गिरिसान्त्वनम्

श्लोक 1 (shiva.rudra.96.1)

ऋषय ऊचुः । जगत्पिता शिवः प्रोक्तो जगन्माता शिवा मता । तस्माद्देया त्वया कन्या शङ्कराय महात्मने

ṛṣaya ūcuḥ jagatpitā śivaḥ prokto jaganmātā śivā matā tasmāddeyā tvayā kanyā śaṅkarāya mahātmane

ऋषियों ने कहा -- "शिव जगत्पिता कहे गए हैं और शिवा (देवी) जगन्माता मानी गई हैं; इसलिए तुम्हें अपनी कन्या महात्मा शंकर को देनी चाहिए।"

श्लोक 2 (shiva.rudra.96.2)

एवं कृत्वा हिमगिरे सार्थकं ते भवेज्जनुः । जगद्गुरोर्गुरुस्त्वं हि भविष्यसि न संशयः

evaṁ kṛtvā himagire sārthakaṁ te bhavejjanuḥ jagadgurorgurustvaṁ hi bhaviṣyasi na saṁśayaḥ

"हे हिमगिरि! ऐसा करने से तुम्हारा जन्म सार्थक हो जाएगा; तुम जगद्गुरु के भी गुरु बनोगे -- इसमें कोई संशय नहीं है।"

श्लोक 3 (shiva.rudra.96.3)

ब्रह्मोवाच । एवं वचनमाकर्ण्य सप्तर्षीणां मुनीश्वर । प्रणम्य तान्करौ बद्ध्वा गिरिराजोऽब्रवीदिदम्

brahmovāca evaṁ vacanamākarṇya saptarṣīṇāṁ munīśvara praṇamya tānkarau baddhvā girirājo'bravīdidam

ब्रह्मा ने कहा -- "हे मुनीश्वर! सप्तर्षियों के इन वचनों को सुनकर, गिरिराज ने उन्हें प्रणाम कर, हाथ जोड़कर यह कहा।"

श्लोक 4 (shiva.rudra.96.4)

हिमालय उवाच । सप्तर्षयो महाभागा भवद्भिर्यदुदीरितम् । तत्प्रमाणीकृतं मे हि पुरैव गिरिशेच्छया

himālaya uvāca saptarṣayo mahābhāgā bhavadbhiryadudīritam tatpramāṇīkṛtaṁ me hi puraiva giriśecchayā

हिमालय ने कहा -- "हे महाभाग्यशाली सप्तर्षियो! आपने जो कहा है, वह गिरीश (शिव) की इच्छा से पहले ही मेरे द्वारा प्रमाण मान लिया गया है।"

श्लोक 5 (shiva.rudra.96.5)

इदानीमेक आगत्य विप्रो वैष्णवधर्मवान् । शिवमुद्दिश्य सुप्रीत्या विपरीतं वचोऽब्रवीत्

idānīmeka āgatya vipro vaiṣṇavadharmavān śivamuddiśya suprītyā viparītaṁ vaco'bravīt

"परन्तु अभी हाल ही में वैष्णव धर्म वाला एक ब्राह्मण यहाँ आया और शिव के विषय में बड़े प्रेम से विपरीत वचन बोल गया।"

श्लोक 6 (shiva.rudra.96.6)

तदारभ्य शिवामाता ज्ञानभ्रष्टा बभूव ह । सुताविवाहं रुद्रेण योगिना तेन नेच्छति

tadārabhya śivāmātā jñānabhraṣṭā babhūva ha sutāvivāhaṁ rudreṇa yoginā tena necchati

"तभी से शिवा (पार्वती) की माता ज्ञान से भ्रष्ट हो गई हैं; वे अब उस योगी रुद्र से अपनी पुत्री का विवाह नहीं चाहतीं।"

श्लोक 7 (shiva.rudra.96.7)

कोपागारमगात्सा हि सुतप्ता मलिनाम्बरा । कृत्वा महाहठं विप्रा बोध्यमानापि नाबुधत्

kopāgāramagātsā hi sutaptā malināmbarā kṛtvā mahāhaṭhaṁ viprā bodhyamānāpi nābudhat

"अत्यंत संतप्त और मलिन वस्त्र पहने वह कोपभवन में चली गई है; हे विप्रो! अत्यंत हठ करके वह समझाने पर भी नहीं समझ रही।"

श्लोक 8 (shiva.rudra.96.8)

अहं च ज्ञानविभ्रष्टो जातोऽहं सत्यमीर्यते । दातुं सुतां महेशाय नेच्छामि भिक्षुरूपिणे

ahaṁ ca jñānavibhraṣṭo jāto'haṁ satyamīryate dātuṁ sutāṁ maheśāya necchāmi bhikṣurūpiṇe

"और मैं भी ज्ञान से भ्रष्ट हो गया हूँ -- यह सच कहा जा रहा है -- मैं अपनी कन्या को भिखारी के रूप वाले महेश को देना नहीं चाहता।"

श्लोक 9 (shiva.rudra.96.9)

ब्रह्मोवाच । इत्युक्त्वा शैलराजस्तु शिवमायाविमोहितः । तूष्णीं बभूव तत्रस्थो मुनीनां मध्यतो मुने

brahmovāca ityuktvā śailarājastu śivamāyāvimohitaḥ tūṣṇīṁ babhūva tatrastho munīnāṁ madhyato mune

ब्रह्मा ने कहा -- "हे मुने! ऐसा कहकर शिव की माया से मोहित पर्वतराज मुनियों के बीच वहीं खड़े होकर मौन हो गए।"

श्लोक 10 (shiva.rudra.96.10)

सर्वे सप्तर्षयस्ते हि शिवमायां प्रशस्य वै । प्रेषयामासुरथ तां मेनकां प्रत्यरुन्धतीम्

sarve saptarṣayaste hi śivamāyāṁ praśasya vai preṣayāmāsuratha tāṁ menakāṁ pratyarundhatīm

"उन सभी सप्तर्षियों ने शिव की माया की सराहना करके तब अरुन्धती को मेनका के पास भेजा।"

श्लोक 11 (shiva.rudra.96.11)

अथ पत्युः समादाय निदेशं ज्ञानदा हि सा । जगामारुन्धती तूर्णं यत्र मेना च पार्वती

atha patyuḥ samādāya nideśaṁ jñānadā hi sā jagāmārundhatī tūrṇaṁ yatra menā ca pārvatī

"तब अपने पति की आज्ञा लेकर, ज्ञान देने वाली वह अरुन्धती तुरंत वहाँ गईं जहाँ मेना और पार्वती थीं।"

श्लोक 12 (shiva.rudra.96.12)

गत्वा ददर्श मेनां तां शयानां शोकमूर्च्छिताम् । उवाच मधुरं साध्वी सावधाना हितं वचः

gatvā dadarśa menāṁ tāṁ śayānāṁ śokamūrcchitām uvāca madhuraṁ sādhvī sāvadhānā hitaṁ vacaḥ

"वहाँ जाकर उन्होंने मेना को शोक से मूर्छित-सी लेटी हुई देखा; उस साध्वी ने सावधानी से मधुर हितकारी वचन कहे।"

श्लोक 13 (shiva.rudra.96.13)

अरुन्धत्युवाच । उत्तिष्ठ मेनके साध्वि त्वद्गृहेऽहमरुन्धती । आगता मुनयश्चापि सप्तायाताः कृपालवः

arundhatyuvāca uttiṣṭha menake sādhvi tvadgṛhe'hamarundhatī āgatā munayaścāpi saptāyātāḥ kṛpālavaḥ

अरुन्धती ने कहा -- "हे साध्वी मेनके! उठो, तुम्हारे घर मैं अरुन्धती आई हूँ, और वे सातों दयालु मुनि भी आए हैं।"

श्लोक 14 (shiva.rudra.96.14)

ब्रह्मोवाच । अरुन्धतीस्वरं श्रुत्वा शीघ्रमुत्थाय मेनका । उवाच शिरसा नत्वा तां पद्मामिव तेजसा

brahmovāca arundhatīsvaraṁ śrutvā śīghramutthāya menakā uvāca śirasā natvā tāṁ padmāmiva tejasā

ब्रह्मा ने कहा -- "अरुन्धती का स्वर सुनकर मेनका शीघ्र उठीं और तेज में पद्म के समान उस अरुन्धती को सिर झुकाकर कहने लगीं।"

श्लोक 15 (shiva.rudra.96.15)

मेनोवाच । अहोऽद्य किमिदं पुण्यमस्माकं पुण्यजन्मनाम् । वधूर्जगद्विधेः पत्नी वसिष्ठस्यागतेह वै

menovāca aho'dya kimidaṁ puṇyamasmākaṁ puṇyajanmanām vadhūrjagadvidheḥ patnī vasiṣṭhasyāgateha vai

मेना ने कहा -- "अहो! आज हम पुण्यजन्माओं का यह कैसा पुण्य है कि वसिष्ठ की पत्नी, जो मानो जगद्विधाता की पुत्रवधू के समान हैं, यहाँ पधारी हैं!"

श्लोक 16 (shiva.rudra.96.16)

किमर्थमागता देवि तन्मे ब्रूहि विशेषतः । अहं दासीसमा ते हि ससुता करुणां कुरु

kimarthamāgatā devi tanme brūhi viśeṣataḥ ahaṁ dāsīsamā te hi sasutā karuṇāṁ kuru

"हे देवी! आप किस कारण पधारी हैं, यह मुझे विशेष रूप से बताइए। मैं अपनी पुत्री सहित आपकी दासी के समान हूँ, कृपा कीजिए।"

श्लोक 17 (shiva.rudra.96.17)

ब्रह्मोवाच । इत्युक्त्वा मेनका साध्वी बोधयित्वा च तां बहु । तत्रागता च सुप्रीत्या यत्र सप्तर्षयोऽपि ते

brahmovāca ityuktvā menakā sādhvī bodhayitvā ca tāṁ bahu tatrāgatā ca suprītyā yatra saptarṣayo'pi te

ब्रह्मा ने कहा -- "ऐसा कहकर तथा उनके द्वारा बहुत समझाई जाकर साध्वी मेनका बड़े प्रेम से वहाँ आईं जहाँ वे सप्तर्षि भी विद्यमान थे।"

श्लोक 18 (shiva.rudra.96.18)

अथ शैलेश्वरं ते च बोधयामासुरादरात् । स्मृत्वा शिवपदद्वन्द्वं सर्वे वाक्यविशारदाः

atha śaileśvaraṁ te ca bodhayāmāsurādarāt smṛtvā śivapadadvandvaṁ sarve vākyaviśāradāḥ

"तत्पश्चात् वे वाक्य-विशारद मुनि शिव के चरण-युगल का स्मरण कर आदरपूर्वक पर्वतेश्वर को समझाने लगे।"

श्लोक 19 (shiva.rudra.96.19)

ऋषय ऊचुः । शैलेन्द्र श्रूयतां वाक्यमस्माकं शुभकारणम् । शिवाय पार्वतीं देहि संहर्तुः श्वशुरो भव

ṛṣaya ūcuḥ śailendra śrūyatāṁ vākyamasmākaṁ śubhakāraṇam śivāya pārvatīṁ dehi saṁhartuḥ śvaśuro bhava

ऋषियों ने कहा -- "हे शैलेन्द्र! हमारे कल्याणकारी वचन सुनिए -- पार्वती को शिव को दीजिए और संहारकर्ता के श्वसुर बनिए।"

श्लोक 20 (shiva.rudra.96.20)

अयाचितारं सर्वेशं प्रार्थयामास यत्नतः । तारकस्य विनाशाय ब्रह्मा सम्बन्धकर्मणि

ayācitāraṁ sarveśaṁ prārthayāmāsa yatnataḥ tārakasya vināśāya brahmā sambandhakarmaṇi

"जो कभी किसी से कुछ नहीं माँगते, उस सर्वेश्वर से ब्रह्मा ने तारकासुर के विनाश हेतु इस विवाह-सम्बन्ध के विषय में यत्नपूर्वक प्रार्थना की।"

श्लोक 21 (shiva.rudra.96.21)

नोत्सुको दारसंयोगे शङ्करो योगिनां वरः । विधेः प्रार्थनया देवस्तव कन्यां ग्रहीष्यति

notsuko dārasaṁyoge śaṅkaro yogināṁ varaḥ vidheḥ prārthanayā devastava kanyāṁ grahīṣyati

"योगियों में श्रेष्ठ शंकर को विवाह-सम्बन्ध की कोई उत्सुकता नहीं है; परन्तु ब्रह्मा की प्रार्थना से वे देव तुम्हारी कन्या को ग्रहण करेंगे।"

श्लोक 22 (shiva.rudra.96.22)

दुहितुस्ते तपस्तप्तं प्रतिज्ञानं चकार सा । हेतुद्वयेन योगीन्द्रो विवाहं च करिष्यति

duhituste tapastaptaṁ pratijñānaṁ cakāra sā hetudvayena yogīndro vivāhaṁ ca kariṣyati

"तुम्हारी पुत्री ने तप किया है और उन्होंने प्रतिज्ञा भी की है; इन दो कारणों से योगीन्द्र विवाह करेंगे।"

श्लोक 23 (shiva.rudra.96.23)

ब्रह्मोवाच । ऋषीणां वचनं श्रुत्वा प्रहस्य स हिमालयः । उवाच किञ्चिद्भीतस्तु परं विनयपूर्वकम्

brahmovāca ṛṣīṇāṁ vacanaṁ śrutvā prahasya sa himālayaḥ uvāca kiñcidbhītastu paraṁ vinayapūrvakam

ब्रह्मा ने कहा -- "ऋषियों के वचन सुनकर हिमालय ने मुस्कुराते हुए, कुछ भयभीत होते हुए भी, अत्यंत विनयपूर्वक कहा।"

श्लोक 24 (shiva.rudra.96.24)

हिमालय उवाच । शिवस्य राजसामग्रीं न हि पश्यामि काञ्चन । कञ्चिदाश्रयमैश्वर्यं कं वा स्वजनबान्धवम्

himālaya uvāca śivasya rājasāmagrīṁ na hi paśyāmi kāñcana kañcidāśrayamaiśvaryaṁ kaṁ vā svajanabāndhavam

हिमालय ने कहा -- "मुझे शिव में राजोचित कोई भी सामग्री दिखाई नहीं देती -- न कोई आश्रय, न ऐश्वर्य, न ही कोई स्वजन-बान्धव।"

श्लोक 25 (shiva.rudra.96.25)

नेच्छाम्यति विनिर्लिप्तयोगिने स्वां सुतामहम् । यूयं वेदविधातुश्च पुत्रा वदत निश्चितम्

necchāmyati vinirliptayogine svāṁ sutāmaham yūyaṁ vedavidhātuśca putrā vadata niścitam

"मैं अपनी पुत्री को इतने विरक्त योगी को नहीं देना चाहता। तुम वेद-विधाता के पुत्र हो -- निश्चित रूप से कहो।"

श्लोक 26 (shiva.rudra.96.26)

वरायाननुरूपाय पिता कन्यां ददाति चेत् । कामान्मोहाद्भयाल्लोभात्स नष्टो नरकं व्रजेत्

varāyānanurūpāya pitā kanyāṁ dadāti cet kāmānmohādbhayāllobhātsa naṣṭo narakaṁ vrajet

"यदि पिता अनुरूप न होने वाले वर को कन्या देता है -- चाहे काम से, मोह से, भय से या लोभ से -- तो वह नष्ट होकर नरक जाता है।"

श्लोक 27 (shiva.rudra.96.27)

न हि दास्याम्यहं कन्यामिच्छया शूलपाणये । यद्विधानं भवेद्योग्यमृषयस्तद्विधीयताम्

na hi dāsyāmyahaṁ kanyāmicchayā śūlapāṇaye yadvidhānaṁ bhavedyogyamṛṣayastadvidhīyatām

"मैं अपनी इच्छा से शूलपाणि (शिव) को कन्या नहीं दूँगा। जो भी उचित विधान हो, वह ऋषिगण निश्चित करें।"

श्लोक 28 (shiva.rudra.96.28)

ब्रह्मोवाच । इत्याकर्ण्य वचस्तस्य हिमागस्य मुनीश्वर । प्रत्युवाच वसिष्ठस्तं तेषां वाक्यविशारदः

brahmovāca ityākarṇya vacastasya himāgasya munīśvara pratyuvāca vasiṣṭhastaṁ teṣāṁ vākyaviśāradaḥ

ब्रह्मा ने कहा -- "हे मुनीश्वर! पर्वत के इन वचनों को सुनकर, उन सबमें वाक्य-विशारद वसिष्ठ ने उन्हें उत्तर दिया।"

श्लोक 29 (shiva.rudra.96.29)

वसिष्ठ उवाच । शृणु शैलेश मद्वाक्यं सर्वथा ते हितावहम् । धर्माविरुद्धं सत्यं च परत्रेह मुदावहम्

vasiṣṭha uvāca śṛṇu śaileśa madvākyaṁ sarvathā te hitāvaham dharmāviruddhaṁ satyaṁ ca paratreha mudāvaham

वसिष्ठ ने कहा -- "हे शैलेश! मेरे वचन सुनो, जो सर्वथा तुम्हारे लिए हितकर हैं -- धर्म के विरुद्ध नहीं, सत्य हैं, और इस लोक तथा परलोक दोनों में आनन्द देने वाले हैं।"

श्लोक 30 (shiva.rudra.96.30)

वचनं त्रिविधं शैल लौकिके वैदिकेऽपि च । सर्वं जानाति शास्त्रज्ञो निर्मलज्ञानचक्षुषा

vacanaṁ trividhaṁ śaila laukike vaidike'pi ca sarvaṁ jānāti śāstrajño nirmalajñānacakṣuṣā

"हे शैल! वचन तीन प्रकार का होता है, लौकिक में भी और वैदिक में भी; शास्त्रज्ञ पुरुष निर्मल ज्ञान-चक्षु से यह सब जानता है।"

श्लोक 31 (shiva.rudra.96.31)

असत्यमहितं पश्चात्साम्प्रतं श्रुतिसुन्दरम् । सुबुद्धिर्वक्ति शत्रुर्हि हितं नैव कदाचन

asatyamahitaṁ paścātsāmprataṁ śrutisundaram subuddhirvakti śatrurhi hitaṁ naiva kadācana

"जो वचन असत्य और अहितकर होते हुए भी सुनने में तत्काल मधुर लगता है, वह चतुर जिह्वा वाला बोलता है; क्योंकि शत्रु कभी सचमुच हितकर वचन नहीं बोलता।"

श्लोक 32 (shiva.rudra.96.32)

आदावप्रीतिजनकं परिणामे सुखावहम् । दयालुर्धर्मशीलो हि बोधयत्येव बान्धवः

ādāvaprītijanakaṁ pariṇāme sukhāvaham dayālurdharmaśīlo hi bodhayatyeva bāndhavaḥ

"जो आरम्भ में अप्रिय लगता है परन्तु परिणाम में सुख देने वाला होता है, ऐसा वचन दयालु और धर्मशील बन्धु ही बोलकर समझाता है।"

श्लोक 33 (shiva.rudra.96.33)

श्रुतिमात्रात्सुधातुल्यं सर्वकालसुखावहम् । सत्यसारं हितकरं वचनं श्रेष्ठमीप्सितम्

śrutimātrātsudhātulyaṁ sarvakālasukhāvaham satyasāraṁ hitakaraṁ vacanaṁ śreṣṭhamīpsitam

"जो सुनते ही अमृत के समान लगे और सदा सुख देने वाला हो -- सत्य-सार और हितकारी हो -- ऐसा वचन ही श्रेष्ठ और वांछनीय है।"

श्लोक 34 (shiva.rudra.96.34)

एवं च त्रिविधं शैल नीतिशास्त्रोदितं वचः । कथ्यतां त्रिषु मध्ये किं ब्रुवे वाक्यं त्वदीप्सितम्

evaṁ ca trividhaṁ śaila nītiśāstroditaṁ vacaḥ kathyatāṁ triṣu madhye kiṁ bruve vākyaṁ tvadīpsitam

"हे शैल! इस प्रकार नीतिशास्त्र में वचन तीन प्रकार का कहा गया है। बताओ, इन तीनों में से मैं तुम्हें कौन-सा वचन कहूँ जो तुम्हें अभीष्ट हो?"

श्लोक 35 (shiva.rudra.96.35)

ब्राह्मसम्पद्विहीनश्च शङ्करस्त्रिदशेश्वरः । तत्त्वज्ञानसमुद्रेषु सन्निमग्नैकमानसः

brāhmasampadvihīnaśca śaṅkarastridaśeśvaraḥ tattvajñānasamudreṣu sannimagnaikamānasaḥ

"शंकर, त्रिदशेश्वर (देवताओं के स्वामी), ब्राह्मी (लौकिक) सम्पत्ति से रहित हैं; उनका मन तत्त्वज्ञान के सागरों में सदा निमग्न रहता है।"

श्लोक 36 (shiva.rudra.96.36)

ज्ञानानन्दस्येश्वरस्य ब्राह्मवस्तुषु का स्पृहा । गृही ददाति स्वसुतां राज्यसम्पत्तिशालिने

jñānānandasyeśvarasya brāhmavastuṣu kā spṛhā gṛhī dadāti svasutāṁ rājyasampattiśāline

"जो ज्ञान और आनन्द-स्वरूप ईश्वर हैं, उन्हें लौकिक वस्तुओं की क्या आकांक्षा? एक गृहस्थ अपनी कन्या राज्य और सम्पत्ति वाले वर को देता है --"

श्लोक 37 (shiva.rudra.96.37)

कन्यकां दुःखिने दत्त्वा कन्याघाती भवेत्पिता । को वेद शङ्करो दुःखी कुबेरो यस्य किङ्करः

kanyakāṁ duḥkhine dattvā kanyāghātī bhavetpitā ko veda śaṅkaro duḥkhī kubero yasya kiṅkaraḥ

"-- क्योंकि दुःखी (निर्धन) वर को कन्या देने से पिता कन्याघाती बन जाता है। परन्तु शंकर को दरिद्र कौन जानता है, जिनका सेवक स्वयं कुबेर है?"

श्लोक 38 (shiva.rudra.96.38)

भ्रूभङ्गलीलया सृष्टिं स्रष्टुं हर्तुं क्षमो हि सः । निर्गुणः परमात्मा च परेशः प्रकृतेः परः

bhrūbhaṅgalīlayā sṛṣṭiṁ sraṣṭuṁ hartuṁ kṣamo hi saḥ nirguṇaḥ paramātmā ca pareśaḥ prakṛteḥ paraḥ

"वे भौंहों के संकेत-मात्र की लीला से सृष्टि की रचना और संहार करने में समर्थ हैं; वे निर्गुण परमात्मा और प्रकृति से परे परमेश्वर हैं।"

श्लोक 39 (shiva.rudra.96.39)

यस्य च त्रिविधा मूर्तिर्विधातुः सृष्टिकर्मणि । सृष्टिस्थित्यन्तजननी ब्रह्मविष्णुहराभिधा

yasya ca trividhā mūrtirvidhātuḥ sṛṣṭikarmaṇi sṛṣṭisthityantajananī brahmaviṣṇuharābhidhā

"वे ही सृष्टि-कर्म में विधाता की त्रिविध मूर्ति धारण करते हैं -- सृष्टि, स्थिति और संहार को जन्म देने वाली, ब्रह्मा, विष्णु और हर नाम वाली।"

श्लोक 40 (shiva.rudra.96.40)

ब्रह्मा च ब्रह्मलोकस्थो विष्णुः क्षीरोदवासकृत् । हरः कैलासनिलयः सर्वाः शिवविभूतयः

brahmā ca brahmalokastho viṣṇuḥ kṣīrodavāsakṛt haraḥ kailāsanilayaḥ sarvāḥ śivavibhūtayaḥ

"ब्रह्मा ब्रह्मलोक में रहते हैं, विष्णु क्षीरसागर में निवास करते हैं, हर कैलास में रहते हैं -- ये सब शिव की ही विभूतियाँ हैं।"

श्लोक 41 (shiva.rudra.96.41)

धत्ते च त्रिविधा मूर्तीः प्रकृतिः शिवसम्भवा । अंशेन लीलया सृष्टौ कलया बहुधा अपि

dhatte ca trividhā mūrtīḥ prakṛtiḥ śivasambhavā aṁśena līlayā sṛṣṭau kalayā bahudhā api

"और शिव से उत्पन्न प्रकृति भी तीन रूप धारण करती है; सृष्टि में अपने अंश और लीला से, कला द्वारा वह अनेक रूपों में हो जाती है।"

श्लोक 42 (shiva.rudra.96.42)

मुखोद्भवा स्वयं वाणी वागधिष्ठातृदेवता । वक्षःस्थलोद्भवा लक्ष्मीः सर्वसम्पत्स्वरूपिणी

mukhodbhavā svayaṁ vāṇī vāgadhiṣṭhātṛdevatā vakṣaḥsthalodbhavā lakṣmīḥ sarvasampatsvarūpiṇī

"उनके मुख से स्वयं वाणी (सरस्वती) उत्पन्न हुई हैं, जो वाक् की अधिष्ठात्री देवी हैं; उनके वक्षस्थल से लक्ष्मी उत्पन्न हुई हैं, जो सम्पूर्ण सम्पत्ति की स्वरूपिणी हैं।"

श्लोक 43 (shiva.rudra.96.43)

शिवा तेजस्सु देवानामाविर्भावं चकार सा । निहत्य दानवान्सर्वान्देवेभ्यश्च श्रियं ददौ

śivā tejassu devānāmāvirbhāvaṁ cakāra sā nihatya dānavānsarvāndevebhyaśca śriyaṁ dadau

"शिवा (देवी) ने देवताओं के तेज में प्रकट होकर सभी दानवों का संहार किया और देवताओं को श्री (सम्पत्ति) प्रदान की।"

श्लोक 44 (shiva.rudra.96.44)

प्राप कल्पान्तरे जन्म जठरे दक्षयोषितः । नाम्ना सती हरं प्राप दक्षस्तस्मै ददौ च ताम्

prāpa kalpāntare janma jaṭhare dakṣayoṣitaḥ nāmnā satī haraṁ prāpa dakṣastasmai dadau ca tām

"दूसरे कल्प में उन्होंने दक्ष की पत्नी के गर्भ से जन्म लिया; सती नाम से उन्होंने हर को प्राप्त किया, और दक्ष ने उन्हें उन्हीं (हर) को अर्पित किया।"

श्लोक 45 (shiva.rudra.96.45)

देहं तत्याज योगेन श्रुत्वा सा भर्तृनिन्दनम् । साद्य त्वत्तस्तु मेनायां जज्ञे जठरतश्शिवा

dehaṁ tatyāja yogena śrutvā sā bhartṛnindanam sādya tvattastu menāyāṁ jajñe jaṭharataśśivā

"अपने पति की निन्दा सुनकर उन्होंने योग द्वारा अपना शरीर त्याग दिया; और वही शिवा अब तुमसे मेना के गर्भ से उत्पन्न हुई हैं।"

श्लोक 46 (shiva.rudra.96.46)

शिवा शिवस्य पत्नीयं शैल जन्मनि जन्मनि । कल्पे कल्पे बुद्धिरूपा ज्ञानिनां जननी परा

śivā śivasya patnīyaṁ śaila janmani janmani kalpe kalpe buddhirūpā jñānināṁ jananī parā

"हे शैल! यह शिवा जन्म-जन्म में शिव की ही पत्नी हैं; कल्प-कल्प में वे बुद्धि-स्वरूपा, ज्ञानियों की परम जननी हैं।"

श्लोक 47 (shiva.rudra.96.47)

जायते स्म सदा सिद्धा सिद्धिदा सिद्धिरूपिणी । सत्या अस्थि चिताभस्म भक्त्या धत्ते हरः स्वयम्

jāyate sma sadā siddhā siddhidā siddhirūpiṇī satyā asthi citābhasma bhaktyā dhatte haraḥ svayam

"वे सदा सिद्ध होकर जन्म लेती हैं, सिद्धिदायिनी और सिद्धि-स्वरूपा हैं। उनकी सच्ची अस्थियाँ और चिता-भस्म को हर स्वयं भक्तिपूर्वक धारण करते हैं।"

श्लोक 48 (shiva.rudra.96.48)

अतस्त्वं स्वेच्छया कन्यां देहि भद्रां हराय च । अथवा सा स्वयं कान्तस्थाने यास्यत्यदास्यसि

atastvaṁ svecchayā kanyāṁ dehi bhadrāṁ harāya ca athavā sā svayaṁ kāntasthāne yāsyatyadāsyasi

"अतः तुम अपनी इच्छा से इस कल्याणी कन्या को हर के लिए दे दो; अन्यथा यदि तुम न दोगे, तो वह स्वयं ही अपने प्रियतम के पास चली जाएगी।"

श्लोक 49 (shiva.rudra.96.49)

कृत्वा प्रतिज्ञां देवेशो दृष्ट्वा क्लेशमसङ्ख्यकम् । दुहितुस्ते तपःस्थानमाजगाम द्विजात्मकः

kṛtvā pratijñāṁ deveśo dṛṣṭvā kleśamasaṅkhyakam duhituste tapaḥsthānamājagāma dvijātmakaḥ

"प्रतिज्ञा करके, देवेश ने तुम्हारी पुत्री के असंख्य कष्टों को देखकर, ब्राह्मण के रूप में उसके तपःस्थान पर पधारे।"

श्लोक 50 (shiva.rudra.96.50)

तामाश्वास्य वरं दत्त्वा जगाम निजमन्दिरम् । तत्प्रार्थनावशाच्छम्भुर्ययाचे त्वां शिवां गिरे

tāmāśvāsya varaṁ dattvā jagāma nijamandiram tatprārthanāvaśācchambhuryayāce tvāṁ śivāṁ gire

"उन्हें आश्वासन देकर और वर देकर वे अपने धाम को चले गए; उसी प्रार्थना के वश में होकर, हे गिरे! शम्भु तुमसे शिवा को माँग रहे हैं।"

श्लोक 51 (shiva.rudra.96.51)

अङ्गीकृतं युवाभ्यां तच्छिवभक्तिरतात्मना । विपरीतमतिर्जाता वद कस्माद्गिरीश्वर

aṅgīkṛtaṁ yuvābhyāṁ tacchivabhaktiratātmanā viparītamatirjātā vada kasmādgirīśvara

"तुम दोनों ने, शिव-भक्ति में रत मन से, इसे स्वीकार कर लिया था; हे गिरीश्वर! बताओ, अब किस कारण से तुम्हारी बुद्धि विपरीत हो गई?"

श्लोक 52 (shiva.rudra.96.52)

तद्गत्वा प्रभुणा देवप्रार्थितेन त्वदन्तिकम् । प्रस्थापिता वयं शीघ्रं ऋषयः साप्यरुन्धती

tadgatvā prabhuṇā devaprārthitena tvadantikam prasthāpitā vayaṁ śīghraṁ ṛṣayaḥ sāpyarundhatī

"तब देवताओं द्वारा प्रार्थित प्रभु ने हमें, ऋषियों को, और अरुन्धती को भी शीघ्र तुम्हारे पास भेजा।"

श्लोक 53 (shiva.rudra.96.53)

शिक्षयामो वयं त्वा हि देहि रुद्राय पार्वतीम् । एवङ्कृते महानन्दो भविष्यति गिरे तव

śikṣayāmo vayaṁ tvā hi dehi rudrāya pārvatīm evaṅkṛte mahānando bhaviṣyati gire tava

"हम तुम्हें यही शिक्षा देते हैं -- पार्वती को रुद्र को दे दो। हे गिरे! ऐसा करने से तुम्हें महान् आनन्द प्राप्त होगा।"

श्लोक 54 (shiva.rudra.96.54)

शिवां शिवाय शैलेन्द्र स्वेच्छया चेन्न दास्यसि । भविता तद्विवाहोऽत्र भवितव्यबलेन हि

śivāṁ śivāya śailendra svecchayā cenna dāsyasi bhavitā tadvivāho'tra bhavitavyabalena hi

"हे शैलेन्द्र! यदि तुम अपनी इच्छा से शिवा को शिव को नहीं दोगे, तो भी यह विवाह भवितव्य (नियति) के बल से अवश्य होगा।"

श्लोक 55 (shiva.rudra.96.55)

वरं ददौ शिवायै स तपन्त्यै तात शङ्करः । न हीश्वरप्रतिज्ञातं विपरीताय कल्पते

varaṁ dadau śivāyai sa tapantyai tāta śaṅkaraḥ na hīśvarapratijñātaṁ viparītāya kalpate

"हे तात! तपस्या करती हुई शिवा को स्वयं शंकर ने वर दिया था; ईश्वर की प्रतिज्ञा कभी विपरीत नहीं होती।"

श्लोक 56 (shiva.rudra.96.56)

अहो प्रतिज्ञा दुर्लङ्घ्या साधूनामीशवर्तिनाम् । सर्वेषां जगतां मध्ये किमीशस्य पुनर्गिरे

aho pratijñā durlaṅghyā sādhūnāmīśavartinām sarveṣāṁ jagatāṁ madhye kimīśasya punargire

"अहो! ईश्वर के मार्ग पर चलने वाले साधुओं की प्रतिज्ञा भी अलंघ्य होती है; फिर हे गिरे! समस्त लोकों में स्वयं ईश्वर की प्रतिज्ञा की तो बात ही क्या!"

श्लोक 57 (shiva.rudra.96.57)

एको महेन्द्रः शैलानां पक्षांश्चिच्छेद लीलया । पार्वती लीलया मेरोः शृङ्गभङ्गं चकार च

eko mahendraḥ śailānāṁ pakṣāṁściccheda līlayā pārvatī līlayā meroḥ śṛṅgabhaṅgaṁ cakāra ca

"अकेले महेन्द्र ने लीला मात्र से पर्वतों के पंख काट डाले; और पार्वती ने भी लीला से मेरु के शिखर को खण्डित कर दिया।"

श्लोक 58 (shiva.rudra.96.58)

एकार्थे नहि शैलेश नश्याः सर्वा हि सम्पदः । एकं त्यजेत्कुलस्यार्थे श्रुतिरेषा सनातनी

ekārthe nahi śaileśa naśyāḥ sarvā hi sampadaḥ ekaṁ tyajetkulasyārthe śrutireṣā sanātanī

"हे शैलेश! एक कार्य के लिए समस्त सम्पत्ति नष्ट करने की आवश्यकता नहीं; कुल के हित में एक को त्याग देना चाहिए -- यह सनातन श्रुति-वचन है।"

श्लोक 59 (shiva.rudra.96.59)

दत्त्वा विप्राय स्वसुतामनरण्यो नृपेश्वरः । ब्राह्मणाद्भयमापन्नो ररक्ष निजसम्पदम्

dattvā viprāya svasutāmanaraṇyo nṛpeśvaraḥ brāhmaṇādbhayamāpanno rarakṣa nijasampadam

"राजा अनरण्य ने एक ब्राह्मण से भयभीत होकर अपनी पुत्री उसी ब्राह्मण को दे दी, और इस प्रकार अपनी सम्पत्ति की रक्षा की।"

श्लोक 60 (shiva.rudra.96.60)

तमाशु बोधयामासुर्नीतिशास्त्रविदो जनाः । ब्रह्मशापाद्विभीतञ्च गुरवो ज्ञातिसत्तमाः

tamāśu bodhayāmāsurnītiśāstravido janāḥ brahmaśāpādvibhītañca guravo jñātisattamāḥ

"नीतिशास्त्र के ज्ञाता, उसके गुरुजन और श्रेष्ठ ज्ञातिजन, ब्राह्मण के शाप से भयभीत होकर, उसे शीघ्र ही यह समझाने लगे।"

श्लोक 61 (shiva.rudra.96.61)

शैलराज त्वमप्येवं सुतां दत्त्वा शिवाय च । रक्ष सर्वान्बन्धुवर्गान्वशं कुरु सुरानपि

śailarāja tvamapyevaṁ sutāṁ dattvā śivāya ca rakṣa sarvānbandhuvargānvaśaṁ kuru surānapi

"हे शैलराज! उसी प्रकार तुम भी अपनी कन्या शिव को देकर समस्त बन्धुजनों की रक्षा करो और देवताओं को भी अपने वश में कर लो।"

श्लोक 62 (shiva.rudra.96.62)

ब्रह्मोवाच । इत्याकर्ण्य वसिष्ठस्य वचनं स प्रहस्य च । पप्रच्छ नृपवार्ताञ्च हृदयेन विदूयता

brahmovāca ityākarṇya vasiṣṭhasya vacanaṁ sa prahasya ca papraccha nṛpavārtāñca hṛdayena vidūyatā

ब्रह्मा ने कहा -- "वसिष्ठ के वचन सुनकर, मुस्कुराते हुए, उसने हृदय में व्याकुल होते हुए भी उस राजा की कथा पूछी।"

श्लोक 63 (shiva.rudra.96.63)

हिमालय उवाच । कस्य वंशोद्भवो ब्रह्मन् अनरण्यो नृपश्च सः । सुतां दत्त्वा स च कथं ररक्षाखिलसम्पदः

himālaya uvāca kasya vaṁśodbhavo brahman anaraṇyo nṛpaśca saḥ sutāṁ dattvā sa ca kathaṁ rarakṣākhilasampadaḥ

हिमालय ने कहा -- "हे ब्रह्मन्! वह राजा अनरण्य किस वंश में उत्पन्न हुआ था? और अपनी पुत्री देकर उसने अपनी सम्पूर्ण सम्पत्ति की रक्षा कैसे की?"

श्लोक 64 (shiva.rudra.96.64)

ब्रह्मोवाच । इति श्रुत्वा वसिष्ठस्तु शैलवाक्यं प्रसन्नधीः । प्रोवाच गिरये तस्मै नृपवार्त्तां सुखावहाम्

brahmovāca iti śrutvā vasiṣṭhastu śailavākyaṁ prasannadhīḥ provāca giraye tasmai nṛpavārttāṁ sukhāvahām

ब्रह्मा ने कहा -- "पर्वत की यह बात सुनकर, प्रसन्नचित्त वसिष्ठ ने उस पर्वत को राजा की सुखद कथा सुनाई।"