नन्दिकेश्वर के अभिषेक और विवाह का वर्णन

श्लोक 1 (shiva.shatarudra.7.1)

नन्दिकेश्वर उवाच । तत्र गत्वा मुनेऽहं वै स्थित्वैकान्तस्थले सुधीः । अतपं तप उग्रं सन्मुनीनामपि दुष्करम्

nandikeśvara uvāca tatra gatvā mune’haṁ vai sthitvaikāntasthale sudhīḥ atapaṁ tapa ugraṁ sanmunīnāmapi duṣkaram

नन्दिकेश्वर ने कहा — हे मुने! वहाँ जाकर, एकान्त स्थान में स्थित होकर, बुद्धिमान मैंने ऐसा उग्र तप किया, जो सत्पुरुष मुनियों के लिए भी दुष्कर था।

श्लोक 2 (shiva.shatarudra.7.2)

हृत्पुण्डरीकसुषिरे ध्यात्वा देवं त्रियम्बकम् । त्र्यक्षं दशभुजं शान्तं पञ्चवक्त्रं सदाशिवम्

hṛtpuṇḍarīkasuṣire dhyātvā devaṁ triyambakam tryakṣaṁ daśabhujaṁ śāntaṁ pañcavaktraṁ sadāśivam

हृदय-कमल की गुहा में त्रियम्बक देव का ध्यान करते हुए, जो तीन नेत्रों वाले, दस भुजाओं वाले, शान्त, पाँच मुखों वाले सदाशिव हैं।

श्लोक 3 (shiva.shatarudra.7.3)

रुद्रजाप्यमकार्षं वै परमध्यानमास्थितः । सरितश्चोत्तरे पुण्ये ह्येकचित्तः समाहितः

rudrajāpyamakārṣaṁ vai paramadhyānamāsthitaḥ saritaścottare puṇye hyekacittaḥ samāhitaḥ

मैंने रुद्र-जप किया, परम ध्यान में स्थित होकर, नदी के उत्तर में स्थित पुण्य स्थान पर एकाग्रचित्त होकर समाहित रहा।

श्लोक 4 (shiva.shatarudra.7.4)

तस्मिञ्जाप्येऽथ सम्प्रीतः स्थितं मां परमेश्वरः । तुष्टोऽब्रवीन्महादेवः सोमः सोमार्द्धभूषणः

tasmiñjāpye’tha samprītaḥ sthitaṁ māṁ parameśvaraḥ tuṣṭo’bravīnmahādevaḥ somaḥ somārddhabhūṣaṇaḥ

उस जप में मुझे स्थित देखकर, परमेश्वर अत्यन्त प्रसन्न हुए; सोम, अर्धचन्द्र से विभूषित महादेव प्रसन्नचित्त होकर बोले।

श्लोक 5 (shiva.shatarudra.7.5)

शिव उवाच । शैलादे वरदोऽहं ते तपसानेन तोषितः । साधु तप्तं त्वया धीमन् ब्रूहि यत्ते मनोगतम्

śiva uvāca śailāde varado’haṁ te tapasānena toṣitaḥ sādhu taptaṁ tvayā dhīman brūhi yatte manogatam

शिव ने कहा — हे शैलादे! इस तप से संतुष्ट होकर मैं तुम्हें वर देने वाला हूँ। हे धीमान्! तुमने भली-भाँति तप किया है; अपने मन की बात कहो।

श्लोक 6 (shiva.shatarudra.7.6)

स एवमुक्तो देवेन शिरसा पादयोर्नतः । अस्तवं परमेशानं जराशोकविनाशनम्

sa evamukto devena śirasā pādayornataḥ astavaṁ parameśānaṁ jarāśokavināśanam

इस प्रकार देव द्वारा कहे जाने पर, सिर झुकाकर उनके चरणों में नत होकर, मैंने जरा-शोक के विनाशक परमेशान की स्तुति की।

श्लोक 7 (shiva.shatarudra.7.7)

अथ मां नन्दिनं शम्भुर्भक्त्या परामया युतम् । अश्रुपूर्णेक्षणं सम्यक् पादयोः शिरसा नतम्

atha māṁ nandinaṁ śambhurbhaktyā parāmayā yutam aśrupūrṇekṣaṇaṁ samyak pādayoḥ śirasā natam

तब शम्भु ने मुझ नन्दी को, जो परम भक्ति से युक्त, अश्रुपूर्ण नेत्रों वाला और भली-भाँति उनके चरणों में सिर झुकाए हुए था —

श्लोक 8 (shiva.shatarudra.7.8)

उत्थाप्य परमेशानः पस्पर्श परमार्तिहा । कराभ्यां सम्मुखाभ्यां तु सङ्गृह्य वृषभध्वजः

utthāpya parameśānaḥ pasparśa paramārtihā karābhyāṁ sammukhābhyāṁ tu saṅgṛhya vṛṣabhadhvajaḥ

— उठाकर, परम कष्टहर्ता, वृषभध्वज परमेशान ने दोनों हाथों से सम्मुख होकर मुझे पकड़कर स्पर्श किया।

श्लोक 9 (shiva.shatarudra.7.9)

निरीक्ष्य गणपांश्चैव देवीं हिमवतः सुताम् । उवाच मां कृपादृष्ट्या समीक्ष्य जगतां पतिः

nirīkṣya gaṇapāṁścaiva devīṁ himavataḥ sutām uvāca māṁ kṛpādṛṣṭyā samīkṣya jagatāṁ patiḥ

गणों और हिमवान् की पुत्री देवी को देखकर, जगत्पति ने कृपादृष्टि से मुझे देखते हुए कहा।

श्लोक 10 (shiva.shatarudra.7.10)

वत्स नन्दिन् महाप्राज्ञ मृत्योर्भीतिः कुतस्तव । मयैव प्रेषितौ विप्रौ मत्समस्त्वं न संशयः

vatsa nandin mahāprājña mṛtyorbhītiḥ kutastava mayaiva preṣitau viprau matsamastvaṁ na saṁśayaḥ

हे वत्स नन्दिन्, महाप्राज्ञ! तुम्हें मृत्यु का भय कहाँ से है? वे दोनों विप्र मेरे ही द्वारा भेजे गए थे; तुम मेरे समान हो, इसमें संदेह नहीं।

श्लोक 11 (shiva.shatarudra.7.11)

अमरो जरया त्यक्तोऽदुःखी गणपतिः सदा । अव्ययश्चाक्षयश्चेष्टः सपिता ससुहृज्जनः

amaro jarayā tyakto’duḥkhī gaṇapatiḥ sadā avyayaścākṣayaśceṣṭaḥ sapitā sasuhṛjjanaḥ

तुम अमर, जरा-रहित, दुःखरहित, सदा गणपति, अव्यय, अक्षय, इष्ट, पितासहित और सुहृद्जनसहित हो।

श्लोक 12 (shiva.shatarudra.7.12)

मद्बलः पार्श्वगो नित्यं ममेष्टो भवितानिशम् । न जरा जन्म मृत्युर्वै मत्प्रसादाद्भविष्यति

madbalaḥ pārśvago nityaṁ mameṣṭo bhavitāniśam na jarā janma mṛtyurvai matprasādādbhaviṣyati

मेरे बल से युक्त, सदा मेरे पार्श्व में रहने वाले, मेरे प्रिय बने रहोगे; मेरी कृपा से तुम्हें जरा, जन्म और मृत्यु कभी नहीं होगी।

श्लोक 13 (shiva.shatarudra.7.13)

नन्दीश्वर उवाच । एवमुक्त्वा शिरोमालां कुशेशयमयीं निजाम् । समुन्मुच्य बबन्धाशु मम कण्ठे कृपानिधिः

nandīśvara uvāca evamuktvā śiromālāṁ kuśeśayamayīṁ nijām samunmucya babandhāśu mama kaṇṭhe kṛpānidhiḥ

नन्दीश्वर ने कहा — इस प्रकार कहकर, कृपानिधि ने अपनी कमल की माला सिर से उतारकर शीघ्र मेरे कण्ठ में बाँध दी।

श्लोक 14 (shiva.shatarudra.7.14)

तयाहं मालया विप्र शुभया कण्ठसक्तया । त्र्यक्षो दशभुजश्चासं द्वितीय इव शङ्करः

tayāhaṁ mālayā vipra śubhayā kaṇṭhasaktayā tryakṣo daśabhujaścāsaṁ dvitīya iva śaṅkaraḥ

हे विप्र! उस शुभ माला के कण्ठ में लगने से मैं तीन नेत्रों वाला और दस भुजाओं वाला, मानो द्वितीय शंकर ही बन गया।

श्लोक 15 (shiva.shatarudra.7.15)

तत एव समादाय हस्तेन परमेश्वरः । उवाच ब्रूहि किं तेऽद्य ददामि वरमुत्तमम्

tata eva samādāya hastena parameśvaraḥ uvāca brūhi kiṁ te’dya dadāmi varamuttamam

तत्पश्चात् परमेश्वर ने अपने हाथ से मुझे लेकर कहा — बोलो, आज मैं तुम्हें कौन-सा उत्तम वर दूँ?

श्लोक 16 (shiva.shatarudra.7.16)

ततो जटाश्रितं वारि गृहीत्वा हारनिर्मलम् । उक्त्वा नदी भवेतीह विससर्ज वृषध्वजः

tato jaṭāśritaṁ vāri gṛhītvā hāranirmalam uktvā nadī bhavetīha visasarja vṛṣadhvajaḥ

तब जटाओं में स्थित हार के समान निर्मल जल को लेकर, वृषध्वज ने "यहाँ नदी बनो" कहकर उसे छोड़ दिया।

श्लोक 17 (shiva.shatarudra.7.17)

ततः पञ्चमिता नद्यः प्रावर्तन्त शुभावहाः । सुतोयाश्च महावेगा दिव्यरूपा च सुन्दरीः

tataḥ pañcamitā nadyaḥ prāvartanta śubhāvahāḥ sutoyāśca mahāvegā divyarūpā ca sundarīḥ

तब पाँच शुभप्रद नदियाँ प्रवाहित हुईं, जो शुद्ध जल वाली, महावेगवती, दिव्य रूप वाली और सुन्दर थीं।

श्लोक 18 (shiva.shatarudra.7.18)

जटोदका त्रिस्रोताश्च वृषध्वनिरितीव हि । स्वर्णोदका जम्बुनदी पञ्च नद्यः प्रकीर्तिताः

jaṭodakā trisrotāśca vṛṣadhvaniritīva hi svarṇodakā jambunadī pañca nadyaḥ prakīrtitāḥ

जटोदका, त्रिस्रोता, वृषध्वनि, स्वर्णोदका और जम्बुनदी — ये पाँच नदियाँ कही गई हैं।

श्लोक 19 (shiva.shatarudra.7.19)

एतत्पञ्चनदं नाम शिवपृष्ठतमं शुभम् । जपेश्वरसमीपे तु पवित्रं परमं मुने

etatpañcanadaṁ nāma śivapṛṣṭhatamaṁ śubham japeśvarasamīpe tu pavitraṁ paramaṁ mune

हे मुने! यह पंचनद नामक स्थान शिव के निकटतम, शुभ, जपेश्वर के समीप, परम पवित्र है।

श्लोक 20 (shiva.shatarudra.7.20)

यः पञ्चनदमासाद्य स्नात्वा जप्त्वेश्वरेश्वरम् । पूजयेच्छिवसायुज्यं प्रयात्येव न संशयः

yaḥ pañcanadamāsādya snātvā japtveśvareśvaram pūjayecchivasāyujyaṁ prayātyeva na saṁśayaḥ

जो पंचनद में जाकर स्नान कर, ईश्वरेश्वर का जप कर उनकी पूजा करता है, वह निश्चय ही शिव-सायुज्य को प्राप्त होता है, इसमें संदेह नहीं।

श्लोक 21 (shiva.shatarudra.7.21)

अथ शम्भुरुवाचोमामभिषिञ्चामि नन्दिनम् । गणेन्द्रं व्याहरिष्यामि किं वा त्वं मन्यसेऽव्यये

atha śambhuruvācomāmabhiṣiñcāmi nandinam gaṇendraṁ vyāhariṣyāmi kiṁ vā tvaṁ manyase’vyaye

तब शम्भु ने उमा से कहा — मैं नन्दी का अभिषेक करूँगा और उसे गणेन्द्र घोषित करूँगा; हे अव्यये! तुम इसके बारे में क्या सोचती हो?

श्लोक 22 (shiva.shatarudra.7.22)

उमोवाच । दातुमर्हसि देवेश नन्दिने परमेश्वर । महाप्रियतमो नाथ शैलादिस्तनयो मम

umovāca dātumarhasi deveśa nandine parameśvara mahāpriyatamo nātha śailādistanayo mama

उमा ने कहा — हे देवेश! हे परमेश्वर! नन्दी को यह देना उचित है; हे नाथ! शैलाद का यह पुत्र मुझे अत्यन्त प्रिय है।

श्लोक 23 (shiva.shatarudra.7.23)

नन्दीश्वर उवाच । ततः स शङ्करः स्वीयान्सस्मार गणपान्वरान् । स्वतन्त्रः परमेशानः सर्वदो भक्तवत्सलः

nandīśvara uvāca tataḥ sa śaṅkaraḥ svīyānsasmāra gaṇapānvarān svatantraḥ parameśānaḥ sarvado bhaktavatsalaḥ

नन्दीश्वर ने कहा — तब स्वतन्त्र, सर्वदाता, भक्तवत्सल परमेशान शंकर ने अपने श्रेष्ठ गणपतियों का स्मरण किया।

श्लोक 24 (shiva.shatarudra.7.24)

स्मरणादेव रुद्रस्य सम्प्राप्ताश्च गणेश्वराः । असङ्ख्याता महामोदाः शङ्कराकृतयोऽखिलाः

smaraṇādeva rudrasya samprāptāśca gaṇeśvarāḥ asaṅkhyātā mahāmodāḥ śaṅkarākṛtayo’khilāḥ

रुद्र के स्मरण मात्र से असंख्य, महाआनन्दित, सभी शंकर के समान आकृति वाले गणेश्वर वहाँ पहुँच गए।

श्लोक 25 (shiva.shatarudra.7.25)

ते गणेशाः शिवं देवीं प्रणम्याहुः शुभं वचः । ते प्रणम्य करौ बद्ध्वा नतस्कन्धा महाबलाः

te gaṇeśāḥ śivaṁ devīṁ praṇamyāhuḥ śubhaṁ vacaḥ te praṇamya karau baddhvā nataskandhā mahābalāḥ

उन गणेशों ने शिव और देवी को प्रणाम कर शुभ वचन कहे; वे महाबली प्रणाम कर, हाथ जोड़कर, झुके हुए कंधों से खड़े हुए।

श्लोक 26 (shiva.shatarudra.7.26)

गणेशा ऊचुः । किमर्थं च स्मृता देव ह्याज्ञापय महाप्रभो । किङ्करान्नः समायातांस्त्रिपुरार्दन कामद

gaṇeśā ūcuḥ kimarthaṁ ca smṛtā deva hyājñāpaya mahāprabho kiṅkarānnaḥ samāyātāṁstripurārdana kāmada

गणेशों ने कहा — हे देव! किस कारण से हमें स्मरण किया गया? हे महाप्रभो, आज्ञा कीजिए। हे त्रिपुरार्दन, हे कामद! हम आपके सेवक उपस्थित हुए हैं।

श्लोक 27 (shiva.shatarudra.7.27)

किं सागरान् शोषयामो यमं वा सह किङ्करैः । हन्मो मृत्युं महामृत्युं विशेषं वृद्धपद्मजम्

kiṁ sāgarān śoṣayāmo yamaṁ vā saha kiṅkaraiḥ hanmo mṛtyuṁ mahāmṛtyuṁ viśeṣaṁ vṛddhapadmajam

क्या हम समुद्रों को सुखा दें, अथवा यम को उसके सेवकों सहित मार डालें? क्या हम मृत्यु और महामृत्यु का, अथवा वृद्ध ब्रह्मा का विशेष रूप से वध करें?

श्लोक 28 (shiva.shatarudra.7.28)

बद्ध्वेन्द्रं सह देवैश्च विष्णुं वा पार्षदैः सह । आनयामः सुसङ्क्रुद्धान्दैत्यान्वा दानवैः सह

baddhvendraṁ saha devaiśca viṣṇuṁ vā pārṣadaiḥ saha ānayāmaḥ susaṅkruddhāndaityānvā dānavaiḥ saha

क्या हम इन्द्र को देवताओं सहित बाँधकर, अथवा विष्णु को उनके पार्षदों सहित बाँधकर, अथवा दैत्यों और दानवों को अत्यन्त क्रुद्ध होकर ले आएँ?

श्लोक 29 (shiva.shatarudra.7.29)

कस्याद्य व्यसनं घोरं करिष्यामस्तवाज्ञया । कस्य वाद्योत्सवो देव सर्वकामसमृद्धये

kasyādya vyasanaṁ ghoraṁ kariṣyāmastavājñayā kasya vādyotsavo deva sarvakāmasamṛddhaye

हे देव! आज हम आपकी आज्ञा से किसका घोर विनाश करें? अथवा सर्वकामनाओं की सिद्धि के लिए किसका उत्सव आज मनाएँ?

श्लोक 30 (shiva.shatarudra.7.30)

नन्दीश्वर उवाच । इत्याकर्ण्य वचस्तेषां गणानां वीरवादिनाम् । उवाच तान्स प्रशंस्य गणेशान्परमेश्वरः

nandīśvara uvāca ityākarṇya vacasteṣāṁ gaṇānāṁ vīravādinām uvāca tānsa praśaṁsya gaṇeśānparameśvaraḥ

नन्दीश्वर ने कहा — उन वीरवादी गणों के वचन सुनकर, परमेश्वर ने उन गणेशों की प्रशंसा कर उनसे कहा।

श्लोक 31 (shiva.shatarudra.7.31)

शिव उवाच । नन्दीश्वरोऽयं पुत्रो मे सर्वेषामीश्वरेश्वरः । प्रियो गणाग्रणीः सर्वैः क्रियतां वचनं मम

śiva uvāca nandīśvaro’yaṁ putro me sarveṣāmīśvareśvaraḥ priyo gaṇāgraṇīḥ sarvaiḥ kriyatāṁ vacanaṁ mama

शिव ने कहा — यह नन्दीश्वर मेरा पुत्र, सबका ईश्वरेश्वर है, प्रिय है, सबका गणाग्रणी है; मेरा यह वचन पूर्ण करो।

श्लोक 32 (shiva.shatarudra.7.32)

सर्वे प्रीत्याभिषिञ्चध्वं मद्गणानां गतिं पतिम् । अद्यप्रभृति युष्माकमयं नन्दीश्वरः प्रभुः

sarve prītyābhiṣiñcadhvaṁ madgaṇānāṁ gatiṁ patim adyaprabhṛti yuṣmākamayaṁ nandīśvaraḥ prabhuḥ

तुम सब प्रेमपूर्वक इसका अभिषेक करो, जो मेरे गणों की गति और पति है; आज से यह नन्दीश्वर तुम्हारा स्वामी है।

श्लोक 33 (shiva.shatarudra.7.33)

नन्दीश्वर उवाच । एवमुक्ताः शङ्करेण गणपाः सर्व एव ते । एवमस्त्विति सम्प्रोच्य सम्भारानाहरँस्ततः

nandīśvara uvāca evamuktāḥ śaṅkareṇa gaṇapāḥ sarva eva te evamastviti samprocya sambhārānāhara~stataḥ

नन्दीश्वर ने कहा — शंकर द्वारा इस प्रकार कहे जाने पर, वे सभी गणपति "एवमस्तु" कहकर, तब सामग्री लाने लगे।

श्लोक 34 (shiva.shatarudra.7.34)

ततो देवाश्च सेन्द्राश्च नारायणमुखास्तथा । मुनयः सर्वतो लोका आजग्मुर्मुदिताननाः

tato devāśca sendrāśca nārāyaṇamukhāstathā munayaḥ sarvato lokā ājagmurmuditānanāḥ

तब इन्द्र सहित देवगण, नारायण आदि, मुनिगण और सभी लोकों के प्राणी हर्षित मुख से वहाँ आ गए।

श्लोक 35 (shiva.shatarudra.7.35)

पितामहोऽपि भगवन्नियोगाच्छङ्करस्य वै । चकार नन्दिनः सर्वमभिषेकं समाहितः

pitāmaho’pi bhagavanniyogācchaṅkarasya vai cakāra nandinaḥ sarvamabhiṣekaṁ samāhitaḥ

भगवान् पितामह ब्रह्मा ने भी शंकर की आज्ञा से समाहित होकर नन्दी का सम्पूर्ण अभिषेक सम्पन्न किया।

श्लोक 36 (shiva.shatarudra.7.36)

ततो विष्णुस्ततः शक्रो लोकपालास्तथैव च । ऋषयस्तुष्टुवुश्चैव पितामहपुरोगमाः

tato viṣṇustataḥ śakro lokapālāstathaiva ca ṛṣayastuṣṭuvuścaiva pitāmahapurogamāḥ

तत्पश्चात् विष्णु, इन्द्र, तथा लोकपालगण, और ऋषिगण, ब्रह्मा को आगे रखकर, स्तुति करने लगे।

श्लोक 37 (shiva.shatarudra.7.37)

स्तुतिमत्सु ततस्तेषु विष्णुः सर्वजगत्पतिः । शिरस्यञ्जलिमाधाय तुष्टाव च समाहितः

stutimatsu tatasteṣu viṣṇuḥ sarvajagatpatiḥ śirasyañjalimādhāya tuṣṭāva ca samāhitaḥ

उन सबके स्तुति करने पर, तब सर्वजगत्पति विष्णु ने सिर पर अंजलि रखकर, समाहित होकर स्तुति की।

श्लोक 38 (shiva.shatarudra.7.38)

प्राञ्जलिः प्रणतो भूत्वा जयशब्दं चकार च । ततो गणाधिपाः सर्व ततो देवास्ततोऽसुराः

prāñjaliḥ praṇato bhūtvā jayaśabdaṁ cakāra ca tato gaṇādhipāḥ sarva tato devāstato’surāḥ

हाथ जोड़कर, नत होकर उन्होंने जय-जयकार किया; उसके बाद सभी गणाधिप, फिर देवगण, फिर असुरगण जयकार करने लगे।

श्लोक 39 (shiva.shatarudra.7.39)

एवं स्तुतश्चाभिषिक्तो देवैः सब्रह्मकैस्तदा । नन्दीश्वरोहं विप्रेन्द्र नियोगात्प रमेशितुः

evaṁ stutaścābhiṣikto devaiḥ sabrahmakaistadā nandīśvarohaṁ viprendra niyogātpa rameśituḥ

इस प्रकार ब्रह्मा सहित देवताओं द्वारा स्तुत और अभिषिक्त होकर, हे विप्रेन्द्र! मैं परमेश्वर की आज्ञा से नन्दीश्वर बना।

श्लोक 40 (shiva.shatarudra.7.40)

उद्वाहश्च कृतस्तत्र नियोगात्परमेष्ठिनः । महोत्सवयुतः प्रीत्या विष्णुब्रह्मादिभिर्मम

udvāhaśca kṛtastatra niyogātparameṣṭhinaḥ mahotsavayutaḥ prītyā viṣṇubrahmādibhirmama

वहाँ परमेष्ठी की आज्ञा से मेरा विवाह भी सम्पन्न हुआ, विष्णु, ब्रह्मा आदि के द्वारा प्रेमपूर्वक महोत्सव के साथ।

श्लोक 41 (shiva.shatarudra.7.41)

मरुतां च सुता देवी सुयशास्तु मनोहरा । पत्नी सा मेऽभवद्दिव्या मनोनयननन्दिनी

marutāṁ ca sutā devī suyaśāstu manoharā patnī sā me’bhavaddivyā manonayananandinī

मरुतों की मनोहर पुत्री देवी सुयशा मेरी दिव्य पत्नी बनीं, जो मन और नेत्रों को आनन्द देने वाली थीं।

श्लोक 42 (shiva.shatarudra.7.42)

लब्धं शशिप्रभं छत्रं तया तत्र विभूषितम् । चामरैश्चामरासक्तहस्ताग्रैः स्त्रीगणैर्युतम्

labdhaṁ śaśiprabhaṁ chatraṁ tayā tatra vibhūṣitam cāmaraiścāmarāsaktahastāgraiḥ strīgaṇairyutam

वहाँ मुझे चन्द्रमा के समान कान्तिमान छत्र प्राप्त हुआ, जो चंवर लिए हुए स्त्रीगणों से सुशोभित था, जिनके हाथों के अगले भाग चंवरों में लगे थे।

श्लोक 43 (shiva.shatarudra.7.43)

सिंहासनं च परमं तया चाधिष्ठितं मया । अलङ्कृतो महालक्ष्म्या मुकुटाद्यैः सुभूषणैः

siṁhāsanaṁ ca paramaṁ tayā cādhiṣṭhitaṁ mayā alaṅkṛto mahālakṣmyā mukuṭādyaiḥ subhūṣaṇaiḥ

वहाँ मुझे एक श्रेष्ठ सिंहासन प्राप्त हुआ, जिस पर मैं विराजमान हुआ; मैं महालक्ष्मी से युक्त मुकुट आदि सुन्दर आभूषणों से अलंकृत हुआ।

श्लोक 44 (shiva.shatarudra.7.44)

लब्धो हारश्च परमो देव्याः कण्ठगतस्तथा । वृषेन्द्रश्च शितो नागस्सिंहः सिंहध्वजस्तथा

labdho hāraśca paramo devyāḥ kaṇṭhagatastathā vṛṣendraśca śito nāgassiṁhaḥ siṁhadhvajastathā

मुझे देवी के कण्ठ में पड़ा हुआ एक श्रेष्ठ हार प्राप्त हुआ, तथा वृषेन्द्र, तीक्ष्ण गजराज, सिंह और सिंहध्वज भी प्राप्त हुए।

श्लोक 45 (shiva.shatarudra.7.45)

रथश्च हेमहारश्च चन्द्रबिम्बसमः शुभः । अन्यान्यपि च वस्तूनि लब्धानि हि मया मुने

rathaśca hemahāraśca candrabimbasamaḥ śubhaḥ anyānyapi ca vastūni labdhāni hi mayā mune

हे मुने! एक रथ, स्वर्णहार और चन्द्रबिम्ब के समान शुभ छत्र, तथा अन्य भी अनेक वस्तुएँ मुझे प्राप्त हुईं।

श्लोक 46 (shiva.shatarudra.7.46)

एवं कृतविवाहोऽहं तया पत्न्या महामुने । पादौ ववन्दे शम्भोश्च शिवाया ब्रह्मणो हरेः

evaṁ kṛtavivāho’haṁ tayā patnyā mahāmune pādau vavande śambhośca śivāyā brahmaṇo hareḥ

हे महामुने! इस प्रकार उस पत्नी के साथ विवाहित होकर, मैंने शम्भु, शिवा (पार्वती), ब्रह्मा और विष्णु के चरणों की वन्दना की।

श्लोक 47 (shiva.shatarudra.7.47)

तथाविधं त्रिलोकेशः सपत्नीकं च मां प्रभुः । प्रोवाच परया प्रीत्या स शिवो भक्तवत्सलः

tathāvidhaṁ trilokeśaḥ sapatnīkaṁ ca māṁ prabhuḥ provāca parayā prītyā sa śivo bhaktavatsalaḥ

तब त्रिलोकेश, भक्तवत्सल प्रभु शिव ने पत्नीसहित मुझे परम प्रीतिपूर्वक उपदेश दिया।

श्लोक 48 (shiva.shatarudra.7.48)

ईश्वर उवाच । शृणु सत्पुत्र तातस्त्वं सुयशेयं तव प्रिया । ददामि ते वरं प्रीत्या यत्ते मनसि वाञ्छितम्

īśvara uvāca śṛṇu satputra tātastvaṁ suyaśeyaṁ tava priyā dadāmi te varaṁ prītyā yatte manasi vāñchitam

ईश्वर ने कहा — हे सत्पुत्र! सुनो, तुम पिता हो, यह सुयशा तुम्हारी प्रिया है। मैं प्रेमपूर्वक तुम्हें वह वर देता हूँ जो तुम्हारे मन में वांछित है।

श्लोक 49 (shiva.shatarudra.7.49)

सदाऽहं तव नन्दीश सन्तुष्टोऽस्मि गणेश्वर । देव्या च सहितो वत्स शृणु मे परमं वचः

sadā’haṁ tava nandīśa santuṣṭo’smi gaṇeśvara devyā ca sahito vatsa śṛṇu me paramaṁ vacaḥ

हे नन्दीश गणेश्वर! मैं सदा तुमसे संतुष्ट हूँ; हे वत्स! देवी सहित मेरे परम वचन को सुनो।

श्लोक 50 (shiva.shatarudra.7.50)

सदेष्टश्च विशिष्टश्च परमैश्वर्यसंयुतः । महायोगी महेष्वासः सपिता सपितामहः

sadeṣṭaśca viśiṣṭaśca paramaiśvaryasaṁyutaḥ mahāyogī maheṣvāsaḥ sapitā sapitāmahaḥ

तुम सदा प्रिय, विशिष्ट, परम ऐश्वर्य से युक्त, महायोगी, महाधनुर्धर, पिता और पितामह सहित रहोगे।

श्लोक 51 (shiva.shatarudra.7.51)

अजेयः सर्वजेता च सदा पूज्यो महाबलः । अहं यत्र भवांस्तत्र यत्र त्वं तत्र चाप्यहम्

ajeyaḥ sarvajetā ca sadā pūjyo mahābalaḥ ahaṁ yatra bhavāṁstatra yatra tvaṁ tatra cāpyaham

तुम अजेय, सर्वजेता, सदा पूज्य और महाबली रहोगे; जहाँ मैं हूँ वहाँ तुम हो, और जहाँ तुम हो वहाँ मैं भी हूँ।

श्लोक 52 (shiva.shatarudra.7.52)

अयं च ते पिता पुत्र परमैश्वर्यसंयुतः । भविष्यति गणाध्यक्षो मम भक्तो महाबलः

ayaṁ ca te pitā putra paramaiśvaryasaṁyutaḥ bhaviṣyati gaṇādhyakṣo mama bhakto mahābalaḥ

हे पुत्र! तुम्हारा यह पिता भी परम ऐश्वर्य से युक्त, गणाध्यक्ष, मेरा भक्त और महाबली होगा।

श्लोक 53 (shiva.shatarudra.7.53)

पितामहोऽपि ते वत्स तथास्तु नियमा इमे । मत्समीपं गमिष्यन्ति मया दत्तवरास्तथा

pitāmaho’pi te vatsa tathāstu niyamā ime matsamīpaṁ gamiṣyanti mayā dattavarāstathā

हे वत्स! तुम्हारे पितामह के लिए भी ऐसा ही होगा; ये सब नियमपूर्वक, मेरे द्वारा दिए गए वर से युक्त होकर, मेरे समीप आएँगे।

श्लोक 54 (shiva.shatarudra.7.54)

नन्दीश्वर उवाच । ततो देवी महाभागा नन्दिनं वरदाब्रवीत् । वरं ब्रूहीति मां पुत्र सर्वान्कामान्यथेप्सितान्

nandīśvara uvāca tato devī mahābhāgā nandinaṁ varadābravīt varaṁ brūhīti māṁ putra sarvānkāmānyathepsitān

नन्दीश्वर ने कहा — तब महाभागा, वरदा देवी ने नन्दी से कहा — हे पुत्र! अपनी इच्छानुसार सभी कामनाओं का वर माँगो।

श्लोक 55 (shiva.shatarudra.7.55)

तच्छ्रुत्वा वचनं देव्याः प्रावोचत्साञ्जलिस्तदा । भक्तिर्भवतु मे देवि पादयोस्ते सदा वरा

tacchrutvā vacanaṁ devyāḥ prāvocatsāñjalistadā bhaktirbhavatu me devi pādayoste sadā varā

देवी के उस वचन को सुनकर, हाथ जोड़कर मैंने कहा — हे देवि! आपके चरणों में मेरी भक्ति सदा श्रेष्ठ बनी रहे।

श्लोक 56 (shiva.shatarudra.7.56)

श्रुत्वा मम वचो देवी ह्येवमस्त्विति साब्रवीत् । सुयशां तां च सुप्रीत्या नन्दिप्रियतमां शिवाम्

śrutvā mama vaco devī hyevamastviti sābravīt suyaśāṁ tāṁ ca suprītyā nandipriyatamāṁ śivām

मेरे वचन को सुनकर देवी ने "एवमस्तु" कहा, और नन्दी की परम प्रिय, शुभ सुयशा को भी अत्यन्त प्रेमपूर्वक वर दिया।

श्लोक 57 (shiva.shatarudra.7.57)

देव्युवाच । वत्से वरं यथेष्टं हि त्रिनेत्रा जन्मवर्जिता । पुत्रपौत्रैस्तु भक्तिर्मे तथा च भर्तुरेव हि

devyuvāca vatse varaṁ yatheṣṭaṁ hi trinetrā janmavarjitā putrapautraistu bhaktirme tathā ca bhartureva hi

देवी ने कहा — हे वत्से! तुम्हें यथेष्ट वर हो; तुम त्रिनेत्रा और जन्मरहित बनो; पुत्र-पौत्रों सहित तुम्हारी भक्ति सदा मुझमें और अपने पति में बनी रहे।

श्लोक 58 (shiva.shatarudra.7.58)

नन्द्युवाच । तदा ब्रह्मा च विष्णुश्च सर्वे देवगणाश्च वै । ताभ्यां वरान्ददुः प्रीत्या सुप्रसन्नाः शिवाज्ञया

nandyuvāca tadā brahmā ca viṣṇuśca sarve devagaṇāśca vai tābhyāṁ varāndaduḥ prītyā suprasannāḥ śivājñayā

नन्दी ने कहा — तब ब्रह्मा, विष्णु और समस्त देवगणों ने शिव की आज्ञा से अत्यन्त प्रसन्न होकर हम दोनों को प्रेमपूर्वक वर प्रदान किए।

श्लोक 59 (shiva.shatarudra.7.59)

सान्वयं मां गृहीत्वेशस्ततः सम्बन्धिबान्धवैः । आरुह्य वृषमीशानो गतो देव्या निजं गृहम्

sānvayaṁ māṁ gṛhītveśastataḥ sambandhibāndhavaiḥ āruhya vṛṣamīśāno gato devyā nijaṁ gṛham

तत्पश्चात् ईशान मुझे कुटुम्ब सहित, सम्बन्धियों और बान्धवों सहित लेकर, वृषभ पर आरूढ़ होकर देवी सहित अपने घर को गए।

श्लोक 60 (shiva.shatarudra.7.60)

विष्ण्वादयः सुराः सर्वे प्रशंसन्तो ह्यमी तदा । स्वधामानि ययुः प्रीत्या संस्तुवन्तः शिवं शिवम्

viṣṇvādayaḥ surāḥ sarve praśaṁsanto hyamī tadā svadhāmāni yayuḥ prītyā saṁstuvantaḥ śivaṁ śivam

विष्णु आदि समस्त देवगण, प्रशंसा करते हुए, प्रेमपूर्वक शिव और शिवा की स्तुति करते हुए, तब अपने-अपने धामों को गए।

श्लोक 61 (shiva.shatarudra.7.61)

इति ते कथितो वत्स स्वावतारो महामुने । सदानन्दकरः पुंसां शिवभक्तिप्रवर्द्धनः

iti te kathito vatsa svāvatāro mahāmune sadānandakaraḥ puṁsāṁ śivabhaktipravarddhanaḥ

हे वत्स, हे महामुने! इस प्रकार तुम्हें मेरा यह अवतार कहा गया, जो पुरुषों को सदा आनन्द देने वाला और शिवभक्ति का वर्धन करने वाला है।

श्लोक 62 (shiva.shatarudra.7.62)

य इदं नन्दिनो जन्म वरदानं तथा मम । अभिषेकं विवाहं च शृणुयाच्छ्रावयेत्तथा

ya idaṁ nandino janma varadānaṁ tathā mama abhiṣekaṁ vivāhaṁ ca śṛṇuyācchrāvayettathā

जो कोई नन्दी के इस जन्म, वर-प्रदान, अभिषेक और विवाह की कथा को सुनता है या दूसरों को सुनाता है —

श्लोक 63 (shiva.shatarudra.7.63)

पठेद्वा पाठयेद्वापि श्रद्धावान्भक्तिसंयुतः । इह सर्वसुखं भुक्त्वा परत्र लभते गतिम्

paṭhedvā pāṭhayedvāpi śraddhāvānbhaktisaṁyutaḥ iha sarvasukhaṁ bhuktvā paratra labhate gatim

— या श्रद्धावान् और भक्तियुक्त होकर इसे पढ़ता या पढ़ाता है, वह इस लोक में सम्पूर्ण सुख भोगकर परलोक में परम गति को प्राप्त करता है।