वैश्यनाथ अवतार-वर्णन

श्लोक 1 (shiva.shatarudra.26.1)

नन्दीश्वर उवाच । शृणु तात प्रवक्ष्यामि शिवस्य परमात्मनः । अवतारं परानन्दं वैश्यनाथाह्वयं मुने

nandīśvara uvāca śṛṇu tāta pravakṣyāmi śivasya paramātmanaḥ avatāraṁ parānandaṁ vaiśyanāthāhvayaṁ mune

नन्दीश्वर ने कहा — हे तात! अब मैं सुनाता हूँ, हे मुने, परमात्मा शिव के परमानन्दमय अवतार को, जो वैश्यनाथ नाम से प्रसिद्ध है।

श्लोक 2 (shiva.shatarudra.26.2)

नन्दिग्रामे पुरा काचिन्महानन्देति विश्रुता । बभूव वारवनिता शिवभक्ता सुसुन्दरी

nandigrāme purā kācinmahānandeti viśrutā babhūva vāravanitā śivabhaktā susundarī

प्राचीन काल में नन्दिग्राम में महानन्दा नाम से विख्यात एक वेश्या रहती थी, जो शिवभक्त और अत्यंत सुंदर थी।

श्लोक 3 (shiva.shatarudra.26.3)

महाविभवसम्पन्ना सुधनाढ्या महोज्ज्वला । नानारत्नपरिच्छिन्नशृङ्गाररसनिर्भरा

mahāvibhavasampannā sudhanāḍhyā mahojjvalā nānāratnaparicchinnaśṛṅgārarasanirbharā

वह महान वैभवसंपन्न, अत्यंत धनाढ्य, तेजस्वी तथा अनेक रत्नों से सुसज्जित शृंगार-रस से परिपूर्ण थी।

श्लोक 4 (shiva.shatarudra.26.4)

सर्वसङ्गीतविद्यासु निपुणातिमनोहरा । तस्या गेयेन हृष्यन्ति राज्ञ्यो राजान एव च

sarvasaṅgītavidyāsu nipuṇātimanoharā tasyā geyena hṛṣyanti rājñyo rājāna eva ca

वह समस्त संगीत-विद्याओं में निपुण तथा अत्यंत मनोहर थी; उसके गायन से रानियाँ और राजा भी प्रसन्न होते थे।

श्लोक 5 (shiva.shatarudra.26.5)

समानर्च सदा साम्बं सा वेश्या शङ्करं मुदा । शिवनामजपासक्ता भस्मरुद्राक्षभूषणा

samānarca sadā sāmbaṁ sā veśyā śaṅkaraṁ mudā śivanāmajapāsaktā bhasmarudrākṣabhūṣaṇā

वह वेश्या सदा प्रसन्नतापूर्वक उमा-सहित शंकर की अर्चना करती थी, शिवनाम-जप में आसक्त तथा भस्म-रुद्राक्ष से विभूषित।

श्लोक 6 (shiva.shatarudra.26.6)

शिवं सम्पूज्य सा नित्यं सेवन्ती जगदीश्वरम् । ननर्त परया भक्त्या गायन्ती शिवसद्यशः

śivaṁ sampūjya sā nityaṁ sevantī jagadīśvaram nanarta parayā bhaktyā gāyantī śivasadyaśaḥ

वह नित्य शिव की पूजा करके, जगदीश्वर की सेवा करती हुई, परम भक्ति से शिव की पवित्र कीर्ति गाती हुई नृत्य करती थी।

श्लोक 7 (shiva.shatarudra.26.7)

रुद्राक्षैर्भूषयित्वैकं मर्कटं चैव कुक्कुटम् । करतालैश्च गीतैश्च सदा नर्तयति स्म सा

rudrākṣairbhūṣayitvaikaṁ markaṭaṁ caiva kukkuṭam karatālaiśca gītaiśca sadā nartayati sma sā

एक बंदर और एक मुर्गे को रुद्राक्षों से सजाकर, वह करताल और गीतों के साथ उन्हें सदा नचाती थी।

श्लोक 8 (shiva.shatarudra.26.8)

नृत्यमानौ च तौ दृष्ट्वा शिवभक्तिरता च सा । वेश्या स्म विहसत्युच्चैः प्रेम्णा सर्वसखीयुता

nṛtyamānau ca tau dṛṣṭvā śivabhaktiratā ca sā veśyā sma vihasatyuccaiḥ premṇā sarvasakhīyutā

उन दोनों को नाचते देखकर, शिवभक्ति में रत वह वेश्या अपनी सभी सखियों के साथ प्रेमपूर्वक जोर से हँसती थी।

श्लोक 9 (shiva.shatarudra.26.9)

रुद्राक्षैः कृतकेयूरकर्णाभरणमण्डना । मर्कटः शिक्षया तस्याः पुरो नृत्यति बालवत्

rudrākṣaiḥ kṛtakeyūrakarṇābharaṇamaṇḍanā markaṭaḥ śikṣayā tasyāḥ puro nṛtyati bālavat

रुद्राक्षों से बने केयूर तथा कर्णाभूषणों से सजा वह बंदर, उसकी शिक्षा से उसके सामने बालक की भाँति नाचता था।

श्लोक 10 (shiva.shatarudra.26.10)

शिखासम्बद्धरुद्राक्षः कुक्कुटः कपिना सह । नित्यं ननर्त नृत्यज्ञः पश्यतां हितमावहन्

śikhāsambaddharudrākṣaḥ kukkuṭaḥ kapinā saha nityaṁ nanarta nṛtyajñaḥ paśyatāṁ hitamāvahan

शिखा में रुद्राक्ष बाँधे वह मुर्गा भी बंदर के साथ नित्य नृत्य करता था, नृत्य में निपुण, देखने वालों का हित करता हुआ।

श्लोक 11 (shiva.shatarudra.26.11)

एवं सा कुर्वती वेश्या कौतुकं परमादरात् । शिवभक्तिरता नित्यं महानन्दभराभवत्

evaṁ sā kurvatī veśyā kautukaṁ paramādarāt śivabhaktiratā nityaṁ mahānandabharābhavat

इस प्रकार परम आदरपूर्वक यह कौतुक करती वह वेश्या, सदा शिवभक्ति में रत, महान आनंद से भर गई।

श्लोक 12 (shiva.shatarudra.26.12)

शिवभक्तिं प्रकुर्वन्त्या वेश्याया मुनिसत्तम । बहुकालो व्यतीयाय तस्याः परमसौख्यतः

śivabhaktiṁ prakurvantyā veśyāyā munisattama bahukālo vyatīyāya tasyāḥ paramasaukhyataḥ

हे मुनिश्रेष्ठ! शिवभक्ति करती हुई उस वेश्या का बहुत समय परम सुखपूर्वक व्यतीत हो गया।

श्लोक 13 (shiva.shatarudra.26.13)

एकदा च गृहे तस्या वैश्यो भूत्वा शिवः स्वयम् । परीक्षितुं च तद्भावमाजगाम शुभो व्रती

ekadā ca gṛhe tasyā vaiśyo bhūtvā śivaḥ svayam parīkṣituṁ ca tadbhāvamājagāma śubho vratī

एक दिन उसके भाव की परीक्षा लेने के लिए शुभ, व्रतधारी स्वयं शिव ही वैश्य का रूप धारण कर उसके घर आए।

श्लोक 14 (shiva.shatarudra.26.14)

त्रिपुण्ड्रविलसद्भालो रुद्राक्षाभरणः कृती । शिवनामजपासक्तो जटिलः शैववेषभृत्

tripuṇḍravilasadbhālo rudrākṣābharaṇaḥ kṛtī śivanāmajapāsakto jaṭilaḥ śaivaveṣabhṛt

उनके मस्तक पर त्रिपुण्ड्र सुशोभित था, वे रुद्राक्ष से आभूषित, कुशल, शिवनाम-जप में आसक्त, जटाधारी और शैव वेष धारण किए हुए थे।

श्लोक 15 (shiva.shatarudra.26.15)

स बिभ्रद्भस्मनिचयं प्रकोष्ठे वरकङ्कणम् । महारत्नपरिस्तीर्णं राजते परकौतुकी

sa bibhradbhasmanicayaṁ prakoṣṭhe varakaṅkaṇam mahāratnaparistīrṇaṁ rājate parakautukī

वे भस्म धारण किए हुए थे और अपनी कलाई पर महारत्नों से जड़ा एक श्रेष्ठ कंकण पहने अद्भुत कौतुक से सुशोभित थे।

श्लोक 16 (shiva.shatarudra.26.16)

तमागतं सुसम्पूज्य सा वेश्या परया मुदा । स्वस्थाने सादरं वैश्यं सुन्दरी हि न्यवेशयत्

tamāgataṁ susampūjya sā veśyā parayā mudā svasthāne sādaraṁ vaiśyaṁ sundarī hi nyaveśayat

आए हुए उनकी भली भाँति पूजा करके, वह सुंदरी वेश्या परम प्रसन्नता से उस वैश्य को आदरपूर्वक अपने स्थान पर बिठा दिया।

श्लोक 17 (shiva.shatarudra.26.17)

तत्प्रकोष्ठे वरं वीक्ष्य कङ्कणं सुमनोहरम् । तस्मिञ्जातस्पृहा सा च तं प्रोवाच सुविस्मिता

tatprakoṣṭhe varaṁ vīkṣya kaṅkaṇaṁ sumanoharam tasmiñjātaspṛhā sā ca taṁ provāca suvismitā

उसकी कलाई पर वह अत्यंत मनोहर श्रेष्ठ कंकण देखकर, उसमें उसकी स्पृहा जाग उठी, और वह अत्यंत विस्मित होकर उससे बोली।

श्लोक 18 (shiva.shatarudra.26.18)

महानन्दोवाच । महारत्नमयश्चायं कङ्कणस्त्वत्करे स्थितः । मनो हरति मे सद्यो दिव्यस्त्रीभूषणोचितः

mahānandovāca mahāratnamayaścāyaṁ kaṅkaṇastvatkare sthitaḥ mano harati me sadyo divyastrībhūṣaṇocitaḥ

महानन्दा ने कहा — "यह महारत्नों से बना कंकण जो तुम्हारे हाथ में है, तत्काल मेरा मन हर लेता है — यह तो किसी दिव्य स्त्री के आभूषण योग्य है।"

श्लोक 19 (shiva.shatarudra.26.19)

नन्दीश्वर उवाच । इति तां नवरत्नाढ्ये सस्पृहां करभूषणे । वीक्ष्योदारमतिर्वैश्यः सस्मितं समभाषत

nandīśvara uvāca iti tāṁ navaratnāḍhye saspṛhāṁ karabhūṣaṇe vīkṣyodāramatirvaiśyaḥ sasmitaṁ samabhāṣata

नन्दीश्वर ने कहा — इस प्रकार नवरत्नों से सुशोभित उस कंकण के लिए स्पृहा करती उसे देखकर, उदार-बुद्धि वैश्य मुस्कुराते हुए बोला।

श्लोक 20 (shiva.shatarudra.26.20)

वैश्यनाथ उवाच । अस्मिन् रत्नवरे दिव्ये सस्पृहं यदि ते मनः । त्वमेवाधत्स्व सुप्रीत्या मौल्यमस्य ददासि किम्

vaiśyanātha uvāca asmin ratnavare divye saspṛhaṁ yadi te manaḥ tvamevādhatsva suprītyā maulyamasya dadāsi kim

वैश्यनाथ ने कहा — "यदि इस दिव्य, श्रेष्ठ रत्न में तुम्हारा मन आसक्त है, तो तुम प्रसन्नतापूर्वक इसे स्वयं धारण कर लो — किंतु इसका मूल्य क्या दोगी?"

श्लोक 21 (shiva.shatarudra.26.21)

वेश्योवाच । वयं हि स्वैरचारिण्यो वेश्यास्तु न पतिव्रताः । अस्मत्कुलोचितो धर्मो व्यभिचारो न संशयः

veśyovāca vayaṁ hi svairacāriṇyo veśyāstu na pativratāḥ asmatkulocito dharmo vyabhicāro na saṁśayaḥ

वेश्या ने कहा — "हम स्वेच्छाचारिणी वेश्याएँ हैं, पतिव्रता नहीं। हमारे कुल के अनुरूप धर्म व्यभिचार ही है, इसमें कोई संशय नहीं।"

श्लोक 22 (shiva.shatarudra.26.22)

यद्येतदखिलं चित्तं गृह्णाति करभूषणम् । दिनत्रयमहोरात्रं पत्नी तव भवाम्यहम्

yadyetadakhilaṁ cittaṁ gṛhṇāti karabhūṣaṇam dinatrayamahorātraṁ patnī tava bhavāmyaham

"यदि यह करभूषण मेरे संपूर्ण चित्त को हर लेता है, तो तीन दिन-रात के लिए मैं तुम्हारी पत्नी बनती हूँ।"

श्लोक 23 (shiva.shatarudra.26.23)

वैश्य उवाच । तथास्तु यदि ते सत्यं वचनं वीरवल्लभे । ददामि रत्नवलयं त्रिरात्रं भव मे वधूः

vaiśya uvāca tathāstu yadi te satyaṁ vacanaṁ vīravallabhe dadāmi ratnavalayaṁ trirātraṁ bhava me vadhūḥ

वैश्य ने कहा — "हे वीरवल्लभे! यदि तुम्हारा यह वचन सत्य है तो ऐसा ही हो। मैं यह रत्न-कंकण देता हूँ, तीन रात्रि के लिए मेरी वधू बनो।"

श्लोक 24 (shiva.shatarudra.26.24)

एतस्मिन्व्यवहारे तु प्रमाणं शशिभास्करौ । त्रिवारं सत्यमित्युक्त्वा हृदयं मे स्पृश प्रिये

etasminvyavahāre tu pramāṇaṁ śaśibhāskarau trivāraṁ satyamityuktvā hṛdayaṁ me spṛśa priye

"इस व्यवहार में चन्द्र और सूर्य साक्षी हों। तीन बार 'सत्य है' कहकर, हे प्रिये, मेरे हृदय को स्पर्श करो।"

श्लोक 25 (shiva.shatarudra.26.25)

वेश्योवाच । दिनत्रयमहोरात्रं पत्नी भूत्वा तव प्रभो । सहधर्मं चरामीति सत्यं सत्यं न संशयः

veśyovāca dinatrayamahorātraṁ patnī bhūtvā tava prabho sahadharmaṁ carāmīti satyaṁ satyaṁ na saṁśayaḥ

वेश्या ने कहा — "हे प्रभो! तीन दिन-रात तुम्हारी पत्नी बनकर मैं सहधर्म का पालन करूँगी — यह सत्य है, सत्य है, इसमें कोई संशय नहीं।"

श्लोक 26 (shiva.shatarudra.26.26)

नन्दीश्वर उवाच । इत्युक्त्वा हि महानन्दा त्रिवारं शशिभास्करौ । प्रमाणीकृत्य सुप्रीत्या सा तद् हृदयमस्पृशत्

nandīśvara uvāca ityuktvā hi mahānandā trivāraṁ śaśibhāskarau pramāṇīkṛtya suprītyā sā tad hṛdayamaspṛśat

नन्दीश्वर ने कहा — यह कहकर महानन्दा ने तीन बार चन्द्र-सूर्य को साक्षी मानकर, बड़े प्रेम से उसका हृदय स्पर्श किया।

श्लोक 27 (shiva.shatarudra.26.27)

अथ तस्यै स वैश्यस्तु प्रदत्त्वा रत्नकङ्कणम् । लिङ्गं रत्नमयं तस्य हस्ते दत्त्वेदमब्रवीत्

atha tasyai sa vaiśyastu pradattvā ratnakaṅkaṇam liṅgaṁ ratnamayaṁ tasya haste dattvedamabravīt

तब वैश्य ने उसे रत्न-कंकण देकर, अपने रत्नमय लिंग को उसके हाथ में देकर यह कहा।

श्लोक 28 (shiva.shatarudra.26.28)

वैश्यनाथ उवाच । इदं रत्नमयं लिङ्गं शैवं मत्प्राणदवल्लभम् । रक्षणीयं त्वया कान्ते गोपनीयं प्रयत्नतः

vaiśyanātha uvāca idaṁ ratnamayaṁ liṅgaṁ śaivaṁ matprāṇadavallabham rakṣaṇīyaṁ tvayā kānte gopanīyaṁ prayatnataḥ

वैश्यनाथ ने कहा — "यह रत्नमय शैव लिंग मुझे अपने प्राणों के समान प्रिय है। हे प्रिये! इसकी तुम्हें रक्षा करनी है और यत्नपूर्वक इसे गुप्त रखना है।"

श्लोक 29 (shiva.shatarudra.26.29)

नन्दीश्वर उवाच । एवमस्त्विति सा प्रोच्य लिङ्गमादाय रत्नजम् । नाट्यमण्डपिकामध्ये निधाय प्राविशद् गृहम्

nandīśvara uvāca evamastviti sā procya liṅgamādāya ratnajam nāṭyamaṇḍapikāmadhye nidhāya prāviśad gṛham

नन्दीश्वर ने कहा — "ऐसा ही होगा" कहकर वह उस रत्न-लिंग को लेकर नृत्य-मंडप के मध्य रखकर घर में चली गई।

श्लोक 30 (shiva.shatarudra.26.30)

सा तेन सङ्गता रात्रौ वैश्येन विटधर्मिणा । सुखं सुष्वाप पर्यङ्के मृदुतल्पोपशोभिते

sā tena saṅgatā rātrau vaiśyena viṭadharmiṇā sukhaṁ suṣvāpa paryaṅke mṛdutalpopaśobhite

वह विट-धर्म के अनुरूप उस वैश्य के साथ रात्रि में मिलकर, कोमल शय्या से सुशोभित पलंग पर सुखपूर्वक सो गई।

श्लोक 31 (shiva.shatarudra.26.31)

ततो निशीथसमये मुने वैश्यपतीच्छया । अकस्मादुत्थिता वाणी नृत्यमण्डपिकान्तरे

tato niśīthasamaye mune vaiśyapatīcchayā akasmādutthitā vāṇī nṛtyamaṇḍapikāntare

हे मुने! तब आधी रात्रि में, वैश्य-पति की इच्छा से नृत्य-मंडप के भीतर अकस्मात् एक ध्वनि उठी।

श्लोक 32 (shiva.shatarudra.26.32)

महाप्रज्वलितो वह्निः सुसमीरसहायवान् । नाट्यमण्डपिकां तात तामेव सहसावृणोत्

mahāprajvalito vahniḥ susamīrasahāyavān nāṭyamaṇḍapikāṁ tāta tāmeva sahasāvṛṇot

हे तात! प्रबल वायु के सहायक तेज प्रज्वलित अग्नि ने अचानक ही उस नृत्य-मंडप को घेर लिया।

श्लोक 33 (shiva.shatarudra.26.33)

मण्डपे दह्यमाने तु सहसोत्थाय सम्भ्रमात् । मर्कटं मोचयामास सा वेश्या तत्र बन्धनात्

maṇḍape dahyamāne tu sahasotthāya sambhramāt markaṭaṁ mocayāmāsa sā veśyā tatra bandhanāt

मंडप के जलते ही, वह वेश्या घबराकर तुरंत उठी और वहाँ बंधन से बंदर को मुक्त किया।

श्लोक 34 (shiva.shatarudra.26.34)

स मर्कटो मुक्तबन्धः कुक्कुटेन सहामुना । भिया दूरं हि दुद्राव विधूयाग्निकणान्बहून्

sa markaṭo muktabandhaḥ kukkuṭena sahāmunā bhiyā dūraṁ hi dudrāva vidhūyāgnikaṇānbahūn

बंधन से मुक्त वह बंदर, मुर्गे के साथ, अनेक अग्नि-कणों को झाड़ते हुए भय से दूर भाग गया।

श्लोक 35 (shiva.shatarudra.26.35)

स्तम्भेन सह निर्दग्धं तल्लिङ्गं शकलीकृतम् । दृष्ट्वा वेश्या स वैश्यश्च दुरन्तं दुःखमापतुः

stambhena saha nirdagdhaṁ talliṅgaṁ śakalīkṛtam dṛṣṭvā veśyā sa vaiśyaśca durantaṁ duḥkhamāpatuḥ

स्तंभ सहित पूर्णतः जला और खंड-खंड हो गया वह लिंग देखकर, वेश्या और वैश्य दोनों अपार दुःख को प्राप्त हुए।

श्लोक 36 (shiva.shatarudra.26.36)

दृष्ट्वा ह्यात्मसमं लिङ्गं दग्धं वैश्यपतिस्तदा । ज्ञातुं तद्भावमन्तःस्थं मरणाय मतिं दधे

dṛṣṭvā hyātmasamaṁ liṅgaṁ dagdhaṁ vaiśyapatistadā jñātuṁ tadbhāvamantaḥsthaṁ maraṇāya matiṁ dadhe

अपने प्राणों के समान प्रिय उस लिंग को जला देख, वैश्य-पति ने उसके अंतर्मन के भाव को जानने के लिए मरने का निश्चय किया।

श्लोक 37 (shiva.shatarudra.26.37)

निविश्येऽतितरां खेदाद्वैश्यस्तामाह दुःखिताम् । नानालीलो महेशानः कौतुकान्नरदेहवान्

niviśye'titarāṁ khedādvaiśyastāmāha duḥkhitām nānālīlo maheśānaḥ kautukānnaradehavān

अत्यंत खेद में डूबे वैश्य ने उस दुःखी स्त्री से कहा — वे नाना लीलाएँ करने वाले महेशान कौतुकवश मनुष्य-देह धारण किए हुए थे।

श्लोक 38 (shiva.shatarudra.26.38)

वैश्यपतिरुवाच । शिवलिङ्गे तु निर्भिन्ने दग्धे महत्प्राणवल्लभे । सत्यं वच्मि न सन्देहो नाहं जीवितुमुत्सहे

vaiśyapatiruvāca śivaliṅge tu nirbhinne dagdhe mahatprāṇavallabhe satyaṁ vacmi na sandeho nāhaṁ jīvitumutsahe

वैश्य-पति ने कहा — "हे भद्रे! मेरे प्राणों से प्रिय शिवलिंग के टूटकर जल जाने पर, मैं सत्य कहता हूँ, इसमें संदेह नहीं — अब मैं जीने का साहस नहीं रखता।"

श्लोक 39 (shiva.shatarudra.26.39)

चितां कारय मे भद्रे स्वभृत्यैस्त्वं वरैर्लघु । शिवे मनः समावेश्य प्रवेक्ष्यामि हुताशनम्

citāṁ kāraya me bhadre svabhṛtyaistvaṁ varairlaghu śive manaḥ samāveśya pravekṣyāmi hutāśanam

"हे भद्रे! अपने उत्तम सेवकों से शीघ्र मेरे लिए चिता तैयार कराओ। शिव में मन लगाकर मैं अग्नि में प्रवेश करूँगा।"

श्लोक 40 (shiva.shatarudra.26.40)

यदि ब्रह्मेन्द्रविष्ण्वाद्या वारयेयुः समेत्य माम् । तथाप्यस्मिन् क्षणे भद्रे प्रविशामि त्यजाम्यसून्

yadi brahmendraviṣṇvādyā vārayeyuḥ sametya mām tathāpyasmin kṣaṇe bhadre praviśāmi tyajāmyasūn

"यदि ब्रह्मा, इंद्र, विष्णु आदि आकर भी मुझे रोकें, तो भी हे भद्रे! इसी क्षण मैं प्रवेश करूँगा, प्राण त्याग दूँगा।"

श्लोक 41 (shiva.shatarudra.26.41)

नन्दीश्वर उवाच । तमेवं दृढनिर्बन्धं सा विज्ञाय सुदुःखिता । स्वभृत्यैः कारयामास चितां स्वभवनाद् बहिः

nandīśvara uvāca tamevaṁ dṛḍhanirbandhaṁ sā vijñāya suduḥkhitā svabhṛtyaiḥ kārayāmāsa citāṁ svabhavanād bahiḥ

नन्दीश्वर ने कहा — उसके इस दृढ़ निश्चय को जानकर वह अत्यंत दुःखी स्त्री अपने सेवकों से अपने घर के बाहर चिता तैयार कराने लगी।

श्लोक 42 (shiva.shatarudra.26.42)

ततः स वैश्यः शिव एक एव प्रदक्षिणीकृत्य समिद्धमग्निम् । विवेश पश्यत्सु नरेषु धीरः सुकौतुकी सङ्गतिभावमिच्छुः

tataḥ sa vaiśyaḥ śiva eka eva pradakṣiṇīkṛtya samiddhamagnim viveśa paśyatsu nareṣu dhīraḥ sukautukī saṅgatibhāvamicchuḥ

तब वह वैश्य, जो साक्षात् शिव ही था, प्रज्वलित अग्नि की प्रदक्षिणा करके, धैर्यपूर्वक, देखते हुए मनुष्यों के सम्मुख, सङ्गति-भाव जानने की उत्सुकतावश उसमें प्रवेश कर गया।

श्लोक 43 (shiva.shatarudra.26.43)

दृष्ट्वा सा तद्गतिं वेश्या महानन्दातिविस्मिता । अनुतापं च युवती प्रपेदे मुनिसत्तम

dṛṣṭvā sā tadgatiṁ veśyā mahānandātivismitā anutāpaṁ ca yuvatī prapede munisattama

हे मुनिश्रेष्ठ! उसकी यह गति देखकर वह युवती महानन्दा अत्यंत विस्मित हो गई और गहरे पश्चाताप को प्राप्त हुई।

श्लोक 44 (shiva.shatarudra.26.44)

अथ सा दुःखिता वेश्या स्मृत्वा धर्म सुनिर्मलम् । सर्वान्बन्धुजनान्वीक्ष्य बभाषे करुणं वचः

atha sā duḥkhitā veśyā smṛtvā dharma sunirmalam sarvānbandhujanānvīkṣya babhāṣe karuṇaṁ vacaḥ

तब वह दुःखी वेश्या पवित्र धर्म का स्मरण करके, अपने सभी बंधुजनों को देखकर करुणापूर्ण वचन बोली।

श्लोक 45 (shiva.shatarudra.26.45)

महानन्दोवाच । रत्नकङ्कणमादाय मया सत्यमुदाहृतम् । दिनत्रयमहं पत्नी वैश्यस्यामुष्य सम्मता

mahānandovāca ratnakaṅkaṇamādāya mayā satyamudāhṛtam dinatrayamahaṁ patnī vaiśyasyāmuṣya sammatā

महानन्दा ने कहा — "मैंने रत्न-कंकण लेकर सत्य वचन दिया था कि तीन दिन के लिए मैं इस वैश्य की स्वीकृत पत्नी बनूँगी।"

श्लोक 46 (shiva.shatarudra.26.46)

कर्मणा मत्कृतेनायं मृतो वैश्यः शिवव्रती । तस्मादहं प्रवेक्ष्यामि सहानेन हुताशनम्

karmaṇā matkṛtenāyaṁ mṛto vaiśyaḥ śivavratī tasmādahaṁ pravekṣyāmi sahānena hutāśanam

"मेरे ही कृत्य के कारण शिव-व्रती यह वैश्य मृत्यु को प्राप्त हुआ है, अतः मैं भी इसके साथ अग्नि में प्रवेश करूँगी।"

श्लोक 47 (shiva.shatarudra.26.47)

स्वधर्मचारिणीत्युक्तमाचार्यैः सत्यवादिभिः । एवं कृते मम प्रीत्या सत्यं मयि न नश्यतु

svadharmacāriṇītyuktamācāryaiḥ satyavādibhiḥ evaṁ kṛte mama prītyā satyaṁ mayi na naśyatu

"सत्यवादी आचार्यों ने कहा है कि स्वधर्म का पालन करने वाली स्त्री ऐसा ही करती है। ऐसा करने से, मेरी प्रसन्नता से, मुझमें सत्य नष्ट न हो।"

श्लोक 48 (shiva.shatarudra.26.48)

सत्याश्रयः परो धर्मः सत्येन परमा गतिः । सत्येन स्वर्गमोक्षौ च सत्ये सर्वं प्रतिष्ठितम्

satyāśrayaḥ paro dharmaḥ satyena paramā gatiḥ satyena svargamokṣau ca satye sarvaṁ pratiṣṭhitam

"सत्य का आश्रय ही परम धर्म है, सत्य से ही परम गति प्राप्त होती है। सत्य से ही स्वर्ग और मोक्ष दोनों मिलते हैं, सत्य में ही सब कुछ प्रतिष्ठित है।"

श्लोक 49 (shiva.shatarudra.26.49)

नन्दीश्वर उवाच । इति सा दृढनिर्बन्धा वार्यमाणापि बन्धुभिः । सत्यलोपभिया नारी प्राणांस्त्यक्तुं मनो दधे

nandīśvara uvāca iti sā dṛḍhanirbandhā vāryamāṇāpi bandhubhiḥ satyalopabhiyā nārī prāṇāṁstyaktuṁ mano dadhe

नन्दीश्वर ने कहा — इस प्रकार दृढ़-निश्चयी वह स्त्री, बंधुजनों द्वारा रोके जाने पर भी, सत्य के लोप के भय से प्राण त्यागने का मन बना बैठी।

श्लोक 50 (shiva.shatarudra.26.50)

सर्वस्वं द्विजमुख्येभ्यो दत्त्वा ध्यात्वा सदाशिवम् । तमग्निं त्रिःपरिक्रम्य प्रवेशाभिमुखी ह्यभूत्

sarvasvaṁ dvijamukhyebhyo dattvā dhyātvā sadāśivam tamagniṁ triḥparikramya praveśābhimukhī hyabhūt

द्विजश्रेष्ठों को अपना सब कुछ दान देकर, सदाशिव का ध्यान करके, उस अग्नि की तीन बार परिक्रमा कर वह प्रवेश करने को उन्मुख हुई।

श्लोक 51 (shiva.shatarudra.26.51)

तां पतन्तीं समिद्धेऽग्नौ स्वपदार्पितमानसाम् । वारयामास विश्वात्मा प्रादुर्भूतः स वै शिवः

tāṁ patantīṁ samiddhe'gnau svapadārpitamānasām vārayāmāsa viśvātmā prādurbhūtaḥ sa vai śivaḥ

प्रज्वलित अग्नि में गिरती हुई, अपना मन उनके चरणों में अर्पित किए हुए उस स्त्री को, विश्वात्मा साक्षात् शिव प्रकट होकर रोक लिया।

श्लोक 52 (shiva.shatarudra.26.52)

सा तं विलोक्याखिलदेवदेवं त्रिलोचनं चन्द्रकलावतंसम् । शशाङ्कसूर्यानलकोटिभासं स्तब्धेव भीतेव तथैव तस्थौ

sā taṁ vilokyākhiladevadevaṁ trilocanaṁ candrakalāvataṁsam śaśāṅkasūryānalakoṭibhāsaṁ stabdheva bhīteva tathaiva tasthau

उन समस्त देवों के देव, त्रिनेत्र, चन्द्रकला से विभूषित, करोड़ों चन्द्र-सूर्य-अग्नि के समान तेजस्वी उन्हें देखकर, वह स्तब्ध-सी और भयभीत-सी खड़ी रह गई।

श्लोक 53 (shiva.shatarudra.26.53)

तां विह्वलां सुवित्रस्तां वेपमानां जडीकृताम् । समाश्वास्य गलद्बाष्पां करौ धृत्वाब्रवीद्वचः

tāṁ vihvalāṁ suvitrastāṁ vepamānāṁ jaḍīkṛtām samāśvāsya galadbāṣpāṁ karau dhṛtvābravīdvacaḥ

व्याकुल, अत्यंत भयभीत, कंपती, जड़वत् हो गई उस स्त्री को आश्वासन देकर, अश्रु बहाते हुए उसके दोनों हाथ पकड़कर उन्होंने यह वचन कहा।

श्लोक 54 (shiva.shatarudra.26.54)

शिव उवाच । सत्यं धर्मं च धैर्यं च भक्तिं च मयि निश्चलाम् । परीक्षितुं त्वत्सकाशं वैश्यो भूत्वाहमागतः

śiva uvāca satyaṁ dharmaṁ ca dhairyaṁ ca bhaktiṁ ca mayi niścalām parīkṣituṁ tvatsakāśaṁ vaiśyo bhūtvāhamāgataḥ

शिव ने कहा — "तुम्हारे सत्य, धर्म, धैर्य तथा मुझमें अचल भक्ति की परीक्षा लेने के लिए, मैं वैश्य का रूप धारण कर तुम्हारे पास आया था।"

श्लोक 55 (shiva.shatarudra.26.55)

माययाग्निं समुद्दीप्य दग्धं ते नाट्यमण्डपम् । दग्धं कृत्वा रत्नलिङ्गं प्रविष्टोऽहं हुताशनम्

māyayāgniṁ samuddīpya dagdhaṁ te nāṭyamaṇḍapam dagdhaṁ kṛtvā ratnaliṅgaṁ praviṣṭo'haṁ hutāśanam

"अपनी माया से अग्नि प्रज्वलित करके मैंने तुम्हारा नृत्य-मंडप जलाया, और रत्न-लिंग को जला हुआ दिखाकर मैं स्वयं अग्नि में प्रविष्ट हो गया।"

श्लोक 56 (shiva.shatarudra.26.56)

सा त्वं सत्यमनुस्मृत्य प्रविष्टाग्निं मया सहा । अतस्ते सम्प्रदास्यामि भोगांस्त्रिदशदुर्लभान्

sā tvaṁ satyamanusmṛtya praviṣṭāgniṁ mayā sahā ataste sampradāsyāmi bhogāṁstridaśadurlabhān

"तुमने सत्य का स्मरण करके मेरे साथ अग्नि में प्रवेश किया, अतः मैं तुम्हें देवताओं को भी दुर्लभ भोग प्रदान करूँगा।"

श्लोक 57 (shiva.shatarudra.26.57)

यद्यदिच्छसि सुश्रोणि तदेव हि ददामि ते । त्वद्भक्त्याहं प्रसन्नोऽस्मि तवादेयं न विद्यते

yadyadicchasi suśroṇi tadeva hi dadāmi te tvadbhaktyāhaṁ prasanno'smi tavādeyaṁ na vidyate

"हे सुश्रोणि! तुम जो-जो चाहती हो, वही मैं तुम्हें देता हूँ। तुम्हारी भक्ति से मैं प्रसन्न हूँ, तुम्हें देने योग्य कुछ भी शेष नहीं।"

श्लोक 58 (shiva.shatarudra.26.58)

नन्दीश्वर उवाच । इति ब्रुवति गौरीशे शङ्करे भक्तवत्सले । महानन्दा च सा वेश्या शङ्करं प्रत्यभाषत

nandīśvara uvāca iti bruvati gaurīśe śaṅkare bhaktavatsale mahānandā ca sā veśyā śaṅkaraṁ pratyabhāṣata

नन्दीश्वर ने कहा — भक्तवत्सल गौरीश शंकर के ऐसा कहने पर, वह वेश्या महानन्दा शंकर से बोली।

श्लोक 59 (shiva.shatarudra.26.59)

वेश्योवाच । न मे वाञ्छास्ति भोगेषु भूमौ स्वर्गे रसातले । तव पादाम्बुजस्पर्शादन्यत्किञ्चिन्न कामये

veśyovāca na me vāñchāsti bhogeṣu bhūmau svarge rasātale tava pādāmbujasparśādanyatkiñcinna kāmaye

वेश्या ने कहा — "मुझे पृथ्वी, स्वर्ग अथवा पाताल के भोगों की कोई इच्छा नहीं है। आपके चरण-कमलों के स्पर्श के अतिरिक्त मैं और कुछ नहीं चाहती।"

श्लोक 60 (shiva.shatarudra.26.60)

ये मे भृत्याश्च दास्यश्च ये चान्ये मम बान्धवाः । सर्वे त्वद्दर्शनपरास्त्वयि सन्न्यस्तवृत्तयः

ye me bhṛtyāśca dāsyaśca ye cānye mama bāndhavāḥ sarve tvaddarśanaparāstvayi sannyastavṛttayaḥ

"मेरे जो सेवक-सेविकाएँ हैं और जो अन्य मेरे बंधुजन हैं, वे सब आपके दर्शन में तत्पर होकर अपनी वृत्तियाँ आपमें अर्पित करें।"

श्लोक 61 (shiva.shatarudra.26.61)

सर्वानेतान्मया सार्धं निनीयात्मपरं पदम् । पुनर्जन्मभयं घोरं विमोचय नमोऽस्तु ते

sarvānetānmayā sārdhaṁ ninīyātmaparaṁ padam punarjanmabhayaṁ ghoraṁ vimocaya namo'stu te

"इन सभी को मेरे साथ अपने परम पद तक ले चलिए। घोर पुनर्जन्म के भय से मुक्त कीजिए। आपको नमस्कार है।"

श्लोक 62 (shiva.shatarudra.26.62)

नन्दीश्वर उवाच । ततः स तस्या वचनं प्रतिनन्द्य महेश्वरः । ताः सर्वाश्च तया सार्धं निनाय स्वं परं पदम्

nandīśvara uvāca tataḥ sa tasyā vacanaṁ pratinandya maheśvaraḥ tāḥ sarvāśca tayā sārdhaṁ nināya svaṁ paraṁ padam

नन्दीश्वर ने कहा — तब महेश्वर उसके इस वचन का हर्षपूर्वक अनुमोदन करके, उन सभी को उसके साथ अपने परम पद को ले गए।

श्लोक 63 (shiva.shatarudra.26.63)

वैश्यनाथावतारस्ते वर्णितः परमो मया । महानन्दासुखकरो भक्तानन्दप्रदः सदा

vaiśyanāthāvatāraste varṇitaḥ paramo mayā mahānandāsukhakaro bhaktānandapradaḥ sadā

यह वैश्यनाथ का सर्वोच्च अवतार मैंने तुम्हें सुनाया, जो महानन्दा को सुख देने वाला तथा सदा भक्तों को आनंद प्रदान करने वाला है।

श्लोक 64 (shiva.shatarudra.26.64)

इदं चरित्रं परमं पवित्रं सतां च सर्वप्रदमाशु दिव्यम् । शिवावतारस्य विशाम्पतेर्महानन्दामहासौख्यकरं विचित्रम्

idaṁ caritraṁ paramaṁ pavitraṁ satāṁ ca sarvapradamāśu divyam śivāvatārasya viśāmpatermahānandāmahāsaukhyakaraṁ vicitram

यह चरित्र परम पवित्र, दिव्य तथा सज्जनों को शीघ्र सब कुछ देने वाला है — शिव के वैश्यनाथ अवतार तथा महानन्दा का यह विचित्र, महासुखकारी चरित्र है।

श्लोक 65 (shiva.shatarudra.26.65)

इदं यः शृणुयाद्भक्त्या श्रावयेद्वा समाहितः । च्यवते न स्वधर्मात्स परत्र लभते गतिम्

idaṁ yaḥ śṛṇuyādbhaktyā śrāvayedvā samāhitaḥ cyavate na svadharmātsa paratra labhate gatim

जो कोई इसे भक्तिपूर्वक सुनता है अथवा एकाग्रचित्त होकर सुनाता है, वह अपने धर्म से च्युत नहीं होता तथा परलोक में उत्तम गति प्राप्त करता है।