एकादशावतारवर्णन

श्लोक 1 (shiva.shatarudra.18.1)

नन्दीश्वर उवाच । एकादशवतारान्वै शृण्वथो शाङ्करान्वरान् । यान् श्रुत्वा न हि बाध्येत बाधासत्यादिसम्भवा

nandīśvara uvāca ekādaśavatārānvai śṛṇvatho śāṅkarānvarān yān śrutvā na hi bādhyeta bādhāsatyādisambhavā

नन्दीश्वर ने कहा — अब शंकर के ग्यारह उत्तम अवतारों को सुनो, जिन्हें सुनने पर कोई भी संकट अथवा विपत्ति से उत्पन्न बाधा नहीं होती।

श्लोक 2 (shiva.shatarudra.18.2)

पुरा सर्वे सुराः शक्रमुखा दैत्यपराजिताः । त्यक्त्वामरावतीं भीत्यापलायन्त निजां पुरीम्

purā sarve surāḥ śakramukhā daityaparājitāḥ tyaktvāmarāvatīṁ bhītyāpalāyanta nijāṁ purīm

पूर्वकाल में शक्र-आदि समस्त देवगण दैत्यों से पराजित होकर, भय के मारे अपनी अमरावती नगरी को त्यागकर भाग गए।

श्लोक 3 (shiva.shatarudra.18.3)

दैत्यप्रपीडिता देवा जग्मुस्ते कश्यपान्तिकम् । बध्वा करान्नतस्कन्धाः प्रणेमुस्तं सुविह्वलम्

daityaprapīḍitā devā jagmuste kaśyapāntikam badhvā karānnataskandhāḥ praṇemustaṁ suvihvalam

दैत्यों से पीड़ित वे देवगण कश्यप जी के पास गए; हाथ जोड़े, झुके हुए कंधों के साथ, अत्यंत व्याकुल होकर उन्होंने उन्हें प्रणाम किया।

श्लोक 4 (shiva.shatarudra.18.4)

सुनुत्वा तं सुराः सर्वे कृत्वा विज्ञप्तिमादरात् । सर्वं निवेदयामासुः स्वदुःखं तत्पराजयम्

sunutvā taṁ surāḥ sarve kṛtvā vijñaptimādarāt sarvaṁ nivedayāmāsuḥ svaduḥkhaṁ tatparājayam

समस्त देवताओं ने उनकी भलीभाँति स्तुति करके आदरपूर्वक निवेदन किया और अपना समस्त दुःख तथा वह पराजय उन्हें सुनाया।

श्लोक 5 (shiva.shatarudra.18.5)

ततः स कश्यपस्तात तत्पिता शिवसक्तधीः । तदाकर्ण्यामराकं वै दुःखितोऽभून्न चाधिकम्

tataḥ sa kaśyapastāta tatpitā śivasaktadhīḥ tadākarṇyāmarākaṁ vai duḥkhito'bhūnna cādhikam

हे तात! तब उनके पिता कश्यप, जिनका मन सदा शिव में लगा रहता था, देवताओं की वह दशा सुनकर, उनसे कम नहीं, अत्यंत दुःखी हो गए।

श्लोक 6 (shiva.shatarudra.18.6)

तानाश्वास्य मुनिः सोऽथ धैर्यमाधाय शान्तधीः । काशीं जगाम सुप्रीत्या विश्वेश्वरपुरीं मुने

tānāśvāsya muniḥ so'tha dhairyamādhāya śāntadhīḥ kāśīṁ jagāma suprītyā viśveśvarapurīṁ mune

उन मुनि ने उन्हें सांत्वना देकर, धैर्य धारण करके, शांत चित्त से अत्यंत प्रेमपूर्वक विश्वेश्वर की नगरी काशी को प्रस्थान किया।

श्लोक 7 (shiva.shatarudra.18.7)

गङ्गाम्भसि ततः स्नात्वा कृत्वा तं विधिमादरात् । विश्वेश्वरं समानर्च साम्बं सर्वेश्वरं प्रभुम्

gaṅgāmbhasi tataḥ snātvā kṛtvā taṁ vidhimādarāt viśveśvaraṁ samānarca sāmbaṁ sarveśvaraṁ prabhum

हे मुने! वहाँ गंगाजल में स्नान करके, आदरपूर्वक विधिवत् कृत्य करके, उन्होंने अम्बा सहित सर्वेश्वर प्रभु विश्वेश्वर की पूजा की।

श्लोक 8 (shiva.shatarudra.18.8)

शिवलिङ्गं सुसंस्थाप्य चकार विपुलं तपः । शम्भुमुद्दिश्य सुप्रीत्या देवानां हितकाम्यया

śivaliṅgaṁ susaṁsthāpya cakāra vipulaṁ tapaḥ śambhumuddiśya suprītyā devānāṁ hitakāmyayā

शिवलिंग की सुंदर स्थापना करके, देवताओं के हित की कामना से, उन्होंने अत्यंत प्रेमपूर्वक शम्भु को लक्ष्य कर विशाल तप किया।

श्लोक 9 (shiva.shatarudra.18.9)

महान्कालो व्यतीयाय तपतस्तस्य वै मुने । शिवपादाम्बुजासक्तमनसो धैर्यशालिनः

mahānkālo vyatīyāya tapatastasya vai mune śivapādāmbujāsaktamanaso dhairyaśālinaḥ

हे मुने! शिव के चरणकमलों में आसक्त मन वाले, धैर्यशाली उस कश्यप के तप करते हुए दीर्घकाल व्यतीत हो गया।

श्लोक 10 (shiva.shatarudra.18.10)

अथ प्रादुरभूच्छम्भुर्वरं दातुं तदर्षये । स्वपदासक्तमनसे दीनबन्धुः सतां गतिः

atha prādurabhūcchambhurvaraṁ dātuṁ tadarṣaye svapadāsaktamanase dīnabandhuḥ satāṁ gatiḥ

तब दीनबन्धु और सज्जनों की गति शम्भु, उस मुनि को — जिनका मन उन्हीं के चरणों में आसक्त था — वर देने के लिए प्रकट हुए।

श्लोक 11 (shiva.shatarudra.18.11)

वरं ब्रूहीति चोवाच सुप्रसन्नो महेश्वरः । कश्यपं मुनिशार्दूलं स्वभक्तं भक्तवत्सलः

varaṁ brūhīti covāca suprasanno maheśvaraḥ kaśyapaṁ muniśārdūlaṁ svabhaktaṁ bhaktavatsalaḥ

भक्तवत्सल महेश्वर ने अत्यंत प्रसन्न होकर मुनिश्रेष्ठ, अपने भक्त कश्यप से कहा — "वर मांगो।"

श्लोक 12 (shiva.shatarudra.18.12)

दृष्ट्वाथ तं महेशानं स प्रणम्य कृताञ्जलिः । तुष्टाव कश्यपो हृष्टो देवतातः प्रसन्नधीः

dṛṣṭvātha taṁ maheśānaṁ sa praṇamya kṛtāñjaliḥ tuṣṭāva kaśyapo hṛṣṭo devatātaḥ prasannadhīḥ

उस महेश्वर को देखकर कश्यप प्रणाम कर, हाथ जोड़कर, देवता के दर्शन से प्रसन्नचित्त होकर हर्षित हो उनकी स्तुति करने लगे।

श्लोक 13 (shiva.shatarudra.18.13)

कश्यप उवाच । देवदेव महेशान शरणागतवत्सल । सर्वेश्वः परमात्मा त्वं ध्यानगम्योऽद्वयोऽव्ययः

kaśyapa uvāca devadeva maheśāna śaraṇāgatavatsala sarveśvaḥ paramātmā tvaṁ dhyānagamyo'dvayo'vyayaḥ

कश्यप ने कहा — हे देवाधिदेव महेश्वर! हे शरणागतवत्सल! आप सर्वेश्वर, परमात्मा, ध्यान से जानने योग्य, अद्वैत, अविनाशी हैं।

श्लोक 14 (shiva.shatarudra.18.14)

बलनिग्रहकर्ता त्वं महेश्वर सतां गतिः । दीनबन्धुर्दयासिन्धुर्भक्तरक्षणदक्षधीः

balanigrahakartā tvaṁ maheśvara satāṁ gatiḥ dīnabandhurdayāsindhurbhaktarakṣaṇadakṣadhīḥ

हे महेश्वर! आप बलवानों का निग्रह करने वाले, सज्जनों की गति, दीनबन्धु, दयासागर तथा भक्तों की रक्षा में कुशल बुद्धि वाले हैं।

श्लोक 15 (shiva.shatarudra.18.15)

एते सुरास्त्वदीया हि त्वद्भक्ताश्च विशेषतः । दैत्यैः पराजिताश्चाथ पाहि तान्दुःखितान् प्रभो

ete surāstvadīyā hi tvadbhaktāśca viśeṣataḥ daityaiḥ parājitāścātha pāhi tānduḥkhitān prabho

ये देवगण आपके ही हैं, विशेषतः आपके भक्त हैं; दैत्यों से पराजित इन दुःखी देवताओं की रक्षा कीजिए, हे प्रभु।

श्लोक 16 (shiva.shatarudra.18.16)

असमर्थो रमेशोऽपि दुःखदस्ते मुहुर्मुहुः । अतः सुरा मच्छरणा वेदयन्तोऽसुखं च तत्

asamartho rameśo'pi duḥkhadaste muhurmuhuḥ ataḥ surā maccharaṇā vedayanto'sukhaṁ ca tat

रमेश (विष्णु) भी असमर्थ होकर बार-बार इन्हें दुःख देने वाले सिद्ध हुए हैं; इसलिए ये देवगण मेरी शरण में आकर अपना यह दुःख निवेदन कर रहे हैं।

श्लोक 17 (shiva.shatarudra.18.17)

तदर्थं देवदेवेश देवदुःखविनाशक । तत्पूरितुं तपोनिष्ठां प्रसन्नार्थं तवासदम्

tadarthaṁ devadeveśa devaduḥkhavināśaka tatpūrituṁ taponiṣṭhāṁ prasannārthaṁ tavāsadam

हे देवदेवेश! हे देवताओं के दुःख का नाश करने वाले! इसी कारण मैंने आपकी प्रसन्नता के लिए यह तपस्या में स्थिरता की पूर्ति की है।

श्लोक 18 (shiva.shatarudra.18.18)

शरणं ते प्रपन्नोऽस्मि सर्वथाहं महेश्वर । कामं मे पूरय स्वामिन्देवदुःखं विनाशय

śaraṇaṁ te prapanno'smi sarvathāhaṁ maheśvara kāmaṁ me pūraya svāmindevaduḥkhaṁ vināśaya

हे महेश्वर! मैं सर्वथा आपकी शरण में आया हूँ; हे स्वामी! मेरी कामना पूर्ण कीजिए और देवताओं का दुःख नष्ट कीजिए।

श्लोक 19 (shiva.shatarudra.18.19)

पुत्रदुःखैश्च देवेश दुःखितोऽहं विशेषतः । सुखिनं कुरु मामीश सहायस्त्वं दिवौकसाम्

putraduḥkhaiśca deveśa duḥkhito'haṁ viśeṣataḥ sukhinaṁ kuru māmīśa sahāyastvaṁ divaukasām

हे देवेश! मैं अपने पुत्रों (देवताओं) के दुःख से विशेष रूप से दुःखी हूँ; हे ईश! मुझे सुखी कीजिए, आप देवताओं के सहायक बनिए।

श्लोक 20 (shiva.shatarudra.18.20)

भूत्वा मम सुतो नाथ देवा यक्षाः पराजिताः । दैत्यैर्महाबलैः शम्भो सुरानन्दप्रदो भव

bhūtvā mama suto nātha devā yakṣāḥ parājitāḥ daityairmahābalaiḥ śambho surānandaprado bhava

हे शम्भो! आप मेरे पुत्र बनकर, महाबली दैत्यों से पराजित देवताओं और यक्षों को आनन्द देने वाले बनिए।

श्लोक 21 (shiva.shatarudra.18.21)

सदैवास्तु महेशान सर्वलेखसहायकः । यथा दैत्यकृता बाधा न बाधेत सुरान्प्रभो

sadaivāstu maheśāna sarvalekhasahāyakaḥ yathā daityakṛtā bādhā na bādheta surānprabho

हे महेश्वर! सदा ही ऐसा सहायक विद्यमान रहे कि दैत्यों द्वारा की गई बाधा देवताओं को कभी पीड़ित न कर सके, हे प्रभु।

श्लोक 22 (shiva.shatarudra.18.22)

नन्दीश्वर उवाच । इत्युक्तस्य तु सर्वेशस्तथेति प्रोच्य शङ्करः । पश्यतस्तस्य भगवांस्तत्रैवान्तर्दधे हरः

nandīśvara uvāca ityuktasya tu sarveśastatheti procya śaṅkaraḥ paśyatastasya bhagavāṁstatraivāntardadhe haraḥ

नन्दीश्वर ने कहा — इस प्रकार कहे जाने पर, सर्वेश्वर शंकर ने "तथास्तु" कहकर, उन्हीं के देखते-देखते वहीं अन्तर्धान हो गए।

श्लोक 23 (shiva.shatarudra.18.23)

कश्यपोऽपि महाहृष्टः स्वस्थानमगमद् द्रुतम् । देवेभ्यः कथयामास सर्ववृत्तान्तमादरात्

kaśyapo'pi mahāhṛṣṭaḥ svasthānamagamad drutam devebhyaḥ kathayāmāsa sarvavṛttāntamādarāt

कश्यप भी अत्यंत हर्षित होकर शीघ्र अपने स्थान को लौट आए और आदरपूर्वक देवताओं को समस्त वृत्तान्त सुनाया।

श्लोक 24 (shiva.shatarudra.18.24)

ततः स शङ्करः शर्वः सत्यं कर्तुं स्वकं वचः । सुरभ्यां कश्यपाज्जज्ञे एकादशस्वरूपवान्

tataḥ sa śaṅkaraḥ śarvaḥ satyaṁ kartuṁ svakaṁ vacaḥ surabhyāṁ kaśyapājjajñe ekādaśasvarūpavān

तब उस शंकर शर्व ने अपना वचन सत्य करने के लिए सुरभि और कश्यप से ग्यारह रूपों में जन्म लिया।

श्लोक 25 (shiva.shatarudra.18.25)

महोत्सवस्तदासीद् वै सर्वं शिवमयं त्वभूत् । आसन्हृष्टाः सुराश्चाथ मुनिना कश्यपेन च

mahotsavastadāsīd vai sarvaṁ śivamayaṁ tvabhūt āsanhṛṣṭāḥ surāścātha muninā kaśyapena ca

उस समय महान उत्सव हुआ और सब कुछ शिवमय हो गया; देवगण तथा मुनि कश्यप, सभी आनन्दित हो गए।

श्लोक 26 (shiva.shatarudra.18.26)

कपाली पिङ्गलो भीमो विरूपाक्षो विलोहितः । शास्ताजपादहिर्बुध्न्यश्शम्भुश्चण्डो भवस्तथा

kapālī piṅgalo bhīmo virūpākṣo vilohitaḥ śāstājapādahirbudhnyaśśambhuścaṇḍo bhavastathā

कपाली, पिंगल, भीम, विरूपाक्ष, विलोहित, शास्ता, अजपाद, अहिर्बुध्न्य, शम्भु, चण्ड और भव —

श्लोक 27 (shiva.shatarudra.18.27)

एकादशैते रुद्रास्तु सुरभीतनयाः स्मृताः । देवकार्यार्थमुत्पन्नाः शिवरूपाः सुखास्पदम्

ekādaśaite rudrāstu surabhītanayāḥ smṛtāḥ devakāryārthamutpannāḥ śivarūpāḥ sukhāspadam

ये ग्यारह रुद्र सुरभि के पुत्र स्मरण किए जाते हैं, जो देवताओं के कार्य हेतु उत्पन्न हुए, शिवस्वरूप, सुख के आश्रयस्थान।

श्लोक 28 (shiva.shatarudra.18.28)

ते रुद्राः काश्यपा वीरा महाबलपराक्रमाः । दैत्यान् जघ्नुश्च सङ्ग्रामे देवसाहाय्यकारिणः

te rudrāḥ kāśyapā vīrā mahābalaparākramāḥ daityān jaghnuśca saṅgrāme devasāhāyyakāriṇaḥ

वे काश्यप वीर रुद्रगण, महान बल-पराक्रम वाले, देवताओं की सहायता करते हुए संग्राम में दैत्यों का संहार करने लगे।

श्लोक 29 (shiva.shatarudra.18.29)

तद्रुद्रकृपया देवा दैत्यान् जित्वा च निर्भयाः । चक्रुः स्वराज्यं सर्वे ते शक्राद्याः स्वस्थमानसाः

tadrudrakṛpayā devā daityān jitvā ca nirbhayāḥ cakruḥ svarājyaṁ sarve te śakrādyāḥ svasthamānasāḥ

उन रुद्रों की कृपा से देवगण दैत्यों को जीतकर निर्भय हो गए, और शक्र-आदि सभी स्वस्थचित्त होकर अपने राज्य को प्राप्त हुए।

श्लोक 30 (shiva.shatarudra.18.30)

अद्यापि ते महारुद्राः सर्वे शिवस्वरूपकाः । देवानां रक्षणार्थाय विराजन्ते सदा दिवि

adyāpi te mahārudrāḥ sarve śivasvarūpakāḥ devānāṁ rakṣaṇārthāya virājante sadā divi

आज भी वे सब शिवस्वरूप महारुद्र देवताओं की रक्षा के लिए सदा स्वर्ग में विराजमान रहते हैं।

श्लोक 31 (shiva.shatarudra.18.31)

ऐशान्यां पुरि ते वासं चक्रिरे भक्तवत्सलाः । विरमन्ते सदा तत्र नानालीलाविशारदाः

aiśānyāṁ puri te vāsaṁ cakrire bhaktavatsalāḥ viramante sadā tatra nānālīlāviśāradāḥ

भक्तवत्सल वे रुद्रगण ऐशानी पुरी में निवास करते हैं और वहाँ सदा नाना लीलाओं में निपुण होकर विश्राम करते हैं।

श्लोक 32 (shiva.shatarudra.18.32)

तेषामनुचरा रुद्राः कोटिशः परिकीर्तिताः । सर्वत्र संस्थितास्तत्र त्रिलोकेष्वभिभागशः

teṣāmanucarā rudrāḥ koṭiśaḥ parikīrtitāḥ sarvatra saṁsthitāstatra trilokeṣvabhibhāgaśaḥ

उनके अनुचर रुद्रगण करोड़ों की संख्या में कहे गए हैं, जो सर्वत्र, तीनों लोकों में विभाजित होकर स्थित हैं।

श्लोक 33 (shiva.shatarudra.18.33)

इति ते वर्णितास्तातावताराः शङ्करस्य वै । एकादशमिता रुद्राः सर्वलोकसुखावहाः

iti te varṇitāstātāvatārāḥ śaṅkarasya vai ekādaśamitā rudrāḥ sarvalokasukhāvahāḥ

हे तात! इस प्रकार शंकर के इन अवतारों का वर्णन किया गया — समस्त लोकों को सुख देने वाले ये ग्यारह रुद्र।

श्लोक 34 (shiva.shatarudra.18.34)

इदमाख्यानममलं सर्वपापप्रणाशकम् । धन्यं यशस्यमायुष्यं सर्वकामप्रदायकम्

idamākhyānamamalaṁ sarvapāpapraṇāśakam dhanyaṁ yaśasyamāyuṣyaṁ sarvakāmapradāyakam

यह पवित्र आख्यान समस्त पापों का नाश करने वाला है; यह धन्य, यशस्वी, आयु बढ़ाने वाला तथा समस्त कामनाओं को पूर्ण करने वाला है।

श्लोक 35 (shiva.shatarudra.18.35)

य इदं शृणुयात्तात श्रावयेद्वै समाहितः । इह सर्वसुखं भुक्त्वा ततो मुक्तिं लभेत सः

ya idaṁ śṛṇuyāttāta śrāvayedvai samāhitaḥ iha sarvasukhaṁ bhuktvā tato muktiṁ labheta saḥ

हे तात! जो एकाग्रचित्त होकर इसे सुनता है अथवा सुनाता है, वह यहाँ समस्त सुख भोगकर अंत में मुक्ति को प्राप्त करता है।