भैरव अवतार का वर्णन

श्लोक 1 (shiva.shatarudra.8.1)

अथ भैरवावतारमाह । नन्दीश्वर उवाच । सनत्कुमार सर्वज्ञ शृणु त्वं भैरवीं कथाम् । यस्याः श्रवणमात्रेण शैवी भक्तिर्दृढा भवेत्

atha bhairavāvatāramāha nandīśvara uvāca sanatkumāra sarvajña śṛṇu tvaṁ bhairavīṁ kathām yasyāḥ śravaṇamātreṇa śaivī bhaktirdṛḍhā bhavet

अब भैरव अवतार का वर्णन करते हैं। नन्दीश्वर ने कहा — हे सर्वज्ञ सनत्कुमार! भैरव की उस कथा को सुनो, जिसके श्रवणमात्र से शैव भक्ति दृढ़ हो जाती है।

श्लोक 2 (shiva.shatarudra.8.2)

भैरवः पूर्णरूपो हि शङ्करस्य परात्मनः । मूढास्तं वै न जानन्ति मोहिताः शिवमायया

bhairavaḥ pūrṇarūpo hi śaṅkarasya parātmanaḥ mūḍhāstaṁ vai na jānanti mohitāḥ śivamāyayā

भैरव परमात्मा शंकर का पूर्ण रूप है; किन्तु शिवमाया से मोहित मूढ़ लोग उन्हें नहीं जानते।

श्लोक 3 (shiva.shatarudra.8.3)

सनत्कुमार नो वेत्ति महिमानं महेशितुः । चतुर्भुजोऽपि विष्णुर्वै चतुर्वक्त्रोऽपि वै विधिः

sanatkumāra no vetti mahimānaṁ maheśituḥ caturbhujo’pi viṣṇurvai caturvaktro’pi vai vidhiḥ

हे सनत्कुमार! महेश्वर की महिमा को न तो चतुर्भुज विष्णु जानते हैं, और न ही चतुर्मुख ब्रह्मा।

श्लोक 4 (shiva.shatarudra.8.4)

चित्रमत्र न किञ्चिद्वै दुर्ज्ञेया खलु शाम्भवी । तया सम्मोहिताः सर्वे नार्चयन्त्यपि तं परम्

citramatra na kiñcidvai durjñeyā khalu śāmbhavī tayā sammohitāḥ sarve nārcayantyapi taṁ param

इसमें कोई आश्चर्य नहीं, क्योंकि शाम्भवी माया वास्तव में दुर्जेय है; उससे सम्मोहित होकर सभी उस परम तत्त्व की पूजा भी नहीं करते।

श्लोक 5 (shiva.shatarudra.8.5)

वेदयेद्यदि वात्मानं स एव परमेश्वरः । तदा विदन्ति ते सर्वे स्वेच्छया न हि केऽपि तम्

vedayedyadi vātmānaṁ sa eva parameśvaraḥ tadā vidanti te sarve svecchayā na hi ke’pi tam

यदि वही परमेश्वर स्वयं को प्रकट कर दें, तभी वे सब उसे जान पाते हैं; अपनी इच्छा से कोई भी उन्हें नहीं जान पाता।

श्लोक 6 (shiva.shatarudra.8.6)

सर्वगोऽपि महेशानो नेक्ष्यते मूढबुद्धिभिः । देववद् बुध्यते लोके योऽतीतो मनसां गिराम्

sarvago’pi maheśāno nekṣyate mūḍhabuddhibhiḥ devavad budhyate loke yo’tīto manasāṁ girām

सर्वव्यापी होते हुए भी महेशान मूढ़बुद्धि वालों द्वारा देखे नहीं जाते; लोक में उन्हें साधारण देवता के समान समझा जाता है, जबकि वे मन और वाणी से परे हैं।

श्लोक 7 (shiva.shatarudra.8.7)

अत्रेतिहासं वक्ष्येऽहं परमर्षे पुरातनम् । शृणु तं श्रद्धया तात परमं ज्ञानकारणम्

atretihāsaṁ vakṣye’haṁ paramarṣe purātanam śṛṇu taṁ śraddhayā tāta paramaṁ jñānakāraṇam

हे परमर्षे! इस विषय में मैं एक पुरातन इतिहास कहूँगा; हे तात! उसे श्रद्धापूर्वक सुनो, जो परम ज्ञान का कारण है।

श्लोक 8 (shiva.shatarudra.8.8)

मेरुशृङ्गेऽद्भुते रम्ये स्थितं ब्रह्माणमीश्वरम् । जग्मुर्देवर्षयः सर्वे सुतत्त्वं ज्ञातुमिच्छया

meruśṛṅge’dbhute ramye sthitaṁ brahmāṇamīśvaram jagmurdevarṣayaḥ sarve sutattvaṁ jñātumicchayā

मेरु के अद्भुत, रमणीय शिखर पर स्थित ईश्वर ब्रह्मा के पास, वास्तविक तत्त्व जानने की इच्छा से सभी देवर्षि गए।

श्लोक 9 (shiva.shatarudra.8.9)

तत्रागत्य विधिं नत्वा पप्रच्छुस्ते महादरात् । कृताञ्जलिपुटाः सर्वे नतस्कन्धा मुनीश्वराः

tatrāgatya vidhiṁ natvā papracchuste mahādarāt kṛtāñjalipuṭāḥ sarve nataskandhā munīśvarāḥ

वहाँ जाकर, विधाता को प्रणाम कर, वे सब मुनीश्वर हाथ जोड़कर, झुके हुए कंधों से अत्यन्त आदरपूर्वक प्रश्न करने लगे।

श्लोक 10 (shiva.shatarudra.8.10)

देवर्षय ऊचुः । देवदेव प्रजानाथ सृष्टिकृल्लोकनायक । तत्त्वतो वद चास्मभ्यं किमेकं तत्त्वमव्ययम्

devarṣaya ūcuḥ devadeva prajānātha sṛṣṭikṛllokanāyaka tattvato vada cāsmabhyaṁ kimekaṁ tattvamavyayam

देवर्षियों ने कहा — हे देवदेव, हे प्रजानाथ, सृष्टिकर्ता, लोकनायक! हमें यथार्थ रूप से बताइए कि वह एक अव्यय तत्त्व क्या है।

श्लोक 11 (shiva.shatarudra.8.11)

नन्दीश्वर उवाच । स मायया महेशस्य मोहितः पद्मसम्भवः । अविज्ञाय परं भावं सम्भावं प्रत्युवाच ह

nandīśvara uvāca sa māyayā maheśasya mohitaḥ padmasambhavaḥ avijñāya paraṁ bhāvaṁ sambhāvaṁ pratyuvāca ha

नन्दीश्वर ने कहा — महेश की माया से मोहित होकर, उस परम तत्त्व को न जानते हुए, पद्मसम्भव (ब्रह्मा) ने अपने ही भाव से उत्तर दिया।

श्लोक 12 (shiva.shatarudra.8.12)

ब्रह्मोवाच । हे सुरा ऋषयः सर्वे सुमत्या शृणुतादरात् । वच्म्यहं परमं तत्त्वमव्ययं वै यथार्थतः

brahmovāca he surā ṛṣayaḥ sarve sumatyā śṛṇutādarāt vacmyahaṁ paramaṁ tattvamavyayaṁ vai yathārthataḥ

ब्रह्मा ने कहा — हे देवगण और ऋषिगण! सुबुद्धि से आदरपूर्वक सुनो; मैं यथार्थ रूप से उस परम, अव्यय तत्त्व का वर्णन करता हूँ।

श्लोक 13 (shiva.shatarudra.8.13)

जगद्योनिरहं धाता स्वयम्भूरज ईश्वरः । अनादिभागहं ब्रह्म ह्येक आत्मा निरञ्जनः

jagadyonirahaṁ dhātā svayambhūraja īśvaraḥ anādibhāgahaṁ brahma hyeka ātmā nirañjanaḥ

मैं ही जगत् की योनि, धाता, स्वयंभू, अजन्मा ईश्वर हूँ; मैं ही अनादि, ब्रह्म, एक, निरंजन आत्मा हूँ।

श्लोक 14 (shiva.shatarudra.8.14)

प्रवर्तको हि जगतामहमेव निवर्त्तकः । संवर्तको मदधिको नान्यः कश्चित्सुरोत्तमाः

pravartako hi jagatāmahameva nivarttakaḥ saṁvartako madadhiko nānyaḥ kaścitsurottamāḥ

मैं ही जगतों का प्रवर्तक हूँ, मैं ही निवर्तक हूँ, मैं ही संवर्तक हूँ; हे देवश्रेष्ठो! मुझसे बढ़कर अन्य कोई नहीं है।

श्लोक 15 (shiva.shatarudra.8.15)

नन्दीश्वर उवाच । तस्यैवं वदतो धातुर्विष्णुस्तत्र स्थितो मुने । प्रोवाच प्रहसन्वाक्यं सङ्क्रुद्धो मोहितोऽजया

nandīśvara uvāca tasyaivaṁ vadato dhāturviṣṇustatra sthito mune provāca prahasanvākyaṁ saṅkruddho mohito’jayā

नन्दीश्वर ने कहा — इस प्रकार कहने वाले धाता (ब्रह्मा) से, हे मुने! वहाँ स्थित विष्णु, माया से मोहित होकर, क्रुद्ध होकर, हँसते हुए यह वचन बोले।

श्लोक 16 (shiva.shatarudra.8.16)

न चैतदुचिता ब्रह्मन्योगयुक्तस्य मूर्खता । अविज्ञाय परं तत्त्वं वृथैतत्ते निगद्यते

na caitaducitā brahmanyogayuktasya mūrkhatā avijñāya paraṁ tattvaṁ vṛthaitatte nigadyate

हे ब्रह्मन्! योगयुक्त के लिए यह मूर्खता उचित नहीं है; परम तत्त्व को न जानते हुए तुमने यह व्यर्थ ही कहा है।

श्लोक 17 (shiva.shatarudra.8.17)

कर्ताऽहं सर्वलोकानां परमात्मा परः पुमान् । यज्ञो नारायणो देवो मायाधीशः परागतिः

kartā’haṁ sarvalokānāṁ paramātmā paraḥ pumān yajño nārāyaṇo devo māyādhīśaḥ parāgatiḥ

मैं ही सम्पूर्ण लोकों का कर्ता, परमात्मा, परम पुरुष हूँ; मैं ही यज्ञस्वरूप नारायण देव, माया का अधीश्वर, परम गति हूँ।

श्लोक 18 (shiva.shatarudra.8.18)

ममाज्ञया त्वया ब्रह्मन् सृष्टिरेषा विधीयते । जगतां जीवनं नैव मामनादृत्य चेश्वरम्

mamājñayā tvayā brahman sṛṣṭireṣā vidhīyate jagatāṁ jīvanaṁ naiva māmanādṛtya ceśvaram

हे ब्रह्मन्! मेरी ही आज्ञा से तुम्हारे द्वारा यह सृष्टि की जाती है; मुझ ईश्वर की अवहेलना करके जगतों का जीवन सम्भव ही नहीं है।

श्लोक 19 (shiva.shatarudra.8.19)

एवं विप्रकृतौ मोहात्परस्परजयैषिणौ । प्रोचतुर्निगमांश्चात्र प्रमाणे सर्वथा तनौ

evaṁ viprakṛtau mohātparasparajayaiṣiṇau procaturnigamāṁścātra pramāṇe sarvathā tanau

इस प्रकार मोहवश परस्पर विरुद्ध हुए, एक-दूसरे पर विजय चाहने वाले वे दोनों, अपने-अपने शरीर को प्रमाण के रूप में प्रस्तुत करते हुए वेदों की दुहाई देने लगे।

श्लोक 20 (shiva.shatarudra.8.20)

प्रष्टव्यास्ते विशेषेण स्थिता मूर्तिधराश्च ते । पप्रच्छतुः प्रमाणज्ञानित्युक्त्वा चतुरोऽपि तान्

praṣṭavyāste viśeṣeṇa sthitā mūrtidharāśca te papracchatuḥ pramāṇajñānityuktvā caturo’pi tān

वहाँ स्थित मूर्तिमान वेद उन दोनों से विशेष रूप से पूछने योग्य थे; "तुम प्रमाण जानने वाले हो" ऐसा कहकर उन दोनों ने उन चारों वेदों से पूछा।

श्लोक 21 (shiva.shatarudra.8.21)

विधिविष्णू ऊचतुः । वेदाः प्रमाणं सर्वत्र प्रतिष्ठां परमामिताः । यूयं वदत विश्रब्धं किमेकं तत्त्वमव्ययम्

vidhiviṣṇū ūcatuḥ vedāḥ pramāṇaṁ sarvatra pratiṣṭhāṁ paramāmitāḥ yūyaṁ vadata viśrabdhaṁ kimekaṁ tattvamavyayam

विधि और विष्णु ने कहा — हे वेदो! तुम सर्वत्र प्रमाण और परम प्रतिष्ठा हो; तुम निःसंकोच कहो कि वह एक अव्यय तत्त्व क्या है।

श्लोक 22 (shiva.shatarudra.8.22)

नन्दीश्वर उवाच । इत्याकर्ण्य तयोर्वाचं पुनस्ते हि ऋगादयः । अवदंस्तत्त्वतः सर्वे परेशं संस्मरतो प्रभुम्

nandīśvara uvāca ityākarṇya tayorvācaṁ punaste hi ṛgādayaḥ avadaṁstattvataḥ sarve pareśaṁ saṁsmarato prabhum

नन्दीश्वर ने कहा — उन दोनों के वचन सुनकर, ऋग्वेद आदि उन सभी वेदों ने, परमेश्वर प्रभु का स्मरण करते हुए, यथार्थ रूप से कहा।

श्लोक 23 (shiva.shatarudra.8.23)

यदि मान्या वयं देवौ सृष्टिस्थितिकरौ विभू । तदा प्रमाणं वक्ष्यामो भवत्सन्देहभेदकम्

yadi mānyā vayaṁ devau sṛṣṭisthitikarau vibhū tadā pramāṇaṁ vakṣyāmo bhavatsandehabhedakam

यदि हम दोनों, सृष्टि और स्थिति करने वाले विभु देवगण, आपके लिए सम्माननीय हैं, तो हम आपके संदेह को दूर करने वाला प्रमाण कहेंगे।

श्लोक 24 (shiva.shatarudra.8.24)

नन्दीश्वर उवाच । श्रुत्युक्तविधिमाकर्ण्य प्रोचतुस्तौ सुरौ श्रुतीः । युष्मदुक्तं प्रमाणं नौ किं तत्त्वं सम्यगुच्यताम्

nandīśvara uvāca śrutyuktavidhimākarṇya procatustau surau śrutīḥ yuṣmaduktaṁ pramāṇaṁ nau kiṁ tattvaṁ samyagucyatām

नन्दीश्वर ने कहा — श्रुति द्वारा कहे गए इस विधान को सुनकर, उन दोनों देवों ने श्रुतियों से कहा — तुम्हारे द्वारा कहा गया प्रमाण हमें बताओ, वह तत्त्व भली-भाँति कहा जाए।

श्लोक 25 (shiva.shatarudra.8.25)

ऋग्वेद उवाच । यदन्तः स्थानि भूतानि यतः सर्वं प्रवर्त्तते । यदाहुः परमं तत्त्वं स रुद्रस्त्वेक एव हि

ṛgveda uvāca yadantaḥ sthāni bhūtāni yataḥ sarvaṁ pravarttate yadāhuḥ paramaṁ tattvaṁ sa rudrastveka eva hi

ऋग्वेद ने कहा — जिसके भीतर समस्त भूत स्थित हैं, जिससे सब कुछ प्रवृत्त होता है, जिसे परम तत्त्व कहा जाता है — वह एकमात्र रुद्र ही हैं।

श्लोक 26 (shiva.shatarudra.8.26)

यजुर्वेद उवाच । यो यज्ञैरखिलैरीशो योगेन च समिज्यते । येन प्रमाणं खलु नः स एकः सर्वदृक् शिवः

yajurveda uvāca yo yajñairakhilairīśo yogena ca samijyate yena pramāṇaṁ khalu naḥ sa ekaḥ sarvadṛk śivaḥ

यजुर्वेद ने कहा — जिस ईश्वर की समस्त यज्ञों से और योग से पूजा की जाती है, जिससे निश्चय ही हमारा प्रामाण्य है, वह एकमात्र सर्वद्रष्टा शिव ही हैं।

श्लोक 27 (shiva.shatarudra.8.27)

सामवेद उवाच । येनेदं भ्रम्यते विश्वं योगिभिर्यो विचिन्त्यते । यद्भासा भासते विश्वं स एकस्त्र्यम्बकः परः

sāmaveda uvāca yenedaṁ bhramyate viśvaṁ yogibhiryo vicintyate yadbhāsā bhāsate viśvaṁ sa ekastryambakaḥ paraḥ

सामवेद ने कहा — जिसके द्वारा यह विश्व घूमता है, जिसका योगीजन चिन्तन करते हैं, जिसकी प्रभा से यह विश्व प्रकाशित होता है — वह एकमात्र परम त्र्यम्बक ही हैं।

श्लोक 28 (shiva.shatarudra.8.28)

अथर्वणवेद उवाच । यं प्रपश्यन्ति देवेशं भक्त्यनुग्रहिणो जनाः । तमाहुरेकं कैवल्यं शङ्करं दुःखतः परम्

atharvaṇaveda uvāca yaṁ prapaśyanti deveśaṁ bhaktyanugrahiṇo janāḥ tamāhurekaṁ kaivalyaṁ śaṅkaraṁ duḥkhataḥ param

अथर्ववेद ने कहा — जिस देवेश को भक्ति और अनुग्रह से युक्त लोग देखते हैं, उसी एक कैवल्यस्वरूप, दुःख से परे शंकर को परम तत्त्व कहते हैं।

श्लोक 29 (shiva.shatarudra.8.29)

नन्दीश्वर उवाच । श्रुत्युक्तमिदमाकर्ण्यातीव मायाविमोहितौ । स्मित्वाहतुर्विधिहरी निगमांस्तान्विचेतनौ

nandīśvara uvāca śrutyuktamidamākarṇyātīva māyāvimohitau smitvāhaturvidhiharī nigamāṁstānvicetanau

नन्दीश्वर ने कहा — श्रुतियों द्वारा कहे गए इस वचन को सुनकर, माया से अत्यन्त मोहित, चेतनाशून्य हुए विधि और हरि मुस्कुराते हुए उन वेदों से बोले।

श्लोक 30 (shiva.shatarudra.8.30)

विधिहरी ऊचतुः । हे वेदाः किमिदं यूयं भाषन्ते गतचेतनाः । किं जातं वोऽद्य सर्वं हि नष्टं सुवयुनं परम्

vidhiharī ūcatuḥ he vedāḥ kimidaṁ yūyaṁ bhāṣante gatacetanāḥ kiṁ jātaṁ vo’dya sarvaṁ hi naṣṭaṁ suvayunaṁ param

विधि और हरि ने कहा — हे वेदो! तुम यह क्या कह रहे हो, मानो चेतनारहित हो? आज तुम्हें क्या हो गया है? तुम्हारा सारा सुज्ञान नष्ट हो गया है।

श्लोक 31 (shiva.shatarudra.8.31)

कथं प्रमथनाथोऽसौ रममाणो निरन्तरम् । दिगम्बरः पीतवर्णो शिवया धूलिधूसरः

kathaṁ pramathanātho’sau ramamāṇo nirantaram digambaraḥ pītavarṇo śivayā dhūlidhūsaraḥ

वह प्रमथनाथ (शिव), जो निरन्तर विचरण करने वाले, दिगम्बर, पीतवर्ण और शिवा (भस्म) की धूल से धूसरित हैं, वे परब्रह्म कैसे हो सकते हैं?

श्लोक 32 (shiva.shatarudra.8.32)

विरूपवेषो जटिलो वृषगो व्यालभूषणः । परं ब्रह्मत्वमापन्नः क्व च तत्सङ्गवर्जितम्

virūpaveṣo jaṭilo vṛṣago vyālabhūṣaṇaḥ paraṁ brahmatvamāpannaḥ kva ca tatsaṅgavarjitam

विकृत वेष वाले, जटाधारी, वृषभ पर सवार, सर्पों से विभूषित — वे परब्रह्म पद को कैसे प्राप्त हो सकते हैं, जो इन सबसे रहित है?

श्लोक 33 (shiva.shatarudra.8.33)

इत्युदीरितमाकर्ण्य प्रणवः सर्वगस्तयोः । अमूर्तो मूर्तिमान्प्रीत्या जृम्भमाण उवाच तौ

ityudīritamākarṇya praṇavaḥ sarvagastayoḥ amūrto mūrtimānprītyā jṛmbhamāṇa uvāca tau

यह कहे जाने पर सुनकर, सर्वव्यापी प्रणव (ॐकार), जो अमूर्त होते हुए भी मूर्तिमान होकर, प्रीतिपूर्वक जँभाई लेते हुए उन दोनों से बोला।

श्लोक 34 (shiva.shatarudra.8.34)

प्रणव उवाच । न हीशो भगवान् शक्त्या ह्यात्मनो व्यतिरिक्तया । कदाचिद्रमते रुद्रो लीलारूपधरो हरः

praṇava uvāca na hīśo bhagavān śaktyā hyātmano vyatiriktayā kadācidramate rudro līlārūpadharo haraḥ

प्रणव ने कहा — भगवान् ईश रुद्र हर कभी भी अपनी शक्ति के अतिरिक्त किसी दूसरी शक्ति से नहीं रमण करते; वे लीलारूपधारी हैं।

श्लोक 35 (shiva.shatarudra.8.35)

असौ हि परमेशानः स्वयञ्ज्योतिः सनातनः । आनन्दरूपा तस्यैषा शक्तिर्नागन्तुकी शिवा

asau hi parameśānaḥ svayañjyotiḥ sanātanaḥ ānandarūpā tasyaiṣā śaktirnāgantukī śivā

यह परमेशान स्वयं ज्योतिस्वरूप, सनातन हैं; उनकी यह शक्ति शिवा आनन्दस्वरूप है, आगन्तुक नहीं है।

श्लोक 36 (shiva.shatarudra.8.36)

नन्दीश्वर उवाच । इत्येवमुक्तोऽपि तदा विधेर्विष्णोश्च वै तदा । नाज्ञानमगमन्नाशं श्रीकण्ठस्यैव मायया

nandīśvara uvāca ityevamukto’pi tadā vidherviṣṇośca vai tadā nājñānamagamannāśaṁ śrīkaṇṭhasyaiva māyayā

नन्दीश्वर ने कहा — इस प्रकार कहे जाने पर भी, तब विधि और विष्णु का अज्ञान श्रीकण्ठ (शिव) की माया से नष्ट नहीं हुआ।

श्लोक 37 (shiva.shatarudra.8.37)

प्रादुरासीत्ततो ज्योतिरुभयोरन्तरे महत् । पूरयन्निजया भासा द्यावाभूम्योर्यदन्तरम्

prādurāsīttato jyotirubhayorantare mahat pūrayannijayā bhāsā dyāvābhūmyoryadantaram

तब उन दोनों के मध्य एक महान् ज्योति प्रकट हुई, जो अपनी प्रभा से द्युलोक और भूलोक के मध्य के अन्तराल को भर रही थी।

श्लोक 38 (shiva.shatarudra.8.38)

ज्योतिर्मण्डलमध्यस्थो ददृशे पुरुषाकृतिः । विधिक्रतुभ्यां तत्रैव महाद्भुततनुर्मुने

jyotirmaṇḍalamadhyastho dadṛśe puruṣākṛtiḥ vidhikratubhyāṁ tatraiva mahādbhutatanurmune

हे मुने! उस ज्योतिमंडल के मध्य में स्थित, महाअद्भुत शरीर वाली पुरुषाकृति वहीं विधि और विष्णु द्वारा देखी गई।

श्लोक 39 (shiva.shatarudra.8.39)

प्रजज्वालाथ कोपेन ब्रह्मणः पञ्चमं शिरः । आवयोरन्तरे कोऽसौ बिभृयात्पुरुषाकृतिम्

prajajvālātha kopena brahmaṇaḥ pañcamaṁ śiraḥ āvayorantare ko’sau bibhṛyātpuruṣākṛtim

तब ब्रह्मा का पाँचवाँ सिर क्रोध से जल उठा — यह कौन है जो हम दोनों के बीच पुरुषाकार धारण किए हुए है?

श्लोक 40 (shiva.shatarudra.8.40)

विधिः सम्भावयेद्यावत्तावत्स त्रिविलोचनः । दृष्टः क्षणेन च महापुरुषो नीललोहितः

vidhiḥ sambhāvayedyāvattāvatsa trivilocanaḥ dṛṣṭaḥ kṣaṇena ca mahāpuruṣo nīlalohitaḥ

जब तक ब्रह्मा यह सोच ही रहे थे, तब तक क्षणभर में वह त्रिनेत्रधारी, नीललोहित वर्ण वाला महापुरुष दिखाई दिया।

श्लोक 41 (shiva.shatarudra.8.41)

त्रिशूलपाणिर्भालाक्षो नागोडुपविभूषणः । हिरण्यगर्भस्तं दृष्ट्वा विहसन्प्राह मोहितः

triśūlapāṇirbhālākṣo nāgoḍupavibhūṣaṇaḥ hiraṇyagarbhastaṁ dṛṣṭvā vihasanprāha mohitaḥ

त्रिशूलधारी, भाल में नेत्र वाले, सर्प और चन्द्रमा से विभूषित उन्हें देखकर, मोहित हिरण्यगर्भ (ब्रह्मा) हँसते हुए बोले।

श्लोक 42 (shiva.shatarudra.8.42)

ब्रह्मोवाच । नीललोहित जाने त्वां मा भैषीश्चन्द्रशेखर । भालस्थलान्मम पुरा रुद्रः प्रादुरभूद्भवान्

brahmovāca nīlalohita jāne tvāṁ mā bhaiṣīścandraśekhara bhālasthalānmama purā rudraḥ prādurabhūdbhavān

ब्रह्मा ने कहा — हे नीललोहित! मैं तुम्हें जानता हूँ, डरो मत, हे चन्द्रशेखर! पूर्वकाल में तुम मेरे ही भाल-स्थल से रुद्र के रूप में प्रकट हुए थे।

श्लोक 43 (shiva.shatarudra.8.43)

रोदनाद् रुद्रनामापि योजितोऽसि मया पुरा । मामेव शरणं याहि पुत्र रक्षां करोमि ते

rodanād rudranāmāpi yojito’si mayā purā māmeva śaraṇaṁ yāhi putra rakṣāṁ karomi te

रोने के कारण तुम्हें मैंने पूर्वकाल में ही "रुद्र" नाम दिया था; हे पुत्र! मेरी ही शरण में आओ, मैं तुम्हारी रक्षा करूँगा।

श्लोक 44 (shiva.shatarudra.8.44)

नन्दीश्वर उवाच । अथेश्वरः पद्मयोनेः श्रुत्वा गर्ववतीं गिरम् । चुकोपातीव च तदा कुर्वन्निव लयम्मुने

nandīśvara uvāca atheśvaraḥ padmayoneḥ śrutvā garvavatīṁ giram cukopātīva ca tadā kurvanniva layammune

नन्दीश्वर ने कहा — हे मुने! तब कमलयोनि (ब्रह्मा) की उस गर्वयुक्त वाणी को सुनकर ईश्वर अत्यन्त क्रुद्ध हो गए, मानो प्रलय ही करने वाले हों।

श्लोक 45 (shiva.shatarudra.8.45)

स कोपतः समुत्पाद्य पुरुषं भैरवं क्वचित् । प्रज्वलन्तं सुमहसा प्रीत्या च परमेश्वरः

sa kopataḥ samutpādya puruṣaṁ bhairavaṁ kvacit prajvalantaṁ sumahasā prītyā ca parameśvaraḥ

क्रोधवश परमेश्वर ने तत्क्षण एक पुरुष उत्पन्न किया, जो भैरव नामक, महातेज से प्रज्वलित था — यह उन्होंने प्रीतिपूर्वक किया।

श्लोक 46 (shiva.shatarudra.8.46)

ईश्वर उवाच । प्राक् च पङ्कजजन्मासौ शास्यस्ते कालभैरव । कालवद्राजसे साक्षात्कालराजस्ततो भवान्

īśvara uvāca prāk ca paṅkajajanmāsau śāsyaste kālabhairava kālavadrājase sākṣātkālarājastato bhavān

ईश्वर ने कहा — हे कालभैरव! पहले तुम इस कमलजन्मा (ब्रह्मा) को दण्ड देने वाले बनोगे; तुम काल के समान साक्षात् प्रकाशमान हो, अतः तुम कालराज कहलाओगे।

श्लोक 47 (shiva.shatarudra.8.47)

विश्वं भर्त्तुं समर्थोऽसि भीषणाद्भैरवः स्मृतः । त्वत्तो भेष्यति कालोऽपि ततस्त्वं कालभैरवः

viśvaṁ bharttuṁ samartho’si bhīṣaṇādbhairavaḥ smṛtaḥ tvatto bheṣyati kālo’pi tatastvaṁ kālabhairavaḥ

तुम विश्व का भरण-पोषण करने में समर्थ हो; अपनी भीषणता के कारण तुम भैरव कहलाओगे; तुमसे स्वयं काल भी भयभीत होगा, इसलिए तुम कालभैरव कहलाओगे।

श्लोक 48 (shiva.shatarudra.8.48)

आमर्दयिष्यति भवान्रुष्टो दुष्टात्मनो यतः । आमर्दक इति ख्यातिं ततः सर्वत्र यास्यसि

āmardayiṣyati bhavānruṣṭo duṣṭātmano yataḥ āmardaka iti khyātiṁ tataḥ sarvatra yāsyasi

क्रुद्ध होकर तुम दुष्टात्माओं का दमन करोगे, अतः तुम सर्वत्र "आमर्दक" के नाम से प्रसिद्ध होगे।

श्लोक 49 (shiva.shatarudra.8.49)

यतः पापानि भक्तानां भक्षयिष्यसि तत्क्षणात् । पापभक्षण इत्येव तव नाम भविष्यति

yataḥ pāpāni bhaktānāṁ bhakṣayiṣyasi tatkṣaṇāt pāpabhakṣaṇa ityeva tava nāma bhaviṣyati

चूँकि तुम भक्तों के पापों को तत्क्षण भक्षण कर लोगे, इसलिए तुम्हारा नाम "पापभक्षण" होगा।

श्लोक 50 (shiva.shatarudra.8.50)

या मे मुक्तिपुरी काशी सर्वाभ्योऽपि गरीयसी । आधिपत्यं च तस्यास्ते कालराज सदैव हि

yā me muktipurī kāśī sarvābhyo’pi garīyasī ādhipatyaṁ ca tasyāste kālarāja sadaiva hi

जो मेरी मुक्तिपुरी काशी है, जो सबसे श्रेष्ठ है, हे कालराज! उसका आधिपत्य सदा तुम्हें ही रहेगा।

श्लोक 51 (shiva.shatarudra.8.51)

तत्र ये पातकिनरास्तेषां शास्ता त्वमेव हि । शुभाशुभं च तत्कर्म चित्रगुप्तो लिखिष्यति

tatra ye pātakinarāsteṣāṁ śāstā tvameva hi śubhāśubhaṁ ca tatkarma citragupto likhiṣyati

वहाँ जो पापी मनुष्य होंगे, उनके शासक तुम ही होगे; उनके शुभ-अशुभ कर्मों को चित्रगुप्त लिखेंगे।

श्लोक 52 (shiva.shatarudra.8.52)

नन्दीश्वर उवाच । एतान्वरान्प्रगृह्याथ तत्क्षणात्कालभैरवः । वामाङ्गुलिनखाग्रेण चकर्त च विधेश्शिरः

nandīśvara uvāca etānvarānpragṛhyātha tatkṣaṇātkālabhairavaḥ vāmāṅgulinakhāgreṇa cakarta ca vidheśśiraḥ

नन्दीश्वर ने कहा — इन वरों को ग्रहण करके, कालभैरव ने उसी क्षण अपने बाएँ हाथ के नाखून के अग्रभाग से विधाता के सिर को काट डाला।

श्लोक 53 (shiva.shatarudra.8.53)

यदङ्गमपराध्नोति कार्यं तस्यैव शासनम् । अतो येन कृता निन्दा तच्छिन्नं पञ्चमं शिरः

yadaṅgamaparādhnoti kāryaṁ tasyaiva śāsanam ato yena kṛtā nindā tacchinnaṁ pañcamaṁ śiraḥ

जो अंग अपराध करता है, उसी का दण्ड होना चाहिए; अतः जिस पंचम सिर ने निन्दा की थी, वही काटा गया।

श्लोक 54 (shiva.shatarudra.8.54)

अथ छिन्नं विधिशिरो दृष्ट्वा भीततरो हरिः । शातरुद्रियमन्त्रैश्च भक्त्या तुष्टाव शङ्करम्

atha chinnaṁ vidhiśiro dṛṣṭvā bhītataro hariḥ śātarudriyamantraiśca bhaktyā tuṣṭāva śaṅkaram

तब विधाता के कटे हुए सिर को देखकर अत्यन्त भयभीत हरि ने शतरुद्रिय मन्त्रों से भक्तिपूर्वक शंकर की स्तुति की।

श्लोक 55 (shiva.shatarudra.8.55)

भीतो हिरण्यगर्भोऽपि जजाप शतरुद्रियम् । इत्थं तौ गतगर्वौ हि सञ्जातौ तत्क्षणान्मुने

bhīto hiraṇyagarbho’pi jajāpa śatarudriyam itthaṁ tau gatagarvau hi sañjātau tatkṣaṇānmune

भयभीत हिरण्यगर्भ (ब्रह्मा) ने भी शतरुद्रिय का जप किया; इस प्रकार, हे मुने! वे दोनों उसी क्षण गर्वरहित हो गए।

श्लोक 56 (shiva.shatarudra.8.56)

परब्रह्म शिवः साक्षात्सच्चिदानन्दलक्षणः । परमात्मा गुणातीत इति ज्ञानमवापतुः

parabrahma śivaḥ sākṣātsaccidānandalakṣaṇaḥ paramātmā guṇātīta iti jñānamavāpatuḥ

"शिव ही साक्षात् परब्रह्म हैं, सच्चिदानन्द स्वरूप, परमात्मा, गुणातीत हैं" — इस प्रकार का ज्ञान उन दोनों को प्राप्त हुआ।

श्लोक 57 (shiva.shatarudra.8.57)

सनत्कुमार सर्वज्ञ शृणु मे परमं शुभम् । यावद्गर्वो भवेत्तावज्ज्ञानगुप्तिर्विशेषतः

sanatkumāra sarvajña śṛṇu me paramaṁ śubham yāvadgarvo bhavettāvajjñānaguptirviśeṣataḥ

हे सर्वज्ञ सनत्कुमार! मेरे इस परम शुभ वचन को सुनो — जब तक गर्व रहता है, तब तक विशेष रूप से ज्ञान छिपा रहता है।

श्लोक 58 (shiva.shatarudra.8.58)

त्यक्त्वाभिमानं पुरुषो जानाति परमेश्वरम् । गर्विणं हन्ति विश्वेशो जातो गर्वापहारकः

tyaktvābhimānaṁ puruṣo jānāti parameśvaram garviṇaṁ hanti viśveśo jāto garvāpahārakaḥ

अभिमान त्यागकर ही मनुष्य परमेश्वर को जानता है; विश्वेश गर्वी पुरुष का नाश करते हैं, क्योंकि वे गर्वापहारक के रूप में प्रकट हुए हैं।

श्लोक 59 (shiva.shatarudra.8.59)

अथ विष्णुविधी ज्ञात्वा विगर्वौ परमेश्वरः । प्रसन्नोऽभून्महादेवोऽकरोत्तावभयौ प्रभुः

atha viṣṇuvidhī jñātvā vigarvau parameśvaraḥ prasanno’bhūnmahādevo’karottāvabhayau prabhuḥ

तब विष्णु और विधि को गर्वरहित जानकर, परमेश्वर महादेव प्रसन्न हुए, और प्रभु ने उन दोनों को अभयदान दिया।

श्लोक 60 (shiva.shatarudra.8.60)

आश्वास्य तौ महादेवः प्रीतः प्रणतवत्सलः । प्राह स्वां मूर्तिमपरां भैरवन्तं कपर्द्दिनम्

āśvāsya tau mahādevaḥ prītaḥ praṇatavatsalaḥ prāha svāṁ mūrtimaparāṁ bhairavantaṁ kaparddinam

प्रणत-वत्सल महादेव ने प्रसन्न होकर उन दोनों को आश्वस्त किया, और अपनी उस अन्य मूर्ति, जटाधारी भैरव से कहा।

श्लोक 61 (shiva.shatarudra.8.61)

महादेव उवाच । त्वया मान्यो विष्णुरसौ तथा शतधृतिः स्वयम् । कपालं वैधसं वापि नीललोहित धारय

mahādeva uvāca tvayā mānyo viṣṇurasau tathā śatadhṛtiḥ svayam kapālaṁ vaidhasaṁ vāpi nīlalohita dhāraya

महादेव ने कहा — हे नीललोहित! तुम्हें यह विष्णु सम्माननीय है, और स्वयं शतधृति (ब्रह्मा) भी; उस विधाता की खोपड़ी को धारण करो।

श्लोक 62 (shiva.shatarudra.8.62)

ब्रह्महत्यापनोदाय व्रतं लोकाय दर्शय । चर त्वं सततं भिक्षां कपालव्रतमाश्रितः

brahmahatyāpanodāya vrataṁ lokāya darśaya cara tvaṁ satataṁ bhikṣāṁ kapālavratamāśritaḥ

ब्रह्महत्या के निवारण के लिए लोक को व्रत दिखाओ; कपालव्रत का आश्रय लेकर तुम सतत भिक्षाटन करो।

श्लोक 63 (shiva.shatarudra.8.63)

इत्युक्त्वा पश्यतस्तस्य तेजोरूपः शिवोऽब्रवीत् । उत्पाद्य चैकां कन्यां तु ब्रह्महत्याभिविश्रुताम्

ityuktvā paśyatastasya tejorūpaḥ śivo’bravīt utpādya caikāṁ kanyāṁ tu brahmahatyābhiviśrutām

यह कहकर, तेजस्वरूप शिव ने उसके देखते-देखते एक कन्या को उत्पन्न किया, जो "ब्रह्महत्या" के नाम से प्रसिद्ध थी।

श्लोक 64 (shiva.shatarudra.8.64)

यावद्वाराणसीं दिव्यां पुरीमेषां गमिष्यति । तावत्त्वं भीषणं कालमनुगच्छोग्ररूपिणम्

yāvadvārāṇasīṁ divyāṁ purīmeṣāṁ gamiṣyati tāvattvaṁ bhīṣaṇaṁ kālamanugacchograrūpiṇam

जब तक यह दिव्य वाराणसी नगरी को प्राप्त नहीं होती, तब तक तुम, हे उग्ररूप! इस भीषण काल तक इसका अनुगमन करो।

श्लोक 65 (shiva.shatarudra.8.65)

सर्वत्र ते प्रवेशोऽस्ति त्यक्त्वा वाराणसीं पुरीम् । वाराणसीं यदा गच्छेत्तन्मुक्तो भव तत्क्षणात्

sarvatra te praveśo’sti tyaktvā vārāṇasīṁ purīm vārāṇasīṁ yadā gacchettanmukto bhava tatkṣaṇāt

वाराणसी नगरी को छोड़कर तुम्हारा प्रवेश सर्वत्र है; जब वह वाराणसी पहुँचे, तब तत्क्षण तुम मुक्त हो जाना।

श्लोक 66 (shiva.shatarudra.8.66)

नन्दीश्वर उवाच । नियोज्य तामिति तदा ब्रह्महत्यां च तां प्रभुः । महाद्भुतश्च स शिवोऽप्यन्तर्धानमगात्ततः

nandīśvara uvāca niyojya tāmiti tadā brahmahatyāṁ ca tāṁ prabhuḥ mahādbhutaśca sa śivo’pyantardhānamagāttataḥ

नन्दीश्वर ने कहा — इस प्रकार उस ब्रह्महत्या को नियुक्त करके, महाअद्भुत शिव भी वहाँ से अन्तर्धान हो गए।