गृहपति अवतार वर्णन ३

श्लोक 1 (shiva.shatarudra.15.1)

नन्दीश्वर उवाच । विश्वानरः सपत्नीकः तच्छ्रुत्वा नारदेरितम् । तदेवं मन्यमानोऽभूद्वज्रपातं सुदारुणम्

nandīśvara uvāca viśvānaraḥ sapatnīkaḥ tacchrutvā nāraderitam tadevaṁ manyamāno’bhūdvajrapātaṁ sudāruṇam

नन्दीश्वर बोले - नारद के इस वचन को सुनकर विश्वानर अपनी पत्नी सहित उसे मानो अत्यन्त भीषण वज्रपात के समान मानने लगा।

श्लोक 2 (shiva.shatarudra.15.2)

हा हतोऽस्मीति वचसा हृदयं समताडयत् । मूर्च्छामवाप महतीं पुत्रशोकसमाकुलः

hā hato’smīti vacasā hṛdayaṁ samatāḍayat mūrcchāmavāpa mahatīṁ putraśokasamākulaḥ

'हाय, मैं नष्ट हो गया!' - यह कहते हुए उसने अपने ही हृदय पर आघात किया और पुत्रशोक से व्याकुल होकर वह घोर मूर्च्छा को प्राप्त हो गया।

श्लोक 3 (shiva.shatarudra.15.3)

शुचिष्मत्यपि दुःखार्ता रुरोदातीव दुस्सहम् । अतिस्वरेण हारावैरत्यन्तं व्याकुलेन्द्रिया

śuciṣmatyapi duḥkhārtā rurodātīva dussaham atisvareṇa hārāvairatyantaṁ vyākulendriyā

शुचिष्मती भी दुःख से पीड़ित होकर अत्यन्त असह्य रूप से रोने लगी, तीव्र स्वर में विलाप करती हुई, उसकी सभी इन्द्रियाँ अत्यन्त व्याकुल हो गईं।

श्लोक 4 (shiva.shatarudra.15.4)

श्रुत्वार्तनादमिति विश्वनरोऽपि मोहं हित्वोत्थितः किमिति किं त्विति किं किमेतत् । उच्चैर्वदन् गृहपतिः क्व स मे बहिस्थः प्राणोऽन्तरात्मनिलयस्सकलेन्द्रियेशः

śrutvārtanādamiti viśvanaro’pi mohaṁ hitvotthitaḥ kimiti kiṁ tviti kiṁ kimetat uccairvadan gṛhapatiḥ kva sa me bahisthaḥ prāṇo’ntarātmanilayassakalendriyeśaḥ

उस आर्तनाद को सुनकर विश्वानर भी मोह त्यागकर उठ बैठा, 'क्या हुआ? क्या हुआ? यह क्या है?' ऊँचे स्वर में कहता हुआ; और गृहपति भी पुकार उठा - 'कहाँ है वह मेरा बाह्य प्राण, जो मेरी सभी इन्द्रियों का स्वामी होकर भी मेरे अन्तरात्मा में ही निवास करता है?'

श्लोक 5 (shiva.shatarudra.15.5)

ततो दृष्ट्वा स पितरौ बहुशोकसमावृतौ । स्मित्वोवाच गृहपतिः सबालः शङ्करांशजः

tato dṛṣṭvā sa pitarau bahuśokasamāvṛtau smitvovāca gṛhapatiḥ sabālaḥ śaṅkarāṁśajaḥ

फिर अपने माता-पिता को अत्यन्त शोकाकुल देखकर शंकर के अंश से उत्पन्न वह बालक गृहपति मुस्कुराते हुए बोला।

श्लोक 6 (shiva.shatarudra.15.6)

गृहपतिरुवाच । हे मातस्तात किं जातं कारणं तद्वदाधुना । किमर्थं रुदितोऽत्यर्थं त्रासस्तादृक् कुतो हि वाम्

gṛhapatiruvāca he mātastāta kiṁ jātaṁ kāraṇaṁ tadvadādhunā kimarthaṁ rudito’tyarthaṁ trāsastādṛk kuto hi vām

गृहपति बोला - हे माता, हे पिता! क्या हुआ, अब उसका कारण बताइए; आप दोनों इतना अधिक क्यों रो रहे हैं, यह भय आप दोनों को कहाँ से आया?

श्लोक 7 (shiva.shatarudra.15.7)

न मां कृतवपुस्त्राणं भवच्चरणरेणुभिः । कालः कलयितुं शक्तो वराकी चञ्चलाल्पिका

na māṁ kṛtavapustrāṇaṁ bhavaccaraṇareṇubhiḥ kālaḥ kalayituṁ śakto varākī cañcalālpikā

आप दोनों के चरणों की रज से जिसका शरीर सुरक्षित हो गया है, उस मुझे वह दीन, चंचल, तुच्छ काल छू भी नहीं सकता।

श्लोक 8 (shiva.shatarudra.15.8)

प्रतिज्ञां शृणुतां तातौ यदि वां तनयो ह्यहम् । करिष्येऽहं तथा येन मृत्युस्त्रस्तो भविष्यति

pratijñāṁ śṛṇutāṁ tātau yadi vāṁ tanayo hyaham kariṣye’haṁ tathā yena mṛtyustrasto bhaviṣyati

हे तात-माता! मेरी प्रतिज्ञा सुनिए - यदि मैं वास्तव में आप दोनों का पुत्र हूँ, तो मैं ऐसा करूँगा कि स्वयं मृत्यु ही भयभीत हो जाएगी।

श्लोक 9 (shiva.shatarudra.15.9)

मृत्युञ्जयं समाराध्य सर्वज्ञं सर्वदं सताम् । जपिष्यामि महाकालं सत्यं तातौ वदाम्यहम्

mṛtyuñjayaṁ samārādhya sarvajñaṁ sarvadaṁ satām japiṣyāmi mahākālaṁ satyaṁ tātau vadāmyaham

मैं मृत्युंजय, सर्वज्ञ, सन्तों को सब कुछ देने वाले महाकाल की आराधना कर उनका जप करूँगा; हे माता-पिता, मैं सत्य कहता हूँ।

श्लोक 10 (shiva.shatarudra.15.10)

नन्दीश्वर उवाच । इति श्रुत्वा वचस्तस्य जारितौ द्विजदम्पती । अकालामृतवर्षौघैर्गततापौ तदोचतुः

nandīśvara uvāca iti śrutvā vacastasya jāritau dvijadampatī akālāmṛtavarṣaughairgatatāpau tadocatuḥ

नन्दीश्वर बोले - उसके ये वचन सुनकर वह दुःखी ब्राह्मण-दम्पति मानो असमय अमृत की वर्षा से संतप्त हृदय होकर तब यह कहने लगे।

श्लोक 11 (shiva.shatarudra.15.11)

द्विजदम्पती ऊचतुः । पुनर्ब्रूहि पुनर्ब्रूहि कीदृक् कीदृक् पुनर्वद । कालः कलयितुं नालं वराकी चञ्चलास्ति का

dvijadampatī ūcatuḥ punarbrūhi punarbrūhi kīdṛk kīdṛk punarvada kālaḥ kalayituṁ nālaṁ varākī cañcalāsti kā

ब्राह्मण-दम्पति बोले - फिर कहो, फिर कहो, कैसे, कैसे? पुनः बताओ। वह कौन-सा दीन, चंचल तत्त्व है जो काल को स्पर्श करने में समर्थ नहीं है?

श्लोक 12 (shiva.shatarudra.15.12)

आवयोस्तापनाशाय महोपायस्त्वयेरितः । मृत्युञ्जयाख्यदेवस्य समाराधनलक्षणः

āvayostāpanāśāya mahopāyastvayeritaḥ mṛtyuñjayākhyadevasya samārādhanalakṣaṇaḥ

हम दोनों के संताप को दूर करने के लिए तुमने मृत्युंजय नामक देवता की आराधनारूप महान् उपाय बताया है।

श्लोक 13 (shiva.shatarudra.15.13)

तद्वच्च शरणं शम्भोर्नातः परतरं हि तत् । मनोरथपथातीतकारिणः पापहारिणः

tadvacca śaraṇaṁ śambhornātaḥ parataraṁ hi tat manorathapathātītakāriṇaḥ pāpahāriṇaḥ

और शम्भु की शरण से बढ़कर कोई शरण नहीं है, जो मनोरथ के मार्ग से भी परे कार्य करने वाले और पाप का हरण करने वाले हैं।

श्लोक 14 (shiva.shatarudra.15.14)

किं न श्रुतं त्वया तात श्वेतकेतुं यथा पुरा । पाशितं कालपाशेन ररक्ष त्रिपुरान्तकः

kiṁ na śrutaṁ tvayā tāta śvetaketuṁ yathā purā pāśitaṁ kālapāśena rarakṣa tripurāntakaḥ

हे तात! क्या तुमने नहीं सुना कि पूर्वकाल में श्वेतकेतु को काल के पाश में बँधे हुए त्रिपुरान्तक शिव ने कैसे बचाया था?

श्लोक 15 (shiva.shatarudra.15.15)

शिलादतनयं मृत्युग्रस्तमष्टाब्दमात्रकम् । शिवो निजजनं चक्रे नन्दिनं विश्वनन्दिनम्

śilādatanayaṁ mṛtyugrastamaṣṭābdamātrakam śivo nijajanaṁ cakre nandinaṁ viśvanandinam

आठ वर्ष की आयु में ही मृत्यु द्वारा ग्रसे हुए शिलाद के पुत्र नन्दी को शिव ने अपना ही जन, विश्व को आनन्दित करने वाला बना दिया था।

श्लोक 16 (shiva.shatarudra.15.16)

क्षीरोदमथनोद्भूतं प्रलयानलसन्निभम् । पीत्वा हालाहलं घोरमरक्षद्भुवनत्रयम्

kṣīrodamathanodbhūtaṁ pralayānalasannibham pītvā hālāhalaṁ ghoramarakṣadbhuvanatrayam

क्षीरसागर के मन्थन से उत्पन्न, प्रलयाग्नि के समान भयंकर हलाहल विष का पान कर उन्होंने तीनों लोकों की रक्षा की थी।

श्लोक 17 (shiva.shatarudra.15.17)

जलन्धरं महादर्पं हृतत्रैलोक्यसम्पदम् । रुचिराङ्गुष्ठरेखोत्थचक्रेण निजघान यः

jalandharaṁ mahādarpaṁ hṛtatrailokyasampadam rucirāṅguṣṭharekhotthacakreṇa nijaghāna yaḥ

जिन्होंने अत्यन्त अभिमानी, त्रिलोकी की सम्पत्ति हरण करने वाले जलंधर को अपने सुन्दर अँगूठे की रेखा से उत्पन्न चक्र से मार डाला था?

श्लोक 18 (shiva.shatarudra.15.18)

य एकेषुनिपातोत्थज्वलनैस्त्रिपुरम्पुरा । त्रैलोक्यैश्वर्यसम्मूढं शोषयामास भानुना

ya ekeṣunipātotthajvalanaistripurampurā trailokyaiśvaryasammūḍhaṁ śoṣayāmāsa bhānunā

जिन्होंने पूर्वकाल में एक ही बाण के गिरने से उत्पन्न ज्वालाओं द्वारा त्रैलोक्य के ऐश्वर्य से मोहित त्रिपुर को सूर्य सहित भस्म कर दिया था?

श्लोक 19 (shiva.shatarudra.15.19)

कामं दृष्टिनिपातेन त्रैलोक्यविजयोर्जितम् । निनायानङ्गपदवीं वीक्ष्यमाणेष्वजादिषु

kāmaṁ dṛṣṭinipātena trailokyavijayorjitam nināyānaṅgapadavīṁ vīkṣyamāṇeṣvajādiṣu

जिन्होंने केवल अपनी दृष्टि गिराकर, ब्रह्मा आदि के देखते ही देखते, त्रिलोक-विजय से उन्मत्त कामदेव को अनंग-अवस्था को प्राप्त करा दिया था?

श्लोक 20 (shiva.shatarudra.15.20)

तं ब्रह्माद्यैककर्तारं मेघवाहनमच्युतम् । प्रयाहि पुत्र शरणं विश्वरक्षामणिं शिवम्

taṁ brahmādyaikakartāraṁ meghavāhanamacyutam prayāhi putra śaraṇaṁ viśvarakṣāmaṇiṁ śivam

हे पुत्र! ब्रह्मा आदि के एकमात्र कर्ता, मेघों पर विचरण करने वाले, अच्युत, विश्व की रक्षा करने वाले उन्हीं शिव की शरण में जाओ।

श्लोक 21 (shiva.shatarudra.15.21)

नन्दीश्वर उवाच । पित्रोरनुज्ञां प्राप्येति प्रणम्य चरणौ तयोः । प्रादक्षिण्यमुपावृत्य बह्वाश्वास्य विनिर्ययौ

nandīśvara uvāca pitroranujñāṁ prāpyeti praṇamya caraṇau tayoḥ prādakṣiṇyamupāvṛtya bahvāśvāsya viniryayau

नन्दीश्वर बोले - माता-पिता की अनुमति पाकर, उनके चरणों में प्रणाम कर, प्रदक्षिणा कर, तथा उन्हें भलीभाँति सान्त्वना देकर वह निकल पड़ा।

श्लोक 22 (shiva.shatarudra.15.22)

सम्प्राप्य काशीं दुष्प्रापां ब्रह्मनारायणादिभिः । महासंवर्त्तसन्तापहन्त्रीं विश्वेशपालिताम्

samprāpya kāśīṁ duṣprāpāṁ brahmanārāyaṇādibhiḥ mahāsaṁvarttasantāpahantrīṁ viśveśapālitām

ब्रह्मा-नारायण आदि के लिए भी दुष्प्राप्य, महाप्रलय के संताप का हरण करने वाली, विश्वेश द्वारा पालित काशी को प्राप्त कर—

श्लोक 23 (shiva.shatarudra.15.23)

स्वर्धुन्या हारयष्ट्येव राजितां कण्ठभूमिषु । विचित्रगुणशालिन्या हरपत्न्या विराजिताम्

svardhunyā hārayaṣṭyeva rājitāṁ kaṇṭhabhūmiṣu vicitraguṇaśālinyā harapatnyā virājitām

—जो अपनी कण्ठभूमि पर स्वर्गंगा को हार की लड़ी की भाँति सुशोभित किए हुए है, तथा विचित्र गुणों से सम्पन्न हरपत्नी पार्वती से विराजित है।

श्लोक 24 (shiva.shatarudra.15.24)

तत्र प्राप्य स विप्रेशः प्राग्ययौ मणिकर्णिकाम् । तत्र स्नात्वा विधानेन दृष्ट्वा विश्वेश्वरं प्रभुम्

tatra prāpya sa vipreśaḥ prāgyayau maṇikarṇikām tatra snātvā vidhānena dṛṣṭvā viśveśvaraṁ prabhum

वहाँ पहुँचकर वह श्रेष्ठ ब्राह्मण पहले मणिकर्णिका गया; वहाँ विधिपूर्वक स्नान कर उसने प्रभु विश्वेश्वर का दर्शन किया।

श्लोक 25 (shiva.shatarudra.15.25)

साञ्जलिर्नतशीर्षोऽसौ महानन्दान्वितः सुधीः । त्रैलोक्यप्राणसन्त्राणकारिणं प्रणनाम ह

sāñjalirnataśīrṣo’sau mahānandānvitaḥ sudhīḥ trailokyaprāṇasantrāṇakāriṇaṁ praṇanāma ha

हाथ जोड़े, सिर झुकाए, महान् आनन्द से युक्त वह सुबुद्ध, तीनों लोकों के प्राणों की रक्षा करने वाले उन्हें प्रणाम करने लगा।

श्लोक 26 (shiva.shatarudra.15.26)

आलोक्यालोक्य तल्लिङ्गं तुतोष हृदये मुहुः । परमानन्दकन्दाढ्यं स्फुटमेतन्न संशयः

ālokyālokya talliṅgaṁ tutoṣa hṛdaye muhuḥ paramānandakandāḍhyaṁ sphuṭametanna saṁśayaḥ

उस लिंग को बार-बार देखते हुए उसका हृदय बार-बार सन्तुष्ट हुआ, जो परमानन्द के मूल से परिपूर्ण था - यह स्पष्ट है, इसमें कोई सन्देह नहीं।

श्लोक 27 (shiva.shatarudra.15.27)

अहो न मत्तो धन्योऽस्ति त्रैलोक्ये सचराचरे । यदद्राक्षिषमद्याहं श्रीमद्विश्वेश्वरं विभुम्

aho na matto dhanyo’sti trailokye sacarācare yadadrākṣiṣamadyāhaṁ śrīmadviśveśvaraṁ vibhum

'अहो! चराचर त्रिलोक में मुझसे बढ़कर धन्य कोई नहीं है, कि आज मैंने श्रीमान् विश्वव्यापी विश्वेश्वर का दर्शन किया है।'

श्लोक 28 (shiva.shatarudra.15.28)

मम भाग्योदयायैव नारदेन महर्षिणा । पुरागत्य तथोक्तं यत्कृतकृत्योऽस्म्यहं ततः

mama bhāgyodayāyaiva nāradena maharṣiṇā purāgatya tathoktaṁ yatkṛtakṛtyo’smyahaṁ tataḥ

'मेरे ही भाग्योदय के लिए महर्षि नारद ने पहले आकर वह बात कही थी, इसलिए मैं आज कृतकृत्य हो गया हूँ।'

श्लोक 29 (shiva.shatarudra.15.29)

नन्दीश्वर उवाच । इत्यानन्दामृतरसैर्विधाय स हि पारणम् । ततः शुभेऽह्नि संस्थाप्य लिङ्गं सर्वहितप्रदम्

nandīśvara uvāca ityānandāmṛtarasairvidhāya sa hi pāraṇam tataḥ śubhe’hni saṁsthāpya liṅgaṁ sarvahitapradam

नन्दीश्वर बोले - इस प्रकार आनन्द के अमृतरस से अपना पारण कर, फिर एक शुभ दिन सर्वहितकारी लिंग की स्थापना कर—

श्लोक 30 (shiva.shatarudra.15.30)

जग्राह नियमान्घोरान् दुष्करानकृतात्मभिः । अष्टोत्तरशतैः कुम्भैः पूर्णैर्गङ्गाऽम्भसा शुभैः

jagrāha niyamānghorān duṣkarānakṛtātmabhiḥ aṣṭottaraśataiḥ kumbhaiḥ pūrṇairgaṅgā’mbhasā śubhaiḥ

—उसने असंस्कृत आत्मा वालों के लिए दुष्कर, घोर नियम धारण किए - एक सौ आठ गंगाजल से पूर्ण, शुभ कलशों से,

श्लोक 31 (shiva.shatarudra.15.31)

संस्नाप्य वाससा पूतैः पूतात्मा प्रत्यहं शिवम् । नीलोत्पलमयीं मालां समर्पयति सोऽन्वहम्

saṁsnāpya vāsasā pūtaiḥ pūtātmā pratyahaṁ śivam nīlotpalamayīṁ mālāṁ samarpayati so’nvaham

—शुद्ध वस्त्रों से पवित्रात्मा होकर वह प्रतिदिन शिव को स्नान कराता और प्रतिदिन नीलकमल की माला अर्पित करता था,

श्लोक 32 (shiva.shatarudra.15.32)

अष्टाधिकसहस्रैस्तु सुमनोभिर्विनिर्मिताम् । स पक्षे वाथ वा मासे कन्दमूलफलाशनः

aṣṭādhikasahasraistu sumanobhirvinirmitām sa pakṣe vātha vā māse kandamūlaphalāśanaḥ

—जो एक हजार आठ सुमनों से निर्मित होती थी। एक पक्ष या मास तक वह कन्द, मूल, फल का ही आहार करता रहा।

श्लोक 33 (shiva.shatarudra.15.33)

शीर्णपर्णाशनैर्धीरः षण्मासं सम्बभूव सः । षण्मासं वायुभक्षोऽभूत्षण्मासं जलबिन्दुभुक्

śīrṇaparṇāśanairdhīraḥ ṣaṇmāsaṁ sambabhūva saḥ ṣaṇmāsaṁ vāyubhakṣo’bhūtṣaṇmāsaṁ jalabindubhuk

वह धीर छह मास तक सूखे पत्तों का आहार करता रहा, छह मास केवल वायुभक्षण करता रहा, और छह मास जल की बूँदों पर ही जीवन चलाता रहा।

श्लोक 34 (shiva.shatarudra.15.34)

एवं वर्षद्वयं तस्य व्यतिक्रान्तं महात्मनः । शिवैकमनसो विप्रास्तप्यमानस्य नारद

evaṁ varṣadvayaṁ tasya vyatikrāntaṁ mahātmanaḥ śivaikamanaso viprāstapyamānasya nārada

हे नारद! इस प्रकार शिव में ही एकमात्र मन लगाए तप करते हुए उस महात्मा ब्राह्मण के दो वर्ष व्यतीत हो गए।

श्लोक 35 (shiva.shatarudra.15.35)

जन्मतो द्वादशे वर्षे तद्वचो नारदेरितम् । सत्यं करिष्यन्निव तमभ्यगात्कुलिशायुधः

janmato dvādaśe varṣe tadvaco nāraderitam satyaṁ kariṣyanniva tamabhyagātkuliśāyudhaḥ

जन्म से बारहवें वर्ष में, मानो नारद के उस वचन को सत्य करने के लिए ही, वज्रधारी इन्द्र उसके पास आए।

श्लोक 36 (shiva.shatarudra.15.36)

उवाच च वरं ब्रूहि दद्मि त्वन्मनसि स्थितम् । अहं शतक्रतुर्विप्र प्रसन्नोऽस्मि शुभव्रतैः

uvāca ca varaṁ brūhi dadmi tvanmanasi sthitam ahaṁ śatakraturvipra prasanno’smi śubhavrataiḥ

और बोले - 'वर माँगो, मैं तुम्हारे मन में जो भी हो, वह दूँगा। हे विप्र! मैं शतक्रतु इन्द्र हूँ, तुम्हारे शुभ व्रतों से प्रसन्न हूँ।'

श्लोक 37 (shiva.shatarudra.15.37)

नन्दीश्वर उवाच । इत्याकर्ण्य महेन्द्रस्य वाक्यं मुनिकुमारकः । उवाच मधुरं धीरः कीर्तयन्मधुराक्षरम्

nandīśvara uvāca ityākarṇya mahendrasya vākyaṁ munikumārakaḥ uvāca madhuraṁ dhīraḥ kīrtayanmadhurākṣaram

नन्दीश्वर बोले - महेन्द्र का यह वचन सुनकर वह मुनिकुमार धैर्यपूर्वक मधुर वाणी में, मधुर अक्षरों का उच्चारण करते हुए, यह कहने लगा।

श्लोक 38 (shiva.shatarudra.15.38)

गृहपतिरुवाच । मघवन् वृत्रशत्रो त्वां जाने कुलिशपाणिनम् । नाहं वृणे वरं त्वत्तः शङ्करो वरदोऽस्ति मे

gṛhapatiruvāca maghavan vṛtraśatro tvāṁ jāne kuliśapāṇinam nāhaṁ vṛṇe varaṁ tvattaḥ śaṅkaro varado’sti me

गृहपति बोला - हे मघवन्, हे वृत्रशत्रु! मैं तुम्हें वज्रधारी के रूप में जानता हूँ; परन्तु मैं तुमसे कोई वर नहीं माँगता, शंकर ही मेरे वरदाता हैं।

श्लोक 39 (shiva.shatarudra.15.39)

इन्द्र उवाच । न मत्तः शङ्करस्त्वन्यो देवदेवोऽस्म्यहं शिशो । विहाय बालिशत्वं त्वं वरं याचस्व मा चिरम्

indra uvāca na mattaḥ śaṅkarastvanyo devadevo’smyahaṁ śiśo vihāya bāliśatvaṁ tvaṁ varaṁ yācasva mā ciram

इन्द्र बोले - हे शिशु! मुझसे बढ़कर कोई शंकर नहीं है, मैं ही देवाधिदेव हूँ; बालपन छोड़कर वर माँगो, विलम्ब मत करो।

श्लोक 40 (shiva.shatarudra.15.40)

गृहपतिरुवाच । गच्छाहल्यापतेऽसाधो गोत्रारे पाकशासन । न प्रार्थये पशुपतेरन्यं देवान्तरं स्फुटम्

gṛhapatiruvāca gacchāhalyāpate’sādho gotrāre pākaśāsana na prārthaye paśupateranyaṁ devāntaraṁ sphuṭam

गृहपति बोला - हे दुष्ट अहल्यापति! हे पर्वतों के शत्रु! हे पाकशासन! चले जाओ, मैं स्पष्ट रूप से पशुपति के अतिरिक्त किसी अन्य देवता से कुछ नहीं माँगता।

श्लोक 41 (shiva.shatarudra.15.41)

नन्दीश्वर उवाच । इति तस्य वचः श्रुत्वा क्रोधसंरक्तलोचनः । उद्यम्य कुलिशं घोरं भीषयामास बालकम्

nandīśvara uvāca iti tasya vacaḥ śrutvā krodhasaṁraktalocanaḥ udyamya kuliśaṁ ghoraṁ bhīṣayāmāsa bālakam

नन्दीश्वर बोले - उसके ये वचन सुनकर, क्रोध से लाल नेत्रों वाला इन्द्र अपना भयंकर वज्र उठाकर उस बालक को डराने लगा।

श्लोक 42 (shiva.shatarudra.15.42)

स दृष्ट्वा बालको वज्रं विद्युज्ज्वालासमाकुलम् । स्मरन्नारदवाक्यं च मुमूर्च्छ भयविह्वलः

sa dṛṣṭvā bālako vajraṁ vidyujjvālāsamākulam smarannāradavākyaṁ ca mumūrccha bhayavihvalaḥ

बिजली की ज्वालाओं से व्याप्त उस वज्र को देखकर वह बालक, नारद के वचन का स्मरण करते हुए, भय से विह्वल होकर मूर्च्छित हो गया।

श्लोक 43 (shiva.shatarudra.15.43)

अथ गौरीपतिः शम्भुराविरासीत्तमोनुदः । उत्तिष्ठोत्तिष्ठ भद्रं ते स्पर्शैः सञ्जीवयन्निव

atha gaurīpatiḥ śambhurāvirāsīttamonudaḥ uttiṣṭhottiṣṭha bhadraṁ te sparśaiḥ sañjīvayanniva

तभी अन्धकार को दूर करने वाले गौरीपति शम्भु प्रकट हुए, और मानो अपने स्पर्श से उसे पुनर्जीवित करते हुए बोले - 'उठो, उठो, तुम्हारा कल्याण हो!'

श्लोक 44 (shiva.shatarudra.15.44)

उन्मील्य नेत्रकमले सुप्ते इव दिनक्षये । अपश्यदग्रे चोत्थाय शम्भुमर्कशताधिकम्

unmīlya netrakamale supte iva dinakṣaye apaśyadagre cotthāya śambhumarkaśatādhikam

दिन के अन्त में सोए हुए की भाँति अपने कमलनेत्र खोलकर, उठकर उसने अपने सामने सैकड़ों सूर्यों से भी अधिक तेजस्वी शम्भु को देखा।

श्लोक 45 (shiva.shatarudra.15.45)

भाले लोचनमालोक्य कण्ठेकालं वृषध्वजम् । वामाङ्गसन्निविष्टाद्रितनयं चन्द्रशेखरम्

bhāle locanamālokya kaṇṭhekālaṁ vṛṣadhvajam vāmāṅgasanniviṣṭādritanayaṁ candraśekharam

उसने ललाट पर नेत्र, कण्ठ में कालिमा, वृषभध्वज, बाईं ओर पर्वतपुत्री को बैठाए हुए, चन्द्रशेखर को देखा।

श्लोक 46 (shiva.shatarudra.15.46)

कपर्देन विराजन्तं त्रिशूलाजगवायुधम् । स्फुरत्कर्पूरगौराङ्गं परिणद्धगजाजिनम्

kapardena virājantaṁ triśūlājagavāyudham sphuratkarpūragaurāṅgaṁ pariṇaddhagajājinam

जटाजूट से सुशोभित, त्रिशूल और अजगव धनुष को शस्त्र बनाए हुए, कर्पूर के समान चमकते गौर शरीर वाले, गजचर्म धारण किए हुए।

श्लोक 47 (shiva.shatarudra.15.47)

परिज्ञाय महादेवं गुरुवाक्यत आगमात् । हर्षबाष्पाकुलासन्नकण्ठरोमाञ्चकञ्चुकः

parijñāya mahādevaṁ guruvākyata āgamāt harṣabāṣpākulāsannakaṇṭharomāñcakañcukaḥ

गुरु के वचन और शास्त्रों से महादेव को पहचानकर, हर्ष के आँसुओं से भरे कण्ठ और रोमांचित शरीर के साथ,

श्लोक 48 (shiva.shatarudra.15.48)

क्षणं च गिरिवत्तस्थौ चित्रकृत्रिमपुत्रकः । यथा तथा सुसम्पन्नो विस्मृत्यात्मानमेव च

kṣaṇaṁ ca girivattasthau citrakṛtrimaputrakaḥ yathā tathā susampanno vismṛtyātmānameva ca

वह क्षणभर पर्वत की भाँति स्थिर खड़ा रहा, जैसे कोई चित्रित या कृत्रिम पुतला हो, अपने ही आपको भूलकर, इस प्रकार भावविभोर हो गया।

श्लोक 49 (shiva.shatarudra.15.49)

न स्तोतुं न नमस्कर्तुं किञ्चिद्विज्ञप्तुमेव च । यदा स न शशाकालं तदा स्मित्वाह शङ्करः

na stotuṁ na namaskartuṁ kiñcidvijñaptumeva ca yadā sa na śaśākālaṁ tadā smitvāha śaṅkaraḥ

जब वह न तो स्तुति कर सका, न नमस्कार कर सका, न कुछ निवेदन ही कर सका, तब शंकर मुसकाते हुए बोले।

श्लोक 50 (shiva.shatarudra.15.50)

ईश्वर उवाच । शिशो गृहपते शक्राद्वज्रोद्यतकरादहो । ज्ञातं भीतोऽसि मा भैषीर्जिज्ञासा ते मया कृता

īśvara uvāca śiśo gṛhapate śakrādvajrodyatakarādaho jñātaṁ bhīto’si mā bhaiṣīrjijñāsā te mayā kṛtā

ईश्वर बोले - हे शिशु गृहपते! अहो, शक्र के वज्रोद्यत हाथ से तुम भयभीत हो गए, यह मैं जानता हूँ - मत डरो, यह तो मैंने ही तुम्हारी परीक्षा ली थी।

श्लोक 51 (shiva.shatarudra.15.51)

मम भक्तस्य नो शक्रो न वज्रं चान्तकोऽपि च । प्रभवेदिन्द्ररूपेण मयैव त्वं बिभीषितः

mama bhaktasya no śakro na vajraṁ cāntako’pi ca prabhavedindrarūpeṇa mayaiva tvaṁ bibhīṣitaḥ

मेरे भक्त पर न शक्र का, न वज्र का, न स्वयं मृत्यु का भी वश चलता है; इन्द्र के रूप में तुम्हें मैंने स्वयं ही भयभीत किया था।

श्लोक 52 (shiva.shatarudra.15.52)

वरं ददामि ते भद्र त्वमग्निपदभाग्भव । सर्वेषामेव देवानां वरदस्त्वं भविष्यसि

varaṁ dadāmi te bhadra tvamagnipadabhāgbhava sarveṣāmeva devānāṁ varadastvaṁ bhaviṣyasi

हे भद्र! मैं तुम्हें वर देता हूँ - तुम अग्निपद के अधिकारी बनो; तुम समस्त देवताओं के लिए वरदाता बनोगे।

श्लोक 53 (shiva.shatarudra.15.53)

सर्वेषामेव भूतानां त्वमग्नेऽन्तश्चरो भव । धर्मराजेन्द्रयोर्मध्ये दिगीशो राज्यमाप्नुहि

sarveṣāmeva bhūtānāṁ tvamagne’ntaścaro bhava dharmarājendrayormadhye digīśo rājyamāpnuhi

समस्त प्राणियों के भीतर संचरण करने वाले अग्निस्वरूप बनो; धर्मराज और इन्द्र के मध्य, दिशा के स्वामी के रूप में अपना राज्य प्राप्त करो।

श्लोक 54 (shiva.shatarudra.15.54)

त्वयेदं स्थापितं लिङ्गं तव नाम्ना भविष्यति । अग्नीश्वर इति ख्यातं सर्वतेजोविबृंहणम्

tvayedaṁ sthāpitaṁ liṅgaṁ tava nāmnā bhaviṣyati agnīśvara iti khyātaṁ sarvatejovibṛṁhaṇam

तुम्हारे द्वारा स्थापित यह लिंग तुम्हारे ही नाम से 'अग्नीश्वर' के नाम से विख्यात होगा, जो समस्त तेज को बढ़ाने वाला होगा।

श्लोक 55 (shiva.shatarudra.15.55)

अग्नीश्वरस्य भक्तानां न भयं विद्युदग्निभिः । अग्निमान्द्यभयं नैव नाकालमरणं क्वचित्

agnīśvarasya bhaktānāṁ na bhayaṁ vidyudagnibhiḥ agnimāndyabhayaṁ naiva nākālamaraṇaṁ kvacit

अग्नीश्वर के भक्तों को न बिजली से भय होता है, न अग्नि से; न जठराग्नि की मन्दता का भय होता है, और न कहीं अकाल मृत्यु होती है।

श्लोक 56 (shiva.shatarudra.15.56)

अग्नीश्वरं समभ्यर्च्य काश्यां सर्वसमृद्धिदम् । अन्यत्रापि मृतो दैवाद्वह्निलोके महीयते

agnīśvaraṁ samabhyarcya kāśyāṁ sarvasamṛddhidam anyatrāpi mṛto daivādvahniloke mahīyate

काशी में सर्वसमृद्धि देने वाले अग्नीश्वर की पूजा करके, अन्यत्र भी दैवयोग से मरने वाला मनुष्य अग्निलोक में सम्मानित होता है।

श्लोक 57 (shiva.shatarudra.15.57)

नन्दीश्वर उवाच । इत्युक्त्वानीय तद्बन्धून्पित्रोश्च परिपश्यतोः । दिक्पतित्वेऽभिषिच्याग्निं तत्र लिङ्गे शिवोऽविशत्

nandīśvara uvāca ityuktvānīya tadbandhūnpitrośca paripaśyatoḥ dikpatitve’bhiṣicyāgniṁ tatra liṅge śivo’viśat

नन्दीश्वर बोले - यह कहकर, उसके बन्धुजनों को वहाँ लाकर, माता-पिता के देखते हुए, दिक्पति पद पर अग्नि का अभिषेक कर, शिव उसी लिंग में प्रविष्ट हो गए।

श्लोक 58 (shiva.shatarudra.15.58)

इत्थमग्न्यवतारस्ते वर्णितो मे जनार्दनः । नाम्ना गृहपतिस्तात शङ्करस्य परात्मनः

itthamagnyavatāraste varṇito me janārdanaḥ nāmnā gṛhapatistāta śaṅkarasya parātmanaḥ

इस प्रकार, हे तात! मैंने तुम्हें परमात्मा शंकर के इस अग्नि-अवतार का वर्णन किया, जो जनों का उद्धार करने वाले, गृहपति नाम से प्रसिद्ध हैं।

श्लोक 59 (shiva.shatarudra.15.59)

चित्रहोत्रपुरी रम्या सुखदार्चिष्मती वरा । जातवेदसि ये भक्ता ते तत्र निवसन्ति वै

citrahotrapurī ramyā sukhadārciṣmatī varā jātavedasi ye bhaktā te tatra nivasanti vai

चित्रहोत्रपुरी नामक रमणीय, सुखदायक, तेजस्वी और उत्तम नगरी है; जो जातवेदस् अग्नि के भक्त हैं, वे वहीं निवास करते हैं।

श्लोक 60 (shiva.shatarudra.15.60)

अग्निप्रवेशं ये कुर्युर्दृढसत्त्वा जितेन्द्रियाः । स्त्रियो वा सत्त्वसम्पन्नास्ते सर्वेऽप्यग्नितेजसः

agnipraveśaṁ ye kuryurdṛḍhasattvā jitendriyāḥ striyo vā sattvasampannāste sarve’pyagnitejasaḥ

जो दृढ़ चित्त वाले, जितेन्द्रिय पुरुष अथवा सत्त्वगुण-सम्पन्न स्त्रियाँ अग्निप्रवेश करते हैं, वे सभी अग्नि के तेज को प्राप्त हो जाते हैं।

श्लोक 61 (shiva.shatarudra.15.61)

अग्निहोत्ररता विप्राः स्थापिता ब्रह्मचारिणः । पश्चाग्निवर्त्तिनोऽप्येवमग्निलोकेऽग्निवर्चसः

agnihotraratā viprāḥ sthāpitā brahmacāriṇaḥ paścāgnivarttino’pyevamagniloke’gnivarcasaḥ

अग्निहोत्र में रत ब्राह्मण, स्थापित ब्रह्मचारी, और पंचाग्नि-साधना करने वाले भी - ये सभी अग्निलोक में अग्नि के ही तेज को प्राप्त करते हैं।

श्लोक 62 (shiva.shatarudra.15.62)

शीते शीतापनुत्त्यै यस्त्वेधोभारान्प्रयच्छति । कुर्यादग्नीष्टिकां वाथ स वसेदग्निसन्निधौ

śīte śītāpanuttyai yastvedhobhārānprayacchati kuryādagnīṣṭikāṁ vātha sa vasedagnisannidhau

जो शीत ऋतु में शीत निवारण के लिए ईंधन का भार दान करता है, अथवा अग्निष्टिका करता है, वह अग्नि के समीप निवास करता है।

श्लोक 63 (shiva.shatarudra.15.63)

अनाथस्याग्निसंस्कारं यः कुर्याच्छ्रद्धयान्वितः । अशक्तः प्रेरयेदन्यं सोऽग्निलोके महीयते

anāthasyāgnisaṁskāraṁ yaḥ kuryācchraddhayānvitaḥ aśaktaḥ prerayedanyaṁ so’gniloke mahīyate

जो श्रद्धापूर्वक अनाथ का अग्निसंस्कार करता है, या असमर्थ होने पर किसी अन्य से करवाता है, वह अग्निलोक में सम्मानित होता है।

श्लोक 64 (shiva.shatarudra.15.64)

अग्निरेको द्विजातीनां निःश्रेयसकरः परः । गुरुर्देवो व्रतं तीर्थं सर्वमग्निर्विनिश्चितम्

agnireko dvijātīnāṁ niḥśreyasakaraḥ paraḥ gururdevo vrataṁ tīrthaṁ sarvamagnirviniścitam

द्विजों के लिए अग्नि ही एकमात्र परम कल्याणकारी है; गुरु, देवता, व्रत, तीर्थ - सब कुछ निश्चय ही अग्नि ही है।

श्लोक 65 (shiva.shatarudra.15.65)

अपावनानि सर्वाणि वह्निसंसर्गतः क्षणात् । पावनानि भवन्त्येव तस्माद्यः पावकः स्मृतः

apāvanāni sarvāṇi vahnisaṁsargataḥ kṣaṇāt pāvanāni bhavantyeva tasmādyaḥ pāvakaḥ smṛtaḥ

समस्त अपवित्र वस्तुएँ अग्नि के संसर्ग मात्र से क्षणभर में पवित्र हो जाती हैं, इसीलिए वह 'पावक' कहा जाता है।

श्लोक 66 (shiva.shatarudra.15.66)

अन्तरात्मा ह्ययं साक्षान्निश्चयो ह्याशुशुक्षणिः । मांसग्रासान्पचेत्कुक्षौ स्त्रीणां नो मांसपेशिकाम्

antarātmā hyayaṁ sākṣānniścayo hyāśuśukṣaṇiḥ māṁsagrāsānpacetkukṣau strīṇāṁ no māṁsapeśikām

यह शीघ्रज्वलनशील अग्नि साक्षात् अन्तरात्मा ही है, इसमें कोई सन्देह नहीं; यह पेट में खाए गए अन्न के ग्रासों को पचाता है, न कि स्त्रियों के गर्भ के मांसपिण्ड को।

श्लोक 67 (shiva.shatarudra.15.67)

तैजसी शाम्भवी मूर्तिः प्रत्यक्षा दहनात्मिका । कर्त्री हर्त्री पालयित्री विनैतां किं विलोक्यते

taijasī śāmbhavī mūrtiḥ pratyakṣā dahanātmikā kartrī hartrī pālayitrī vinaitāṁ kiṁ vilokyate

शम्भु का यह तेजोमय, प्रत्यक्ष, दहनस्वरूप मूर्तिमान रूप ही है - सृष्टि करने वाला, संहार करने वाला, पालन करने वाला; इसके बिना भला क्या दिखाई देता है?

श्लोक 68 (shiva.shatarudra.15.68)

चित्रभानुरयं साक्षान्नेत्रं त्रिभुवनेशितुः । अन्धे तमोमये लोके विनैनं कः प्रकाशनः

citrabhānurayaṁ sākṣānnetraṁ tribhuvaneśituḥ andhe tamomaye loke vinainaṁ kaḥ prakāśanaḥ

यह चित्रभानु साक्षात् त्रिभुवन के स्वामी का नेत्र ही है; अन्धकारमय अन्धे जगत् में इसके बिना और कौन प्रकाश देने वाला है?

श्लोक 69 (shiva.shatarudra.15.69)

धूपप्रदीपनैवेद्यपयोदधिघृतैक्षवम् । एतद्भुक्तं निषेवन्ते सर्वे दिवि दिवौकसः

dhūpapradīpanaivedyapayodadhighṛtaikṣavam etadbhuktaṁ niṣevante sarve divi divaukasaḥ

धूप, दीप, नैवेद्य, दूध, दही, घी और ईख - इन्हें अग्नि द्वारा ग्रहण किए जाने पर ही स्वर्ग में समस्त देवगण इनका सेवन करते हैं।