्रुत्वा तस्य विप्रस्य पार्वती । उवाच क्रुद्धमनसा शिवनिन्दापरं द्विजम्

brahmovāca ityevaṁ vacanaṁ śrutvā tasya viprasya pārvatī uvāca kruddhamanasā śivanindāparaṁ dvijam

ब्रह्मा ने कहा -- "उस विप्र के इन वचनों को सुनकर पार्वती ने क्रुद्ध मन से उस शिव-निन्दा में लगे द्विज से कहा।"