बटुक की उत्पत्ति

श्लोक 1 (shiva.kotirudra.13.1)

सूत उवाच । यथाभवल्लिङ्गरूपः सम्पूज्यस्त्रिभवे शिवः । तथोक्तं वा द्विजाः प्रीत्या किमन्यच्छ्रोतुमिच्छथ ॥ 13.1 ॥

sūta uvāca yathābhavalliṅgarūpaḥ sampūjyastribhave śivaḥ tathoktaṁ vā dvijāḥ prītyā kimanyacchrotumicchatha

सूत जी ने कहा — हे द्विजो! शिव तीनों लोकों में जिस प्रकार लिंगरूप में पूज्य हुए, वह प्रेमपूर्वक कह दिया गया; अब और क्या सुनना चाहते हो?

श्लोक 2 (shiva.kotirudra.13.2)

ऋषय ऊचुः । अन्धकेश्वरलिङ्गस्य महिमानं वद प्रभो । तथान्यच्छिवलिङ्गानां प्रीत्या वक्तुमिहार्हसि ॥ 13.2 ॥

ṛṣaya ūcuḥ andhakeśvaraliṅgasya mahimānaṁ vada prabho tathānyacchivaliṅgānāṁ prītyā vaktumihārhasi

ऋषियों ने कहा — हे प्रभो! अन्धकेश्वर लिंग की महिमा कहिए; तथा अन्य शिवलिंगों के विषय में भी प्रेमपूर्वक कहने की कृपा करें।

श्लोक 3 (shiva.kotirudra.13.3)

सूत उवाच । पुराब्धिगर्तमाश्रित्य वसन् दैत्योऽन्धकासुरः । स्ववशं कारयामास त्रैलोक्यं सुरसूदनः ॥ 13.3 ॥

sūta uvāca purābdhigartamāśritya vasan daityo’ndhakāsuraḥ svavaśaṁ kārayāmāsa trailokyaṁ surasūdanaḥ

सूत जी ने कहा — प्राचीन काल में समुद्र के निकट एक गुफा में रहने वाला अन्धकासुर नामक दैत्य, जो देवताओं का संहारक था, तीनों लोकों को अपने अधीन कर लेता है।

श्लोक 4 (shiva.kotirudra.13.4)

तस्माद्गर्ताच्च निःसृत्य पीडयित्वा पुनः प्रजाः । प्राविशच्च तदा दैत्यस्तं गर्तं सुपराक्रमः ॥ 13.4 ॥

tasmādgartācca niḥsṛtya pīḍayitvā punaḥ prajāḥ prāviśacca tadā daityastaṁ gartaṁ suparākramaḥ

उस गुफा से निकलकर, प्रजा को पुनः पीड़ित करके, वह अत्यंत पराक्रमी दैत्य फिर उसी गुफा में प्रवेश कर जाता था।

श्लोक 5 (shiva.kotirudra.13.5)

देवाश्च दुःखिताः सर्वे शिवं प्रार्थ्य पुनःपुनः । सर्वं निवेदयामासुः स्वदुःखं च मुनीश्वराः ॥ 13.5 ॥

devāśca duḥkhitāḥ sarve śivaṁ prārthya punaḥpunaḥ sarvaṁ nivedayāmāsuḥ svaduḥkhaṁ ca munīśvarāḥ

हे मुनीश्वरो! सभी दुःखित देवगण बार-बार शिव से प्रार्थना करते हुए अपना समस्त दुःख उन्हें निवेदित करने लगे।

श्लोक 6 (shiva.kotirudra.13.6)

सूत उवाच । तदाकर्ण्य वचस्तेषां देवानां परमेश्वरः । प्रत्युवाच प्रसन्नात्मा दुष्टहन्ता सतां गतिः ॥ 13.6 ॥

sūta uvāca tadākarṇya vacasteṣāṁ devānāṁ parameśvaraḥ pratyuvāca prasannātmā duṣṭahantā satāṁ gatiḥ

सूत जी ने कहा — उनकी बात सुनकर, प्रसन्नचित्त, दुष्टों के संहारक, सज्जनों की शरण परमेश्वर ने उन देवताओं को उत्तर दिया।

श्लोक 7 (shiva.kotirudra.13.7)

शिव उवाच । घातयिष्यामि तं दैत्यमन्धकं सुरसूदनम् । सैन्यं च नीयतान्देवा ह्यायामि च गणैः सह ॥ 13.7 ॥

śiva uvāca ghātayiṣyāmi taṁ daityamandhakaṁ surasūdanam sainyaṁ ca nīyatāndevā hyāyāmi ca gaṇaiḥ saha

शिव ने कहा — मैं उस देवसंहारक अन्धक दैत्य का वध करूँगा। हे देवो! सेना को यहाँ लाओ; मैं भी अपने गणों सहित आता हूँ।

श्लोक 8 (shiva.kotirudra.13.8)

तस्माद्गर्तादन्धके हि देवर्षिद्रुहि भीकरे । निःसृते च तदा तस्मिन्देवा गर्तमुपाश्रिताः ॥ 13.8 ॥

tasmādgartādandhake hi devarṣidruhi bhīkare niḥsṛte ca tadā tasmindevā gartamupāśritāḥ

जब वह गुफा से निकला — देवताओं और ऋषियों का शत्रु, वह भयंकर अन्धक — तब देवगण उस गुफा के चारों ओर घेरा डालकर खड़े हो गए।

श्लोक 9 (shiva.kotirudra.13.9)

दैत्याश्च देवताश्चैव युद्धं चक्रुः सुदारुणम् । शिवानुग्रहतो देवाः प्रबलाश्चाभवँस्तदा ॥ 13.9 ॥

daityāśca devatāścaiva yuddhaṁ cakruḥ sudāruṇam śivānugrahato devāḥ prabalāścābhava~stadā

दैत्यों और देवताओं के बीच अत्यंत भीषण युद्ध हुआ; शिव के अनुग्रह से देवगण उसमें बलशाली हो गए।

श्लोक 10 (shiva.kotirudra.13.10)

देवैश्च पीडितः सोऽपि यावद्गर्तमुपागतः । तावच्छूलेन सम्प्रोतः शिवेन परमात्मना ॥ 13.10 ॥

devaiśca pīḍitaḥ so’pi yāvadgartamupāgataḥ tāvacchūlena samprotaḥ śivena paramātmanā

देवताओं द्वारा पीड़ित वह जैसे ही गुफा के निकट पहुँचा, वैसे ही परमात्मा शिव ने उसे त्रिशूल से बींध दिया।

श्लोक 11 (shiva.kotirudra.13.11)

तत्रत्यश्च तदा शम्भुं ध्यात्वा सम्प्रार्थयत्तदा । अन्तकाले च त्वां दृष्ट्वा तादृशो भवति क्षणात् ॥ 13.11 ॥

tatratyaśca tadā śambhuṁ dhyātvā samprārthayattadā antakāle ca tvāṁ dṛṣṭvā tādṛśo bhavati kṣaṇāt

वहीं टँगा हुआ वह शम्भु का ध्यान करते हुए यह प्रार्थना करने लगा — "मृत्यु के समय आपका दर्शन करने वाला क्षणभर में आप ही के समान हो जाता है।"

श्लोक 12 (shiva.kotirudra.13.12)

इत्येवं संस्तुतः सोऽपि प्रसन्नः शङ्करस्तदा । उवाच वचनं तत्र वरं ब्रूहि ददामि ते ॥ 13.12 ॥

ityevaṁ saṁstutaḥ so’pi prasannaḥ śaṅkarastadā uvāca vacanaṁ tatra varaṁ brūhi dadāmi te

इस प्रकार स्तुति किए जाने पर शंकर भी प्रसन्न हुए और वहाँ यह वचन बोले — "वर माँगो, मैं तुम्हें देता हूँ।"

श्लोक 13 (shiva.kotirudra.13.13)

इत्येवं वचनं श्रुत्वा स दैत्यः पुनरब्रवीत् । सुप्रणम्य शिवं स्तुत्वा सत्त्वभावमुपाश्रितः ॥ 13.13 ॥

ityevaṁ vacanaṁ śrutvā sa daityaḥ punarabravīt supraṇamya śivaṁ stutvā sattvabhāvamupāśritaḥ

यह वचन सुनकर, शिव को भलीभाँति प्रणाम कर, स्तुति करके, सात्त्विक भाव को प्राप्त हुआ वह दैत्य पुनः बोला।

श्लोक 14 (shiva.kotirudra.13.14)

अन्धक उवाच । यदि प्रसन्नो देवेश स्वभक्तिं देहि मे शुभाम् । कृपां कृत्वा विशेषेण संस्थितो भव चेह वै ॥ 13.14 ॥

andhaka uvāca yadi prasanno deveśa svabhaktiṁ dehi me śubhām kṛpāṁ kṛtvā viśeṣeṇa saṁsthito bhava ceha vai

अन्धक ने कहा — हे देवेश! यदि प्रसन्न हैं तो मुझे अपनी शुभ भक्ति प्रदान करें; और विशेष कृपा करके यहीं इस स्थान पर सदा के लिए स्थित हो जाएँ।

श्लोक 15 (shiva.kotirudra.13.15)

सूत उवाच । इत्युक्तस्तेन दैत्यं तं तद्गर्ते चाक्षिपद्धरः । स्वयं तत्र स्थितो लिङ्गरूपोऽसौ लोककाम्यया ॥ 13.15 ॥

sūta uvāca ityuktastena daityaṁ taṁ tadgarte cākṣipaddharaḥ svayaṁ tatra sthito liṅgarūpo’sau lokakāmyayā

सूत जी ने कहा — उसके ऐसा कहने पर हर ने उस दैत्य को उसी गुफा में डाल दिया, और स्वयं लोकहित की कामना से वहाँ लिंगरूप में स्थित हो गए।

श्लोक 16 (shiva.kotirudra.13.16)

अन्धकेशं च तल्लिङ्गं नित्यं यः पूजयेन्नरः । षण्मासाज्जायते तस्य वाञ्छासिद्धिर्न संशयः ॥ 13.16 ॥

andhakeśaṁ ca talliṅgaṁ nityaṁ yaḥ pūjayennaraḥ ṣaṇmāsājjāyate tasya vāñchāsiddhirna saṁśayaḥ

जो मनुष्य उस अन्धकेश लिंग की नित्य पूजा करता है, उसकी अभीष्ट कामना छह मास में ही सिद्ध हो जाती है, इसमें संशय नहीं।

श्लोक 17 (shiva.kotirudra.13.17)

वृत्त्यर्थं पूजयेल्लिङ्गं लोकस्य हितकारकम् । षण्मासं यो द्विजश्चैव स वै देवलकः स्मृतः ॥ 13.17 ॥

vṛttyarthaṁ pūjayelliṅgaṁ lokasya hitakārakam ṣaṇmāsaṁ yo dvijaścaiva sa vai devalakaḥ smṛtaḥ

जो द्विज लोकहितकारी उस लिंग की छह मास तक अपनी जीविका के लिए पूजा करता है, वह "देवलक" कहलाता है।

श्लोक 18 (shiva.kotirudra.13.18)

यथा देवलकश्चैव स भवेदिह वै तदा । देवलकश्च यः प्रोक्तो नाधिकारो द्विजस्य हि ॥ 13.18 ॥

yathā devalakaścaiva sa bhavediha vai tadā devalakaśca yaḥ prokto nādhikāro dvijasya hi

जैसे ही वह इस प्रकार देवलक बन जाता है, तब देवलक कहलाए जाने वाले उस व्यक्ति को सामान्य ब्राह्मण का अधिकार नहीं रहता।

श्लोक 19 (shiva.kotirudra.13.19)

॥ ऋषय ऊचुः ॥ देवलकश्च कः प्रोक्तः किं कार्यं तस्य विद्यते । तत्त्वं वद महाप्राज्ञ लोकानां हितहेतवे ॥ 13.19 ॥

ṛṣaya ūcuḥ devalakaśca kaḥ proktaḥ kiṁ kāryaṁ tasya vidyate tattvaṁ vada mahāprājña lokānāṁ hitahetave

ऋषियों ने कहा — देवलक किसे कहते हैं और उसका क्या कार्य होता है? हे महाप्राज्ञ! लोकहित के लिए वह तत्त्व हमें बताइए।

श्लोक 20 (shiva.kotirudra.13.20)

सूत उवाच । दधीचिर्नाम विप्रो यो धर्मिष्ठो वेदपारगः । शिवभक्तिरतो नित्यं शिवशास्त्रपरायणः ॥ 13.20 ॥

sūta uvāca dadhīcirnāma vipro yo dharmiṣṭho vedapāragaḥ śivabhaktirato nityaṁ śivaśāstraparāyaṇaḥ

सूत जी ने कहा — दधीचि नामक एक ब्राह्मण था, जो धर्मपरायण, वेदपारगामी, नित्य शिवभक्ति में रत और शिवशास्त्र में तल्लीन था।

श्लोक 21 (shiva.kotirudra.13.21)

तस्य पुत्रस्तथा ह्यासीत्स्मृतो नाम्ना सुदर्शनः । तस्य भार्या दुकूला च नाम्ना दुष्टकुलोद्भवा ॥ 13.21 ॥

tasya putrastathā hyāsītsmṛto nāmnā sudarśanaḥ tasya bhāryā dukūlā ca nāmnā duṣṭakulodbhavā

उसका पुत्र सुदर्शन नाम से विख्यात था; उसकी पत्नी का नाम दुकूला था, जो एक दुष्ट कुल में उत्पन्न हुई थी।

श्लोक 22 (shiva.kotirudra.13.22)

तद्वशे स च भर्तासीत्तस्य पुत्रचतुष्टयम् । सोऽपि नित्यं शिवस्यैव पूजां च स्म करोत्यसौ ॥ 13.22 ॥

tadvaśe sa ca bhartāsīttasya putracatuṣṭayam so’pi nityaṁ śivasyaiva pūjāṁ ca sma karotyasau

पति उसके वश में रहता था; उनके चार पुत्र थे। फिर भी वह सदा शिव की ही पूजा करता था।

श्लोक 23 (shiva.kotirudra.13.23)

दधीचेस्तु तदा ह्यासीद् ग्रामान्तरनिवेशनम् । ज्ञातिसंयोगतश्चैव ज्ञातिभिर्न स मोचितः ॥ 13.23 ॥

dadhīcestu tadā hyāsīd grāmāntaraniveśanam jñātisaṁyogataścaiva jñātibhirna sa mocitaḥ

उस समय दधीचि को किसी अन्य गाँव में जाकर बसना पड़ा, क्योंकि सम्बन्धियों के कारण वह उनसे मुक्त नहीं हो पा रहा था।

श्लोक 24 (shiva.kotirudra.13.24)

कथयित्वा च पुत्रं स शिवभक्तिरतो भव । इत्युक्त्वा स गतो मुक्तो दधीचिः शैवसत्तमः ॥ 13.24 ॥

kathayitvā ca putraṁ sa śivabhaktirato bhava ityuktvā sa gato mukto dadhīciḥ śaivasattamaḥ

अपने पुत्र को "तुम शिवभक्ति में सदा रत रहना" ऐसा कहकर, शैवश्रेष्ठ दधीचि वहाँ से मुक्त होकर चला गया।

श्लोक 25 (shiva.kotirudra.13.25)

सुदर्शनस्तत्पुत्रोऽपि शिवपूजां चकार ह । एवं चिरतरः कालो व्यतीयाय मुनीश्वराः ॥ 13.25 ॥

sudarśanastatputro’pi śivapūjāṁ cakāra ha evaṁ cirataraḥ kālo vyatīyāya munīśvarāḥ

हे मुनीश्वरो! उसका पुत्र सुदर्शन भी शिवपूजा करता रहा। इस प्रकार बहुत समय बीत गया।

श्लोक 26 (shiva.kotirudra.13.26)

एवं च शिवरात्रिश्च समायाता कदाचन । तस्यां चोपोषिताः सर्वे स्वयं संयोगतस्तदा ॥ 13.26 ॥

evaṁ ca śivarātriśca samāyātā kadācana tasyāṁ copoṣitāḥ sarve svayaṁ saṁyogatastadā

तब एक बार शिवरात्रि आई; उस दिन संयोगवश स्वयं सभी लोगों ने उपवास किया।

श्लोक 27 (shiva.kotirudra.13.27)

पूजां कृत्वा गतः सोऽपि सुदर्शन इति स्मृतः । स्त्रीसङ्गं शिवरात्रौ तु कृत्वा पुनरिहागतः ॥ 13.27 ॥

pūjāṁ kṛtvā gataḥ so’pi sudarśana iti smṛtaḥ strīsaṅgaṁ śivarātrau tu kṛtvā punarihāgataḥ

पूजा करके वह सुदर्शन भी चला गया था — किन्तु शिवरात्रि की उसी रात्रि में स्त्री-संगम करके वह पुनः यहाँ लौट आया।

श्लोक 28 (shiva.kotirudra.13.28)

न स्नानं तेन च कृतं तद्रात्र्यां शिवपूजनम् । तेन तत्कर्मपाकेन क्रुद्धः प्रोवाच शङ्करः ॥ 13.28 ॥

na snānaṁ tena ca kṛtaṁ tadrātryāṁ śivapūjanam tena tatkarmapākena kruddhaḥ provāca śaṅkaraḥ

उसने स्नान नहीं किया और फिर भी उसी रात्रि में शिवपूजन किया; उसी कर्म के परिपाक से क्रोधित होकर शंकर ने कहा।

श्लोक 29 (shiva.kotirudra.13.29)

महेश्वर उवाच । शिवरात्र्यां त्वया दुष्ट सेवनं च स्त्रियाः कृतम् । अस्नातेन मदीया च कृता पूजाविवेकिना ॥ 13.29 ॥

maheśvara uvāca śivarātryāṁ tvayā duṣṭa sevanaṁ ca striyāḥ kṛtam asnātena madīyā ca kṛtā pūjāvivekinā

महेश्वर ने कहा — हे दुष्ट! तूने शिवरात्रि की रात्रि में स्त्री-सेवन किया, और बिना स्नान किए, विवेकहीन होकर मेरी पूजा कर डाली।

श्लोक 30 (shiva.kotirudra.13.30)

ज्ञात्वा चैवं कृतं यस्मात्तस्मात्त्वं जडतां व्रज । ममास्पृश्यो भव त्वं च दूरतो दर्शनं कुरु ॥ 13.30 ॥

jñātvā caivaṁ kṛtaṁ yasmāttasmāttvaṁ jaḍatāṁ vraja mamāspṛśyo bhava tvaṁ ca dūrato darśanaṁ kuru

जानते हुए भी तूने ऐसा किया है, अतः तू जड़ता को प्राप्त हो जा; तू मेरे लिए अस्पृश्य हो, और दूर से ही मेरा दर्शन करना।

श्लोक 31 (shiva.kotirudra.13.31)

सूत उवाच । इति शप्तो महेशेन दाधीचिः स सुदर्शनः । जडत्वं प्राप्तवान्सद्यः शिवमायाविमोहितः ॥ 13.31 ॥

sūta uvāca iti śapto maheśena dādhīciḥ sa sudarśanaḥ jaḍatvaṁ prāptavānsadyaḥ śivamāyāvimohitaḥ

सूत जी ने कहा — इस प्रकार महेश द्वारा शापित होकर, शिव की माया से मोहित वह दधीचि-पुत्र सुदर्शन तत्काल जड़ता को प्राप्त हो गया।

श्लोक 32 (shiva.kotirudra.13.32)

एतस्मिन्समये विप्रा दधीचिः शैवसत्तमः । ग्रामान्तरात्समायातो वृत्तान्तं श्रुतवाँश्च सः ॥ 13.32 ॥

etasminsamaye viprā dadhīciḥ śaivasattamaḥ grāmāntarātsamāyāto vṛttāntaṁ śrutavā~śca saḥ

हे द्विजो! उसी समय शैवश्रेष्ठ दधीचि दूसरे गाँव से लौट आया, और उसने यह वृत्तान्त सुना।

श्लोक 33 (shiva.kotirudra.13.33)

शिवेन भर्त्सितः सोऽपि दुःखितोऽभूदतीव हि । रुरोद हा हतोऽस्मीति दुःखेन सुतकर्मणा ॥ 13.33 ॥

śivena bhartsitaḥ so’pi duḥkhito’bhūdatīva hi ruroda hā hato’smīti duḥkhena sutakarmaṇā

शिव द्वारा भर्त्सित होने की बात जानकर वह भी अत्यंत दुःखी हुआ; पुत्र के इस कर्म से दुःखित होकर वह "हाय, मैं नष्ट हो गया!" कहकर रो पड़ा।

श्लोक 34 (shiva.kotirudra.13.34)

पुनःपुनरुवाचेति स दधीचिः सतां मतः । अनेनेदं कुपुत्रेण हतं मे कुलमुत्तमम् ॥ 13.34 ॥

punaḥpunaruvāceti sa dadhīciḥ satāṁ mataḥ anenedaṁ kuputreṇa hataṁ me kulamuttamam

सज्जनों द्वारा सम्मानित वह दधीचि बार-बार यही कहता रहा — "इस कुपुत्र ने मेरे उत्तम कुल का नाश कर दिया।"

श्लोक 35 (shiva.kotirudra.13.35)

स पुत्रोऽपि हतो भार्यां पुंश्चलीमुक्तवान्द्रुतम् । पश्चात्तापमनुप्राप्य स्वपित्रा परिभर्त्सितः ॥ 13.35 ॥

sa putro’pi hato bhāryāṁ puṁścalīmuktavāndrutam paścāttāpamanuprāpya svapitrā paribhartsitaḥ

वह पीड़ित पुत्र भी शीघ्र ही अपनी कुलटा पत्नी को त्याग देता है; पश्चाताप करते हुए और अपने पिता द्वारा भी भर्त्सित होकर —

श्लोक 36 (shiva.kotirudra.13.36)

तत्पित्रा गिरिजा तत्र पूजिता विधिभिर्वरैः । सुयत्नतो महाभक्त्या स्वपुत्रसुखहेतवे ॥ 13.36 ॥

tatpitrā girijā tatra pūjitā vidhibhirvaraiḥ suyatnato mahābhaktyā svaputrasukhahetave

— उसके पिता ने अपने पुत्र के सुख की कामना से वहाँ उत्तम विधियों द्वारा, अत्यंत प्रयासपूर्वक और महाभक्ति के साथ गिरिजा की पूजा की।

श्लोक 37 (shiva.kotirudra.13.37)

सुदर्शनोऽपि गिरिजां पूजयामास च स्वयम् । चण्डीपूजनमार्गेण महाभक्त्या शुभैः स्तवैः ॥ 13.37 ॥

sudarśano’pi girijāṁ pūjayāmāsa ca svayam caṇḍīpūjanamārgeṇa mahābhaktyā śubhaiḥ stavaiḥ

सुदर्शन ने भी स्वयं चण्डी-पूजा की विधि से, महाभक्ति और शुभ स्तोत्रों के साथ गिरिजा की आराधना की।

श्लोक 38 (shiva.kotirudra.13.38)

एवं तौ पितृपुत्रौ हि नानोपायैः सुभक्तितः । प्रसन्नां चक्रतुर्देवीं गिरिजां भक्तवत्सलाम् ॥ 13.38 ॥

evaṁ tau pitṛputrau hi nānopāyaiḥ subhaktitaḥ prasannāṁ cakraturdevīṁ girijāṁ bhaktavatsalām

इस प्रकार वे पिता-पुत्र दोनों अनेक उपायों और सच्ची भक्ति से भक्तवत्सला देवी गिरिजा को प्रसन्न करने लगे।

श्लोक 39 (shiva.kotirudra.13.39)

तयोः सेवाप्रभावेण प्रसन्ना चण्डिका तदा । सुदर्शनं च पुत्रत्वे चकार गिरिजा मुने ॥ 13.39 ॥

tayoḥ sevāprabhāveṇa prasannā caṇḍikā tadā sudarśanaṁ ca putratve cakāra girijā mune

हे मुने! उन दोनों की सेवा के प्रभाव से चण्डिका प्रसन्न हुईं, और गिरिजा ने सुदर्शन को पुत्रत्व में स्वीकार कर लिया।

श्लोक 40 (shiva.kotirudra.13.40)

शिवं प्रसादयामास पुत्रार्थे चण्डिका स्वयम् । क्रुद्धाक्रुद्धा पुनश्चण्डी तत्पुत्रस्य प्रसन्नधीः ॥ 13.40 ॥

śivaṁ prasādayāmāsa putrārthe caṇḍikā svayam kruddhākruddhā punaścaṇḍī tatputrasya prasannadhīḥ

चण्डिका ने स्वयं अपने नवीन पुत्र के लिए शिव को प्रसन्न करने का प्रयास किया; कभी क्रुद्ध, कभी शान्त होती हुई चण्डी अंततः अपने पुत्र के प्रति प्रसन्नचित्त हो गईं।

श्लोक 41 (shiva.kotirudra.13.41)

अथाज्ञाय प्रसन्नं तं महेशं वृषभध्वजम् ॥ नमस्कृत्य स्वयं तस्य ह्युत्सङ्गे तं न्यवेशयत् ॥ 13.41 ॥

athājñāya prasannaṁ taṁ maheśaṁ vṛṣabhadhvajam namaskṛtya svayaṁ tasya hyutsaṅge taṁ nyaveśayat

तब वृषभध्वज महेश को प्रसन्न जानकर, उन्हें प्रणाम कर, स्वयं देवी ने सुदर्शन को उनकी गोद में बिठा दिया।

श्लोक 42 (shiva.kotirudra.13.42)

घृतस्नानं तश्चक्रे पुत्रस्य गिरिजा स्वयम् । त्रिरावृत्तोपवीतं च ग्रन्थिनैकेन संयुतम् ॥ 13.42 ॥

ghṛtasnānaṁ taścakre putrasya girijā svayam trirāvṛttopavītaṁ ca granthinaikena saṁyutam

गिरिजा ने स्वयं अपने पुत्र का घृत-स्नान कराया, और उसे एक ग्रंथि से युक्त, तीन बार लपेटा हुआ यज्ञोपवीत धारण कराया।

श्लोक 43 (shiva.kotirudra.13.43)

सुदर्शनाय पुत्राय ददौ प्रीत्या तदाम्बिका । उद्दिश्य शिवगायत्रीं षोडशाक्षरसंयुताम् ॥ 13.43 ॥

sudarśanāya putrāya dadau prītyā tadāmbikā uddiśya śivagāyatrīṁ ṣoḍaśākṣarasaṁyutām

तब अम्बिका ने प्रेमपूर्वक अपने पुत्र सुदर्शन को षोडशाक्षर शिवगायत्री का उपदेश देते हुए प्रदान किया।

श्लोक 44 (shiva.kotirudra.13.44)

तदों नमः शिवायेति श्रीशब्दपूर्वकाय च । वारान्षोडश सङ्कल्पपूजां कुर्यादयं बटुः ॥ 13.44 ॥

tadoṁ namaḥ śivāyeti śrīśabdapūrvakāya ca vārānṣoḍaśa saṅkalpapūjāṁ kuryādayaṁ baṭuḥ

तत्पश्चात् "श्री" शब्दपूर्वक "ॐ नमः शिवाय" कहते हुए, यह बटुक सोलह बार संकल्प-पूजा करे।

श्लोक 45 (shiva.kotirudra.13.45)

आस्नानादिप्रणामान्तं पूजयन्वृषभध्वजम् । मन्त्रवादित्रपूजाभिः सर्षीणां सन्निधौ तथा ॥ 13.45 ॥

āsnānādipraṇāmāntaṁ pūjayanvṛṣabhadhvajam mantravāditrapūjābhiḥ sarṣīṇāṁ sannidhau tathā

स्नान से लेकर प्रणाम तक की समस्त विधि से, मंत्र, वाद्य और पूजोपचारों सहित, ऋषियों की उपस्थिति में वृषभध्वज की पूजा करते हुए —

श्लोक 46 (shiva.kotirudra.13.46)

नाममन्त्राननेकांश्च पाठयामास वै तदा । उवाच सुप्रसन्नात्मा चण्डिका च शिवस्तथा ॥ 13.46 ॥

nāmamantrānanekāṁśca pāṭhayāmāsa vai tadā uvāca suprasannātmā caṇḍikā ca śivastathā

— उससे उन्होंने अनेक नाम-मंत्रों का पाठ कराया; और अत्यंत प्रसन्नचित्त चण्डिका तथा शिव दोनों ने कहा।

श्लोक 47 (shiva.kotirudra.13.47)

मदर्पितं च यत्किञ्चिद्धनधान्यादिकं तथा । तत्सर्वं च त्वया ग्राह्यं न दोषाय भविष्यति ॥ 13.47 ॥

madarpitaṁ ca yatkiñciddhanadhānyādikaṁ tathā tatsarvaṁ ca tvayā grāhyaṁ na doṣāya bhaviṣyati

मुझे अर्पित जो कुछ भी धन, धान्य आदि हो, वह सब तुम्हें ग्रहण करने योग्य है; उससे कोई दोष नहीं लगेगा।

श्लोक 48 (shiva.kotirudra.13.48)

मम कृत्ये भवान्मुख्यो देवीकृत्ये विशेषतः । घृततैलादिकं सर्वं त्वया ग्राह्यं मदर्पितम् ॥ 13.48 ॥

mama kṛtye bhavānmukhyo devīkṛtye viśeṣataḥ ghṛtatailādikaṁ sarvaṁ tvayā grāhyaṁ madarpitam

मेरे कार्यों में और विशेषतः देवी के कार्यों में तुम्हीं प्रमुख हो; मुझे अर्पित सभी घी-तेल आदि तुम्हें ही ग्रहण करने चाहिए।

श्लोक 49 (shiva.kotirudra.13.49)

प्राजापत्यं भवेद्यर्हिं तर्ह्येको हि भवान्भवेत् । तदा पूजा च सम्पूर्णान्यथा सर्वा च निष्फला ॥ 13.49 ॥

prājāpatyaṁ bhavedyarhiṁ tarhyeko hi bhavānbhavet tadā pūjā ca sampūrṇānyathā sarvā ca niṣphalā

जब भी प्राजापत्य सामूहिक भोज-अनुष्ठान हो, तब उसमें तुम्हीं अनिवार्य रूप से उपस्थित रहो; तभी पूजा सम्पूर्ण होगी, अन्यथा वह सब निष्फल हो जाएगी।

श्लोक 50 (shiva.kotirudra.13.50)

तिलकं वर्तुलं कार्यं स्नानं कार्यं सदा त्वया । शिवसन्ध्या च कर्तव्या गायत्री च तदीयका ॥ 13.50 ॥

tilakaṁ vartulaṁ kāryaṁ snānaṁ kāryaṁ sadā tvayā śivasandhyā ca kartavyā gāyatrī ca tadīyakā

तुम्हें सदा गोल तिलक धारण करना चाहिए और सदा स्नान करना चाहिए; शिव-संध्या और उसकी गायत्री का नित्य पाठ करना चाहिए।

श्लोक 51 (shiva.kotirudra.13.51)

मत्सेवां प्रथमं कृत्वा कार्यमन्यत्कुलोचितम् । एवं कृतेऽखिले भद्रं दोषाः क्षान्ता मया तव ॥ 13.51 ॥

matsevāṁ prathamaṁ kṛtvā kāryamanyatkulocitam evaṁ kṛte’khile bhadraṁ doṣāḥ kṣāntā mayā tava

पहले मेरी सेवा करके ही अन्य कुलोचित कार्य करना; ऐसा करने से सब कल्याण होगा — तुम्हारे दोष मेरे द्वारा क्षमा कर दिए गए हैं।

श्लोक 52 (shiva.kotirudra.13.52)

सूत उवाच । इत्युक्त्वा तस्य पुत्राश्च चत्वारो बटुकास्तदा । अभिषिक्ताश्चतुर्दिक्षु शिवेन परमात्मना ॥ 13.52 ॥

sūta uvāca ityuktvā tasya putrāśca catvāro baṭukāstadā abhiṣiktāścaturdikṣu śivena paramātmanā

सूत जी ने कहा — यह कहकर, उसके चारों पुत्र बटुकों के रूप में परमात्मा शिव द्वारा चारों दिशाओं में अभिषिक्त किए गए।

श्लोक 53 (shiva.kotirudra.13.53)

चण्डी चैवात्मनिकटे पुत्रं स्थाप्य सुदर्शनम् । तत्पुत्रान्प्रेरयामास वरान्दत्त्वा ह्यनेकशः ॥ 13.53 ॥

caṇḍī caivātmanikaṭe putraṁ sthāpya sudarśanam tatputrānprerayāmāsa varāndattvā hyanekaśaḥ

और चण्डी ने अपने पुत्र सुदर्शन को अपने निकट स्थापित कर, अन्य पुत्रों को अनेक वर देकर विदा किया।

श्लोक 54 (shiva.kotirudra.13.54)

देव्युवाच । उभयोर्व्यूहयोर्मध्ये बटुको यो भवेन्मम । तस्य स्याद्विजयो नित्यं नात्र कार्या विचारणा ॥ 13.54 ॥

devyuvāca ubhayorvyūhayormadhye baṭuko yo bhavenmama tasya syādvijayo nityaṁ nātra kāryā vicāraṇā

देवी ने कहा — दो विरोधी सेनाओं के मध्य जो भी बटुक मेरा होगा, उसकी सदा विजय होगी — इसमें कोई संशय न करना।

श्लोक 55 (shiva.kotirudra.13.55)

भवांश्च पूजितो येन तेनैवाहं प्रपूजिता । कर्तव्यं हि भवद्भिश्च स्वीयं कर्म सदा सुत ॥ 13.55 ॥

bhavāṁśca pūjito yena tenaivāhaṁ prapūjitā kartavyaṁ hi bhavadbhiśca svīyaṁ karma sadā suta

तुम जिसके द्वारा पूजित होगे, उसी के द्वारा मैं भी पूजित हुई मानी जाऊँगी; अतः हे पुत्र! तुम सदा अपना यह कर्तव्य कर्म करते रहना।

श्लोक 56 (shiva.kotirudra.13.56)

सूत उवाच । एवं तस्मै वरा दत्ताः सपुत्राय महात्मने । सुदर्शनाय कृपया शिवाभ्यां जगतां कृते ॥ 13.56 ॥

sūta uvāca evaṁ tasmai varā dattāḥ saputrāya mahātmane sudarśanāya kṛpayā śivābhyāṁ jagatāṁ kṛte

सूत जी ने कहा — इस प्रकार शिव-शिवा दोनों ने जगत के कल्याण हेतु कृपापूर्वक महात्मा सुदर्शन को उसके पुत्रों सहित वर प्रदान किए।

श्लोक 57 (shiva.kotirudra.13.57)

शिवाभ्यां स्थापिता यस्मात्तस्मात्ते बटुकाः स्मृताः । तपोभ्रष्टा यतो जाताः स्मृतास्तस्मात्तपोऽधमाः ॥ 13.57 ॥

śivābhyāṁ sthāpitā yasmāttasmātte baṭukāḥ smṛtāḥ tapobhraṣṭā yato jātāḥ smṛtāstasmāttapo’dhamāḥ

चूँकि वे शिव-शिवा द्वारा स्थापित हुए, अतः वे "बटुक" कहलाए; और चूँकि वे तप-भ्रष्टता से उत्पन्न हुए, अतः वे "तपोऽधम" भी कहलाए।

श्लोक 58 (shiva.kotirudra.13.58)

शिवयोः कृपया सर्वे विस्तारं बहुधा गताः । तेषां च प्रथमा पूजा महापूजा महात्मनः ॥ 13.58 ॥

śivayoḥ kṛpayā sarve vistāraṁ bahudhā gatāḥ teṣāṁ ca prathamā pūjā mahāpūjā mahātmanaḥ

शिव-शिवा की कृपा से वे सभी अत्यधिक विस्तार को प्राप्त हुए; और उन महात्माओं की सर्वप्रथम पूजा ही महापूजा मानी जाती है।

श्लोक 59 (shiva.kotirudra.13.59)

तेन यावत्कृता नैव पूजा वै शङ्करस्य च । तावत्पूजा न कर्त्तव्या कृता चेन्न शुभापि सा ॥ 13.59 ॥

tena yāvatkṛtā naiva pūjā vai śaṅkarasya ca tāvatpūjā na karttavyā kṛtā cenna śubhāpi sā

जब तक उनकी पूजा नहीं की जाती, तब तक शंकर की पूजा नहीं करनी चाहिए; यदि उनकी पूजा के बिना की जाए, तो वह शुभ भी नहीं मानी जाती।

श्लोक 60 (shiva.kotirudra.13.60)

शुभं वाप्यशुभं वापि बटुकं न परित्यजेत् । प्राजापत्ये च भोज्ये वै बटुरेको विशिष्यते ॥ 13.60 ॥

śubhaṁ vāpyaśubhaṁ vāpi baṭukaṁ na parityajet prājāpatye ca bhojye vai baṭureko viśiṣyate

चाहे शुभ अवसर हो या अशुभ, बटुक की कभी उपेक्षा नहीं करनी चाहिए; प्राजापत्य भोज में तो बटुक का ही विशेष महत्त्व है।

श्लोक 61 (shiva.kotirudra.13.61)

शिवयोश्च तथा कार्ये विशेषोऽत्र प्रदृश्यते । तदेव शृणु सुप्राज्ञ यथाहं वच्मि तेऽनघ ॥ 13.61 ॥

śivayośca tathā kārye viśeṣo’tra pradṛśyate tadeva śṛṇu suprājña yathāhaṁ vacmi te’nagha

शिव-शिवा के विषय में भी इसका एक विशेष उदाहरण देखा जाता है; हे सुप्राज्ञ, हे निष्पाप! जैसा मैं कहता हूँ, वैसा ही सुनो।

श्लोक 62 (shiva.kotirudra.13.62)

तस्यैव नगरे राज्ञो भद्रस्य नित्यभोजने । प्राजापत्यस्य नियमे ह्यन्धकेशसमीपतः ॥ 13.62 ॥

tasyaiva nagare rājño bhadrasya nityabhojane prājāpatyasya niyame hyandhakeśasamīpataḥ

उसी राजा भद्र की नगरी में, नित्य भोज में, प्राजापत्य के उस नियम में, अन्धकेश के समीप ही —

श्लोक 63 (shiva.kotirudra.13.63)

यज्जातमद्भुतं वृत्तं शिवानुग्रहकारणात् । श्रूयतां तच्च सुप्रीत्या कथयामि यथाश्रुतम् ॥ 13.63 ॥

yajjātamadbhutaṁ vṛttaṁ śivānugrahakāraṇāt śrūyatāṁ tacca suprītyā kathayāmi yathāśrutam

— शिव के अनुग्रह से जो अद्भुत घटना घटी, उसे प्रसन्नतापूर्वक सुनिए; मैं उसे यथाश्रुत कहता हूँ।

श्लोक 64 (shiva.kotirudra.13.64)

ध्वज एकश्च तद्राज्ञे दत्तस्तुष्टेन शम्भुना । प्रोक्तश्च कृपया राजा देवदेवेन तेन सः ॥ 13.64 ॥

dhvaja ekaśca tadrājñe dattastuṣṭena śambhunā proktaśca kṛpayā rājā devadevena tena saḥ

प्रसन्न होकर शम्भु ने उस राजा को एक ध्वज प्रदान किया; और उस देवाधिदेव ने कृपापूर्वक उस राजा से कहा।

श्लोक 65 (shiva.kotirudra.13.65)

प्रातश्च बध्यतां राजन्ध्वजो रात्रौ पतिष्यति । मम त्वेवं च सम्पूर्णे प्राजापत्ये तथा पुनः ॥ 13.65 ॥

prātaśca badhyatāṁ rājandhvajo rātrau patiṣyati mama tvevaṁ ca sampūrṇe prājāpatye tathā punaḥ

"हे राजन्! प्रातःकाल यह ध्वज बाँधा जाए, यह रात्रि को स्वयं गिर जाएगा — यदि मेरा प्राजापत्य-कर्म भलीभाँति सम्पूर्ण हुआ हो।"

श्लोक 66 (shiva.kotirudra.13.66)

अन्यथायं ध्वजो मे हि रात्रावपि स्थिरो भवेत् । इत्युक्त्वान्तर्हितः शम्भू राज्ञे तुष्टः कृपानिधिः ॥ 13.66 ॥

anyathāyaṁ dhvajo me hi rātrāvapi sthiro bhavet ityuktvāntarhitaḥ śambhū rājñe tuṣṭaḥ kṛpānidhiḥ

"अन्यथा यह मेरा ध्वज रात्रि में भी स्थिर बना रहेगा।" यह कहकर, राजा से प्रसन्न कृपानिधि शम्भु अन्तर्धान हो गए।

श्लोक 67 (shiva.kotirudra.13.67)

तथेति नियमश्चासीत्तस्य राज्ञो महामुने । प्राजापत्यं कृतं नित्यं शिवपूजाविधानतः ॥ 13.67 ॥

tatheti niyamaścāsīttasya rājño mahāmune prājāpatyaṁ kṛtaṁ nityaṁ śivapūjāvidhānataḥ

हे महामुने! उस राजा के लिए इस प्रकार यह नियम था; प्राजापत्य भोज शिवपूजा-विधि के अनुसार नित्य सम्पन्न किया जाता था।

श्लोक 68 (shiva.kotirudra.13.68)

स्वयं प्रातर्विवर्धेत ध्वजः सायं पतेदिति । यदि कार्यं च सम्पूर्णं जातं चैव भवेदिह ॥ 13.68 ॥

svayaṁ prātarvivardheta dhvajaḥ sāyaṁ patediti yadi kāryaṁ ca sampūrṇaṁ jātaṁ caiva bhavediha

यदि यहाँ यह अनुष्ठान भलीभाँति सम्पूर्ण हुआ हो, तो ध्वज प्रातः स्वयं ऊँचा उठता और सायंकाल स्वयं गिर जाता था।

श्लोक 69 (shiva.kotirudra.13.69)

एकस्मिन्समये चात्र बटोः कार्यं पुरा ह्यभूत् । ध्वजः स पतितो वै हि ब्रह्मभोजं विनापि हि ॥ 13.69 ॥

ekasminsamaye cātra baṭoḥ kāryaṁ purā hyabhūt dhvajaḥ sa patito vai hi brahmabhojaṁ vināpi hi

एक बार, इस अवसर पर, बटुक का कार्य पहले सम्पन्न नहीं हुआ था; फिर भी ब्रह्मभोज के बिना ही वह ध्वज गिर गया।

श्लोक 70 (shiva.kotirudra.13.70)

दृष्ट्वा तच्च तदा तत्र पृष्टा राज्ञा च पण्डिताः । भुञ्जते ब्राह्मणा ह्यत्र नोत्थितो वै ध्वजस्त्विति ॥ 13.70 ॥

dṛṣṭvā tacca tadā tatra pṛṣṭā rājñā ca paṇḍitāḥ bhuñjate brāhmaṇā hyatra notthito vai dhvajastviti

यह देखकर राजा ने वहाँ उपस्थित पंडितों से पूछा — "यहाँ ब्राह्मण अभी भोजन कर ही रहे हैं, फिर भी ध्वज ऊपर नहीं उठा — यह कैसे हुआ?"

श्लोक 71 (shiva.kotirudra.13.71)

कथं च पतितः सोऽत्र ब्राह्मणा ब्रूत सत्यतः । ते पृष्टाश्च तदा प्रोचुर्ब्राह्मणाः पण्डितोत्तमाः ॥ 13.71 ॥

kathaṁ ca patitaḥ so’tra brāhmaṇā brūta satyataḥ te pṛṣṭāśca tadā procurbrāhmaṇāḥ paṇḍitottamāḥ

"हे ब्राह्मणो! यह यहाँ कैसे गिर गया? सत्य-सत्य बताओ।" इस प्रकार पूछे जाने पर उन श्रेष्ठ पंडित ब्राह्मणों ने कहा।

श्लोक 72 (shiva.kotirudra.13.72)

ब्रह्मभोजे महाराज बटुको भोजितः पुरा । चण्डीपुत्रः शिवस्तुष्टस्तस्माच्च पतितो ध्वजः ॥ 13.72 ॥

brahmabhoje mahārāja baṭuko bhojitaḥ purā caṇḍīputraḥ śivastuṣṭastasmācca patito dhvajaḥ

"हे महाराज! इस ब्रह्मभोज में पहले ही एक बटुक — चण्डी का पुत्र — भोजन करा दिया गया था; इसी से शिव प्रसन्न हुए, और इसीलिए ध्वज गिर गया।"

श्लोक 73 (shiva.kotirudra.13.73)

तच्छ्रुत्वा नृपतिः सोऽथ जनाश्चान्येऽपि सर्वशः । अभवन्विस्मितास्तत्र प्रशंसां चक्रिरे ततः ॥ 13.73 ॥

tacchrutvā nṛpatiḥ so’tha janāścānye’pi sarvaśaḥ abhavanvismitāstatra praśaṁsāṁ cakrire tataḥ

यह सुनकर वह राजा और वहाँ उपस्थित अन्य सभी लोग भी अत्यंत विस्मित हुए, और तब उन्होंने बटुक की महिमा की प्रशंसा की।

श्लोक 74 (shiva.kotirudra.13.74)

एवं च महिमा तेषां वर्धितः शङ्करेण हि । तस्माच्च बटुकाः श्रेष्ठाः पुराविद्भिः प्रकीर्तिताः ॥ 13.74 ॥

evaṁ ca mahimā teṣāṁ vardhitaḥ śaṅkareṇa hi tasmācca baṭukāḥ śreṣṭhāḥ purāvidbhiḥ prakīrtitāḥ

इस प्रकार शंकर ने ही उनकी महिमा बढ़ाई; इसीलिए पुराणों के ज्ञाताओं ने बटुकों को श्रेष्ठ घोषित किया है।

श्लोक 75 (shiva.kotirudra.13.75)

शिवपूजा तु तैः पूर्वमुत्तार्या नान्यथा पुनः । अन्येषां नाधिकारोऽस्ति शिवस्य वचनादिह ॥ 13.75 ॥

śivapūjā tu taiḥ pūrvamuttāryā nānyathā punaḥ anyeṣāṁ nādhikāro’sti śivasya vacanādiha

शिवपूजा उन्हीं के द्वारा पहले सम्पन्न करानी चाहिए, अन्यथा नहीं; शिव के वचन के अनुसार यहाँ अन्य किसी को यह अधिकार नहीं है।

श्लोक 76 (shiva.kotirudra.13.76)

उत्तारणं च कार्यं वै पूजा पूर्णा भवत्विति । एतावदेव तेषां तु कार्यं नान्यत्तथैव च ॥ 13.76 ॥

uttāraṇaṁ ca kāryaṁ vai pūjā pūrṇā bhavatviti etāvadeva teṣāṁ tu kāryaṁ nānyattathaiva ca

पूजा को पूर्ण करने हेतु यह उत्तारण-कर्म अवश्य करना चाहिए; उनका कार्य बस इतना ही है, इसके अतिरिक्त और कुछ नहीं।

श्लोक 77 (shiva.kotirudra.13.77)

एतत्सर्वं समाख्यातं यत्पृष्टं च मुनीश्वराः । यच्छ्रुत्वा शिवपूजायाः फलं प्राप्नोति वै नरः ॥ 13.77 ॥

etatsarvaṁ samākhyātaṁ yatpṛṣṭaṁ ca munīśvarāḥ yacchrutvā śivapūjāyāḥ phalaṁ prāpnoti vai naraḥ

हे मुनीश्वरो! जो कुछ पूछा गया था, वह सब बता दिया गया; इसे सुनकर मनुष्य निश्चय ही शिवपूजा का फल प्राप्त करता है।